[ سياسة التهميش والتطفيش مع الموظف القطري الى متى ؟ ]

[أم محمد 90]

السلام عليكم ورحمة الله وبركاته

أدعي من الله عز وجل أن تكونوا بأفضل حال

موضوعي اليوم يلامسني أنا شخصياً ويلامس فئة كبيرة من اخواني واخواتي ابناء البلد


الوضع كـ / الآتي :


مسئولك المباشر كان في يوم من الأيام موظف عادي وياك
ومجرد أن صار مسئول (اصابة جنون العظمة) وقرر من أول
لحظة صار فيها مسئول (ينكد عليك حياتك)
::

مسئولك الأعلى منه مايتكلم ولا يبي يسوي أي شي لانه ينتظر الكرسي اللي قاعد عليه مدير ادارتك

::

مدير ادارتك في طريقه للاستقاله ويبي ينتقم من الكل قبل لا يترك الكرسي للي بعده

::


أيهـا المـوظف / أيتـها المـوظفـة - ماذا تفعـل/ـين لــو ..؟

جاك ايميل تنبيه من مسئولك المباشر ( الغير مثبت) ان لازم تلتزم بأوقات العمل
من 7 لين 2 وان ماتتأخر عن الـ7

تلف حوالينك تشوف كل الموظفين يداومون 7 ونص وعقب الـ7 ونص
وانت تجي مثلهم 7 ونص بسبب زحمة الشوارع أو اي ظروف أخرى

عدلت من حضورك 4 شهور وانت ملتزم جاك ظرف خلال شهر اضطريت فيه انك تتأخر احيان
وتغيب احيان وتستأذن احيان ! (لظروف قاهرة جداً)

جاك ايميل ثاني من مسئولك ان لازم تلتزم بأوقات الدوام
وان لو بتاخذ (اجازة مرضية أو عارضة وأقتبس الكلام) :


في حال رغبتكم مستقبلاً من الخروج اثناء ساعات العمل الرسمي او طلب اجازه مرضية او عارضه يجب اخطاري بأيميل رسمي وليس شفوياً ولن يتم اعتماد أي من هذه الطلبات في حال عدم طلبها بشكل رسمي

علما بأنني لن اتحمل أي اجراء سوف يتم اتخاذه ضدكِ مستقبلا ..


(؟) اطرش ايميل رسمي ان انا ابي مرضية او عارضة ؟ ليش المرضية والعارضة انا ادري قبلها بيوم ان بيصيدني (ظرف) أو راح امرض :rolleyes2:

::

بعد الايميل اضطريت انك تاخذ عارضة جيت بعد العارضة بيومين تلاقي ايميل بنقلك من القسم :)

وتتفاجأ ان في موظف راح يباشر مكانك يعني طلعوك من المكتب لان مافيه مكان وودوك قسم ثاني عشان الموظف الجديد يقعد مكانك ..


(ماذا ستفعل ؟)

هنا السؤال الأهم !


احنا كـ (كوادر قطرية نشيل بلادنا) شلون راح نتصرف لما نعرف ان قاعدين يتبعون معانا سياسة التطفيش والتهميش ..

نتكلم ؟ نحارب ؟ ايش نقول ..!!
ولما نكون عارفين اسباب التهميش والتطفيش ..

يبون موظف يكون (روبوت آلي) مايغيب مايتعب مايمرض مايطلع يكون متواجد على مدار الوقت يصلح اخطائهم ويسوي شغلهم وفالنهاية (التوقيع يكون بأسمهم) !

وانت وحظك (اذا ابوك او خالك او اخوك عنده علاقات قوية مع المدير والرئيس) !غيب براحتك وحتى مواد لائحة الموارد البشرية تسقط عنك سو اللي تبي لعيون ابوك وخالك واخوك مانقول لا


يعني لو كانت اللائحة تفرض ان :

الموظف اللي يغيب فوق الـ10 مرات فالسنة (مرضية) وكان تقييمه امتياز ينزل الى جيد جداً

(أعرف ابوك؟؟) لا لا ياخذ الامتياز ماينزل جيد جداً


ولو :

الموظف اللي له فوق الـ6 ايام مرضية من اخر دورة خذاها مايستحق دوره خارجية
انت عندك فوق الـ30 يوم مرضية وتبي تسافر دورة ؟ اي صح اعرف ابوك تفضل روح سافر ..


