شريت العقارية على 40.9 (((((هل انا استعجلت؟؟؟)))))

[بومتعب]

اليوم شريت العقارية على 40.9 ريال

وبعدين نزلت لحد 40 ريال ،

هل تشوفون اني استعجلت في الشراء

وكيف تشوفون مستقبل الشركة ؟؟

وهل سعر 40 ريال كثير على السهم؟؟؟؟

صراحة خايف اني اتحسف على قراري :eek3:

[ابوعلي اليافعي]

اخوي بومتعب فالبدايه مبروك الشراء وان شالله تجني ارباح جيده..

وثانيا اخوي هناك من اشترى سهم العقاريه بخمسة اضعاف سعرك ..تخيل!!!

وثالثا عند اتخاذ اي قرار يجب ان يكون مبني على اسس وبعد اخذ المشوره من اهل الخبره حتى لاتندم ..

عالعموم وبشكل عام السعر جيد ولا غبار عليه وان شالله لن تأخذ غير رزقك فلاتهتم ولا تحاتي

[Smart]

لا تتحسف على 0.9
انت كم سهم شاري

[عتيج الصوف]

العقاريه لم تعطي اشارة دخول ولكن سعرها كأستثمار اكثر من ممتاز ,,واذا كنت مضارب راقبها في الغد والله يوفقك

[PoBox]

اليوم شريت العقارية على 40.9 ريال

وبعدين نزلت لحد 40 ريال ،

هل تشوفون اني استعجلت في الشراء

وكيف تشوفون مستقبل الشركة ؟؟

وهل سعر 40 ريال كثير على السهم؟؟؟؟

صراحة خايف اني اتحسف على قراري :eek3:



اول شي مبروك الشراء ،،

ثانيا على ايش معتمد خوفك
هل كنت ناوي تبيع نفس اليوم او بعد اسبوع مثلا ،،؟؟

ولا شاري للاستثمار لمدة طويلة مثلا ،،

لو الحالة الثانية ماعليك خوف

ولو الحالة الاولى بعد ماعليك خوف ..ليش!!

شوف اعلى سعر خلال سنة اقل سعر خلال سنة للعقارية
اعلى سعر
123

واقل سعر
36.7

وانت سعرك قريب من اقل سعر في السنة وصله السهم

وعادة العقارية تكون ماسكة سعرها فوق الخمسين لكن مع ظروف نزول السوق
نزل كل شي بمن فيهم العقارية

ونصيحة ثانية
لا تسال بعد اتخاذ القرار لانك بتعور راسك
يفضل يكون شرائك عن اقتناع حتى لو كل المنتدى قالولك غلط الي سويته
لو انت مقتنع خلاص ويمكن تكون على صواب ،،

اما حالتك الآن اعتقد والله اعلم ان شاء الله ماعليك خوف بهذا السعر

[صدى الخافق]

بالعكس السعر اللي انت شريت به جدا ممتاز وماراح تخسر شي

سعر العقاريه هالأيام يوصل احيانا 43 ريال أو 45 ريال وتقدر تبيع عند هالسعر

وضعك ماينخاف عليه

لكن أنا شاقول شريت في العقاريه لما كان سعر السهم 62 ريال :(

وخسارتي كبيره

[غالي ألأثمان]

امسك سهمك وان شاء الله تكون ربحان خلال كم يوم بس بيع لو ربحت كم ريال

[Smart]

واذا قلبك ضعيف لا تدش السوق

[بومتعب]

مشكورين على الردود الحلوة الي تطمن

صراحة كنت متخوف لان المبلغ الي شريت فيه كان كبير

وبعدين انا افكر في ثلاثة شهور قدام ماشريتها عشان

ابيعها بعد سبوع او سبوعين

[alwadi105]

اخوى كما قال الاخ poboxing لا تسال بعد اتخاذ القرار لانك بتعور راسك
يفضل يكون شرائك عن اقتناع حتى لو كل المنتدى قالولك غلط الي سويته
لو انت مقتنع خلاص ويمكن تكون على صواب ،،

اما حالتك الآن اعتقد والله اعلم ان شاء الله ماعليك خوف بهذا السعر]

اخوى ما عليك خوف وان شاء الله بنشوف اسعار زينة للعقارية بعد الاعلان عن
الارباح .. وكما قالولك الشباب من قبل السهم الى الان لم يعطى اشارة شراء لكن على المدى القريب والمتوسط السعر زين ولا تحاتى..
والله يرزق الجميع..

[المراقب]

40.9 وخايف !!!!

ما في خوف أبد .......

[M O 7 A M M E D]

سعر ممتاز

[دخيلك]

واذا قلبك ضعيف لا تدش السوق

سمارت ... ولله انك جبتها .. انا اول مارة اضارب اليوم وتوفقت في الريان ... بس قلبي كان يدق دق ! .... اقطع يدي اذا شفتني اضارب مرة ثانيه :)

يا بو متعب غيرك شراه فوق المئتين .... 40.9 سعر ممتاز جدا

[كحيلان]

والله أن شرائك مافيه أحسن منه...لاتقلق حتى لو نزلت بين 33 34 ريااال!!!

تدري ليش قلت 33 او 34 لاني والله شفتها في منامي اليووووووم!!!!

والله اني مبتلش بهذي الأحلام ... حتى في الحلم ماتبين قاع العقاريه الا بين 33 34 ريااال نهائي ومن ثم سترتد ارتداد قووووووووي جدا جدا ..

