توزيع المكاتب على الموظفين

[collection]

انا هالموضوع واااااايد منرفزني من توظفت
وجاء الوقت اللي الواحد طفح فية الكيل...الا وهو توزيع المكاتب عالبنات او الرجال . تجيك الموظفة اللي لها علاقة بالمدير اورئيس القسم شحلاة مكتبها وشكبرها لكن الباقين لهم اللة..مافي لائحة ادارية تنظم سير عمل توزيع المكاتب..والاولوية للاصحاب الدرجات
..يعني معقولة موظفة درجتها ثالثة مكتب صغير ومعة موظفة ثانية ..وموظفة درجة سادسة وبروحها بالمكتب ..بحكم انة رئيس القسم يعرفها من كثر ماترز الوجة عندة..محتاجين تنظيم عمل توزيع المكاتب والاولوية لاصحاب الدرجات ومن ثم اصحاب الخبرة ومن ثم اصحاب الواسطات مب العكس..حتى المهمات الرسمية يعلقونها على ناس معيينين مافي ترتيب معين ومدروس

[حمد 2002]

ياليت هي جات عالمكاتب بس ، الخافي اعضم وامر

تحياتي لج ،،

[نوار قطر]

يمكن على حسب طبيعة الشغل احنا كنا مجموعة بنات ومعانا مهندسة طلب لها المدير مكتب بروحها بحكم شغلها وطبيعة عملها

[تحداني]

عاد احنه الحين بينقلونه للمبنى الجديد
اما يحطوني في الزاويه وبدون درايش بنتحر من الطابق 20

زين نبهتيني الله يجزيج كل خير ولا انا في هالمكان الي قاعده فيه اقدم وحده تقريبا
واخترت المكتب الي يعجبني لا وبعد ما اتملل منه كنت اغيره على كيفي :)
الحياه راح اتكون معقده الايام الجايه


جملك الله برضاه

[collection]

ياليت هي جات عالمكاتب بس ، الخافي اعضم وامر

تحياتي لج ،،

ادلي بدلوك

[حمد 2002]

بس حبيت اضيف تعليق آخررر

بأن مب مهم المضاهر والبرستيج والمكتب الفخم اهم شيء الشخص الذي جالس على المكتب هو من يفرض احترامه للناس بأسلوبه الراقي سواءا لزملاء العمل او للاشخاص المراجعييين ،،

(( الناس جواهر وليس مضاهر ))

تحياتي لك

[collection]

يمكن على حسب طبيعة الشغل احنا كنا مجموعة بنات ومعانا مهندسة طلب لها المدير مكتب بروحها بحكم شغلها وطبيعة عملها

لا نفس التخصص وانا طبيعة عملي حساسة يفترض لي مكتي بروحي

[collection]

بس حبيت اضيف تعليق آخررر

بأن مب مهم المضاهر والبرستيج والمكتب الفخم اهم شيء الشخص الذي جالس على المكتب هو من يفرض احترامه للناس بأسلوبه الراقي سواءا لزملاء العمل او للاشخاص المراجعييين ،،

(( الناس جواهر وليس مضاهر ))

تحياتي لك



فهمتني غلط..انا شبي بالبرستيج
انا القصد يكون في عدل وانصاف والا تكون موظف من 8 سنوات تكون بمكتب مشترك وصغير جدا جدا جدا والجدد مكتب لحالهم
صراحة ظلم ومالة شغل البرستيج بالسالفة

[زمان]

الشره على المسؤول الأعلى من المدير

خصوصا إذا وصل له شكوى منكم وسكت:secret:



اعتقد أني كوكتها :nice:

[الزعفراني]

المتعارف عليه الأولوية في توزيع المكاتب حسب المناصب .. وعقب الظاهر تدخل الاعتبارات الثانية من حيث الأقدمية ووضع الموظف في إدارته او قسمه ووزنه( مب المادي ولكن المعنوي ههه ) وشخصيته ومكانته عند المسؤول ... إلخ

في ناس يعني تفرض شخصيتها في العمل عند المسؤول من حيث جودة العمل والانضباط وأداء العمل وعلاقته مع الجميع .. لدرجة انها تحرج المسؤول في موضوع توزيع المكاتب لدرجه ان المسؤول من نفسه يعطيه مكتب مستقل وفيه خصوصية له ..

[collection]

عاد احنه الحين بينقلونه للمبنى الجديد
اما يحطوني في الزاويه وبدون درايش بنتحر من الطابق 20

زين نبهتيني الله يجزيج كل خير ولا انا في هالمكان الي قاعده فيه اقدم وحده تقريبا
واخترت المكتب الي يعجبني لا وبعد ما اتملل منه كنت اغيره على كيفي :)
الحياه راح اتكون معقده الايام الجايه


جملك الله برضاه


شكلج معي بنفس البرج اللي بالدفنة
وبننقل قريب
ظلم ظلم مكتبي صغير ومعي وحدة
والمكاتب اللي حذاي مرتاحين ووووواسع مكتبهم

[تحداني]

شكلج معي بنفس البرج اللي بالدفنة
وبننقل قريب
ظلم ظلم مكتبي صغير ومعي وحدة
والمكاتب اللي حذاي مرتاحين ووووواسع مكتبهم




ما اعرف انتي وين وانا وين
كل الي اعرفه اني بروح الدفنه بعد ما كنت في الوناسه
والله يستر وين بيحطون هالبني آدمه
انا لو مكتبي كبر كرتون البرتقال مب مشكله بس الدريشه ما اتنازل عنها ابدا

:(

[collection]

المتعارف عليه الأولوية في توزيع المكاتب حسب المناصب .. وعقب الظاهر تدخل الاعتبارات الثانية من حيث الأقدمية ووضع الموظف في إدارته او قسمه ووزنه( مب المادي ولكن المعنوي ههه ) وشخصيته ومكانته عند المسؤول ... إلخ

في ناس يعني تفرض شخصيتها في العمل عند المسؤول من حيث جودة العمل والانضباط وأداء العمل وعلاقته مع الجميع .. لدرجة انها تحرج المسؤول في موضوع توزيع المكاتب لدرجه ان المسؤول من نفسه يعطيه مكتب مستقل وفيه خصوصية له ..


كلامك عين العقل
وصح لسانك
بس ادارتنا فيها 4 اقسام
رؤساء الاقسام بعضهم يحابون الموظفين ورؤساء الاقسام الباقين مش مهتمين
وتلاقي ادارة مدلعة وادارة مظلومة


والمدير قاعد بمكتبة العاجي تجية ورقة يوقع عليها وبس دون التفات للموظفين وهل التوزيع ماشي عدل وهل هناك ظلم حاصل

[نوار قطر]

لا نفس التخصص وانا طبيعة عملي حساسة يفترض لي مكتي بروحي

غريبه ،، مع انهم عارفين طبيعة شغلج الحساسه والمفروض بدون ماتطلبين هم يوفرون لج ،،، زين طالبي بمكتب او قولي لهم محد يتم في مكتب بروحه اذا كلنا نفس التخصص مايحتاج حد يكون في مكتب بروحه ،،

[الـخـالـدي]

اذا حبتك عيني ماضامك الدهر

[collection]

اذا حبتك عيني ماضامك الدهر


اللة معنا ان شاء اللة

[Rider]

معقوله ونص فيه فرق بين موظف وموظفة !!!!!

[نوار قطر]

اللة معنا ان شاء اللة

حبيبتي بس انتبهي حق كلمة الله اكتبيها بدون نقط

[collection]

حبيبتي بس انتبهي حق كلمة الله اكتبيها بدون نقط

شكرا عالملاحضة الاملائية
زين وملاحظتك الموضوع:victory:

[وطن]

لا نفس التخصص وانا طبيعة عملي حساسة يفترض لي مكتي بروحي

بما ان نفس التخصص ونفس المهام الوظيفية
اختي كلمي المسؤول
قولي له ابي مكتب بروحي لان شغلي حساس واحتاج أركز

[روح الاطلس]

هم عطوكم ورقه فيها توزيع؟ ام انتو حددتوا؟؟

اممم تبين الصج احس بالعكس اونس يكون معاج حد بالمكتب افضل من الوحده بروحج *_*


بس اذا مب مرتاحة لا تسكتين قولي لمسؤلج انج تبين مكتب بروحج من الحين قبل النقل


اما لائحة تنظيميه مافي ابدا هي تعتمد على المدير ورؤيته طبعا المقربون بيخليهم يختارون الي يعجبهم والبقيه لهم ما تبقى

[نوار قطر]

شكرا عالملاحضة الاملائية
زين وملاحظتك الموضوع:victory:

هههههاااااي لا والله مب ملاحظه املائيه كثر ماهي ملاحظه دينيه :shy: لفظ الجلاله لازم ينكتب بطريقه صح وبس والله :(

تبين ملاحظه املائيه شوفي انتي شلون كاتبه ملاحظه ترى غلط :tease:

[RO7 QATAR]

كلامك عين العقل
وصح لسانك
بس ادارتنا فيها 4 اقسام
رؤساء الاقسام بعضهم يحابون الموظفين ورؤساء الاقسام الباقين مش مهتمين
وتلاقي ادارة مدلعة وادارة مظلومة


والمدير قاعد بمكتبة العاجي تجية ورقة يوقع عليها وبس دون التفات للموظفين وهل التوزيع ماشي عدل وهل هناك ظلم حاصل

التوزيع كان منصف لكم كلكم لكن انتوا تتشرطون .. مابي فلانة معاي وفلانة ماحبها وكأن الدوام صاير ميلس وكل واحد يحدد رغباته وأمانيه
بس في كل الأحوال المكاتب توزعت حسب الحاجة وحسب الأقدمية أو حساسية الوظيفة

وشكراً
مقدمه : رئيس قسمج

[وحيد-الشوق]

الواسطة ياخوي هي خراب الدنيا :(

[وطن]

التوزيع كان منصف لكم كلكم لكن انتوا تتشرطون .. مابي فلانة معاي وفلانة ماحبها وكأن الدوام صاير ميلس وكل واحد يحدد رغباته وأمانيه
بس في كل الأحوال المكاتب توزعت حسب الحاجة وحسب الأقدمية أو حساسية الوظيفة

وشكراً
مقدمه : رئيس قسمج

لنفترض انك رئيس قسمها صج

ممكن أرد عليك
؟؟

الدوام مهب مجلس صحيح 100%

لكن انت كموظف لو حطوك مع موظف ثاني انت ما ترتاح معاه
أو هذار
أو مزعج بطريقه أخرى
هل راح تكون انتاجيتك في العمل زينه
ولا راح تقل؟

هل راح تبدع في عملك ولا راح تفقد الحماس والابداع
هل راح تجي الدوام وانت مستانس !!


شوف اجاباتك على الأسئلة شلون راح تكون
وحدد مصير قسمك وادارتك حسب توجهك

:nice:

[RO7 QATAR]

لنفترض انك رئيس قسمها صج

ممكن أرد عليك
؟؟

الدوام مهب مجلس صحيح 100%

لكن انت كموظف لو حطوك مع موظف ثاني انت ما ترتاح معاه
أو هذار
أو مزعج بطريقه أخرى
هل راح تكون انتاجيتك في العمل زينه
ولا راح تقل؟

هل راح تبدع في عملك ولا راح تفقد الحماس والابداع
هل راح تجي الدوام وانت مستانس !!


شوف اجاباتك على الأسئلة شلون راح تكون
وحدد مصير قسمك وادارتك حسب توجهك

:nice:

لما يكون إختيار البرج يتم بعد أخذ راي المسئولين فتأكدي ان توزيع المكاتب راح يرضي الجميع ... لكن لما يكون الاختيار إجباري بهالحالة لازم نتعايش مع الواقع ونحاول نوفر مكتب لجميع الموجودين
واتوقع طبعا طبعا انتي ما ترضين تنتقلين من مكان لمكان جديد وتكتشفين انه مالج مكتب تقعدين فيه.
وبالنهاية صعب ان الكل يطلع راضي وصعب انج تخصصين مكتب منفصل لجميع الموظفين.
اتوقع لازم نرضى بالأمر الواقع ونحاول نتعايش مع الوضع ونكيف نفسنا عليه .

[وطن]

لما يكون إختيار البرج يتم بعد أخذ راي المسئولين فتأكدي ان توزيع المكاتب راح يرضي الجميع ... لكن لما يكون الاختيار إجباري بهالحالة لازم نتعايش مع الواقع ونحاول نوفر مكتب لجميع الموجودين
واتوقع طبعا طبعا انتي ما ترضين تنتقلين من مكان لمكان جديد وتكتشفين انه مالج مكتب تقعدين فيه.
وبالنهاية صعب ان الكل يطلع راضي وصعب انج تخصصين مكتب منفصل لجميع الموظفين.
اتوقع لازم نرضى بالأمر الواقع ونحاول نتعايش مع الوضع ونكيف نفسنا عليه .

اتفق معاك
بس لما تنتقلون لبرج
ياريت تراعون خصوصية المجتمع القطري
وان البنات ما يرتاحون في البراتشنز

:victory:

[فهد111]

نفس سالفه الدورات الخارجيه ناس تاخذها كل سنه وناس حفظت دواعيس اداره التنميه وناس ماتدري شنو يعني دوره انا طبعا من الناس الي مايعرف شنو يعني دوره هههههههههههههه وشكراً

[روح الاطلس]

المجتمعات العربيه تبي الموظف يكد وينتج وبالطقاق اذا مرتاح او لا
الشركات الاجنبيه يهمها جدااا الراحة النفسيه للموظف لانه ينعكس على انتاجيته وابداعه
في اصعب الظروف ومحدودية المكان لازم المسؤل يستوعب انزعاج الموظفين ويحاول يلقى حل مايقول تبون كيفكم ماتبون ارضوا بالغصب :)

[العربية نت]

صدتهم يا RO7 QATAR

سبحان الله الدنيا صغيرة عرفتها وبعد وهي تحت اسم مستعار :eek5::shy::shy:

بس اذا انت مسئولها فعلا حاسب انك تظلم احد فالمسئوليه امانه وكل واحد بياخذ نصيبه :rolleyes2::rolleyes2:

[قطرية مثقفة]

الشره على المسؤول الأعلى من المدير

خصوصا إذا وصل له شكوى منكم وسكت:secret:



اعتقد أني كوكتها :nice:

يمكن المسؤول اخس من المديررررر خخخخخخخ

[بوخالد911]

المفروض اعطاء المكاتب لأصحاب الدرجات الوظيفية الأعلى

ولكن قوانين بعض المدراء غير شكللللللللللللللللللللللللللللللللللل !!!

[RO7 QATAR]

المجتمعات العربيه تبي الموظف يكد وينتج وبالطقاق اذا مرتاح او لا
الشركات الاجنبيه يهمها جدااا الراحة النفسيه للموظف لانه ينعكس على انتاجيته وابداعه
في اصعب الظروف ومحدودية المكان لازم المسؤل يستوعب انزعاج الموظفين ويحاول يلقى حل مايقول تبون كيفكم ماتبون ارضوا بالغصب :)

بغض النظر عن المجمتعات العربية .. خل نتكلم في حدودنا مجتمعنا .. "اغلب" عناصر المجتمع تتمنى للموظف المواطن الراحة الوظيفية في حدود الامكانيات المتوفرة بعكس الشركات الأجنبية اللي تهتم في صافي دخلها وتحاول قدر ما تقدر توفر في الصرف، وهاي سبب انه اغلب المكاتب بالشركات الاجنبية تكون عبارة عن طاولات لاصقة ببعض والزميل جنب الزميلة.
لكن تعالي جوفي معظم المؤسسات الحكومية .. بارتشن للسقف وباب مسكر .. وفوق هاي تحصلين ناس تتحلطم.
لازم الطرف الثاني يتفهم شوي ... وبنفس الوقت لازم نترك عنا "قالوا، سمعت، يقولون" لان هالقيل والقال دايماً يكون سلبي.


صدتهم يا RO7 QATAR

سبحان الله الدنيا صغيرة عرفتها وبعد وهي تحت اسم مستعار :eek5::shy::shy:

بس اذا انت مسئولها فعلا حاسب انك تظلم احد فالمسئوليه امانه وكل واحد بياخذ نصيبه :rolleyes2::rolleyes2:


الظلم شين .. وهاي كرسي حلاق
:victory:

[بصمة قطرية]

اذا حبتك عيني ماضامك الدهر


داخله أبي أكتب هالجملة .. :victory:

[روح الاطلس]

صاحبه الموضوع اختفت


انا خايفه عليها :(

[راشد محمد]

لما يكون إختيار البرج يتم بعد أخذ راي المسئولين فتأكدي ان توزيع المكاتب راح يرضي الجميع ... لكن لما يكون الاختيار إجباري بهالحالة لازم نتعايش مع الواقع ونحاول نوفر مكتب لجميع الموجودين
واتوقع طبعا طبعا انتي ما ترضين تنتقلين من مكان لمكان جديد وتكتشفين انه مالج مكتب تقعدين فيه.
وبالنهاية صعب ان الكل يطلع راضي وصعب انج تخصصين مكتب منفصل لجميع الموظفين.
اتوقع لازم نرضى بالأمر الواقع ونحاول نتعايش مع الوضع ونكيف نفسنا عليه .

صح كلامك:nice:

[تحداني]

المجتمعات العربيه تبي الموظف يكد وينتج وبالطقاق اذا مرتاح او لا
الشركات الاجنبيه يهمها جدااا الراحة النفسيه للموظف لانه ينعكس على انتاجيته وابداعه
في اصعب الظروف ومحدودية المكان لازم المسؤل يستوعب انزعاج الموظفين ويحاول يلقى حل مايقول تبون كيفكم ماتبون ارضوا بالغصب :)




معاج حق يا الغاليه .. يمكن اخر شي يفكرون فيه راحته
ولما يدور حوار او نقاش يرد بكل سذاجه راحتك في بيتك اهني مكان شغل
وتعالي شوفي مكتبه اتقولين غرفه استديو يحاول يخليها اطل على نهر النيل او جبال الألب
نوافير .. اشجار .. حركات .. بس باقي تلفزيون بلازما .. والديكودر احذاه



الحمد لله رب العالمين عندي من يتفهم راحه موظفينه
اعطى للموظف اشكال جماليه للمكتب صعب وصفها
ولو حطيت لج الصور يمكن ما راح اتصدقين ان هذا مكتب من جماله واناقته
مكتب بعيد عن اللون الاسود والبني والرمادي

وحشتيني

[روح الاطلس]

معاج حق يا الغاليه .. يمكن اخر شي يفكرون فيه راحته
ولما يدور حوار او نقاش يرد بكل سذاجه راحتك في بيتك اهني مكان شغل
وتعالي شوفي مكتبه اتقولين غرفه استديو يحاول يخليها اطل على نهر النيل او جبال الألب
نوافير .. اشجار .. حركات .. بس باقي تلفزيون بلازما .. والديكودر احذاه



الحمد لله رب العالمين عندي من يتفهم راحه موظفينه
اعطى للموظف اشكال جماليه للمكتب صعب وصفها
ولو حطيت لج الصور يمكن ما راح اتصدقين ان هذا مكتب من جماله واناقته
مكتب بعيد عن اللون الاسود والبني والرمادي

وحشتيني



مرحبتين كبااار كباااار من هون لجبااااال الالب


ميس يو تووو :shy:


زين ان عندكم تراعون الراحة النفسيه للموظف البعض مايعترف فيها ومايصدق هالكلام
المكتب والزملاء وسير العمل كلها تأثر في نفسيه الموظف وتنعكس ع انتاجيته لو الموظف مب مرتاح ما بيعطي من قلبه مابيعطي لعمله من حب مابيكون فيه ولاء واخلاص وعادي يصيده اكتئاب وامراض نفسيه
بنكون دمرنا الموظف مهنياً وشخصياً

[collection]

التوزيع كان منصف لكم كلكم لكن انتوا تتشرطون .. مابي فلانة معاي وفلانة ماحبها وكأن الدوام صاير ميلس وكل واحد يحدد رغباته وأمانيه
بس في كل الأحوال المكاتب توزعت حسب الحاجة وحسب الأقدمية أو حساسية الوظيفة

وشكراً
مقدمه : رئيس قسمج


حلوووووة رئيس قسمي
ياريت رئيس قسمي يكون كلامي معة عالعامة والناس تحكم
يعني انت الصح وكل الاعضاء ردودهم غلط
الاكيد ان مكتبك كبير وساكن في برج عاجي وتقرأجريدة ومايهمك اللي تحتك


اسمحلي تغير وجهة نظرك وانا يهمني الانصاف والعدل
ولو معي 5
اهم شي العدل والاولوية في ترتيب المكاتب

[collection]

صاحبه الموضوع اختفت


انا خايفه عليها :(

موجودة ياروح الاطلس
وراعيتها
بس لاني بزنس انشغلت شوي ...والا انا كلمة ما اخاف منها ابديها

وشكر"عالاهتمام

[سالي 123]

للاسف رؤساء الاقسام والمدير مكاتبهم اشكبر الى بيدش عليهم يبيلها سيارة قولف وعلى البحر والاداريين الجدد مكاتبهم كبيره وعلى الدريشه والقدامه متر فى متر ادارة ظالمه في التوزيع .

[سالي 123]

مافى عدل في التوزيع كل يوم تغيير على حسب مزاجهم ماقول غير حسبي الله ونعم الوكيل عليهم الى لهم السان حصلو الى يبونه والمصيبه الى توهم متعينين ماكملو سنه خذو مكاتب على الدرايش والمصيبه ماتقدرين تكلمينهم اذا صارحتيهم كأنج غلطانه عليهم.ارتاحو وضيقو على غيرهم .