الترشيحة والبعثة والواسطات في الجيش والداخلية !!!

[ام السعف]

بسم الله الرحمن الرحيم

بما اني ما عندي اي فكرة في المجال العسكري سواء في الجيش او الشرطة وكيفية الالتحاق فيهم ،، إلا انني اسمع كثيرا عن تجاوزات كثيرة في قبول الملتحقين فيها والواسطات تلعب دور كبير وان كانت على حساب النسب فتضيع حقوق متقدمين على حسب حقوق متقدمين آخرين ،،

وعليه من خلال هالموضوع احب اطرح عدة تساؤلات متمنية من اللي عنده الفكرة الكاملة او جزء منها انه يفيدنا ،،

شنهو الفرق ما بين البعثة والترشيحة ؟ فهل الترشيحة تعني ان الواحد يحمل شهادة جامعية؟ او انها تعني انه يحمل ما يعادل الدبلوم او انه ياخذ لغة ؟ وهل الشهادة الجامعية مرتبطة بمن يحصل على مسمى بعثة في الجيش ؟

اذا المرشح بيصير ضابط عقب ما يخلص ،، والمبتعث يصير ضابط عقب ما يخلص وسنين الدراسة مختلفين فهل الراتب والرتبة تكون وحدة ؟

ليش يتم قبول طالب نسبته 59 او 60 % لأن ابوه ضابط وسلك له اموره في حين يتم رفض طالب آخر نسبته 90% وعنده لغة ودرجاته حلوة ؟ بمعنى آخر ليش عيال الضباط امورهم سهلات عند الالتحاق في السلك العسكري ؟
فشنهي المقاييس اللي يتم الاعتماد عليها عند قبول الملتحقين للبعثات والترشيحات ؟

وكيف ممكن الطالب يلتحق كطيار في الجيش او مهندس في الشرطة او الجيش ؟
وشنهو المطلوب منه ؟

هذا اللي عندي وان استجد شي باطرحه في مشاركات قادمة
ان شاءالله :shy:

[قطري !]

هذي دنيا فانيه





لاكن ياويلهم يوم يوقفون قدام الخالق الجبار وهم ظلموا او قدموا ناس على ناس

[ضوى]

مدري

بس ولدي خذوه من غير واسطة مع انه ابوه ضابط وخاله الله يرحمه كان ضابط وازواج عماته ضباط لكن محد توسط له ، اللهم انه اخوي الله يرحمه قالي لزوجي ترا يدورون خريجين ثانوية كفنين مدنيين قدم له زوجي وخذوه وخذوا مئات غيره وطرشوه بعثة ، ونسبته 59 بس دبلوم وبعد الدبلوم بيعطونه السنير ان شاء الله ، باقي التفاصيل ماعرفها

[ام السعف]

هذي دنيا فانيه





لاكن ياويلهم يوم يوقفون قدام الخالق الجبار وهم ظلموا او قدموا ناس على ناس

يعني بالفعل الواسطات شغالة :(

[بوالبيض]

العسكريه اقلبها كله واسطه طبعا من الي نسمعه من الشباب
وشي صاير حق ناس اعرفهم

[قطري !]

يعني بالفعل الواسطات شغالة :(





شغاله على مصراااااعيها على قولة حمد

[شموخ دائم]

,

,


مرحبا

والله اشوف ان العنوان فيه مبالغه كبيره خاصه انك ذكرتي انك ( سمعت )
وهذا فيه تجني على الجيش والداخليه

الي نعرفه ان الجيش والشرطه يحطون اعلانات في الجرائد
واكبر وزارتين فيهم توظيف الان هم الجيش والشرطه
وحتى المقيمين تم توظيفهم
واكثر من ذلك حتى ابناء دول مجلس التعاون يتم توظيفهم
فما اعرف من وين جايبه موضوع الواسطات
!!!!

والحمدالله الرواتب من اعلى الرواتب في الدوله

والي مجموعه 90 % هذا يدورونه دواره
ومو محتاج واسطه ولا شي
اذا الي ما عنده شهاده يتوظف كيف الي مجموعه عالي !!
بصراحه موضوعك ما يمت للواقع بصله

,

,


اخوك


شموخ دائم

[ام السعف]

مدري

بس ولدي خذوه من غير واسطة مع انه ابوه ضابط وخاله الله يرحمه كان ضابط وازواج عماته ضباط لكن محد توسط له ، اللهم انه اخوي الله يرحمه قالي لزوجي ترا يدورون خريجين ثانوية كفنين مدنيين قدم له زوجي وخذوه وخذوا مئات غيره وطرشوه بعثة ، ونسبته 59 بس دبلوم وبعد الدبلوم بيعطونه السنير ان شاء الله ، باقي التفاصيل ماعرفها

ولدج بيدرس دراسة جامعية ...> يعني اربع سنين ولا سنتين ؟

لأن تفرق لو كان اربع سنين او سنتين ،،، فالمسى الوظيفي يختلف ،،

[ضوى]

ولدج بيدرس دراسة جامعية ...> يعني اربع سنين ولا سنتين ؟

لأن تفرق لو كان اربع سنين او سنتين ،،، فالمسى الوظيفي يختلف ،،

مسماه فني مدني 6 ودبلوم سنتين وشوي

[قطري !]

,

,


مرحبا

والله اشوف ان العنوان فيه مبالغه كبيره خاصه انك ذكرتي انك ( سمعت )
وهذا فيه تجني على الجيش والداخليه

الي نعرفه ان الجيش والشرطه يحطون اعلانات في الجرائد
واكبر وزارتين فيهم توظيف الان هم الجيش والشرطه
وحتى المقيمين تم توظيفهم
واكثر من ذلك حتى ابناء دول مجلس التعاون يتم توظيفهم
فما اعرف من وين جايبه موضوع الواسطات
!!!!

والحمدالله الرواتب من اعلى الرواتب في الدوله

والي مجموعه 90 % هذا يدورونه دواره
ومو محتاج واسطه ولا شي
اذا الي ما عنده شهاده يتوظف كيف الي مجموعه عالي !!
بصراحه موضوعك ما يمت للواقع بصله

,

,


اخوك


شموخ دائم





أول مره في التاريخ مايعجبني ردك اخوي شموخ ,,,,, او اخالفك الراي بالاصح



كلنا عارفين الامور , وخل عنك المثالية ,,,,,, الاخت تقصد الترشيح والبعثات وليس التوظيف




نعم فيها وااااااااااااااااااااااااااااااو شكبر

[بو خليفه 123]

الواسطه يا أم السعف متواجده بكل الدوائر الحكوميه والمؤسسات و هذا واقع لا ينكره أي حد و انتي ادرى به , و هي ليست محصوره بالجيش والداخليه فقط !

اما بخصوص النسب هذي المردمه مدري من وين جات لكن المناصب و واجهات الدوله الحساسه يتم اختيارها من قبل لجنه للترشيح والتوظيف الا اذا كانت مذاهب رافضيه فهنا يستبعد التوظيف .

