لماذا مطاعمنا الشعبيه مهمشه

[دنيا حظوظ]

سؤال بدر في ذهني عندما زرت كتارا

موضوعي بدا لين طلعت الين كتارا مع بعض المهندسين الاوربين في الشركه في جولة تمشيه

وحنا ماشيين قالوا ودهم يتعشون فخيرتهم بين التركي والهندي والمصري واللبناني و و و و

فردوا وقالوا حنا في قطر وودنا ناكل في مطعم اقطري

وفي تلك اللحظه حدثت الوهقه

قلت ماكو الا مطاعم في سوق واقف

المشكله ان مافي مطعم شعبي في كتارا وقليل في سوق واقف وبس واحد ان ماخاب ظني الخدمه فيه معقوله


وعقبها قمت استرجع بذكرياتي وسفراتي

ذكرت مطاعم فرنسيه في شارع الشانزليزيه ومطاعم نمساويه ان ماخاب ظني في ساحة تيفيز و و و و و الخ


لييييييييييييييييييش ماعندنا مطاعم اقطريه ذات خدمه خمس انجوم في كتارا مثلا


السياح ان زاروا بلد اول مايجربونه الاكلات المحليه


عن اذنكم شكلي جعت ابروح اكل هههههههههه

[فرهود]

الاكل لقطري حلاته طباخ بيت وجلسه ارضيه وضرب بالخمس وهالشي مايصلح في مطاعم كتارا . اغلب المطاعم الشعبيه طلبات خارجيه لانهم يعرفون مزاجنا .

[جرير]

للاسف اكثر المطاعم المنتشره بين التركي واللبناني والشامي

وفي الفتره الاخيره انتشر في المطابخ الشعبيه قسم يبيع وجبات شعبيه( تيك اوي)

من دون جاهزيه في المطعم من الداخل . . . وجدا قليله المطاعم الشعبيه

ولا تقارن ولا تذكر امام المطاعم الشاميه والمطاعم الامريكيه

بعض الدول الخليجيه تلاقي اهتمام غير طبيعي في مطاعمها الشعبيه

على سبيل المثال مطعم ماضينا اللي في الخبر ترتيب عجيب وازدحام غير طبيعي

من قبل العوائل . . . بس للاسف عندنا المطاعم تتسابق في تقديم الشيشه

بشكل غير طبيعي . . . وفيه كذا مطعم شعبي كان فاتح في سوق واقف بس ماكان

عليهم ذاك الاقبال لان المطاعم المجاوره تقدم الشيش . . .

مع ان كل الفرص موجوده لتقديم مطعم مميز وشعبي من الطراز الرفيع

بس للاسف الاقبال يكون دايما على الاماكن اللي فيها بنات وشيشه والمطاعم

الشعبيه لاترقى لاستقبال هذه الامور لانها لا تمثل واقع التراث القطري الشعبي

ونتمنى الالتفات لفكره تعريف الاخرين باطباقنا الشعبيه . . .

[شموخ دائم]

,

,



مرحبا


موضوع طيب

اخوي الكريم

الاكلات القطريه او الخليجيه الاقبال عليها ضعيف من الاجانب لان اكثر مكوناتها الرز

خاصه المكبوس

والمشخول

الهريس

اللقيمات

حتى سلطات ماعندنا بدول الخليج كانو ياكلون رويد وبقل

:)

الاكل الخليجي ثقيل جدا

والبرياني ( اكله هنديه )

كيف راح تقدمها بطريقه 5 نجوم ؟؟؟

لازم يدخل فيها المقبلات الشاميه والخبز اللبناني او العربي

والشورما والسلطات

والنخي والباجلا

والحلويات بكل اشكالها حتى نعمل تنوع

في تجربه في دبي واصبحت ناجحه

اعتقد لو تم تنفيذها في كتارا راح تنجح وهو اساس موضوعك وهو مطعم خليجي عربي

مطعم الفنر

http://www.sfari.com/gallery/files/5/9/5/8/9/1_128851.jpg



http://www.sfari.com/gallery/files/5/9/5/8/9/7_420913.jpg

http://www.sfari.com/gallery/files/5/9/5/8/9/9_897244.jpg

http://www.sfari.com/gallery/files/5/9/5/8/9/10_456442.jpg

http://www.sfari.com/gallery/files/5/9/5/8/9/16_534363.jpg

http://www.sfari.com/gallery/files/5/9/5/8/9/20_416493.jpg

تستحق التجربه في كتارا

,

,



اخوك


شموخ دائم

[نااادر]

^

^

^


والله شكل المطعم مغري جدا

[سهم طويل الأجل]

نسيت مطعم ( لوزار )
يعتبر محلي نوعاً ما

[الأصيلة]

من كم يوم قاعدين نتكلم في هذا الموضوع
المفروض يكون أكثر من مطعم شعبي في كتارا،،،
ويكون بطريقة مرتبة وتنظيفه،،،

[intesar]

,

,



مرحبا


موضوع طيب

اخوي الكريم

الاكلات القطريه او الخليجيه الاقبال عليها ضعيف من الاجانب لان اكثر مكوناتها الرز

خاصه المكبوس

والمشخول

الهريس

اللقيمات

حتى سلطات ماعندنا بدول الخليج كانو ياكلون رويد وبقل

:)

الاكل الخليجي ثقيل جدا

والبرياني ( اكله هنديه )

كيف راح تقدمها بطريقه 5 نجوم ؟؟؟

لازم يدخل فيها المقبلات الشاميه والخبز اللبناني او العربي

والشورما والسلطات

والنخي والباجلا

والحلويات بكل اشكالها حتى نعمل تنوع

في تجربه في دبي واصبحت ناجحه

اعتقد لو تم تنفيذها في كتارا راح تنجح وهو اساس موضوعك وهو مطعم خليجي عربي

مطعم الفنر

http://www.sfari.com/gallery/files/5/9/5/8/9/1_128851.jpg



http://www.sfari.com/gallery/files/5/9/5/8/9/7_420913.jpg

http://www.sfari.com/gallery/files/5/9/5/8/9/9_897244.jpg

http://www.sfari.com/gallery/files/5/9/5/8/9/10_456442.jpg

http://www.sfari.com/gallery/files/5/9/5/8/9/16_534363.jpg

http://www.sfari.com/gallery/files/5/9/5/8/9/20_416493.jpg

تستحق التجربه في كتارا

,

,



اخوك


شموخ دائم


لا لا أكله مو ذاك الزود.. ولا بذاك المستوى..

[intesar]

كان فيه مطعم الطواش بسوق واقف ايش صار عليه ليش اختفى

[ذيب ازغوى]

ليش ماوديتهم لوزاار

وقلت له احنا كله بحررري

[Q6R_MAHA]

كان مطعم بالهمبار يقدم اكل شعبي ومكانه وايد حلو متوسط الكورنيش

كان متنفس رائع للعوائل منظر البحر واليهال حولك يلعبون

مادري من تسلط عليه واقلبه مطعم لبناني وشيشه

[Qatari1981]

المشكله في بلدنا الحبيب

كل شي يدل على تاريخنا او ثقافاتنا اياً كان محله من الأعراب
مطاعم او بيوت اومحلات قديمه

يعد في نظر البعض عدم تطور واستايله مش ولا بد

فالواجب هدمه وتغييره الى ثقافات شعوب أخرى

واغلب السوق القديم هدوه في سوق واقف و بعد ادراكهم لشناعة اخطائهم
قاموا باستحداث بعض الممرات في السوق


في الأخير العمليه قائمه في طمس ماضينا الجميل

[حمد 2002]

كان فيه مطعم الطواش بسوق واقف ايش صار عليه ليش اختفى

بل الطواش مب ذاك الزود اكله ومب شيء :)

[نوار قطر]

الصراحه عمري مارحت كتارا وسوق واقف ولا اعرف شعندهم من مطاعم بس على ماسمعت انه في كتارا مطعم اسمه الوزار او شي جذي عندهم اكلات قطريه ...

بالنسبه لاخوي شموخ دائم فعلا مطعم الفنر في دبي يجننن كقعده وديكوور صج صج يحسسك انك قاعد في زمان لوول .. مممم صج ان اكله عاادي بس سمعته وديكوره وخدماتهم ولبسهم خلى الناس يتراكضوون عليه...

[دنيا حظوظ]

شكرا علردود

بس بالأول والأخير لو يستوي مييييت مطعم

غير امهات لول ماكو طباخ سنع

ههههههههههههههههههههههههههههه

عامل داييت وكل بالي في مواضيع الطباخ والاكل

[sweet qatar]

احنا محتاجين نطور في المطبخ القطري وتكون له خصوصية.. لأنه ضايع وسط الخليج..
والمطبخ الخليجي طايح سوقه عند الشامي..

ليش العالم كلها تطور مطابخها وأكلاتها واحنا بس ناكل اي شي يقدمونه لنا ..



أكلاتنا مافيها شي بسيطة ومغذية..
لكن طريقة الطبخ الحالية خلته أكثر دسامة ويقطر دهن..


يبيلنا مطعم يقدم نكهات قطرية.. مو بس أكل قطري.. شي مطور وراقي مب شعبي..
شوفوا سيدات قطر شلون تفننوا في تقديم الحلويات والأكلات الشعبية للحفلات والمناسبات..
ليش ما يكون في مطعم على نفس المستوى..؟؟


دنيا حظوظ..
موفق في الدايت ومشكور على الطرح..

[أم محمد 90]

ابي اروح مطعم الفنر :(

[حسن]

كان فيه مطعم الطواش بسوق واقف ايش صار عليه ليش اختفى

خلاص انتهي زمان الطواشه اللولو صاده كساد علمي بعد الغزو عليه

والله الاكلات القطريه لذيذه جدا وابرك من هل المطاعم المتواجده
فعلا فكره حلوه لو حد يتبناها ويسوي طباخ شغل عدل مهب ملغلغ

الله يازين اكلاتنا

وش رايك يانتصار تتبنين الفكره وانا بادعمك


نسخه للمكتب الهندسي الخاص

:telephone:


بونجور

[تحداني]

لو يخفون من هالزيت في الاكل .. ومثل ما قالت اختي " سويت " في طريقه الطبخ
كان لقينه الاقبال اضعافه .. بس ما احس ان المطابخ الشعبيه مهمله
انا في مطعمين بين فتره وفتره ابي اخذ هريس من عندهم
يقول لي مافي خلص :(



والله خاطري في هريس هالحزه