(( الى متى وأغطية المناهل مرتفعة كالجبال ))

[@north_star@]

السلام عليكم ورحمة الله وبركاته

بداية ما راح أتكلم عن الزحمة ولا ضيق أو تلف غالبية الشوارع
بل سأتكلم عن موضوع المناهل المعدنية بالشوارع والتي بالغالب تؤدي الي اتلاف السيارات والتسبب بالحوادث في بعض الاحيان فتجد غطاء المنهل مرتفع عن منسوب الشارع وذلك لحدوث هبوط كالوادي من حول المنهل وبروز المنهل كالجبل والادهي والامر توقف بعض السيارات فجأة لتفادي قوة الارتطام وفي بعض الاحيان الميل المفاجئ الى جانب السيارات الاخرى لتفادي المنهل مما يتسبب بالحوادث لا سمح الله ...

ونتمنى من الجهات المختصة (أول حرف من اسمها أشغال ) ان تقوم بعمل اللازم لتفادي مخاطر تلك المناهل على الناس وسياراتهم .

[عيون الدوحة]

هذي الظاهرة ماشفتها الا بقطر
اتوقع مورد المناهل هو السبب عدم جودتها ومش مواصفات قياسية

[@north_star@]

هذي الظاهرة ماشفتها الا بقطر
اتوقع مورد المناهل هو السبب عدم جودتها ومش مواصفات قياسية

مب الجودة اختي المشكله بالتركيب ولما يحطون الاسفلت حوله ما يرصون الحصى والرمل صح لانه ما شاء الله المقاولين والعمالة بروفيشينال

[اجرام]

ياكثرهم بشوارعنا واتحصل الشارع جديد بعد ٣ شهور تطلع فيه هالمشكله وللاسف كثير من الحوادث سببته خاصه الي يجيك لشيم يبي يوخر عنها لما يشوف السياره يرتبك وتصير المصيبه

[معماري قطري]

الكلام عن أغطية المناهيل يتشعب إلى حتى نوعيتها الرخيصة واللي من تدوسها السيارة تتلفت من كل جهة تقول شدعمت أو شدست وانا ما ادري، بسبب قرقعتها واهتزازها.

وبعدين الحلول الهندسية موجوده ومستخدمه حول العالم وأقربها دبي، لكن بيطلع وفد من أشغال بيحوطون العالم يدورون عن حلول وبيطلبون ميزانية ضخمة حتى يصلحون الخلل.

[GENIUS]

في الشارع الجديد بالقرب من مستشفى الوكرة الجديد كل اغطية المانهولات صايرة كالمطبات في الحارة اليمنى من الشارع والعجيب بأن هذا الشارع المتجه من المستشفى الجديد جنوبا به طريق خدمات موازي للطريق نفسه من بدايته الى نهايته فلماذا لم يتم تخطيط وهندسة الشارع بأن تكون المانهولات في الطريق الفرعي الموازي للطريق الرئيسي مع العلم بأن هذا الطريق لم يكمل سنتين من عمره .

[وحيد-الشوق]

كله من اشغال انا ساعات اشك ان الي عندهم مهندسين مع احترامي :)

[shadad]

مب الجودة اختي المشكله بالتركيب ولما يحطون الاسفلت حوله ما يرصون الحصى والرمل صح لانه ما شاء الله المقاولين والعمالة بروفيشينال

تسلم على الموضوع والرد يالغالي .

فعلا كلامك صحيح. وهاي سببه بالاغلب موضوع شيل وركب بسرعه. كلها اسبوع وتحصل المنهل هبط وتسمع صوت التواير فوق طاخ وطيخ. جانيبن السياره بعدها يقول سلام .

انا اقول هاي الكلام وانا امر عليهم كل يوم صوب دوار مدرسة خليفة الثانويه سابقا لانه ترقع بدري .

