بطلات الخور...

[reem_82]

السلام عليكم ورحمة الله وبركاته،،،

اليوم في جريدة الرايه بتاريخ 5/5/2013 ..

الجريدة الرياضيه.. حاطه خبر إن الخور بطلاً لدوري سيدات لكرة القدم..

...

الموضوع نرفزني ..

هل هذولي البنات يمثلون أهل الخور؟

وهل البنات الشقر يمثلون أهل قطر وأهل الخور؟؟

الصراحه أحس إن هالرياضة المرتبطة بالسيدات تلاعب على عقولنا وعلى الدين..

طيب خلو الرياضه من غير صحافه ... وشوا له ترززون الصور في الجرايد..

او اذا بتحطون شي ، حطوا شي يمثل تمثيل صح..

أحلام المانع .. تخبطتها :omen2:

[رفيق الصحراء]

ياختي الكريمه هدي من نفسج
لو فيه بنات قطريات بيروحون يلعبون كان ماجابوا الشقر والحمر
بدل ماتقولون هذولا مايمثلونه حطوا حلول روحوا مثلوا انديتكم وبلدكم

وهم مايمثلون اهل الخو هم يمثلون النادي مو كل من يلعب بنادي يعني يمثل المنطقه والا هو ساكن بهالمنطقه يمثلون نادي اسمه الخور فقط

[ابوعلي]

الصحافه معروفة وتضع هالعناويين حتى تجذب القراء وبالاخص محاولة جذب فئة من بنات قطر والي مع الخيل ياشقرا حتى تمارس الرياضة وتظهر بالصحف

ولكن الحمدلله ويارب محاولاتهم تخيب

[reem_82]

ياختي الكريمه هدي من نفسج
لو فيه بنات قطريات بيروحون يلعبون كان ماجابوا الشقر والحمر
بدل ماتقولون هذولا مايمثلونه حطوا حلول روحوا مثلوا انديتكم وبلدكم

وهم مايمثلون اهل الخو هم يمثلون النادي مو كل من يلعب بنادي يعني يمثل المنطقه والا هو ساكن بهالمنطقه يمثلون نادي اسمه الخور فقط

والله لانمثل ولا نمثل يااخي الكريم

[reem_82]

الصحافه معروفة وتضع هالعناويين حتى تجذب القراء وبالاخص محاولة جذب فئة من بنات قطر والي مع الخيل ياشقرا حتى تمارس الرياضة وتظهر بالصحف

ولكن الحمدلله ويارب محاولاتهم تخيب

شكراً على الرد

[رفيق الصحراء]

والله لانمثل ولا نمثل يااخي الكريم

وصلنا خير
دام ماتبين تمثلين منطقتج والبلد عيل لاتقولين هذولا البنات اللي جابهم والا هالشقهر ماتمثل قطر ولا تمثل المنطقه الفلانيه
لاتنتقدون ولاتقدمون حلول مايصير

[reem_82]

وصلنا خير
دام ماتبين تمثلين منطقتج والبلد عيل لاتقولين هذولا البنات اللي جابهم والا هالشقهر ماتمثل قطر ولا تمثل المنطقه الفلانيه
لاتنتقدون ولاتقدمون حلول مايصير

:omg:

[حسن]

يجوز هذول عيال (المر)

[khk]

بصراحة كان الموضوع مزعج جدا أن يكون هناك دوري للسيدات في الأصل والأكثر ازعاجا أن يكون تصوير وتتويج وبعنوان بطلات الخور أو غيره
ولكن الطامة الكبرى أن يكون رد العضو الكريم (رفيق الصحراء) بهذه الطريقة لو في بنات قطريات يروحون يلعبون ....


لا ننكر الرياضة فهي مفيدة للجسم والصحة ولكن عندنا قيود شرعية وعندنا دين
بس تذكرة العورة هي عورة للمرأة هي بنت الخور أو بنت الدوحة أو غير ذلك

[رفيق الصحراء]

بصراحة كان الموضوع مزعج جدا أن يكون هناك دوري للسيدات في الأصل والأكثر ازعاجا أن يكون تصوير وتتويج وبعنوان بطلات الخور أو غيره
ولكن الطامة الكبرى أن يكون رد العضو الكريم (رفيق الصحراء) بهذه الطريقة لو في بنات قطريات يروحون يلعبون ....


لا ننكر الرياضة فهي مفيدة للجسم والصحة ولكن عندنا قيود شرعية وعندنا دين
بس تذكرة العورة هي عورة للمرأة هي بنت الخور أو بنت الدوحة أو غير ذلك

ياخي الكريم الدين ماقال للمراه لاتلعبين جدام حريم وبمكان مغلق
والرياضه حرام ان تلعبها المره
في نوادي خاصه للحريم وماعتقد الاتحاد القطري او لجنة رياضة المراه مايعرفون هالامور وانت بس اللي تعرفها


ماعتقد انك جايب العيد ندري هناك قيود وماعتقد الاتحاد القطري او لجنة رياضة المراه مايعرفون القيود الشرعيه
وماعتقد فيه مباراه صارت بالملعب بين ناديين حريم والناس راحوا يشوفون المباراه

عيل البنت لاتقول هذي ماتمثلنا هالشقره والا هالحمره وذولا مو عيال قطر

ومايصير تنتقد حاجه وبالاساس انتوا ماتبون الحلول الصحيحه

[kuwari]

انا من الخور وردي ما افرقت عن دوري الرجال هل كسولا كان من الخور قبل ما يروح السد ولا كوني من السد ولا ناصر كميل من اي منطقه علموني !

واللي حصل اجتهاد من بعض البنات القطريات وعملوا فريق يمثل الانديه يعطيهم العافيه

[ابوعلي]

يجوز هذول عيال (المر)

:eek2::eek2:


المر طار

[ام السعف]

ياختي الكريمه هدي من نفسج
لو فيه بنات قطريات بيروحون يلعبون كان ماجابوا الشقر والحمر
بدل ماتقولون هذولا مايمثلونه حطوا حلول روحوا مثلوا انديتكم وبلدكم

وهم مايمثلون اهل الخو هم يمثلون النادي مو كل من يلعب بنادي يعني يمثل المنطقه والا هو ساكن بهالمنطقه يمثلون نادي اسمه الخور فقط

مصختها يا رفيق

الحين بذمتك هذا اقتراح تقدمه للبنت اللي قلبها محترق على
وجود فريق للسيدات باسم الخور ؟

بعدين اصلا كرة القدم شلي بتقدمه للبنت ؟

اشوية تأني قبل الجري خلف كل فكرة مستوردة :telephone:

[شموخ دائم]

,

,


مرحبا


كل نادي في قطر هناك فريق ( سيدات ) يمثله
ولهم دوري
والصحافه من الطبيعي تغطي هذه الرياضه

نادي الخور الرياضي لايوجد فيه ولا لاعب من الخور بفريق كره القدم رجال
وهم محترفين من مختلف مناطق قطر والبقيه اجانب محترفين بعقود

فما بالك بفريق البنات !!
طبعا لاعبات اجانب وكل فرق قطر كذلك
الا من بعض القطريات المعدودات على الاصابع في بعض الانديه


طبعا لاهو من عادات ولا تقاليد قطر
ان البنت تلعب كره قدم

ولكن للمشاركه في المحافل الدوليه تم عمل دوري
لتشكيل منتخب قطري للبنات يمثل قطر خارجيا

وهي تجربه فاشله واتمنى ايقافها

,

,



اخوك


شموخ دائم

[فراغ]

الصراحة الرياضة في قطر مصخت
أول كانوا الجماهير تبشي أذا أنهزم فريقهم
ليش لآنه فيه ولاء لنادي وحب له والنادي مليان بعيال الفريج
لأنه ألي يالعب أخوك أو ولد جاركم يعني عيال الفريج
اليوم ماكو ألا الفنيله ألي تمثلك بعد ما جابوا اللعيبة الاجانب
المشكلة مش في من ياخذ الكاس علشان تيبون الاجانب المشكلة أنكم فقتوا الجماهير
اليوم ماكو جماهير يتابعون المباريات ويحضرون ويشجعون
يعني ماتت الرياضة في قطر
لآن الرياضة جماهير من غيرها مش رياضة
تصبح رياضة فئة وحدودة
في يوم من الايام كان عندي موضوع في نادي الاهلي
وقالي الريال ألي أنا قابلته فيه مباراة في تنس الطاولة على الكاس الحين بتبدأ
وكانوا حذانا أثنين صينيين يسولفون بصيني ويضحكون
المهم بعد شويه صفر الحكم
وكل واحد من الصينيين لثنين وقف على طرف الطاولة
أطلعوا واحد يمثل العربي والأخر يمثل الأهلي الفرق بين الثنين الفالينه الي لابسها بس حتى السكن طلعوا يسكنون في بيت واحد مع بعض
وين روح التنافس وين الوطنيه بس ألعب وبس
أمحك رياضة وأمحك أندية

[ام السعف]

الصراحة الرياضة في قطر مصخت
أول كانوا الجماهير تبشي أذا أنهزم فريقهم
ليش لآنه فيه ولاء لنادي وحب له والنادي مليان بعيال الفريج
لأنه ألي يالعب أخوك أو ولد جاركم يعني عيال الفريج


اي والله صدقت القلب كان يتفطر على العربي لو انهزم

اليوم بلادة في المشاعر حتى لو فاز تحس فال مب زين لأنه
بينهزم عشرين مباراة عقبها :(

[bos3eed]

عندما يظن البعض ان كل شئ يمكن شراءه بالمال

[رفيق الصحراء]

أرجع واعيد لاتقعدون تنتقدون ؤانتوا ماعندكم حلول ؤانتوا قاعدين حاطين رجل على رجل وتنتقدون ولاتتحركون . لاتقولون هدي الفرق مأتمثلنا. وهؤلاء مو قطريين ولا يمثلون بنات بلدنا. ؤانتوا مانادون الاتحادات القطريه ؤبنات قطر بانهم يمثلون بلدهم بتلك الألعاب. أنا مأقول إن الكره أيش بتفيد فيه البنت بس هالكره بتفيد بلادها. بترفع اسم بلدها إلا إذا أنتوا ماتبون ترفعون اسم بلادكم هذا أمر ثاني . صح فيه مجالات كثيره. غير الكره بس الكره بعد مجال يفيد البلد ويرفع اسم البلد . لاتقولون إذا أنتوا ماتبون الكره. أنه هالفرق مأتمثلنا لأنه الدوله حاولت تنتفع بمواطنيها بس مواطنيها مايبون. ودابحتهم العادات والتقاليد متمسكين فيها وأئد والدين ذابحهم وان هم بس اللي يعرفون بالدين والدوله وألاتحادات مايعرفون الدين. ولا العادات .

[HotBlood]

انا من الخور وردي ما افرقت عن دوري الرجال هل كسولا كان من الخور قبل ما يروح السد ولا كوني من السد ولا ناصر كميل من اي منطقه علموني !

واللي حصل اجتهاد من بعض البنات القطريات وعملوا فريق يمثل الانديه يعطيهم العافيه

انا من الخور واقولك هالبنات يخسون ويهبون من بنات قطر....
الا اذا في وحده منهم من هلك فهذا شي ثاني

[HotBlood]

أرجع واعيد لاتقعدون تنتقدون ؤانتوا ماعندكم حلول ؤانتوا قاعدين حاطين رجل على رجل وتنتقدون ولاتتحركون . لاتقولون هدي الفرق مأتمثلنا. وهؤلاء مو قطريين ولا يمثلون بنات بلدنا. ؤانتوا مانادون الاتحادات القطريه ؤبنات قطر بانهم يمثلون بلدهم بتلك الألعاب. أنا مأقول إن الكره أيش بتفيد فيه البنت بس هالكره بتفيد بلادها. بترفع اسم بلدها إلا إذا أنتوا ماتبون ترفعون اسم بلادكم هذا أمر ثاني . صح فيه مجالات كثيره. غير الكره بس الكره بعد مجال يفيد البلد ويرفع اسم البلد . لاتقولون إذا أنتوا ماتبون الكره. أنه هالفرق مأتمثلنا لأنه الدوله حاولت تنتفع بمواطنيها بس مواطنيها مايبون. ودابحتهم العادات والتقاليد متمسكين فيها وأئد والدين ذابحهم وان هم بس اللي يعرفون بالدين والدوله وألاتحادات مايعرفون الدين. ولا العادات .

رفيق هالخرابيط ما تمشي معانا.
خلي اختك والا بنتك اول تشارك وبعدين تعال وقول هالكلام

[كنترول]

رفيق هالخرابيط ما تمشي معانا.
خلي اختك والا بنتك اول تشارك وبعدين تعال وقول هالكلام

اشكرك على ردك يا hot عجل حطو حلول وشهي الحلول جيب اختك تلعب وحنا راضين
يقولون الدين تقول نعرفه اذا تعرفه عجل وش حكم الدين فيللي راضي على شوفاته سوا قدام حريم
او رجاجيل وبعدين وش فايدة فريق نسائي في قطر

[Aaziz]

هذا هو جحر الضب



الي اذا دخلوه دخلناه وراهم

[ALKHOR-Q]

رفيق هالخرابيط ما تمشي معانا.
خلي اختك والا بنتك اول تشارك وبعدين تعال وقول هالكلام

كفو عليك يا hotBlood على الرد الي يبرد الخاطر

وبعدين يا أخ ( رفيق الصحراء ) في ألف طريقه مشرفه تخلي بناتنا يرفعون راس بلدنا غير ( كرة القدم ). ترفع راس بلدها بتربية وتعليم اجيال اساسها مبني على الدين وعاداتنا وتقاليد أهل البلد الحميده.

الله يحفظ بلدنا من كل شر

اختي reem الله يعطيك العافيه على غيرتك وعلى الموضوع

[Qatar Angel]

ما يصير يا اخواني وخواتي اذا خالفكم عضو في الرأي نخوض في عرضه
لازم نحترم كل الآراء ووجهات النظر

[vip-30003]

دام في تجنيس في قطريات في كل المجالات لا اتخافوون


اما الخور خط احمر خلونا نتكلم بمواضيع عامه بدون ما انحدد مناطق

وبدون ماحد يتكلم بشخص الثاني

اللي يرضى على هله بلعب الرياضه جدام الكل شي راجع له

لايطلب من الناس والموضوع ان لا اتجيبون ناس واتنسبونهم لنا

اذا قلنا قطر ومنتخب غير عن نادي غير عن فرق غير منطقة محدده

واتمنى اغلاق الموضوع

[الوليد1]

ما يصير يا اخواني وخواتي اذا خالفكم عضو في الرأي نخوض في عرضه
لازم نحترم كل الآراء ووجهات النظر

صح لسانك

[faisalco]

بغض النظر عن الشقر والتمثيل.
اعتقد مكتوبة الاسامي بالصور تقدرون تقرون بجريدة الراية وتشوفون انه الي محطوطة صورهم قطرياااااات وشوفو الاسامي بنفسكم تحت الصور

[al saad]

:eek5:

[فراغ]

أنا أرى بأن الموضوع أخذ منحى أخر
غير موضوع الرياضة وتحول الى موضوع أعراض
وكل واحد بدا يغلط على الاخر
ولازم بما أننا نتكلم عن الرياضة
أن تكون هنالك روح رياضية
والمفروض نعلم النساء السباحة وركوب الخيل والرماية كما حثنا الدين على ذلك
أما مرأة تشوت كورة هذي كبيرة

[reem_82]

/
\
/

,, أشكر الجميع على المشاركه ـ وانا قصدي إن هذولي البنات لايمثلون منطقة بعينها --
بدون تجريح بين الأعضاء ...

وبعدين الرياضه النسائيه اذا تبونها تصير ، خل تصير بدون إعلام ، ليش فيه ظهور إعلامي..

وفيه مليووون طريقة نقدر نرفع اسم بلادنا,,

وعلى فكرة ، حق بعض الاعضاء اللي قالوا نرفع اسم بلادنا فووق ، قطر تستاهل كل الخير ومب بالترزز في الجرايد المحلية نرفع اسم بلادنا , لانك لو رحت أي دولة اوروبية او امريكا ترى مايعرفون قطر ، للأسف .

-- بيعرفونها بالعلم بالمعرفة بالثقافه بتمثيلنا حق بلادنا عندهم افضل تمثيل . مب في فريق كورة محليه او غيره ..


اتمنى فكرتي ووجهة نظري وصلت ومحد يتضايق من الموضوع..

والله يهدينا جميعاً إلى طريق الهداية والصلاح..

إنتهى

[همر]

أنا أرى بأن الموضوع أخذ منحى أخر
غير موضوع الرياضة وتحول الى موضوع أعراض
وكل واحد بدا يغلط على الاخر
ولازم بما أننا نتكلم عن الرياضة
أن تكون هنالك روح رياضية
والمفروض نعلم النساء السباحة وركوب الخيل والرماية كما حثنا الدين على ذلك
أما مرأة تشوت كورة هذي كبيرة


تصدق انا قريت العنوان عبالي لبطول لمحذفه على السيف !!!
الحمدلله نيتي كانت بعيده عن المهاترات.. :shy:

[رفيق الصحراء]

للاسف في ناس تفكيرها على قدها وماتفهم ايش نكتب او مو مستعده تفهم
ارجع واعيد والاعاده تنفع وذكر ان الذكرى تنفع المؤمنين

اولا : اللي قاعد يدخل اهلي بالموضوع ويقول ويخربط وذابحته الحميه
انا ماقلت بجميع ردودي يابني ادم انه انا اقول ليش حاطين بنات غير قطريات وذولا ماينتسبون لنا لانه انا ادري انه مافي قطريات يبون يدشون الرياضه ولعب الكره خصوصا فلهذا انتبهوا لهالكلمه لاتقرون نص الكلام وتتركون الباقي تامنون ببعض الكتاب وتكفرون ببعض فلهذا اذا جابوا اي اجنبيه وقالوا ذولا راح يمثلو ن الانديه وذولا قطريات نحترمهم ونشجعهم لانهم يمثلونها

ثانيا يابني ادم انا قلت صح فيه اكثر من مجاااااااال ترفع اسم بلادك فيه واقروا ردودي الله يخليكم لاتصيرون مثل اللي يقرا ومايفهم او مايبغي يفهم

انا اهلي مابيهم يدشون كره مو عشان دين ومادين لان ه ادري الوطن والحكومه مو ماتعرف بالدين وماتعرف عاداتنا وتقاليدنا وجايه من الواق واق يعرفون ويحافظون على بنات ديرتهم ومن جاي يمثل قطر سواء شقره او بيضه
احنا تربينا على ان ه البنت ماتلعب كره بس مانقول ليش جايبين بنات غير ومايمثلونه

اللي يقول ذولا مايمثلونه خل يجيب اهله يمثلونه او يطلب من اي قطريه تدخل هالمجال عشان تمثل حضرته

ارقوا عدل بليييييييييز واقروا كل الردود اذا ماتفهمون او تستهبلون هذي مشكلتكم
بس عدم اللعب على وتر الدين ووتر العادات والتقاليد

ولو هامتكم العادات والتقاليد والدين فيه وايد اشياء لاتمت للدين وانتوا تسوونها ومانبي نفتح هالمواضيع لانه احنا موضوعنا غير

اقروااااا عدل وافهموا شقصد
بلييييييييييييييييييييييييييز

[رمح الضعاين]

لا ارى مانع من مشاركتها بدون حضور اعلامي

فقط يكون في مكان خاص دون نقله عبر وسائل الاعلام

وبالنسبه لي مستحيل اقبل على اهلي المشاركه بهذه المسابقات والدورات

ولكن من اراد الذهاب فهو حرّ كل بيئه لها عاداتها وتقاليدها



اخوكم

[رفيق الصحراء]

^
^
جزاك الله خير على ردك اخي الكريم

احنا مانقول لاتشاركون ولا نقول شاركوا اللي يبي يشارك كيفه واللي مايبي هم كيفه ولكن مانشكك باللي شاركوا بدينهم وبعاداتهم وبرجولتهم

بس اللي مايشارك لايقول ذولا مايمثلون قطر لانه ذولا يمثلونه دام لبسوا فانيلة المنتخب او النادي يمثلونه ذولا مو هل قطر اذا تبون هل قطر دخلوا هاليكم جيبوا بنات هل قطر يمثلونكم

ولا اللي مشارك يقدر يقول للي مايشارك انت ماتحب وطنك لانه ذكرتها من قبل رفع اسم البلد ممكن باي طريقه

بقول لكم مثال بسيط
في احد السنوات تقريبا 15 سنه او اكثر . ببريطانيا كان هناك هجوم على الجيش البريطاني يستهزؤون بالجيش ومن هم بالجيش وبلبس الجيش ووصل الامر للملكه اليزابيث وكان هناك فيه عرض عسكري وهي واقفه الا مر ببداية الجيش تكرمون كلب لابس اللبسه العسكريه البريطانيه ضربت له سلام وكانت ضربه لها بوجوه بكل من كان يستهزىء بالجيش وكانت تبي توصل لهم رساله بانه لو كلب يلبس لبسه عسكريه بريطانيه نحترمها دام يمثل بلدنا

[khk]

اخوي رفيق بخصوص أنك ماتشكك في اللي شاركوا واللبس كان قصير أو ضيق وبدون حجابات للبعض وبحضور مصورين واعلامين أي دين أو عادات

ماري اذا عندك فتوى تجيز هذا العمل اكتبها لنا

وأعيد وأكرر لأن التكرار يعلم الشطار الرياضة مفيدة للجسم والصحة ولكن بضوابط الشرع ومنها الحجاب واللباس الساتر وعدم حضور الرجال بغض النظر اللي يلعبون شقر ولا حمر

[ام السعف]

للاسف في ناس تفكيرها على قدها وماتفهم ايش نكتب او مو مستعده تفهم
ارجع واعيد والاعاده تنفع وذكر ان الذكرى تنفع المؤمنين

اولا : اللي قاعد يدخل اهلي بالموضوع ويقول ويخربط وذابحته الحميه
انا ماقلت بجميع ردودي يابني ادم انه انا اقول ليش حاطين بنات غير قطريات وذولا ماينتسبون لنا لانه انا ادري انه مافي قطريات يبون يدشون الرياضه ولعب الكره خصوصا فلهذا انتبهوا لهالكلمه لاتقرون نص الكلام وتتركون الباقي تامنون ببعض الكتاب وتكفرون ببعض فلهذا اذا جابوا اي اجنبيه وقالوا ذولا راح يمثلو ن الانديه وذولا قطريات نحترمهم ونشجعهم لانهم يمثلونها

ثانيا يابني ادم انا قلت صح فيه اكثر من مجاااااااال ترفع اسم بلادك فيه واقروا ردودي الله يخليكم لاتصيرون مثل اللي يقرا ومايفهم او مايبغي يفهم

انا اهلي مابيهم يدشون كره مو عشان دين ومادين لان ه ادري الوطن والحكومه مو ماتعرف بالدين وماتعرف عاداتنا وتقاليدنا وجايه من الواق واق يعرفون ويحافظون على بنات ديرتهم ومن جاي يمثل قطر سواء شقره او بيضه
احنا تربينا على ان ه البنت ماتلعب كره بس مانقول ليش جايبين بنات غير ومايمثلونه

اللي يقول ذولا مايمثلونه خل يجيب اهله يمثلونه او يطلب من اي قطريه تدخل هالمجال عشان تمثل حضرته

ارقوا عدل بليييييييييز واقروا كل الردود اذا ماتفهمون او تستهبلون هذي مشكلتكم
بس عدم اللعب على وتر الدين ووتر العادات والتقاليد

ولو هامتكم العادات والتقاليد والدين فيه وايد اشياء لاتمت للدين وانتوا تسوونها ومانبي نفتح هالمواضيع لانه احنا موضوعنا غير

اقروااااا عدل وافهموا شقصد
بلييييييييييييييييييييييييييز

من حق اي شخص يقول ان هذيلا ما يمثلوننا
فمب عارفة ليش تحجر على اراء الناس ؟؟

هو في حد غلط عليك لما قال انهم ما يمثلوننا ؟

كل واحد حر في نظرته ،، ومب لازم اللي يقول انهم ما يمثلوننا
يدزون بناتهم يلعبون كورة قدم وان كانوا في صالات مغلقة !!

ومن ثم مب كل شي تسويه الدولة لازم نصفق له
هذا هو الباليه باجر بتقول لنا اذا مب عاجبينك البنات وما يمثلونكم
روحوا مثلوا بلادكم ،،

اتعبتنا يا رفيق :(

[رفيق الصحراء]

اخوي رفيق بخصوص أنك ماتشكك في اللي شاركوا واللبس كان قصير أو ضيق وبدون حجابات للبعض وبحضور مصورين واعلامين أي دين أو عادات

ماري اذا عندك فتوى تجيز هذا العمل اكتبها لنا

احنا موضوعنا مو حرام والا حلال والا ايش لبسهم موضوعنا مختلف اخي الكريم

وأعيد وأكرر لأن التكرار يعلم الشطار الرياضة مفيدة للجسم والصحة ولكن بضوابط الشرع ومنها الحجاب واللباس الساتر وعدم حضور الرجال بغض النظر اللي يلعبون شقر ولا حمر

احنا مانقول مايكون فيه شرع عطني كلمه من كلامي قلت انه بدون ظوابط شرعيه
والدوله تعرف هالشي ماعتقد حد يختلف على هالشي واحنا موضوعنا مختلف ماندخل بحلال وحرام

[ام السعف]

احنا مانقول مايكون فيه شرع عطني كلمه من كلامي قلت انه بدون ظوابط شرعيه
والدوله تعرف هالشي ماعتقد حد يختلف على هالشي واحنا موضوعنا مختلف ماندخل بحلال وحرام

لا الدولة ما تعرف هالشي

فلا نخلط الأمور يا اخوي ،، الدولة تتصرف في الرياضة من حيث
انها تفصل الدين عن الرياضة ،،

والفرق اللي تلعب اليوم في صالات مغلقة بكرة لازم تمثل قطر في المحافل
الثانية ،، وكلنا شفنا تقارير عن مباريات لليد كانوا اللاعبات يلعبون
ويشاركون فهل تعتبر كرة اليد وركض البنت في الملعب من الدين ؟

[رفيق الصحراء]

من حق اي شخص يقول ان هذيلا ما يمثلوننا
فمب عارفة ليش تحجر على اراء الناس ؟؟

هو في حد غلط عليك لما قال انهم ما يمثلوننا ؟

كل واحد حر في نظرته ،، ومب لازم اللي يقول انهم ما يمثلوننا
يدزون بناتهم يلعبون كورة قدم وان كانوا في صالات مغلقة !!

ومن ثم مب كل شي تسويه الدولة لازم نصفق له
هذا هو الباليه باجر بتقول لنا اذا مب عاجبينك البنات وما يمثلونكم
روحوا مثلوا بلادكم ،،

اتعبتنا يا رفيق :(

احنا ماقلنا لاتقولين تبين تقولين قولي بس حطي حل شنو الحل برايك
مو تقولين غلط ومايمثلونا وماتعطين حلول وايش نسوي عشان نجيب ناس تمثلنا
وانا ماقلت دزي بنتج او بنات الناس قلت حطي حلول والبلد ماتغصب حد لان ه في ناس تبي تلعب وتبي بناتها تلعب وفي ناس ماتبي ونقول مو الكره ترفع اسم البلد فيه اشياء ثانيه

رضا الناس غاية لاتدرك ومو لازم تصفقين للدوله ماعتقد الدوله محتاجه تصفقين لها
ولا بتنقص قوتها ان ماصفقتي لها
امريكا اللي هي امريكا مو كل شي تسويه الحكومه يبونه الناس بس بنفس الوقت ماشيه باللي تسويه
يعني وافقتي والا ماوافقتي صفقتي والا رقصتي ماراح يهم اللي يبونه بيسووونه

ياما ناس طلعوا قالوا غلط بس البلد سوته

بالنسبه للباليه خل يسوون باليه شاللي متعبج بالباليه
اذا بتتنتقدينه انتقديه كفن مو لانه مايمثلونه هالبنات
في فرق بين تقولين مايمثل هالفن بلدنا وبين مايمثلونه هالبنات
لانه الكل يدري انه ذولا مو قطريات يعني لاتخافين مابيقولون ام السعف راحت تلعب باليه
لاتتلاعبين باللالفاظ اختاري لفظج عدل

[Aaziz]

احنا مانقول مايكون فيه شرع عطني كلمه من كلامي قلت انه بدون ظوابط شرعيه
والدوله تعرف هالشي ماعتقد حد يختلف على هالشي واحنا موضوعنا مختلف ماندخل بحلال وحرام

رفيق الصحراء ،، بعيد عن نقاشكم في الموضوع .
اخوي هل ممكن تترفق قليلا في الاسلوب و الالفاظ .
تخاطب الناس باسلوب صعب ،، بسهوله ممكن حد يقول لك يا طين (حيشاك) عادي انت انسان و انت مخلوق من طين مافيها شي .

الافضل نرتقي بالحوار و الالفاظ و نبتعد عن ذكر اهالينا كمثال كي لا يدكون النقاش شخصي بدون قصد او بقصد.

و النصيحة موجهه للجميع و على رأسهم محدثك .

[ام السعف]

احنا ماقلنا لاتقولين تبين تقولين قولي بس حطي حل شنو الحل برايك
مو تقولين غلط ومايمثلونا وماتعطين حلول وايش نسوي عشان نجيب ناس تمثلنا
وانا ماقلت دزي بنتج او بنات الناس قلت حطي حلول والبلد ماتغصب حد لان ه في ناس تبي تلعب وتبي بناتها تلعب وفي ناس ماتبي ونقول مو الكره ترفع اسم البلد فيه اشياء ثانيه

رضا الناس غاية لاتدرك ومو لازم تصفقين للدوله ماعتقد الدوله محتاجه تصفقين لها
ولا بتنقص قوتها ان ماصفقتي لها
امريكا اللي هي امريكا مو كل شي تسويه الحكومه يبونه الناس بس بنفس الوقت ماشيه باللي تسويه
يعني وافقتي والا ماوافقتي صفقتي والا رقصتي ماراح يهم اللي يبونه بيسووونه

ياما ناس طلعوا قالوا غلط بس البلد سوته

الحل موجود في ردود الأخوان ان الأمور هذي ما تمت لديننا بصلة
فبترها والقضاء عليها هي الحل ،،
فعمره ما كان حل المواضيع بالالتفات على الدين علشان خاطر عيون الدولة ،،

فإذا الدولة بتفرض رايها من حق الناس ترفض وتقول اللي تبيه
لأن حلولها ما بتاخذ فيه الدولة ،،،

[رمح الضعاين]

كل شخص له حرّ التصرف (طالما بيئتهم الاسريه عندهم هذا الشيئ عادي|)

نعم لهم حريه التصرف ولكن طبعا على ان يظهرا بصوره لائقه(بلباس محترم ) امام وسائل الاعلام وعند فرز اسماء المتسابقات يجب ان يذكر اسمها مع الجنسيه (الحقيقيه )


وبعدين لماذا هذا الاستنكار الكبير على مشاركه نساء بأسم قطر في العاب رياضيه !!!

والله ساعات عندما اجلس وافكر بالموضوع اقول على الاقل ظهورهم كان في مجال رياضي باسم قطر اشرف من

الطامه الكبرى من هم من ابناء وبنات جلدتنا من يتسكعن بالمجمعات بعبائه بمنظر تبرج لايمت للعادات القطريه الاصيله والله هؤولاء من نخجل منهم انهم (قطريات )
واخيرا" اؤوكد مبدأ ظهور اعلامي مرفوض لي ولا اسمح لاهل بيتي بالمشاركه

ومن حق اي مواطن قطري التدخل وابداء رأيه بالظهور الاعلامي اذا كان (غير لائق بلباسهم ) ويمس سمعه القطريات


اخوكم

[قطريه22]

اسمحيلي ياصاحبة الموضوع طريقة طرحج للموضوع استفزازيه انتي منقهره وقاعده تكتبين
وحتى طريقة ردج على الاعضاء نفس الشيء

كل شخص وله وجهة نظر سواءً كان مؤيد لج أو معارض

بخصوص الموضوع

كل أهل قطر ان شافو الشقر على قولتج بيعرفون انهم مب قطريات لانها مب لابسه لبس يدل على انها قطريه فماله اي علاقه انهم يمثلون اهل المنطقه بكبرها،، هم يلعبون في نادي الخور ويمثلون النادي ، مثل مايقولون بطلات السد او بطلات الغرافه فهم بهالمسمي يقصدون النادي مب المنطقه بكبرها ..

هذا رايي في الموضوع

[رفيق الصحراء]

^
^
هذا مو حل الدوله جابت مدربين وسوت ملاعب ولاعبين وخسرت واخر شي تقولين سكروا
مو محل او سوبر ماركت بيتسكر
انتي تبون كاس العالم وتنظمون بطولات يعني عشان توصلون للي تبونه لازم تجيبون فرق نسائيه

وبعدين هالكلام الالتفاف على الدين عشان خاطر الدوله كلام كبيير يعني الدوله مو مهتمه بدين ؟؟؟ وقاعده تتلاعب بالدين وتحرف الدين على كيفها
والدوله فيها قضاء وشيوخ دين يعني هم مويدين هالكلام وقاعدين يتلاعبون بالدين

وان الدوله ككل دستورها قائم على باطل وكذب لانه مكتوب بالدستور الدين الاسلامي هو شريعة البلد وبكلامك هذا يعني مافي دين

وننسى هالموضوع ولو تبين تنفذين الدين تعالي عدة اشياء نسويها ضد الدين
الخمور ؟؟ العبايه هل العبي اللي تلبسونها دينيه بحته كما جاء بالقران ؟؟؟؟؟؟هل تطلعين بدون عطر ؟؟؟ هل تطلعين وانتي غاضه البصر ؟؟؟ هل المره تطلع م ن البيت معاها محرم ؟؟؟او تسافر ومعاها محرم ؟؟؟هل ركوبك بالسياره مع السايق حلال؟؟مو خلوه ؟؟؟
هذا كله دين بعد
بس مو موضوعنا
الشي هذا صار وفيه انديه مايصير تقولين سكروا وهذا ضد الدين
عطي حلول اخرى او لاتقولين شي سكتي

[قطريه22]

^
^
هذا مو حل الدوله جابت مدربين وسوت ملاعب ولاعبين وخسرت واخر شي تقولين سكروا
مو محل او سوبر ماركت بيتسكر
انتي تبون كاس العالم وتنظمون بطولات يعني عشان توصلون للي تبونه لازم تجيبون فرق نسائيه

وبعدين هالكلام الالتفاف على الدين عشان خاطر الدوله كلام كبيير يعني الدوله مو مهتمه بدين ؟؟؟ وقاعده تتلاعب بالدين وتحرف الدين على كيفها
والدوله فيها قضاء وشيوخ دين يعني هم مويدين هالكلام وقاعدين يتلاعبون بالدين

وان الدوله ككل دستورها قائم على باطل وكذب لانه مكتوب بالدستور الدين الاسلامي هو شريعة البلد وبكلامك هذا يعني مافي دين

وننسى هالموضوع ولو تبين تنفذين الدين تعالي عدة اشياء نسويها ضد الدين
الخمور ؟؟ العبايه هل العبي اللي تلبسونها دينيه بحته كما جاء بالقران ؟؟؟؟؟؟هل تطلعين بدون عطر ؟؟؟ هل تطلعين وانتي غاضه البصر ؟؟؟ هل المره تطلع م ن البيت معاها محرم ؟؟؟او تسافر ومعاها محرم ؟؟؟هل ركوبك بالسياره مع السايق حلال؟؟مو خلوه ؟؟؟
هذا كله دين بعد
بس مو موضوعنا
الشي هذا صار وفيه انديه مايصير تقولين سكروا وهذا ضد الدين
عطي حلول اخرى او لاتقولين شي سكتي

:eek5:
انا ماقلت شكلك تبي ترد على حد وانا كتبت ردي

شكلك تقصد ام السعف

[وحيد-الشوق]

انا ماقهرني في الموضوع غير وجهة نظر الاخ رفيق الصحراء :omg:

قال تمثيل قال :rolleyes2:

[ام السعف]

^
^
هذا مو حل الدوله جابت مدربين وسوت ملاعب ولاعبين وخسرت واخر شي تقولين سكروا
مو محل او سوبر ماركت بيتسكر
انتي تبون كاس العالم وتنظمون بطولات يعني عشان توصلون للي تبونه لازم تجيبون فرق نسائيه

وبعدين هالكلام الالتفاف على الدين عشان خاطر الدوله كلام كبيير يعني الدوله مو مهتمه بدين ؟؟؟ وقاعده تتلاعب بالدين وتحرف الدين على كيفها
والدوله فيها قضاء وشيوخ دين يعني هم مويدين هالكلام وقاعدين يتلاعبون بالدين

وان الدوله ككل دستورها قائم على باطل وكذب لانه مكتوب بالدستور الدين الاسلامي هو شريعة البلد وبكلامك هذا يعني مافي دين

وننسى هالموضوع ولو تبين تنفذين الدين تعالي عدة اشياء نسويها ضد الدين
الخمور ؟؟ العبايه هل العبي اللي تلبسونها دينيه بحته كما جاء بالقران ؟؟؟؟؟؟هل تطلعين بدون عطر ؟؟؟ هل تطلعين وانتي غاضه البصر ؟؟؟ هل المره تطلع م ن البيت معاها محرم ؟؟؟او تسافر ومعاها محرم ؟؟؟هل ركوبك بالسياره مع السايق حلال؟؟مو خلوه ؟؟؟
هذا كله دين بعد
بس مو موضوعنا
الشي هذا صار وفيه انديه مايصير تقولين سكروا وهذا ضد الدين
عطي حلول اخرى او لاتقولين شي سكتي

من ترك شيء لله عوضه الله بخير منه

وكل منا له قناعة وفكر خاص فيه ،، انت تشوف انه ما يصير عني
اشوف يصير ،، بغض النظر كان بقالة ولا دكان وبيتسكر ،،

انت طلبت حل قلنا حلنا ،، وبرينا ذممنا امام الله
ومب محتاجين نبررها لغيرنا ،،

وعليه يا اخوي الكريم ،، ما قلنا لك اسكت ولا تتكلم لأن كلامك مب عاجبنا
اشوي ذرابة في الرد تكسبك احترام الآخرين لك ،،

ومع هذا بسكت لأني قلت اللي في خاطري وبريت ذمتي
خلك انت دافع وطالب بحلول والله يسهل لك امورك ،،

[رفيق الصحراء]

رضا الناس غايه لاتدرك
مو لازم يعجبك كلامي ومو لازم تقتنعين فيه
بس احترميه مو تقولين لاتتكلم واسكت وردك موعاجبني لانه المنتدى للجميع الكل يكتب ممكن يعجبني الرد وممكن مايعجبني بس احترم الاراء

ومن دق الباب جاه الجواب

وانا اكتفي بهالقدر

[reem_82]

إنتهى المووضوع ياجماعة الخير..

كل شخص قال وجه نظر ،،

السموحه على الموضوع ـ والسموحه على حرقة اعصابنا على اسم بلادنا

شكراً للجميع ...

[ام السعف]

^
^


وبعدين هالكلام الالتفاف على الدين عشان خاطر الدوله كلام كبيير يعني الدوله مو مهتمه بدين ؟؟؟ وقاعده تتلاعب بالدين وتحرف الدين على كيفها
والدوله فيها قضاء وشيوخ دين يعني هم مويدين هالكلام وقاعدين يتلاعبون بالدين

وان الدوله ككل دستورها قائم على باطل وكذب لانه مكتوب بالدستور الدين الاسلامي هو شريعة البلد وبكلامك هذا يعني مافي دين


يا استاذ رفيق الصحراء ،، لا تسرح بخيالك واتألف في الكلام على كيفك
لو سمحت ،، لأن كلامي في وادي وانت دخلت الدستور في الموضوع ،،

احنا نتكلم عن انخراط البنت في الفرق الرياضية وتمثيل الدولة
والسفر هنا وهناك وغيره وغيره ،،
هذا مب من الدين وخاصة لو بتشارك في بطولات مفتوحة مثل ما شفنا
بنات الباليه في المنتخب القطري ،،

فلما نقول ان هذا مخالف للدين فهذا ما يعني نسجل بنات مب قطريات
علشان نسوي منتخبات ،
وضيف لمعلوماتك اني صوتت ضد اقامة كاس العالم في قطر عام 2022
وما زلت ضد ،،

فلا تقولي تبون بطولات ،، طموحي مب متوقف على بطولات رياضية ،،

فتهيد ولا تستعجل وانت تكتب علشان ما تخلط الحابل بالنابل ،،

[ام السعف]

رضا الناس غايه لاتدرك
مو لازم يعجبك كلامي ومو لازم تقتنعين فيه
بس احترميه مو تقولين لاتتكلم واسكت وردك موعاجبني لانه المنتدى للجميع الكل يكتب ممكن يعجبني الرد وممكن مايعجبني بس احترم الاراء

ومن دق الباب جاه الجواب

وانا اكتفي بهالقدر

شوف مستحيل اكتب حق اي شخص اسكت لا تتكلم وردك مب عاجبني
ومع هذا بصف لك كل مشاركاتي في الموضوع هذا وراجعها وشوفها زين ما زين
ودور على كلمة لا تتكلم او اسكت وفي الوقت نفسه راجع مشاركتك اللي تقول فيها

^
^

هذا كله دين بعد
بس مو موضوعنا
الشي هذا صار وفيه انديه مايصير تقولين سكروا وهذا ضد الدين
عطي حلول اخرى او لاتقولين شي سكتي

شوف مشاركتك وشوف من اللي يطلب من الثاني انه يسكت

والحين اتركك تشوف مشاركاتي في هالموضوع :shy:







مصختها يا رفيق

الحين بذمتك هذا اقتراح تقدمه للبنت اللي قلبها محترق على
وجود فريق للسيدات باسم الخور ؟

بعدين اصلا كرة القدم شلي بتقدمه للبنت ؟

اشوية تأني قبل الجري خلف كل فكرة مستوردة :telephone:


من حق اي شخص يقول ان هذيلا ما يمثلوننا
فمب عارفة ليش تحجر على اراء الناس ؟؟

هو في حد غلط عليك لما قال انهم ما يمثلوننا ؟

كل واحد حر في نظرته ،، ومب لازم اللي يقول انهم ما يمثلوننا
يدزون بناتهم يلعبون كورة قدم وان كانوا في صالات مغلقة !!

ومن ثم مب كل شي تسويه الدولة لازم نصفق له
هذا هو الباليه باجر بتقول لنا اذا مب عاجبينك البنات وما يمثلونكم
روحوا مثلوا بلادكم ،،

اتعبتنا يا رفيق :(


لا الدولة ما تعرف هالشي

فلا نخلط الأمور يا اخوي ،، الدولة تتصرف في الرياضة من حيث
انها تفصل الدين عن الرياضة ،،

والفرق اللي تلعب اليوم في صالات مغلقة بكرة لازم تمثل قطر في المحافل
الثانية ،، وكلنا شفنا تقارير عن مباريات لليد كانوا اللاعبات يلعبون
ويشاركون فهل تعتبر كرة اليد وركض البنت في الملعب من الدين ؟


الحل موجود في ردود الأخوان ان الأمور هذي ما تمت لديننا بصلة
فبترها والقضاء عليها هي الحل ،،
فعمره ما كان حل المواضيع بالالتفات على الدين علشان خاطر عيون الدولة ،،

فإذا الدولة بتفرض رايها من حق الناس ترفض وتقول اللي تبيه
لأن حلولها ما بتاخذ فيه الدولة ،،،


من ترك شيء لله عوضه الله بخير منه

وكل منا له قناعة وفكر خاص فيه ،، انت تشوف انه ما يصير عني
اشوف يصير ،، بغض النظر كان بقالة ولا دكان وبيتسكر ،،

انت طلبت حل قلنا حلنا ،، وبرينا ذممنا امام الله
ومب محتاجين نبررها لغيرنا ،،

وعليه يا اخوي الكريم ،، ما قلنا لك اسكت ولا تتكلم لأن كلامك مب عاجبنا
اشوي ذرابة في الرد تكسبك احترام الآخرين لك ،،

ومع هذا بسكت لأني قلت اللي في خاطري وبريت ذمتي
خلك انت دافع وطالب بحلول والله يسهل لك امورك ،،

[همر]

شوف مستحيل اكتب حق اي شخص اسكت لا تتكلم وردك مب عاجبني
ومع هذا بصف لك كل مشاركاتي في الموضوع هذا وراجعها وشوفها زين ما زين
ودور على كلمة لا تتكلم او اسكت وفي الوقت نفسه راجع مشاركتك اللي تقول فيها


شوف مشاركتك وشوف من اللي يطلب من الثاني انه يسكت

والحين اتركك تشوف مشاركاتي في هالموضوع :shy:



صراحه رفيق خلاج تدابجين مدابج في هالموضوع .. ارحم جدتنا ام السعف ترى يالله يالله ترد على موضوع واحد في الاسبوع !!!

[ام السعف]

صراحه رفيق خلاج تدابجين مدابج في هالموضوع .. ارحم جدتنا ام السعف ترى يالله يالله ترد على موضوع واحد في الاسبوع !!!


لياقتي في البحث مابين المواضيع لو حبيت ابحث فهي عالية وايد
فلا تحاتي يا الهمر على لياقتي ،،
اما بخصوص الردود ،، لا تشل هم تراني مسيطرة على الوضع
ما في موضوع ما شارك فيه يوميا :shy:

[reem_82]

شوف مستحيل اكتب حق اي شخص اسكت لا تتكلم وردك مب عاجبني
ومع هذا بصف لك كل مشاركاتي في الموضوع هذا وراجعها وشوفها زين ما زين
ودور على كلمة لا تتكلم او اسكت وفي الوقت نفسه راجع مشاركتك اللي تقول فيها


شوف مشاركتك وشوف من اللي يطلب من الثاني انه يسكت

والحين اتركك تشوف مشاركاتي في هالموضوع :shy:

/
\
/

ام السعف والله إنك :nice: كذا

[قطري !]

وبعدين مع رياضة الحريم ,,, وين يبون يوصلون بالحريم ؟؟؟!!!!


الشباب ويالله يالله يفوزون على تايلند والهند ..... يعني الحريم هم اللي يبون يسوون ....



لاحول ولا قوة الا بالله


احيان لما تفكر باللي يصير حواليك من تعدي سافر على طبيعة المرأه او الشخص اللي يقف ورى هالشي يجيك جميع الامراض بنفس الوقت




واللي يقول ترفعون اسم بلدكم ........ رفعة البلد بالعلم والبحوث العلميه والاخلاق ..........

[ام السعف]

/
\
/

ام السعف والله إنك :nice: كذا

احرجتينيه يا بنيتي :shy:

[لبيبة]

اسلوب مستفز من المنظمين، يعني لازم لازم تحطون بنات من اي مكان تجيبونهم وتقولون سوينا المطلوب وقدمنا لكم بطلات الخور؟!

بطلات ما نبي، ممارسة المرأة للرياضة مب حرام لكن ظهورها للناس تناقز حرام.

[reem_82]

وبعدين مع رياضة الحريم ,,, وين يبون يوصلون بالحريم ؟؟؟!!!!


الشباب ويالله يالله يفوزون على تايلند والهند ..... يعني الحريم هم اللي يبون يسوون ....



لاحول ولا قوة الا بالله


احيان لما تفكر باللي يصير حواليك من تعدي سافر على طبيعة المرأه او الشخص اللي يقف ورى هالشي يجيك جميع الامراض بنفس الوقت




واللي يقول ترفعون اسم بلدكم ........ رفعة البلد بالعلم والبحوث العلميه والاخلاق ..........

بيض الله وجهك..

نفس كلامي برد سابق في الموضوع..

حنا كشعب قطري أصيل لا نرضى بما يحصل في البلاد،وياكثر المتجنسين في جميع المحافل الدولية،،وأكثرها وضوح ((سبيستيان)) ويقولون قطري ،، ((كوني)) يقولون قطري,,

كم لاعب صيني ويقولون قطري،، أول شي حفضوهم النشيد الوطني صح ، وبعد أقنعونا إنهم قطريين،،

اذا الرجال ماقدروا ياخذون كاس الخليج ،، ومره سوا مبارارة كرة قدم نسائية بين منتخب قطر ومنتخب البحرين وغلبوهم اكثر من 6 اهداف يعني نص درزن ،،

واترك الباقي لكم ,,

الحين حنا نطالب يخفضون ساعات العمل عشان نرجع بيوتنا ونشاهد عيالنا والحين يقولون لنا رياضه و. .. . . . الخ

[همر]

وبعدين مع رياضة الحريم ,,, وين يبون يوصلون بالحريم ؟؟؟!!!!


الشباب ويالله يالله يفوزون على تايلند والهند ..... يعني الحريم هم اللي يبون يسوون ....



لاحول ولا قوة الا بالله


احيان لما تفكر باللي يصير حواليك من تعدي سافر على طبيعة المرأه او الشخص اللي يقف ورى هالشي يجيك جميع الامراض بنفس الوقت




واللي يقول ترفعون اسم بلدكم ........ رفعة البلد بالعلم والبحوث العلميه والاخلاق ..........



اي والله كل ماتذكر مباراة قطر والبحرين والنتيجة 17 صفر يصيدني حارج في المخ..

احس لو يسوون للبنات مسابقات Fun Run ممكن يفوزون..

[reem_82]

احرجتينيه يا بنيتي :shy:

:victory:

[reem_82]

اي والله كل ماتذكر مباراة قطر والبحرين والنتيجة 17 صفر يصيدني حارج في المخ..

احس لو يسوون للبنات مسابقات Fun Run ممكن يفوزون..



هههههههه ،، ماتنلام لا صادك حارج ..

:eek5:

[reem_82]

اسلوب مستفز من المنظمين، يعني لازم لازم تحطون بنات من اي مكان تجيبونهم وتقولون سوينا المطلوب وقدمنا لكم بطلات الخور؟!

بطلات ما نبي، ممارسة المرأة للرياضة مب حرام لكن ظهورها للناس تناقز حرام.

..هم مب عارفين شلون يطلعون الحريم ..

والله الكفو مب راضيه تطلع ولا حتى ولي أمرها بيرضى ،،

وقطر صغيره وكلاً يعرف الثاني ...

تبون ارفعوا روسنا في شي يستاهل مب الرياضه وكورة ،،

والله المجالات الثانيه وااااايد ،،

سوا لك بحث ، مشروع ، اختراع , حفظ قرآن والمشاركة في المؤتمرات الدينية ...

[كنترول]

ام السعف شكراً على رقي مستواج في النقاش

[فراغ]

أنا الحين قاعد أفكر
هل كل دول الخليج فيها أفرقة كرة قدم فيدونا
بعدين
فيه في السعودية فريق كرة قدم نسائي وأذا ما فيه هل سيصبح لديهم فريق وهل للغرب يد في ذلك تحت بند حرية المرأة

[بو سالم]

الله يهدي الجميع

[مراد2015]

الله يهدي الجميع

[بوخالد911]

الله المستعااااان

[R 7 A L]

أنا الحين قاعد أفكر
هل كل دول الخليج فيها أفرقة كرة قدم فيدونا
بعدين
فيه في السعودية فريق كرة قدم نسائي وأذا ما فيه هل سيصبح لديهم فريق وهل للغرب يد في ذلك تحت بند حرية المرأة


اكيد للغرب يد

مفكرهم قاعدين يقشرون بصل :tease:

[kuwari]

انا من الخور واقولك هالبنات يخسون ويهبون من بنات قطر....
الا اذا في وحده منهم من هلك فهذا شي ثاني


الله يهديك اقري وش كتبت بالرد قبل ما اتقولين اذا في حد من هلك

للعلم في وحدة تميميه و وحدة من بنات ال ثاني

والحمدلله لي لسان بالرد لاكن باسلوب راقي