سفاره امريكا ليش على راسها ريشه ؟!!!!!!!!!!!!!!!!!!!! [الأرشيف]

حمد 2002

10-05-2013, 09:13 PM

السلام عليكم ورحمه الله وبركاته

الموضوع يحمل العنوان التالي

(( سفاره امريكا ليش على راسها ريشه ؟!!!!!!!!!!!!!!!!!!!! ))

وانا رايح للدوام الصبح على الخط السريع اجوف طوابير من المراجعيين امام السفاره الامريكيه (( واقفين طوابير كلن ينتظر دوره )) ،،،،

طيب ليش ما يكون هناك طريقه ارقى من هالشيء لان احنا الحين بعام 2013 وغلط ايذلون المراجعين بها لطريقه ،،،

يعني ليش مايدخلون في مكان بارد ومريح داخل السفاره ، بدال مايوقفون في طابور ، كلن ينتظر دوره في هالجو الحار والي كله غبار !!!!!!!!!!!!

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع
تحياتي للجمييع

khaldoon

10-05-2013, 09:22 PM

انا ما جربت اروح السفارة بس اسمع عن ناس توقف بالدور من صلاة الصبح ....بس ما سمعت هني سمعت في بلاد عربية اخرى

العلم

10-05-2013, 09:24 PM

أنا بعد ماقد شفت هذا الأمر .. لكن إذا هذا الواقع فعلا فهو أمر مخزي

برشلوني قطر

10-05-2013, 09:47 PM

صحيح كلامك

والله امس اسولف مع واحد من الربع عن ذي

الموضوع واقول ايش المشكله لو يحطون مكان

مكيف بدال رشاش الماي الي فوق كأنك انخله

alsoq

10-05-2013, 10:09 PM

لا ترحون امريكا:)

برشلوني قطر

10-05-2013, 10:14 PM

لا ترحون امريكا:)

ان شاءالله طال عمرك مب رايحين نتقهوى ثاني مره:)

الوليد

10-05-2013, 10:54 PM

الموضوع كله ما ياخذ نص ساعة وهي ناحية أمنية لا اكثر نظراً لكثرة المراجعين، انا كذا مرة دشيت و القاعة الداخلية علطول مليانة وعلى فكرة هذه الطريقة الأمنية مدروسة و يتم تطبيقها في جميع السفارات الأمريكية تقريباً على حد علمي

intesar

10-05-2013, 11:19 PM

سؤال لطرحكم جربت ورحت السفارة مسبقاً وعرفت هل هي فقط زحمة دخول ولا بس تكهنات..

بوخالد911

10-05-2013, 11:21 PM

منظر مش حضاري برأيي

QtriHero

10-05-2013, 11:27 PM

هالنظام معمول به في جميع سفاراتهم..

intesar

10-05-2013, 11:29 PM

هم لأنهم جداً خوافين..

HotBlood

10-05-2013, 11:33 PM

اولا جواب السؤال اللي في عنوان الموضوع أقولك اي للاسف على راسها ريشه.
ثانيا هذي الحركه المقصود منها انكم غير مرغوب فيكم في امريكا بس بشكل غير مباشر.

مواقف النجادة

10-05-2013, 11:33 PM

يحطون صندقة مكيفة حق هالناس المساكين .. اذا ماعندهم فلوس بنسويلهم قطية ..

alnoida

10-05-2013, 11:58 PM

الناس تصبح عند البوابة قبل موعد الإفتتاح بفترة طويلة
ولهذا السبب تشوف الطابور الطويل

وحتى يكون للمراجع الحرية للحضور المبكر ( بوقت معقول ) وخارج المنطقة الأمنية المشددة تم عمل مضلات ومرشات ماء.

لو غير الناس سياستهم وحضروا في الوقت المناسب لفتح البوابة لما شاهدت هذا الطابور الطويل
(هناك وقت محدد لدخول المراجعيين السفارة)

(بوطلال)

11-05-2013, 12:27 AM

ارض السفاره تعتبر جزء من الدوله وارض السفاره الامريكيه جزء من دولتهم لذلك هذي ارضهم وهم احرار في طريقة تعاملهم.