[khalid Qtr]

بصراحة شي غريب ومزعج

بالذات في الشوارع الداخلية

[@north_star@]

ياكثرهم بشوارعنا واتحصل الشارع جديد بعد 3 شهور تطلع فيه هالمشكله وللاسف كثير من الحوادث سببته خاصه الي يجيك لشيم يبي يوخر عنها لما يشوف السياره يرتبك وتصير المصيبه


الكلام عن أغطية المناهيل يتشعب إلى حتى نوعيتها الرخيصة واللي من تدوسها السيارة تتلفت من كل جهة تقول شدعمت أو شدست وانا ما ادري، بسبب قرقعتها واهتزازها.

وبعدين الحلول الهندسية موجوده ومستخدمه حول العالم وأقربها دبي، لكن بيطلع وفد من أشغال بيحوطون العالم يدورون عن حلول وبيطلبون ميزانية ضخمة حتى يصلحون الخلل.


في الشارع الجديد بالقرب من مستشفى الوكرة الجديد كل اغطية المانهولات صايرة كالمطبات في الحارة اليمنى من الشارع والعجيب بأن هذا الشارع المتجه من المستشفى الجديد جنوبا به طريق خدمات موازي للطريق نفسه من بدايته الى نهايته فلماذا لم يتم تخطيط وهندسة الشارع بأن تكون المانهولات في الطريق الفرعي الموازي للطريق الرئيسي مع العلم بأن هذا الطريق لم يكمل سنتين من عمره .


كله من اشغال انا ساعات اشك ان الي عندهم مهندسين مع احترامي :)


تسلم على الموضوع والرد يالغالي .

فعلا كلامك صحيح. وهاي سببه بالاغلب موضوع شيل وركب بسرعه. كلها اسبوع وتحصل المنهل هبط وتسمع صوت التواير فوق طاخ وطيخ. جانيبن السياره بعدها يقول سلام .

انا اقول هاي الكلام وانا امر عليهم كل يوم صوب دوار مدرسة خليفة الثانويه سابقا لانه ترقع بدري .


بصراحة شي غريب ومزعج

بالذات في الشوارع الداخلية

يعطيكم العافية جميعا وألف شكر على المرور والتفاعل مع الموضوع وأنا شخصيا صار عندي خلل مرتين بأذرعة التوازن للسيارة وغيري مئات من الناس

[Dana’1]

أساسا ما قد شفت في الأماكن الي زرتها منهالات بوسط الشوارع وإذا فية أشوفها على طرف الشارع يم الرصيف تقريبا...أؤ يمكن فية بالوسط ما إنتبهت لأن ماهي واضحة كلش!
إلا بقطر لاحظتها طبعا وأحجام وأشكال طبعا وفي نصف الشارع شي بارز...وشي يطلع نافورة ماء!

ما أظن فية أي حل..إلا في حالة يغيرون الشركات الي يتعاملون معها...ويشرف على هالمشارع ناس ثقة ولو تطلب الأمر مسؤليين كبار بالدولة عشان ممكن يخافون ويدرون إن واهم من يحاسبهم

والأفضل إنهم يبتدون يضبطون المدن المجاورة للدوحة إلي ما بعد تكتض بالناس،،،ويعملون حسابهم إنهم إذا عملوا أي مشروع لازنم تكون لهم رؤية مستقبلية لقدام...فيخلون الأمور بسعة بالمساحة لأي مشروع مستقبلي ..عشان ما يضطرون لإزالة البيوت أو المحلات ويخسرون أكثر

[الدوحة قطر]

هذا سبب رئيسي من الاسباب الي تخليني خلاص ما افكر اني اخذ موتر صالون ودايما انصح ربعي انهم ما يفكرون يشترون موتر صالون

والله ان امس ضارب منهول من قوة الضربة حسيت ان الرنق انعوى الحمدلله ان سيارتي كروزر

[naklan]