(طيب انا موظف وادرس وعندي ظروف احتاج شوي اتأخر ومب مشكله عندي خصم الراتب واحتاج أستئذن) .. اعرف ابوك؟ اعرف اخوك ماعرف حد من هلك يالله مع السلامة

:) واقع وحتى لو ضحكنا بس تراه واقع يستوي في كل مكان ..

من المسئول عن هذا كله ؟
وشلون احنا نتصرف !


الكوادر القطرية المؤهلة عملياً لشغل مهام وظيفية وحابة تنجز وتشتغل منو يدعمهم ؟؟
منو يساعدهم اذا ماكان عندهم واسطة!!

ولو تكلمنا؟ شلون ندافع عن نفسنا ؟



::

الحوار مفتوح لكم

واسأل الله ان يعيننا جميعاً والله يسامح كل شخص يوقف في طريق شخص يتمنى ينجح وينجز شي في حياته ..

[حسن]

الموظفين هل الايام يبيلهم مشخاله

لى عوده موضوعك يبيله تمحيص وتحفيص
شاو

[غير البشر]

من زمان اختي هالموضوع

وهذا الي خلاني اطلع من الشغل شهر 11 - 2008 وللحين ماشافوني :rolleyes2:


للحين يبغوني ارجع ولي رضوه ورفضت :omg:

[أم محمد 90]

من زمان اختي هالموضوع

وهذا الي خلاني اطلع من الشغل شهر 11 - 2008 وللحين ماشافوني :rolleyes2:

تطلع ؟


استقلت ولا سحبت ع الدوام ؟


اخوي في ناس محتاجين الراتب ومحتاجين تقييمهم يكون (جيد جداً )

عشان الترقية

ويخافون لا تكلموا او طولوا لسانهم يجيهم شي فوق ما يتوقعونه

[غير البشر]

تطلع ؟


استقلت ولا سحبت ع الدوام ؟


اخوي في ناس محتاجين الراتب ومحتاجين تقييمهم يكون (جيد جداً )

عشان الترقية

ويخافون لا تكلموا او طولوا لسانهم يجيهم شي فوق ما يتوقعونه


حطيت اضافه في ردي الي قبل
لا ماستقلت على راس عملي وتقيمي امتياز
لانهم يدرون يوم اني اطلع كنت على حق

[للصبر اخر]

السياسه بكل مكان
انا لي 5 سنوات بدون ترقيه
وماحسبولي اول سنه
مع اني وقعت عقد بدون فترت تدريب
يعني حسبوه لي 4 سنوات
ولا ترقيه ولا شي
وعلى 8
مع اني جامعيه
ولين تكلمت قالو مديرج
الله كرييييم

[غير البشر]

السياسه بكل مكان
انا لي 5 سنوات بدون ترقيه
وماحسبولي اول سنه
مع اني وقعت عقد بدون فترت تدريب
يعني حسبوه لي 4 سنوات
ولا ترقيه ولا شي
وعلى 8
مع اني جامعيه
ولين تكلمت قالو مديرج
الله كرييييم


:omg: انتي المفروض السادسه الحين
جامعيه تتعين على السابعه وكل 3 سنوات ترقيه
طبعا حسب التقييم

مشكله اذا جا المدير يتفلسف
الله يعينج

[أم محمد 90]

حطيت اضافه في ردي الي قبل
لا ماستقلت على راس عملي وتقيمي امتياز
لانهم يدرون يوم اني اطلع كنت على حق

انزين شلون نزعل ونكون ع حق
عشان مانداوم وراتبنا يمشي :shy:

[أم محمد 90]

السياسه بكل مكان
انا لي 5 سنوات بدون ترقيه
وماحسبولي اول سنه
مع اني وقعت عقد بدون فترت تدريب
يعني حسبوه لي 4 سنوات
ولا ترقيه ولا شي
وعلى 8
مع اني جامعيه
ولين تكلمت قالو مديرج
الله كرييييم

والله قهر

غيرج خذا الخامسة (ترقية استثنائية) ومتعين من خمس سنين نفسج :)
شنسوي ابوهم يعرف المدير

[للصبر اخر]

الله المستعاان

[موظف ((حكومي]

سلام عليكم ورحمه الله وبركاته


موضوع اعجبني في تطرق لبعض سلبيات لدى رئيس المباشر او مدير الاداره

[bos3eed]

المشكله لا جاك المدير خرطي ومايعرف شي وكله يتفلسف, علشان تتفاهم معاه وتقتنع بكلامه لازم تسوي لمخك downgrade

الله المستعان, شباب قطر فيهم خير ومتحمسين وودهم يطورون اداراتهم ويرتقون بالوطن بس ماخرب عليهم الا ها الاشكال اللي الواحد منهم يحرق الدنيا بس اهم شي يسوي اللي في راسه

[موظف ((حكومي]

وين هالكلام من زمان


الله يرحم الحال هنا لو تقول للمديرك انك ماتفهم في عمل الاداره بيتم نقلك


لهذا سكوت احسن حل لنفس هالمدراء

[خالد_قطر]

المشكلة في الإدارة العليا فسياستهم المدير صادق ولو كذب
والموظف كاذب ولو عنده ألف دليل على صدقه.

نحن في مؤسسة شبه حكومية إدارتنا من أهم الإدارات وتخصصنا مرغوب بالدولة للأسف القطريين موهمشين وكل فترة يطلع قطري من المؤسسة ولا أحد يدافع عن القطريين رغم علم الإدارة العليا بمظلموية القطريين ولكن لا أحد ينصفهم.

رئيس القطاع يكره القطريين وبالذات الذين يطالبون بحقوقهم وتحته قطري صار له أكثر من عشرين سنة ولم يكتب يوم درجة لأس قطري أو دافع في يوم من الأيام عن أي قطري وطبعا المدراء كلهم أجانب وللأسف ونحن القطريين نصل لدرجة رئيس قسم ونتوقف عليها وأقل واحد صار على درجته خمس سنوات.

ما نقول غير حسبنا الله ونعم الوكيل.

[sweet qatar]

يبين على مسؤولج انه مشتط ويبي يفرض نفسه بأي شكل..


نصيحتي لج التزمي بالقوانين وماعليج من غيرج..
او اذا تقدرين غيري قسمج وارتاحي.. بتتعبين مع مسؤول من هالنوع..



والي يعرف أبوه ولا أخوه ولا عمه.. مرفوع عنه القلم..


مسيرهم يتحاسبون على كل شي.. وين بيروحون من الله.. !!

[أم نواري1]

إذا المسؤول يلعب بذيله فلا تحسبين مدير الإدارة والمدير العام مايدرون

وإذا اشتكيتي وما أنصفوج الله يعينج
اشتكي للأعلى ولا تستكتين عن حقج

هالأشكال ماتنصف ولا ترحم
وإذا كلش غيري القسم عند حد يخاف الله
أو دوري لج حد من أهلج يعرفه أو يعرف أحد من ربعه
عن تجربة

[الأصيل]

التهميش للقطري بسبب تعنت بعض المدراء وضعف مستواهم وأعتمادهم على الأجنبي والباقي تعرفونه

[BoAof]

ايييييييييييه خلها على الله بس

[أم محمد 90]

المشكله لا جاك المدير خرطي ومايعرف شي وكله يتفلسف, علشان تتفاهم معاه وتقتنع بكلامه لازم تسوي لمخك downgrade

الله المستعان, شباب قطر فيهم خير ومتحمسين وودهم يطورون اداراتهم ويرتقون بالوطن بس ماخرب عليهم الا ها الاشكال اللي الواحد منهم يحرق الدنيا بس اهم شي يسوي اللي في راسه

لا المشكله لا جاك بعد بدل مايكتب اسم الشخص يكتب اسم المؤسسة وهو مطرش ايميل

مثلا / مؤسسة كتارا

اكتب حق مديرهم

Dear Mr. Katara

وكله اخطاء املائية بشكل غير طبيعي
لدرجة لو الشهادة العلمية مرفقة يقول لي فتحي المرفق دوري لي كم معدل التخرج؟

شالكسل يعني !!!

[أم محمد 90]

يبين على مسؤولج انه مشتط ويبي يفرض نفسه بأي شكل..