Ali88

11-05-2013, 12:52 AM

الله يسلمك هاي الطابور الي تشوفه برع يشيكون علي اوراقك اذا كامل يدخلونك داخل في الانتظار تاخذ رقم لين يجي دورك ... اما اذا في ورقه ناقصه او مب معبي الابلكيشن كامل يردونك من عند الباب

R 7 A L

11-05-2013, 07:36 AM

لازم نرفع كتاب
مرفقاً به هذا الموضوع للأمم المتحدة للنظر فيه بعين الاعتبار (:

MAZEN37

11-05-2013, 08:06 AM

اشوف الموضوع عادي امنيا حقهم
بس العرب مب متعودين لا يصفون طابور ولا يبون حتى يمشون بالشارع
اتصور الريشه على روسنا مب روسهم

برشلوني قطر

11-05-2013, 09:27 AM

ياجماعة الخير مانحتلف انها اجراءات امنيه

خل يسوون ويفتشون ع كيفهم بس يكون مكان مكيف

بدال الوقفه برع. وثانيا عندهم وقت معين وبعدها

ماتقدر تدخل

والله اني اعاني من ظهري وتميت واقف حتى

كرسي مافي

الله المستعان

كازانوفا

11-05-2013, 09:32 AM

ليش ما تكلمونهم يحطو بره كراسي للانتظار مش الشعب الامريكي شعب ديمقراطي ؟؟؟

عيسى111

11-05-2013, 09:38 AM

اشوف الموضوع عادي امنيا حقهم
بس العرب مب متعودين لا يصفون طابور ولا يبون حتى يمشون بالشارع
اتصور الريشه على روسنا مب روسهم

لا ياخوي الريشة على رؤوسهم بعد ما ذبحو الهنود الحمر خذوا الريش اللي على راس الهنود وحطوه على روسهم

أما إحنا ما ذبحنا آدمي وخذنا الريش اللي على راسه

musel999

11-05-2013, 09:49 AM

لا ياخوي نظامهم كذا
تقدم على النت وتدفع ٥٠٠ وشوي عند البنك التجاري
بعدين يعطونك موعد ٨ ونص الصبح تروح هناك عاد انت وحظك اذا فيه ناس قبلك
والطابور برى علشان التفتيش علي قطع الحديد مثل المطار بعدين تدش داخل فيه كبينه مكيفه تنتظر فيها لين يجي دورك تدش بوابه ثانيه تحط جوالك فيها بعدين تدخل تاخذ رقم وتقابل موظف هناك
وبعدين تاخذ جوازك وتراجعهم بعدين ويحطون لك الفيزه حقهم علي جوازك

عباله بس بعد علي قولتهم تبي ولا كيفك بس بصراحه السياحه في امريكا حلوه وتستاهل الملاغه هذي كلها

ameeer3

11-05-2013, 01:39 PM

ان على باي بيت شيخ ويوزعون عينيه هههههه

ام السعف

11-05-2013, 01:42 PM

منظر مش حضاري برأيي

اتفق معاك

يعني ما يقدرون يفتحون قاعة تلقين باسم امريكا
يقعدون فيها او يوقوفن حتى بدل الطابور الشمسي والطقسي المتقلب ؟:omen2:

بس احنا نحب امريكا طيبة وحليوه :shy:

تاسيتوس

11-05-2013, 02:42 PM

اي على راسها ريشة .

جراسا

11-05-2013, 02:44 PM

كل السفارات الأمريكية في الدول العربية نفس المنظر تشوفه

حسن

11-05-2013, 03:13 PM

وش لي ابهم المفروض ماروح لهم وتركهم ابرك يعني باموت اذا رحت السفاره
الله لايحدني ادخلها لين اموت

ام السعف

11-05-2013, 03:19 PM

وش لي ابهم المفروض ماروح لهم وتركهم ابرك يعني باموت اذا رحت السفاره
الله لايحدني ادخلها لين اموت

يه

الحين الواحد لو يبي ياخذ له تأشيرة لأمريكا وين يروح يا اخوي حسن؟

سوق السمج ؟

حسن

11-05-2013, 03:31 PM

يه

الحين الواحد لو يبي ياخذ له تأشيرة لأمريكا وين يروح يا اخوي حسن؟

سوق السمج ؟

ولازم اروح امريكا يعني شوفوني يام هلول
وش يحدني لها في دول غيرها بكثير
سواء سياحه ولا دراسه ولا علاج

حلوه ذي مجي بازار
:victory:

ام السعف

11-05-2013, 03:34 PM

ولازم اروح امريكا يعني شوفوني يام هلول
وش يحدني لها في دول غيرها بكثير
سواء سياحه ولا دراسه ولا علاج

حلوه ذي مجي بازار
:victory:

Pardon

الناس لها ظروفها ،، ما نقدر نحل المشكلة بالغاء السفر حق امريكا

في ناس علاج السرطان اللي فيها بحول من الله وحده ما يكون الا في امريكا

فبناء عليه اسمح لي اقتراحك يقضي على فرص علاجهم وشفاؤهم :(

حسن

11-05-2013, 03:42 PM

Pardon

الناس لها ظروفها ،، ما نقدر نحل المشكلة بالغاء السفر حق امريكا

في ناس علاج السرطان اللي فيها بحول من الله وحده ما يكون الا في امريكا

فبناء عليه اسمح لي اقتراحك يقضي على فرص علاجهم وشفاؤهم :(

ممممممممم

:con2:

والله ماقدر اقولك اعرف ناس تعالجو في تايلند من السرطان والحمدلله طيبين وبخير وبوحروب تو جاي من بريطانيا والحمدلله بخير
ماشوف الحكام اللي تعالجو من السرطان في امريكا حد منهم عاش

هي الموظه الحين بس امريكا لا اكثر ولا اقل

والله يشفي كل مريض ويعافينه وياك
حرون
:)

ام السعف

11-05-2013, 03:44 PM

ممممممممم

:con2:

والله ماقدر اقولك اعرف ناس تعالجو في تايلند من السرطان والحمدلله طيبين وبخير وبوحروب تو جاي من بريطانيا والحمدلله بخير
ماشوف الحكام اللي تعالجو من السرطان في امريكا حد منهم عاش

هي الموظه الحين بس امريكا لا اكثر ولا اقل

والله يشفي كل مريض ويعافينه وياك
حرون
:)

زين

الحين ولدي يدرس في احدى الجامعات الامريكية في قطر
والزموا عليه انهم ياخذ مواد صيفية في امريكا ،،

هذي اشلون بتحلها ؟

ما يسافر ؟ :(

Dana’1

11-05-2013, 03:47 PM

جات على سفاراتهم
دولتهم وحكومتهم بكبرها على راسهم ريشتين م ريشة!

قطريه22

11-05-2013, 03:51 PM

لأنها امريكا محد يقدر يرفض لها طلب وكلمتها مسموعه

الدول الي قالت لامريكا لا ينعدون على الاصابع اما الاغلبيه تحت امر امريكا سمعا وطاعه

الله المستعان

حسن

11-05-2013, 04:08 PM

زين

الحين ولدي يدرس في احدى الجامعات الامريكية في قطر
والزموا عليه انهم ياخذ مواد صيفية في امريكا ،،

هذي اشلون بتحلها ؟

ما يسافر ؟ :(

والله ياام السعف الجامعه هي تسنع له التاشيره وبعدين انتي من صجك ولا تتغشمرين يدرس هني ويقولون له روح خذ كورس هناك

اقوله بلاش منها خله يولي روضو زين مارضو الف جامعه غيرها ماني بملزوم العلم الحين متوفر محنا في عصر السبعينات

ام السعف

11-05-2013, 04:28 PM

والله ياام السعف الجامعه هي تسنع له التاشيره وبعدين انتي من صجك ولا تتغشمرين يدرس هني ويقولون له روح خذ كورس هناك

اقوله بلاش منها خله يولي روضو زين مارضو الف جامعه غيرها ماني بملزوم العلم الحين متوفر محنا في عصر السبعينات

الحمدلله سافر وقلص ساعات التخرج في الصيفي اللي خذه من امريكا
ورجع وكمل كورس وتخرج من سنة وزود ،،

فالموضوع يا اخوي حسن ما نقيس الموضوع على حسب ما احنا نبيه
دام ان السفر لحاجة ما اعتقد فيها شي لو تم المطالبة في وضع افضل
للمتقدمين لاستحصال تأشيرات لأمريكا ،،

فلكل شخص ظروف خاصة فيه :shy:

العلم

11-05-2013, 04:38 PM

حمد من حريم قطر لين أمريكا ..:secret:

المليونير الفقير

11-05-2013, 06:27 PM

حمد من حريم قطر لين أمريكا ..:secret:

:eek5:

فاروع

11-05-2013, 06:53 PM

لو يصير فيهم نفس لبريطانيين كان تأدبو
مبدأ المعامله بالمثل مب إحنا طوابير وهم ياخذون التأشيرة من المطار في دقيقة

zssa

11-05-2013, 08:43 PM

نظام جديد فالسفاره الامريكيه بس مب للكل يعني مثلا اذا قدمو 10 واحد يفرط .. بعد مايقدم اوراقه يعطونه رقم يشيك عليه من موقع السفاره اذا طلع رقمك تعال قدم مره ثانيه ناس ينطرون شهر وشهرين وناس ماتطلع ارقامهم .. واتمنى انه تكون المعامله بالمثل ..

شيخ الديرة

11-05-2013, 09:01 PM

ريشة وحدة ؟ ريش http://files-cdn.formspring.me/photos/20121203/n50bd7096ed5c5.jpg

معماري قطري

11-05-2013, 11:09 PM

انا رحت كم مره ويدخلوني بسرعة من كنت طالب

وألحين الفيزه 10 سنين وتخلص كل شيء بالنت قبل المقابله

حمد بن خالد

12-05-2013, 07:32 AM

اوقف ربع ساعه في الحر وربع ساعه اخلص اجراءاتي داخل

ولا ايلس في مكيف ثلاث إلى اربع ساعات عشان فيز اوروبا وبريطانيا

STAR2012

12-05-2013, 12:43 PM

شوف بالنسبة للسفارات الامريكية هذا نظامها

اولا :
تسدد رسوم الفيزا في البنك وتاخذ الايصال معك
تحجز موعد عن طريق النت
ثانيا :
تروح يوم موعدك للسفارة ممكن الساعة 8 او اي وقت
ويكون اوراقك ونماذجك كلها معك

ثالثا :
البوابة الخارجية للسفارة عملهم :
يشيكون اولا على وقت موعدك بعدة اوراقك بعدة يعطونك ملف تحط جوالك مفاتيح السيارة ومحفظتك فية باسمك :
بعدين تدخل مكان تفتيش عادي وتدخل السفارة
رابعا :
داخل السفارة صالات كثيرة تنتظر حتى يجي دورك تروح يشيكون على اوراقك بعدة تروح لصالة فيها مقابلة اذا تم قبولك ياخذون جوازك و تروح لمكتب تدفع فية اجور فيدكس
خامسا:
تطلع من السفارة وتروح للبوابة وتاخذ اغراضك ومفاتيحك وتتوكل على الله هذا نظامهم في الرياض وانا رحت لهم بنفس هذه الطريقة اكثر من 4 مرات

reem_82

12-05-2013, 12:48 PM

والله انا نفسك،اشوف العالم طوااابير عند المدخل ، وبعدين تمشي مسافه طويله لحد ماتوصل مبنى السفارة من الداخل :(

تخيل توقف في هالحر ,, غير المنظر العام شكله مب حلو ,,

الصراحه يوم سويتها الحمدالله كان التوقيت جيد وخفيف وتقريباً الجو لطيف ,,

الله يعين اللي يبي ياخذ الفيزا الحين,,

كلامك صحيح،لازم فيه طريقه تكون افضل من هالطريقه ، وبعدين ليش الاجراءات الامنيه المشدده ،،

يحسسونا إن حنا اللي بنفجر امريكا

التيما

12-05-2013, 10:26 PM

حتى في أوروبا الزحمة موجودة خارج السفارة الأمريكية بالذات فالموضوع عادي مب منظر حضاري ولا شي أنا بنفسي شفت هالمناظر في سفارتهم في أوروبا وحتى في لندن لو مريتوا صوب سفارة أمريكا بتشوفون طوابير عادي ليش ما قالوا منظر حضاري!!

التيما

12-05-2013, 10:28 PM

اوقف ربع ساعه في الحر وربع ساعه اخلص اجراءاتي داخل

ولا ايلس في مكيف ثلاث إلى اربع ساعات عشان فيز اوروبا وبريطانيا

فيزا بريطانيا عمري ما نقعت اكثر من عشر دقائق لان الموعد محدد من قبل بالإنترنت لكن إذا رحت عالبركة صح بتنقع اربع ساعات .. والشنجن الله يخلي المندوبين

ولد ازغوى

12-05-2013, 11:07 PM

صج والله أنا بعد مب عاجبني الموضوع بس نقول مب مشكله مره كل عشر سنين

QatarSafety

13-05-2013, 05:28 AM

saudqatar

13-05-2013, 07:30 AM

احسن سفاره في المعامله هي السفاره الامريكيه المشكله الكبيره السفاره البريطانيه
يعاملونا معامله سيئه وكل شي تبيه ادفع فلوس 1500 وتبيها بيومين 500 ريال وقابله الفيزا ادرفع 300 ريال

كان خاطري المعامله بالمثل مع الانجليز مثل ما يعاملون القطري

لكن وزاره الخارجيه الله بالخير !!!!!

STAR2012

13-05-2013, 09:39 AM

انا ابصراحه
اتمنى وزارة الخارجية تتحرك
وتشوف حل للقطريين لن قطر ليست بأرهابية اذا كانوا خايفين من الارهاب
ولله الحمد الدولة ذات ثقل سياسي و اقتصادي وحظور كبير في جميع انحاء
الدول كافة فليش المواطن القطري ليس له قيمة او وزن .
على سبيل المثال
دولة الامارات العربية المتحدة
رعاياها يدخلون بدون فيزا في اوربا والدول الاخرى واعتقد امريكا بعد
ليش احنا مانكون مثل الامارات ليش الذل والبهذله
لازم يكون في قرار سياسي
صارم
او يعاملون رعاياهم بالمثل انا اقصد الجميع جميع رعايا الدول سواء اوربية
او امريكا نفسها
وخصوصاً ان استثمارات قطر في كل دولة ولها حظورها القوي على كافة الاصعدة
فنتمنا ان تشوف لنا الخارجية بصفتها المسوؤلة خارجياً ان تنسق مع الدول الاخرى
وتلغي العوائق الي ضد القطريين او على الاقل يعرفون السر في سبب اللغاء
بعض الدول هاذي الفيز لأهل الامارات العربية المتحدة
وبصراحه انا معجب بقوة قرارها فبقوة الامارات ضد مايكون ضد مواطنيها
يعجبني ونتمنى ان نحذو حذوها ليس قطر وبس بل دول الخليج العربية
تحياتي للكل
وعسى ان نرى الفرج قريباً
او مافي احد احسن من احد يعاملون نفس المعاملة حتى يتعدلون
هم المحتاجين لنا بس المساءلة تبي وقفه رجال.

اخوي المسألة مو مثل ماتتصور كل دول الخليج في اصدار الفيزا معاملتهم واحدة من قالك الاماراتيين يدخلون امريكا بدون فيزا ؟؟
امريكا في اصدار الفيزا عندها انظمة وقوانين حتى اسرائيل اللي معروفة علاقتها بامريكا الاسرائيليين يطبق عليهم التفتيش وانظمة الفيزا والهجرة ...
ولمعلوماتك اكثر 3 دول خليجية يتشددون في الفيزا عليهم هي ( السعودية والامارات وقطر) لوجود تهم و قضايا ارهابية مرتبطة بهذه الجنسيات قبل عام 2001 كانو الخليجيين يصدورن الفيزا الامريكية عن طريق المكاتب السياحية بدون مقابلة وبدون حجز موعد وبدون اي شي من اللي حاصل الان اما قولتك المعاملة بالمثل فية مع دول اخرى لكن مع امريكا لا ..

متروس

14-05-2013, 12:29 AM

فيزا بريطانيا عمري ما نقعت اكثر من عشر دقائق لان الموعد محدد من قبل بالإنترنت لكن إذا رحت عالبركة صح بتنقع اربع ساعات .. والشنجن الله يخلي المندوبين

خبرك عتيق ,, الحين لازم تروح بنفسك لموقع شركة تتعامل مع السفارة في عمارة الفردان الي في السد الدور الثالث وتبصم وتصور عندهم ,, واذا تبي تفتك من الزحمة او تروح دايركت بدون ماتسوي موعد تروح قسم البزنز عندهم وبيدفعونك 250 ريال

متروس

14-05-2013, 12:30 AM

اكثر الي تشوفونهم صافين طابور تلقونهم رايحين دراسة او علاج او شغل ,, ونادر الي رايح سياحة

أبوهيا

14-05-2013, 02:48 AM

لا ياخوي نظامهم كذا
تقدم على النت وتدفع ??? وشوي عند البنك التجاري
بعدين يعطونك موعد ? ونص الصبح تروح هناك عاد انت وحظك اذا فيه ناس قبلك
والطابور برى علشان التفتيش علي قطع الحديد مثل المطار بعدين تدش داخل فيه كبينه مكيفه تنتظر فيها لين يجي دورك تدش بوابه ثانيه تحط جوالك فيها بعدين تدخل تاخذ رقم وتقابل موظف هناك
وبعدين تاخذ جوازك وتراجعهم بعدين ويحطون لك الفيزه حقهم علي جوازك

عباله بس بعد علي قولتهم تبي ولا كيفك بس بصراحه السياحه في امريكا حلوه وتستاهل الملاغه هذي كلها
هذي مش ملاغه اسمها مذله ياخوي ترهم بدول الخليج عايشين احسن عيشه ومناصب احسن من اهل الخليج
واقلها الامريكي يجي من بلاده. لمعلوميه وياخذ فيزته من مطار الدوله الخليجه فيزه سياحيه ب150 ريال وهو واقف
اقلها اقلها يخلون الخليجي ياخذ الفيزه من مطارهم
أنا جربتهم مرتين. اول مره كان قدامي 18 واحد منهم حريم وشباب وكبار بالسن ورجعت
وثاني مره رحت قالي ماصورت الجواز نسيت قتله 10 دقايق بصوره وبرجع قالي لا تعال بكره شقيت الطلب ومشيت
توقف عشان تصيد دور من 6 الصبح تقريبا توقفلك ساعتين عشان ادخل بس !!!
ليكون بروح مكه ولا الحج مثلا
لكن الشرها مهب عليهم علينا احنا والله وعلى دولنا

مونتانا

14-05-2013, 05:12 AM

انا امس كنت في السفارة الموضوع ماياخذ اكثر من دقائق بسيطة وتدخل الى قاعة انتظار مكيفة وتنتظر لما ينادون رقمك.

CH Engineer

14-05-2013, 05:24 AM

والمواطن الامريكي يصف معاكم بالطابور ولا له معامله خاصه؟

شيخ الديرة

14-05-2013, 05:32 AM

انا امس كنت في السفارة الموضوع ماياخذ اكثر من دقائق بسيطة وتدخل الى قاعة انتظار مكيفة وتنتظر لما ينادون رقمك.

تغير شي ولا مافي مشكلة من الأصل ؟

حمد بن خالد

14-05-2013, 06:54 AM

والمواطن الامريكي يصف معاكم بالطابور ولا له معامله خاصه؟

يصف معانا وحالهم من حالنا

واللي ذكرني بهالشي يوم انت سالت ان كانوا معانا عوايل امريكية يجددون جوازاتهم

ونفس الاجراءات اللي تصير معانا تصير لهم

SOONALL

14-05-2013, 10:05 AM

هو كل واحد ياخذ رقم ويدش بس الي مسوي زحمه عملية التفتيش عند الباب قبل الدخول

شبح الصمت

14-05-2013, 10:12 AM

اليوم مريت على 7.30 يمكن حروت الـ 35 لين 45 شخص واقفين برى وكلن يهف على نفسه بالاوراق الي بيده وفي نفس الوقت اشوف حاطين لهم مظلات شيء طيب بس لو يحطون لهم مراوح مع مرشات ماي اوكي ..

حمد بن خالد

14-05-2013, 11:30 AM

اليوم مريت على 7.30 يمكن حروت الـ 35 لين 45 شخص واقفين برى وكلن يهف على نفسه بالاوراق الي بيده وفي نفس الوقت اشوف حاطين لهم مظلات شيء طيب بس لو يحطون لهم مراوح مع مرشات ماي اوكي ..

فيه مراوح بس اللاهوب مايرحم :nice:

شبح الصمت

14-05-2013, 11:37 AM

فيه مراوح بس اللاهوب مايرحم :nice:

:(

:(

أبورودي

14-05-2013, 12:09 PM

اليوم مريت على 7.30 يمكن حروت الـ 35 لين 45 شخص واقفين برى وكلن يهف على نفسه بالاوراق الي بيده وفي نفس الوقت اشوف حاطين لهم مظلات شيء طيب بس لو يحطون لهم مراوح مع مرشات ماي اوكي ..

يبقي أكيد انت شفتني كنت واقف فى الطابور
موعدي كان 7:30 وصلت الساعه 6:50 دقيقه كنت باخد رقم قى القسم القنصلي الساعه 7:40 يعني انتظرت فى الخارج حوالى 40 دقيقه الشباك فتح 7:15 وبدات اجرات التفتيش وكنت رقم 42 يعني الموضوع بسيط وداخل السفاره هم مهذبون جدا ويتعاملون بلطف

شبح الصمت

14-05-2013, 12:42 PM

يبقي أكيد انت شفتني كنت واقف فى الطابور
موعدي كان 7:30 وصلت الساعه 6:50 دقيقه كنت باخد رقم قى القسم القنصلي الساعه 7:40 يعني انتظرت فى الخارج حوالى 40 دقيقه الشباك فتح 7:15 وبدات اجرات التفتيش وكنت رقم 42 يعني الموضوع بسيط وداخل السفاره هم مهذبون جدا ويتعاملون بلطف

شفت رجال بغتر وعقل وشفت ناس بناطلين وشفت حريم ..

اجراءات أمنية من حق أي سفارة أنها تسويها ..

ومش ضد هالشيء بس انت تقول 40 دقيقة لو احد فيه السكري الله لا يقول او ناس ما تتحمل اشعة الشمس ولازم صاحب الطلب يجي بنفسه ..

اهنيه المقصد فديت خشمك

والله يحفظ الجميع ويوفقهم

STAR2012

14-05-2013, 01:50 PM

هذي مش ملاغه اسمها مذله ياخوي ترهم بدول الخليج عايشين احسن عيشه ومناصب احسن من اهل الخليج
واقلها الامريكي يجي من بلاده. لمعلوميه وياخذ فيزته من مطار الدوله الخليجه فيزه سياحيه ب150 ريال وهو واقف
اقلها اقلها يخلون الخليجي ياخذ الفيزه من مطارهم
أنا جربتهم مرتين. اول مره كان قدامي 18 واحد منهم حريم وشباب وكبار بالسن ورجعت
وثاني مره رحت قالي ماصورت الجواز نسيت قتله 10 دقايق بصوره وبرجع قالي لا تعال بكره شقيت الطلب ومشيت
توقف عشان تصيد دور من 6 الصبح تقريبا توقفلك ساعتين عشان ادخل بس !!!
ليكون بروح مكه ولا الحج مثلا
لكن الشرها مهب عليهم علينا احنا والله وعلى دولنا

اللي انا اعرفة في السعودية الامريكي والاوروبي يقدم على الفيزا وينتظر والسعودية ماتمنح احد فيزا من المطار وقبل فترة السعودية عاملت كندا بالمثل 3 اشهر في تأخير اصدارالفيزا على الطرفين بعده تم التوصل لحل واصبح الحصول على الفيزا خلال 3 اسابيع

عليه العوض

14-05-2013, 04:39 PM

أنا لاحظت هالشي بس مادري هم موظفين يشتغلون بالسفارة وتتم عليهم الإجراءات الأمنية أوهم مرجعين وتتم عليهم نفس الإجراءات لكن من الأفضل تكون هناك غرفة فيها مقاعد وجهاز أرقام وكل واحد يأخذ رقم وينتظر دوره حسب الرقم

العلم

14-05-2013, 04:44 PM

يمكن حاطين هالنظام بناء على الجو عندهم .. مايعرفون الدوحة ولواهيبها ..:(

يحطون قاعة إنتظار مكيفه ماراح تفقرهم ، وإلا لازم يذلون العرب ذل .. :anger1:

ابوالكلام

15-05-2013, 12:11 AM

الموضوع إجراءات لا اقل ولا أكثر لان البعض تعود معاملاته توصل لين عنده ويتملل لين ويقف طابور فطبيعي يعتبرها مذلة

تحداني

15-05-2013, 10:24 AM

اي صح يا اخوي حمد
تدري من كثر ما متعودين احنه على النظام والرفاهيه في الانتظار مب متقبلين هالمنظر الغير حضاري .. حتى والبعض ينتظر في مواقف كروه .. يدخل في كبينه مكيفه
حتى واحنه ناخذ ادويتنا من بعض المستشفيات يعطونه خدمات استثنائيه
حتى مواقف السيارات عندنا في الدفنه كلها على طراز عالي
حياتنا ميه على ميه .. بس هالسفاره امخربطه نظامنه

ليش جي يا السفاره الامريكيه :(