عندنا مشكله دائمة في جماعة التخطيط الفاشل والدولة ما تابوا منهم
كل اعتمادهم على ناس ماتفهم وفشلوا في كل المجالات وما زالو متعلقين فيهم :secret:
السالفه حلها بسيط المفروض اي خدمات تكون جنب الشارع او بين الشارعين مش
في وسطه حتى اذا صارت فيه مشكله او صيانه ما يضطرون يخربون الشارع
ويعطلون سير السيارات والمعروف عن منهولات الصرف التسريب وعمل
تجويفات داخل الارض ومن ثم تقع من ثقل السيارات وتعمل حوادث
بس وين الي يفهمون :( يبيلك بوراقاي يالنورثي :nice:

تحياتي يالذيب :)

[لاموشي]

لان بقائها يهذا الشكل يعني استمراريه دوران عجله شركات التجار والكباريه لصيانه

الشوارع وعملها بصوره جيده على مستوى سطح الارض يعني اغلاق جميع شركات

التجار ولو ان كل الشوارع في دولتنا تعمل بصوره جيده لعشرات السنين

ماكنا من ايام الثمانينات الى الان والشركات موجوده في شوارع الدوحه تغلق وتفتح

وتعمل وترصف وكل هذا بحسابه

انا اقول للحكومه لايتطلب الامر كل هذه السنوات لرصف جميع شوارع الدوحه

ايعقل من قريب ال 25 سنه وما نتهينا من جميع شوارع الدوحه اللي ماتجي ولا ربع

مساحه الرياض او طوكيو او تيويورك

[khaldoon]

يا جماعة السبب هو انه الدفان غير مدكوك بشكل جيد حول الاغطية و صار فيها هبوط ...و احيانا بيكون المنسوب اللي تم تركيب المانهول عليه بالاساس غلط خاصة مع ميول الشارع غير المحسوب و المأخوذ بالاعتبار بالشكل الصحيح و المهندس و المساح مهفي ....يعني ....حصل خير ...و كل واحد يصلح سيارته

[@north_star@]

أساسا ما قد شفت في الأماكن الي زرتها منهالات بوسط الشوارع وإذا فية أشوفها على طرف الشارع يم الرصيف تقريبا...أؤ يمكن فية بالوسط ما إنتبهت لأن ماهي واضحة كلش!
إلا بقطر لاحظتها طبعا وأحجام وأشكال طبعا وفي نصف الشارع شي بارز...وشي يطلع نافورة ماء!

ما أظن فية أي حل..إلا في حالة يغيرون الشركات الي يتعاملون معها...ويشرف على هالمشارع ناس ثقة ولو تطلب الأمر مسؤليين كبار بالدولة عشان ممكن يخافون ويدرون إن واهم من يحاسبهم

والأفضل إنهم يبتدون يضبطون المدن المجاورة للدوحة إلي ما بعد تكتض بالناس،،،ويعملون حسابهم إنهم إذا عملوا أي مشروع لازنم تكون لهم رؤية مستقبلية لقدام...فيخلون الأمور بسعة بالمساحة لأي مشروع مستقبلي ..عشان ما يضطرون لإزالة البيوت أو المحلات ويخسرون أكثر
هذا الشي صار معلم بالشوارع وللاسف تشوف حتى بعض الشوارع الجديد يكون فيها منسوب المناهيل مرتفع وما تشوفها الا بنص الشارع ... وشاكرلك مرورك اخوي


هذا سبب رئيسي من الاسباب الي تخليني خلاص ما افكر اني اخذ موتر صالون ودايما انصح ربعي انهم ما يفكرون يشترون موتر صالون

والله ان امس ضارب منهول من قوة الضربة حسيت ان الرنق انعوى الحمدلله ان سيارتي كروزر

الصالون بيطير من فوقها وتحس انه كل تاير راح بصوب وعلى قولتك من كثر المطبات والمناهل المزروعة احسن شي الفوروويل ويادوب بعد وشكرا على المرور اخوي



