بخصوص السائقين في زيلامسي

[احساس غريب]

السلام عليكم
ياجماعه بغيت رقم سائق في زيلامسي لني مب مستأجر سياره لعدة اسباب واتمنى من اللي عنده أرقام سائقين او يفيدني هل توجد تكاسي ومواصلات في زيلامسي واشكركم جزيل الشكر

[monatee]

069919310876

اسمه سوفيان (تونسي)

[bo ahmed]

توجد مواصلات تكاسي وممكن تتفق معاهم يوادونك الاماكن السياحيه وينتظرونك او يجونك في الوقت الي تبيه

[شموخ دائم]

,

,


مرحبا

اخوي الكريم

مدينه ذالامسي فيها شبكه تكاسي ممتازه جدا جدا
وما تحتاج سائق خاص
كلم الرسبشن دقايق يكون التاكسي عند الباب
وتقدر تتفق معاه على رحلات قصيره داخل المدينه او خارجها
وهي مدينه صغيره والمسافات قصيره
وكل اصحاب التكاسي متعودين على السياح الخليجيين
وهم يتبعون لشركات
ويعطيك الكرت تبعه وتقدر تتصل فيه ثاني يوم
ويجيك ايضا وممكن هو يقترح عليك اماكن السياحيه

,

,


اخوك

شموخ دائم

[احساس غريب]

جزاكم الله الف خير والله ما قصرتوا

[عيد823]

اخوي نظام المواصلات ( الباصات ) في زيلامسي سهل جداً ، والمحطة الرئيسية موجود في وسط المدينة ، مثلا بتروح الكابرون ( الثلج ) كل الي عليك تسئل عن رقم الباص الي يروح هناك وفي المحطة شوف مواعيد الرجعة والفندق راح يساعدك في هالموضوع .
والله ييسر لك سفرتك ( لا تنسى الزحليقة الصيفية )

[احساس غريب]

جزاك الله خير اخوي عيد وما يحتاج الزحليقه موجوده ف الجدول ههههههههه

[start555]

معلومات استفدت منها ....

عن قريب راح اسافر لفيينا وزيلامسي من ضمن الجدول

شكرا لكم

[القلم الصريح]

في بعض الفنادق توفر بطاقات سياحيه لزلامسي ، وانا شخصيا استفدت وايد منها

تركب العباره والتلفريكات والباصات والرحلات السياحيه داخل زلامسي وحوليها مجانا بدون رسوم