وينكم ياشباب ....؟

[انتر ميلان]

السلام عليكم ورحمه الله وبركاته

في البداية أحب أهنئ جميع الخريجين والخريجات الذين أتموا دراستهم الجامعية بنجاح سواء كانوا في جامعات المدينة التعليمية أو جامعة قطر ...


الموضوع اللي أحب أتطرق له : لماذا عدد الخريجات ( الإناث ) يفوق عددهم بمراحل عن عدد الخريجين ( الذكور ) !؟؟

ولاحظت بأن الكثير من الشباب همه الأول الانتهاء من المرحلة الثانوية وبعدها تبدأ رحلة البحث عن وظيفة ...

عكس البنت التي تكافح للحصول على نسبة عالية في الثانوية لتكون تلك النسبة هي البوابة لإكمال الدراسات العليا ...


رأيكم يهمنا في سبب عزوف الشباب عن الدراسة الجامعية ، والطريقة المثلى لحث الشاب على إكمال تعليمه..

[لبيبة]

وعليكم السلام ورحمة الله وبركاته،

السبب ان الوظائف في الجيش والشرطة رواتبها مغرية ويقبلون خريج الثانوية، فيلتحق الشاب بالوظيفة اللي بتأمن له دخل ولا يروح يدرس وللحين ما توظف، البعض يكمل دراسة بعد التوظيف اذا كان طَموح.

[bos3eed]

كل البنات فاضيين عمل فقالوا خلنا نكمل جامعه, بصراحه شلي تقدر تسويه البنت بعد ماتخلص الثنويه غير انها تشتغل او تتزوج او تكمل دراستها الجامعيه, والبنت يصرف عليها ابوها او زوجها وهي ماتنحرج من ها الشي فما تكون مستعجله على الشغل, بعكس الشاب اللي اول مايتخرج وده يطلع من جلباب ابوه ويكد على نفسه ويشتري اللي في خاطره (كروزر) وطبعا العسكريه فاتحه ابوابها للشباب براوتب مغريه خصوصا الشاب اللي كان مصروفه على قده ووده بمعاش يبرد خاطره فيه. طبعا البنت مب مستعجله على الفلوس دام انها مابتدفع فلوس في العرس ولا بتجمع علشان بيت ولا بتصرف على عيال, مستعده اتم 6 سنين في الجامعه بس علشان تحصل الشهاده.

[واحد قطري]

اللي انا ملاحظه انه الشباب اغلبهم وللاسف يدرسون خارج البلد يعني اكاد اجزم بان اعداد الطلبه

القطريين في مصر والاردن وبريطانيا وامريكا اكثر من عدد الطلبه اللي في جامعة قطر او الجامعات

في المدينة التعليمية ..... وطبعا في اسباب لاكن مو موضوع النقاش حاليا

ثانيا بعض الشباب له ضروف خاصه مثلا مسؤول عن زوجة او اسرة ومالهم معين غيره فيضطر انه

يخلي دراسته عشان يأمن اهله وانا من ربعي فيه منهم يسون هالشي وهم ودهم بالدراسة لاكن الضروف

حدتهم .... عموما الطلبه القطريين اللي يدرسون بالجامعات وايد واذا سوو احصائية عن اللي يدرسون برع

بتصدقون كلامي

[تغلبية]

أنا أشوف أن الاول كان الشباب عازف عن التعليم الجامعي .. بس الحين اشوف صار فيه صحوة
صاروا الشباب خايفين على مستقبلهم ومكانتهم في المجتمع
اللي كان عنده ثانوية ويشتغل صار يحط من جيبه ويروح يدرس في مصر أو الاردن قانون أو غيره على أساس يحسن مستواه الاجتماعي والعلمي .. اسمه سنير .. ولا يتبهدل على كبر

البنت فاضية ما عندها روحات وجيات وسهرات مثل الشباب .. فالافضل لها تدرس ..
وحرام تروح عليها احلى سنوات العمر بدون دراسة في الجامعة :victory:

[R 7 A L]

وعليكم السلام ورحمة الله وبركاته،

السبب ان الوظائف في الجيش والشرطة رواتبها مغرية ويقبلون خريج الثانوية، فيلتحق الشاب بالوظيفة اللي بتأمن له دخل ولا يروح يدرس وللحين ما توظف، البعض يكمل دراسة بعد التوظيف اذا كان طَموح.



جبتيها :nice:

[Abdulla Al.F]

اللي انا ملاحظه انه الشباب اغلبهم وللاسف يدرسون خارج البلد يعني اكاد اجزم بان اعداد الطلبه

القطريين في مصر والاردن وبريطانيا وامريكا اكثر من عدد الطلبه اللي في جامعة قطر او الجامعات

في المدينة التعليمية ..... وطبعا في اسباب لاكن مو موضوع النقاش حاليا

ثانيا بعض الشباب له ضروف خاصه مثلا مسؤول عن زوجة او اسرة ومالهم معين غيره فيضطر انه

يخلي دراسته عشان يأمن اهله وانا من ربعي فيه منهم يسون هالشي وهم ودهم بالدراسة لاكن الضروف

حدتهم .... عموما الطلبه القطريين اللي يدرسون بالجامعات وايد واذا سوو احصائية عن اللي يدرسون برع

بتصدقون كلامي

السلام عليكم، ليش للآسف ؟ اذا تخصص الطلاب مب موجود في الدوله وشو الي يمنع انه يدرس برع؟