عندنا مشكله دائمة في جماعة التخطيط الفاشل والدولة ما تابوا منهم
كل اعتمادهم على ناس ماتفهم وفشلوا في كل المجالات وما زالو متعلقين فيهم :secret:
السالفه حلها بسيط المفروض اي خدمات تكون جنب الشارع او بين الشارعين مش
في وسطه حتى اذا صارت فيه مشكله او صيانه ما يضطرون يخربون الشارع
ويعطلون سير السيارات والمعروف عن منهولات الصرف التسريب وعمل
تجويفات داخل الارض ومن ثم تقع من ثقل السيارات وتعمل حوادث
بس وين الي يفهمون :( يبيلك بوراقاي يالنورثي :nice:

تحياتي يالذيب :)




اي والله صدقت اخوي نكلان والمأساة انهم يعتمدون على ناس مالهم خص بالسالفة والمهم ركب وخذ فلوس وأمشي وعقب فترة بسيطة تعال رقع .... والله المستعان

وربي يحييك يالذيب ويبيله بوراقاي على قولتك :victory:


لان بقائها يهذا الشكل يعني استمراريه دوران عجله شركات التجار والكباريه لصيانه

الشوارع وعملها بصوره جيده على مستوى سطح الارض يعني اغلاق جميع شركات

التجار ولو ان كل الشوارع في دولتنا تعمل بصوره جيده لعشرات السنين

ماكنا من ايام الثمانينات الى الان والشركات موجوده في شوارع الدوحه تغلق وتفتح

وتعمل وترصف وكل هذا بحسابه

انا اقول للحكومه لايتطلب الامر كل هذه السنوات لرصف جميع شوارع الدوحه

ايعقل من قريب ال 25 سنه وما نتهينا من جميع شوارع الدوحه اللي ماتجي ولا ربع

مساحه الرياض او طوكيو او تيويورك
فعلا بهالطريقة هو استمرارية لدوران عجلة المقاولين الفاشلين واسعدني مرورك اخوي

يا جماعة السبب هو انه الدفان غير مدكوك بشكل جيد حول الاغطية و صار فيها هبوط ...و احيانا بيكون المنسوب اللي تم تركيب المانهول عليه بالاساس غلط خاصة مع ميول الشارع غير المحسوب و المأخوذ بالاعتبار بالشكل الصحيح و المهندس و المساح مهفي ....يعني ....حصل خير ...و كل واحد يصلح سيارته

صحيح اخوي خلدون الدفان هو السبب الاساسى وعلى قولتك كل واحد يصلح سيارته ههههههههههههه :nice:

[السكين]

هالظاهرة بالفعل تتسبب بحوادث وأكبر مثال شوفوا الشارع الصغير الموازي للمطار ، بالتحديد ورا دي اتش إل من اول الفاميلي فود سنتر وسوبر ماركت الهند لين توصل الدي اتش ال من ورا بارزين بشكل غير طبيعي .

[@north_star@]

هالظاهرة بالفعل تتسبب بحوادث وأكبر مثال شوفوا الشارع الصغير الموازي للمطار ، بالتحديد ورا دي اتش إل من اول الفاميلي فود سنتر وسوبر ماركت الهند لين توصل الدي اتش ال من ورا بارزين بشكل غير طبيعي .

كلامك صحيح اخوي وللاسف هالشي بغالبية الشوارع الرئيسية والفرعية وشاكر مرورك

[تحداني]

يا جماعة السبب هو انه الدفان غير مدكوك بشكل جيد حول الاغطية و صار فيها هبوط ...و احيانا بيكون المنسوب اللي تم تركيب المانهول عليه بالاساس غلط خاصة مع ميول الشارع غير المحسوب و المأخوذ بالاعتبار بالشكل الصحيح و المهندس و المساح مهفي ....يعني ....حصل خير ...و كل واحد يصلح سيارته




كلام البشمهندس صحيح .. لان نفس التعليق سمعته من اخوي لما كان يناقش الوالد في هالقضيه الجهنميه .. وسبب فتح هالقضيه تواير سيارتي


جملكم الله برضاه

[تحداني]

صحيح اخوي خلدون الدفان هو السبب الاساسى وعلى قولتك كل واحد يصلح سيارته ههههههههههههه :nice:




كل مكان يقولون لنه كل واحد يصلح سيارته
لا سلمنه من شركات التأمين ولا من اخطاء البشر
:(

الحياه قاسيه جدا

[العنيده]

ياكثرها في الشوارع وعادي نلعب بلاي ستيشن حواليها شنسوي اذا سياراتنا صالون ..
يارب يحلون هالمشكله ويريحونا يارب ..

[أم نواري1]

الواحد لما يسمع بالميزانيات وأرقامها المهولة ويشوف مستوى الشغل بالشوارع
تجيه الضيقه والحرّة من ناس ضيعوا الأمانة

[khaldoon]

كلام البشمهندس صحيح .. لان نفس التعليق سمعته من اخوي لما كان يناقش الوالد في هالقضيه الجهنميه .. وسبب فتح هالقضيه تواير سيارتي


جملكم الله برضاه

والله يا تحداني الزمن انا ودي الفت انتباهك لموضوع التواير انه يجوز والله العليم واحد/ة مزنوق/ة بموقف سيارات و داعي/ة عليكي لا سمح الله لانك بتصفين سيارتك على موقفين علشان ما تتخمش....فكري بالموضوع

دا اقتراحي في الاضية الصراحه :rolleyes2:

[كازانوفا]

ايش يعني المناهل يا النورثي مش فاهمه حط صورة عشان استوعب الموضوع

[كازانوفا]

والله يا تحداني الزمن انا ودي الفت انتباهك لموضوع التواير انه يجوز والله العليم واحد/ة مزنوق/ة بموقف سيارات و داعي/ة عليكي لا سمح الله لانك بتصفين سيارتك على موقفين علشان ما تتخمش....فكري بالموضوع

دا اقتراحي في الاضية الصراحه :rolleyes2:

خلدووووووووون :omg:

مالك ياخوي ليش قلبت مصري :eek5:

ايش في :rolleyes2:

[قوت القلوب]

اللي يبي يسوي تست درايف فوق هالمنهولات عندك الشارع من اشارات المعموره وانت رايح على جسر التضامن ، والله كانك تلعب game !!

جان مايطيح فينا الجسر بس

ماتقول غير حسبنا الله ونعم الوكيل كم سنه والشارع خربان ومعتفس وواجهه فالبلد واشغال نايمه على اذنها ولا يحركون ساكن ! الشارع كله بواليع نرتفع وشقوق فالقار وانخفاضات!

[ام السعف]

كلمة مناهل ذكرتني في برنامج الاطفال المناهل مال ابو الحروف

عودة الى الموضوع :

كلامك صحيح واكثر من موضوع طرح بخصوص هالنقطة
لكن لأنها نقطة محد يعطيها ويه :(

[ام السعف]

ايش يعني المناهل يا النورثي مش فاهمه حط صورة عشان استوعب الموضوع

المنهول هو فتحة مجرى البواليع تكرمين يعني تلقين في كل بيت
اكثر من راس حديد حق اكثر من منهول ،،

وفي الشوارع تلقين هالمنهولات او المنهولين هيهيهي

بس ما ادري اذا جمعهم منهولات او مناهل ،،

[-العز-]

الله ييسر الامور

[@north_star@]

واحلى منهول

http://www.majaless.com/up/get-5-2013-i7q1cksx.jpg (http://www.majaless.com/up)

[كازانوفا]

اهااااا وانا عادي امشي عليهم بسيارتي :( الله يسترنا بالفعل هاي كارثه يسلمو على التوضيح