و اذا كانت هناك واسطه للضابط لترشيح ابنه فـ انا مؤيد و بشده بالنهايه هذا الرجل خدم بلده بكل ولاء ولا من ضرر اذا الدوله او اللجنه كافئته بتوظيف ابنه .

الترشيحه معناها هي الترشح لأن يصبح ضابط بعد التخرج . هناك شهادة دبلوم و يتخرج و يصبح ضابط فني و هناك ترشيحه مدتها 4 سنوات يبتعث الطالب لأحد الجامعات العسكريه و يتخرج ك ضابط مهندس يحمل شهادة الباكلريوس .

اما بخصوص طالب نسبته 90% و مادخل الجيش و طالب نسبته 60% و تم قبوله فـ النسبه المئويه هي "احد" الشروط للولوج لأختبارات القبول والمقابله و ليست الشرط الوحيد فقط .

العسكري له هندام خاص مطلوب . شخصيه فيها بصيص من الانضباط والجديه , و امور اخرى


اتمنى اني افدتك بمعلوماتي المتواضعه , و اشكرك على طرح هذا الموضوع لأهميته .

[ام السعف]

العسكريه اقلبها كله واسطه طبعا من الي نسمعه من الشباب
وشي صاير حق ناس اعرفهم

وهذا اللي نسمعه ،،



شغاله على مصراااااعيها على قولة حمد

مشاركتك ومشاركة بو البيض اتركها لأخونا شموخ دائم يطلع عليها مع باقي
المشاركات ،،



,

,


مرحبا

والله اشوف ان العنوان فيه مبالغه كبيره خاصه انك ذكرتي انك ( سمعت )
وهذا فيه تجني على الجيش والداخليه

الي نعرفه ان الجيش والشرطه يحطون اعلانات في الجرائد
واكبر وزارتين فيهم توظيف الان هم الجيش والشرطه
وحتى المقيمين تم توظيفهم
واكثر من ذلك حتى ابناء دول مجلس التعاون يتم توظيفهم
فما اعرف من وين جايبه موضوع الواسطات
!!!!

والحمدالله الرواتب من اعلى الرواتب في الدوله

والي مجموعه 90 % هذا يدورونه دواره
ومو محتاج واسطه ولا شي
اذا الي ما عنده شهاده يتوظف كيف الي مجموعه عالي !!
بصراحه موضوعك ما يمت للواقع بصله

,

,


اخوك


شموخ دائم


اخوي هل انت تتكلم عن واقع معاش ولا تجربة ناجحة او اعتمدت على اعلانات الجرايد ؟

احتمال اكون بالغت في الموضوع لأني كتبت الموضوع على حسب ماسمعت
لكن في الوقت نفسه ابحث عن الحقيقة ،،

وبناء عليه ،، طرحت تساؤلاتي اللي تطلب معرفة الفرق ما بين
الترشيحة والبعثة الجامعية ،، ومن اللي يحصل على الترشيحة
ومن اللي يحصل على البعثة الجامعية ،، وليش طلاب مجاميعهم
اقل من 80% يقبلونهم وطلاب 80% يرفضونهم

وعندي ولدي الكبير انرفض من الداخلية هو واثنين من ربعه وكلهم
كانوا 80% وخريجي عمر بن الخطاب ايام العلمية مب المستقلة
وعندهم الايلتز يومها 5.5 او 6 ،،

فهل ممكن تفسر لي ليش تم رفضهم كلهم وتم قبول غيرهم
واللي واحد منهم كان اقل من 80% ؟

[تحداني]

خليني اشوي ساكته .. لان المعلومات الحقيقيه يبلها " المصدر " على قوله اخوانه
المصدر صعب انحطه .. لكن كلامج مليان معلومات عسكريه
والعسكري مب نفس المدني
حتى الزي العسكري له احترامه
فإشلون لو كانت الحقيقه الموجعه :( بس مشكلتها انها حقيقه عسكريه
والعسكريه يبيلها يد من حديد ويد من من ما ادري ايش نسيت

فلا تفتحين على نفسج باب .. يمكن اقرب سفينه يركبونج فيها
وتقطعين رحله عوده بلا اياب اسملى عليج


انجوي في مواضيع اخرى الله يسلمج

[ام السعف]

مسماه فني مدني 6 ودبلوم سنتين وشوي

ااها يعني مب البعثة اللي تتطلب منه يدرس سنوات الجامعة المطلوبة


شكرا على الاجابة لأن بالفعل تفرق لما يدرس فني او يدرس التخصص نفسه ويحمل
مسماه الوظيفي الكامل ،،

[عليان]

إووووووووف

[شموخ دائم]

,

,


مرحبا

اخوي قطري

احترم رايك

اذا تقصد بعض البعثات والتخصصات الفنيه مثل الطيار في سلاح الجو
او بعض الدورات في الامور المتخصصه
فهذا يخضع لمعايير كبيره
بكره هذا الشخص بيصير طيار حربي !!
يعني لازم يتم انتقائه بعنايه وهذا معمول فيه بكل دول العالم

اذا انت تسميها واسطه !!
انا اسميها انتقاء الكفائه ولولاء ومن النواحي الامنيه
مو اي واحد يدخل هذه التخصصات المهمه والحساسه

الموضوع ليس واسطه ولكنه ( انتقاء )
وهذا طبيعي جدا في كل جيوش العالم له معايير خاصه

اتمنى تكون فهمت قصدي



,

,


اخوك


شموخ دائم

[تحداني]

,


والي مجموعه 90 % هذا يدورونه دواره
ومو محتاج واسطه ولا شي
اذا الي ما عنده شهاده يتوظف كيف الي مجموعه عالي !!
بصراحه موضوعك ما يمت للواقع بصله

,

,


اخوك


شموخ دائم




يدورونه ادواره .. ماتت ايام النسب خلاص
انت وينك يا اخوي

بعطيك خطوات جدا سهله .. وما يبيلها تعقيد ابدا
روح وزاره الخارجيه .. وقول لهم ..
الحين الاعلان الي حطيتوه شهر 8 / 2012 تقدم لكم 600 ولا 800 طالب
ما خذتوا منهم الا الي مستوياتهم تعبانه ليش ؟؟

وقول لهم بعد .. الي راحوا يدرسون لغه شخبارهم واخبار مستواهم ؟؟
بعد من حقنه انعرف كأولياء امور

وقتها راح اتعرف اشصاير يا اخوي

[ام السعف]

خليني اشوي ساكته .. لان المعلومات الحقيقيه يبلها " المصدر " على قوله اخوانه
المصدر صعب انحطه .. لكن كلامج مليان معلومات عسكريه
والعسكري مب نفس المدني
حتى الزي العسكري له احترامه
فإشلون لو كانت الحقيقه الموجعه :( بس مشكلتها انها حقيقه عسكريه
والعسكريه يبيلها يد من حديد ويد من من ما ادري ايش نسيت

فلا تفتحين على نفسج باب .. يمكن اقرب سفينه يركبونج فيها
وتقطعين رحله عوده بلا اياب اسملى عليج


انجوي في مواضيع اخرى الله يسلمج

تراني في حماية بومشعل محد يقدر يركبني السفينة
و اذا الله راد لي اركب السفينة تأبي الروح الا اشقلج معاي :shy:

ثنتين مهربونات في ربوع البحر :shy:

[قطري !]

