مجرد فكرة يا مجلس التعليم [الأرشيف] - منتديات شبكة الأسهم القطرية

سهم مديون

30-04-2013, 02:47 PM

لماذا يذهب طلابهم للمدارس برغبة وحب للدراسة، ويذهب أبناؤنا رغما عنهم ؟
في الدول الأوربية جرت العادة في نظام الدراسة أن لا يتجاوز معدل الدوام الدراسي أكثر من 5 أسابيع متواصلة وبعدها لا بد أن يعطى الطالب إجازة أقلها أسبوع ليستعيد فيها نشاطه وحيويته وليعود للدراسة برغبة بعد أن جدد هذا النشاط .
أما عندنا فيبدأ الطلاب عامهم الدراسي مع بداية سبتمبر ولا يتوقف إلا في منتصف فبراير لإجازة منتصف العام والتي تتراوح مدتها من أسبوع إلى أسبوعين بحسب نظام المدرسة ، وبعدها تتواصل الدراسة مع نهاية فبراير إلى بداية يوليو دون توقف برغم حرارة الجو واليوم الدراسي الطويل ، ونقول ليش عيالنا ما يحبون الدراسة !!
أمر آخر عرفته عن المدارس الأوربية هو أنهم يعتمدون أن يبدأ دوام الطلاب بعد كل إجازة طويلة ( مثل إجازات الكريسماس والإيستر وإجازة الصيف ) في منتصف الاسبوع وليس في بدايته، وذلك حتى لا يحس الطالب بثقل الدوام وبطول الأسبوع بعد الإجازة .
أنا متيقنة أن مثل هذه الأمور لم تطبق لديهم عبثاً وأتوقع أنها طبقت بعد إجراء دراسات نفسية على الطلاب وعلى تحصيلهم العلمي .
في دولة خليجية تم تطبيق نظام الفصول الثلاثة على مدار العام الدراسي ، وتم توزيع العام الدراسي بحيث يحصل الطالب على إجازة لا تقل عن أسبوعين بعد كل نهاية فصل دراسي .. لماذا لا يتم تطبيق هذا النظام لدينا أيضاً؟
تقبلوا تحياتي

بقلم / أم عبدالله

Cute Mother

01-05-2013, 01:59 AM

بس اللي يتعود على الإجازات يستثقل الدوام ..

بصمة قطرية

01-05-2013, 02:18 AM

إقتراح حلو
الدوام بنفسه طويل
يوصلون عيالنا تابي هلكانين
و شهور يداومون
يحتاجون راحة ..

ياليت يعيدون النظرفي هالموضوع ..

شيخ الديرة

01-05-2013, 07:03 AM

أقتراحك سيصدم بنفس الجدار الذي يسأل لماذا الكادر التعليمي يبقى شهر يداوم بعد توقف الطلاب !!

المشكلة الأساسية أن المجلس يقوم بوضع الأجازات على أساس دوام الكادر الأكاديمي والأداري, وليس التلاميذ أو العوائل.

الخلاصة,مبدأهم اذا نعطي كل هذه الأجازات, ليش دافعين رواتب للكادر !!

للمقارنة, هذا رابط تقويم السنة القادمة 2014 لمدرسة أكاديمية قطر,

http://d32gfmie1jgchg.cloudfront.net/app/media/1896

وعدد أيام التمدرس هناك للطلاب هي 180 يوم وللمعلمين هي 186

حسن

01-05-2013, 07:20 AM

ياشيخ البلا من الاولياء الامور

من شوي وانا اتهير مع عيالي واسئلهم عن المدرسه
حمود يقول يبا طلعني اليوم
وفطوم تقول يبا طلعني اليون بعد الامتحان
قلت لهم يلا بلا خرابيط وكلام فاضي
قالو لي الكثير يطلع عقب الامتحانات امهاتهم وبعض الاباء يطلعونهم وخصوصا يوم الخميس
قلت لهم اجلسو يمكن يراجعون لكم وبعدين لازم تتعلمون على الانظباط
عندي اختي مدرسه من الطراز القديم تسمع
تقول انت ماتدري وش اللي يسير
قلت لها ايش
تقول المديرات مايقدرون احيانا على الامهات يجون للمدرسه ويطلعونهم بالقوه احيانا والمديره وش تسوي وياهم تتضارب
اقول اذا اولياء الامور هم اللي يظهرون عيالهم من المدارس وش تسوي معاهم

قلت لها صدقتي والله البلاء منهم
ولا الطالب وخصوصا المراحل ابتدائيه ولا اعداديه وش فهمهم متمليين وكله متمللين

لاتخاف لاحقين على الطيره

انا دائما اقول من هؤلاء هل هم القادمون

يارجال معاد باقي الا حديدا سهل
باقي شهر وباي باي

moonبنتnight

01-05-2013, 07:34 AM

ام السعف

01-05-2013, 07:40 AM

بس اللي يتعود على الإجازات يستثقل الدوام ..

