.... منو جربت عايدة الصالح ؟ ...... [الأرشيف] - منتديات شبكة الأسهم القطرية

مشاهدة النسخة كاملة : .... منو جربت عايدة الصالح ؟ ......

رهج السنابك

12-05-2013, 11:37 AM

السلام عليكم

من جربت علاج الدكتورة عايدة الصالح ؟. لحب الشباب؟

او حد يعرف دكتور شاطر لعلاج حب الشباب

غير اللي ماعندهم الا روكتان مانبي روكتان :(

الحين موضة عند الدكاترة لو فيج حبة وحده بالوجه قالوا روكتان !

قطريه22

12-05-2013, 11:42 AM

انا دوم اتعامل مع حسن عبدالله وصحيح كلامج ماعندهم غير الروكتين فانا طلبت منه شيء غيره..

الدكتوره حصه البوعينين يمدحونها حتى قبل لاتعطيج علاج تخليج تسوين فحص دم،، بس عايده محد يمدحها قبل كانت زينه الحين لا..

اذا الدكتور او الدكتوره بيعطونج هالحبوب قولي ماتبينها وبيعطونج شيء بدالها..

وبالتوفيق انشالله

رهج السنابك

12-05-2013, 12:27 PM

قلت لهم مابيها كل مشكلتي حبه او حبتين تطلع مب وايد وماعندهم غير الروكتان وانا دايما اسمع ان الروكتان يطلع حبوب زيادة كم شهر وعقب يعالجها
وهم يبونا كل شهر رايحين رادين عليهم

حسن العبدالله مايمدحونه ومايعطي المريض حقه حسب ماسمعت مره مدحوا سناء الي عنده وطيروها للسماء رحت لها ماعندها وقت من الزحمه راويتها اثار خفيفة حتى ماكان فيه اي حبه سيدة كتبت لي روكتان وقالت اصرفيه من العيادة بدون تحاليل!

eXpert*

12-05-2013, 01:01 PM

شيبانا قالوا : أي شئ له علاقة بالبشرة يكون سببه بيت الداء (المعدة) .

أهديك وصفة طبيعية و في متناول اليد ، تناولي السنامكيّ (العشرج) بين الفينة و الأخرى وبتلاحظين فرق في صفاء البشرة ...

ومع إحترامي الخالص لأطباء الجلد و البشرة اللي ما يعرفون الإ الكورتيزون والروكتان :) ..

رهج السنابك

12-05-2013, 01:05 PM

عشرج:rolleyes2:

نتفـه

12-05-2013, 07:25 PM

انا جربت acne.org علاج موضعي مثل برواكتف لكن افضل بمراحل .. والله يشهد على كلامي
عذبني اول شهر ونص لانه يقشر
لكن بعدين الحمدلله ويهي الكل سألني عنه لان الحبوب اللي كانت فيني وايد وتفشل
اولها ويهي صار احممممممممممممممممر وحسيته التهب وتقشر وايد مب انه يقشر يقوم طبقات الجلد لا تحسين ويهج يتحرشف اذا حطيتي مكياج اذا ما تحطين التقشير ما يبين وايد
انا طلبته من الموقع
اذا جلدج حساس لا تجازفين وتدعين علي بدل ما تدعين لي >_<
اكتبي في يوتيوب acne,org وشوفي نتايجهم بعيونج :)
انا لاني اخاف من الرو اكيوتين وما احبه ولا ابي حبوب تدخل في جسمي وجربت علاجات الدكاتره وما فادت معاي جربت اجازف فيه والحمدلله نفعني وايد بفضل الله

الأصيلة

12-05-2013, 10:58 PM

انصحكم بـ مركز نيو يو في المرخية خلف صالون دانيال بيجاني
مركز طبي وعندهم أجهزة مطورة ودكاترة عرب...

النهار

12-05-2013, 11:22 PM

تبين حب الشباب يختفي خلال اسبوع
عندج ورق المشموم
جيبي كميه حوالي 20 ورقه مشموم
الطريقه
جيبي اي وعاء صيني وحطي ورق المشموم فيه وجيبي مضرب ودقيه لين يصير مثل المعجون
قبل النوم حطيه على الوجه ونامي وغسلي ويهك الصبح بصابون عادي ماتكون فيه مواد كيماويه
الميزه يقتل البكتيرياء المسببه لحب الشباب ويشد البشره
اهم شي قبل الاستعمال غسل الوجه بصابون طبيعي بعد ماتحطين المعجون على الوجه انطري 10 دقائق
وبعدين خليه على الوجه لين الصبح
عطينا النتيجه بعد الاستعمال
بلا دكاتره وخسارة فلوس

روح الاطلس

13-05-2013, 06:30 PM

النهار غريبه معلومتك

اول مره اسمع ان المشموم علاج للحب!

النهار

13-05-2013, 06:42 PM

المشموم له فوائد اكثر مما تتوقعون

الآيات التي ذكرت فيها:

شرفه الله تعالى بالذكر مرتين في كتابه الكريم

• سورة(الرحمن)قوله تعالى...( وَالْحَبُّ ذُو العَصْفِ وَالرَّيْحَانُ (١٢))

• سورة(الواقعة)قوله تعالى....( فَرَوْحٌ وَرَيْحَانٌ وَجَنَّةُ نَعِيمٍ (٨٩))

الرويـس

14-05-2013, 12:45 PM

جاري تضبيط غرشة عشرج

وطن

14-05-2013, 12:52 PM

اذا حبة ولا حبتين
ما يحتاج دكتور

شنو روتينج للعناية بالبشرة؟

يمكن تحتاجين تغيرين الكريمات اللي تستخدمينها

رهج السنابك

15-05-2013, 11:56 AM

رهج السنابك

15-05-2013, 12:05 PM

اذا حبة ولا حبتين
ما يحتاج دكتور

شنو روتينج للعناية بالبشرة؟

يمكن تحتاجين تغيرين الكريمات اللي تستخدمينها

الله يسلمج كان ويهي حده حبتين ثلاث وتروح ماكنت اهتم لها وايد

بس عقب تسلط علي ابليس وقال لي ليش ماتعالجين كان فيه شوية اثار سطحية خفيفة في الذقن مع هالحبتين اللي دايما يطلعون

رحت ارميلة وكتبت لي الطبيبة على كريم اكرتين والظاهر اني استخدمته غلط مدري شنو صار كنت احطه كل يوم بالليل وتمت الحبوب تزيد وحبوب تطلع وايد ماكانت موجوده قبل لين تبهذلت قمت وقفته الحين الحبوب زايدة بشكل موترني

روتيني الصبح اول ماقوم اغسل ويهي بغسول طبي واحط كريم مضاد حيوي على الحبات اللي طلعوا

العصر اول عقب ما ارجع من اي طلعة اغسل بعد بغسول طبي خفيف مب نفس مال الصبح

بالليل قبل النوم ارد اغسل بغسول الصبح واحط المضاد الحيوي على الحبوب

وبعض الاثار اللي الموجوده تلعوزت من طبيب لطبيب محد راضي يصرف لي كريم مفتح لها او كريم للاثار كل ماقلت لهم قالوا اول عاالجي الحبوب
اقولهم ياجماعه في مناطق مافيها حبوب كلش وماعاد يطلع فيها حبوب بس اثر عطوني شي له بحط نقطه صغيره على الاثر عشان يخف لونه مب راضيين

وكل اسبوع اسوي سكراب واستعمل كل مجموعه الغسولات اللي عندي ابي اقضي عليهم بسرعه (نيتروجينا - كلير اند كلين - غارنييه ) عشان اشتري من بودي شوب سمعت عن مجموعه شجرة الشاي انها ممتازة وخاطري اجربها بس ماعاد عندي محل من كثرة المنتجات اللي عندي بخلصهم وعقب اشتري مجموعة الشاي

وخلال اليوم ارش ويهي بماي ورد واذا عندي وقت خربطت ماسكات شي روب مع عسل
او طين مغربي مع عسل
او خميرة مع روب
اخربط لي اي شي واحطه ماسك

رهج السنابك

15-05-2013, 12:07 PM

رهج السنابك

15-05-2013, 12:08 PM

انصحكم بـ مركز نيو يو في المرخية خلف صالون دانيال بيجاني
مركز طبي وعندهم أجهزة مطورة ودكاترة عرب...

تحسينهم ناس فاهمين ولا شغل تجاري؟

ملينا وراحت فلوسنا ومافي فايدة كلهم استغلاليين

رهج السنابك

15-05-2013, 12:10 PM

الي جرب اي دكتور عنده ذمة وضمير مب استغلالي ياليت يساعدني لاني تأزمت نفسيتي

وكل واحد زين الفلوس والطمع تخربه

اول الناس تمدح حسن العبدالله
وعايدة
وفهد الباكر
ووليد ابو حلاوة

الحين الكل يقول صاروا ماديين يعطون المريض العلاج اللي يخليهم يروح ويرد عليهم بدون فايدة بس لشفط فلوسه

نتفـه

17-05-2013, 11:07 AM

اول مره اسمع عنه مع اني سنوات ابحث في النت عن علاجات!

زين وعقب الكورس ماعاد طلعت حبوب كلش؟؟
اعتقد العلاجات الخارجية ماتمنع الحب نهائيا عكس الروكتان علاج داخلي
خاصة لو كان حب الشباب يرتفع ويخف حسب الهرمونات

انا استخدمته تقريبا 3 شهور
كان ويهي في حالة يرثى لها
الحين الحمدلله خف ظهور الحبوب بمرااااااااااااااحل
في ناس من يهدونه يرجع لهم وناس يخف وناس ما يطلع لهم عقب استخدام 6 شهور
ف يعتمد ..
ما اضمن انه ما يطلع نهائي بصراحه بس لاني ما احب ابلع حبوب ممكن تأثر على وظائف الجسم او الهرمونات عموما :)
ففضلت العلاجات الموضعيه اضمن .. :victory:

الكواري 1972

17-05-2013, 10:40 PM

كريم او مرهم اسمه 3 ام

والله الشافي

وطن

19-05-2013, 09:00 AM

الله يسلمج كان ويهي حده حبتين ثلاث وتروح ماكنت اهتم لها وايد

بس عقب تسلط علي ابليس وقال لي ليش ماتعالجين كان فيه شوية اثار سطحية خفيفة في الذقن مع هالحبتين اللي دايما يطلعون

رحت ارميلة وكتبت لي الطبيبة على كريم اكرتين والظاهر اني استخدمته غلط مدري شنو صار كنت احطه كل يوم بالليل وتمت الحبوب تزيد وحبوب تطلع وايد ماكانت موجوده قبل لين تبهذلت قمت وقفته الحين الحبوب زايدة بشكل موترني

روتيني الصبح اول ماقوم اغسل ويهي بغسول طبي واحط كريم مضاد حيوي على الحبات اللي طلعوا

العصر اول عقب ما ارجع من اي طلعة اغسل بعد بغسول طبي خفيف مب نفس مال الصبح

بالليل قبل النوم ارد اغسل بغسول الصبح واحط المضاد الحيوي على الحبوب

وبعض الاثار اللي الموجوده تلعوزت من طبيب لطبيب محد راضي يصرف لي كريم مفتح لها او كريم للاثار كل ماقلت لهم قالوا اول عاالجي الحبوب
اقولهم ياجماعه في مناطق مافيها حبوب كلش وماعاد يطلع فيها حبوب بس اثر عطوني شي له بحط نقطه صغيره على الاثر عشان يخف لونه مب راضيين

وكل اسبوع اسوي سكراب واستعمل كل مجموعه الغسولات اللي عندي ابي اقضي عليهم بسرعه (نيتروجينا - كلير اند كلين - غارنييه ) عشان اشتري من بودي شوب سمعت عن مجموعه شجرة الشاي انها ممتازة وخاطري اجربها بس ماعاد عندي محل من كثرة المنتجات اللي عندي بخلصهم وعقب اشتري مجموعة الشاي

وخلال اليوم ارش ويهي بماي ورد واذا عندي وقت خربطت ماسكات شي روب مع عسل
او طين مغربي مع عسل
او خميرة مع روب
اخربط لي اي شي واحطه ماسك

شوفي
اذا على اللي تسوينه بعد تطلع الحبوب
تحتاجين تغيرين المنتجات اللي تستخدمينها
لان واضح ما تناسب بشرتج
ولاحظت انج ما ذكرتي اي كريم للبشرة
في برنامج العناية اللي ماشيه عليه

تبين شي يفتح البقع في الوجه
عندج عند شانيل ولا كلينك
انا جربت شانيل للتفتيح و استخدمته فتره و اثره بيّن الحمدلله
كان وجهي محترق من الليزر
طبعا اي شي للتفتيح والبقع يبي له صبر

الروتين اليومي
لازم غسيل بالصابون المخصص للبشرة
تونيك
سيروم
وكريم الوجه الواقي من الشمس صباحا
وبالليل نفس الخطوات مع كريم الليل

وطبعا كريمات العيون اذا تبين تحافظين على شباب عيونج ;)

حاليا أنا روتيني كله كلارينس
:victory:

رهج السنابك

19-05-2013, 09:05 AM

شوفي
اذا على اللي تسوينه بعد تطلع الحبوب
تحتاجين تغيرين المنتجات اللي تستخدمينها
لان واضح ما تناسب بشرتج
ولاحظت انج ما ذكرتي اي كريم للبشرة
في برنامج العناية اللي ماشيه عليه

تبين شي يفتح البقع في الوجه
عندج عند شانيل ولا كلينك
انا جربت شانيل للتفتيح و استخدمته فتره و اثره بيّن الحمدلله
كان وجهي محترق من الليزر
طبعا اي شي للتفتيح والبقع يبي له صبر

الروتين اليومي
لازم غسيل بالصابون المخصص للبشرة
تونيك
سيروم
وكريم الوجه الواقي من الشمس صباحا
وبالليل نفس الخطوات مع كريم الليل

وطبعا كريمات العيون اذا تبين تحافظين على شباب عيونج ;)

حاليا أنا روتيني كله كلارينس
:victory:

صاجة احتمال نظامي غلط حالياً اغلب اماكن الحبوب حمرا مدري ينفع استخدم كريمات مفتحة لها ولا انطر لين تقلب بنيه

شريت لي تونيك قلت بحطه عقب الصابون من نيفيا بس مدري اشفيني ماستخدمته

السيروم شنو فايدته؟

وامممم وكريمات العيون شنو افضلها؟ اخاف من منطقة العيون ماحب اجرب اي كريم فيها

رهج السنابك

19-05-2013, 09:06 AM

كريم او مرهم اسمه 3 ام

والله الشافي

بحثت عنه في قوقل ماطلع لي شي

ممكن اسمه بالانجليزي

وطن

19-05-2013, 11:07 AM

حبيبتي جربي كريمات ماركات طبية
عندج كلارينس
و كلينك

او ماركات قوية معروفه للبشرة
لانكوم كريماتهم زينه
وشانيل
و ايف سان لوران
وديور

استخدمي كل برنامج العناية من الماركة اللي تختارينها
حتى كريمات العيون من عندهم

وضح النقا

19-05-2013, 11:44 AM

صباح الخير اختي

اذا مشكله حبه او حبتين انصحك تستعملين السدر
يعني تاخذين اشوي سدر وتحطين معه ماء وتخلينه مثل الغسول للوجه
استعمليه بدل الصابون وراح تحسين بالفرق وراح تختفي الحبوب باذن الله
وكل اسبوع سوي ماسك السدر مع الروب ترى السدر معروف يفتح البشره ويعطيك بشره مخمليه اقول لك ذا الكلام من تجربه
جربيها ودعي لي

قطريه22

19-05-2013, 11:53 AM

نصيحه لاتستخدمين المنتجات الي بالجمعيات ولاتكثرين من الكريمات

روحي الصيدليه وقولي لهم تبين صابونه طبيه وشنو نوع بشرتج.

واستخدمي في فترة الصبح كريم واقي الشمس عندج ماركات طبيه في الصيدليه.

وبليل ادهني ويهج بفازلين العادي.

اهم شيء لاتغسلين ويهج اكثر من 3 مرات في اليوم بالصابون لانه يضر البشره.

وحاولي اذا غسلتي ويهج تدهنينه بفازلين اشوي وماتطلعين في الشمس اذا كنتي في البيت.

وكل الي عندج من تونك وكريمات لاتستخدمينها لان يمكن بشرتج شكلها حساسه وهالشي بيزيدها.

حتى الماسكات حاسبي وانتي تسوينها مب كل شيء يناسب البشره

تقدرين تاخذين المره وتنقعينها بماي وعقب ادهني ويهج فيها ونص ساعه وغسليه حلوه للبشره.

والسدر يمدحونه بعد.

مستحضرات التجميل ابتعدي عنها

هذي الصابونه صارلي 5 سنوات استخدمها وعجيبه للبشره

http://im42.gulfup.com/rraPc.png (http://www.gulfup.com/?uN16Gt)

وهذي كريم واقي شمس حلو للبشره
http://im42.gulfup.com/bA0QO.jpg (http://www.gulfup.com/?T3JHLP)

نوار قطر

19-05-2013, 12:19 PM

عايده للاسف استوت تجااريه بحته قبل شزينهااا وعلاجها ماعقبه علاج الحين اتنطط من غرفه لي غرفه ومجرد انج تقولين شفيج يادوب اتطل عليج طله وتكتب علاجها.. انا الصراحه كنسلتها من زمان بس معاها دكتوره هنديه وااايد يمدحونها حق البشره

بصمة قطرية

19-05-2013, 03:55 PM

حب الشباب يزيد إذا كلتي كافي
هالشي معروف
كل اللي أعرفهم و يعانون من هالشي
يعترفون الكافي يزيده ..
إذا الحبوب حمره معناته إنتي محتاجة
شي يجففها
أنصحج بصابون بيبي جونسون الأبيض مال الأطفال
ينشف الحبوب ..
و بالنسبة للكريمات
لا تكثرين منها لازم البشرة ترتاح بدون كريمات
( دعي بشرتك تتنفس )

بقول لج جدولي للبشرة ..
أول ما أقوم بعد ما أغسل ويهي
أستخدم كريم ترطيب طبي
إسمه أكواديرم موجود في المراكز الصحية
ما أستغني عنه الوحيد اللي ما يسبب حساسية
و لازم قبل لا أتمكيج أحطه
و أستخدم كريم الليل و النهار من يولاي
و مرات لوريال
بصراحة كريمات رهيبة
في لندن سألتني خبيرة تجميل عن اللي استخدمه لبشرتي
و الدكتورة سناء يوم رحت لها قالت لي بشرتج روعه ما شاءالله
شكلج مهتمة فيها وايد ،.
مرة في الإسبوع ماسك
و إذا بطلع الصبح واقي الشمس ..
اللي حطت صورته قطرية 22
أفضل نوع ..
لازم تتنظف البشرة عدل من بقايا المكياج ..
بالذات قبل اليوم تتنظف بمناديل مزيلة للمكياج
و عقبها تغسلين بشرتج بالماي
و تحطين كريم الليل ..
حاولي ما تستخدمين الصابون أكثر من مرة في اليوم ..
كل شي كثرته تضر سواء صابون و لا كريمات ..
و راقبي أكلج يمكن من الكافي أو الفلفل إذا كنتي تاكلين هالأشياء تأثر ..