ادوار مجبر او مجبره على ان تعيشوها

[سان سيمون]

السلام عليكم ورحمة الله و بركاته

رجعت لكم بعد غيبة بموضوع

تعايش الادوار بمعنى

انه الواحد فينا على سنوات عمرة

بغض النظر شباب او ناضج او كبر في السن

يجد نفسه في دور يجب ان يؤدية

علشان اقرب الفكرة مثلا شاب او شابة

تعيش دور ام الولد او ابوه بمعنى ان واحد

يجد نفسه مسؤول عن تقييم سلوك اخوة او اخته

وربما يساعدة ويوجه حتى في حياته الزوجية

حتى يرسي قواعدة وقد يكون الفارق العمري بسيط

يعني سنتين ثلاث موب انه كبير مره عليه ، فاجد البنت او الولد

يمارسون هالشيء برا في والديهم حتى ما يضايقونهم او يخلونهم

يشيلون الهم ، وقد يكون مشاكل خوانهم او اي احد من عايلتهم ،،،،

سؤالي لكم ما هي الادوار الي فرضت عليكم وقمتوا بها ؟ وهل تجدون انفسكم نجحتوا فيها ولا لا ؟ وهل حبيتوها وتتمنونها ان تستمر ولا العكس ؟

انتظر اجاباتكم وبعدها اتوقع بتسون لي عصف ذهني واصعقكم بالادوار الي قمت بها :victory:

[قطريه22]

الحمدلله على السلامه

هههههههههههه ضحكتني اخر جمله :victory:

انا متابعه في موضوعك ولي رجعه انشالله

[شيخ القبيلة]

الحمدلله على السلامة
موضوع حلو ولي رجعة ان شاء الله

[سان سيمون]

الحمدلله على السلامه

هههههههههههه ضحكتني اخر جمله :victory:

انا متابعه في موضوعك ولي رجعه انشالله

ههههههههه الله يسلمج لا لا قطرية لاتروحين غردي شنهي الادوار

[سان سيمون]

الحمدلله على السلامة
موضوع حلو ولي رجعة ان شاء الله

مرحبا اخوي ننتظر ادوارك من الاسم اتوقع مجموعة ادوار

[نور الحور]

اممممم .. دور المصلحة بين صديقاتي أحياناً
ودور السوبر ناني بعض الأحيان لعيال أختي قبل لا أتزوج :shy:

هذا اللي اتذكره .. بس موضوع حلو يا سان سيمون :victory:

[ضوى]

موضوعك وايد حلو


لي عودة غدا صباحا ان شاء الله

[قهوة الضحى]

الناقدة

ومرات المحقق كونان

بس اكثر شي اصير فوزية دريع هههههههههه

[تغلبية]

الجـــدة ..:rolleyes2:

[نور الحور]

الجـــدة ..:rolleyes2:


:eek5:

انزين حازينا تغلبية قبل النوم :secret:

[بصمة قطرية]

أمممممم

من صغري كنت الأم الثانية لعيال إختي
تعلمت عليهم :shy:
من عمري 12 سنه :shy:


تعلمت الطبخ من صغري
و كنت المساعدة لأمي الله يرحمها ،،

إذا تذكرت شي برجع :victory:

[تغلبية]

:eek5:

انزين حازينا تغلبية قبل النوم :secret:

امممم ما عرف شاقول

بس لقيت نفسي في يوم لازم اكون جدة .. او ام كبيرة .. دورها تحافظ على روابط العيلة لا تنقطع .. أسدد وأقارب قد ما أقدر .. مادري نجحت والا لا .. بس قاعدة انفذ الوصية .. ومادري لي متى بتم أنفذ الوصية ..

