من افضل الاذاعات .. اذاعة قطر فاونديتشن [الأرشيف]

الملا

07-05-2013, 10:37 AM

تحية وشكر لمؤسسة قطر فاوينديشن على اذاعة قطر فاونديتشن

اذاعة صغيرة في عمرها كبيرة في اهدافها ..

برامجها هادفة ومفيده وتغطي مجالات عدة دينية .. ثقافية .. صحية .. رياضية .. اقتصادية .. سياسية .. فنية

من برامجها ( عائشة ام المؤمنين .. الشعر الاصلاحي في الادب العربي .. الشاي الاخضر .. فن التعامل مع الاخرين .. وتفسير الشيخ الشعراوي ع الساعة 6:15)

ماكنت افارق اذاعة بي بي سي ومونتكارلو .. لكن الحين أغلب الوقت على اذاعة قطر فاونديتشن

تحداني

07-05-2013, 10:42 AM

طبيب قطري

07-05-2013, 10:47 AM

الملا

07-05-2013, 10:48 AM

صدقت .. وانا صرت من متابعينهم .. ومتابعين مونتو كارلوا ايضا
خاصه برنامج العصر الساعه 4:30 تقريبا .. برنامج صحي ممتع للغايه
واسلوب المذيعه دمار .. تبارك الرحمن .. يجذبني هالنوع من التقديم
ومن الفكر الي ممكن يلقى جواب لكل سؤال

جملك الله برضاه

تقصدين برنامج الصحة المستدامة مع نعمان المطري .. البرنامج اكثر من رائع .. ولا يفوتج الشاي الأخضر اللي على اذاعة قطر فاونديتشن

تحداني

07-05-2013, 10:50 AM

مستوى هالاذاعه المفروض يكون اكثر حرفيه من كده يعني في بعض المذيعين دون المستوى ومايصلحون يطلعون عالهوا, برنامج الشاي الاخضر محتواه حلو ومفيد فعلا لكن الي مخربه المذيع ماله بالحوار ابدا وكانه يقرأ نشره ويبي يخلص وخلاص.. وماتعجبني الاغاني الي يحطونها مالها داعي..

بعد عطهم يا اخوي عذر .. توهم في البدايه وبدايه المشوار نوعا ما تكون مليئه بالسلبيات
لكن حلو نشوف روح شبابيه تسعى ان تقدم شئ
وتسعى ان تخطي خطوات حلوه
ما يعني انها تحت مظله المدينه التعليميه لازم تكون بيرفكت
لكن مع الوقت نأمل ذلك

الحين تلفزيون قطر على قولتهم بحرفيه المذيعين والدورات
ومازالت السلبيات كثيره
ولا هذيلن لهم عذر

جملك الله برضاه

الملا

07-05-2013, 10:51 AM

مستوى هالاذاعه المفروض يكون اكثر حرفيه من كده يعني في بعض المذيعين دون المستوى ومايصلحون يطلعون عالهوا, برنامج الشاي الاخضر محتواه حلو ومفيد فعلا لكن الي مخربه المذيع ماله بالحوار ابدا وكانه يقرأ نشره ويبي يخلص وخلاص.. وماتعجبني الاغاني الي يحطونها مالها داعي..

المذيعين على ما اظن طلبة قطر فاونديتشن .. واتفق معاك لك عليهم وانا من كذا يوم راسلت واحد فيهم على الفيس بوك عشان بعض الملاحظات على تقريره

ومثل ماقالت اختي " تحداني" توهم في بداياتهم

تحداني

07-05-2013, 10:51 AM

تقصدين برنامج الصحة المستدامة مع نعمان المطري .. البرنامج اكثر من رائع .. ولا يفوتج الشاي الأخضر اللي على اذاعة قطر فاونديتشن

ايوووووه عليك نور الله يذكرها بالخير .. اعتقد هي طبيبه صح ؟؟
حلقه امس كانت مؤثره للغايه ..

الشاي الاخضر حلو بس يبيله اشويه شغل

تحداني

07-05-2013, 10:54 AM

المذيعين على ما اظن طلبة قطر فاونديتشن .. واتفق معاك لك عليهم وانا من كذا يوم راسلت واحد فيهم على الفيس بوك عشان بعض الملاحظات على تقريره

صح .. واعتقد انهم خريجي نورث ويسترن
انا بعد راسلتهم .. والتغيير في الطريق
ورحبوا بالانتقاد ايضا

الله يطرح فيهم البركه يارب .. هذيلن شعله نشاط .. ومليانين طموح
محتاجيين شباب يملأ وقت فراغهم ابهالاشيا .. ولا لو زاد حجم الفراغ .. تزيد البلاوي معاها
عشان جذي دايما نقول ابحث عن هوايه المقربين لك
وازرع فيهم هالهوايه .. عشان يقدر يلقى نفسه في هالمجتمع
ويكون له اهداف وفكر ويترك بصمه

الملا

07-05-2013, 10:57 AM

ايوووووه عليك نور الله يذكرها بالخير .. اعتقد هي طبيبه صح ؟؟
حلقه امس كانت مؤثره للغايه ..

الشاي الاخضر حلو بس يبيله اشويه شغل

ماعندي معلومات عنها .. بس اعرف اسمها من البرامج

اتمنى منها تستضيف البروفيسور طارق الحبيب في موضوع الأمراض النفسية

عقار

07-05-2013, 06:46 PM

الله يوفقهم
بس انت طارح الموضوع باسلوب دعائي

Crown

07-05-2013, 07:59 PM

انا ايضآ صرت من متابعينهم صراحه

رجل الجزيرة

07-05-2013, 08:49 PM

إلي ما تعجبي الإذاعة تقديمها الدعاء على شكل غناء.

القبطان سلفر

08-05-2013, 12:24 AM

من يختار الاغاني الاجنبيه فنان يتمتع بحس ممتاز . متابع ولا اغير موجتهم .

يعطيهم العافيه .

ضوى

08-05-2013, 12:50 AM

ممكن تعرفونا على موجاتها عالاف ام ؟!

رجل الجزيرة

08-05-2013, 04:19 AM

http://www.qfradio.org.qa/

حبر وقرطاس

08-05-2013, 04:47 AM

ممكن تردد القناه؟

او احداثياتها ..

لاني ماعمري سمعتها يا جماعه

الملا

08-05-2013, 09:05 AM

الله يوفقهم
بس انت طارح الموضوع باسلوب دعائي

وجهة نظري الشخصية وليست دعاية .. لاني اتابع اذاعات مختلفة واغلبها طول الوقت اغاني او برامج سياسية .. وهالاذاعة الوحيده المتنوعه في مواضيعها .. رغم بعض التحفظات من قبل الاعضاء على اسلوب بعض المذيعين يمكن لانهم في بداية مشوارهم .. لكن المحصلة العامة هي جودة البرامج المطروحة

واذا عندك وجهة نظر ثانية على الاذاعة او اذاعة ثانية تقدم الفائدة للمستمع فياريت تثري الموضوع

الملا

08-05-2013, 09:21 AM

انا ايضآ صرت من متابعينهم صراحه

تنوعهم جيد يرضون كل الأذواق

الملا

08-05-2013, 09:22 AM

إلي ما تعجبي الإذاعة تقديمها الدعاء على شكل غناء.

ملاحظتك مهمه .. ياريت ياخذونها بعين الاعتبار

الملا

08-05-2013, 09:24 AM

من يختار الاغاني الاجنبيه فنان يتمتع بحس ممتاز . متابع ولا اغير موجتهم .

يعطيهم العافيه .

صدقت .. اختياراتهم طيبة

الملا

08-05-2013, 09:25 AM

ممكن تعرفونا على موجاتها عالاف ام ؟!

موجتهم 93.7

الملا

08-05-2013, 09:26 AM

ممكن تردد القناه؟

او احداثياتها ..

لاني ماعمري سمعتها يا جماعه

اتابعها على موجه 93.7

الزعفراني

08-05-2013, 09:29 AM

انا على حظي كل ما احط على الإذاعه تطلع لي أغاني .. مدري حظي نحس والا شسالفه ؟

أول مره ادري عن البرامج اللي تتكلم عنها ..

هذا تردد القناة والا انا مضيع

93.70 اف ام ؟

زمن الغربة

08-05-2013, 10:00 AM

صدقت .. اختياراتهم طيبة

الله يعينك يا صاحب الموضوع على الذنوب اللي بتشيلها على ظهرك

(( عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ دَعَا إِلَى هُدًى كَانَ لَهُ مِنْ الأَجْرِ مِثْلُ أُجُورِ مَنْ اتَّبَعَهُ لا يَنْقُصُ ذَلِكَ مِنْ أُجُورِهِمْ شَيْئًا وَمَنْ دَعَا إِلَى ضَلالَةٍ فَعَلَيْهِ مِن الإِثْمِ مِثْلُ آثَامِ مَنْ اتَّبَعَ لا يَنْقُصُ ذَلِكَ مِنْ آثَامِهِمْ شَيْئًا ))
[ مسلم، الترمذي، أبو داود، الدارمي، ابن ماجه ]

الملا

08-05-2013, 11:43 AM

الله يعينك يا صاحب الموضوع على الذنوب اللي بتشيلها على ظهرك

(( عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ دَعَا إِلَى هُدًى كَانَ لَهُ مِنْ الأَجْرِ مِثْلُ أُجُورِ مَنْ اتَّبَعَهُ لا يَنْقُصُ ذَلِكَ مِنْ أُجُورِهِمْ شَيْئًا وَمَنْ دَعَا إِلَى ضَلالَةٍ فَعَلَيْهِ مِن الإِثْمِ مِثْلُ آثَامِ مَنْ اتَّبَعَ لا يَنْقُصُ ذَلِكَ مِنْ آثَامِهِمْ شَيْئًا ))
[ مسلم، الترمذي، أبو داود، الدارمي، ابن ماجه ]

استغفر الله الذي لا إله إلا هو الحي القيوم وأتوب اليه

قد اكون استعجلت في الرد .. وان كنت ما اشجع ع الغناء او السماع

اشكرك على التنبيه

ولكن مجمل ما يطرح في الإذاعة هي برامج هادفة وتفيد المستمع

Qatar Angel

08-05-2013, 12:00 PM

برامج الإذاعة حلوة وكنت اسمع برنامج يقدمه الأستاذ مرعي
الصبح وأنا رايحه الدوام والشغله الي ماحبيتها هي السنفونيات
مادري الاوكسترا طويله ومزعجة لو يحطون شيلات قطرية افضل

خوي الدرب

08-05-2013, 12:04 PM

هل تبث على am أم على fm
وكم ترردها لو سمحتم

الفا برافو

08-05-2013, 01:43 PM

ونا بعد ضبطت راديو سيارتي على نفس الاذاعه.. برامج راقيه ومفيده

تغلبية

08-05-2013, 09:30 PM

عندهم ابليكشن للايفون

QF Radio

باراكودا

08-05-2013, 09:40 PM

صوت الريان ألاذاعة الوحيدة في سيارتي باقي الاذاعات سويت لهم دليت .

طبيب قطري

08-05-2013, 10:25 PM

الله يوفقهم
بس انت طارح الموضوع باسلوب دعائي

يمكن يشتغل هناك :secret:

الملا

08-05-2013, 10:37 PM

يمكن يشتغل هناك :secret:

شغلي صوب مسعيد .. وانا مجرد مستمع للاذاعة ونقلت الموضوع للفائدة ..

Abdullah_89

09-05-2013, 02:36 AM

فعلا صار لي فتره اتابع الاذاعه والبرامج هادفه ومتنوعه

موضوع الاغاني والسمفونيات في كل الاذاعات صارت وبدون تحديد

لكن بالفعل رغم ان الفتره مابين التدشين الى اليوم قصيره لكن الاذاعه والقائمين عليها اثبتوا جدارتهم

اما المذيعين انا سمعت انهم طلبه في عدد من الجامعات التابعه للمدينه التعليميه والعلم عند الله

أفضل برنامج هو التفسير للشيخ الشعراوي في الصباح

أتمنى من القائمين على الاذاعه تغطية الفعاليات ونقلها مباشر على الاذاعه مثل المعارض والمؤتمرات والمنتديات

كذلك حلو ان يكون في برنامج بشكل اسبوعي يقوم على زياره المراكز الشبابيه والعلمية والانديه تغطيه الاحداث

والتوفيق للجميع