بنك الدوحة - تحليل فني

[فهد البقمي]

السلام عليكم

الاحبة الكرام

بنك الدوحة يدخل الايجابية ونتوقع ان يصل الي 48.20 كهدف فني بأذن الله مع وجود مقاومة 46.80

الدعم الحالي 45

بالتوفيق للجميع

http://chmoo3.net/uploaded/6_01367707574.jpg (http://chmoo3.net)

[الزعفراني]

أخوي فهد .. بنك الدوحة بنك ربوي .. والربا حرام ..

طلب اخوي ياليت تسخر علمك في التحليل الفني في الشركات الحلال والنقية .. ولك الاجر مضاعف في حال حد استفاد من تحليلك في الشراء او البيع

وجزاك الله خير

[فهد البقمي]

جزاك الله خير اخوي

مادريت والله وخبرني الاخ ابو جسار بعد مانزلت الموضوع

وكتب الله لنا ولكم الاجروالتوفيق والسداد

[فهد البقمي]

تم تحقيق الهدف

بالتوفيق للجميع

[qews]

هل من جديد لبنك الدوحه ؟؟

[بورصاوى]

هل هناك تحليل لمسار هذا السهم
كل يوم قاع جديد

[Al-Mezan]

من يوم استقال الرئيس التنفيذي القديم والسهم في نزول.

[بورصاوى]

السهم يتداول على 2.175 قرب اقل سعر سنويا 2.150
مضاعف ربحية السهم على سعره الحالي و ارباح ثلاثة ارباع 0.3 ريال
p/e = 7.25

[Abjalsulaiti]

السهم يتداول على 2.175 قرب اقل سعر سنويا 2.150
مضاعف ربحية السهم على سعره الحالي و ارباح ثلاثة ارباع 0.3 ريال
p/e = 7.25


عادي صارت بالتجاري قبل

وشوف وين سعره احين هذا سوق ولازم تكون فيه فرص

[Abjalsulaiti]

من يوم استقال الرئيس التنفيذي القديم والسهم في نزول.

لهذا السبب اتوقع لمجرد التوقع وبما ان الادارات العليا تشجع على الاندماجات ان البنك يندمج مع بنك ثاني وممكن يتحول اسلامي لان قبل كم سنه كانت فيه نيه لبنك الدوحه للتحول لبنك اسلامي

مثل ماصار بالريان والخليجي

وبروه وبنك قطر الدولي ( دخان )

[Abjalsulaiti]

شراء قوي من محافظ اجنبيه بشكل يومي

وبيع افراد قطر!!
عند ادنى سعر في 52 اسبوع

[Breakaway]

لهذا السبب اتوقع لمجرد التوقع وبما ان الادارات العليا تشجع على الاندماجات ان البنك يندمج مع بنك ثاني وممكن يتحول اسلامي لان قبل كم سنه كانت فيه نيه لبنك الدوحه للتحول لبنك اسلامي

مثل ماصار بالريان والخليجي

وبروه وبنك قطر الدولي ( دخان )

خمسين سنة وهو ربوي الحين يبي يصير إسلامي على الأساس والبنيان الربوي القائم عليه طوال تلك الفترة؟!

[Abjalsulaiti]

خمسين سنة وهو ربوي الحين يبي يصير إسلامي على الأساس والبنيان الربوي القائم عليه طوال تلك الفترة؟!

بنك قطر الدولي اقدم منه وصار اسلامي واندمج مع بنك بروه وصار بنك دخان

وبنك الخليجي صار اسلامي واندمج مع بنك الريان

[مهندس]

حركات غريبة بالبورصة !!!

شنو بنك يعلن توقيت الافصاح و قبلها بيوم يعلن التأجيل و بعدين ينزل سعره لأدنى سعر بعشر سنوات يمكن !!!


شنو الي يصير ؟

البنك ربوي ولا املك فيه بس حركات مافيات !!

معقوله ادارة السوق بس تطالع و لا تشوف و تتأكد شنو اسباب البيع و غيره !! و منو الي يبيع و يشتري بالأسهم !!!

[Abjalsulaiti]

حركات غريبة بالبورصة !!!

شنو بنك يعلن توقيت الافصاح و قبلها بيوم يعلن التأجيل و بعدين ينزل سعره لأدنى سعر بعشر سنوات يمكن !!!


شنو الي يصير ؟

البنك ربوي ولا املك فيه بس حركات مافيات !!

معقوله ادارة السوق بس تطالع و لا تشوف و تتأكد شنو اسباب البيع و غيره !! و منو الي يبيع و يشتري بالأسهم !!!


انتظر وقت الاعلان

اذا طلع صحيح سلبي والتاجيل كان للتصريف

تقدر تقدم شكوى لهيئة قطر للاسواق الماليه والبنك المركزي وترفع قضيه وتطالب بتعويض مادي

واذا حطيت محامي شاطر بتكسب القضيه 100%

[atiq]

راجعت بياناتهم المالية للارباع السابقة اشوف محقق ربح وزيادة 5 % لكن الربع الرابع خسران حول 180 مليون

هل في خسارة كبيرة في الربع الرابع 2022

[atiq]

اكبر نكبة توصيات بنك قطر الوطني

في شهر سبتمبر 2022

"بنك قطر الوطني" يوصي بالشراء لـ"بنك الدوحة" وسعر مستهدف عند 3.151 ريال

[قطر 2030]

اخوي عتيق وين تقرا الخساير ما فهمت

اخبر اجلوا اعلانهم

لكن اللي اشوفه شراء كميات ضخمه والسهم عند سعر اول تأسيسه

معقول بينطلق الاسبوع القادم

[atiq]

اخوي عتيق وين تقرا الخساير ما فهمت

اخبر اجلوا اعلانهم

لكن اللي اشوفه شراء كميات ضخمه والسهم عند سعر اول تأسيسه

معقول بينطلق الاسبوع القادم

اقصد 2021 الربع الرابع

تاجيل الاعلان وعقبها البيع القوي بعطي انطباع ان الاعلان سلبي جدا وخاصة ان البيع عند مستويات تاريخية

[Abjalsulaiti]

ادارة البورصه تحتاج اداره فوقها

[Hassoun]

السلام عليكم

أخوي عتيق سؤال محيرني: كيف بنك الدوحة محقق ارباح خلال ال 9 اشهر والعائد 0.3 والربع الاخير ممكن يحقق خسائر قوية؟

[atiq]

السلام عليكم

أخوي عتيق سؤال محيرني: كيف بنك الدوحة محقق ارباح خلال ال 9 اشهر والعائد 0.3 والربع الاخير ممكن يحقق خسائر قوية؟

وعليكم السلام

هذا إعلان التسع شهور الأولى من 2022

ارتفاع أرباح "بنك الدوحة" إلى 932.9 مليون ريال (+5%) بنهاية التسعة أشهر الأولى 2022

العام وزع 7.5% عن ارباح 2021

حاليا التصريف اللي صار عليه مب طبيعي وخاصة اخر يومين مع التأجيل وهذا يعطي انطباع ان في ناس عندهم خبر سلبي

[قطر 2030]

عن نفسي ما اتوقع خساير والتوزيع بيكون طيب اكيييييد

بس فيه ناس لهم يد ممكن لهم علاقة الجماعه اللي خبري خبرك

[atiq]

عن نفسي ما اتوقع خساير والتوزيع بيكون طيب اكيييييد

بس فيه ناس لهم يد ممكن لهم علاقة الجماعه اللي خبري خبرك

الله اعلم

نستشرف المستقبل بناء على المعطيات

[ali.5]

اشوف سعره ممتاز حتي لو ارباح ضعيفة المحافظ الاستثمارية وا راح تفوت الفرصه سعره ارخص من قيمته الدفتريه بكثير وبنك ومدعوم من الدوله

[عبدالجبار]

بنك الدوحة ينال جائزة مرموقة من ماستركارد
27 يونيو 2024
حصل بنك الدوحة على جائزة «أعلى إنفاق دولي لبطاقة مشتركة» عن بطاقة لولو بلاتينيوم ماستركارد الائتمانية من بنك الدوحة، وذلك خلال منتدى ماستركارد للأعمال في الشرق الأوسط وشمال أفريقيا. وتأتي هذه الجائزة تأكيدًا لالتزام بنك الدوحة المتواصل بتقديم أفضل المنتجات التي تلبي احتياجات عملائه.