الجن = الاشباح

[حمد 2002]

السلام عليكم ورحمه الله وبركاته

عنوان الموضوع يحمل المسمى التالي

(( الجن = الاشباح ))

طبعا احترت وين احط الموضوع بالحوار العام ولا فالاستراحه ، فاستقريت اخيرا اني احطه هنا بالاستراحه ،، المهم ممممم كل واحد فينا احيننا يسمع احيننا اصوات في بيته ولا في البر ولا بالبحر اثناء التخيم ولا الكشته ولا أي شيء :rolleyes2: خخخ

المهم ممم واحياننا بعضنا يرى اشخاص قدامه ويختفون فجأئه :eek5:

طرحت الموضوع لسماع تجارب الاعضاء من خلال المواقف التي مره عليهم مع الجن :secret:

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

[intesar]

ما مر علي شيء من هذا ..
لذا متابعة..

[بوعلي2]

http://www9.0zz0.com/2013/05/08/18/176052121.jpg (http://www.0zz0.com)


:unsure:

[قطريه22]

انا كنت منزله نفس الموضوع من شهرين تقريبا او 3

[شيخ القبيلة]

ايييه واحد من الربع الله يذكره بالخير يقول لما كان صغير كان جنب بيتهم عمارة كبيرة ومهجورة وكبيرة وكانو متعودين هو وربعه يروحون فوق سطح العمارة يصيدون حمام لكنهم كانو حريصين ينزلون قبل المغرب او قبل الليل وفي يوم يقول رحنا فوق السطح ونسينا نفسنا وتاخرتا وصار مغرب ،،،، فقالو يالله بننزل بس حاسبو لان الدرج مافيه درابزين يعني حركة وحدة بيطيح من فوق ،،،، فنزلو الدرج لين مابقى شي ويوصلون تحت وهنااااااااااا يقول طالع فوق الا




يقول شفت واحد راسه راس حمار كان يشوفنا ويبي ينزل لنا وبسرررررررعة ركيييييييييض لين طلعو بالسلامة وكان ميت من الخوف ،،،،

وبقولكم قصة ثانيه بس عندي شوي شغل وبارجع لكم ياااااحلو سوالفهم

[R 7 A L]

يوووه سوالفي معهم كثيرة

بس من جيت امريكا ماشفتهم

[النهار]

في عماره في ارميله من يوم انبت محد قدر يسكنها
اول من سكنها الانكليز يقومون الصبح يحصلون كل اغراض البيت في الشارع
وبعدها ناس واجد اسكونها حدهم اسبوع يتركون العماره من الازعاج الي يصير لهم اغراض المطبخ في الحجر واغراض الحجر في الصاله واغراض فوق السطح
العماره لها قصه بعد ماتم هجر العماره طبعا واحنا صغار نحب نكسر اي اي شي الدرايش والحمات والبيبان ماخلينا شي صاحي فيها حتى ادارة الكهرباء افصلوا الكهرباء عن العماره بقطع الكبيل الرئيسي وافصلوا المياه عنها
بس في شي غريب كنا نسمع خرير الماي بعد المغرب وحمام في الطابق الثاني الليت والع مع العلم ماخلينا هولدر ليت الاكسرناه طبعا بعد القصص الي سمعناها ماحد كان يستجري يدش العماره بعد المغرب واهالينا محذرينا من هالشي في النهار نروح لمصدر الاضاءه اوالليت في الحمام المذكور مافي ليت ولاهم يحزنون كل شي مكسور حتى السويش الي يشغل الليت مكسور تمت العماره اكثر من عشرين سنه فاضيه وفي 3 عمارات ثانيه متروسه طق مطاقق عليها بعدها اشتراها واحد وهد العماره وبناء عماره من اربع طوابق
هل العماره لها قصه عجيبه وغربيه وكيف تم انتزاع العماره من شخص

[النهار]

ما مر علي شيء من هذا ..
لذا متابعة..

تابعي تابعي في بلاوي في الطريق جايه :nice:

[intesar]

ههههههههه.. للحين عادي..
قلبي قوي ما شاء الله..

[khaldoon]

يوووه سوالفي معهم كثيرة

بس من جيت امريكا ماشفتهم


ياحظك...وقعت مع جنانوه مساكين......افتكيت منهم لانهم ما عندهم فيزا لامريكا و الا يمكن ما عندهم جوازات سفر اصلا للانتقال بين الدول

[ابوعلي]

اخوي كان راقد بغرفته ومتلحف عدل والباب مسكر

يقول شليت اللحاف عني واشوف الي يكرمكم كلب واقف جدامي ويطالعني

يقول من الخوف رديت تلحفت وعقب فترة شل اللحاف وماشاف شي

[النهار]