بالعكس ،،، تلقينهم مقبلين على المدرسة وما يبون يطلعون منها ،،

نظام الفصول الثلاث وايد حلوة ومفيدة للطلاب ، تعطيهم جو منعش وفيه
رفرش مستمر بعد فترة الجلوس على مقاعد الدراسة ،، ياليت يتم
تطبيق نظام الفصول الثلاث عندنا في قطر ،،

ام السعف

01-05-2013, 07:45 AM

ياشيخ البلا من الاولياء الامور

تقول انت ماتدري وش اللي يسير
قلت لها ايش
تقول المديرات مايقدرون احيانا على الامهات يجون للمدرسه ويطلعونهم بالقوه احيانا والمديره وش تسوي وياهم تتضارب
اقول اذا اولياء الامور هم اللي يظهرون عيالهم من المدارس وش تسوي معاهم

قلت لها صدقتي والله البلاء منهم
ولا الطالب وخصوصا المراحل ابتدائيه ولا اعداديه وش فهمهم متمليين وكله متمللين

مدرسة البيان الثانوية العسنة اللي طافت البنات واهلهم تعدوا بالكلام والسب وقلة الأدب
على الادارة والنائبة الاكاديمية ،، لأنهم غصب طيب يبون يطلعون بناتهم من
المدرسة عقب الامتحانات ،، وادارة المدرسة تطبق قرار المجلس الأعلى
اللي يقول مافي خروج من المدرسة بعد الامتحانات ،،،

تخيل جيش من اولياء الأمور يدعون ان بناتهم عندهم مواعيد في المستشفى،،

وفوقه يتعدون بالكلام والسب على ادارة المدرسة وساعدوا البنات يطلعون
من بوابة المدرسة ويضرب عرض الحائط قرارات المدرسة والمجلس
الأعلى للتعليم .......> وعقب يتحسرون على ايام وزارة التربية والتعليم
يوذمون في المجلس الأعلى !!

حسن

01-05-2013, 07:49 AM

لا تلمون عيالنا اذا يبون يطلعون من المدرسة 00
كادر التدريس من فاضي لهم وكله احطياط 00 والمدرسين يبون الفكه 00
ولكن قانون المجلس لابد ان يكتمل فيها ايام التمدرس غصب حتى لو ما عند الطلاب شي يدرسونه 00
وصراحة أقتراح سهم مديون في محله لابد من أجازة الطلابنا 00
لييش ما يصير الدراسة ثلاث كورسات وبعد كل كورس أجازة نفس المدارس الخاصة بحكم مرتبطين باجازات الكريسمس وهلوين وونيويير 00
وعيالنا صار نسبة الغياب مرتفعه لا أجازة العيد في الصيف والسنه طويلة 00 حتى هواياتهم قتلوها لهم لا يعرف يشارك في أنشطة بسبب الدراسة 00

من يقول انا اشوف هل الايام كله اجازات
توهم جاين من عطله نصف السنه واكثر من اسبوعين
وبعدين احنا وش لنا بالمدارس الاجنبيه عيد الكرسمس والهليوين تبون يعطون عيالكم نفس هل الاجازات افا تئبا المرؤه نتشبه بغير المسلمين

ام السعف اشم ريحه قدام في الموضوع
تئبى ولا ماتئبى

ردي الله يخليك عليك لاني حتجنن

:telephone:

حسن

01-05-2013, 07:57 AM

مدرسة البيان الثانوية العسنة اللي طافت البنات واهلهم تعدوا بالكلام والسب وقلة الأدب
على الادارة والنائبة الاكاديمية ،، لأنهم غصب طيب يبون يطلعون بناتهم من
المدرسة عقب الامتحانات ،، وادارة المدرسة تطبق قرار المجلس الأعلى
اللي يقول مافي خروج من المدرسة بعد الامتحانات ،،،

تخيل جيش من اولياء الأمور يدعون ان بناتهم عندهم مواعيد في المستشفى،،

وفوقه يتعدون بالكلام والسب على ادارة المدرسة وساعدوا البنات يطلعون
من بوابة المدرسة ويضرب عرض الحائط قرارات المدرسة والمجلس
الأعلى للتعليم .......> وعقب يتحسرون على ايام وزارة التربية والتعليم
يوذمون في المجلس الأعلى !!

