اليوم الثلاثاء وعقب يومين ويكند وين اروح ياهيئه السياحه ؟!!!

[حمد 2002]

السلام عليكم ورحمه الله وبركاته


عنوان الموضوع يحمل المسمى التالي

((( اليوم الثلاثاء وعقب يومين ويكند وين اروح ياهيئه السياحه ؟!!! :) )))

اروح الكورنيش ؟ ممممم الحين الجو صار حر وصيف ومايصلح !!!! ،،،،

ولا اروح كتارا ؟!! الجو بعد صار حار هناك وماتصلح بهالوقت غير المناضر الي اجوفها هناك وزحمه ممممم مابي اكسب اثام ، فمب رايح هناك لأنها ماتصلح !!!!!!!


انزين اروح البحر ؟!! ماعندنا بحر الحين بالدوحه تبي اتروح البحر روووح المناطق الشماليه والصراحه عيزااان ومتكيسل اضرب خط !!!! ،،،،

وين اروح وين اروح ممممم ازدان لا لا ايقولون مب شيء ومافيه اي ابدااع ونص المحلات الي فيه مب امفتحه !!!!!!

فيلاجيو لا لا زحمه وعقب الحريق صرت متشائم منه !!!!!!!!! ،،،

السيتي زحمه زحمه زحمه وايملل !!!!!!!!! ،،،

وين اروح وين اروح ورين اروح وين اروح ______________________________________________

ياهيئه السياحه هل تستحقين بالفعل هاذا الاسم ؟!!!!!!!!!!!!!!!!!!!!!!!!!!!!!!!!!

نبي الحل يالهيئه ؟!!!!!!!!!!!!

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجمييييع :)

[همر]

تروح سوق الخضره وسوق السمك وسوق الغنم وتمر محلات التموين بالمره وعقب تروح الجمعيه تشتري اغراض البيت وعصاير وروتي حق المدرسه وتمر الحلاق ومغسلة السيارات والدوبي تضبط نفسك حق الاسبوع الجاي وكان الله غفوراً رحيما.. هذا برنامج سياحي عائلي ويكندي روتيني تسويه كل ويكند غصباً عنك بلا كلل ولا ملل :)

[why me]

انت عطنا مثال على الي تبيه يكون موجود !!
وش تبي يحطونلك ؟

وهيئة السياحه مالهم ذنب فنفسيتك اذا كانت تتشائم من مكان
او ماتحب تروح اماكن معينه بسبب الحر وغيره ! الكورنيش فالويكند زحمه جداً
وكلهم عاجبهم الكورنيش ليه ماقالو انه حر ؟

وبخصوص ال ممممم فايضاً هيئة السياحة والتخطيط ماراح تسوي خطط على اسااس تكون متوافقه مع الاممممم حقتك

يعطيك العافيه عزيزي

[<اضرب واشرد>]

هل هذا أقصى معاناتك اخوي حمد ؟

اخوانك في سوريا أدنى معاناتهم السجن والضرب الخفيف

[عليان]

روح سو لك إشتراك بنادي والا صالة , عندك مركز قطر للبولينج , عندك نادي شباب برزان والنشاطات المتعدده , عندك فلوس شوي سوي لك مشروع وتابعه ...

[وطن]

الجو الحين حلو حق طلعات البحر

خذ لك يخت ولا طراد حتى و روح البحر

وبعدين تقدر تمارس أي نشاط ثاني غير المجمعات
بما انهم مب عاجبينك أو متشائم منهم !! وهذا مالهم شغل فيه السياحة


حاول انك تسوي شي مفيد في البيت مثلا
شي يدوي .. تسلي نفسك فيه و تعلم اليهال اللي حولك العمل الجماعي

ابني قفص للطيور
اشتر قطعة اثاث من ايكيا وركبها مع اليهال
علمهم يصيدون عصافير باستخدام "العتل"
:p

اقرأ كتاب لو عيزان تشتغل

ترى كل شي ممكن
تقدر تضيع وقتك لو تبي في شي مفيد

أو تلوم هيئة السياحة والبلاد على عدم توفير شي يسليك

انت تختار
:secret:

[قطريه22]

لا ماتستحق هالاسم


انا عندي لك اقتراح

روح دبي غير جو وارجع

الدوحه لاسياحه فيها عدله ولا بطيخ

[قطري !]

روح لاهل الدعوه في الصناعيه واجلس معهم

[وطن]

لا ماتستحق هالاسم


انا عندي لك اقتراح

روح دبي غير جو وارجع

الدوحه لاسياحه فيها عدله ولا بطيخ

شنهي السياحة في دبي؟
وين تروحون
شنو النشاط اللي تمارسونه
؟؟

[qatarman8008]

روح اديداس.. اشتر لك جوتي رياضة ودلاغ.. واطلع خط..

[وطن]

روح لاهل الدعوه في الصناعيه واجلس معهم

:victory:

اقتراح ممتاز

اؤيد :nice:

[qatarman8008]

السؤال المهم يا اخ حمد..
لماذا لايوجد عندنا مرافق سياحية في البلد..
المنتجعات السياحية.. اثنين فقط .. غاليين جدا.. ومستحيل تحصل حجز..
لايوجد مدينة العاب..
الكورنيش خالي من المرافق.. لا العاب.. ولا مطاعم ولا حتى ماي للشرب..
الفنادق.. اذا دخلت تشوف اشياء تخزي العين..
يعني اذا ودك تستانس وتونس عيالك .. لازم تسافر..
اذا لاسمح الله جاك ضيف من دولة مجاورة تحتار وين توديه ..

[king fish]

تروح سوق الخضره وسوق السمك وسوق الغنم وتمر محلات التموين بالمره وعقب تروح الجمعيه تشتري اغراض البيت وعصاير وروتي حق المدرسه وتمر الحلاق ومغسلة السيارات والدوبي تضبط نفسك حق الاسبوع الجاي وكان الله غفوراً رحيما.. هذا برنامج سياحي عائلي ويكندي روتيني تسويه كل ويكند غصباً عنك بلا كلل ولا ملل :)


وازيد على كلامك الأولاد تطلعهم وتعشيهم في اي مطعم ولا مجمع واخر الشهر فلافل والاعتكاف في البيت:shy::shy::shy::shy: بس كثر الكمون بعد الفلافل:victory::shy:

[قطريه22]

شنهي السياحة في دبي؟
وين تروحون
شنو النشاط اللي تمارسونه
؟؟




سؤالج غريب

دبي فيها كل شيء

حتي مجمعاتهم يوم تدخلين مختلفه اختلاف كلي عن المجمعات الي عندنا
هذا غير :
رحله بالتاكسي المائي
رحله بالهليكوبتر
رحله بالمنطاط
القفز الحر
المدينه الثلجيه
اتلانتس
المنتجعات السياحيه الي عندهم
المطاعم
الكوفيهات
الاسواق
واشيا وايد وايد وااااااااااااااااااااااااااااااااااااااااااااااااا ااااااااااااااااااااايد


ماعتقد ربعها موجود عندنا

احنا شنو الي عندنا غير سوق واقف وقمة المصخره
كتارا نفس الشيء
اللؤلؤه نفس الشي
والمطاعم في منها الزين ومنها لا
والمجمعات الي عندنا فاشله بمعني الكلمه
والبحر مصكرينه تبين روحي المناطق الشماليه
حتي المنتجعات والشاليهات عاديه ومافيها شيء مميز وعدل


اتمنى يصير في اهتمام في السياحه بقطر

[الرويـس]

لو عندك خل
الدنيا كلها بتشوفها جنه

[قطريه22]

لو عندك خل
الدنيا كلها بتشوفها جنه



انا مافهمت

[وطن]

سؤالج غريب

دبي فيها كل شيء

حتي مجمعاتهم يوم تدخلين مختلفه اختلاف كلي عن المجمعات الي عندنا
هذا غير :
رحله بالتاكسي المائي
رحله بالهليكوبتر
رحله بالمنطاط
القفز الحر
المدينه الثلجيه
اتلانتس
المنتجعات السياحيه الي عندهمالمطاعم
الكوفيهات
الاسواق
واشيا وايد وايد وااااااااااااااااااااااااااااااااااااااااااااااااا ااااااااااااااااااااايد


ماعتقد ربعها موجود عندنا

احنا شنو الي عندنا غير سوق واقف وقمة المصخره
كتارا نفس الشيء
اللؤلؤه نفس الشي
والمطاعم في منها الزين ومنها لا
والمجمعات الي عندنا فاشله بمعني الكلمه
والبحر مصكرينه تبين روحي المناطق الشماليه
حتي المنتجعات والشاليهات عاديه ومافيها شيء مميز وعدل


اتمنى يصير في اهتمام في السياحه بقطر

اللي بالأحمر اوكى ما عندنا منه

بس مجمعاتهم زحمة وروح على روح !!
خصوصا في الويك اند والاجازات
و المطاعم نفس اللي عندنا تقريبا


و ترى مو كل أهل قطر اختي بيمارسون النشاطات اللي ذكرتيها من منطاد و هليكوبتر و الحدايق المائية في اتلانتس وغيرها
في ناس مجمعات ومطاعم وبس !!

بالنسبة لي دبي حالها من حال اي مكان
اللهم لا تطاق من الزحمة وكثرة الأجانب

[همر]

انا مافهمت


قصده الخل مال الاكل يعني اي شي ماله طعم مثل السلطه مثلاً رش عليها خل ويصير طعمها زين !

[(بوطلال)]

لا ماتستحق هالاسم


انا عندي لك اقتراح

روح دبي غير جو وارجع

الدوحه لاسياحه فيها عدله ولا بطيخ

ودبي شفيها غير عن الدوحه ؟

[Qatar Angel]

انا أقولك وين تروح وان شاءالله يعجبك اقتراحي
سجل في حلقات حفظ القران الكريم وتفسير الأحاديث والسيرة النبوية
مارس بعض الأنشطة التطوعية عن طريق الانضمام للجمعيات الخيرية
حاول تنسق معاهم حسب وقت فراغك في الويك اند عالاقل تكون استغليت
جزء من وقتك فشي ينفعك في الاخره وباقي أنشطة اللهو والترفيه ان شاءالله
الأعضاء ماراح يقصرون معاك

[@الأدعم@]

روح اديداس.. اشتر لك جوتي رياضة ودلاغ.. واطلع خط..

هههههههههههههههههههههههههههه

[(بوطلال)]

فيه اكثر من 50 مكان ممكن تروحه بس انت شنهو نظامك فردي او عائلي ؟

[وطن]

لو عندك خل
الدنيا كلها بتشوفها جنه

مهب شرط

:secret:

[(بوطلال)]

مهب شرط

:secret:

هو يقصد خل من الخليل .

يقول الشاعر :

خلي تناساني .....ماعاد يهواني

ماكان ذا طبعه .....يبعد وينساني :weeping:

[همر]

اللي بالأحمر اوكى ما عندنا منه

بس مجمعاتهم زحمة وروح على روح !!
خصوصا في الويك اند والاجازات
و المطاعم نفس اللي عندنا تقريبا


و ترى مو كل أهل قطر اختي بيمارسون النشاطات اللي ذكرتيها من منطاد و هليكوبتر و الحدايق المائية في اتلانتس وغيرها
في ناس مجمعات ومطاعم وبس !!

بالنسبة لي دبي حالها من حال اي مكان
اللهم لا تطاق من الزحمة وكثرة الأجانب



لا ويقولون مايروحون سوق واقف وكتارا والمجمعات بسبة "المناظر المخزيه وقلة الادب"

على اساس ان دبي مايتمشى فيها الا اهل الدعوه والارشاد !!!!!!!!!!!!


هي وحده من ثلاث.. يا ان ربعنا يوم يروحون دبي تغشاهم الملائكه ومايشوفون الا الاحتشام.. يا ان الاجانب في دبي فعلا في قمة الاحتشام خاصة في الاماكن المذكوره اعلاه في احد الردود .. يا ان عدم الاحتشام برع قطر يصير حلال وعندنا حرام ويعيق السياحه.. يا ان احنا ناس سوداويين متحلطمين متحندين مايعجبنا العجب ولا اغاني عبدربه رجب !!!

[وطن]

هو يقصد خل من الخليل .

يقول الشاعر :

خلي تناساني .....ماعاد يهواني

ماكان ذا طبعه .....يبعد وينساني :weeping:

ادري فاهمه عليه
عشان جذي قلت له مهب شرط

[وطن]

لا ويقولون مايروحون سوق واقف وكتارا والمجمعات بسبة "المناظر المخزيه وقلة الادب"

على اساس ان دبي مايتمشى فيها الا اهل الدعوه والارشاد !!!!!!!!!!!!


هي وحده من ثلاث.. يا ان ربعنا يوم يروحون دبي تغشاهم الملائكه ومايشوفون الا الاحتشام.. يا ان الاجانب في دبي فعلا في قمة الاحتشام خاصة في الاماكن المذكوره اعلاه في احد الردود .. يا ان عدم الاحتشام برع قطر يصير حلال وعندنا حرام ويعيق السياحه.. يا ان احنا ناس سوداويين متحلطمين متحندين مايعجبنا العجب ولا اغاني عبدربه رجب !!!