في احدى المرات وقت القايله في الحر في خرايب لها سنين
دشيت احدى الخرايب يوم كحيت سمعت صدى صوت استانست وقعدت اصارخ صراخ
الا واحد صوته غليظ صجيتنا الله يصجك اطلع برع وصارخ
الخرابه كلها غرفتين ومطبخ وحمام بعيد طوفه مهدوده ادور على الصوت ماحد
رديت نفس الغرفه مع ان الغرفه سقفها طايح مفروض مايكون فيها صدى للصوت واصارخ صراخ الانفس الصوت يضحك ضحكه موطبيعيه بتسكت ولا اطلع لك
هني صادني الروع قمت اراكض وادعم الاطوف لين اهتديت للمخرخ
رحت عند ابوي الله يرحمه قصيت على القصه ضربني ضرب اليهد وقال زين مالبسك تحمل تروح هالخرابه لانها مسكونه الريايل يخافون يدشونها انت اشلون ديشيها في عندنا واحد في الفريج مجنون يقولون انه دش نفس الخرابه بعد ماطلع منها جن الولد اما فريجنا اشكثر خرايب فيها

[النهار]

اخوي كان راقد بغرفته ومتلحف عدل والباب مسكر

يقول شليت اللحاف عني واشوف الي يكرمكم كلب واقف جدامي ويطالعني

يقول من الخوف رديت تلحفت وعقب فترة شل اللحاف وماشاف شي

في اي منطقه اذالدفنه صوب البيوت القريبه الي على البحر اعرف ناس وايد صارت لهم قصص مو طبيعيه في بيت انحرق 3 مرات والاسباب غير معروفه وشافوا اشياء بعد موطبيعيه :(
الله يستر انا قاعد اطلع اسرارهم :shy:

[<اضرب واشرد>]

أنا شمدخلني هالموضوع

شابك من التلفون ومراقد فالظلام

بس الحلو انك اخوي حمد عطيت الحريم استراحة وافتريت على الاخوان الينانوة

[حمد 2002]

omen مشكوريين على ذكر تجاربكم من الجن ، في انتضار المزيد من التجارب كخخ

[R 7 A L]

ياحظك...وقعت مع جنانوه مساكين......افتكيت منهم لانهم ما عندهم فيزا لامريكا و الا يمكن ما عندهم جوازات سفر اصلا للانتقال بين الدول

:tease:

يمكن في امريكا جنانوه بس في حالهم مش فاضين :secret:

[ابوعلي]

في اي منطقه اذالدفنه صوب البيوت القريبه الي على البحر اعرف ناس وايد صارت لهم قصص مو طبيعيه في بيت انحرق 3 مرات والاسباب غير معروفه وشافوا اشياء بعد موطبيعيه :(
الله يستر انا قاعد اطلع اسرارهم :shy:

لا ياخوي الا في العزيزية والبيت الحالي للوالد بس فترة وماقمنا نشوف شي يمكن حبو يشوفون المكان يصلح للسمن ولا لا وراحوا :nice:

[ضوى]

في عماره في ارميله من يوم انبت محد قدر يسكنها
اول من سكنها الانكليز يقومون الصبح يحصلون كل اغراض البيت في الشارع
وبعدها ناس واجد اسكونها حدهم اسبوع يتركون العماره من الازعاج الي يصير لهم اغراض المطبخ في الحجر واغراض الحجر في الصاله واغراض فوق السطح
العماره لها قصه بعد ماتم هجر العماره طبعا واحنا صغار نحب نكسر اي اي شي الدرايش والحمات والبيبان ماخلينا شي صاحي فيها حتى ادارة الكهرباء افصلوا الكهرباء عن العماره بقطع الكبيل الرئيسي وافصلوا المياه عنها
بس في شي غريب كنا نسمع خرير الماي بعد المغرب وحمام في الطابق الثاني الليت والع مع العلم ماخلينا هولدر ليت الاكسرناه طبعا بعد القصص الي سمعناها ماحد كان يستجري يدش العماره بعد المغرب واهالينا محذرينا من هالشي في النهار نروح لمصدر الاضاءه اوالليت في الحمام المذكور مافي ليت ولاهم يحزنون كل شي مكسور حتى السويش الي يشغل الليت مكسور تمت العماره اكثر من عشرين سنه فاضيه وفي 3 عمارات ثانيه متروسه طق مطاقق عليها بعدها اشتراها واحد وهد العماره وبناء عماره من اربع طوابق
هل العماره لها قصه عجيبه وغربيه وكيف تم انتزاع العماره من شخص

ارميلة من وعينا عالدنيا وهي مليانة جن ، تعايشنا معاهم ولله الحد ماجاتنا ضررورة من احد

[نوار قطر]

لا ياخوي الا في العزيزية والبيت الحالي للوالد بس فترة وماقمنا نشوف شي يمكن حبو يشوفون المكان يصلح للسمن ولا لا وراحوا :nice:

:weeping: اي صوووب لان احنا بعد نشوف اشياء يعني الي نشوفهم مثلا ابوي يكون مب فالبيت نشوف لوفته ممم اختي فالصاله نشوف لوفتها وهي راكبه الدري والاكثر نسمع اصوااات صوت ابوي ينادي امي ،،، يعني جذي يعني اصوات اهل البيت بس الصراحه قبل كنت واااايد اخاف واترووع وحالتي حاله بس عقب لا قلبي صار قوي وماعدت اخاف منهم خلاص اتوكل على رب العالمين والقران 24 ساعه واموري طيبه :nice:

الا جان يطلعون لي الليله ويخرعوني :rolleyes2:

[نوار قطر]

مره ابوي كان ياييب حق بنتي لعبة خروف ،،،، فالليل انا وبنتي راقدين شوي الا اسمع صوت حد يبمبع :secret: قمت مبققه عيني وادور من وين الصوت بس قلت يمكن اتخيل ورجعت رقدت توني منسدحه الا الصوت مره ثانيه اهني فزيت اتلفت الا اشوف احذاي الخروف يبمبع خذته بسكره انصدمت انه لا فيه بطاريه ولا فيه جهاز واللعبه كلها اصلا محشيه باسفنج :cry2:

[التميمي 3]

وش دخلني على موضوعكم اللي يخوف صدق

المشكله جالس بروحي في البيت وكني أتخيل أشياء :eek5:

الله يستر

[khaldoon]

مره ابوي كان ياييب حق بنتي لعبة خروف ،،،، فالليل انا وبنتي راقدين شوي الا اسمع صوت حد يبمبع :secret: قمت مبققه عيني وادور من وين الصوت بس قلت يمكن اتخيل ورجعت رقدت توني منسدحه الا الصوت مره ثانيه اهني فزيت اتلفت الا اشوف احذاي الخروف يبمبع خذته بسكره انصدمت انه لا فيه بطاريه ولا فيه جهاز واللعبه كلها اصلا محشيه باسفنج :cry2:

هههههههههههههههههههههههههههههههههههههههههههههههههه هههه

[غزلان]

ايه ياغزلان بعد القصص الى قريتيها خاصه قصة ابوعلي والنهار مافي نوم الليله :cry2:

[قطريه22]

مره ابوي كان ياييب حق بنتي لعبة خروف ،،،، فالليل انا وبنتي راقدين شوي الا اسمع صوت حد يبمبع :secret: قمت مبققه عيني وادور من وين الصوت بس قلت يمكن اتخيل ورجعت رقدت توني منسدحه الا الصوت مره ثانيه اهني فزيت اتلفت الا اشوف احذاي الخروف يبمبع خذته بسكره انصدمت انه لا فيه بطاريه ولا فيه جهاز واللعبه كلها اصلا محشيه باسفنج :cry2:



بسم الله صج يخوف

[قطريه22]

في احدى المرات وقت القايله في الحر في خرايب لها سنين
دشيت احدى الخرايب يوم كحيت سمعت صدى صوت استانست وقعدت اصارخ صراخ
الا واحد صوته غليظ صجيتنا الله يصجك اطلع برع وصارخ
الخرابه كلها غرفتين ومطبخ وحمام بعيد طوفه مهدوده ادور على الصوت ماحد
رديت نفس الغرفه مع ان الغرفه سقفها طايح مفروض مايكون فيها صدى للصوت واصارخ صراخ الانفس الصوت يضحك ضحكه موطبيعيه بتسكت ولا اطلع لك
هني صادني الروع قمت اراكض وادعم الاطوف لين اهتديت للمخرخ
رحت عند ابوي الله يرحمه قصيت على القصه ضربني ضرب اليهد وقال زين مالبسك تحمل تروح هالخرابه لانها مسكونه الريايل يخافون يدشونها انت اشلون ديشيها في عندنا واحد في الفريج مجنون يقولون انه دش نفس الخرابه بعد ماطلع منها جن الولد اما فريجنا اشكثر خرايب فيها


هههههههههههههههههههههههههههههههههه

[نوار قطر]

هههههههههههههههههههههههههههههههههههههههههههههههههه هههه

اضحك اضحك خل يطلعون لك الليله :tease:

[نوار قطر]

بسم الله صج يخوف

يوم قلت حق امي احلفت ان هالخروف مايتم دقيقه فالبيت وتمت تحن علي تعالو رقدو عندي :rolleyes2: قلت لها لابراقدين عندج ولا غيره الله الحافظ :victory:

[مستر بن]

آلله يكفينناا شرر الاححلام والخييال هههههه

[ZURICH]

حلو اني ارد على هالموضوع الصبح

تذكرت سالفة حصلت معاي قبل فترة

توصلني اتصالات ومسجات خاصة اخر الليل

دعايات واهيه ونصب واحتيال على الناس

احد الايام اتصلي ساحر من السنغال قالي ان الرجل الكبير يريد ان يكلمك لكي ينقذك

( طبعا لكي ينصب علي )

عاد انا قلت له طز فيك انت والرجل الكبير ( اسف على الكلمة )

وقول للرجل الكبير اللي عندك ترى فلان يقولك طز فيك ههههههههه

واذا الجن الي عندكم فيهم خير انا الحين قاعد في البيت انتظرهم خلهم يجووون :secret: