يجب الانتباه : مشكله مع جهاز 4g حق شركة اوريدو

[النــادر]

السلام عليكم ورحمه الله وبركاته

كيف حالكم اخواني اعضاء الشبكه آسال الله ان يكون الجميع بخير وبعافيه

ملاحظة: لقد تم شرا الوصله الجديده الي سعرها بحدود 900 ريال البوردباند الابيض مكتوب عليه اوريدو بالانجليزي

طيب من تجربتي له خلال اسبوعين تقريبا لاحظة انه قام يتسكر من نفسه مع انه موصل بالشاحن وحصل ها معي الان 4 مرات تقريبا ولما اشوفه اشوفه يشحن ومع ذلك مسوي اغلاق !!! هل هو نتيجه الحراره ؟ هذه ملاحظه علشان الاخوه الي ماخذوا الجهاز يكونون عارفين هذه المشكله

ومن تجربتي للبوردباند الاسود القديم لم الاحظ بوجود هذه المشكله لان المشكله اللي حصلت مع الجديد امس واليوم مرتين


اتمنى لكم الاستفاده من الموضوع

اخوكم النادر

[airbus]

جهاز سعر ٩٩٩ والله غالي

ولا اخس جهاز موجود في سوق العالمي وسعره مايطوف ٢٠٠ ريال برا

والله حرام الي يصير

[النــادر]

جهاز سعر 999 والله غالي

ولا اخس جهاز موجود في سوق العالمي وسعره مايطوف 200 ريال برا

والله حرام الي يصير



اكره رساله اشوفها من كيوتل لما يرسلون لك رساله انهم يتبرعون ادفع مادري كم ونتبرع لك

كيف تأمن في جهه تسرق شعبها عيني عينك ولا حول ولا قوه الا بالله


والله مبالغين فيه جربته وعلى النتائج غاسل يدي من مراجعتهم لاني اعرف اسلوبهم و اهدافهم .

نار في بطونهم

الحمدلله ماهمني امرهم اجرب وافيد الجميع لكن هناك ناس غير موظفين او غيرهم عندهم ظروف ويشتري الجهاز بسبب الدعايات الكاذبه ويتوهق مع الجهاز او الخدمه

الله يحفظك بلادنا من ضعاف النفوس

[للصبر اخر]

خذ لك برود باند هاواوي
وركب عليه شريحه فودافون بس انترنت 120 ريال شهريا
وريح نفسك
والجهاز يشبك 5 اجهزه وفيه جهاز يشبك 9 اجهزه ليس

[النــادر]

خذ لك برود باند هاواوي
وركب عليه شريحه فودافون بس انترنت 120 ريال شهريا
وريح نفسك
والجهاز يشبك 5 اجهزه وفيه جهاز يشبك 9 اجهزه ليس

فاهم الامور هذه كلها لكن خذت القطعه الخاصه بكيوتل ابي اعرف النتائج

1- ان السرعه الفور جي غير ثابته في الوقت الحالي يعني افضل اللي يبي يشترك ينتظر لسنه 2014 تتحسن الخدمه .

2- ان الجهاز به عيوب ( 1- يرتفع درجه الحراره بشكل ملحوظ 2- ينطفي من نفسه بعد استخدامه ومثل ماذكرت يفضل البحث عن بديل .

آتمنى للجميع الاستفاده

اخوكم النادر

[mE mYself & i]

شوفوا هالجهاز 4G وقيمته 64$

http://www.ebay.com/itm/LCD-Unlocked-Mobile-MIFI-3G-4G-Router-EVDO-WCDMA-GSM-Wireless-WiFi-150Mbps-L10-/380617573151?pt=COMP_EN_Routers&hash=item589e93431f

[سكتون]

انا انتظر يفعلون فور جي للايفون والايباد ولا مذلة البرودباند
سعره غالي وحرارته عاليه
وبطاريته ضعيفه

[النــادر]

ملاحظة في هذا اليوم رجعت المشكله وتسكر الجهاز من نفسه مرتين خلال ساعه هل يعقل

لا حول ولا قوه الا بالله

[ولـ الذيب ـد]

اخوي راجعهم ..
واذا المشكله ما انحلت عطهم الايصال يرجعون لك فلوسك وتعطيهم الجهاز ( بس لازم فترة الاستعمال تكون اقل من شهر ) .. وهذا العرض بس حق ال 4 جي ..

