وتستمر المعاناه مع تسجيل عيالنا في المدارس!!!!!!!!!!!!!!

[فرهود]

اليوم بدا التسجيل ودخلت اسجل بنتي في التمهيدي وطلعلي التسجيل مغلق كلمت المدرسه على اساس ان المدرسه هي الاقرب للبيت قالولي انت وحظك تعال تاريخ 15/5 اذا في انسحبات نسجلها واذا مافيه دور لها مدرسه غير .

السؤال هل في حل للمشكله ووين اودي البنت اذا كانت المدرسه هي الوحيده في المنطقه السكنيه ؟

هل في روضه او تمهيدي في منطقة ازغوى او لخريطيات خاصه بفلوس ممكن اسجلها فيها على الاقل مرحلة التمهيدي لين السنه الجايه؟

يعطيكم العافيه .

[ضوى]

شوف الحرقان وبيسجلونهاغصب لويفتحون صف ثاني دامها من سكان المنطقة التابعة للمدرسة، عن تجارب في هذا الشان

[علي99]

نفس المشكلة

[جنيه ذهب]

اي والله

انا مشكلتي شوي فيها ظرف صحي

عندي ولدي الله يبعد عن عيالكم كل مكروه مسوي عملية في القلب في لندن صار له ثلاث سنين يراجع في مستشفى حمد وياخذ ادوية حق القلب الي هي مخفضه لضغط الدم ومدره للبول تكرمون وعندي تقارير من مستشفى حمد ومن لندن بعدم تعرض الولد لاشعة الشمس وجيت هالسنه ابي اسجل ولدي بالمرحله الابتدائية بالصف الاول فرحت المدرسه الي بنفس المنطقة بس للاسف تفاجات انها من المدارس القديمه الي الساحه فيها ومكان الطابور مكشوف وغير مكيفه وبكذا الولد بيتعرض للشمس وهذا خطر عليه فقلت بشوف له مدرسه ثانيه برع المنطقة فاقرب مدرسه كانت عمر بن الخطاب بجنب مركز موزه لتحفيظ القران على خط الوعب فقالوا لي ولدك مب تابع لنه تابع للعزيزية قلت اوكي بس السالفه كذا وكذا وكذا وقلت لها ان الولد ممنوع يتعرض للشمس قالولي ما نقدر نسوي لك شيء وقابلت مدير مجمع عمر بن الخطاب ونفس الشيء ما يقدر يسوي لي شيء والمجلس الاعلى يقول راجعنه بتاريخ 15/5 اذا في شاغر بنسجله طيب واذا مافي شاغر اضيع ولدي بمدرسه مكشوفه ...

يا جماعه نبي حل لهذي المهزله الي صايره في المجلس الاعلى ودوامة كل سنه وقت التسجيل ...

ارحمونا شوي وقدروا الظروف الصحية وخلوا عندكم رحمه في قلوبكم ..

واسمحولي على الاطالة بس شسوي من القهر الي فيني قلت لكم بسالفتي ..

[حسن]

المشكله ان الوزراه ماتشدد في عمليه التسجيل والمدارس تتجاوز
في عمليه التسجيل واكيد الواسطه تلعب دور

الكثير من المدارس تسجل طلبه مش من المنطقه التابعه لها
وهذا انا اعرف فيه والوزراه تعلم والاهالي يعلمون
لو تم وقف تلك التجاوزات لن تري اي معاناه

[R 7 A L]

لا تسبق الحدث مواعدينك بتاريخ
5-15

[المنسى]

الواسطه شغاله مضبوط العالم يسجلون بالتلفون عن طريق أصحاب التراخيص كل صاحبه ترخيص أو صاحب ترخيص يسجل إلى يعرفهم وضعنا فى الطوشه لانه من أول يوم يقولك مافيه مكان متى سجلو الظاهر شغالين زام ليل والله كرهونا فى الدراسه

[محمد سعيد]

حسبي الله ونعم الوكيل

قبل ماكنا نواجه هالمشاكل


ليش الحين ماقدر اسجل ولدي في المدرسة الي صوب البيت ؟

وين اودية يامجلس القهر

لازم خاص وندخل في موضوع تاخير السداد في القسائم التعليمية والتهديد بالطرد


اقتراح بسيط

شطب المجلس الاعلى من القاموس القطري ويكون في البند الاسود المركزي لتاريخ الاسود في التعليم

عيالنا تخرجوا من الثانوية مايعرفون يكتبون عربي

نجحوا الشباب لانجاح مشروعهم

وانا للاسف كنت في اول دفعه للجسر الاكاديمي رفعوني للفيل اعلى مع اني فاشل في اللغة الانجليزية واحتاج تقوية على اساس ان مشروع الجسر ينجح بنفسي طلعت من عندهم لان مابني على باطل فهو باطل

:secret:

[vip-30003]

هالفترة تسجيل المستجد واي مدرس تقول تعال تاريخ 15

يعني فترة سد الشواغر !!!! بالاساس ماعندهم مكان

فا ادارة المدارس تطلب من مكتب المدارس المستقلة بفتح شعبة جديده

والموضوع سهل بس يترتب عليه زيادة في الهيكل يعني مدرسين زيادة

بصراحة النظام الجديد ممتاز ولاحد يقول ايام الحكومة لان تعداد السكان زاد

وفي كثافة سكانيه في مناطق معينه في الدوحة

اما المناطق الخارجيه امورهم زي اللوز

وبصراحة المشكله من بعض اولياء الامور اللي ماتعجبهم المدارس القريبه منهم

فا يسجل ولده او بنته في مكان مب له وسبحان الله اذا رفضنا تسجيله

قالوا قطري وله الحق وصرنا احنا الغلطانين ونسجله ونخرب على اللي له الحق

والموضوع مب بالسهوله اللي اتفكرونه فيها

[qtr qtr]

محسسينا ان مقدمين لعيالنا وظيفه يشتغلون فيها

انا موضوعي ولدي مسجلينه فمدرسه بعيده من البيت واخوه الكبير في مدرسه قريبه من بيتنا قلت لهم ابي اسحب ملف ولدي واسجله مع اخوه قالوا ممنوع نسلم الملف لكم وتعالو بتاريخ 5-15
الله لايبارك فيهم من قوانين تعجيزيه ومعقده والله حرام عليهم يبهذلونا ويبهذلون عيالنا

[بنت الطائي]

اي والله

انا مشكلتي شوي فيها ظرف صحي

عندي ولدي الله يبعد عن عيالكم كل مكروه مسوي عملية في القلب في لندن صار له ثلاث سنين يراجع في مستشفى حمد وياخذ ادوية حق القلب الي هي مخفضه لضغط الدم ومدره للبول تكرمون وعندي تقارير من مستشفى حمد ومن لندن بعدم تعرض الولد لاشعة الشمس وجيت هالسنه ابي اسجل ولدي بالمرحله الابتدائية بالصف الاول فرحت المدرسه الي بنفس المنطقة بس للاسف تفاجات انها من المدارس القديمه الي الساحه فيها ومكان الطابور مكشوف وغير مكيفه وبكذا الولد بيتعرض للشمس وهذا خطر عليه فقلت بشوف له مدرسه ثانيه برع المنطقة فاقرب مدرسه كانت عمر بن الخطاب بجنب مركز موزه لتحفيظ القران على خط الوعب فقالوا لي ولدك مب تابع لنه تابع للعزيزية قلت اوكي بس السالفه كذا وكذا وكذا وقلت لها ان الولد ممنوع يتعرض للشمس قالولي ما نقدر نسوي لك شيء وقابلت مدير مجمع عمر بن الخطاب ونفس الشيء ما يقدر يسوي لي شيء والمجلس الاعلى يقول راجعنه بتاريخ 15/5 اذا في شاغر بنسجله طيب واذا مافي شاغر اضيع ولدي بمدرسه مكشوفه ...

يا جماعه نبي حل لهذي المهزله الي صايره في المجلس الاعلى ودوامة كل سنه وقت التسجيل ...

ارحمونا شوي وقدروا الظروف الصحية وخلوا عندكم رحمه في قلوبكم ..

واسمحولي على الاطالة بس شسوي من القهر الي فيني قلت لكم بسالفتي ..

ولا يهمك اخوي تقدر تجي برج المجلس الاعلى للتعليم الطابق التاسع قدم الطلب مع الوثائق وبإذن الله ما يقصرون وياك ........ اسال عن المسئولة هناك في قسم التسجيل ....... وما راح تقصر

تحياتي

[بنت الطائي]

الواسطه شغاله مضبوط العالم يسجلون بالتلفون عن طريق أصحاب التراخيص كل صاحبه ترخيص أو صاحب ترخيص يسجل إلى يعرفهم وضعنا فى الطوشه لانه من أول يوم يقولك مافيه مكان متى سجلو الظاهر شغالين زام ليل والله كرهونا فى الدراسه

عفوا وين الواسطه في الموضوع دام التسجيل الكتروني

[المنسى]

عفوا وين الواسطه في الموضوع دام التسجيل الكتروني

الواسطه فى أنك أول يوم أتسجل ويقولون لك فول متى سجلو البقيه. لا أدافعين فيه واسطه فى كل مكان تقبلى أحترامى وأكيد أنتى موظفه فى المجلس الاعلى ممكن واسطه

[ام السعف]

اي والله

انا مشكلتي شوي فيها ظرف صحي

عندي ولدي الله يبعد عن عيالكم كل مكروه مسوي عملية في القلب في لندن صار له ثلاث سنين يراجع في مستشفى حمد وياخذ ادوية حق القلب الي هي مخفضه لضغط الدم ومدره للبول تكرمون وعندي تقارير من مستشفى حمد ومن لندن بعدم تعرض الولد لاشعة الشمس وجيت هالسنه ابي اسجل ولدي بالمرحله الابتدائية بالصف الاول فرحت المدرسه الي بنفس المنطقة بس للاسف تفاجات انها من المدارس القديمه الي الساحه فيها ومكان الطابور مكشوف وغير مكيفه وبكذا الولد بيتعرض للشمس وهذا خطر عليه فقلت بشوف له مدرسه ثانيه برع المنطقة فاقرب مدرسه كانت عمر بن الخطاب بجنب مركز موزه لتحفيظ القران على خط الوعب فقالوا لي ولدك مب تابع لنه تابع للعزيزية قلت اوكي بس السالفه كذا وكذا وكذا وقلت لها ان الولد ممنوع يتعرض للشمس قالولي ما نقدر نسوي لك شيء وقابلت مدير مجمع عمر بن الخطاب ونفس الشيء ما يقدر يسوي لي شيء والمجلس الاعلى يقول راجعنه بتاريخ 15/5 اذا في شاغر بنسجله طيب واذا مافي شاغر اضيع ولدي بمدرسه مكشوفه ...

يا جماعه نبي حل لهذي المهزله الي صايره في المجلس الاعلى ودوامة كل سنه وقت التسجيل ...

ارحمونا شوي وقدروا الظروف الصحية وخلوا عندكم رحمه في قلوبكم ..

واسمحولي على الاطالة بس شسوي من القهر الي فيني قلت لكم بسالفتي ..

الله يشفيه ويعافيه ولدك من كل شر،،

اعتقد ولدك من الحالات الانسانية اللي لازم تكون هناك لجنة خاصة
توفر له التعليم اللي يتوافق مع ظروفه الصحية ،،

حاول يا اخوي تراجع المسؤولين في المجلس الأعلى للتعليم
ترى بعدهم ضمايرهم وقلوبهم حية ما ماتت ،،