الدوحة قطر
07-05-2013, 02:00 PM
السلام عليكم ورحمة الله وبركاته
حبيت اتكلم عن توزيعات الاراضي والي شغالين عليها هل ايام في الوكرة
في البداية انا الحمدلله اطلعت لي الارض
وراح اكتب لكم بعض الامور الي شفتها وسمعتها جدامي في مبنى التخطيط العمراني
في البداية احب اذكر اني مقدم على طلب الارض من عقب ما ملجت على طول يعني اذا ما خانتني الذاكرة مقدم الطلب في نص 2009 تقريبا وطبعا خلال طول هل فترة الي مرت كنت اراجعهم انا على فترات متقطعة يعني كل 4 او 5 شهور امرهم واستفسر ومرات كنت اتواصل مع بعض ربعي الي شغالين اهناك واستفسر منهم ومرات الوالد الله يطول عمره ان شاء الله كان يمرهم ويسال وللعلم انهم من بداية تقديم الطلب خيروني بين منطقتين صوب بني هاجر ولا صوب الوكرة وانا اخترت الوكرة
المهم امس مريتهم مبنى التخطيط الساعة 8 ونص تقريبا واول ما دخلت رحت حق واحد من الموظفين الي على الكونتر كل عادة وعطيته بطاقتي الشخصية ضرب على الكمبيوتر وقالي روح حق ( المسلم ) وهو شكله رئيس القسم رحت ولا ما شاء الله طابور تقريبا 10 الى 15 واحد جدامي
صوت الموظف كان واضح بصراحة وتقريبا سمعت موضوع كل الاشخاص الي جدامي
منهم كان مراجع وموضوعة مختص في اراضي الحريم وكان يقولهم والله حاليا موقفين كل طلبات الاراضي مالت الحريم حتى اشعار اخر
ومنهم كان مقدم على اراضي في بني هاجر وكان يقولهم حاليا التوزيع بس في الوكرة وبني هاجر احتمال التوزيع يكون على شهر 10 او 11
البعض كان يقولهم والله اسمك للحين ما نزل في الكشف عندي لكن روح حق شخص اعتقد كان اسمة احمد او عبدالله عبدالملك في الدور الخامس شيك معاه
المهم جه دوري وضرب على الكمبيوتر وقالي الحمدلله ارضك اطلعت عطاني اورقة وقالي روح الكونتر 1 او 4 وادفع الرسوم
رحت انطر دوري على الكونتر واهني ابصراحة شفت بعض الاشياء الغريبه من المراجعين
مثلا بعض المراجعين كان يقول انه ما كان مقدم على الوكرة بس اطلعت ارضه في الوكرة
والبعض كان يقول ابي ابدل ما ابي الوكرة والرد كان يكون ان التبديل يكون مع شخص اخر لكن عن طريقنا حاليا ما يصير
البعض من المراجعين للاسف كان اسلوبة غير لبق مع الموظف لدرجة ان الموظف قاله خلاص ما تبي في الوكرة قدم على رفض الطلب عندك 30 يوم اذا ما دفعت الرسوم الارض بتروح حق غيرك
وهاذي نقطة مهمه ان الشخص عنده مهله 30 يوم لازم يدفع فيها رسوم الارض
وبعدين جه دوري وعطاني الي على الكونتر اورقتين الاولى اسجل فيها معلوماتي الشخصية والثانية اورقة تعهد اني ما ابني على الارض الا بعد ما ينتهون من تجهيز الخدمات في المنطقة وبعد اتعهد اني ما اطالبهم انهم يغيرون لي الارض وسئلت انا الموظف يعني خلاص كلش ما اقدر اغير الارض قالي معانا ما تقدر تغيرها لكن ممكن تبدل مع حد من برع تجون عندنا ونخلص موضوع التبديل عن طريقنا
وبس اخر شي طلب مني بطاقة البنك وسحب الرسوم وهي 300 ريال وعطاني الوصل وقالي راجعنا تاريخ 6-6 يعني عقب شهر بالضبط
ملاحضة : بعض المراجعين كنت اسمعهم يقولون وصلنا مسج وجينا
انا بصراحة ما جاني مسج
يعني اظاهر مب شرط يوصلك مسج مدام انك مقدم على طلب ارض في الوكرة روح واحتمال ان شاء الله يكون موضوعك خالص
حبيت اتكلم عن توزيعات الاراضي والي شغالين عليها هل ايام في الوكرة
في البداية انا الحمدلله اطلعت لي الارض
وراح اكتب لكم بعض الامور الي شفتها وسمعتها جدامي في مبنى التخطيط العمراني
في البداية احب اذكر اني مقدم على طلب الارض من عقب ما ملجت على طول يعني اذا ما خانتني الذاكرة مقدم الطلب في نص 2009 تقريبا وطبعا خلال طول هل فترة الي مرت كنت اراجعهم انا على فترات متقطعة يعني كل 4 او 5 شهور امرهم واستفسر ومرات كنت اتواصل مع بعض ربعي الي شغالين اهناك واستفسر منهم ومرات الوالد الله يطول عمره ان شاء الله كان يمرهم ويسال وللعلم انهم من بداية تقديم الطلب خيروني بين منطقتين صوب بني هاجر ولا صوب الوكرة وانا اخترت الوكرة
المهم امس مريتهم مبنى التخطيط الساعة 8 ونص تقريبا واول ما دخلت رحت حق واحد من الموظفين الي على الكونتر كل عادة وعطيته بطاقتي الشخصية ضرب على الكمبيوتر وقالي روح حق ( المسلم ) وهو شكله رئيس القسم رحت ولا ما شاء الله طابور تقريبا 10 الى 15 واحد جدامي
صوت الموظف كان واضح بصراحة وتقريبا سمعت موضوع كل الاشخاص الي جدامي
منهم كان مراجع وموضوعة مختص في اراضي الحريم وكان يقولهم والله حاليا موقفين كل طلبات الاراضي مالت الحريم حتى اشعار اخر
ومنهم كان مقدم على اراضي في بني هاجر وكان يقولهم حاليا التوزيع بس في الوكرة وبني هاجر احتمال التوزيع يكون على شهر 10 او 11
البعض كان يقولهم والله اسمك للحين ما نزل في الكشف عندي لكن روح حق شخص اعتقد كان اسمة احمد او عبدالله عبدالملك في الدور الخامس شيك معاه
المهم جه دوري وضرب على الكمبيوتر وقالي الحمدلله ارضك اطلعت عطاني اورقة وقالي روح الكونتر 1 او 4 وادفع الرسوم
رحت انطر دوري على الكونتر واهني ابصراحة شفت بعض الاشياء الغريبه من المراجعين
مثلا بعض المراجعين كان يقول انه ما كان مقدم على الوكرة بس اطلعت ارضه في الوكرة
والبعض كان يقول ابي ابدل ما ابي الوكرة والرد كان يكون ان التبديل يكون مع شخص اخر لكن عن طريقنا حاليا ما يصير
البعض من المراجعين للاسف كان اسلوبة غير لبق مع الموظف لدرجة ان الموظف قاله خلاص ما تبي في الوكرة قدم على رفض الطلب عندك 30 يوم اذا ما دفعت الرسوم الارض بتروح حق غيرك
وهاذي نقطة مهمه ان الشخص عنده مهله 30 يوم لازم يدفع فيها رسوم الارض
وبعدين جه دوري وعطاني الي على الكونتر اورقتين الاولى اسجل فيها معلوماتي الشخصية والثانية اورقة تعهد اني ما ابني على الارض الا بعد ما ينتهون من تجهيز الخدمات في المنطقة وبعد اتعهد اني ما اطالبهم انهم يغيرون لي الارض وسئلت انا الموظف يعني خلاص كلش ما اقدر اغير الارض قالي معانا ما تقدر تغيرها لكن ممكن تبدل مع حد من برع تجون عندنا ونخلص موضوع التبديل عن طريقنا
وبس اخر شي طلب مني بطاقة البنك وسحب الرسوم وهي 300 ريال وعطاني الوصل وقالي راجعنا تاريخ 6-6 يعني عقب شهر بالضبط
ملاحضة : بعض المراجعين كنت اسمعهم يقولون وصلنا مسج وجينا
انا بصراحة ما جاني مسج
يعني اظاهر مب شرط يوصلك مسج مدام انك مقدم على طلب ارض في الوكرة روح واحتمال ان شاء الله يكون موضوعك خالص