والله العظيم انا ادري والوزاره تدري والمسؤلين يدرون والكل داري مادري ليش وكل واحد يقول وش اللي صار

ذكرتيني بواحد بحريني يقولى وش احوال يابوعلى

:eek5:

شوفي والله العظيم ان البيان يدرون ان الكثير من طلبتهم من مناطق خارج الاقليم والاهالي يدعون الكذب في عمليه التسجيل
وانا اتحدى واتحدي اكبر مسؤل يقول غير ذالك ضايقونا من ام صلال في البيان من المطار في البيان من المعموره في البيان
للاسف المفروض الوزراه تضرب بيد من حديد
لهؤلاء

هل نرى من سعاده الوزير ان يشكل تحقيق
في هذا الموضوع ؟

نسخه لوزير الشفافيه
:telephone:

ام السعف

01-05-2013, 08:14 AM

والله العظيم انا ادري والوزاره تدري والمسؤلين يدرون والكل داري مادري ليش وكل واحد يقول وش اللي صار

ذكرتيني بواحد بحريني يقولى وش احوال يابوعلى

:eek5:

شوفي والله العظيم ان البيان يدرون ان الكثير من طلبتهم من مناطق خارج الاقليم والاهالي يدعون الكذب في عمليه التسجيل
وانا اتحدى واتحدي اكبر مسؤل يقول غير ذالك ضايقونا من ام صلال في البيان من المطار في البيان من المعموره في البيان
للاسف المفروض الوزراه تضرب بيد من حديد
لهؤلاء

هل نرى من سعاده الوزير ان يشكل تحقيق
في هذا الموضوع ؟

نسخه لوزير الشفافيه
:telephone:

احنا مب في المنطقة الجغرافية ومسجلين بنتنا ،،
ووايد بنات نعرفهم في البيان مب في المنقطة الجغرافية ومسجلين فيها

فهل هذا يعني ان هناك مخالفات في المدرسة ؟

مب شرط تكون هناك مخالفات في التسجيل بتقول لي ليش بقول لك :

البيان لها مدرسة اعدادية فشي طبيعي بنات المدرسة
الاعداية ينتقلون للمدرسة الثانوية فهل مدرسة البيان الاعدادية
تقع ضمن المنطقة الجغرافية للمدرسة الثانوية ؟

وعندك مدرسة رقية تعتبر تابعة للبيان فعادة الطالبات المتفوقات
في رقية يتم قبولهن في البيان ،، ومن ثم في طالبات في البيان
كانوا في الدفنة واليوم مب في الدفنة ،، بس سجلوا خواتهم في المدرسة ،،

وضف بعد ان البيان عندهم البكلوريا الدولية وهذي مالها خص في المنطقة
الجغرافية ......> شفت ان بترفع قضية خاسرة ضد البيان :shy:

رفيق الصحراء

01-05-2013, 08:49 AM

شيخ الديرة

01-05-2013, 08:54 AM

عندكم بعد الدوامات شهر 9 اجازه عيد الاضحى اللي هي 10 ايام او اسبوع هذا واحد
الشي الثاني عقبها ب8 اسابيع تقريبا يجيك اليوم الوطني ويجيك الكريسمس وراس السنه بعد 3 اسابيع
ويداومون شهر او شهرين وتجيك عقبها نص السنه وممكن يدخل معاها اليوم الرياضي قول اسبوعين
خلص الكورس الاول

الكورس الثاني يداومون وعقبها 3 اسابيع تجي اجازة الايستر اللي هي اسبوع
وعقبها يداومون شهرين وتجي الامتحانات النهائيه

وين اللي يقول مافي اجازات ودوام وتعب وهم يوقفون عن الدراسه اكثر مما يداومون

بسبب غياب التقويم السنوي الأكاديمي للمدارس المستقلة, لا يمكن ان تنحسب الأيام بدقة. عندما ينتج المجلس كذا تقويم, نرجع للموضوع.

