Vip لخدمة الفيزا في السفارة الفرنسية

[مساهم فنان]

إخوتي /
بما أن جوازي جديد فأردت أن أضع فيه فيزا شينغن وأفضل سفارة تعطي خمس سنوات هي الفرنسية ، ولكن حينما أردت أن أحجز موعداً للمقابلة وجدت الموعد بعيداً جداً يوم 6/11/2013 يعني بعد أكثر من شهر فاستغربت من ذلك كثيراً...
إخوتي هل توجد خدمة الvip لمواعيد الفيزا في السفارة الفرنسية كما هو معمول به بالسفارة البريطانية ، وإن كان موجود ذلك فكيف أحجز للموعد الڤي آي بي بطريقة سهلة غير معقدة .

[التايه]

يا أخي روح السفارة الالمانية لا زحمه ولا موعد و3 او 4 ايام وانته خالص وشينغن بعد

[Chambray]

لا توجد خدمة vip
بس اذا تعرف حد هناك بيدخلونك وبيخلصون امورك :)

[بونووف]

نسيبي يقول وده هله من غير موعد ودخلوا وانتضروا دورهم .. لانه حتى نظام المواعيد مب دقيق نفس البريطانيه

[a7med0_0]

عند مكتبة الجامعة مكتب المعجم للترجمة يسوي هالشغلات عند واحد اسمه احمد .. واذا بغيت رقمه انا حاضر ؟

[مساهم فنان]

شكراً للجميع وبحاول أدش عندهم بدون موعد..وأنا أفضل الفرنسية ع الألمانية لأن يعطون فيزا لمدة خمس سنوات..

[Al-Kuwari]

الفرنسية راح يجبرونك تنزل فرنسا في اول سفرك لك بالشنغن

بس الالمانية عادي تروح وين ماتبي ماتتقيد بالمانيا كاول وجهة لك بالفيزا الجديدة

انا الالمانية عطوني ٣ سنين وشوي لين تاريخ انتهاء جوازي

[بونووف]

الفرنسية راح يجبرونك تنزل فرنسا في اول سفرك لك بالشنغن

بس الالمانية عادي تروح وين ماتبي ماتتقيد بالمانيا كاول وجهة لك بالفيزا الجديدة

انا الالمانية عطوني ٣ سنين وشوي لين تاريخ انتهاء جوازي

اخوي كل سفاره تقولك نفس الكلام لكن كلام فاضي.. نفس الشي قالوا حق رضيعتي ونزلنا اول شي سويسرا ..

ونفس الشي مع زوجتي واول مكان نزلنا فيه النمسا

اتوقع هالكلام عشان يخفون الظغط على السفاره ..
ونفس الكلام مع الاسبانه لو قريت شروطهم انه اول دوله تنزل فيها اسبانيا

وكله كلام بس

[بونووف]

شكراً للجميع وبحاول أدش عندهم بدون موعد..وأنا أفضل الفرنسية ع الألمانية لأن يعطون فيزا لمدة خمس سنوات..

اخوي اذا دخلت من غير موعد عطنا خبر وشلون دخلوك عادي ولا