حزاية موب حلوة كلش قبل النوم

[سان سيمون]

اممممم .. دور المصلحة بين صديقاتي أحياناً
ودور السوبر ناني بعض الأحيان لعيال أختي قبل لا أتزوج :shy:

هذا اللي اتذكره .. بس موضوع حلو يا سان سيمون :victory:



هلا نور حلو دور المصلح بس سؤال بيني وبينج ما تكتئبين من كثر ما تسمعين شكاوي انا يعرفوني اتقبل شكاويهم بس تضربني ضيقة وغلقة ثلاث ايام قدام من عقب ما اسمع لهم كلش ما انفع اخصائية لهلي يعني مثل ما يقولون باب النجار مخلع

سوبر ناني على عيالي اما عيال اخوي ما اقاومهم صايره جده وموب اي جدة جدات قبل ،،،، شفتوا تعليقاتكم اثارت القريحة صرت جدة توني ما كملت 15 سنه :shy:

[سان سيمون]

موضوعك وايد حلو


لي عودة غدا صباحا ان شاء الله

مرحبا ضوى ننتظرج بكرة

[سان سيمون]

الناقدة

ومرات المحقق كونان

بس اكثر شي اصير فوزية دريع هههههههههه

خخخخخخخخ يعني نتشكى عندج دكتورة فوزية بالاخص على قهوة الضحى شيء عز الله ما قدرت اخذ خصلة وحدة من فوزية ابو التقشف عندي

[سان سيمون]

الجـــدة ..:rolleyes2:

مع من جدة تغليبة جده جده ولا مثلي ((( نبي دور للعجايز )))

[سان سيمون]

أمممممم

من صغري كنت الأم الثانية لعيال إختي
تعلمت عليهم :shy:
من عمري 12 سنه :shy:


تعلمت الطبخ من صغري
و كنت المساعدة لأمي الله يرحمها ،،

إذا تذكرت شي برجع :victory:

هلا والله بصمة حلو شعور الاخت والي تساعدها وتقوم بدورها
ما عشت هالدور عيب الوحداني
:weeping::weeping::weeping:

اما الطباخ من ايام الطابوقة ولا القدر الي تحت المغسلة علشان نطولها ونغسل موب هالجيل الله يرحم بس

[الخيالة]

بعض المرات الام الثانيه حق عيال اختي وأخوي

ومثلت ولين الحين امثل دور البنت السعيدة اللي ماعندها اي مشاكل بس عشان اللي حواليني مايتضايقون ويحسون بشي

[راشد محمد]

موضوعك وايد حلو


لي عودة

[ضوى]

وايد ادوار بحياتي ، ام واب ، صديقة مخلصة ، مفسرة أحلام ، ميكانيكي ، سباك ، كهربائي ، مصممة ديكور ، خياطة ، طباخة ، ماكييرة ، كوافيرة .. الخ

اها ولعبت دور المرعب لعيال خواتي ، والسخرية انه بنتي الصغيرة الحين ترعبها اختي وماقدر انا ارعبها :)

[سان سيمون]

بعض المرات الام الثانيه حق عيال اختي وأخوي

ومثلت ولين الحين امثل دور البنت السعيدة اللي ماعندها اي مشاكل بس عشان اللي حواليني مايتضايقون ويحسون بشي

حلو دور الام ويا حلو كلمة عميمة لما يقولونها
اما دور البنت السعيدة هذا هو الصحيح ولا تقولين مثلت بالعكس استخدمي حيز اللاوعي وارمي فيه صدقيني بتحسين نفسج تتناسى كل ما يكدرها و تتفاجئين من نفسج لما تسولفين عن مواقف وتذكرين حوادث كانت غايبة عن بالج #### مجربة ترى

[سان سيمون]

وايد ادوار بحياتي ، ام واب ، صديقة مخلصة ، مفسرة أحلام ، ميكانيكي ، سباك ، كهربائي ، مصممة ديكور ، خياطة ، طباخة ، ماكييرة ، كوافيرة .. الخ

اها ولعبت دور المرعب لعيال خواتي ، والسخرية انه بنتي الصغيرة الحين ترعبها اختي وماقدر انا ارعبها :)

احلى شيء المكانيكي والسباك والكهربائية
جد جد ضوى انت تفسرين احلام بفتر عليج يا كثر ما اتحلم
اما بنتج هذه ماتخاف من القلوب الي تطلع من عيونج لما تفتنين عليها $$ ذكرتيني بنت اخوي تصير قطوة تتمسح فيني لين اضحك واطفى

[سان سيمون]

موضوعك وايد حلو


لي عودة

ننتظر اضافتك

[sweet qatar]

سان سيمون..