نصيحتي لج التزمي بالقوانين وماعليج من غيرج..
او اذا تقدرين غيري قسمج وارتاحي.. بتتعبين مع مسؤول من هالنوع..



والي يعرف أبوه ولا أخوه ولا عمه.. مرفوع عنه القلم..


مسيرهم يتحاسبون على كل شي.. وين بيروحون من الله.. !!

حبيبتي هم انقلوني من نفسهم

وفكوني من شرهم

الحين اسبوع قاعدة بس كذا ع المكتب لا شغل ولا شي

تحسفت اني ماقدمت اجازتي السنوية

[تغلبية]

اختي ام محمد

وين المشكلة لما تصبحين وتشوفين نفسج تبين اجازة عارضة او مرضية .. اتبلغين فيها جهة العمل بانج اجازة هاليوم .. تليفونات الحين اتضبط على ايميل الشغل وكان الله غفورا رحيما ..

بقولج وجهة نظر المسؤول وانتي عقب قدري

انتي تشوفينها هينة واشفيها يعني اذا غبت ومابلغت ..وانا كنت مثلج في يوم من الايام استنكر لما كان مديري يطلب منا نكتب مبرر الاجازة العارضة وكنت اشوف انها مبالغة منه وانه مصخها وبعدين واياه ذيه!!

لكن لما صرت مسؤولة .. قلت لام الله من لامهم

تبليغ بالاجازة العارضة بالنسبة للمسؤول يساعده في تنظيم العمل
موب اجي ومرتبة جدول الشغل من الليل واطلب الموظفة علشان تشوف الموضوع العاجل وابيها اتخلصه .. ويوم اطلبها يقولون لي محد !
صدمة تسبب ربكة عمل وتعكر المزاج شوي
في الاخير المسؤول يبي يمشي الشغل
اوكي بتقولين عادي اشفيها؟!
الملل اذا تكررت .. وصار التسيب هو السائد .. كلن غيب متى ما بغى
اليوم س غايبة ومابلغت وبكرة ص غايبة وما بلغت .. واللي بعد س و م ومابلغوا .. والشغل ينطر فلان وعلان لين يجون
بالله عليج هذا شغل والا وكالة من غير بواب ؟!
بلغوا المسؤول واتركوا انطباع بالاهتمام بالشغل وبس حتى لو من باب التمثيل ..
ماتتصورين شلون يشوفها المسؤول كبيرة عنده لما الموظف يبلغ ..يستانس منه ويذخرها له في المواقف اللي يتطلب وقفة المسؤول واياه

[أم محمد 90]

اختي ام محمد

وين المشكلة لما تصبحين وتشوفين نفسج تبين اجازة عارضة او مرضية .. اتبلغين فيها جهة العمل بانج اجازة هاليوم .. تليفونات الحين اتضبط على ايميل الشغل وكان الله غفورا رحيما ..

بقولج وجهة نظر المسؤول وانتي عقب قدري

انتي تشوفينها هينة واشفيها يعني اذا غبت ومابلغت ..وانا كنت مثلج في يوم من الايام استنكر لما كان مديري يطلب منا نكتب مبرر الاجازة العارضة وكنت اشوف انها مبالغة منه وانه مصخها وبعدين واياه ذيه!!

لكن لما صرت مسؤولة .. قلت لام الله من لامهم

تبليغ بالاجازة العارضة بالنسبة للمسؤول يساعده في تنظيم العمل
موب اجي ومرتبة جدول الشغل من الليل واطلب الموظفة علشان تشوف الموضوع العاجل وابيها اتخلصه .. ويوم اطلبها يقولون لي محد !
صدمة تسبب ربكة عمل وتعكر المزاج شوي
في الاخير المسؤول يبي يمشي الشغل
اوكي بتقولين عادي اشفيها؟!
الملل اذا تكررت .. وصار التسيب هو السائد .. كلن غيب متى ما بغى
اليوم س غايبة ومابلغت وبكرة ص غايبة وما بلغت .. واللي بعد س و م ومابلغوا .. والشغل ينطر فلان وعلان لين يجون
بالله عليج هذا شغل والا وكالة من غير بواب ؟!
بلغوا المسؤول واتركوا انطباع بالاهتمام بالشغل وبس حتى لو من باب التمثيل ..
ماتتصورين شلون يشوفها المسؤول كبيرة عنده لما الموظف يبلغ ..يستانس منه ويذخرها له في المواقف اللي يتطلب وقفة المسؤول واياه

اختي هو مايبي ابلغه بسببها

هو يبي قبل لا اجي اخذها اخذ اذن منه .؟

يعني طرش له ايميل بهالطريقة


السيد / رئيس كذا كذا

المحترم

تحية طيبة وبعد


يرجى التكرم بالموافقة على اجازتي العارضة غداً 20/05/2013 وذلك بسبب رغبتي بانجاز امور شخصية


وشكراً


----------------------------------------------

ولو مرضية اكتب له بهالطريقة

يرجى التكرم بالموافقة على اجازتي المرضية غدا بتاريخ 20/5/2013 لان يمكن اكون مسخنه ولا مرهقة ولا ..... ؟؟


اختي في امور تكون بالمعقول
وانا وزميلتي ف المكتب مستحيل ثم مستحيل مع بعض نغيب
نراعي بعض ووووووايد لدرجة نخبر بعض لو باجر بنغيب
عشان الشغل

انا ما اشتكيت من فراغ :)

[moonبنتnight]

هذي مشكلة أزليه 00
مشكلة القطري يحارب القطري 00
وفي مسؤلين أخذوا كرسي من غير ما يصير موظف 00
مشاكل الادارية سببها ما في مسؤول أو مدير فاهم القانون فيخبط في قراراته 00

[QP Engineer]

اختي ام محمد

وين المشكلة لما تصبحين وتشوفين نفسج تبين اجازة عارضة او مرضية .. اتبلغين فيها جهة العمل بانج اجازة هاليوم .. تليفونات الحين اتضبط على ايميل الشغل وكان الله غفورا رحيما ..

بقولج وجهة نظر المسؤول وانتي عقب قدري

انتي تشوفينها هينة واشفيها يعني اذا غبت ومابلغت ..وانا كنت مثلج في يوم من الايام استنكر لما كان مديري يطلب منا نكتب مبرر الاجازة العارضة وكنت اشوف انها مبالغة منه وانه مصخها وبعدين واياه ذيه!!

لكن لما صرت مسؤولة .. قلت لام الله من لامهم

تبليغ بالاجازة العارضة بالنسبة للمسؤول يساعده في تنظيم العمل
موب اجي ومرتبة جدول الشغل من الليل واطلب الموظفة علشان تشوف الموضوع العاجل وابيها اتخلصه .. ويوم اطلبها يقولون لي محد !
صدمة تسبب ربكة عمل وتعكر المزاج شوي
في الاخير المسؤول يبي يمشي الشغل
اوكي بتقولين عادي اشفيها؟!
الملل اذا تكررت .. وصار التسيب هو السائد .. كلن غيب متى ما بغى
اليوم س غايبة ومابلغت وبكرة ص غايبة وما بلغت .. واللي بعد س و م ومابلغوا .. والشغل ينطر فلان وعلان لين يجون
بالله عليج هذا شغل والا وكالة من غير بواب ؟!
بلغوا المسؤول واتركوا انطباع بالاهتمام بالشغل وبس حتى لو من باب التمثيل ..
ماتتصورين شلون يشوفها المسؤول كبيرة عنده لما الموظف يبلغ ..يستانس منه ويذخرها له في المواقف اللي يتطلب وقفة المسؤول واياه

اتفق معك اخت تغلبية لاني مريت بما ذكرتية
لكن أعرف ان التعامل يكون بالعقل والمسؤول لا بد أن يحتوي الموظفين اللذين معه حتى يكسب ثقتهم فقبل أن أطالبهم بكذا وكذا لابد أن أريهم من هو مسؤولهم وكيف يقدر أمورهم ومجهودهم بالعمل وحتى يتعامل ويقدر الأمور الخاصه وبهذا يكسب المسؤول ثقة وحب الموظف فيتفانى بالعمل ويكون أحرص في بعض الأحيان من المدير على العمل..
فلابد أن نكون متفهمين ومتغاضين في بعض الأحيان .. وعند إستخدام الحزم يكون شيء متفهم من كل الأطراف ..

وإذا أردت أن تطاع فأمر بالمستطاع ..