,

,


مرحبا

اخوي قطري

احترم رايك

اذا تقصد بعض البعثات والتخصصات الفنيه مثل الطيار في سلاح الجو
او بعض الدورات في الامور المتخصصه
فهذا يخضع لمعايير كبيره
بكره هذا الشخص بيصير طيار حربي !!
يعني لازم يتم انتقائه بعنايه وهذا معمول فيه بكل دول العالم

اذا انت تسميها واسطه !!
انا اسميها انتقاء الكفائه ولولاء ومن النواحي الامنيه
مو اي واحد يدخل هذه التخصصات المهمه والحساسه

الموضوع ليس واسطه ولكنه ( انتقاء )
وهذا طبيعي جدا في كل جيوش العالم له معايير خاصه

اتمنى تكون فهمت قصدي

,

,


اخوك


شموخ دائم

,

,


اخوك


شموخ دائم





يا شموخ الله يرحم والديك




ترا عارفين كل شي ,,,, الكشف اللي من بعد اللجنه يروح للقائد والقائد ينتقي اسماء



ويرفعها فووووووووق بعد عملية (الشخل + التوصيه) واللي فوق يشخلها عدل ... ويرفعها فوق




وعقب ماتنرفع فوق يتم كبسها

[تحداني]

العسكري له هندام خاص مطلوب . شخصيه فيها بصيص من الانضباط والجديه , و امور اخرى


.




اما الهندام .. لا لا لا
هندام هالزمن في العسكريه .. ضيع معاني الهندام العسكري
قبل وووووين العسكري .. والحين وووووين
زين منهم يحلقون ولو ما وراها عقاب كانت الامور طيبه
انت بس شوف اجسامهم

الله يكون بالعون

دفعه 2012 - 2013 " وزاره الخارجيه " عليهم هندام يقتلك قتل
يعني بعد ون وتو " الاثري " انت امطيره اخر تطير
ويصير عندك حلقه جديده من الw

[ام السعف]

,

,


مرحبا

اخوي قطري

احترم رايك

اذا تقصد بعض البعثات والتخصصات الفنيه مثل الطيار في سلاح الجو
او بعض الدورات في الامور المتخصصه
فهذا يخضع لمعايير كبيره
بكره هذا الشخص بيصير طيار حربي !!
يعني لازم يتم انتقائه بعنايه وهذا معمول فيه بكل دول العالم

اذا انت تسميها واسطه !!
انا اسميها انتقاء الكفائه ولولاء ومن النواحي الامنيه
مو اي واحد يدخل هذه التخصصات المهمه والحساسه

الموضوع ليس واسطه ولكنه ( انتقاء )
وهذا طبيعي جدا في كل جيوش العالم له معايير خاصه

اتمنى تكون فهمت قصدي

,

,


اخوك


شموخ دائم

,

,


اخوك


شموخ دائم

اخوي شموخ لما يتم الرفض من خلال الاوراق فقط يعني لا مقابلة
ولا فحوصات ولا هم يحزنون ،، اذا على البنية الجسمانية ماعليهم قصور
واذا على الطول فهو فيهم واذا على اللغة فهي عندهم

فشنهو المطلوب ؟

انهم اييهم يعرف يطير الطيارة ؟

المشكلة يا اخوي لما يتم قبول طلاب نسبهم زفتة مب لكفاءتهم
اللي تتكلم عنها ولكن لأنابوه ضابط وعمه عقيد وفصيلته في الجيش :(

فهل ضميرك يقبل بالشي هذا وتشوفه أمر عادي ؟

احنا ما نتكلم عن الكفاءة او القدرة ،، العقل والمنطق يقول الكفؤ او الاحق
بس اشلون تحكم على كفاءة الواحد والمطلوب اوراق وشهادات
فيتم قبول ناس اوراقهم اقل كفاءة ؟

[تحداني]

يا شموخ الله يرحم والديك




ترا عارفين كل شي ,,,, الكشف اللي من بعد اللجنه يروح للقائد والقائد ينتقي اسماء



ويرفعها فووووووووق بعد عملية (الشخل + التوصيه) واللي فوق يشخلها عدل ... ويرفعها فوق




وعقب ماتنرفع فوق يتم كبسها




مب بس شخال .. الا تطلع لك امور فانتاستك
تلقى الجماعه كلهم مرتزين .. تقول عرس واحد من الجماعه هههههههه
والهندام الي تكلم عنه بوخليفه شي موش معقول


:)

[قطري !]

شموخ اليوم ماهو على بعضه

[تحداني]

تراني في حماية بومشعل محد يقدر يركبني السفينة
و اذا الله راد لي اركب السفينة تأبي الروح الا اشقلج معاي :shy:

ثنتين مهربونات في ربوع البحر :shy:





ههههه شريره انتي .. موش مشكله نركب فداءا للضمير الي تتكلمين عنه
يا أم الضمير .. الناس تبي اتعيش .. تبي تترقى .. تبي نجوم
وانتي طايحه فينه ضمير وضمير




اتعرفين الضابط كم ياخذ ؟؟ على قوله البزارين يا اوخيتي
خلج ابعيده عن العسكريه .. انتي اقعدي في كارنجي ميلون واحفري في الصخر
اشلج ابهالسوالف

[ام السعف]

الواسطه يا أم السعف متواجده بكل الدوائر الحكوميه والمؤسسات و هذا واقع لا ينكره أي حد و انتي ادرى به , و هي ليست محصوره بالجيش والداخليه فقط !
هذا واقع نتعايش معاه وبكثرة ،،

اما بخصوص النسب هذي المردمه مدري من وين جات لكن المناصب و واجهات الدوله الحساسه يتم اختيارها من قبل لجنه للترشيح والتوظيف الا اذا كانت مذاهب رافضيه فهنا يستبعد التوظيف .

وهذي بعد سمعنا عنها ،، لكن اللي يتم رفضهم عيال حمايل وسنة بس ماما عندهم واسطات ،، نفس اللي عندهمو اسطة في سنتين يصير ضابط واللي ما عنده واسطة يخيس عشر سنين وللحين يتمنى يصير ضابط ،،

و اذا كانت هناك واسطه للضابط لترشيح ابنه فـ انا مؤيد و بشده بالنهايه هذا الرجل خدم بلده بكل ولاء ولا من ضرر اذا الدوله او اللجنه كافئته بتوظيف ابنه .
هل تبي تقول لنا يا اخوي ان الجيش والشرطة احقيتها للمنتسبين لها فقط ؟ فحتى لو ولد الضابط نسبته 50% ينزلون له في حسابه 150 الف ويسافر علشان يدرس ومستواه مب مؤهل انه يكمل دراسته ويصرفون عليه ويرجع وهو مب مكمل فهذا من حق ابوه اللي خدم بلاده ؟

الترشيحه معناها هي الترشح لأن يصبح ضابط بعد التخرج . هناك شهادة دبلوم و يتخرج و يصبح ضابط فني و هناك ترشيحه مدتها 4 سنوات يبتعث الطالب لأحد الجامعات العسكريه و يتخرج ك ضابط مهندس يحمل شهادة الباكلريوس .