كل الاجازات اللي ذكرتها يأخذوها المدارس الخاصة, وبالرغم من ذلك يبدون بعد ويخلصون قبل المستقلة

رفيق الصحراء

01-05-2013, 08:58 AM

^
^
بس الكريسمس اللي المستقله ماتاخذها والا كل الباقي تاخذونها

يعني انه البلد اسلامي ومايصير ناخذ كريسمس
وقفت على هذي يعني

ام السعف

01-05-2013, 09:01 AM

بسبب غياب التقويم السنوي الأكاديمي للمدارس المستقلة, لا يمكن ان تنحسب الأيام بدقة. عندما ينتج المجلس كذا تقويم, نرجع للموضوع.

كل الاجازات اللي ذكرتها يأخذوها المدارس الخاصة, وبالرغم من ذلك يبدون بعد ويخلصون قبل المستقلة

ما يبتدون بعد ولا يخلصون عقب

صارت البداية والنهاية مع بعض،، بس يتميزون باجازات اكثر

شيخ الديرة

01-05-2013, 09:12 AM

ما يبتدون بعد ولا يخلصون عقب
صارت البداية والنهاية مع بعض،، بس يتميزون باجازات اكثر

المعلمين شهر عقب الطلاب,
http://www.sec.gov.qa/Ar/Media/Events/Pages/EventListing.aspx

رفيق الصحراء

02-05-2013, 09:21 AM

مدرسة البيان الثانوية العسنة اللي طافت البنات واهلهم تعدوا بالكلام والسب وقلة الأدب
على الادارة والنائبة الاكاديمية ،، لأنهم غصب طيب يبون يطلعون بناتهم من
المدرسة عقب الامتحانات ،، وادارة المدرسة تطبق قرار المجلس الأعلى
اللي يقول مافي خروج من المدرسة بعد الامتحانات ،،،

تخيل جيش من اولياء الأمور يدعون ان بناتهم عندهم مواعيد في المستشفى،،

وفوقه يتعدون بالكلام والسب على ادارة المدرسة وساعدوا البنات يطلعون
من بوابة المدرسة ويضرب عرض الحائط قرارات المدرسة والمجلس
الأعلى للتعليم .......> وعقب يتحسرون على ايام وزارة التربية والتعليم
يوذمون في المجلس الأعلى !!

اذا المره او ولي الامر يتكلم باحترام مع الاداره مافي مشكله حد يقنع الثاني ماقتنع خلاص المديره تقول ممنوع وماقدر اطلع البنت لو صار هجوم او تعدي من حق المديره والاداره ابلاغ الشرطه لان هذا اعتداء على موظف اثناء تادية عمله

وعلى المجلس الاعلى ضرب بيد من حديد واصدار اوامر شديده اللهجه لاولياء الامور

لانه هذا اللي يصير قلة ادب ووقاحه مالها حدود

وممكن ادارة المدرسه تعتبره هروب من المدرسه وتكتب كتاب للمجلس البنت هربت من المدرسه ويتخذ فيها اجراء هروب طالب

عقاب بخصم درجات بابقاء الطالب في المدرسه بعد الدوام ساعه وعند الانتهاء من المدرسه والانتقال لاي مدرسه اخرى او لاي مرحله اخرى يكون مذكور هذا في ملفه وبكتاب رسمي من المدرسه اذا راح لاي جهه عشان يعرفون ان الله حق

رمح الضعاين

02-05-2013, 09:40 AM

دائما كــ شعوب عربيه / خليجيه عندما نقارن مابننا وبين الدول (المتقدمه الاجنبيه) نركز ونسلط الضوء على (الوقت /الراحه) فقط دون الالتفات للعائد -

مثلا استدلالكم على الدول الاوروبيه باجازاتهم للعلم حتى وإن قل الوقت او كثرت الاجازه (عائد التعليم اكبر لديهم )

الطالب خلال فتره التعليم والدراسه وان كان الوقت بسيط لكن يخرج بكم هائل من المهارات التعليميه

فـــ يا ترا لو قللنا الساعات الدراسيه او مددنا الاجازه ماهو عائد التعليم والمهارات التي اكتسبها الطالب ؟؟؟؟

لكلي نواكب الدول المتقدمه (في التعليم) يجب ان نواكب كذلك قدرتهم على تقليل ساعات الدراسه + عائد المهارات التي اكتسبها الطالب خلال فتره الدراسيه

اما تقليل ساعات الدراسه ولا عائد للتعليم ولا مهارات معناته جيل غبي

اخوكم

شيخ الديرة

02-05-2013, 09:56 AM

عقاب بخصم درجات

من بحال الدرجات؟ الكل ناجح, والكل رافع أيدو :app2:

التيما

03-05-2013, 12:05 AM

لا ارجوكم بسنا اقتراحات مب ناقصين تجارب !! خلو الاجازة مثل ما هي بس نرجع نظام وزارة .. ويقللون الدوام الثقيل .. والحصص تخف نصاب كل مادة ويهتمون بالكيف مو بالكم بنرتاح وبيرتاحون اليهال ..

vip-30003

04-05-2013, 09:24 AM

الفكرة تكلمنا فيها ومب جديدة

انك اتكون متميز جدام الناس لازم اتقول لهم ان ايام التمدرس هي الاعلى بين الدول

انك اتكون متميز جدام الناس لازم تتكلم عن المباني المدرسية اللي اتفوق مستوى

جامعات واتقول عن عدد الورش والدورات وعن الملف المهني هذا هو التميز بنظرهم

سبحان الله ركزوا على المظاهر ونسوا الاساس هو الطالب ومستوى تعليمة

وجودة التعليم والمخرج ،،،،

ليش الهند افضل منا ودول افريقيا كلهم يعتبرون على خط الفقر

الموضوع مب مباني ب 40 مليون ( المدرسة ) او امكانيات عاليه وتجهيزات

او دورات مكثفه مع معلمين نصهم نايمين او او

كل الموضوع الطالب هو الاساس

الاسبوع اللي راح هرج ومرج في المدارس الطلاب مايبون يقعدون

الكل يبي يقدم اختبار ويطلع ونسبة الغياب عاليه جداً

يا مجلس الاعلى هالتغذية الراجعة توصلكم وعارفين ادق الامور في المدارس

مانبي شي منكم بس قلدوا الاجانب خلونا نفسهم بالاجازات

والله انا اداري بداوم طول السنه مب فارقه معاي متعود

اما هالطلاب مساكين ضاقت اصدورهم غيروا النظام

بتكلم ب لغة الارقام

تقريبا ايام التمدرس 210 يوم

50٪ من طلاب وطالبات المدارس غيابهم في السنه لا يقل عن 10 ايام

15٪ من طلاب وطالبات المدارس غيابهم في السنه لايقل عن 15 يوم

٪ 10 من طلاب وطالبات المدارس غيابهم في السنه لايقل عن 20 يوم

٪ 5 وهم اخر فئه غيابهم عدى 30 يوم

هذا النظام المثالي هذا رد الطلاب على المجلس

وحتى الموظفين والموظفات ماقصروا بالاجازات بدون راتب ومرضيه وغيرها

ام السعف

05-05-2013, 07:04 AM

اذا المره او ولي الامر يتكلم باحترام مع الاداره مافي مشكله حد يقنع الثاني ماقتنع خلاص المديره تقول ممنوع وماقدر اطلع البنت لو صار هجوم او تعدي من حق المديره والاداره ابلاغ الشرطه لان هذا اعتداء على موظف اثناء تادية عمله

وعلى المجلس الاعلى ضرب بيد من حديد واصدار اوامر شديده اللهجه لاولياء الامور

لانه هذا اللي يصير قلة ادب ووقاحه مالها حدود

وممكن ادارة المدرسه تعتبره هروب من المدرسه وتكتب كتاب للمجلس البنت هربت من المدرسه ويتخذ فيها اجراء هروب طالب

عقاب بخصم درجات بابقاء الطالب في المدرسه بعد الدوام ساعه وعند الانتهاء من المدرسه والانتقال لاي مدرسه اخرى او لاي مرحله اخرى يكون مذكور هذا في ملفه وبكتاب رسمي من المدرسه اذا راح لاي جهه عشان يعرفون ان الله حق

:nice::nice::nice:

المعلمين شهر عقب الطلاب,
http://www.sec.gov.qa/Ar/Media/Events/Pages/EventListing.aspx

كنت اتكلم عن الطلاب ....> فأعذرني :shy: