عندي المطبخ بالطابوق وين احصل بلاط له !

[مضارب دوسري]

السلام عليكم
انا سويت رفوف المطبخ بالطابوق عشان اركب عليهم سيراميك
لانه اسهل للتنظيف وابعاد الحشرات واوفر من الستيل

المهم ابي اعرف وين اقدر احصل بلاط لهالنوع من المطابخ !
في محل معين مثلا ؟ ولا احد بلاط عادي واقطعه !




وجزاكم الله خير

[معماري قطري]

تقدر تاخذ البلاط الصغار اللي يجي بشبك بلاستك ورا، ولا لو حبيت أي نوعية بلاط 10 في 10، وحتى لو تخلط من النوعين ممكن.

بس نصيحة للي يحب يوفر في القواطع الخشب .. يسوي الأرضية مرتفعة شوي بطابوق ويركب قواطع خشب مارين بلايود الأسود القوي المقاوم للماي، وهذا الخشب ممكن يبلطه بسهولة أو لو يبي يحط فوقه رخام، وللمطبخ الخارجي ممكن حتى يخليه بدون أبواب، والداخلي ممكن يركب أبواب زجاج محبب ويركب إضاءَة داخلية لكل رف تعطي نور مخفي للمطبخ هاديء، ومهم تكون مفصلات تثبيت الأبواب نوعية قوية وتتحمل الوزن ويركب عدد أكثر حتى تتحمل ثقل الباب.

وممكن يخلي حائط كجزء كامل كبت بروحه بدون فاصل وجزء فوق وجزء تحت، وبحيث يكون الباب طويل بكامل الطول والإرتفاع، بعدين للسقف يركب الجبس بدءاً من حافة الكبت العلوي بحيث يبين الكبت بدون فراغ فوقه وكأنه منحوت داخل الحائط.

[][ Q6r ][]

بالتوفيق

[مضارب دوسري]

معماري قطر يعطيك العافيه ماقصرت اخوي

بخصوص البلاط الصغير اللي يجي خلفه شبك وين اقدر احصله !

ووين احصل قواطع الخشب !

[مضارب دوسري]

[ q6r ][;8868677']بالتوفيق

وياك الشيخ

[معماري قطري]

الخشب عند أعتقد التيسير النوع الجيد وفيه كم مكان عندهم وخصوصاً الصناعية .. بس خذ النوعية البلجيكية لو حصلت وأي منجره عندهم منشار كهربي يقدرون يقصونه لك حسب المقاس اللي تبيه .. وللزاق بتحصل نوعية قوية تحط بس كم نقطه تمسك البلاطة لازم تكسرها حتى تشيلها.

البلاط عند كافود 10 في 10 نوعيات حلوه، وعند تقريباً كل محل يبيع بلاط وحتى النوع الصغير فيه منه أنواع حتى فيه نوع داخله ورق ذهب غالي ذيه.

[ولد المنصور]

انا سويت نفس فكرتك وطلع عجيييييييب ,, واخذت البلاط من محل الضحى في طريق سلوى ..

[معماري قطري]

توجد بدائل كثيرة للطابوق كقواطع منها الألواح الجبسية والإسمنتية، وممكن تكون مزدوجة، والخشبية كذلك ومنها المقاوم للماء ويلصق عليه أي نوع من البلاط أو حتى الرخام، أو هناك البورسلان ومنه الأنواع اللتي بداخلها قطع ذهبية أو فضية، والطوب الحراري أو حتى الإنترلوك بحيث يوضع بالعرض حتى يكون سمك الحائط الفاصل بعد التشطيب في حدود 10 سم، وفي حال الخشب المارين بلايوود يكون السُمك 24 مم أو 3 سم بالكثير، وممكن لهذه القواطع أن تتحمل وزن قطعة رخامية كسطح عمل.

[مضارب دوسري]

يعطيك العافيه اخوي معماري

ولد المنصور
تصدق انا شفت هالحركه عند اخوي كشكل ومنظر اشوفها احلى بمليون مره من الالمنيوم والستيل