أتمنى ماتنشغلين عنا مرة ثانية..
مواضيعج رائعة والطرح يزيد روعتها..



http://mysmiles.hawahome.com/Smiles/coc/10.gif
لحظة صمت.. مابي دموعي تنزل..


سلمج الله موضوعج على الجرح..

أنا مجبرة أعيش دور مابيه.. والي يجبرني حبي لاهلي وبس..
حاولت أتركه وماقدرت.. وللأسف مع انها مسؤولية كبيرة علي وانا مابيها..
البعض يحسب اني فرحانة بالدور هذا وأحب أتحكم في كل شي.. ويسمونه دلع ودلال..

شرايج.. اذا هالدور يجلب المشاكل والأمراض لكنه في مصلحة العائلة ككل..
أستمر فيه ولا أتخلى عنه؟؟!!

[سان سيمون]

سان سيمون..

أتمنى ماتنشغلين عنا مرة ثانية..
مواضيعج رائعة والطرح يزيد روعتها..



http://mysmiles.hawahome.com/Smiles/coc/10.gif






لحظة صمت.. مابي دموعي تنزل..






سلمج الله موضوعج على الجرح..

أنا مجبرة أعيش دور مابيه.. والي يجبرني حبي لاهلي وبس..
حاولت أتركه وماقدرت.. وللأسف مع انها مسؤولية كبيرة علي وانا مابيها..




البعض يحسب اني فرحانة بالدور هذا وأحب أتحكم في كل شي.. ويسمونه دلع ودلال..

شرايج.. اذا هالدور يجلب المشاكل والأمراض لكنه في مصلحة العائلة ككل..
أستمر فيه ولا أتخلى عنه؟؟!!

هلا والله كلامج يرفع المعنويات

قبل كل شيء توقيعج عاجبني ودائما تخنقني العبرة لما اقراه $ طلعت من الموضوع $
ممكن تذكرين الدور بالضبط لانه اتوقع من كلامج انج شايلة مسؤولية البيت صح ولا انا غلطانه /// واذا كان عزتي لج لان هذا معاناتي حاليا /// ما قلت لكم انكم بتسون لي عصف ذهني جاية لكم بالادوار الله يجيركم منها :victory:

[sweet qatar]

هلا والله كلامج يرفع المعنويات

قبل كل شيء توقيعج عاجبني ودائما تخنقني العبرة لما اقراه $ طلعت من الموضوع $
ممكن تذكرين الدور بالضبط لانه اتوقع من كلامج انج شايلة مسؤولية البيت صح ولا انا غلطانه /// واذا كان عزتي لج لان هذا معاناتي حاليا /// ما قلت لكم انكم بتسون لي عصف ذهني جاية لكم بالادوار الله يجيركم منها :victory:



هههههههههههههه

يالله أصعقينا بكل دور وعلمينا بتفاصيل..


أشكرج حبيبتي كلج ذوق... احساسج فيه حلو.. مثل احساسي كل ما اشوفه..


لا الموضوع أبدا مايتعلق بمسؤولية البيت من هالناحية..
أمي الله يحفظها قايمة بدورها.. انا مادري عن شي..

في أمور ثانية على مستوى آخر.. كبيرة ومحتاجة خبرة..


أتمنى الفكرة وضحت؟؟

[خفيف الروح]

بصراحه موضوع شيق وجميلة

الحمدالله على الثقه وبعدها صارت المسؤولية انا الوسط في احواني بس الولد الله يطول في عمره عطني الثقة والمسؤليه في وقت واحد من يوم كان عمري 19 سنه الحمد الله وان شايل الجمل بما حمل تعوت على مشكل البيت كلة واي شي يصير في البيت لزم يرجعون لي والحمد الله

[شبح الصمت]

يعطيج العافيه أختي سايمون


الادوار التي نلعبها يجب ان تكون أدوار صادقه وليس اقنعه نلبسها


لانه بكلمة ادوار تختلف

في دور رآح العبه وكون صادق فيه
في دور رآح العبه وأكون كاذب فيه ..

الادوار كثيرة ولكنها تختلف من روح لروح ..