هاهاهاهاهاهاها

[(بوطلال)]

ادري فاهمه عليه
عشان جذي قلت له مهب شرط

صحيح مب شرط ويمكن بالعكس يزيده هم وغم .

[Dmy Enabi]

لا ويقولون مايروحون سوق واقف وكتارا والمجمعات بسبة "المناظر المخزيه وقلة الادب"

على اساس ان دبي مايتمشى فيها الا اهل الدعوه والارشاد !!!!!!!!!!!!


هي وحده من ثلاث.. يا ان ربعنا يوم يروحون دبي تغشاهم الملائكه ومايشوفون الا الاحتشام.. يا ان الاجانب في دبي فعلا في قمة الاحتشام خاصة في الاماكن المذكوره اعلاه في احد الردود .. يا ان عدم الاحتشام برع قطر يصير حلال وعندنا حرام ويعيق السياحه.. يا ان احنا ناس سوداويين متحلطمين متحندين مايعجبنا العجب ولا اغاني عبدربه رجب !!!





طبعا الأخيرة :secret:

[الرويـس]

الخل الصاااااااحب
):

تموتون في المشاكل انتو

[الرويـس]

ادري فاهمه عليه
عشان جذي قلت له مهب شرط

ولا فاهمه ولا هم يحزنون
والدليل الثغر المكمم

):

[رفيق الصحراء]

عندك سينما عندك حدا هالكافيهات المنتشره بالبلد اطلع مثلا اللاند مارك او حياة بلازا او روح فندق اذا تبي تكون كلاس يعني وغير المطاعم اللي عندك . واذا كلش كلش روح دبي

[الرويـس]

سمعونا طرب
عبدربه رجب

نزولا عن رغبة اخونا همر

لحد يقول لي مب سجع ): توني ماخذ درس

[فيرو]

تروح سوق الخضره وسوق السمك وسوق الغنم وتمر محلات التموين بالمره وعقب تروح الجمعيه تشتري اغراض البيت وعصاير وروتي حق المدرسه وتمر الحلاق ومغسلة السيارات والدوبي تضبط نفسك حق الاسبوع الجاي وكان الله غفوراً رحيما.. هذا برنامج سياحي عائلي ويكندي روتيني تسويه كل ويكند غصباً عنك بلا كلل ولا ملل :)


هذا هو الرد ولا بلاش تسلم

[qatarman8008]

سمعونا طرب
عبدربه رجب

نزولا عن رغبة اخونا همر

لحد يقول لي مب سجع ): توني ماخذ درس

بالعكس.. سجع ونص ربع..
لكن.. هذا عبدربه..
ابو شفيئ .. والا انا غلطان ..؟؟

[العلم]

موضوع جميل جداا وهادف .. أحييك عليه ..


نعم وسائل الترفيه عندنا قليلة أو متكررة .. ولايستطيع كل شخص الإستفادة منها .. بسبب وجود المحاذير فيها ..


لماذا لايكون لدينا مدينة ألعاب كبيرة وعالمية ولجميع المراحل العمرية .. :shy:

مدينة ثلجية على مستوى راقي .. خصوصا في هذي الأيام ..:shy:

مدينة مائية محتشمة ..:shy:

حدائق عامة كبيرة مليئة بالأشجار والبرك المائية والمطاعم والملاعب المتنوعة كحديقة أسباير .. موزعة على مستوى قطر (الشحانية -الوكرة -الشمال -دخان ).. وليست واحدة فقط فالدوحة الناس فيها لحم على لحم .. :shy:

وقد يكون هناك أفكار سياحية وترفيهيه هم أعلم بها منا ..



وشكرا مره آخرى يابوشهاب = حمد2002 على الموضوع الحلو

[Miss]

مب لازم تضرب خط الشمال ، الفنادق فيها برك سباحه تأدي الغرض،
اشترك في نادي رياضي ،في نادي شباب
الحدايق في كل مكان بس حر على قولتكم وما تبونها .

[فرهود]

ولندن وشفيها

كفايه هواها الي يرد الروح ولا الخضار الي على مد النظر او المطر الي يرش رش عليك والانهار والغيوم والحدايق والمتاحف والسندي كورنر ومزارع الفواكه والاغنام والقطار وباص لندن وتكسي لندن وشواطي برايتون الي بدال الرمل مفروشه حصى صبان بااااارد تنسدح عليه ماودك تقوم . شاقول وشاخلي

[سهم صعب]

لا ويقولون مايروحون سوق واقف وكتارا والمجمعات بسبة "المناظر المخزيه وقلة الادب"

على اساس ان دبي مايتمشى فيها الا اهل الدعوه والارشاد !!!!!!!!!!!!


هي وحده من ثلاث.. يا ان ربعنا يوم يروحون دبي تغشاهم الملائكه ومايشوفون الا الاحتشام.. يا ان الاجانب في دبي فعلا في قمة الاحتشام خاصة في الاماكن المذكوره اعلاه في احد الردود .. يا ان عدم الاحتشام برع قطر يصير حلال وعندنا حرام ويعيق السياحه.. يا ان احنا ناس سوداويين متحلطمين متحندين مايعجبنا العجب ولا اغاني عبدربه رجب !!!






:nice::nice::nice::nice::nice:

[سهم صعب]

اشدخل مع الخيل ياشقرا
احنا ايدنا كلام همر لانه الناس تتكلم عن كتارا والمفاصيخ والمغازل اللي فيها
نجي لردج اللي تقولين فيه ان في دبي في مفاصيخ بس ماعندج مشكله فيهم لانه مافي هيليق ومغازل على قولتج في الرد الثاني اللي مادري من وين استدليتي عليه فاعادي انت تعتبرين دبي وجهه سياحيه
وبحكم انج تقولين احنا الحريم نعرف وين نروح فممكن تقولين لنا وين غير المجمعات الا اذا القفز الحر والمنطاد والهليكبتر هي فقط الاماكن المقصودة في دبي

اختي العزيزة كلن حر يأيد رأي من و اذا حد خالفج وأيد رأي اخر ماله داعي نفسر افكار الناس على هونا
ونحجر على تفكيرهم اعتقد المنتدى للجميع

[العلم]

حدكم على الجالية السودانية .. :shy:

[م. عبدالعزيز]

أجر لك بيت صغير في الرويس او الشمال وكل ويكند روح هناك

[سهم صعب]

اخوي دبي فيها اجانب وفيها مفاصيخ بس مافيها هيلق ومتخلفين نفس هالشباب الي يغازلون والمصخره الي في كتارا وفي سوق واقف


بعدين احنا حريم ومعروفه اماكنا الي بنروحها غير عن بعض الشباب الي يدورون سواد الويه ويروحون له

اشدخل كلامك في الي انا قلته مادري

خلني ساكته احسن مابي اقول شي واجيب العيد


اولاً :انا رديت لانه انتي اللي بديت بالاستفزاز لما قلتي مع الخيل ياشقرا للي ايد كلا م همر
وكان بإمكانج تناقشين الناس ليش ايدوا كلام همر وتعرفين الاسباب بدون لاتقطين تعليقات مالها معنى راجعي نفسج وشوفي ردج

ثانيا : كلامج ان دبي فيها مفاصيخ بس مافيها مغازل ممكن تفسيرن شنو معناه؟

ثالثا :انا ماقلت ان لج امكان ولا عندي صفة اني ارمي التهم على الناس ولا احكم لاعلى احد
انا طلبت منج تعطينا اماكن ممكن نروحها في دبي مافي هامفاصيخ نفس كتارا
فانتي اللي اقري عدل وثمني كلامج

ومن دق الباب جاه الجواب

[سهم صعب]

هههههههههههههههههه
اختي على العموم كلن حر في رايه
والسلام ختام

[روح الاطلس]

اقرا كتب :)

[عزووز قطر]

أستغرب من مقارنة قطر بـ دبي !!!
إذا القرية العالمية بروحها تستقبل أكثر من مليونين زائر ,, غير المجمعات والمرافق السياحية


أنا أؤيد كلام أخوي حمد وأشوف ان هيئة السياحة هي السبب الرئيسي في قلة المرافق السياحية عندنا ،،، والصيف على الأبواب ،،، ماذا أعدت هيئة السياحة للمواطنين ؟؟؟ وماذا أعدت للسياح الخليجيين ؟؟؟

وخاطري أعرف ليش للحين مافي مدينة ألعاب للأطفال ؟؟؟
ليش مافي مدينة مائية بنفس مستوى أتلانتس أو وايلد وادي ؟؟؟
ليش نفس المطاعم والكافيهات تتكرر في كل مجمع جديد ؟؟؟
ليش ماعندنا مكان مفتوح يكون نفس نظام القرية العالمية ؟؟؟

[Al-Kuwari]

افتح لك مجلس واقعد فيه بدل الدوارة فالسكيك

[بوخالد911]

جرررب

الشاليهات
ستراحات

اسكن بفندق

غير جووووووووووووووووك
ولا تتشائم

[alrheeb2020]

والله الواحد ماله غير هله وربعه ,, هم يحلون كل شي ,, حتى لو كنت قاعد ف الحسه p:

[R 7 A L]

انصحك تخرج في مسجد الصناعية يومين

[قايد]

انا استانس يوم اروح الجمعية,, أونس من المجمعات بصراحة

[R 7 A L]

بشر يابوشهاب
اعجبك شي من الاقتراحات المقدمة هنا ؟

[حمد 2002]

بشر يابوشهاب
اعجبك شي من الاقتراحات المقدمة هنا ؟

يعني يعني ،، اقتراح او اقتراحيين :)

[حسن]

انصحك تخرج في مسجد الصناعية يومين

خوش نصيحه يارحال

ونصيحتي لك ياحمد اترك البحر وخله يولي
وماانصح حد بتاتا يروح البحر

:)

[حمد 2002]

خوش نصيحه يارحال

ونصيحتي لك ياحمد اترك البحر وخله يولي
وماانصح حد بتاتا يروح البحر

:)

:shy: خايف انخلص عنك الصافي كخخ

[R 7 A L]

خوش نصيحه يارحال

ونصيحتي لك ياحمد اترك البحر وخله يولي
وماانصح حد بتاتا يروح البحر

:)



والله ما اقولها لامزح ولاخفه دم

والله اني جربت وحسيت براحة غير طبيعية
خصوصاً لما الواحد يروح من نفسه

[حمد 2002]

والله ما اقولها لامزح ولاخفه دم

والله اني جربت وحسيت براحة غير طبيعية
خصوصاً لما الواحد يروح من نفسه

صادق :nice:

[ameeer3]

الجو الحين حلو حق طلعات البحر

خذ لك يخت ولا طراد حتى و روح البحر

وبعدين تقدر تمارس أي نشاط ثاني غير المجمعات
بما انهم مب عاجبينك أو متشائم منهم !! وهذا مالهم شغل فيه السياحة


حاول انك تسوي شي مفيد في البيت مثلا
شي يدوي .. تسلي نفسك فيه و تعلم اليهال اللي حولك العمل الجماعي

ابني قفص للطيور
اشتر قطعة اثاث من ايكيا وركبها مع اليهال
علمهم يصيدون عصافير باستخدام "العتل"
:p

اقرأ كتاب لو عيزان تشتغل

ترى كل شي ممكن
تقدر تضيع وقتك لو تبي في شي مفيد

أو تلوم هيئة السياحة والبلاد على عدم توفير شي يسليك

انت تختار
:secret:

اني ابي قفص 5 في 6

ههههه

[أم محمد 90]

ادخل اليوتيوب اكتب (وين نروح) بيطلع لك اول فيديو حق شباب قطريين مسويينه (مؤسسة الشباب)


كلنا نعاني :)

[بوعلي2]

مر علي الشمال باوديك معاي فالجت فالغاريه جدول

[أم محمد 90]

جرب روح حديقة المتحف للحين الناس ماخربوها ولا صارت زحمة

قبل المغرب بشوووية روح هناك خذ لك كوفي واقعد والله جـوووووووو وروعة قدام البحر شي يغير النفسية

بلا كتارا بلا لاند مارك بلا اي مجمع خلوهم للاجانب

انا انصدم منهم والله العظيم احنا نروح الاند لفتين مالقينا بارك نخليه يولي ونروح

هم يلفووون يلفووون لو يصفوون الفريج الثاني عادي يرووحون مشي للمجمع ><

[حسن]

مر علي الشمال باوديك معاي فالجت فالغاريه جدول

مشروع حلو خذ به لفه صوب بوسيف
ولا البطل
ولا سمعه دندنه بوسعد على ذيك الرمله

[وطن]

اني ابي قفص 5 في 6

ههههه

هاهاهاهاها

زين ما يبي له
كم لوح بليوت
و شبك
ومسامير ومطرقة

وبتحتاج المنشار لو تبي تتفنن

:victory:

[حمد 2002]

هاهاهاهاها

زين ما يبي له
كم لوح بليوت
و شبك
ومسامير ومطرقة

وبتحتاج المنشار لو تبي تتفنن

:victory:

يالله روينا شطارتج وسوييه يشاطره وونزلي تقرير بالمنتدى حول ذلك :secret::tease:

[حسن]

هاهاهاهاها

زين ما يبي له
كم لوح بليوت
و شبك
ومسامير ومطرقة

وبتحتاج المنشار لو تبي تتفنن

:victory:

يبيله ينزله برنامج الهندسه ويشتغل عليه
التو كاد اسمه اضن

[تحداني]

انا احس مب شرط نطلع في الويك اند ..
بمعني .. الخميس الواحد يرد من الدوام يادوب يوصل .. وتبدى يمعه الاهل على العشى
وفي البيت العود .. وبعدها الجمعه سبحان الله صلاه ومسجد وصله رحم ايضا ..
يجيك اخر الليل الواحد يطلع واوقات يفضلها هم في البيت

اعتقد يوم السبت هو اليوم الي الواحد محتاج يفكر فيه شيسوي
اذا الابهات ؟؟ على الاقل يتيمعون مع الاعيال وام الاعيال ياخذون اخبارهم
يشوفون شنو الاشيا الي ناقصتهم .. اذا في شي محتاج تصليح بالبيت يصلحه
اذا ودهم يطلعون من الصبح يروحون يتمشون في مكان بعيد مثل عند السيف
او يروحون يتريقون

وبعدها الغدى يردون يرتاحون ومافي مانع الظهر سينما
او ممكن العاب
او اذا اكبار مجمع تاخذون اغراض
او اتروحون نادي اتمارسون فيه رياضه معينه


مشكله بعض الرجال والابهات هم ابنفسهم لا هوايه .. ولا عندهم رغبه لشي
ولا حب لشي .. بس ياكلون وينامون .. وشيشه ومجلس
ولا الاشيا كثيره والافكار اكثر
بس للاسف الطابع " الخليجي " البعض الاكثر منه ممل في طباعه خاصه البعض الاكثر من الرجال .. كل شي يعتبره ماله داعي


الجنسيات الاخرى كل شي يعتبرونه ترفيه
حتى قعدتهم مع بعض وضحك ترفيه
حتى السوني عندهم ترفيه


لكن احنه لا


جملكم الله برضاه

[حسن]

انا احس مب شرط نطلع في الويك اند ..
بمعني .. الخميس الواحد يرد من الدوام يادوب يوصل .. وتبدى يمعه الاهل على العشى
وفي البيت العود .. وبعدها الجمعه سبحان الله صلاه ومسجد وصله رحم ايضا ..
يجيك اخر الليل الواحد يطلع واوقات يفضلها هم في البيت

اعتقد يوم السبت هو اليوم الي الواحد محتاج يفكر فيه شيسوي
اذا الابهات ؟؟ على الاقل يتيمعون مع الاعيال وام الاعيال ياخذون اخبارهم
يشوفون شنو الاشيا الي ناقصتهم .. اذا في شي محتاج تصليح بالبيت يصلحه
اذا ودهم يطلعون من الصبح يروحون يتمشون في مكان بعيد مثل عند السيف
او يروحون يتريقون

وبعدها الغدى يردون يرتاحون ومافي مانع الظهر سينما
او ممكن العاب
او اذا اكبار مجمع تاخذون اغراض
او اتروحون نادي اتمارسون فيه رياضه معينه


مشكله بعض الرجال والابهات هم ابنفسهم لا هوايه .. ولا عندهم رغبه لشي
ولا حب لشي .. بس ياكلون وينامون .. وشيشه ومجلس
ولا الاشيا كثيره والافكار اكثر
بس للاسف الطابع " الخليجي " البعض الاكثر منه ممل في طباعه خاصه البعض الاكثر من الرجال .. كل شي يعتبره ماله داعي


الجنسيات الاخرى كل شي يعتبرونه ترفيه
حتى قعدتهم مع بعض وضحك ترفيه
حتى السوني عندهم ترفيه


لكن احنه لا


جملكم الله برضاه

فعلا صدقتي ياخت تحداني الانسان بنفسه ممل
اللي يبي يسلس نفسه يقدر مشاء الله الاماكن كثيره
من زمان واحنا مانقعد الخميس والجمعه في الدوحه
نسوي لنا جو والحمدلله مستانس في قطر اخر وناسه
تصدقين انا القطري الوحيد يمكن اللي ماشاف لندن وفرنسا وامريكا حتى الصين ماشفتها
الناس بعد الفائض المالى تعلمو على السفر ماعاد يقرون حتى الويكند قامو روحون لندن
من البطره
تعديني على الكويتين وطفناهم بعد
عندنا سواحل جميله ومستانسين فيه الاجانب ويستاهلون هم اللي يعرفون قدرها
وعندنا بر وش زينه يجنن
البلا من كثره البيزات جننتهم كله متمللين متملين

الله ياعمري قطر وبس

[شموخ-qtr]

صحيح هيئه السياحيه ماسوت شي ..

والدليل اذا افتحوا مكان سياحي صار التكدس والزحمه فيه !!! ..

احنا مانشتكي بالعكس عماااره ياقطر .. بس نطالب بزيادة الأماكن السياحيه

وين ايام علاء الدين !! .؟
وين ايام حديقة الحيوان ..؟
وين ايام العاب سناء ..؟

[تحداني]

فعلا صدقتي ياخت تحداني الانسان بنفسه ممل
اللي يبي يسلس نفسه يقدر مشاء الله الاماكن كثيره
من زمان واحنا مانقعد الخميس والجمعه في الدوحه
نسوي لنا جو والحمدلله مستانس في قطر اخر وناسه
تصدقين انا القطري الوحيد يمكن اللي ماشاف لندن وفرنسا وامريكا حتى الصين ماشفتها
الناس بعد الفائض المالى تعلمو على السفر ماعاد يقرون حتى الويكند قامو روحون لندن
من البطره
تعديني على الكويتين وطفناهم بعد
عندنا سواحل جميله ومستانسين فيه الاجانب ويستاهلون هم اللي يعرفون قدرها
وعندنا بر وش زينه يجنن
البلا من كثره البيزات جننتهم كله متمللين متملين

الله ياعمري قطر وبس




يا اخوي بوعلي عندنا اشيا كثيره انسويها في يومنه ومع اقرب الناس لنه
الانسان هو الي يخلق الملل لنفسه ويضيق على روحه وتلقى هالناس المملين
حتى في سفرهم مملين .. وطريقه السياحه عندهم ممله .. وطريقه تسليتهم ممله
الا قاعد في كوفي شوب ويناظر الناس او مجمعات .. الحين انت امسافر عشان هالشي بس
روح " تور .. رحلات .. سفاري . بحر .. مارس شي انت مب متعود عليه .. برشوت .. ولا سو لك شي مختلف .."

هالنوعيه من الناس يعتقدون المكان هو الي راح يعطيهم السعاده والوناسه
مع العلم الشخص ونفسيته هو الي يخلق السعاده في نفسه وفي اعياله

خلني اقول لك شي يمكن ما تستغرب منه
يوم السبت رحت منطقه جميله جدا في الدوحه لقيت اجانب جايبين ألعاب " البازل " التركيب
ويلعبون مع اعيالهم .. وامسوين فيها تحدي .. البازل عباره عن " 600 " قطعه وحاطين هديه تبعد عن قعدتهم يمكن مترين والي يفوز يروح ياخذها

تميت قاعده وكنت العب مع اعيال اخوي لعبه ثانيه بعدين بقول لك عنها :)
بعدها بشوي حد فيهم فاز وفتح الهديه .. وكانت الهديه مضحكه اكثر بس ماهو مكان لذكره

المهم شوف بساطه الاشيا
شوف نفسيتهم
شوف اشلون يتعاملون مع الاجازه
شوف ما فكروا ان اليوم سبت واجازه ولا اليوم خميس وجمعه وين اروح
كثر ما فكروا يسون شي مع نفسهم ولنفسهم ويسعدهم


البحر ممتع
والبر ممتع
واي ركن تلقى فيه اشويه خضار مع ناس .. مع زمزميه شاي
او كوب من لاتيه ولا يزعلون اصحاب القهوه الامريكيه
مع بسكوت لذيذ يخلق السعاده صدقني ..


لكن مازال البعض يبحث عن مكان والبلى مب في المكان


الله يرضى عليك ويسعدك .. تعجبني اجازتك جدا

[حسن]

يا اخوي بوعلي عندنا اشيا كثيره انسويها في يومنه ومع اقرب الناس لنه
الانسان هو الي يخلق الملل لنفسه ويضيق على روحه وتلقى هالناس المملين
حتى في سفرهم مملين .. وطريقه السياحه عندهم ممله .. وطريقه تسليتهم ممله
الا قاعد في كوفي شوب ويناظر الناس او مجمعات .. الحين انت امسافر عشان هالشي بس
روح " تور .. رحلات .. سفاري . بحر .. مارس شي انت مب متعود عليه .. برشوت .. ولا سو لك شي مختلف .."

هالنوعيه من الناس يعتقدون المكان هو الي راح يعطيهم السعاده والوناسه
مع العلم الشخص ونفسيته هو الي يخلق السعاده في نفسه وفي اعياله

خلني اقول لك شي يمكن ما تستغرب منه
يوم السبت رحت منطقه جميله جدا في الدوحه لقيت اجانب جايبين ألعاب " البازل " التركيب
ويلعبون مع اعيالهم .. وامسوين فيها تحدي .. البازل عباره عن " 600 " قطعه وحاطين هديه تبعد عن قعدتهم يمكن مترين والي يفوز يروح ياخذها

تميت قاعده وكنت العب مع اعيال اخوي لعبه ثانيه بعدين بقول لك عنها :)
بعدها بشوي حد فيهم فاز وفتح الهديه .. وكانت الهديه مضحكه اكثر بس ماهو مكان لذكره

المهم شوف بساطه الاشيا
شوف نفسيتهم
شوف اشلون يتعاملون مع الاجازه
شوف ما فكروا ان اليوم سبت واجازه ولا اليوم خميس وجمعه وين اروح
كثر ما فكروا يسون شي مع نفسهم ولنفسهم ويسعدهم


البحر ممتع
والبر ممتع
واي ركن تلقى فيه اشويه خضار مع ناس .. مع زمزميه شاي
او كوب من لاتيه ولا يزعلون اصحاب القهوه الامريكيه
مع بسكوت لذيذ يخلق السعاده صدقني ..


لكن مازال البعض يبحث عن مكان والبلى مب في المكان


الله يرضى عليك ويسعدك .. تعجبني اجازتك جدا

صدقتي يااخت تحداني انا لما اروح البحر
اشوف هل الاجانب مستغلين الاجازه صح وكل اغراضهم مرتبه وحتى مكانهم نظيف
ماتشوفين ولا قرطاس مهب بعض الربع اللي عندنا
يادافع البلا تقولين مكب نفايات وخصوصا هل اللي في بالي علشلن مايزعلون على

وكنت اشوف اقروبات المدارس الطلبه كل واحد شال عدتته تقول عده حرب ويمشي الكيلومترات ويعلمونهم الجواله والمسير
واحنا كبر فرخ ام الصنين كبر امه ولا يطير
كله بببببباببببببببببا ممممممممماممممما
متلف عيونه يامع هل اللعباتات الكشره
ياسوني يابلي استيشن وغيره
حت انا اقول ليش مدارسنا ماتسوي هل الشكل بدال مخليه هل العيال مفهين كل واحد
لوطلبت منه شي قعد مبطل حلجه يقولك هها

الانسان هو اللي يقدر يكيف نفسه مثل ماقلتي
الممل وين مايروح بيكون ممل
والمرح بيكون مرح في اي مكان

من امس وانا اتهدد شكلك بتخليني اقول
حق الفريق الخاص اللي عندي انطلقو من الان

:victory:

[تحداني]

الا قول يا اخوي حسن .. مب بس بببببا ببببا ومامممما .. صايرين تنابل
لا ايعرفون يدبرون روحهم .. ولا يتكلمون كلمتين .. ولا ايعرفون يقعدون مع الناس ..
وماخذتهم هالتكنلوجيا وياليت ينمي ذكائهم الا يعصر اعصابهم من العاب
قالوا ايش الامهات .. نبي انشط ذاكرتهم الا اتموتونها وتنشرون فيها فيروس اسمه الاعصاب

الامهات لو يفكرون يسولفون مع اعيالهم يناقشونهم عن احلامهم
الابو لو تقرب من اعياله وسأله شنو الي ابخاطره
لو اطلعو مع اعيالهم مب شرط لمكان معين كثر ماهم مع بعض

احنه لازم نقضي على ثقافه الملل ابداخل اجبود الاكبار
عشان الاصغار ما يقولون ملل وهم ولا عارفين شنو يعني ملل

يجيك طفل عمره 3 سنوات ماما ملل هههههههه
طولنا وايد على القراء
بس الي انحب انقوله .. الحياه جميله وحلوه .. وفيها كل شي حلو
بس انت دور لك مكان حلو ابداخلك عشان تقدر تستمتع بإجازتك ويومك


انجوي اخوي بوعلي .. جهز العده .. نبي شي زين من بحر الشمال
واهم شي الصافي .. واذا في ربيب ابطريقك مافي مانع
مع كيلوين قبقب .. واشويه خثاق

[Miss]

صدقتي يااخت تحداني انا لما اروح البحر
اشوف هل الاجانب مستغلين الاجازه صح وكل اغراضهم مرتبه وحتى مكانهم نظيف
ماتشوفين ولا قرطاس مهب بعض الربع اللي عندنا
يادافع البلا تقولين مكب نفايات وخصوصا هل اللي في بالي علشلن مايزعلون على

وكنت اشوف اقروبات المدارس الطلبه كل واحد شال عدتته تقول عده حرب ويمشي الكيلومترات ويعلمونهم الجواله والمسير
واحنا كبر فرخ ام الصنين كبر امه ولا يطير
كله بببببباببببببببببا ممممممممماممممما
متلف عيونه يامع هل اللعباتات الكشره
ياسوني يابلي استيشن وغيره
حت انا اقول ليش مدارسنا ماتسوي هل الشكل بدال مخليه هل العيال مفهين كل واحد
لوطلبت منه شي قعد مبطل حلجه يقولك هها

الانسان هو اللي يقدر يكيف نفسه مثل ماقلتي
الممل وين مايروح بيكون ممل
والمرح بيكون مرح في اي مكان

من امس وانا اتهدد شكلك بتخليني اقول
حق الفريق الخاص اللي عندي انطلقو من الان

:victory:

ايي والله عرفوا شلون يستغلون البحر لوناستهم .. يلعبون ويشوون ومعاهم عدتهم كامله واذا راحوا ما لقيت في مكانهم شي .
يبيله روحه للبحر:discuss:
أما الياهل اللي تنشده ويقولك ها خاطرك تصكه بأقرب شي عشان يفتّح عيونه :shy: ههههههههههههههه

[PGR]

انا استغرب من اللي يقولون دبي شنو فيها ؟؟؟؟ قول شنو مافيها ,, مجمعات(الافخم في العالم),, حدائق,, اسواق,, مطاعم ,, فنادق,,, احدث وسائل مواصلات,,, بس اللي ناقصها جوها الحار في الصيف ولا كان محد يسافر اماكن ثانية

[doha_vip]

روح اديداس.. اشتر لك جوتي رياضة ودلاغ.. واطلع خط..


هههههههههههههههههههههه

صحتك في خطوتك :victory:

[Khaled Qatar]

الله يعينك اذا المحلات مب امفتحه وايملل

[طبيب قطري]

قريت كثير من الاقتراحات والاراء الجميله واستفدت منها .. تسلم يابوشهاب على هالموضوع

[الخزرجي قطر]

انا أقولك وين تروح وان شاءالله يعجبك اقتراحي
سجل في حلقات حفظ القران الكريم وتفسير الأحاديث والسيرة النبوية
مارس بعض الأنشطة التطوعية عن طريق الانضمام للجمعيات الخيرية
حاول تنسق معاهم حسب وقت فراغك في الويك اند عالاقل تكون استغليت
جزء من وقتك فشي ينفعك في الاخره وباقي أنشطة اللهو والترفيه ان شاءالله
الأعضاء ماراح يقصرون معاك

ونعم الاقتراح المناسب

[شميرام]

روح مول الخور ول اكيا
ول اقعد في البيت جابل فلم قديم

[غاردينيا]

انا احس مب شرط نطلع في الويك اند ..
بمعني .. الخميس الواحد يرد من الدوام يادوب يوصل .. وتبدى يمعه الاهل على العشى
وفي البيت العود .. وبعدها الجمعه سبحان الله صلاه ومسجد وصله رحم ايضا ..
يجيك اخر الليل الواحد يطلع واوقات يفضلها هم في البيت

اعتقد يوم السبت هو اليوم الي الواحد محتاج يفكر فيه شيسوي
اذا الابهات ؟؟ على الاقل يتيمعون مع الاعيال وام الاعيال ياخذون اخبارهم
يشوفون شنو الاشيا الي ناقصتهم .. اذا في شي محتاج تصليح بالبيت يصلحه
اذا ودهم يطلعون من الصبح يروحون يتمشون في مكان بعيد مثل عند السيف
او يروحون يتريقون

وبعدها الغدى يردون يرتاحون ومافي مانع الظهر سينما
او ممكن العاب
او اذا اكبار مجمع تاخذون اغراض
او اتروحون نادي اتمارسون فيه رياضه معينه


مشكله بعض الرجال والابهات هم ابنفسهم لا هوايه .. ولا عندهم رغبه لشي
ولا حب لشي .. بس ياكلون وينامون .. وشيشه ومجلس
ولا الاشيا كثيره والافكار اكثر
بس للاسف الطابع " الخليجي " البعض الاكثر منه ممل في طباعه خاصه البعض الاكثر من الرجال .. كل شي يعتبره ماله داعي


الجنسيات الاخرى كل شي يعتبرونه ترفيه
حتى قعدتهم مع بعض وضحك ترفيه
حتى السوني عندهم ترفيه


لكن احنه لا


جملكم الله برضاه


ايد كلامج 100٪
الويكند زحمه لاتطاق وتضايق
حلو الويكند الواحد ريلاكس في بيته

مثال الخميس والجمعه للراحه وجمعات الاهل

الجمعه الصبح سوق الخضره والسمج والسوق العماني اهم شي خخخ
وحق تصليح البيت
مب كل واحد فيكم يالريايل مايفتكر يصلح شي خربان في بيته طبعا مب الكل بس الاغلبيه :rolleyes2:

الظهر بعد صلاة الجمعه تبتدي الجمعات مع الاهل وممكن شاليهات او سيلين تمشي بالسياره

السبت تخليص مقاضي البيت والاسره
وممكن تكون طلعه لمطعم او مجمع او العاب
مثل ما قالت الاخت تحداني

احنا الحريم جدول الويكند مزحوم لازم عزايم واعراس ومجاملات مانقدر نسويها الا في الويكند

غير الصالونات يكثر زوارها في الويكند :shy:

[بونووف]

توكل على الله واخذ جوازك معاك واقبض الخط

[حمد 2002]

توكل على الله واخذ جوازك معاك واقبض الخط

وهاي الي شكلي بسويه اليوم ههه :secret:

[حمد 2002]

ياليت يالربع كل واحد ايقولنا وين بيروح اليووم وبكره والي بعد = بالويكند :)

[bos3eed]

الا قول يا اخوي حسن .. مب بس بببببا ببببا ومامممما .. صايرين تنابل
لا ايعرفون يدبرون روحهم .. ولا يتكلمون كلمتين .. ولا ايعرفون يقعدون مع الناس ..
وماخذتهم هالتكنلوجيا وياليت ينمي ذكائهم الا يعصر اعصابهم من العاب
قالوا ايش الامهات .. نبي انشط ذاكرتهم الا اتموتونها وتنشرون فيها فيروس اسمه الاعصاب

الامهات لو يفكرون يسولفون مع اعيالهم يناقشونهم عن احلامهم
الابو لو تقرب من اعياله وسأله شنو الي ابخاطره
لو اطلعو مع اعيالهم مب شرط لمكان معين كثر ماهم مع بعض

احنه لازم نقضي على ثقافه الملل ابداخل اجبود الاكبار
عشان الاصغار ما يقولون ملل وهم ولا عارفين شنو يعني ملل

يجيك طفل عمره 3 سنوات ماما ملل هههههههه
طولنا وايد على القراء
بس الي انحب انقوله .. الحياه جميله وحلوه .. وفيها كل شي حلو
بس انت دور لك مكان حلو ابداخلك عشان تقدر تستمتع بإجازتك ويومك


انجوي اخوي بوعلي .. جهز العده .. نبي شي زين من بحر الشمال
واهم شي الصافي .. واذا في ربيب ابطريقك مافي مانع
مع كيلوين قبقب .. واشويه خثاق

الحدث: اكل البطيخ
المكان: في وسط الصاله
الزي الرسمي: فانيله وصروال او وزار (اختياري)
التكلفه: 20 الى 25 ريال
وكان من اروع مايكون جمعة الاب مع اولاده وبناته يقطع لهم من ها اليحه ياكلون ويوصخون ثيابهم تلاقي الواحد منهم متسبح باليح من راسه لين ريوله. الله يرحم ذيج الايام, ذكريات لاتنسى:weeping:

[وطن]

يالله روينا شطارتج وسوييه يشاطره وونزلي تقرير بالمنتدى حول ذلك :secret::tease:

انت اللي لازم تسويه انت ريال

انا بنت
وين امسك لك مسامير ولا خشب

يالله سوه وعطنا التقرير





يبيله ينزله برنامج الهندسه ويشتغل عليه
التو كاد اسمه اضن

بل
لا تصعبها عليه
ما يبي له لا برنامج ولا شي

[CH Engineer]

هااا وين بتروح؟

[qatarman8008]

انا اقول لك وين تروح..
من واقع تجربة..
خذ لك خيمتين 4*4 من الرونق..
اجر لك جينيريتر متوسط الحجم من سوق الحراج..
جهز المشاوي.. وروح سيلين..
ركب العنة المتواضعة.. شغل الجنريتر.. وشب الضو.. ودي عالمشاوي..
بكرة الصبح بعد الفجر على طول انزل بحر.. لين قريب الظهر..
ضب اغراضك وعود الدوحة ..
ها .. اشرايك..؟؟

[فرهود]

الحدايق والمتنزهات: حديقة سباير، حديقة المتحف الاسلامي ,حديقة البدع, دحل الحمام ,والحدايق الداخليه

البحر: سيلين ,شاطي الوكره:الغاريه,ام باب , دخان,

المجمعات: فيلاجيو,الستي سنتر,اللاجونا,حياة بلازا,اللاندمارك,المول,ازدان مول,

المتاحف والثقافه: متحف الفن الاسلامي ، دار الكتب القطريه، مكتبة الشيخ الانصاري , مكتبة جامعة قطر 4ادوار وفعلا مكتبه عالميه .

للرياضه : كورنيش الدوحه , سباير, خط الاحتفالات وهو مجهز بأرضيه مخصصه للمشي وثلاجات مياه واستراحات وخط خاص للدراجات الهوائيه .

للترفيه والتراث : كاتارا ,سوق واقف ,اللؤلؤه .

غير المطاعم والفنادق والمنتجعات والبر والجمعيات والاسواق .

الي يبي يستانس ويونس هله وعياله ماله عذر ياخوي حمد . مشكلتنا مايعجبنا الا مال الغير .

[كود نمبر]

عليك بتماني يا بو شهاب وترى فيها الحين شقق فندقيه :tease:
واذا معاك بزارين الحين بحر سلوى مسوين عليه شاليهات :omg:
وبطابط تاجير يعني الويكند كله مع ثلاثة ايام تتغدا وتتعشاء حاشي
وفطور قولابه مايطلع عليك 300ريال :victory:

[دلال قطر]

اتفق معكم ان قطر مافيها اماكن جديدة واغلبها مجمعات بس هذا مب عذر للي يقول ملل
اختي تحداني الزمن كلامج ماعليه غبار
وبخصوص اللي اقترحو انهم يشغلون وقتهم بحضور مجالس اهل الذكر , الله يجزاكم خير صراحه اللي يروح هناك يجمع دنيا ودين وصحبة صالحة..

الملل مخلوق من تكرار الروتين , اكسر الروتين بشي مب معتاد بفعله واستمتع بالحياه .
ياخي مرات حتى اتصال برفيق ماكلمته من زمان يعدل مزاجك يعني مب دايما الطلعات هي اللي تونس الواحد
ياما نطلع ونشوف اشياء تضيق الخلق

عموما كل واحد يعرف وش يحب وشلون يكسر روتينه الممل ....

[airbus]

يعني حتى لو في مكان تروح تغير فيه جو حتى توصل هدا المكان ، ضغطك يوصل مليون من الزحمة وتندم تطلع من البيت !!

[دلال قطر]

يعني حتى لو في مكان تروح تغير فيه جو حتى توصل هدا المكان ، ضغطك يوصل مليون من الزحمة وتندم تطلع من البيت !!

عاد ياخوي شوارعنا بروحها قصه ثانيه يبي لها موضوع لحاله
خصوصا الشوارع اللي تتسكر فجأه بدون سابق انذار
+
المطبات المقعرّه والمحدّبه اللي كسرت ظهورنا وسياراتنا :rolleyes2:
هنا يحق لنا نقول شوفو الفرق بين شوارع قطر والامارات :weeping:

[حسن]

ياليت يالربع كل واحد ايقولنا وين بيروح اليووم وبكره والي بعد = بالويكند :)

ابشرك رحت البحر الخميس وجمعه وسبت
والله لايغير علينا

حيلا بوشهاب