نطالب مستشفى حمد بعمل عمليات البدانة للقطريين فقط

[أسد الجزيرة]

السلام عليكم

عمليات بـ 50 الف يتم عملها بالمجان للاجانب و هذا هدر للمال العام و القطريين ينتظرون بالشهور و السنوات من اجل العملية

[ام السعف]

اتفق معاك ،، الا لو كانت حالة المقيم تستدعي التدخل الجراحي العاجل ،،

[Bozizoo]

معاك قلبا وقالبا

وقريبا الى الكويت و السبه قائمة الانتظار طويلة في مستشفى حمد

[لبيبة]

ليش بالمجان؟! المقيم لازم يدفع، لو حالة إنسانية يعملون لهم قرار تنظيمي بينهم وبين المؤسسات الخيرية لو احتاج المقيم بدافع إنساني لهذه العملية يتم التواصل بين المستشفى والمؤسسة الخيرية لدفع سعر العملية بدلا عنه. وتوضع الأولوية دائما للقطري، ولو إني أنصح بالابتعاد عن هذه العمليات لخطورتها.

[ام السعف]

ليش بالمجان؟! المقيم لازم يدفع، لو حالة إنسانية يعملون لهم قرار تنظيمي بينهم وبين المؤسسات الخيرية لو احتاج المقيم بدافع إنساني لهذه العملية يتم التواصل بين المستشفى والمؤسسة الخيرية لدفع سعر العملية بدلا عنه. وتوضع الأولوية دائما للقطري، ولو إني أنصح بالابتعاد عن هذه العمليات لخطورتها.

بالفعل كلام اخونا اسد الجزيرة صحيح ،، لو بتلاحظين على بعض موظفي حمد
من المقيمين بتشوفين انهم فشوا بقدرة قادر ،، وفي الأخير السالفة ومافيها
انهم سووا هالعملية في حمد في الوقت اللي قطري السكري عنده يوصل 500
والطبيب حوله على حمد علشان يجري هالعملية وبعد واسطات زوجة رفيجه
الطبيبة هناك حصل له دور عقب تسع شهور او اقل بشوي ،،

ومب عارفين كم مرة في الاسبوع يجرون هالعملية ،،

بس ان ما خانتني الذاكرة العدد شهريا مب صغير ..

[بوراشد82]

ياليت يتطبق هالقرار ،،

[نوفة قطر]

من قال انها بالمجان للاجانب ؟

انا اعرف بنات مب قطريات مسوينها فمستشفى حمد ودافعين !

ودام يدفعون مب من حقنا كمواطنين انقول احرمومهم وخلوا العمليه لنا بس

[لبيبة]

منتسبي مؤسسة حمد الطبية يسوون كل شي فيها ببلاش، هذا سمعنه بأذني من أحد العاملين هناك.

[أخت الكل]

معك حق أخوي الا في حالة اللي فيها خطورة على حياة بني آدم فهو أبدا

[sarab]

معاك قلبا وقالبا

وقريبا الى الكويت و السبه قائمة الانتظار طويلة في مستشفى حمد


سيم سيم وقريبا الى مستشفى العمادي والسبب نفسه

مستشفياتنا الحكومية ماصارت لنا احنا القطريين :weeping:

[ام السعف]

من قال انها بالمجان للاجانب ؟

انا اعرف بنات مب قطريات مسوينها فمستشفى حمد ودافعين !

ودام يدفعون مب من حقنا كمواطنين انقول احرمومهم وخلوا العمليه لنا بس

شوفي يا نوفة قطر

خدامتي يا حليلها مب عارفة اشلون شدت ألم الاذن اللي فيها
لين رحنا مركز عمر بن الخطاب ،، هناك قالوا لنا لازم ولابد يشوفها
طبيب متخصص للاذن ،، رحنا في ضجة المقيمين والزحمة هناك دخلنا على الطبيب

قال لي اذنها رايحة فيها وتحتاج كورس مضاد حيوي وتحتاج تنظيف
ولاحظ انها ما عندها بطاقة صحية لأن التكلفة بتكون غالية واايد ،،

قلت له ما يغلى عليها دزيت ويهي ورحت صفيت في الدور عقب ما خذت الرقم
اشوي ولا يقول لي حساب ادويتها 480 ريال قطري :eek5:

تخيلي مثل هالمبلغ في وجود البطاقة الصحية للمقيم تتوقعين كم
نسبة الرسوم على العلاج ؟
يمكن 40 او 50 او 60 ريال ،، خلينا نبالغ ونقول 100 ريال

فهل تشوفين 100 ريال قريبة من 480 ريال ؟

وبناء عليه ،، القطري اليوم يدفع 50 الى 60 الف ومرات يضطر
يسافر ويتحمل تكاليف السفر علشان يسوي هالعملية في الوقت
اللي المقيم يسويها قياسا مع المبلغ اللي يدفعه القطري يعتبر ببلاش
لأن لو بيسويها برع حمد بيدفع اضعاف اللي يدفعه في حمد ،،

ومن ثم نقول :

القطري اولى في بلاده وهو الاحق في الخدمات العلاجية في بلاده
فمب من الانصاف ولا العدل ان ولدي يكون مريض وولد الجيران مريض
اعالج ولد الجيران وولدي اقول له روح دبر عمرك في مستشفيات خاصة ،،

[ام السعف]

منتسبي مؤسسة حمد الطبية يسوون كل شي فيها ببلاش، هذا سمعنه بأذني من أحد العاملين هناك.

مع وجود نظام التسجيل في الكمبيوتر كل شي ينحسب مع العداد
الا لو بيتلاعبون على العداد فهذا شي ثاني ،،

[لبيبة]

مع وجود نظام التسجيل في الكمبيوتر كل شي ينحسب مع العداد
الا لو بيتلاعبون على العداد فهذا شي ثاني ،،
اي هالشي مكفول لهم ببلاش، قانوني يعني، بس كله على حساب القطري :(

[ام السعف]

اي هالشي مكفول لهم ببلاش، قانوني يعني، بس كله على حساب القطري :(

تبين الصراحة ،، بعض المقيمين وسمعتهم جدامي يتشكون من زحمة
المركز الصحي في بوهامور ،،، ويقولون زحمة وسنة ومب عارفة شنهو،،

طيب ماهو القطري المسكين بعد يعاني من الزحمة واكل حقوقه
بسبب تكدس المقيمين في قطر ،،

فمثل ما انتوا تشتكون من الزحمة لأنكم كلكم مقيمين فهو بعد
يعاني من الزحمة وسوء الخدمات والتأخير بسببكم ،،

ومع هذا مثل ما قلتي شلني واشلك ماشي على كل الاصعدة

[مساهم فنان]

من قال انها بالمجان للاجانب ؟

انا اعرف بنات مب قطريات مسوينها فمستشفى حمد ودافعين !

ودام يدفعون مب من حقنا كمواطنين انقول احرمومهم وخلوا العمليه لنا بس

دافعين كم !!!! شيء رمزي مئة أو مئتين أو خمسمائة هذا مبلغ بسيط بالنسبة لعملية تكلف الآلاف

[Qatar Angel]

لازم الحكومة تدخل و تسوي حملات للقضاء على السمنة
بدال هالعمليات والحلول السريعة

[عيون الدوحة]

حريم قطريات همحرومين من الذرية
والانتظار طويل في مستشفى الولادة قسم الانجاب المساعد
ولاتوجد سوى غرفة عمليات واحدة
واعداد المقيممين في تزايد مستمر علما بان يدفعون تكلفة العملية
نطالب مستشفى النساء والولادة بتحديث وتكبير القسم لاستيعاب النساء وعدم اطالت مدة الانتظار التي تصل ل ٦ ل ٨ شهور
الله يرزق كل زوجين بالذرية الصالحة

[Bozizoo]

حريم قطريات همحرومين من الذرية
والانتظار طويل في مستشفى الولادة قسم الانجاب المساعد
ولاتوجد سوى غرفة عمليات واحدة
واعداد المقيممين في تزايد مستمر علما بان يدفعون تكلفة العملية
نطالب مستشفى النساء والولادة بتحديث وتكبير القسم لاستيعاب النساء وعدم اطالت مدة الانتظار التي تصل ل ٦ ل ٨ شهور
الله يرزق كل زوجين بالذرية الصالحة

اللهم امين

[خزامئ]

الشكله ان الاجانب هم ماسكين المواعيد
وكلهم يخلصون ربعهم
والمبلغ الي يندفع
رمزي
الي اعرفه ان الرميله يسون عمليات تجميل
5000ريال
وهي برا
يسوونها المواطنين بذيك الحسبه

[شيخ الديرة]

طلبك على العين والراس ولكن لايمكن تنفيذه لسبب بسيط وهو ان عقود اغلبية الأجانب لا تقدم لهم تأمين صحي على مبدأ ان الخدمات مجانية في مؤسسة حمد ولا تحتاج الى تأمين صحي أو بدل عناية صحية. الشكوى على الشركات التي تبرأت من كلفة الخدمات الصحية وإستغلت موارد حمد المتوفرة لهم.

[القطو السمين]

وازيدكم من الشعر بيت الا يجيبون اقاربهم واصهارهم في كرت زيارة عشان يسوون العمليات وكل مكان دالينه احنا ياهل البلد ماعرفناه مفروض يمنعون عمليات التجميل عمليات قص المعدة الاسنان وعلاج العقم وعمليات العقم وخلهم يسوونها في بلادهم فقط عمليات المصيرية قلب الزايدة ولادة بس والباقي يذلفون يسوونها في بلادهم

[دانة الطواش]

أنا معاك يا أسد الجزيرة بس الأجانب يدفعون سعر رمزي للعملية ولكن مواعيد هم بسرعة ليش لان الي الي يحط المواعيد اجنبيه وجننتني صار لي سنتين انتظر الموعد وبعد ما طفرت حجزت في العمادي وسويتها والحمد لله أنا بصحة وسلامة .

[R 7 A L]

معقولة
الاولوية للاجانب في مؤسسة حمد الطبية!

عطونا ادله يا جماعة

[التايه]

في واحد اجنبي عمل عملية في مستشفى حمد وقالي دفع 11000 ريال قطري

وقبل يقول كانت العملية في مستشفى حمد ب 5000ريال .

وانتظر 11 شهر لين جاء دورة.

[تغلبية]

الله يهداكم ..

وسعوا صدوركم على خلق الله ..

ارحموا من في الأرض يرحمكم من في السماء

[الأصيلة]

حريم قطريات همحرومين من الذرية
والانتظار طويل في مستشفى الولادة قسم الانجاب المساعد
ولاتوجد سوى غرفة عمليات واحدة
واعداد المقيممين في تزايد مستمر علما بان يدفعون تكلفة العملية
نطالب مستشفى النساء والولادة بتحديث وتكبير القسم لاستيعاب النساء وعدم اطالت مدة الانتظار التي تصل ل ٦ ل ٨ شهور
الله يرزق كل زوجين بالذرية الصالحة

بالعكس هذا القسم وقف استقبال طلبات الأجانب مدة طويلة لين ياخذون القطريين دورهم..
وبعدين رجعوا المواعيد..
أنا بنفسي رحت أخذ لصديقتي مصرية موعد
قالوا لي وقفنا مواعيد المقيميين...

[الأصيلة]

في واحد اجنبي عمل عملية في مستشفى حمد وقالي دفع 11000 ريال قطري

وقبل يقول كانت العملية في مستشفى حمد ب 5000ريال .

وانتظر 11 شهر لين جاء دورة.

والقطري يدفع 60 ألف للعمادي عشان العملية..
بدل الإنتظار...

[الأصيلة]

وازيدكم من الشعر بيت الا يجيبون اقاربهم واصهارهم في كرت زيارة عشان يسوون العمليات وكل مكان دالينه احنا ياهل البلد ماعرفناه مفروض يمنعون عمليات التجميل عمليات قص المعدة الاسنان وعلاج العقم وعمليات العقم وخلهم يسوونها في بلادهم فقط عمليات المصيرية قلب الزايدة ولادة بس والباقي يذلفون يسوونها في بلادهم

مواعيد العملية من مكتب الدكتورة حنان الكواري...
واللي عنده واسطه هناك بيحصل موعد سواء كان من أي جنسية ؟؟
المهم الواسطة...!!!!

[حياة]

شوفي يا نوفة قطر

خدامتي يا حليلها مب عارفة اشلون شدت ألم الاذن اللي فيها
لين رحنا مركز عمر بن الخطاب ،، هناك قالوا لنا لازم ولابد يشوفها
طبيب متخصص للاذن ،، رحنا في ضجة المقيمين والزحمة هناك دخلنا على الطبيب

قال لي اذنها رايحة فيها وتحتاج كورس مضاد حيوي وتحتاج تنظيف
ولاحظ انها ما عندها بطاقة صحية لأن التكلفة بتكون غالية واايد ،،

قلت له ما يغلى عليها دزيت ويهي ورحت صفيت في الدور عقب ما خذت الرقم
اشوي ولا يقول لي حساب ادويتها 480 ريال قطري :eek5:

تخيلي مثل هالمبلغ في وجود البطاقة الصحية للمقيم تتوقعين كم
نسبة الرسوم على العلاج ؟
يمكن 40 او 50 او 60 ريال ،، خلينا نبالغ ونقول 100 ريال

فهل تشوفين 100 ريال قريبة من 480 ريال ؟

وبناء عليه ،، القطري اليوم يدفع 50 الى 60 الف ومرات يضطر
يسافر ويتحمل تكاليف السفر علشان يسوي هالعملية في الوقت
اللي المقيم يسويها قياسا مع المبلغ اللي يدفعه القطري يعتبر ببلاش
لأن لو بيسويها برع حمد بيدفع اضعاف اللي يدفعه في حمد ،،

ومن ثم نقول :

القطري اولى في بلاده وهو الاحق في الخدمات العلاجية في بلاده
فمب من الانصاف ولا العدل ان ولدي يكون مريض وولد الجيران مريض
اعالج ولد الجيران وولدي اقول له روح دبر عمرك في مستشفيات خاصة ،،





يدفع المقيم للتكميم خمس الاف فقط

[durra]

قطر لغير القطريين
واحنا السبب في هالشي
سكوتنا وعدم ثقة المسؤولين بابناء الوطن وصلنا لهدرجة
والله مستشفى حمد.. الهنود يحصلون فيها احسن معاملة..

وبعد سنتين من الانتظار سويت عملية في الانف.. ويوم دخول المستشفى
تفاجأت بلبنانية واقفة جنبي في عقدها السادس جاية تسوي عملية شد.. من اين لك هذا لا اعلم

الحكومة ما تقصر ولكن ولكن ولكن........الخ

[cartier]

الله يهداك على هالموضوع الحين

اصحاب القرار في مستشفى حمد بيأخرون هل قطر زياده

عناد في موضوعك

[abo0o0od QtR]

حسبي الله ونعم الوكيل على كل من طغى وتجبر

[همر]

منتسبي مؤسسة حمد الطبية يسوون كل شي فيها ببلاش، هذا سمعنه بأذني من أحد العاملين هناك.


انا اطالب بالتحقيق في سبب اختفاء كروش الفلبينيات في مستشفى حمد !!!

[ضوى]

انا اطالب بالتحقيق في سبب اختفاء كروش الفلبينيات في مستشفى حمد !!!


الفلبينيات عندهم كروش :eek5:

[ام السعف]

الفلبينيات عندهم كروش :eek5:

من عاشر المستحيلات :)

[ام السعف]

يدفع المقيم للتكميم خمس الاف فقط

5000 الاف او 10الاف تكون ببلاش قياسا مع 50 الف او 60 الف ،،

اللي يحزن في الموضوع

ان مثل هالعمليات تكون ضرورية للي عندهم الضغط والسكر
والأولوية تكون لهم ،، لكن هل بالفعل كل اللي سووا هالعملية
كانوا محتاجينها ؟

وليش القطري يضطر ينطر بالشهور وفي بلاده واذا حدته الظروف
راح دفع اضعاف اضعاف اللي يدفعه المقيم في مستشفى حكومي ؟

الموضوع برمته متعلق باحقية القطري في الخدمات الصحية
والعلاجية في بلاده فإذا حالة المقيم ما كانت طارئة غلط
يقدم على حساب القطري اللي ما عنده واسطة ولا يقرب له طبيب
او صديق لطبيب او موظف في حمد او ... او ... او ....

[راشد محمد]

معاك قلبا وقالبا

[اتعبني غروري]

للامانه الاجنبي او المقيم العربي لا يدفع ولا ريال بس يدفع حق الاقامه اذا غرفه خاصه ... للعلم انا حاولت اثبت عكس هذا .. بس كلمت رفيجي وقالي ما دفعت غير الف وشوي حق الاقامه في غرفه خاصه

[الصغيره]

بالفعل كلام اخونا اسد الجزيرة صحيح ،، لو بتلاحظين على بعض موظفي حمد
من المقيمين بتشوفين انهم فشوا بقدرة قادر ،، وفي الأخير السالفة ومافيها
انهم سووا هالعملية في حمد في الوقت اللي قطري السكري عنده يوصل 500
والطبيب حوله على حمد علشان يجري هالعملية وبعد واسطات زوجة رفيجه
الطبيبة هناك حصل له دور عقب تسع شهور او اقل بشوي ،،

ومب عارفين كم مرة في الاسبوع يجرون هالعملية ،،

بس ان ما خانتني الذاكرة العدد شهريا مب صغير ..

يا اخوي اسد الجزيره اتفق معك قلبا وقالبا ططططييييييييييب بس يعطونا 20 حاله بالشهر قطري 10 مقيم راااضين

مقيمه بدبي يحجز لها خلال اسبوع بمبلغ رمزي تتدخل حمد على امهر ايدي اطباء البدانه وتسوي العمليه وبقطر قطري ينتظر ثلاث سنين

اوووووكي يا ادراة مستشفى حمد سوووا لنا برنت قائمة اللي عملوا العمليه هذه السنه ما نبي اسماء نبي قطري غير قطري


بالسعوديه الناس سوووها على 50 الف بالعمادي اذا مع فك الربط 70 الف اذا بدون 50 ووفقها ثم العلاج والمقيم يااااااااااااحلاوووه 5000 الاف وهو يضحك من اللي مسهل له نبي تحقيق بالامر


ليه نتسلف ونسوي العمليه بمستشفيات خاصه والحكومه موفره لنا


المقيم يسوى له اذا حالته حرجه اما اذا عادي يقاله صبر على لائحة الانتظار لين يخلصون القطريين المساكين


نبي تفتح الملفات من اول تحويل لاي مقيم سوى العمليه لين تاريخ عمل العمليه اذا المقيم انتظر 3 سنين انا اقدم له اعتذاري هنا بالمنتدى


لكن مستشىفى حمد حد داري وش اللي يصير ابد المقيمين له ايدي خفيه تسهل لهم من خلال موظفين داخل المؤسسه

ويكفي اللي نشوفه بالمواعيد قسم بالله بالمسائيه اني انتظر ادخل على الطبيب مدة ساعه طبعا موعد ماله خص بالقص ولا غيره مجرد اوريكم كيف الخدمه 5 نجوم انتظر وقربت الساعه على 9 يوم قالت لي النرس العربيه انتي بعد المريض ده فجاه تجي وتسلم على وحده عربيه توها واصله مع امها قالت لا حبيبتي هي قبلك بس كان عندها ظرف

ماقول الا حسبي الله والنعم الوكيل وكفى به وكيلا


نبي تميز لنا بديرتنا خاصه بمستشفياتنا يكفي الاسنان تاركين لهم الحبل على الغارب وحنا لنا الخاص اللي شافط فلوسنا مدري وين نلقاها من الصحه والا من هروب العمال واستقدام العمال والا من وين والا وين


نبي تحقيق من وزارة الصحه مع مايجري بمستشفى حمد خاصه جراحة البدانه :telephone:

[الصغيره]

للامانه الاجنبي او المقيم العربي لا يدفع ولا ريال بس يدفع حق الاقامه اذا غرفه خاصه ... للعلم انا حاولت اثبت عكس هذا .. بس كلمت رفيجي وقالي ما دفعت غير الف وشوي حق الاقامه في غرفه خاصه

الله يبشرك بالخير

طيب الله يحفظه رفيقك عنده التامين الصحي يروح خاص

:anger1:

[اتعبني غروري]

الله يبشرك بالخير

طيب الله يحفظه رفيقك عنده التامين الصحي يروح خاص

:anger1:

اختي عمليات التجميل التأمين ما يغطيها:)

[الصغيره]

5000 الاف او 10الاف تكون ببلاش قياسا مع 50 الف او 60 الف ،،

اللي يحزن في الموضوع

ان مثل هالعمليات تكون ضرورية للي عندهم الضغط والسكر
والأولوية تكون لهم ،، لكن هل بالفعل كل اللي سووا هالعملية
كانوا محتاجينها ؟

وليش القطري يضطر ينطر بالشهور وفي بلاده واذا حدته الظروف
راح دفع اضعاف اضعاف اللي يدفعه المقيم في مستشفى حكومي ؟

الموضوع برمته متعلق باحقية القطري في الخدمات الصحية
والعلاجية في بلاده فإذا حالة المقيم ما كانت طارئة غلط
يقدم على حساب القطري اللي ما عنده واسطة ولا يقرب له طبيب
او صديق لطبيب او موظف في حمد او ... او ... او ....

لا فض فاك وسلم الله يمناك رد بالصميم :nice:

[بوالبيض]

كلامك صح والمفروض الاولويه في كل شي حق القطري مو بس العمليات
كثروا الاجانب في الدوله كل شي بسعر رمزي ويجب عياله وجده وجدته واهله
وكل شي بلاش وبسعار رمزيه والقطرين مساكين ما يحلصون مواعيد ويتبهدلون
ليش بلادنا حق غيرنا والله

[فتى الجود]

السلام عليكم

انا طبعاً معاك في كل كلمة قلتها وطالبت بها

لكن

للأسف

ماحط الأجنبي وعطاه الصلاحيات وعطاة حرية التصرف با أموال الدولة

الا واحد قطري مثلى ومثلك

عشان يفتك ممن المسؤلية

ومايدري انه محاسب امام الله !!!! ؟؟

[همر]

الله يبشرك بالخير

طيب الله يحفظه رفيقك عنده التامين الصحي يروح خاص

:anger1:


التأمين مايدفع لهالعمليه لأنهم يعتبرونها تجميليه :)

الا اذا اثبت ان حالتك مرضيه ..

وسبحان الله على استغباء البشر وكأن في سمنه صحيه :)

المهم طريقة الاثبات الوحيده عشان التأمين يسوونها لك انك تموت ...

نقينا 50 الف للعمادي ولله الحمد :shy:

[alsenator]

كثر من الاعضاء طلعوا اوزان ما شا الله

السمنه مرض العصر

[الصغيره]

أنا معاك يا أسد الجزيرة بس الأجانب يدفعون سعر رمزي للعملية ولكن مواعيد هم بسرعة ليش لان الي الي يحط المواعيد اجنبيه وجننتني صار لي سنتين انتظر الموعد وبعد ما طفرت حجزت في العمادي وسويتها والحمد لله أنا بصحة وسلامة .

اللي يحطون المواعيد للانصاف اولا

ينتظرون ملف المريض
ثانيا يحط المواعيد ثلاثه

فلبينيه

عربيه

هندي

يعني الموضوع مسيطر عليه وين القطري سكرتاريا وانصافيا مافيه

يجي الطبيب حط المريض كذا تاريخ كذا

يجيهم اتصال من الطبيبه اللي خالة امها جدها يصير عم الثانيه بالرضاعه حطوها

المحسوبيه وماء الكرم الحاتمي يقول وخروا فلان قولوا الطبيب فلان اعتذر هالشهربناجل عمليتك الشهر الجاي اوووكي والسالفه لان بنت عمة خالة اخو بابو مدري ميري لازم ما تنتظر كثير

اللي يبي يصدق مايصدق بس يروح يوم الاثنين مساء قدام غرفة معتز باشا ويوقف يشوف المراجعين ويشوف المنتظرين او يجي الصباح حسب مواعيد معتز باشا او رضى او محمد الكواري ويشوف المراجعين والمنتظرين المراجعين مكس من قطريين ومقيمين والغاضبين اللي رجولهم ماتت من الوقفه طبعا قطريين والله لما ينفك الباب ويناادون عليهم ويدخلون ويطلعون بايديهم التحاليل والاجراءات انهم مبتسمين فاكرينها بعد ثلاث شهور مش ثلاث سنين لوما يرد يراجع يلاقي اللي ذاك اليوم واقف معه واقفه معها جايه تراجع بعد العمليه ظلم او مش ظلم

واللي مش مصدق يروح بنفسه ويقول نبي قوائم الانتظار ونبي قوائم علم العمليات لست شهور الماضيه ويشوفون من القطري ومن المقيم ومن اللي جاء بس 7 ايام زيار ه حتى يسويها

ذاك الحين بنقول طلع الحق او نتاسف ونقول احنا القطريين ما عندنا سالفه :)

[اتعبني غروري]

اللي يحطون المواعيد للانصاف اولا

ينتظرون ملف المريض
ثانيا يحط المواعيد ثلاثه

فلبينيه

عربيه

هندي

يعني الموضوع مسيطر عليه وين القطري سكرتاريا وانصافيا مافيه

يجي الطبيب حط المريض كذا تاريخ كذا

يجيهم اتصال من الطبيبه اللي خالة امها جدها يصير عم الثانيه بالرضاعه حطوها

المحسوبيه وماء الكرم الحاتمي يقول وخروا فلان قولوا الطبيب فلان اعتذر هالشهربناجل عمليتك الشهر الجاي اوووكي والسالفه لان بنت عمة خالة اخو بابو مدري ميري لازم ما تنتظر كثير

اللي يبي يصدق مايصدق بس يروح يوم الاثنين مساء قدام غرفة معتز باشا ويوقف يشوف المراجعين ويشوف المنتظرين او يجي الصباح حسب مواعيد معتز باشا او رضى او محمد الكواري ويشوف المراجعين والمنتظرين المراجعين مكس من قطريين ومقيمين والغاضبين اللي رجولهم ماتت من الوقفه طبعا قطريين والله لما ينفك الباب ويناادون عليهم ويدخلون ويطلعون بايديهم التحاليل والاجراءات انهم مبتسمين فاكرينها بعد ثلاث شهور مش ثلاث سنين لوما يرد يراجع يلاقي اللي ذاك اليوم واقف معه واقفه معها جايه تراجع بعد العمليه ظلم او مش ظلم

واللي مش مصدق يروح بنفسه ويقول نبي قوائم الانتظار ونبي قوائم علم العمليات لست شهور الماضيه ويشوفون من القطري ومن المقيم ومن اللي جاء بس 7 ايام زيار ه حتى يسويها

ذاك الحين بنقول طلع الحق او نتاسف ونقول احنا القطريين ما عندنا سالفه :)

مره ثانيه مع اني حاولت اثبت عكس الي قلتيه ... بس رفيجي قلي انه سواها خلال اسبوع لانه عنده واسطه.. والله المستعان...

[شيوخه]

أول شي خل يدخلون القطريين في طواري حمد بعدين خل يسوون عمليات

وديت امي طواري حمد تنقعت من الساعه 11 بالليل لين الساعه 2 الصبح عقب دخلونا هنود وفلبن دخلوهم مع ان رقمي قبلهم تهاوشت مع الممرضه ليش ادخلونهم قبلي امي تعبانه وحالتها حاله وللحين مادخلوتها تقولي هذول حالاتهم بسيطه قلت لها لا والله من اللي أحوج ادخلونه قبل اللي حالته بسيطه ولا اللي مريض ويتألم اطالعني ولاردت علي عقب انفجرت فيها خلاص زهقت من الساعه 11 والحين الساعه 2 قلت لها عيني عينك ادخلون ربعكم واحنا القطريين امنقعين ليش ان شاء الله وانا في نص كلامي يات وحده شكلها يوحي انها قطريه عاد مادري هي موظفه حاطه كرت الدوام على عباتها معلقته اتقول حق الممرضه عندج ماي أبي ماي عطيتها نظره من فوق لي تحت شلون اتقاطعني وانا اتكلم مع الممرضه وداشه عرض جي أمي نادتني قالت تعالي دزي الويل جير وديني السياره بروح الاهلي رايحه ادز أمي الا الجهاز قام يطلع صوت على ان دورنا قلت يمه خلاص دام دورج الحين خليني ادخلج قالت اوكي
اللي انا مستغربه منه ان الجهاز لازم يطلع صوت اذا وصل دورك بس اللي كانوا يدخلونهم قبلنا كانوا ينادونهم بالأسامي او تطلع الممرضة غرفة الانتظار وتأشر على الفلبن او الهنود ويدخلونهم
صج ذاك اليوم انقهرت قهر حسبي الله ونعم الوكيل .....

[شموخ-qtr]

السالفه كلها وااااااااااااااااااااااااااو



وااااااااااسسسسسسطططططططططططه

عندك واسطه بتدخل اوووول واحد بعد ..

حق القطري ف كل شي مهضوم ..