وفي تحليل علم النفس .. أشدخل انزين ما عليكم مابي اتفلسف :secret:

انا الحمد لله حاليا العب دور الاب الذي يكدح لاطفاله ( عصفور يحليلي ) :shy:

العب دور الصديق ( وان شاء الله اكون عند حسن ظن ربعي )

العب دور الموظف ( ان شاء الله اكون من الموظفين المتفانين في عملهم )

العب دور خطير في وسط البيت وهو ...

بنق
بنق
بنق


بنق
بنق



لا تنسى الخبز والروتي من مخبز الغرافة .. :tease:

وفي ادوار كثيرة في حياتنـا مثل دور الأخ الحنون ودور الفزعه لمن حولي ..


الدور الي ما احبه دور ( المنافق ) الذي يتقمص دوره بكل ابداع وحتى النهاية !!


وحاليا العب دور في منتدى الاسهم القطرية

دور اتمنى اطلع فيه بفائده لي ولكم واتمنى اكون عند حسن ظنكم ..












محدثكم من قلب الحدث شبح الصمت

[سان سيمون]

بصراحه موضوع شيق وجميلة

الحمدالله على الثقه وبعدها صارت المسؤولية انا الوسط في احواني بس الولد الله يطول في عمره عطني الثقة والمسؤليه في وقت واحد من يوم كان عمري 19 سنه الحمد الله وان شايل الجمل بما حمل تعوت على مشكل البيت كلة واي شي يصير في البيت لزم يرجعون لي والحمد الله

ما شاء الله قول امين يا علني اعتمد على ولدي واخلية يشيل الجمل بما حمل ## توني متهاوشة مع ابوه بسبته ## ابيه يصير شقردي ما يخدجه بشدته

[سان سيمون]

هلا والله بالشبح انا معاك انه فيه ادوار مختلفة قد تكون حبيتها او تكرها ومجبر انك اتاديها ،،، بس بصراحة انت اشرت لدور مكان في بالي دور الشخص الكذاب والمنافق والله يجيرنا من هالانواع

حلو دور الاب والصديق بس بجد احس احلى دور واميل له دور الفزعة والاخ الحنون ،، اما دورك في الاسهم القطرية ابشرك جايب فايدة فانت من تعليقاتك انسان وسطي وقت الجد يكون تعليقك ورايك واضح وقت التعدد وضرب الحريم على روسهم تستانس وتنكت يعني تخفف وطئت الموضوع عليهم









يعطيج العافيه أختي سايمون


الادوار التي نلعبها يجب ان تكون أدوار صادقه وليس اقنعه نلبسها


لانه بكلمة ادوار تختلف

في دور رآح العبه وكون صادق فيه
في دور رآح العبه وأكون كاذب فيه ..

الادوار كثيرة ولكنها تختلف من روح لروح ..



وفي تحليل علم النفس .. أشدخل انزين ما عليكم مابي اتفلسف :secret:

انا الحمد لله حاليا العب دور الاب الذي يكدح لاطفاله ( عصفور يحليلي ) :shy:

العب دور الصديق ( وان شاء الله اكون عند حسن ظن ربعي )

العب دور الموظف ( ان شاء الله اكون من الموظفين المتفانين في عملهم )

العب دور خطير في وسط البيت وهو ...

بنق
بنق
بنق


بنق
بنق



لا تنسى الخبز والروتي من مخبز الغرافة .. :tease:

وفي ادوار كثيرة في حياتنـا مثل دور الأخ الحنون ودور الفزعه لمن حولي ..


الدور الي ما احبه دور ( المنافق ) الذي يتقمص دوره بكل ابداع وحتى النهاية !!


وحاليا العب دور في منتدى الاسهم القطرية

دور اتمنى اطلع فيه بفائده لي ولكم واتمنى اكون عند حسن ظنكم ..