[طالع بن نازل]

والله أن شرائك مافيه أحسن منه...لاتقلق حتى لو نزلت بين 33 34 ريااال!!!

تدري ليش قلت 33 او 34 لاني والله شفتها في منامي اليووووووم!!!!

والله اني مبتلش بهذي الأحلام ... حتى في الحلم ماتبين قاع العقاريه الا بين 33 34 ريااال نهائي ومن ثم سترتد ارتداد قووووووووي جدا جدا ..


وبعدين مع احلامك ياكحيلان ,,, ترى هذي كوابيس ....

انا عندي كمية لاباس بها من العقارية وشريتهم على 82 ومتوهق فيهم

شكلي بصرفهم بعد كابوسك هذا :shy: :shy: :shy: :shy:

[الناوي]

وبعدين مع احلامك ياكحيلان ,,, ترى هذي كوابيس ....

انا عندي كمية لاباس بها من العقارية وشريتهم على 82 ومتوهق فيهم

شكلي بصرفهم بعد كابوسك هذا :shy: :shy: :shy: :shy:


انا شاريهم على 190 قبل اكثر من سنة والكمية كبيرة ولاعرفت ويش اسوي , ابيع بهذه الاسعار! ( حرام) ولا اصبر , ابي نصيحتكم الله يرحم والديكم.

[طالع بن نازل]

انا شاريهم على 190 قبل اكثر من سنة والكمية كبيرة ولاعرفت ويش اسوي , ابيع بهذه الاسعار! ( حرام) ولا اصبر , ابي نصيحتكم الله يرحم والديكم.

مرحبا اخوي ,,,,,,,,,,

ما ادري اخوي حصل لك اكتتاب بالعقارية ولا لا .....

[بومتعب]

كحيلان خوفتني وايد بحلمك هذي

يا اخي حاول تستذكر الحلم مرة ثانية

يمكن الي شفته في الحلم 134 ريال مو 34 ريال

اخاف انك نسيت رقم واحد من اليسار ....

حاول تتذكر ارجوك ولا تودينا في داهية

[الناوي]

مرحبا اخوي ,,,,,,,,,,

ما ادري اخوي حصل لك اكتتاب بالعقارية ولا لا .....


متوسط السعر بعد الاكتتاب صار 115 تقريبا

[الناوي]

مرحبا اخوي ,,,,,,,,,,

ما ادري اخوي حصل لك اكتتاب بالعقارية ولا لا .....


متوسط السعر بعد الاكتتاب صار 115 تقريبا

[طالع بن نازل]

متوسط السعر بعد الاكتتاب صار 115 تقريبا


اذا الحمد لله الخسارة صارت اقل , ولا تنسى اخوي العقارية وزعت اسهم مجانية 20%

هذي ممكن تقلل نسبة الخسارة .

انا اخوي هالحين قاعد اضارب بسهم العقارية حتى احد من خسايري ومالشي الحال
يعني فيه فايدة ,,,,,,, وش اسوي مدامها خربانة خربانة ,,,,

[كحيلان]

كحيلان خوفتني وايد بحلمك هذي

يا اخي حاول تستذكر الحلم مرة ثانية

يمكن الي شفته في الحلم 134 ريال مو 34 ريال

اخاف انك نسيت رقم واحد من اليسار ....

حاول تتذكر ارجوك ولا تودينا في داهية

حاولت عصرت مخي اللين قال بس...بس لا تخاف وش فرق سعر امس من 33 كلها 7 ريااال ومصيره طالع ع طوووووول..بس تدري ممكن يلامس 33 ثواني ويرجع لمت اب..
للعلم انا قلت والله اني شفتها في منامي..وش أسوووي حلم جاني غصب..أطرده مايسير..ههههههههه

[زانط اسد]

يا رجاااااااااااااااااااااااااااال


انا شاريها على 104.50


ومب بايعها حتى لو اورثها لأحفادي


وتقول لي استعجلت

[deepbluesea]

سعر الشراء ممتاز اخوي متعب

لا تحاتي ولا تخاف


اغلب الناس شاريين فوق ال 100 ريال

، عموما

انا اعتقد ان العقاريه اذا بدأت مشوار الصعود فمحد راح يلاقي اسهم

ومشوار صعودها قريب

تحياتي

[القرقفان]

يا رجاااااااااااااااااااااااااااال


انا شاريها على 104.50


ومب بايعها حتى لو اورثها لأحفادي


وتقول لي استعجلت

هههههههههههههههههههههههههه
الصراحة ضحكتني

[abu_mohammad]

الشور ياهل الشور ابدل الصناعات اللي شاريها 160 بالعقاريه بسعرها الحالي مع العلم ابخليها لمدة 6 شهور ؟

[index]

اذا بتستثمر في العقاريه 3 شهور حسب ماذكرت
تطمن السهم ان شاء الله فيه خير المهم مو كل يوم
تتابع الشاشه . المتابعه اليوميه للسهم الاستثماري
تسبب ظغط نفسي:anger2: قد يدفع المستثمر الى اتخاذ قرار
خاطئ

[index]

شريت العقارية على 40.9 ريال
صراحة خايف اني اتحسف على قراري :eek3:

مبروك ارتفاع السهم اليوم
الحد الاعلى 44 ريال
الاغلاق 41,9 ريال
:)

[بومتعب]

الاخ index
مشكور والله يبارك فيك عقبال مانشوفها واصلة 55 قبل
نهاية الصيف عشان نودي الاعيال وام لعيال لندن هالصيفية
مانستبعدها عالعقارية ..........