أفيدوني جزيتم خيرا

[بنت قطريههه]

السلام عليكم ورحمه الله القصه بدات معي عندما لجات لي صديقتي تبكي وتطلب مشورتي فانا الصديقة الوحيدة لها بعد الله فهي خليج يه مرضت أمها بجلطه قلبيه والحمد لله عدت على خير وهنا ابتدأت القصه لوالدتها فأمها مازالت تحت الرعايه الطبيه ولكن أخواتها لا يأتون الا زياره قصيره وهي ذهبت عندها مده طويله ولكن التزامها ببيتها وزوجها إجبر إها على العوده تحس بالذنب لان أخواتها وقت إلا زمه خذلاها وتحس بالذنب انها تركت أمها وهي مازالت محتاجه لها جاءت تريد الحل فعجزت عن إعطاءها الحل أفيدوني جزيتم خيرا :

[ضوى]

ابسط الحلول تاخذ امها تقعد معاها في البيت ولو مافي مكان احطها على راسي وفي عيوني ويتدبر مكان من تحت الارض ولو بو عيالي مارضى بعته وبعت عياله عشان امي ولا انتظر احد من اخواني يتبرع ويطل عليها والا يداريها والا اني اترجاهم حتى يبرون فيها العيال اللي بحاجة لبرها مب هي محتاجة

[تحداني]

الله اكبر اذان الظهر
الي مافيه خير لجنته وناره في هالدنيا مافيه خير لنفسه ولكل من حوله ورب العالمين راح يردها لهم .. الدنيا سلف ودين

مافي نصيحه مناسبه لقسوتهم غير الله يردهم لصوابهم
لانهم بدوا يقتربون من الجنون وحب الدنيا على حساب الوالدين
كثر ما تقدر تبادر وتروح واتحاول اتوفق ما بين بيتها وامها


انسان معدوم الاحساس من الداخل
اشلون تقدرين اتحطين فيه الاحساس

[حسن]

لاحول ولا قوه الا بالله

من القصص التى يدمي لها القلب عندي
محنا نقول الناس تغيرت للاسؤا وذهاب المبادئ والقيم والاخلاق
النصيحه تقنع زوجها وان هذه والدتها ويجب انت توقف معها
واذا مااقتنع تستاهل ان تضحي فيه

الحمدلله اني كنت بارا في ابي وامي رحمهم الله
ولقد رايت الكثير من الخير في حياتي بفضل الله ومنهم


:weeping::weeping:
مهب شاو

[بنت قطريههه]

السلام عليكم ورحمه الله اختي ضوى بالنسبة لامها لا تقدر على إحضارها لانها مازالت تحت الرعايه الطبيه ولا تتحمل الحركة وظروف صديقتي صعبه شكرًا على المشاركة

[ضوى]

السلام عليكم ورحمه الله اختي ضوى بالنسبة لامها لا تقدر على إحضارها لانها مازالت تحت الرعايه الطبيه ولا تتحمل الحركة وظروف صديقتي صعبه شكرًا على المشاركة

مافي شي صعب ، احنا نصعب امورنا بنفسنا ، تحت ىالرعاية وين بالمشفى ؟؟ وين المشكلة تروح لها كل يوم وتشوف طلباتها ، بالبيت وماتقدر تتحرك تقعد عندها لين تتشافى

سهلوها بتسهل صعبوها بتصعب

[بنت قطريههه]

السلام عليكم ورحمه الله الاخ تحداني الزمن نعم اخوه بالاسم يجمعهم اسم العائله فقط مع انها كانت نعم الام طيبه القلب ضحت لهم بكل شي ولكن قلوبهم حجر ويد واحده ما تصفق

[رفيق الصحراء]

المفروض تاخذ الاذن من زوجها انها تقعد مع الام فترة طويله لغاية ماتتحسن حالة الام وعقب ترجع البيت
لانه مايصير تجيب الام بيتها وهي بحاجه لرعاية طبيه من اجهزه ومن امور تصعب انها تتوفر والبنت ماتقدر تتصرف بهالامور الطبيه الخاصه

في حل اخر تجيب لها ممرضه وتوفر كل الامور اللي تبيها بالبيت من اجهزه وامور طبية

تكون جنبها وتكون بالبيت عند زوجها واولادها

[بنت قطريههه]

السلام عليكم ورحمه الله. الاخ حسن نعم الناس الان تغيروا كلن نفسي نفسي حتى الوالدين اهملوا انا أتكلم عن صديقتي خليج يه وليست قطريه يعني لازم سفر لوالدتها جوا وهي عندها التزامات في الدوحه وزوج وأطفال واخوه غير مبالين وزوج يعمل ويريد كل شئ جاهز ماذا تعمل

[زمان]

﴿ وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا ﴾ [الأحقاف: 15].

أن برَّ الوالدين من خير ما تقرَّب به المتقرِّبون، وهو من أجَل العبادات والقُربات؛
سُئِل النبي - صلى الله عليه وسلم -: أيُّ العمل أحبُّ إلى الله؟ قال: ((الصلاة على وقتها))،
قيل: ثم أي؟ قال: ((برُّ الوالدين))، قيل: ثم أي؟ قال: ((الجهاد في سبيل الله))؛ متفق عليه.

سبَق برُّ الوالدين الجهاد في سبيل الله على أهميَّته ومكانته في الدين

الله يكون في عونها والله يهدي اخوانها

[حسن]

السلام عليكم ورحمه الله. الاخ حسن نعم الناس الان تغيروا كلن نفسي نفسي حتى الوالدين اهملوا انا أتكلم عن صديقتي خليج يه وليست قطريه يعني لازم سفر لوالدتها جوا وهي عندها التزامات في الدوحه وزوج وأطفال واخوه غير مبالين وزوج يعمل ويريد كل شئ جاهز ماذا تعمل

مالي الى الدعاء لهم وان الله يسهلها عليهم

امين يارب العالمين

:weeping:

[سان سيمون]

ابسط الحلول تاخذ امها تقعد معاها في البيت ولو مافي مكان احطها على راسي وفي عيوني ويتدبر مكان من تحت الارض ولو بو عيالي مارضى بعته وبعت عياله عشان امي ولا انتظر احد من اخواني يتبرع ويطل عليها والا يداريها والا اني اترجاهم حتى يبرون فيها العيال اللي بحاجة لبرها مب هي محتاجة

وانا من رايج ضوى

[روح الاطلس]

تجيب امها عندها وتحطها بمستشفى قريب ان كان حالتها تستلزم مستشفى او اذا تحتاج رعايه بدون مستشفى تحط لها ممرضه وتفضي غرفه بالبيت لها

اسمحوا لي على الكلمة لكن طز بالزوج وطز بالدنيا كلها ماتسوى ظفر الام الدنيا كلها بحريقه ان شاء الله ولا تخلي امها تعاني الامرين

امر المرض
وامر هجران عيالها

ياقسوة الدنيا عليها خل تحط نفسها بمكانها عقب ماتكبر كل عيالها لاهي بدنيته بناتها يراكضون ورا الزوج وعيالها ورا حريمهم وهي مرمية بريحاتها

[غالية قطر]

تجيب امها عندها وتحطها بمستشفى قريب ان كان حالتها تستلزم مستشفى او اذا تحتاج رعايه بدون مستشفى تحط لها ممرضه وتفضي غرفه بالبيت لها

اسمحوا لي على الكلمة لكن طز بالزوج وطز بالدنيا كلها ماتسوى ظفر الام الدنيا كلها بحريقه ان شاء الله ولا تخلي امها تعاني الامرين

امر المرض
وامر هجران عيالها

ياقسوة الدنيا عليها خل تحط نفسها بمكانها عقب ماتكبر كل عيالها لاهي بدنيته بناتها يراكضون ورا الزوج وعيالها ورا حريمهم وهي مرمية بريحاتها


لا حول ولا قوة إلا بالله العلي العظيم

أنا من راي روح الأطلس .. بس المشكلة ان الغربة على الوالدة وهي في هذا السن صعب عليها ممكن يأثر على نفسيتها ويزيد مرضها ..

الله يكون في العون :(

[تغلبية]

انزين
انتو تقولون طز بالزوج !
والعيال من لهم ؟! المراة مب ناقصة غربال وهم ?!
الله يهداكم اول ماترخصون بالزوج
بعد هو يبي راحته واستقراره ومب ذنبه يشيل شي عيال المراة عجزوا عنه الا اذا كان نشمي وبيشيلها في عيونه هذا شي ثاني


المهم
الله يعينها ويفرجها عليها .. وتقريبا حل ضوى هو الانسب

او توصي عليها ناس ثقاة او معارف ثقاة حتى لو اضطرت تدفع لهم

[عليه العوض]

توفر لها غرفه في البيت وتقوم بخد متها

[Qatar Angel]

لا حول ولا قوة الا بالله
اختي الكريمة اذا حبيت اساعدها ممكن توضحين لي عبر الخاص ايش مشكلتها بالضبط
وباذن الله بنساعدها لوجه الله ونعينها على بر والدتها انتظر التفاصيل

[العلم]

أولا : الله يعافي والدة رفيجتج ويشفيها ..

ثانيا : من وجهة نظري رفيجتج وقعت بين مأزقين ،، أمها المريضة وزجها وعيالها .. فلابد إنها تقدر الضرر في كلا الحالتين وتختار أبسطهم وأخفهم ضرر فتتركه لأجل الآخر ..

وأشوف إن حالة أمها تحتاجها أكثر .. إلا إذا كان فيه شيء مانعلم به ..

[نوار قطر]

اذا الام مب في المستشفى تاخذها عندها وتباريها وتقوم فيها وتكون تحت عينها ،،، اما اذا كانت في المستشفى لا بالله تروح وتقعد عندها ،،،وريلها مب طاير ،،، ولا هو اهم من امها والدينها جنتها ونارها،،، بعيد الشر لي صار في انها شي بتحسف على كل لحظه قصرت فيها بحقها وكل لحظه ماكانت معاها،،، والريل اذا ماعذر زوجته ووقف معاها ،، مافيه خيررر