محدثكم من قلب الحدث شبح الصمت

[سان سيمون]

رجعت لسنوات وراء يعني يوم عمري اربع خمس سنوات كنت صديقة امي الصدوق ونبيهة وما يفوتني شيء لدرجة ان امي علمتني بسر من اسرارها وكنت شريكتها في الجريمة يعني منبه لها كل مغربية يمه((( كذا))) طبعا كلمة اقولها وهي الشيفرة وتقوم ماماتي وتسوي مهمتها طبعا من وراء ابوي الله يرحمه لو يعرف اني كنت اساعد ماماتي كان علق لي المشنقة ،،،، تصدقون لما اتناقش مع امي وبناتي بالموضوع تقول امي انا شلون وثقت فيج وانت بزر ممكن تخرين لعلوم بس سبحانه يضع سره في اصغر خلقة طبعا انا اتشقق من الوناسه واقول لبناتي شوفوني من صغرتي وانا جيدة واحس يقولون في خاطرهم الا والله عوبه ومبلتعة

[تحداني]

سؤالي لكم ما هي الادوار الي فرضت عليكم وقمتوا بها ؟ وهل تجدون انفسكم نجحتوا فيها ولا لا ؟ وهل حبيتوها وتتمنونها ان تستمر ولا العكس ؟

في اشيا انجبرت عليها .. " ونجحت فيها " ومنها " الي فشلت بجداره "
وفي اشيا من طيب خاطري

عاد شنو ؟؟

احس استحي اقولها في المنتدى ... بس كان ودي ارد على موضوعج العسل


الله يرضى عليج يارب

[الصغيره]

من عرفت نفسي وانا السوبر ناني والسوبرمان وكل شي
انا الاب
انا الام
انا الجده
انا الجد

انا احيانا كيوتل وحاليا اوريدووو تقولون بالعايله مابه الا انا وحيانا القى نفسي طبيبه وطباخه وخياطه لكل العايله بس اللي ماقدرت اسويه اني اكون سايق لين الحين ماقدرت هههههههههه

[سان سيمون]

سؤالي لكم ما هي الادوار الي فرضت عليكم وقمتوا بها ؟ وهل تجدون انفسكم نجحتوا فيها ولا لا ؟ وهل حبيتوها وتتمنونها ان تستمر ولا العكس ؟

في اشيا انجبرت عليها .. " ونجحت فيها " ومنها " الي فشلت بجداره "
وفي اشيا من طيب خاطري

عاد شنو ؟؟

احس استحي اقولها في المنتدى ... بس كان ودي ارد على موضوعج العسل



الله يرضى عليج يارب



لي الشرف تحداني الزمن ترد على موضوعي

ليش السحى قولي الادوار الي ما فيها سحى وخلينا نستفيد منها ولا نفرفش عليها

انا بقولج عن دور قمت فيه طبعا هذا جزء من سلسلة ادواري :shy:

تخيلي اني حاليا صايرة ام ريل :rolleyes2: ومصدومة في شخصيتي يعني صرت مثل الي نسمع عنهم من العمات و شغلتهم على حريم عيالهم قاعدة في هالصالة و فاتحة هالرادارات واللقط اي خطا او نقد وعقب شوفي الجلسة الخاصة سواء لخوي او لمرته و عطيهم في هالنصايح شنسوي امي خذت تقاعد مبكر واخوي الكبير معطيني الصلاحية يعني يا ام فلان هالله هالله في البيت وسنعي :weeping:
وانا غصب طوع اسوي هالشيء ((( مجبر اخاك لا بطل )))

[سان سيمون]

من عرفت نفسي وانا السوبر ناني والسوبرمان وكل شي
انا الاب
انا الام
انا الجده
انا الجد

انا احيانا كيوتل وحاليا اوريدووو تقولون بالعايله مابه الا انا وحيانا القى نفسي طبيبه وطباخه وخياطه لكل العايله بس اللي ماقدرت اسويه اني اكون سايق لين الحين ماقدرت هههههههههه


هههههههههه افا ما بقى الا ابسط شيء وعاقج لا لا بتقدرين على السواقة
ذبحتيني بالضحك على اوريدوووو عاد انا كلش صعوبات تعلم في الارقام نو وي تحصليني حافظة رقم ،،،،، بس انا احسن منج في شيء
بقولج :shy::(:( دور من ادواري مسعفة يعني اي حد يمرض في البيت من هلي لين الخدم ما فيه الا مدام وانا الو فلان ...... شغل السيارة واراكض في هالعالم ،،، لدرجة اني اكره اسمع فتحة باب احد من حريم خواني ادري بتجي تستفزع فيني ما ادري ايش قالوا لهم طبيبة ولا اخصائية

[بصمة قطرية]

بااااك

حالياً أعيش أدوار كثيرة
بعضها مرهق نوعاً ما
و بعضها يسبب ضغط نفسي ..
البعض لقبني بالمرأة الحديدية
الحمدلله عندي طاقة تحمل كبيرة
صحيح أضعف بيني و بين نفسي :weeping:
بس دوم أدعي إن ربي يصبرني و يساعدني ..
من صغري تعودت على المسؤولية
و أنا طفلة صغيرة تعودت أرافق أمي الله يرحمها
في المستشفى ..
كبرت و كبر هالشي معاي و زاد ..
تزوجت و صرت أم و زاد قربي من أمي الله يرحمها
صرت ممرضتها و مرافقتها ..
و حالياً و بشهادة أكثر من طبيب
أستحق شهادة الممرضة المثالية
و على قولة عيالي أمنا الدكتورة ،،
بإختصار
بصمة دكتورة و ممرضة و مدرسة
و أخصائية إجتماعية
و الأم و الأب في هالفترة
و صديقة لعيالي
و مصلحة إجتماعية
و طباخه
الموضوع قلب المواجع :(

[سان سيمون]

بااااك

حالياً أعيش أدوار كثيرة
بعضها مرهق نوعاً ما
و بعضها يسبب ضغط نفسي ..
البعض لقبني بالمرأة الحديدية
الحمدلله عندي طاقة تحمل كبيرة
صحيح أضعف بيني و بين نفسي :weeping:
بس دوم أدعي إن ربي يصبرني و يساعدني ..
من صغري تعودت على المسؤولية
و أنا طفلة صغيرة تعودت أرافق أمي الله يرحمها

في المستشفى ..
كبرت و كبر هالشي معاي و زاد ..
تزوجت و صرت أم و زاد قربي من أمي الله يرحمها
صرت ممرضتها و مرافقتها ..
و حالياً و بشهادة أكثر من طبيب
أستحق شهادة الممرضة المثالية
و على قولة عيالي أمنا الدكتورة ،،
بإختصار
بصمة دكتورة و ممرضة و مدرسة
و أخصائية إجتماعية
و الأم و الأب في هالفترة
و صديقة لعيالي
و مصلحة إجتماعية
و طباخه
الموضوع قلب المواجع :(

هلا بصمه لا احنا ما نبي نقلب المواجع احنا نبي نستذكر ادوارنا سواء راضين فيها ولا فرضها علينا الزمن حتى تزيد ثقتنا في انفسنا ونعطي انفسنا حقها ونقدرها وقد يكون دور تقومين فيه اقدر اخذه واطبقه والعكس صحيح
مسالة الضعف بينج وبين نفسج شيء طبيعي مقارنه بالي قاعدة تسوينه
توني اول ما رجعت من الدوام الا مرت اخوي تبي احد يسعفها طبعا العبد لله لازم يشتغل وي وي وي بس قبله دخل على الوالدة وقلت خلاص تعبت موب رايحة موب رايحة بس خوفا من الله وعلشان خاطر اميمتي وخاطر اخوي ومرته اديت مهمتي

[بصمة قطرية]

هلا بصمه لا احنا ما نبي نقلب المواجع احنا نبي نستذكر ادوارنا سواء راضين فيها ولا فرضها علينا الزمن حتى تزيد ثقتنا في انفسنا ونعطي انفسنا حقها ونقدرها وقد يكون دور تقومين فيه اقدر اخذه واطبقه والعكس صحيح
مسالة الضعف بينج وبين نفسج شيء طبيعي مقارنه بالي قاعدة تسوينه
توني اول ما رجعت من الدوام الا مرت اخوي تبي احد يسعفها طبعا العبد لله لازم يشتغل وي وي وي بس قبله دخل على الوالدة وقلت خلاص تعبت موب رايحة موب رايحة بس خوفا من الله وعلشان خاطر اميمتي وخاطر اخوي ومرته اديت مهمتي
مأجورة إن شاء الله حبيبتي ..
قلبتي المواجع ببعض الذكريات ..!!!




:weeping: