اللي يشتغل يزيدونه شغل !!!؟؟؟

[مشاكل]

هذه حقيقة لايمكن ان ينكرها احد
واعتقد اغلبكم عاصرها وعايشها
وكانت لكم تجارب بهذا الصدد

تشتغل يزيدونك شغل
تقول ان شالله ,, يقولون لك هل من مزيد !!
وكأن الآية انقلبت
ولذلك هذا جزاء وعقاب لكل من يعمل بأخلاص:tease:

لكن تعالوا وابحثوا عن حال المتسيب الصيّة
ابولسان طويل
مرتاح مستانس:playball:
محد كفو يكلمه او حتى يقرب صوبه وياويله اللي يسأله ليش ماشتغلت اوليش ماداومت ,,,
وخروا عنه هذا مب مال شغل وراعي مشاكل escape
قلنا لكم صيّّّّّّييييييييه :strong2:

وفي الناهيه ,,,
التقييم نفس الشي
الراتب نفس الشي
الترقيات نفس الشي

ولذلك كانت النتيجة ان :
تمرد المجتهد على العمل ,,
فأنطفت شمعته وخفت بريقه
وتسيب واهمل دوامه
واصبح وجهه بليته وطال لسانه
ليتحول تدريجياً الى الموظف الصييييييّه:strong2:

مالحل ؟

[زمان]

كلام صحيح ومثبت في الحياة العملية

والحل أن تتقي الله في ما تعمل

لا تتمرد ولا تتهاون في عملك بسبب كمية العمل المضافة

فالذي سيحاسبك على عملك في النهاية هو الله

ولكن الموظف المكروف المفروض لا يسكت ويطالب بالامتيازات القانونية

وطالب بتوزيع ضغط العمل بين الزملاء

او يبحث عن مكان براتب أعلى

ولكن في كل الاحوال دع الله دائماً بين عينيك

والسؤال هنا الي ما يشتغل ويتكاسل عن تأدية واجبه شالحل معاه

هل الخلل في الموظف أم الخلل في المسؤول عن الموظف

[راعي ال VXR]

كلامك صحيح اللي اشتعل واعطى وابذل بما كل فيه تقيمه اقل من اللي ما اشتغل ...واقع وعن تجربه
لكن ما ننتظر الناس تقيمنا.. التقييم والتقدير عندالله

[حبر وقرطاس]

شوف اخوي \\

مستحيل ومن سابع المستحيلات تجد حتى في الاداره الوحده اثنين ينجزون نفس كميه الشغل يوميا
بتلقى دايما واحد عنده القدره على انجاز الشغل بشكل افضل او مجتهد هي فالاخير مهارات فرديه

كون المسؤول يوزع الشغل بطريقه غير عادله لان هو يرى مصلحه العمل مقدمه على النزاعات والتخاذل الشخصي بين الموظفين
لانه بالطول بالعرض هذا الشغل لازم ينجز هذا اذا تكلمنا بشكل مهني بحت بمعنى لازم الشغل يتم ولازم في واحد بيسويه فالاخر.

وخلنا نكون اكثر شفافيه عاده المدير يعطي المهام الاكثر او الشغل الاكثر للي يشوفه قدها ويعتمد عليه واخطائه اقل وشايف فيه القدره على مواكبه متغيرات العمل

الييسوي الشغل الاكثر هو شخص مع الوقت تصير عنده خبره اكثر ويشق طريقه فالعمل في سنوات اقل وتجيه فرص افضل اكثر بكثير من المتخاذل

وبعدين ياخوي تعال هل انت شايف الكسول المتخاذل قدوه عشان يقتدي فيه المجتهد بحجه عطوني شغل وماعطوه؟؟ لا طبعا
بالعكس تلقى الكسول قلبه ياكله لانه مستسلم للضع التعيس الي فيه ومب قادر يغيره ويشوفك انت متألق نشيط ويومك يمر بسرعه وماتحس بالوقت اما هو طفران متملل ويعد الدقايق والدوام بالنسبه له هم وغم وسجن يومي

االي يشتغل اكثر بذمه وضمير اولا يرضي ربه ويحلل راتبه وتجيه البركه في ماله

اما الثاني فحدث ولا حرج

عمره ما كان الي ماشي غلط مبدئه اقوى ليتبع

انما الي ماشي صح هو الي مبدئه اقوى والناس تتبعه

اما الي يقول انا زميلي مايعطونه شغل وانا مكروف والله لا اسوي سواته اسمح لي هذا شخص فيه خلل وماعنده ثقه بنفسه عشان يترك الخط الصح الي ماشي فيه ويبدله بنهج اعوج

اسمح لي على الاطاله وارجو تقبل رايي برحابه صدر
والله ماكتبته الا عن تجربه شخصيه

[راشد محمد]

كلام صحيح

[حمد 2002]

هذه حقيقة لايمكن ان ينكرها احد
واعتقد اغلبكم عاصرها وعايشها
وكانت لكم تجارب بهذا الصدد

تشتغل يزيدونك شغل
تقول ان شالله ,, يقولون لك هل من مزيد !!
وكأن الآية انقلبت
ولذلك هذا جزاء وعقاب لكل من يعمل بأخلاص:tease:

لكن تعالوا وابحثوا عن حال المتسيب الصيّة
ابولسان طويل
مرتاح مستانس:playball:
محد كفو يكلمه او حتى يقرب صوبه وياويله اللي يسأله ليش ماشتغلت اوليش ماداومت ,,,
وخروا عنه هذا مب مال شغل وراعي مشاكل escape
قلنا لكم صيّّّّّّييييييييه :strong2:

وفي الناهيه ,,,
التقييم نفس الشي
الراتب نفس الشي
الترقيات نفس الشي

ولذلك كانت النتيجة ان :
تمرد المجتهد على العمل ,,
فأنطفت شمعته وخفت بريقه
وتسيب واهمل دوامه
واصبح وجهه بليته وطال لسانه
ليتحول تدريجياً الى الموظف الصييييييّه:strong2:

مالحل ؟

نظريتك صحيحه ،،، والي يسكت بياكلون حقه والي مايسكت بيترقى وبياخذ اعلى المناصب

تحياتي لك

[why me]

صااااادق والان صرت حذر جداً بهالخصوص وصرت مااستلم شغل الا على القد
واذا احد حاول يعطيني شغل اتعذر منه واقوله مضغوط عندي شغل كثير عطه للي ماعندهم شغل ابد

[ضوى]

الله يعينكم والله مدري وين شتتغلون اللي كلكم تمرون بنفس السالفة بس اقول الله ياخذ حقكم من اللي ظلمكم

[dm styal]

كلامك 100%100 صحيح والمدير بعد يدري من يشتغل ومن مايشتغل لكـــــــــــن هذه بو ألسان أو ام ألسان ما أختلف معاك اشتغل أو مايشتغل وحتى يجي متأخر مايحاسب والتقييم في النهاية نفس تقييم الي قاعد يكرف بس الواحد شيقول هذا المدير محاسب عند الله لانه مب قد المكان الي هو فيه بس عشان هذا ولد فلان وهذا نسيب ال.......فلاني ,المفروض يكون هناك لجنه تراقب هؤلاء المدراء ويكونون مب قطريين افضل لأنه بعد بيكون بعد في معرفه أو صلة قرابة للمدير او الشخص نفسه وانا شخصيا عانيت وحصل لي نفس الظلم
في النهاية الظالم له يوم والله مايضيع اجر المظلوم

[R 7 A L]

يعني تنصحونا نتحول الى شلة (بو لسان ) و الصيه

[حمد 2002]

يعني تنصحونا نتحول الى شلة (بو لسان ) و الصيه

:nice:

[dm styal]

يعني تنصحونا نتحول الى شلة (بو لسان )
اخاف اقولك إي ويطلعون لك سالفة طول ألسانه على الإدارة خل ربك ياخذ حقك اذا ماقدرت تاخذه بالطيب صدقني هذا الشخص الظالم تلقاه مب مرتاح ومتهني في حياته.

[OutLaw]

والي يشتغل ما يرقونه يقولون لو عطناه ترقيه أو منصب شوي اعلى يشوف نفسه ويقول منصبي أعلى من الشغل الي اشتغله الحين ، ويطالب بدورات ومهمات و و و . ولو ترقى درجة تم على نفس المسمى الوظيفي السابق على اساس تكون مهامه نفسها ... هذي نظرية دخيلة علينا .. من النظريات اليهودية ..

شكراً يالاشقر شكراً يا بوعيون خضر .

[حمد بن خالد]

انا العكس

تحولت من الموظف الصيـــه لي الموظف المجتهد , بس مازال لساني طويل

وجذبني العنوان لان هاي اللي قاعد يصير لي الحين يزيدوني شغل

ونعم الراتب نفس الشي
والتقييم نفس الشي
والترقيات نفس الشي


لكن في ملاحظة وجب التنويه عنها

المعاملة مب نفس الشي
الفرص مب نفس الشي
والاعتماد عليك مب نفس الشي


وهذا مالمسته بعد اجتهادي في العمل


تخصيص المكاتب ( طلعت حصة الاسد وأخذت أحسن مكتب )

موقعي بين الموظفين ( الآمر الناهي وكلمتي تمشي حتى لو ماتعجب البعض , بحكم مباركة المسؤول )

احتياجات الموظف ( طلباتي دوم مجابه )

فرق بين قبل والحين

صح قبل ماشتغل وايد واطلع اجازة متى مابغيت واستأذن عادي
( لكن هذا بسبب اني موظف غير مهم )

الحين انكرف اكثر واتعب اكثر ويعاتبوني أكثر
( لكن إذا تغيبت عن العمل , يتزعزع القسم )


فكر فيها يا ( سعادة الموظف ) :nice:

وماعليك من الناس ومن كلامهم :omen2:

[شموخ-qtr]

وااااااااااااااااااااااااااااااااااااااااااااااااا اااااااااقع

وعايشته الحين الحييييييييين وانا اكتب :(

انا انكرف والي معاي مستأذنه !!
والشغل دوم دوم على راسي

يا برع يااجازة مرضيه وان كلموها سكتتهم
وانا ان جيت بترخص اتنافض لوول هههه


يلا الاجر عند ربنا مايضيع الحمدلله ..

[sweet qatar]

كلامك 100%100 صحيح والمدير بعد يدري من يشتغل ومن مايشتغل لكـــــــــــن هذه بو ألسان أو ام ألسان ما أختلف معاك اشتغل أو مايشتغل وحتى يجي متأخر مايحاسب والتقييم في النهاية نفس تقييم الي قاعد يكرف بس الواحد شيقول هذا المدير محاسب عند الله لانه مب قد المكان الي هو فيه بس عشان هذا ولد فلان وهذا نسيب ال.......فلاني

واااااقع نشوفه يوميا..
في ذمة المسؤول بينه وبين ربه..


المهم محد يتعدا على حقوقك.. وما يخلونك بدون امتيازات..
والكرف الي تكرفه بكره بيفيدك لما تطلع لمنصب أعلى بإذن الله..

[Google]

هالشي فعلا صار لي يوم كنت احك واجتهد وشاد حيلي لسنوات محد معطيني اي ترقيه ولا يلقون لي اي بال ومع ذلك كانوا يقطون اكثر الشغل علي وخصوصا لو اللي فوقك مب فاهم شي كله يقط الشغل وانت تسوي هالشغل من اجل يقدرك وانك شايل الهم كله عنه وفي النهاية ماحصلت شي منهم الا الركنه على جنب واشتغل بس ولا ترقيات ولا يحزنون والاجانب يترقون. بعده حلفت ما اسوي لهم شي وتمردت ووقفت الشغل ورفضت وفي النهاية عطوني نفس التقييم اللي كانوا يعطوني اياه في السنه اللي قبلها . الصراحه هالموقف زعلني كثير معقوله اشتغل او ما اشتغل نفس التقييم فقمت وقطيت استقالتي عليهم لانهم مايقدرون هالشي . والحمد لله ان الله رزقني بوظيفه افضل منها ورجعت لي نفس الحيويه والنشاط وحصلت ناس تقدر الجهد اللي اسويه وحتى الدوام اقعد فيه ساعات متاخره لاني حاب شغلي الحالي . احمدك واشكرك يارب.

:nice: :nice: :nice: :nice: :nice: :nice:

[الهتان]

اي والله صدق لا وازيدك من الشعر بيت ما يقدرونه والتقيم فوق هذا زفت ولا يملى عيونهم التراب وآآخرتها تأخير في الدرجه القانونيه عشان تقيييم << فتحت موضوع قاهرني الله ينتقم منهم

[روح الاطلس]

اتفق معاك


ومن زمان ذي اكتشفته


ابو لسان لو انه مايشتغل يحصل على كل شيء خوفا من لسانه والطيوب الراقي الجندي المجهول لو يكرف لين بكره مادروا عنه
بس مب كل واحد يقدر يتحول لابو لسان الا لو قدر بقوة يغير شخصيته ويتحول الى اسد

[doha_vip]

كلامك صحيح (جبتها على الجرح)

اللي يشتغل مايقدر ياخذ اجازه والعذر (من بيمسك مكانه لو طلع اجازه)

اللي يشتغل مايطلعونه دورات والعذر نفسه (من بيمسك مكانه لو طلع دورة )

حتى اوقات راحته .. اجازه نهاية الاسبوع تلقاهم متصلين له وتعال داوم

والراتب نفسه ولا تحصل اي تقدير

واقع مرير

تحياتي لك ياصاحب الموضوع

[qatari 111]

كلامك صحيح اخوي
فالسابق كنت اشيل شغل غيري وكرف فالحر .. ويوم شفت الموضوع مزودينها معاي ولا يبين شغلي بعينهم .. غيرت اسلوبي معاهم الى :vampire:

والحمدلله اسوي شغلي بالتقسيط الممل وبنفس التقييم

[النهار]

لاوفي ناس ذبحوا اهاليهم ماخلوا حد منهم وفتروا على الجيران
وينك امس ولدعمي توفى وينك امس اطريت اسافر خالتي توفيت وينك امس اخوي سوى حادث في السلع والاعذار تتوالى طول السنه وخلال الدوام الوالده مريضه بأخذها للمستشفي اخوي مسوى مشكله في المدرسه الوالد مسافر بوديه المطار المرور طالبيني مع العلم عنده بدال الاخ عشره هو بس الحنون الي يراعي هله
وفي اخر السنه
نفس التقيم الي يأخذه الموظف المكروف ونفس الراتب والترقيات نفس الشي
بس خل المسؤل يقول له لاتطلع شوف مايخلي شي في المسؤل اتضتهاد مايقدر المسؤل الي قلبك كان احسن منك وافهم منك وووووووووووووو

[لاجل QT]

خاطري استوي صية:(

[بوخالد911]

هناك فروقات فردية
وهناك من يرحب بالشغل

[اللورد]

الحل فقط ينحصر بالتالي :-
اعطاء اللي يشتغل حوافز فورية وترقيات مفتوحة له لانه يستاهل ذلك ويكون قدوه لغيرة من الموظفين.

وان ماصار هالشئ فهي دعوه للموظف المجتهد للتقاعس عن عملة .!!!

[BuFaisal]

انا من كثر وطول ما عشت الموقف اطلقت اسم على ظاهره اشتغل اكثر نعطيك شغل اكثر
سميتها " دوامة الموت " او " دولاب الموت "
نفس فأر البر " الهمستر " الي يدور في الدويرة (الحلقة) لين اخر عمره

انا كنت من هولاء الناس الي يسلموني شغل خارج نطاق عملي واكثرها لجان .. بس كان هدفي اثبت نفسي والحمد لله نجحت
ما خفت دوامة الموت هذي معاي الا لما قلت لمديري بكل بادب واحترام وتقدير ...
" كفايه .. فيه عشرات موظفين غيري "
وايضا صارحته باني متضايق وحاس بالظلم لاني وهم اخر السنة نفس التقييم وان هالشيء راح يحبطني بيوم من الايام
ومن بعدها وقفت دوامة الموت بفضل الله
والحين بديت انقل بعض المهام الموكلة علي (ليست جزء من عملي الاساسي) للاخربن

اكرر ... القهر بكل الموضوع ان تقييمي انا والناس الي ذكروتهم (الصيه) اخر السنة نفس الشيء

لكني لم ولن ارضى ان اكون واحدا من الصيّه ...
لاني دوم اتذكر ان ربي بيحاسبني يوم القيامة

[قطرية مثقفة]

انه من اشتغلت وانه مكرووووفه @ 16 سنة كرف والحمدلله @ في ناس تقدرك وفي ناس ما تقدر الا المنافقين @@ لكن الحمدلله عمري ماتحسفت لان عندي إيمان ان تعبك مب خسارة ، واذا الناس ماتقدر ربي فوقي مقدرني الحمدلله في توفيقه لي في بيتي وزوجي وعيالي الله يحفظهم لي @@ ودائما مقولتي الله يعطني الصحة ان شاءالله والشغل والتعب مقدور عليه :)

[Bin Hood]

اخوي مشاكل

اوافقك الراي
والي يصير عادتا ان الشخض الشغول ماكل مقلب لمدة حين من الدهر
لان دوم معشمينه ان بيفرق في الترقية او الراتب او او او
وتكون الصدمة

سؤال لفئة الصية
الي تعرف نفسها انها راعية مشاكل ومحد يكلمها ويتأمر عليها

طيب انت محد قادر يكلمك
لكن هل ترضى تكون شخص ما منه فايدة ولا يعرف يسوي شي

[جاسم الدوحة]

كلامك صحيح (جبتها على الجرح)

اللي يشتغل مايقدر ياخذ اجازه والعذر (من بيمسك مكانه لو طلع اجازه)

اللي يشتغل مايطلعونه دورات والعذر نفسه (من بيمسك مكانه لو طلع دورة )

حتى اوقات راحته .. اجازه نهاية الاسبوع تلقاهم متصلين له وتعال داوم

والراتب نفسه ولا تحصل اي تقدير

واقع مرير


كلام في الصميم .. أتفق معاك 100%
وهذا اللي صار معاي بالضبط

[مشاكل]

اتمنى أن يُطبَق في كل إدارة نظام الإنجاز الشهري لكل موظف وعلى أساسة يكون هناك إحتفاء شهري بالموظف المميز وتمنح له المكافاءات التشجيعية سواء في الراتب او في الترقية

وهناك اقتراح آخر وذلك بتطبيق نظام النقاط البيضاء للموظف المميز والنقاط السوداء للموظف المتقاعس وعلى أساسه تكون الترقية والمكافائة

جزيل الشكر والإمتنان لكل من شارك

[khalid525]

كلام غير صحيح ان اللي يشتغل ما يتقدر شغله ، لكن للاسف الكل يشوف ان شغله ممتاز ولازم تقديره يكون ممتاز ، من متى الموظف يقدر انه يقيم نفسه؟ و شي طبيعي اذا بقيم نفسي بشوف نفسي احسن موظف في العالم ، لكن قاعدة اللي يشتغل يزيد عليه الشغل هذي قاعدة صحيحة ومفروض الموظف ان يطلب زيادة في الشغل تنمي خبرته وتوسعها مب بس شغل روتيني ، وادري ان الظلم موجود والتفرقة والنفاق والواسطات موجوده بس هالشي مفروض ما يكون عذر اني ما اسوي شغلي على اكمل وجه لاني اخذ راتب عليه .