[مشـــــاعر]

اكره رساله اشوفها من كيوتل لما يرسلون لك رساله انهم يتبرعون ادفع مادري كم ونتبرع لك

كيف تأمن في جهه تسرق شعبها عيني عينك ولا حول ولا قوه الا بالله


والله مبالغين فيه جربته وعلى النتائج غاسل يدي من مراجعتهم لاني اعرف اسلوبهم و اهدافهم .

نار في بطونهم

الحمدلله ماهمني امرهم اجرب وافيد الجميع لكن هناك ناس غير موظفين او غيرهم عندهم ظروف ويشتري الجهاز بسبب الدعايات الكاذبه ويتوهق مع الجهاز او الخدمه

الله يحفظك بلادنا من ضعاف النفوس

إي والله صااااج :anger1::anger1:

الله ياخذ خدماتهم الخاااايسة , ولا شي منهم يبررد القلب كل شي لازم مذلة وعفسة :anger1::anger1::anger1:

أنا شفتها عند رفيجتي وماتمت دعوة مادعت عليهم الحرامية وحمدلله ماخذيتها

الله يفكنا منهم ومن (دعاياتهم الخرطي) :anger1::anger1:

جزاك ربي الجنة ورحم الله والديك ع التنبيه حق العاااالم . .

كثر الله أمثالك ولاهنت

[7llo]

الشيخ اطلب لك من امازون برودباند هيواوي 4 جي سعره مايطوف 100 دولار يعني مايطوف 365 ريال واحسن من الدوحه بمليون مره انا شاري برود باند 3 جي ب 53 دولار من سنه وينباع هنا ب 600

[jaf111]

الشيخ اطلب لك من امازون برودباند هيواوي 4 جي سعره مايطوف 100 دولار يعني مايطوف 365 ريال واحسن من الدوحه بمليون مره انا شاري برود باند 3 جي ب 53 دولار من سنه وينباع هنا ب 600

ممكن تحط لنا لنك من موقع أمزون بالجهاز ؟

[عبد الحميد]

تجربة شخصية...الجهاز شريته من اسبوع تقريبا وفي خلال يومين...رجعته لاوريدو...

البطارية ما تشحن...

الجهاز يسوي ريستارت بنفسه...

من كثر ارتفاع درجة حرارة الجهاز...القطعة ذابت...

القطعة من الصين وتبيعها اوريدو ب 1000 ريال!!! وهي موجودة على النت ب 300 ريال فقط...

شلون اوريدو تطرح خدمة على الجمهور...وما عندها الادوات اللازمة لنجاح هالخدمة؟!!!

فترة تجربة الخدمة واللي استمرت 6 شهور قبل طرحها للجمهور...ما لاحظوا هالمشاكل الموجودة؟!!!

الى متى يا اوريدو...الى متى؟!!!

[عرٍيب الساس]

السلام عليكم ورحمة الله وبركاته



انصحك انك تاخذ جهاز هواوي e5776 متواجد في جرير بسعر 700 او 600 ريـآل

يشتغل 10 ساعات على شبكة الفور جي ,, والصراحه استخدمته ولين الحين استخدمه فالبيت وبرى ,, شغال 100% والارسال ماشاءالله دايم اوكي ,,

[.:: القيصر ::.]

السلام عليكم

قواك الله اخوي

انا عندي القطعه

ولين الحين ما شفت مشاكل والحمدلله

وانا مب شغال في اوريدو :)

روح استبدلها لو عليها ضمان