------- بغيت حد يفيدني ضروري ياشباب ... ضروري !!!! --------

[قطري92]

سلام عليكم..

بغيت اسال كم رسوم جمارك قطر على السيارات من امريكا..

هل هو على حسب الموديل ؟

يعني اذا موديل 2012 كم بيكون الرسوم ؟

واذا موديل 1980 كم بيكون الرسوم ؟

اتمنى الي يعرف شي يفيدني.. :telephone:

تحياتي لكم..

[الفا برافو]

اخوي .. الرسوم على فاتورة الشراء ومعظم الاحيان تقديريه والشباب هناك مايقصرون
بس ترا موديلات 1990 ماتدخل البلد الا باستثناء . او يكون عمرها مايتعدى خمس سنوات من تاريخ الصنع
او تكون كلاسيكيه وعمرها 30 سنه وفوق.

[Qaatar]

1980 تدخل البلد عادي لانه همرها 33 سنه

[الفا برافو]

1980 تدخل البلد عادي لانه همرها 33 سنه



ونت صح ونا حسبتها غلط على اساس انها موديل 1990 وتم التصحيح.. جزاك الله خير

تحياتي

[احلى ارقام]

5% من السعر

هاي الكلام قبل سنه ونص ومادري اذا غيروا النسبه ولا لين الحين

[قطري92]

اوكي مب مشكله.

بس انا اتكلم عن الرسوم كم بالميه ؟

اشلون اجيب الاوراق اذا انا شاري الموتر من شخص عادي ؟

بس ابي اغرف اشلون يحسبونها ؟

[الفا برافو]

يثمنونها حسب خبرتهم والجمرك يكون 5 % من قيمة التثمين

ترا الربع هناك مايقصرون ودايما يساعدون لا تحاتي وكلامي من تجربة .

[Fahad77]

تأكد قبل ماتاخذ الموتر واسأل في الجمارك وقول لهم انك تبي تشتري موتر

موديل 1980 يتصرح ولا لأ ؟؟

عشان ماتاخذ الموتر وتتوهق فيه

ولد عمي شرى من 3 سنين تقريباً كورفيت موديل 1979 ومارضوا يصرحونها الا لما جاب استثناء من الوزير

اذا كنت طالب وتدرس في أمريكا يحق لك تجيب معاك سيارة من هناك مهما كان موديلها

بالنسبة للجمرك 5% من قيمة الشراء واذا ماكان عندك فاتورة هم يقيمون الموتر لك

ولا تحاتي أبداً موضوع قيمة السيارة ترى الشباب في الجمرك زي الورد ومتساهلين جداً

والله يوفقك يالغالي

[قطري92]

يعطيكم الف عافيه على الردود الطيبه..

جزاكم الله خيرآ..

طمنتوني على الاقل.. :)