إستفسار : كيف اقدم على ارض ؟؟؟؟؟

[J.QATAR]

السلام عليكم ورحمة الله وبركاته

تكفون دلوني :rolleyes2:
أنا لي متزوج سنيتين و
إلى اللحين ما قدمت على ارض :oops:
بس بغيت اعرف ايش المستندات المطلوبة :unsure: .... بطاقة شخصية .... عقد زواج .... إلخ...

ووين اقدم :rolleyes2: في اي جهة ؟؟؟

معليش أخوكم غشيم :rolleyes2: ما يفهم في ها الامور

ياليت تفهموني بالتفصيل الممل

[المليونير الفقير]

ماودي احطمك بس للاسف هذا الواقع يعني على ماتقدم ويدخلونه السستم ويفرزون ويطلعون وينزلون يبيلك15سنه وعقبها بيحولونك على طابور بنك التنميه الله يعينك

[مساهمة بسFresh]

ماودي احطمك بس للاسف هذا الواقع يعني على ماتقدم ويدخلونه السستم ويفرزون ويطلعون وينزلون يبيلك15سنه وعقبها بيحولونك على طابور بنك التنميه الله يعينك

كلام ماله اي اساس بالمرة
والغرض التحلطم والتذمر على الفاضي

اخوي
التقديم يتم في ادارة الاسكان
ولازم على مااعرف اتودي عقد الزواج وبطاقتك الشخصية وبطاقة زوجتك
وتعبي طلب هناك

بعدين هم يحولون الاوراق بنك التنمية
الارض يمكن تاخذ وقت سنة سنتين او اكثر بشوي

وبالنسبة لبنك التنمية اذا طلعت لك الارض فموضوعك راح يكون شبه خالص لان مافي شي اسمه قوائم انتظار حاليا
يعني قرضك تقدر اتحصله بكل سهولة وسرعة

هذا اللي اعرفه:shy:

[الدوحة قطر]

ماودي احطمك بس للاسف هذا الواقع يعني على ماتقدم ويدخلونه السستم ويفرزون ويطلعون وينزلون يبيلك15سنه وعقبها بيحولونك على طابور بنك التنميه الله يعينك

الحمدلله في نص 2009 مقدم على الارض
واول امس اطلعت ارضي في الوكرة ودفعت الرسوم

[doha1]

روح قدم وتوكل ع الله

المبنى ادارة الاسكان صوب فالريان صوب دوار الفروسيه ورا المحطه اللي بندوها

تودي معاك عقد الزواج وبطاقة وبطاقة اهلك الشخصيه وشهادة راتب

ويخيرونك بين منطقتين الوكره وشمال بني هاجر اتوقع

[PLATINUM]

التقديم يكون عن طريق الانترنت في موقع وزارة الشؤون الاجتماعيه

[Rider]

الموضوع سهل جدا خذ فورمه من مبنى الاسكان الي هو مع ادارة الشؤون الاجتماعية وخذ شهادة راتب مب صورة من بطاقة الشخصية والزوجه واذا عندك عيال ترفق صور من شهادة الميلاد وتقديم الطلب في الشؤون الاجتماعية الي صوب دوار الفروسية وان شاء الله سنة وارضك طالعه