معلومة حلوة ،، بس اسمح لي اضيف لها اني اعرف صديق ولدي ملتحق في تكساس من قبل الجيش وتكسس مب جامعى عسكرية ،، يعني ممكن يلتحق بأي جامعة غير عسكرية ،،

اما بخصوص طالب نسبته 90% و مادخل الجيش و طالب نسبته 60% و تم قبوله فـ النسبه المئويه هي "احد" الشروط للولوج لأختبارات القبول والمقابله و ليست الشرط الوحيد فقط .

احد الشروط بس مرات شروط وايدة يتم التغافل عنها لصالح عيال المنتسبين للسلك نفسه ،،

العسكري له هندام خاص مطلوب . شخصيه فيها بصيص من الانضباط والجديه , و امور اخرى

واذا توافرت في غير عيال العسكرية ليش ما يتم قبولهم
اتمنى اني افدتك بمعلوماتي المتواضعه , و اشكرك على طرح هذا الموضوع لأهميته .

العفو وحياك الله في مشاركة ثانية

[LaW]

أساساً لا يوجد معيار للتفاضل غير الواسطه خصوصاً في 12جهة حكومية يعلمها الجميع , وكما تقول أحد النكات المصرية : ابن الضابط يطلع ضابط، ابن الدكتور يطلع دكتور ، وابن الطيار يطلع طيار إلا ابن الوسخه يطلع ( ) ..

احنا كعرب رسخنا ثقافة الواسطه والمحسوبية في عقول من ورثناهم وسـ يرثونا .

[البارع]

الواسطه فكل مكان

والترشيح والبعثات /حتى العلاج فالخارج بالواسطات /

[جلكساوي]

مع احترامي للكل بس اللي يقول مافيه واسطه في الترشيحه يااما انه مطبل

او انه من الطبقة المخملية اللي مايعاني مثل مالناس تعاني

الترشيحه معروفه أنها واسطه ومعروف انه من بين ال 1000او 2000 شخص

من المتقدمين يأخذون 100 او 200 شخص اساميهم موجوده في اللسته قبل المقابلة بعد

والمقابلة اللي يسونها للمتقدمين مسرحيه وبطلها الضباط اللي يقابلون خلق الله

بالمناسبة اعرف واحد "متين " ونسبته 59٪ وخذوه الترشيحة هذا هو الحين معلق النجمه

الوحيد اللي سمعت انه خذاها بدون واسطه واحد قبل تقريباً 5 سنين وكانت نسبته أتوقع 95٪

طبعاً شهادته ثانويه حكوميه مب مستقله (نفس الي نشوفه الحين في المستقلة اللي ما عمره عدى نسبة ال70٪ في حياته يجيب 90٪ في ثالث ثانوي )

[hamoor4ever]

اختي هاذه جيش وداخليه يعني امن وسالفه طويله مهب كل من جه وجاب مجموع بروح اعطيه ترشيح ويصير ضابط لها حسبه ثانيه مايعرفون لها الحريم والحكوميه هم ابخص بهذي الامور فلا تتشعبين في امور وخفايا ماراح تستوعبينها . والله يوفقج وبو مجموع يقدر يروح الف مكان ثاني ماتوقف عليه اذا ماخذوه مرشح ممكن يكون مجموعه 60 في الميه بس عنده شخصيه قياديه وغيرة من امور . وممكن يكون مجموعه 99 في الميه وهو مايصلح لقيادة شخصين مع بعض فكيف يكون ضابط تحت امره ناس .

فلازم تعرفين اختي ان هناك فيه شي اسمه افضليه يحددة كثير امور اما موضوع واسطه فهو موجود بكل مكان بس اعتقد والغالب ان الجيش والعكسريه ماتدخل فيه الواسطه قد مايدخل فيه موضوع الافضليه واذا كل من جاب مجموع دش ترشيح اختربت السالفه

[تحداني]

اختي هاذه جيش وداخليه يعني امن وسالفه طويله مهب كل من جه وجاب مجموع بروح اعطيه ترشيح ويصير ضابط لها حسبه ثانيه مايعرفون لها الحريم والحكوميه هم ابخص بهذي الامور فلا تتشعبين في امور وخفايا ماراح تستوعبينها . والله يوفقج وبو مجموع يقدر يروح الف مكان ثاني ماتوقف عليه اذا ماخذوه مرشح ممكن يكون مجموعه 60 في الميه بس عنده شخصيه قياديه وغيرة من امور . وممكن يكون مجموعه 99 في الميه وهو مايصلح لقيادة شخصين مع بعض فكيف يكون ضابط تحت امره ناس .

فلازم تعرفين اختي ان هناك فيه شي اسمه افضليه يحددة كثير امور اما موضوع واسطه فهو موجود بكل مكان بس اعتقد والغالب ان الجيش والعكسريه ماتدخل فيه الواسطه قد مايدخل فيه موضوع الافضليه واذا كل من جاب مجموع دش ترشيح اختربت السالفه




ان شاء الله تسمع نصيحتك يارب

[ام السعف]

إووووووووف

:shy:




ههههه شريره انتي .. موش مشكله نركب فداءا للضمير الي تتكلمين عنه
يا أم الضمير .. الناس تبي اتعيش .. تبي تترقى .. تبي نجوم
وانتي طايحه فينه ضمير وضمير




اتعرفين الضابط كم ياخذ ؟؟ على قوله البزارين يا اوخيتي
خلج ابعيده عن العسكريه .. انتي اقعدي في كارنجي ميلون واحفري في الصخر
اشلج ابهالسوالف

معلومات اضافية لكومة المعلومات الموجودة في المخزن المخيخي :shy:

[ام السعف]

أساساً لا يوجد معيار للتفاضل غير الواسطه خصوصاً في 12جهة حكومية يعلمها الجميع , وكما تقول أحد النكات المصرية : ابن الضابط يطلع ضابط، ابن الدكتور يطلع دكتور ، وابن الطيار يطلع طيار إلا ابن الوسخه يطلع ( ) ..

احنا كعرب رسخنا ثقافة الواسطه والمحسوبية في عقول من ورثناهم وسـ يرثونا .

شوف اخوي احنا اليوم لما نرفض منتسبي اي وزارة يكوشون على
الوظايف حق عيالهم وقرابينهم ،، فلازم بعد نرفض ان السلك العسكري
الأفضلية في القبول يكون لعيال الضباط وواسطو العقيد او العميد لو اخته
او بنته او ولد جيرانهم لأنهم الأولى بالاختيار لأنهم لهم السلطة ،،



الواسطه فكل مكان

والترشيح والبعثات /حتى العلاج فالخارج بالواسطات /

يعني هل افهم من كلامك لو ولدي مثلا يبي يلتحق في الجيش ويكمل دراسته
الجامعية يمش بوزه لأنه ما عنده واسطة ؟

يعني الكلام اللي انقال صحيح ؟

[ام السعف]

مع احترامي للكل بس اللي يقول مافيه واسطه في الترشيحه يااما انه مطبل

او انه من الطبقة المخملية اللي مايعاني مثل مالناس تعاني

الترشيحه معروفه أنها واسطه ومعروف انه من بين ال 1000او 2000 شخص

من المتقدمين يأخذون 100 او 200 شخص اساميهم موجوده في اللسته قبل المقابلة بعد

والمقابلة اللي يسونها للمتقدمين مسرحيه وبطلها الضباط اللي يقابلون خلق الله

بالمناسبة اعرف واحد "متين " ونسبته 59٪ وخذوه الترشيحة هذا هو الحين معلق النجمه

الوحيد اللي سمعت انه خذاها بدون واسطه واحد قبل تقريباً 5 سنين وكانت نسبته أتوقع 95٪

طبعاً شهادته ثانويه حكوميه مب مستقله (نفس الي نشوفه الحين في المستقلة اللي ما عمره عدى نسبة ال70٪ في حياته يجيب 90٪ في ثالث ثانوي )

نترك مشاركتك يا اخوي للي يقول مافي واسطة
مع ان الغالبية العظمى حولي يقولون في واسطة ولازم واسطة
ولا مشوا بوزكم :telephone:


اختي هاذه جيش وداخليه يعني امن وسالفه طويله مهب كل من جه وجاب مجموع بروح اعطيه ترشيح ويصير ضابط لها حسبه ثانيه مايعرفون لها الحريم،،

مب عارفة ليش خصص الحريم في كلامك ،،، مع اني في رجال في الموضوع تكلموا وقالوا انها بالواسطة ،، وفي رجال حولنا ومنتسبي هالسلك ويقولون فيها واسطة ،،

والحكوميه هم ابخص بهذي الامور فلا تتشعبين في امور وخفايا ماراح تستوعبينها .

ما اعتقد تتطرقت لسر من اسرار الدولة السرية ،،
طرحت الموضوع علشان استوعب ابسط امور الواحد يستوعبها ويشوف مقاييسها ،، فإذا انت تشوف اني ما يصير لي ااتشعب فيها ،، بالنسبة لي ما اشوف اي ضير من التشعب فيها مالم نتكلم عن سر من اسرار الدولة :shy:

والله يوفقج وبو مجموع يقدر يروح الف مكان ثاني ماتوقف عليه اذا ماخذوه مرشح ممكن يكون مجموعه 60 في الميه بس عنده شخصيه قياديه وغيرة من امور . وممكن يكون مجموعه 99 في الميه وهو مايصلح لقيادة شخصين مع بعض فكيف يكون ضابط تحت امره ناس .

كلامي من البداية مركز على محور ان عيال الضباط واللي متوسطين لهم يتم قبولهم على طول مع ان هناك متطلبات مطلوبة وهم اللي ينشرونها ويطالبون فيها ،، بس عند الاختيار الامور تنقلب موازينها ،، فاذا انت تشوفها عادي عني اشوفها مب عادي ،، وخاصة للبعثات الدراسية اللي تحتاج الى نسبة وفهم وقدرة على الاستيعاب ،،

فلازم تعرفين اختي ان هناك فيه شي اسمه افضليه يحددة كثير امور اما موضوع واسطه فهو موجود بكل مكان بس اعتقد والغالب ان الجيش والعكسريه ماتدخل فيه الواسطه قد مايدخل فيه موضوع الافضليه واذا كل من جاب مجموع دش ترشيح اختربت السالفه

المشكلة يا اخوي انت دققت على النسبة في حين هناك امور ثانية تتوفر في المتقدم
ويتم رفضه وقبول اشخاص لأنهم مسنودين ،،
فإذا تتفق معاي في النقطة هذي فاحنا مب مختلفين ان القبول مب شرط يكون للكفاءة



ان شاء الله تسمع نصيحتك يارب

:shy:

[حمد 2002]

فيه واسطه نعم وعندي الدلائل على هالشيء ،،

تحياتي لج

[Dexter]

الترشيحة تنقسم إلى كليات عسكرية و كليات مدنية مثل الهندسة والعلوم وغيرها ..اللهم في ناس يدخلون كلية عسكرية وناس يكملون دراستهم وكلهم في الاخير ضباط متساويين..<< تفرق في دورة الصاعقة والمظلي ماياخذونها شباب الجامعة>>

والمدني مايدخلها إلا إلي نسبهم قوية أو داخلين علمي في المدرسة

عن الواسطة.. هو فيه لكن إلي نسبته قوية مايحتاج ويدخل بكل سهولة ، لكن إلي نسبته ضعيفة وبدون واسطة صعبة كللش

[Bin Hood]

ام السعف

اتكلم عندنا في البحرين

اذا الاب ضابط ورتبة عسكرية

وعيالة مجاميعهم على 50% اموره طيبه

وتلقى عيال الضباط اكسل ناس في المدرسة لانهم ضامنين مستقبلهم

[لطيف الروح]

كل شي عندنا يبيله واسطة الا شي واحد مايبيله واسطه هو مقبرة ابوهامور الله يحسن الخاتمة

[Right]

الواسطات !!!


هذا واقعنا الذي نعيشه .. ويجب علينا تقبله ونتعايش معه



سواء رضينا أم أبينا





الله يكرمكم



حتى سيارات سحب المجاري



يبي لها واسطة عشان تجي تسحب من البيت !!!

[العلم]

وأنا أول مره مايعجبني رأي أخونا شموخ دائم


أختي أنا بتكلم عن حالتي الشخصية .. أنا لماتخرجت من الثانوية كان نسبتي 90٪ وماكنت أفكر في العسكرية أبدا ..
وبعد التخرج بأسبوع كلم مدير المدرسة أخواني وقال الداخلية طالبين أخوكم للترشيح .. وتموا يحنون أهلي علي عشان أروح لهم ووافقت ورحت في ذاك الصباح الباكر .. ولما وصلت تمينا برا المبنى وأنا وشباب كثير مايقارب الخمسين .. ولاحظت وأنا جالس وأتأمل شوارع المعهد وأشجاره الجميلة وصول السيارات الفارهة ونزول الضباط منها بمختلف تخصصاتهم فمنهم الجيش والبحرية والجوية والداخلية .. وكل منهم برفقته ذالك الولد الجميل ويدخلون داخل مباشرة ..

وجاء دورنا ودخلنا على اللجنة وقابلوني ووضعوني في تخصص مدني .. وقالوا انتظروا ..


وذهبت وذهب الجميع .. وبعد فترة نزلت قائمة الأسامي وكانت أغلبها من الحاصلين على النسب المتدنية ..

بعدها عرفت السر .. وعلى الرغم فولد خالي ضابط عووووووود وألحوا علي أهلي إنهم يكلمونه .. ولكني رفضت رفض قاطع .. وعلمت بعدهاأن أمر المؤمن كله له خير فقد يسر الله لي ماهو أفضل من العسكرية بألف مره ولله الحمد ..:shy:*

[واحد قطري]

انا برد عشان وايد ناس قاعده تخبص بالكلام ومابغيت ارد بس يالله نفيد ونستفيد

نبتدي بالشروط

1 العمر لايتجاوز ال 21 سنه
2 حاصل على الشهاده الثانويه بمعدل 70% للأدبي والعلمي 65% (اتكلم على أيام مدارس الحكومه)
3 ماتمر على الشهاده مدة سنتين
4اجتياز الفحص الطبي
5 اجتياز الماقبله الشخصية
6الجسم والطول متناسبين للوضيفه

الحين خلصت من الشروط اجي لشي ياختي انتي موفاهمته وهو انه الدورات السنتين او الاربع سنوات للمرشحين وانا بحاول ابسطها بنقاط

1 دورة عسكرية في احد الكليات العسكرية لمدة 4 سنوات وتتضمن التدريب المتواصل مع الدراسة الجامعية داخل هاذي الكليات وبعدها يعلق النجمه ويحصل منتسبها على شهادة البكالريوس ومن الكليات اللي يبتعث اليها من هذا النوع ( كلية محمد بن احمد العسكرية , الكلية اللي في دبي , الكلية اللي في مصر , الكلية اللي في الكويت , الكلية اللي في الأردن ... الخ)

2 الدورات الخارجية ومافي اصلا دورات داخلية للي يحصلون على شهادة الدبلوم بمعنى بعد سنتين يعلق النجمه غير عن اللي ذكرته فوق وطبعا تفرق صحيح انهم كلهم يعلقون النجمه لاكن هناك فرق شهادات عموما امثله على هالدورات ( كلية الاطفاء والسلامه بعمان , كلية الدفاع المدني بمدية اكسفورد البريطانية , كلية البحرية في بريطانيا, كلية سانت هيرست البريطانية, كلية للطيران في فرنسا, كلية في باكستان ....الخ)

3 المرشحين الضباك المدنيين الدارسين بالخارج لشهادة البكالريوس وهم يختلفون عن النوعين 1 و 2 في انه هم يدرسون في جامعات مدنية حالهم حال اي طالب جامعي من غير تدريب عسكري لحد انتهاء مدة الدراسه والحصول على الشهادة الجامعية وبعدها يرجع لقطر ويتدرب 6 شهور ويعلق النجمه ومن هالدورات (جامعات امريكا, بريطانيا,وجامعة قطر وهذا شي توهم حاطينه من قبل سنه وفي بلدان اخرى)



اتمنى انه الصوره اوضحت بالنسبه للدراسة

[بـارود]

أهم شي ( آخر ) اسم :secret:

[البارع]

شوف اخوي احنا اليوم لما نرفض منتسبي اي وزارة يكوشون على
الوظايف حق عيالهم وقرابينهم ،، فلازم بعد نرفض ان السلك العسكري
الأفضلية في القبول يكون لعيال الضباط وواسطو العقيد او العميد لو اخته
او بنته او ولد جيرانهم لأنهم الأولى بالاختيار لأنهم لهم السلطة ،،




يعني هل افهم من كلامك لو ولدي مثلا يبي يلتحق في الجيش ويكمل دراسته
الجامعية يمش بوزه لأنه ما عنده واسطة ؟

يعني الكلام اللي انقال صحيح ؟

100%100:(:)

[العربية نت]

البعثة تختلف عن الترشيح لان البعثة فيها دراسة وهي خاصة لللي خلص الثانوية فيتم ابتعاثة للدراسة والترشيح عند الانتهاء ومدتها اعتقد 4 سنوات

مرشح ضابط هذا الجامعي يدخل دورة ترشيح مدتها شهور معنيه بعد ما يخلصها يعلق نجمة

وفيه كلية احمد بن محمد العسكرية هذا اختصاصها دراسة وترشيح :(

والموضوع الله اعلم انه لايخلو من الواسطة :rolleyes2:

[R 7 A L]

تبين الزبدة ؟

الدعوة وراثيه بسبة 90% والبقيه يعتمد على اخر اسم

[بوحنان]

انا اخوي كان قدم على الترشيح وأخذ عليهم الاول باختبار اللياقة وتم رفضه وبعدها قدم على جهه عسكريه في الجيش والله يشهد على كلامي انه أخذ الاول بالتدريب العسكري والأول بالرياضه والأول بالرمايه وعقب الدورة تم تكريمه من قبل القائد وكانو يرونه مدرب على صغر سنه وما شاء الله عليه اي دوره يأخذها يا الاول او الثاني وفالنهايه لحد يقول متطلبات وشروط الواسطة ما وجدة الا لكسر الشروط

[حياة]

انا زوجي ضابط وولدي قعد سنه كامله مااقبلوه لان نسبته نازله
وعقب فتحوا باب للفنين المدنين وقدم ولدي اوراقه ووافقوا عليه
ولا واسطه ولاشي ... واغلب اللي توظفوا في الجيش ع فكره فتره
التدريب خمسين يوم فيه منهم عدد من المرشحين اهربوا من فتحه في الشبك
فيمكن الاولويه للي ابهاتهم عسكرين لانهم يدرون انهم قد بيستمرون
وبيتحملون وانا اعتقد والله العالم... اللي هرب هذي السنه حدود 37 مرشح
ماقدروا على تدريبهم في الخمسين يوم ... وفيه منهم اللي طلع بعد ماخلصوا
الخمسين يوم.
الله يكون في عونهم هالطلبه والله انهم يتعبون تعب الله اللي يعلم فيه

[alsoq]

ارجو عدم التشكيك بالقوات المسلحة
لا فيه محسوبيه او غيره
الاولويه للمتفوقين اهل النسب العاليه وبعده بتدرج وان يكون لائق صحيآ وطول مقبول هناك شروط للمرشحين

واكبر دليل انا ولدي التحق بالكليه العسكريه بدون واسطه او شي الحمدلله نسبته جيده

وانا شفتهم في تخرج الميدان اللي هي 50 يوم ما شاء الله الشباب تارسين الميدان

[القطو السمين]

وكلية احمد بن محمد قوية جدا تخيلوا امتحاناتهم تكون بكرة وهم مثبتين في الميدان اشلوون ينجحون ولذلك بعض المرشحين ينطردون ولذلك مايتخرج من الكلية الا اللي عنده قوة تحمل وصبريعني اللي بيدخل بالواسطة وهو موب كفو تطلعه الكلية

[وحيد-الشوق]

أهم شي ( آخر ) اسم :secret:

جبتها من الاخر :)

[ام السعف]

ارجو عدم التشكيك بالقوات المسلحة
لا فيه محسوبيه او غيره
الاولويه للمتفوقين اهل النسب العاليه وبعده بتدرج وان يكون لائق صحيآ وطول مقبول هناك شروط للمرشحين

واكبر دليل انا ولدي التحق بالكليه العسكريه بدون واسطه او شي الحمدلله نسبته جيده

وانا شفتهم في تخرج الميدان اللي هي 50 يوم ما شاء الله الشباب تارسين الميدان

اشدخل التشكيك في دخول الواسطة في قبول المتقدمين ؟

هل تبي تقول ان القوات المسلحة ملائكة معصومين عن الغلط

اذا قطر بكبرها كلها واسطات اشمعنى القوات المسلحة مابيكون فيها واسطات ؟

لكن لو مثل هالواساطات تتحول الى وراثة و ولعوائل معينة
اهنيه نقول .....> االباقي شنهو عيال البطة السودة ؟

فلحد يقول لي الحكومة ابخص ،، الحكومة تحط ثقتها في المسؤولين
لكن هل هالثقة مشت بشكل صحيح ؟
لو كانت ماشية بشكل صحيح يا اخوي ماسمعنا ان الواسطات لاعبة دور
هناك مثل ما هي لاعبة دور في كل مكان ،،

[حسن]

ام السعف الواسطه لابد منها وهذا مانختلف عليه لانها موجوده

بس لاتنسين ان الاعداد المطلوبه تكون شوي مايقدرون يضمون
العالم كلهم ضباد وين الافراد وين صف الضباط

وبعدين تبين النصيحه زين اللي ماوافقو عليه خليه يدرس من هل المجالات
الكثيره والمطلوبه وياخذ الشهاده وبعدين هو اللي يحط شروطه

بالتوفيق

[ام السعف]

فيه واسطه نعم وعندي الدلائل على هالشيء ،،

تحياتي لج

:telephone:


الترشيحة تنقسم إلى كليات عسكرية و كليات مدنية مثل الهندسة والعلوم وغيرها ..اللهم في ناس يدخلون كلية عسكرية وناس يكملون دراستهم وكلهم في الاخير ضباط متساويين..<< تفرق في دورة الصاعقة والمظلي ماياخذونها شباب الجامعة>>

والمدني مايدخلها إلا إلي نسبهم قوية أو داخلين علمي في المدرسة

عن الواسطة.. هو فيه لكن إلي نسبته قوية مايحتاج ويدخل بكل سهولة ، لكن إلي نسبته ضعيفة وبدون واسطة صعبة كللش

شكرا يا دكستر صاحب المختبر
مشاركة مميزة وتصب في صالح الموضوع وتضع النقاط على الحروف


ام السعف

اتكلم عندنا في البحرين

اذا الاب ضابط ورتبة عسكرية

وعيالة مجاميعهم على 50% اموره طيبه

وتلقى عيال الضباط اكسل ناس في المدرسة لانهم ضامنين مستقبلهم

قبل يا اخوي بن هود من 15 سنة تقريبا احدهم قال
ان الشرطة والجيش لعيال المنتسبين فيها وخاصة الكسالة
فإذا ما افلحوا في الدراسة الابواب مفتوحة لهم في الجيش والشرطة،،

بس مع التطور الكبير الحاصل عندنا في البلاد واهتمام الدولة بالتعليم
والمعايير والمستويات ،، من حق الجميع انهم ياخذون مكانهم اللي يتمنون
انهم يكونون فيهم حسب المعايير المطلوبة وانهم مايتم تفضيل الآخرين
لمجرد ان ابوه او عمه منتسب للجيش او الشرطة او واسطته قوية ،،
وخاصة في البعثات الدراسية ،، لان فوق ان الطالب ما يكون قد الدراسة
فوقه يخسر الدولة مبلغ وقدر ( ........) ويرد يد ورى ويد جدام
حتى دورة لغة ما كملها او اقصى ما خذها دورة اللغة ،،


كل شي عندنا يبيله واسطة الا شي واحد مايبيله واسطه هو مقبرة ابوهامور الله يحسن الخاتمة

اللهم احسن خواتيمنا







الواسطات !!!


هذا واقعنا الذي نعيشه .. ويجب علينا تقبله ونتعايش معه



سواء رضينا أم أبينا


الله يكرمكم

حتى سيارات سحب المجاري

يبي لها واسطة عشان تجي تسحب من البيت !!!



يعني المحصلة في واسطات ...> هذا رد للي يشكك في الموضوع
ويقول مافي واسطات وان الموضوع فيها كيت وكيت وكيت والحريم مايتدخلون
فيها :(

[ام السعف]

ام السعف الواسطه لابد منها وهذا مانختلف عليه لانها موجوده

بس لاتنسين ان الاعداد المطلوبه تكون شوي مايقدرون يضمون
العالم كلهم ضباد وين الافراد وين صف الضباط

وبعدين تبين النصيحه زين اللي ماوافقو عليه خليه يدرس من هل المجالات
الكثيره والمطلوبه وياخذ الشهاده وبعدين هو اللي يحط شروطه

بالتوفيق

يا اخوي حسن الموضوع عام وشامل ،،

اليوم مثلا ولدك يبي يقدم ويكمل في الجيش للمميزات الكبيرة الموجودة
هناك ،، تلقى الغالبية يقولون لك عندك واسطة قدمها وامورك طيبة
لأنك من غير واسطة عيالهم اولى من ولدك ،،

في الوقت اللي تييب 7 في الايلتز و 4 في ايه سي تي
تقبل جامعة كارنجي وتكساس وتحصل سبونسر في البترول
وسدرة وقطر غاز وراس غاز وهيئة المتاحف ،،

فلكل انسان طموح معين يسعى له ومن خلال دراسته يحاول
يحقق هالطموح ،، فليش عند الجيش والشرطة الواحد
يبي يكمل دراسته يفضلون عليه واحد نسبته انزل بكثثير
بس لأن عنده واسطة ؟

اهني التساؤل !!

[ام السعف]

وأنا أول مره مايعجبني رأي أخونا شموخ دائم


أختي أنا بتكلم عن حالتي الشخصية .. أنا لماتخرجت من الثانوية كان نسبتي 90٪ وماكنت أفكر في العسكرية أبدا ..
وبعد التخرج بأسبوع كلم مدير المدرسة أخواني وقال الداخلية طالبين أخوكم للترشيح .. وتموا يحنون أهلي علي عشان أروح لهم ووافقت ورحت في ذاك الصباح الباكر .. ولما وصلت تمينا برا المبنى وأنا وشباب كثير مايقارب الخمسين .. ولاحظت وأنا جالس وأتأمل شوارع المعهد وأشجاره الجميلة وصول السيارات الفارهة ونزول الضباط منها بمختلف تخصصاتهم فمنهم الجيش والبحرية والجوية والداخلية .. وكل منهم برفقته ذالك الولد الجميل ويدخلون داخل مباشرة ..

وجاء دورنا ودخلنا على اللجنة وقابلوني ووضعوني في تخصص مدني .. وقالوا انتظروا ..


وذهبت وذهب الجميع .. وبعد فترة نزلت قائمة الأسامي وكانت أغلبها من الحاصلين على النسب المتدنية ..

بعدها عرفت السر .. وعلى الرغم فولد خالي ضابط عووووووود وألحوا علي أهلي إنهم يكلمونه .. ولكني رفضت رفض قاطع .. وعلمت بعدهاأن أمر المؤمن كله له خير فقد يسر الله لي ماهو أفضل من العسكرية بألف مره ولله الحمد ..:shy:*

منك لهم ولكل من يقول مافي واسطة كلش :telephone:

[ام السعف]

انا برد عشان وايد ناس قاعده تخبص بالكلام ومابغيت ارد بس يالله نفيد ونستفيد

نبتدي بالشروط

1 العمر لايتجاوز ال 21 سنه
2 حاصل على الشهاده الثانويه بمعدل 70% للأدبي والعلمي 65% (اتكلم على أيام مدارس الحكومه)
3 ماتمر على الشهاده مدة سنتين
4اجتياز الفحص الطبي
5 اجتياز الماقبله الشخصية
6الجسم والطول متناسبين للوضيفه

الحين خلصت من الشروط اجي لشي ياختي انتي موفاهمته وهو انه الدورات السنتين او الاربع سنوات للمرشحين وانا بحاول ابسطها بنقاط

1 دورة عسكرية في احد الكليات العسكرية لمدة 4 سنوات وتتضمن التدريب المتواصل مع الدراسة الجامعية داخل هاذي الكليات وبعدها يعلق النجمه ويحصل منتسبها على شهادة البكالريوس ومن الكليات اللي يبتعث اليها من هذا النوع ( كلية محمد بن احمد العسكرية , الكلية اللي في دبي , الكلية اللي في مصر , الكلية اللي في الكويت , الكلية اللي في الأردن ... الخ)

2 الدورات الخارجية ومافي اصلا دورات داخلية للي يحصلون على شهادة الدبلوم بمعنى بعد سنتين يعلق النجمه غير عن اللي ذكرته فوق وطبعا تفرق صحيح انهم كلهم يعلقون النجمه لاكن هناك فرق شهادات عموما امثله على هالدورات ( كلية الاطفاء والسلامه بعمان , كلية الدفاع المدني بمدية اكسفورد البريطانية , كلية البحرية في بريطانيا, كلية سانت هيرست البريطانية, كلية للطيران في فرنسا, كلية في باكستان ....الخ)

3 المرشحين الضباك المدنيين الدارسين بالخارج لشهادة البكالريوس وهم يختلفون عن النوعين 1 و 2 في انه هم يدرسون في جامعات مدنية حالهم حال اي طالب جامعي من غير تدريب عسكري لحد انتهاء مدة الدراسه والحصول على الشهادة الجامعية وبعدها يرجع لقطر ويتدرب 6 شهور ويعلق النجمه ومن هالدورات (جامعات امريكا, بريطانيا,وجامعة قطر وهذا شي توهم حاطينه من قبل سنه وفي بلدان اخرى)



اتمنى انه الصوره اوضحت بالنسبه للدراسة

وضحت وايد يا اخوي ومعلوماتك مفيدة وايد

لكن اتساءل
وابحث عن تفسير لابتعاث طالب نسبته 60%
لاكمال دراسته عن طريق الجيش ما ادري الشرطة
هل مثل هالمجموع ينضرب فيه في عرض الحائط لأن
انطبقت عليه باقي الشروط ؟

هو سؤال واحب افهم تفسير له ،، يعني المجموع
للابتعاث اخر المتطلبات اذا انطبقت فيه باقي المتطلبات ؟

[ام السعف]

أهم شي ( آخر ) اسم :secret:

وفي اللي قال لي لا تفتحين الموضوع لأنج بتزنين على خراب بيتج


فهل يعقل ان الكلام في هالموضوع بيكون فيه ان الشمس
بتغطي علي ؟





100%100:(:)

:telephone:


البعثة تختلف عن الترشيح لان البعثة فيها دراسة وهي خاصة لللي خلص الثانوية فيتم ابتعاثة للدراسة والترشيح عند الانتهاء ومدتها اعتقد 4 سنوات

مرشح ضابط هذا الجامعي يدخل دورة ترشيح مدتها شهور معنيه بعد ما يخلصها يعلق نجمة

وفيه كلية احمد بن محمد العسكرية هذا اختصاصها دراسة وترشيح :(

والموضوع الله اعلم انه لايخلو من الواسطة :rolleyes2:

شكرا لك يا العربية نت وشكرا على السطر الأخير :telephone:


تبين الزبدة ؟

الدعوة وراثيه بسبة 90% والبقيه يعتمد على اخر اسم

العالم كلهم يقولون جذيه
بس مب عارفة بعض العرب في المنتدى ليش يقولون غلط

[ام السعف]

انا اخوي كان قدم على الترشيح وأخذ عليهم الاول باختبار اللياقة وتم رفضه وبعدها قدم على جهه عسكريه في الجيش والله يشهد على كلامي انه أخذ الاول بالتدريب العسكري والأول بالرياضه والأول بالرمايه وعقب الدورة تم تكريمه من قبل القائد وكانو يرونه مدرب على صغر سنه وما شاء الله عليه اي دوره يأخذها يا الاول او الثاني وفالنهايه لحد يقول متطلبات وشروط الواسطة ما وجدة الا لكسر الشروط

منج لهم :telephone:


انا زوجي ضابط وولدي قعد سنه كامله مااقبلوه لان نسبته نازله
وعقب فتحوا باب للفنين المدنين وقدم ولدي اوراقه ووافقوا عليه
ولا واسطه ولاشي ... واغلب اللي توظفوا في الجيش ع فكره فتره
التدريب خمسين يوم فيه منهم عدد من المرشحين اهربوا من فتحه في الشبك
فيمكن الاولويه للي ابهاتهم عسكرين لانهم يدرون انهم قد بيستمرون
وبيتحملون وانا اعتقد والله العالم... اللي هرب هذي السنه حدود 37 مرشح
ماقدروا على تدريبهم في الخمسين يوم ... وفيه منهم اللي طلع بعد ماخلصوا
الخمسين يوم.
الله يكون في عونهم هالطلبه والله انهم يتعبون تعب الله اللي يعلم فيه

عم العيال ما خلص الابتدائية واقبلوه في الجيش
فالموضوع مب يتكلم عن اي نوع من الالتحاقات في الجيش والشرطة

الموضوع يتكلم عن البعثات اللي الملتحق يدخل جامعة ويدرس
فيها ربع سنين .....> ليش يتم قبول طلاب نسبهم نازلة
ورفض طلاب نسبهم عالية لمجرد ان المقبولين ابناء المنتسبين
او واسطتهم قوية ؟



وكلية احمد بن محمد قوية جدا تخيلوا امتحاناتهم تكون بكرة وهم مثبتين في الميدان اشلوون ينجحون ولذلك بعض المرشحين ينطردون ولذلك مايتخرج من الكلية الا اللي عنده قوة تحمل وصبريعني اللي بيدخل بالواسطة وهو موب كفو تطلعه الكلية

اعرف واحد من قرايبينا نسبته 70 % ودخل كلية احمد بن محمد
ومع هذا مكمل ما شاءالله عليه ،،

لكن اللي يتطرش ويكمل وياخذ فرصة غيره اكفأ منه في المستوى التعليمي
ليش ينحرم ؟






جبتها من الاخر :)

يقولون لي لا تتكملين في الموضوع لأنج معرضة للخطر
معقولة احنا في دولة الديمقراطية يتم تخوفينا لمجرد التطرق
لمثل هالموضوع ؟ .....> ولا في افلام الكاو بوي :(