عملية تكميم المعدة مرة اخرى سؤال عاجل

[وحيد-الشوق]

السلام عليكم ورحمه الله وبركاته

اخواني عندي استفسار (واحد من اقاربي) عمره 15 سنة تقريبا وعندة وزن زايد بسبب مشاكل صحية وهومتضايق نفسيا من وزنة المهم راح لمستشفى العمادي مع اخوه وقاله الدكتور تقدر تسوي العملية وبدون مشاكل وخذوا موعد وكل شيء للعملية ودفعوا فلوس بعد :rolleyes2: انا الموضوع مب داش مخي معقول شخص في عمرة يقدر يسوي العملية لأنه الاخ مصر يسويها وانا نصحته ينتظر يشوف مستشفى حمد شيقولون

اتمنى اسمع نصايحكم وارائكم لأني تعبت معاهم :rolleyes2:

[غاردينيا]

اذا عنده مشاكل صحيه يسوونها له عادي خاصه اذا الوزن خطر على حياته

[بصمة قطرية]

حراااام صغير :(
الله يحفظه

[فتى الجود]

السلام عليكم

يصير اخوى والله يرجعه لكم سالم

شوف هالتقرير

شوف الدكتور عايض القحطاني في اليوتوب

http://www.************/watch?v=2DOQbdj-z9s


او افتح اليوتيوب واكتب

حصري لصباح السعودية عملية لطفل يزن 52 كلغ مع حمود الفايز

[اهل قطر]

يصير اعرف واحد سواها في حمد وعمره 16
والحين له سنه وثلاث اشهر نقص نص وزنه

[Qatar Angel]

ليش بحثتوا عن الحلول السريعة
الأفضل يروح لدكتورة تغذية ويروح الجيم لفترة معينة
لازم يتعب ويبذل جهد عضلي افضل من العملية في عمر مبكر

[وحيد-الشوق]

الله يجزاكم خير والف شكر لكم

اختي راح ماينفع معاه مع انه سوى ريجيم وينزل وايد من وزنة بس يرجع يزيد الضعف ومشكلتة مسوي عملية اللحمية شايلها يعني على طول بلع

المهم هل الدكتور العمادي ممتاز لهذي العمليات ولامستشفى حمد افضل وشلون مواعيدهم صحيح طويلة جداا ؟

[غالية قطر]

أنصحك بمستشفى حمد ولا تفكر بغيرة ..


لأن أحد أقاربي سواها في مستشفى حمد من سنتين تقريبا وصحتة ما شاء الله تمام ..

ولكن لازم عقب العملية يهتم في أكله لأن ممكن يرجع الوزن مرة ثانية عقب سنة او سنتين من العملية اذا اهمل في الأكل ..

أما اذا تبي ما يرجع الوزن للأبد فبعملية الباي باس ولكن ما انصح فيها لأنها خطرة جدا ..

ولي صديقة عملتها وحالتها جدا صعبة ..

أحس هاي العمليات مش المهم فيها صغر العمر ولكن مهم فيها نوع الجنس .. بمعنى لو كان رجل ما أظن عليه مشاكل ولكن اذا بنت هذي المصيبة وراها حمال وعيال وتكوينها الجسدي يختلف تماما عن الرجل وما تتحمل .. هذا رأيي ويمكن اكون غلط لاني مش خبيرة في هاي المجال !

بالشفاء ان شاءالله ..

[وحيد-الشوق]

أنصحك بمستشفى حمد ولا تفكر بغيرة ..


لأن أحد أقاربي سواها في مستشفى حمد من سنتين تقريبا وصحتة ما شاء الله تمام ..

ولكن لازم عقب العملية يهتم في أكله لأن ممكن يرجع الوزن مرة ثانية عقب سنة او سنتين من العملية اذا اهمل في الأكل ..

أما اذا تبي ما يرجع الوزن للأبد فبعملية الباي باس ولكن ما انصح فيها لأنها خطرة جدا ..

ولي صديقة عملتها وحالتها جدا صعبة ..

أحس هاي العمليات مش المهم فيها صغر العمر ولكن مهم فيها نوع الجنس .. بمعنى لو كان رجل ما أظن عليه مشاكل ولكن اذا بنت هذي المصيبة وراها حمال وعيال وتكوينها الجسدي يختلف تماما عن الرجل وما تتحمل .. هذا رأيي ويمكن اكون غلط لاني مش خبيرة في هاي المجال !

بالشفاء ان شاءالله ..


الله يسلمج اختي

والف شكر عالافادة

[Chambray]

حمد مشكلته التأخير في المواعيد .. وهو طبعاً الافضل خليجياً من اي مستشفى ثاني

والعمادي نص اهل قطر مسويين عنده

العملية مالها اي مضاعفات

فقط اهتمام ومن ثم يرجع طبيعي بس بكميه اكل بسيطة ..

توكل على الله وخلها يسويها ..

[هجمة مرتدة]

مهما كانت مخاطر العملية . .
السمنة وباء !
مخاطر وأمراض البدانة المفرطة أشد خطورة وضرر من العملية الجراحية . .
خل يستخير ويتوكل على الله . .

[Cute Mother]

نصيحتي يبتعد عن مثل هالعمليات أنا سنتين ولا زلت اعاااني .. أسأل الله العافية لي وللجميع ..

[برشلوني قطر]

نصيحتي يبتعد عن مثل هالعمليات أنا سنتين ولا زلت اعاااني .. أسأل الله العافية لي وللجميع ..

الله يعطيك العافيه اخوي

بس ايش مشاكلها اخوي ؟؟

انا اعرف ناس مرتاحين ونزل وزنهم والحمدلله

الله يشفيك ويفك عوقك

[وحيد-الشوق]

ماقصرتوا يا اخوان بارك الله فيكم

ابشركم عمليته نجحت وكل شيء تمام ولله الحمد

[Cute Mother]

الله يعطيك العافيه اخوي

بس ايش مشاكلها اخوي ؟؟

انا اعرف ناس مرتاحين ونزل وزنهم والحمدلله

الله يشفيك ويفك عوقك

جزاك الله خير أخوي ..
الصراحة أخوي أني تعبت وتعذبت إليـــــن الحين مع إنه صار لي سنتين من يوم هالعملية ..
فـ الشهور الأولى قمت أروح من مستشفى لي مستشفى وأحيانا يجيبون لي الإسعاف للبيت ولا أقدر أصوم رمضان وكله يصير عندي هبوط فجأة وآخرها من شوي ..
من أشرب أي شي سواء شاي أو عصير او أي شي خفيف أحس بالهبوط وأدوخ وأعرق وماعندي توازن وكل ما آكل أي شي على طول ( ترجيع ) كرمكم الله ..
لدرجة إني أمنع نفسي من الأكل في الدوام حتى ما أطيح قدام الناس

فـ نصيحة ترك الطب طب على ما يقولون .. والشي الطبيعي أفضل وأضمن ..

[Cute Mother]

ماقصرتوا يا اخوان بارك الله فيكم

ابشركم عمليته نجحت وكل شيء تمام ولله الحمد

الحمدلله على سلامته وعساه ما يشوف شر يارب

[البحار00]

اعرف رجال سواها عند العمادي قبل شهرين

والحين الرجال الله يعلم بحاله في ألمانيا ولا هم بعارفين علته

بعد ما اعيزو عنه مستشفى حمد