هروب القطريات من مهنه التدريس ،، راحو الطيبات ،،

[حمد 2002]

بسم الله الرحمن الرحيم

الموضوع يحمل المسمى التالي

هروب القطريات من مهنه التدريس ،، راحو الطيبات ،،

كانو الحريم قبل يتهاتفون ويتسابقون على مهنه التدريس ، وكانت من المهن المحببه لهم رغم التعب والمشقه الي ايواجهونا بالتدريس ، وكانت رواتبهم ماتعدى 7 الاف ريال !!!!


لكن بنات الجيل الحالي جيل الكيكرز :):( ، يهربون من مهنه التدريس ولا يفضلونها رغم الرواتب العاليه الي توصل 40 الف وفوق :) ، ابي اعرف السبب ليششششششششش يشردون ،،

وللأسف صارو ايفضلون الشغل المختلط على الشغل والعمل بمهنه التدريس !!!! :):)
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي لكم

[حسن]

يدورن الراحه يالبروفسيور

[غير البشر]

متابع من ورى الباب :unsure:

[حسن]

متابع من ورى الباب :unsure:

:whistling:

[حمد 2002]

يدورن الراحه يالبروفسيور

الراحه بالبيت :nice:

[حمد 2002]

متابع من ورى الباب :unsure:

:secret: فتح الباب وشارك

[نااادر]

بالفعل شيء غريب جداً


بعد ماكانت المهنه المفضلة مثل ما تفضلت

أتمنى دراسه الحاله وحل المشاكل (ان وجدت)

[حمد 2002]

بالفعل شيء غريب جداً


بعد ماكانت المهنه المفضلة مثل ما تفضلت

طيب اشلون انخليهم يرجعون للتدريس ؟ شالحل ؟

[حسن]

طيب اشلون انخليهم يرجعون للتدريس ؟ شالحل ؟

يفنشونهم من الوزارات

:victory:

[حمد 2002]

يفنشونهم من الوزارات

:victory:

وخصوصا البلديه والأوقاف :victory:

[حسن]

وخصوصا البلديه والأوقاف :victory:

هي بلديه وبس من الكل خلو الوزارات كانك جدام مدرسه ولا جامعه من يجيك المرواح ولا السيارات والخدامات تارسين الساحات
لا حول ولا قوه الا بالله

نسخه حق اعضاء المجلس البلدي الموقرين

:telephone:

[حمد 2002]

هي بلديه وبس من الكل خلو الوزارات كانك جدام مدرسه ولا جامعه من يجيك المرواح ولا السيارات والخدامات تارسين الساحات
لا حول ولا قوه الا بالله

نسخه حق اعضاء المجلس البلدي الموقرين

:telephone:

ياخوك تبيهم الحريم يتركون شغل الوزارات ايداومون من 7 ونص لين 12 ونص ، وشغلهم كله سوالف و اكل و لعب بالكمبيوتر وتالي اتحصلهم يرجعون البيت وعلى طوول رقااااد :rolleyes2:

نسخه حق اعضاء المجلس البلدي الموقرين

[لبيبة]

موضوعك يا أخوي حمد أحسن موضوع من بين مواضيعك المطروحة، أشكرك على هذا التقدم،


من بين الأسباب برأيي أن هناك أعباء إضافية تُكَلَّف بها المعلمة يتم انجازها خارج وقت العمل، كذلك يُطلب منها أن تقوم بعمل تقارير مستمرة ونشاطات اضافية وحضور لاجتماعات ودورات مستمرة ترهقها عن عملها الاصلي وهو التدريس، فوق ذلك تصرف من هذا الراتب على كل ما سبق، فأين الإغراء في راتب مرتفع يذهب هباء الرياح والمحصلة تتعب وتمرض؟

طرحت أسباب المشكلة، والآن سأقترح الحل المناسب في نظري:

- يتم تصنيف المعلمة في المرتبة الأولى في المدرسة، فهي العمود الفقري للمدرسة وبدون وجود كفاءة في التدريس لن تقوم للمدرسة قائمة، ويجب أن تشعر بهذه الأهمية من خلال الاحترام الشديد لها وتكريس مبادئ هذا الاحترام بصرة واضحة.
- لا تعمل المعلمة إلا في أوقات العمل، مثل أي موظف آخر له ساعات دوام محددة، وهذا هو حقها الطبيعي.
- تتم جميع الاجتماعات والدورات ضمن ساعات العمل، ولا يُطلب منها خارج أوقات الدوام أي نشاط آخر.
- تكلف أي إدارية أخرى بعمل التقارير وجميع الأوراق التي تأخذ من المعلمة وقتا وجهدا، بحيث تتفرغ للتدريس فقط.
- لا يتم الاتصال في المعلمة أو استدعائها خارج الدوام لأي سبب كان، فلديها بيت وأهل بيتها أحق بوقتها هذا.
- لا تضغط الإداريات على المعلمة ولا يتدخلن في تدريسها بأي شكل من الأشكال، ولا يتم الضغط عليها حتى تترك العمل، ويعتبر أي ضغط عليها كنوع من الاضطهاد في العمل يحق لها الشكوى عليهم ويتم التحقيق فيه بجدية.
- جميع المصاريف الإضافية التي تتكلف بها المعلمة عند عمل النشاطات المختلفة يتم صرفها من ميزانية المدرسة ولا تتحمل المعلمة شيئاً منها.
- يتم صرف بدل تنقل (ولا أعلم عن إذا ما كان يصرف لها من عدمه)، خصوصا لو طُلب منها دورات خارج المدرسة في وقت الدوام.
- يتم صرف بدل خطر وذلك لان مهنة التدريس قد تعرضها لبعض المخاطر المختلفة مثل التعرض للاصابات المختلفة او اي اعتداءات بالضرب قد تحدث لها (والحوادث تشهد بذلك) أو حرائق لا قدر الله وحفظهم جميعا كما حدث في حريق فيلاجيو.

ربما تكون هناك حلول إضافية، لكن هذا ما كتبته الآن، وقد أعود لأي إضافات أو تعقيب.

وشكرا لك.

[فارس بلا جواد]

انا ما الوم الاجانب اذا اشتغلو في مهنة التدريس

هم يتحملون المشقه والمذله والاهانات احيانا

ماعندهم مشاكل في العمل على فترتين

صباحاً ومساءً

ميتيين من الجوع يدوروون اللقمه

اذا حصلو ريال اخر الشهر قالو الحمدلله

الريال ما يفرطون فيه

هذي شغله

الشغله الثانيه الله يسلمك

الرفاهييه الي حصلو عليها الموظفات القطريات اللي يحفظ بناتنا وخواتنا يارب من كل شر

القطريه في بحبوحه من النعيم الله يزيدهم يارب ويطرح فيهم البركه

شلها بالتعب وعوار والراس

الفرق بين راتب التدريس وراتب الجهات الحكومية الاخرى قد يكون اقل بس راحة البال اهم شي

هذي وجهة نظري طبعا

[قطريه ماركه]

انا من المدرسات اللي تركوا مهنة التدريس و لله الحمد

تبي تعرف سبب العزوف

درس طلاب هالجيل اعدادي او ثانوي شهر واحد بس بعد ليش شهر اسبوع

و انت تعرف السبب

غير الطلبات اللي مالها داعي يعني سياسة التطفيش

ان شاء الله ترجع الامور مثل قبل و يردون القطريات للتدريس

لانه مافي احن على الطلاب من اهل البلاد

[الأصيلة]

بالفعل شيء غريب جداً


بعد ماكانت المهنه المفضلة مثل ما تفضلت

أتمنى دراسه الحاله وحل المشاكل (ان وجدت)

نعم كانت المفضلة..
1- لأن مافيه غيرها بديل
2- لأن المعلمات كانوا قنوعات ويدرسون بإخلاص
متناهي بدون مضايقات من مديرة أونائبة..
3- ماكان فيه تحكم من منسقة المواد في تقارير المعلمة..
4- كان الدوام مناسب جدا في أوقاته وماكان فيه توثيق ممل مثل الحين..
وكان .....وكان........وكان............الخ..

[روح الاطلس]

تبي تعرف ليش؟؟؟

عشان هالاختراع العجيب


" المجلس الاعلى للتعليم "



وصمة العار في جبين قطر :)

[^امـ نواري^]

مساء الخير ..

انا ياليت القى لي شغله غير التدريس ..

شوف اخوي بنات وحريم قبل غير الحين .. هالجيل دلع ورفاهيه .. وشلهم بعوار الراس والتعب والمذلة !!! حط تحتها خطين
وتدريس قبل غير غير وفرق السماء عن الارض .. في كل شي

وشغلة التدريس الحين مافيها مميزات .. غير الراتب !!
يعني لا ادارة ولا طبيعة عمل ولا طلاب يساعدونك على انك تبقى في هالمهنة ..

يعني والله نرجع البيت بحالة غير طبيعيه يرثى لها من الارهاق والتعب .. ومحاتاه لبكره وشلون بنكمل الشغل الباقي ..

غيرجذيه الضغط النفسي والعصبي والتوتر اللي يصيدنا ..
انا اللي مضايقني اكثر شي صوتي :) رااح
من كان حلو صار مبحوح وحالتي حاله

آخ ياقلبي حتى نسينا الدلع والنعومة .. لاتقلب علينا المواجع بسسسس

[R 7 A L]

نتمنى نشوف شي من وزارة العمل او الجهات المسئولة
في تحويل طالبات الوظائف الى المجلس الاعلى لانه بحاجتهم
وكذلك تقليض الوظائف النسائية في الوزارات وعدم استحداث اي وظيفة جديدة

[تغلبية]

إييييه .. الله يرحم .. كانت الوظيفة برستيج حدها ..:strong



اممممم ... العزوف سبب الهروب من ضغط العمل .. فبالتالي الحل تخفيف العمل عن كاهل المدرسة .. وزيادة الكادر الوظيفي ..

مادري .. كانوا ماشيين صح .. شاللي عفسهم؟؟؟!!!!؟؟؟ :rolleyes2:

[شميرام]

انا وحده منهم هههههه
بس قبل لتصير مستقله وخربوطه متخذه القرار من اول إعدادي لان شفت امي شلون تعبت صج شافت بعض اللي درستهم في اروقه المستشفى وصارو طبيبات يعني نتيجه عملها لكن ما فكرت أكون في ذي المجال لان في مسوليه انك تخرج جيل وانا اعترف مب قد ذي اب المسؤولة خاصه عندي أخطا إملائية دسلكسيا شلون بدرس!!! وشفت تجربه المستقلة ماساه وغير الجيل الجديد الله يهدهم
أما تخصصي خارج نطاق التدريس
عندي اقتراح في بنات متخرجين ثانوي وعنده حافز لتدريس لو يسون لهم دبلوم ويسمحون لهم يدرسون ابتدائي زين لان الجامعه بتطردهم ،،،الجامعه يبون يخرجون عباقره نفس اين شتاين ويكملون دراستهم العليا مادري وين مايبون يخرجون مدرسات

[لاجل QT]

لا.. غير صحيح

قبل الزيادة في ناس اطلعت من المدارس

وبعد الزيادة بيموتون يرجعون المستقلة..شوف عينى

يقولون الفرق المادي كبير جدا

[شيخ الديرة]

لو تعرف عدد المعلمات اللي ياخذون دواء ضد الكآبة، ما كان سألت عن السبب.

مدراء المجلس الأعلى لا يعطون أي إحترام للمعلمة، وأحياناً قد يتصوروهم شغالات في مدارسهم كما هم الشغالات في بيوتهم، بس سوي هاي وسوي ذيچ...
ناهيك عن صعوبة الإجازات في المدارس
والمعلمة اليوم تشتغل بالبيت ما لم تستطيع اتمامه في المدرسة، لأن عدد الحصص كثيرة جداً

[qatara]

خبيص وعصيد وبلاليط
ورواتب قد تكون اقوى من رواتب ازواجهم
يهتمون باولاد الغير واولادهم بايدي الخدم
فلحنا والله المستعان

[قطريه22]

1- السبب تحول نظام المدارس الى المستقله.

2- زياده اوقات العمل والضغط على المدرسات من حيث الورش التدريبيه الي تكون لغاية الساعه 8 مساءً.

3- اعطاء الصلاحيه للمديره والمنسقه والتحكم في طريقة عمل المدرسه .

4- ظلم المدرسات من ناحية تقييمهم والسبب شخصي يكون (( يعني المديره ماتداني هالمدرسه خلاص بتقيمها سئ)).

5- للمديره الصلاحيه في ايقاف المدرسه وانهاء عقدها بدون اي سبب والمجلس الاعلى مجرد متفرج.

وفي الاخير (( الحمدلله يارب اني ماصرت لامدرسه ولااشتغل في مجال التدريس))..

الاختلاط ياخوي حمد حتى في المدارس موجود المدارس ماصارت نفس قبل،، روح المدارس النموذجيه وشوف الي في صف خامس وسادس شنبه طالع ومدرسته وحده))
والسبب المجلس الاعلى للتعليم للاسف مايستاهلون هالاسم..

[نوار قطر]

اصبحنا واصبح الملك لله

اول شي شدراك ياحمد انهم طلعو من التدريس عشان يدورون الشغل المختلط.؟؟؟؟ ليش تظن في الناس ظن السوء وتحط في ذمتك... مب يمكن تعبت من التدريس والتحضير والحين طالعين طلعه بسالفة الملف المهني.. مب يمكن التدريس وورش العمل والدورات ماخذين المره من بيتها وعيالها .. مب انتو يالرياييل اتطالبوون ان المره تلتفت حق بيتها وعيالها وريلها وتهتم فيهم .. الحين يوم طلعت وتفرغت حق بيتها وصاار دوامها اسهل وعقب الدوام مافيه شي تحاتيه من تحضير وغيره قلت تبي تشتغل في مكان خلط ؟؟؟ خاااافوووو ربكم ولا تحطون في ذمتكم ... وبعدين ترى في وااايد من الوزارات فيها اقساااام خاصه بالحريم ولا ريحة الريال يوطوط عندهم .... اتقوووو الله في الحريم :)

[نوار قطر]

وخصوصا البلديه والأوقاف :victory:

ليش ياحمد ليكون انت الي تعطيهم رواتبهم... وبعدين الاوقااااف بالذااات اقسااام الحريم شكثر وانت الي قايل ان في وزارات في الدوله واايد فيها اماكن خاصة بالحريم وبالذااات الاوقااف الحين يوم راحو الحريم هناك قلت فنشووهم ... تناااقض كل هالدنيا تناقض:whistling:

[أم محمد 90]

اصبحنا واصبح الملك لله

اول شي شدراك ياحمد انهم طلعو من التدريس عشان يدورون الشغل المختلط.؟؟؟؟ ليش تظن في الناس ظن السوء وتحط في ذمتك... مب يمكن تعبت من التدريس والتحضير والحين طالعين طلعه بسالفة الملف المهني.. مب يمكن التدريس وورش العمل والدورات ماخذين المره من بيتها وعيالها .. مب انتو يالرياييل اتطالبوون ان المره تلتفت حق بيتها وعيالها وريلها وتهتم فيهم .. الحين يوم طلعت وتفرغت حق بيتها وصاار دوامها اسهل وعقب الدوام مافيه شي تحاتيه من تحضير وغيره قلت تبي تشتغل في مكان خلط ؟؟؟ خاااافوووو ربكم ولا تحطون في ذمتكم ... وبعدين ترى في وااايد من الوزارات فيها اقساااام خاصه بالحريم ولا ريحة الريال يوطوط عندهم .... اتقوووو الله في الحريم :)

كفــو عليـج يا بنت الخال :shy:

[العنيده]

من قال ندور الراحه ..

انا من اللي طلعوا ومستعده ارجع بس يرجعون شي من النظام القديم ماطالبنا بكل شي اقلها نشتغل براحه ..
لاتقدير وضغط وكل مااشتكينا قالوا رواتبكم عاليه صحيح الحمدلله بس الراحه بعد مهمه ..
نرجع متاخر الحياه الاجتماعيه معدومه .. ننجز بدون حتى كلمة شكرا ,,

وشكرا

[الـخـالـدي]

الله يرحم الطيبات الاول هههه

[نوار قطر]

كفــو عليـج يا بنت الخال :shy:

:nice:

[دااانة قطر]

انا من المدرسات اللي تركوا مهنة التدريس و لله الحمد
تبي تعرف سبب العزوف
درس طلاب هالجيل اعدادي او ثانوي شهر واحد بس بعد ليش شهر اسبوع
و انت تعرف السبب
غير الطلبات اللي مالها داعي يعني سياسة التطفيش
ان شاء الله ترجع الامور مثل قبل و يردون القطريات للتدريس
لانه مافي احن على الطلاب من اهل البلاد



اتفق معااج
انا حضرت كذا حضة معاايشه انصدمت شلون المدرسة ماسكه نفسها ما عندها غير التأفف ومحترمة وجود الأمهات والبناات ولا كأن في ضيوف في الصف الضحك الجاانبي والتعليقات


غير الألفااظ اللي ينقلونها لي بنااتي فلاانه قاالت فلاانه صرخت فلاانه وفلاانه جيل ضاايع عنده الاحتراام والسلوك سيء
الله يرحم اياام الفااضله زليخه النعمه
انا كاان حلم حيااتي اكون مدرسة ولظروف خااصة ماكملت لكن اليوم أحمد ربي واقول لو يعطوني 100.000 ماكملت هالمجاال

كلن يربي عياااله ويسنعهم قبل

[وليف قطر]

-





والله فيه مدرسات حببوني في أمور واجده
اذكر تفاصيل وادعي لهم كل ماطروا علي


بس .. كان جيلهم غير
كانوا يحترقون على مستوى الطالب ودرجاته
غير علاقتهم بالأم والتواصل معاها ..




اما الحين .. اذا ماصورت شي جديد في الانستقرام
اعرف انها لابسه شي مال امس .. ولا المود كلشش


وكاتبه في البي بي ( لين متى دوام .. أفففف ) :( ..
طبعا هالنوع مجبور على التدريس .. لآن مب لاقي البديل

أما الفئه الثانيه .. هي اللي فضلت اي دوام .. حتى لو في كروه
ولا تدرّسس .. شلّة ( قتيعه ) :looking:




لا تلومونهم .. الموضه تفرض عليهم برستيج معيّن مايتوافق مع التدريس .

[قطرية كشخه]

الحريم وايد قاهرينك :tease: الله يعينك ان شاءالله

اختي نوار كفت ووفت بردها بس بضيف نقطه يمكن ما تعرفها :victory:

لعلمك الاختلاط في المستقله موجووووود ، انا وحده كنت اعاني من دخله الرياييل علينا فجاه بدون سابق انذار شوف لأي درجه وهالشي اللي فعلا ضايقنا " كقطريات " في المدارس المستقله غير باقي الضغوطات الثانيه ، واوقات الدوام والثأثير على عيالنا وبيوتنا !

ياريتك ما فتحت هالموضوع لانك ما تعرف عنه شي :nice:

[دلال قطر]

... بعض الاعضاء اللي قالو خل يقللون فرص توظيف القطريات في الوزارات

" على كيفكم ؟ " :)
اشوه ان القرارات مب بيدكم

انا مدرسة
والحمدلله ماامدح نفسي بس والله على الكرف اللي اكرفه وطبيعة عملي اللي شيلتني هم
بس الحمدلله عمري ما قعدت وعطيت الطلاب درس اي كلام
كله عشان الراتب يتبارك وأحلله
بعد الواحد مايرضى على نفسه ياخذ راتب اكثر من تعبه بواجد ...

شي ثاني انتو شفتو نسبة الاساتذة القطريين في مجال التدريس؟؟ تكاد تكون معدومة
واكثر اللي يدرسون الطلاّب أجانب .. ومدارس البنين الابتدائية أغلبها مدرسات
ليش ؟؟؟؟؟؟؟؟




تبي تعرف ليش؟؟؟

عشان هالاختراع العجيب


" المجلس الاعلى للتعليم "



وصمة العار في جبين قطر :)


بالضـــــــــبط

[المتفرج]

اهم اساسيات العمل هو الترغيب فيه

قبل الترهيب وقد يكون هناك اسباب لا يعلمها الا المعلمه نفسها

فهذه الاسئله لا يجيب عليها الا اصحاب التدريس


سلام عليكم

[حسن]

البعض يلقي اللوم على مهنه التدريس انها مشقه
ياخوان وياخوات الحياه بكبرها مشقه
هل احنا خلقنا عبث

وينكم عن

قم للمعلم ووفيه التبجيلا ..كاد المعلم يصبح رسولا
الموضوع اكبر من كذا
هذا واجب وطني كلى كل مواطن مخلص
الى متى ونحن نستعين بالغير ونقعد نتذمر
والبعض يقول انت مااشتغلت في التدريس عجل وشلون الجانب مستحملينها
يعني هذا يؤكد على عدم جديه هذه المهنه لدينا وتفضيل الراحه على حساب الوطن والاجيال

الله المستعان


بونجور

[قطريه ماركه]

قم للمعلم ووفيه التبجيلا ..كاد المعلم يصبح رسولا

هالبيت من الشعر لازم الطالب يستوعبه مب المعلم !!!

[حسن]

قم للمعلم ووفيه التبجيلا ..كاد المعلم يصبح رسولا

هالبيت من الشعر لازم الطالب يستوعبه مب المعلم !!!

الطالب متلقى من المعلم

فالاجدى ان المعلم هو الذي يستوعب البيت اولا

:)

بونجور

[أم محمد 90]

اتفق معااج
انا حضرت كذا حضة معاايشه انصدمت شلون المدرسة ماسكه نفسها ما عندها غير التأفف ومحترمة وجود الأمهات والبناات ولا كأن في ضيوف في الصف الضحك الجاانبي والتعليقات


غير الألفااظ اللي ينقلونها لي بنااتي فلاانه قاالت فلاانه صرخت فلاانه وفلاانه جيل ضاايع عنده الاحتراام والسلوك سيء
الله يرحم اياام الفااضله زليخه النعمه
انا كاان حلم حيااتي اكون مدرسة ولظروف خااصة ماكملت لكن اليوم أحمد ربي واقول لو يعطوني 100.000 ماكملت هالمجاال



كلن يربي عياااله ويسنعهم قبل

اي والله اسمها لحاله يجيب لي قشعريرة
بس صج كانت تربي

[حسن]

اي والله اسمها لحاله يجيب لي قشعريرة
بس صج كانت تربي

وضيفي عليها امنه محمود

الله يرحم من عاش ومن توفى


بونجور

[نوار قطر]

اي والله اسمها لحاله يجيب لي قشعريرة
بس صج كانت تربي

زليخه النعمه للحين مسويه رعب للطالبات ومسنعتهم تسنع ..

[رمح الضعاين]

بسم الله الرحمن الرحيم

الموضوع يحمل المسمى التالي

هروب القطريات من مهنه التدريس ،، راحو الطيبات ،،
لكن بنات الجيل الحالي جيل الكيكرز :):( ، يهربون من مهنه التدريس ولا يفضلونها رغم الرواتب العاليه الي توصل 40 الف وفوق :) ، ابي اعرف السبب ليششششششششش يشردون ،،

وللأسف صارو ايفضلون الشغل المختلط على الشغل والعمل بمهنه التدريس !!!! :):)
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي لكم

لاترمي المحصنات الغافلات بأسباب واهيه لم تعيش وتتعايش (انت ) مع مهنه التدريس

ليس هروبا يا سيدي من اجل الاختلاط بل من أجل (راحة البال والارتياح النفسي بكل انواعه )


انا اعرف موظفه كانت مدرسه وممتازه راتبها بالتدريس قد يصل لــ 60 الف خرجت من أجل (راحة البال ) وليس بحثا" عن اماكن الاختلاط والصياعه - وعملت بوظيفه اخرى راتبها لا يتعدى ال 35 الف


يجب ان ننظر لخروجهم من جميع الجوانب ولا ننظر من عين واحده


كان الله في عون الجميع


اخوكم

[قطريه ماركه]

الطالب متلقى من المعلم

فالاجدى ان المعلم هو الذي يستوعب البيت اولا

:)

بونجور

و نسيت اقول البيت فيه أخطاء
قم للمعلم وفه التبجيلا كاد المعلم أن يكون رسولا
واضح انه الشاعر أحمد شوقي كان يخاطب الطالب ف بدأ البيت
بفعل الأمر قم و أكمل باقي الأبيات
و نجي احنا بعده بعشرات السنين و نعكس الآية بس على هوانا !!

شكلها مهنة التدريس عاجبتكم يلا ابتدوا فيها ليش المدارس مافيها
معلميين قطريين !!

و بعدين أي عمل شريف بيكون في خدمة الوطن
و العمل عبادة

اوروفوار

[حسن]

و نسيت اقول البيت فيه أخطاء
قم للمعلم وفه التبجيلا كاد المعلم أن يكون رسولا
واضح انه الشاعر أحمد شوقي كان يخاطب الطالب ف بدأ البيت
بفعل الأمر قم و أكمل باقي الأبيات
و نجي احنا بعده بعشرات السنين و نعكس الآية بس على هوانا !!

شكلها مهنة التدريس عاجبتكم يلا ابتدوا فيها ليش المدارس مافيها
معلميين قطريين !!

و بعدين أي عمل شريف بيكون في خدمة الوطن
و العمل عبادة

اوروفوار

المهم المعني وصل وتركي البيت عنك

مشكلتي مااصلح ادرس لاني صفاتي مهب صفات معلم

صفاتي صفات قائد ميداني حربي ميداني
جيشي فورمن عمال مقاول تنديل
نوخذه طواش موجهه علوم اما مدرس
ليش قلت الوظايف وشلي بعوار الراس

صح يارجال

بونجور

[نوار قطر]

البعض يلقي اللوم على مهنه التدريس انها مشقه
ياخوان وياخوات الحياه بكبرها مشقه
هل احنا خلقنا عبث

وينكم عن

قم للمعلم ووفيه التبجيلا ..كاد المعلم يصبح رسولا
الموضوع اكبر من كذا
هذا واجب وطني كلى كل مواطن مخلص
الى متى ونحن نستعين بالغير ونقعد نتذمر
والبعض يقول انت مااشتغلت في التدريس عجل وشلون الجانب مستحملينها
يعني هذا يؤكد على عدم جديه هذه المهنه لدينا وتفضيل الراحه على حساب الوطن والاجيال

الله المستعان


بونجور

لا ياحسن التدريس مهنه شااااقه لابعد الحدووود لاتقول الدنيا كلها شقى.. صح الحياه شقى بس مب بكيفنا اما التدريس بكيف الوحده واختيارها.. انتو ماتعرفون شي عن الي تشوفه الوحده في التدريس .. يااخي كفايه انها تشيل مسؤولية جيل كااامل ... مسؤوله عنه قدام رب العالمين قبل لاتكون مسؤوله عنه قدام مديرتها.. كفايه انها تستحمل رزالة الطالبات وطوولة لسانهم ... ولاتنسوون ان بنات هالايام غير عن ايامنا احنا..وبعدين في نقطه مهمه ترى مب الكل يقدر يتحمل التدريس .. التدريس حاله حال اي وظيفه ثانيه في منهم الي يقدر يستحمل وفي الي مايقدر .. الانسان طاااقه ... وارجع واقول كفااايه انها هااامله بيتها وعيااالها .. تحضير , تنسيق.,, مشاريع,, ورش عمل,, دورات... طبعا المدرسة تاخذ شغلها معاها البيت عشان تكمله.. الداد يارب العباد

[حسن]

لا ياحسن التدريس مهنه شااااقه لابعد الحدووود لاتقول الدنيا كلها شقى.. صح الحياه شقى بس مب بكيفنا اما التدريس بكيف الوحده واختيارها.. انتو ماتعرفون شي عن الي تشوفه الوحده في التدريس .. يااخي كفايه انها تشيل مسؤولية جيل كااامل ... مسؤوله عنه قدام رب العالمين قبل لاتكون مسؤوله عنه قدام مديرتها.. كفايه انها تستحمل رزالة الطالبات وطوولة لسانهم ... ولاتنسوون ان بنات هالايام غير عن ايامنا احنا..وبعدين في نقطه مهمه ترى مب الكل يقدر يتحمل التدريس .. التدريس حاله حال اي وظيفه ثانيه في منهم الي يقدر يستحمل وفي الي مايقدر .. الانسان طاااقه ... وارجع واقول كفااايه انها هااامله بيتها وعيااالها .. تحضير , تنسيق.,, مشاريع,, ورش عمل,, دورات... طبعا المدرسة تاخذ شغلها معاها البيت عشان تكمله.. الداد يارب العباد

يااخت نوار

اختي مدرسه اكثر من عشرين سنه والى الان تدرس صحيح هناك شكاوي وتعب لكن هذه المهنه عظيمه هل قطر قامو يتهربون من الكثير من الوظائف وهذه مانلاحظه واحيانا ينظرون لها انها عيب
موضوع السلوك هذا موضوع اخر له ناس مختصه فيه وفعلا الحين الوضع اتعب اتفق معاك لكن احس انها واجبه والدوله ماقصرت رفعت الرواتب لهم ولتقدير دورهم
هناك تقصير يمكن من الوزاره هناك اهمال في التربيه من قبل الامهات وهذا نتفق عليه
وهناك قله رجال الكثير منهم خشب مسنده اتفق في ذالك

التربيه من البيت وليس مسؤليه المدارس الحين الكل متعلم من الاب والام ليش هم مهملين الحمدلله ماعمري سمعت شكوى من عيالي الا التوفق وقمه الادب
البيت البيت البيت
هو المسؤل عن اخلاقيات الابناء

انا مانكر ان الوزاره يجب انها تدرس الوضع ومش بس التربيه هناك جهات كثيره في عزوف عن وظايفها

لابد لليل ان ينجلي .. ولابد ان يستجيب القدر

بونجور

[نوار قطر]

يااخت نوار

اختي مدرسه اكثر من عشرين سنه والى الان تدرس صحيح هناك شكاوي وتعب لكن هذه المهنه عظيمه هل قطر قامو يتهربون من الكثير من الوظائف وهذه مانلاحظه واحيانا ينظرون لها انها عيب
موضوع السلوك هذا موضوع اخر له ناس مختصه فيه وفعلا الحين الوضع اتعب اتفق معاك لكن احس انها واجبه والدوله ماقصرت رفعت الرواتب لهم ولتقدير دورهم
هناك تقصير يمكن من الوزاره هناك اهمال في التربيه من قبل الامهات وهذا نتفق عليه
وهناك قله رجال الكثير منهم خشب مسنده اتفق في ذالك

التربيه من البيت وليس مسؤليه المدارس الحين الكل متعلم من الاب والام ليش هم مهملين الحمدلله ماعمري سمعت شكوى من عيالي الا التوفق وقمه الادب
البيت البيت البيت
هو المسؤل عن اخلاقيات الابناء

انا مانكر ان الوزاره يجب انها تدرس الوضع ومش بس التربيه هناك جهات كثيره في عزوف عن وظايفها

لابد لليل ان ينجلي .. ولابد ان يستجيب القدر

بونجور

مرت اخوي مدرسة تخصصها حاسب والله ان اتيها ايام ماتدخل بيتها الا الساعه 8 فالليل زين من بيشووف عيالها .. من بيقوم في ريلها وبيتها... بيتها ابدى من انها اتم برع بيتها لين الليل ,, وانت قلتها فيه شكاوي.. واذا جينا للصج ياحسن العمل عباده وكل شغله الواحد يشتغل فيها ويخدم فيها بلاده سواء مدرس او غيره.. وموضوع العيال ,, لاتقارن تربيتك في تربية ناس غيرك.. انا وانت وفلان وفلان ,, ربينا عيالنا احسن تربيه والكل يشهد بهالشي .. انت تقدر تخلي كل الناس مثلك ومثلي؟؟ لا طبعا .. ولاتنسى ان الطالب والمدرس يقعدون في المدرسة حوالي ال7 ساعات تقريبا .. يعني مب شي بسيط ... زين نسبة الطالبات المؤدبات بالنسبه للطالبات الملسونات كم فالميه؟؟ وبعدين ليش المجلس الاعلى رفع رواتب المدرسين والمدرسات... مب عشان سواد عيوونهم لااا , لانهم عارفين بالشقى والغثى الي بيصيدهم .. والله لو هم محصلين الراحه ماطلعوو ... محد بيعاف راتب 50 الف وبيروح عشان ياخذ راتب اقل الا وذااق الويل..

[قطريه ماركه]

المهم المعني وصل وتركي البيت عنك

مشكلتي مااصلح ادرس لاني صفاتي مهب صفات معلم

صفاتي صفات قائد ميداني حربي ميداني
جيشي فورمن عمال مقاول تنديل
نوخذه طواش موجهه علوم اما مدرس
ليش قلت الوظايف وشلي بعوار الراس

صح يارجال

بونجور
هههههههههااااااااي الله يعينك !!!

[نوار قطر]

المهم المعني وصل وتركي البيت عنك

مشكلتي مااصلح ادرس لاني صفاتي مهب صفات معلم

صفاتي صفات قائد ميداني حربي ميداني
جيشي فورمن عمال مقاول تنديل
نوخذه طواش موجهه علوم اما مدرس
ليش قلت الوظايف وشلي بعوار الراس

صح يارجال

بونجور

ايواااا صــــوح :rolleyes2:

[Right]

مهنة التدريس أصبحت عامل طرد



أكثر من ذلك أن من ينتسب لهذه المهنة .. يوصف بالمسكين !!!

[العلم]

لاترمي المحصنات الغافلات بأسباب واهيه لم تعيش وتتعايش (انت ) مع مهنه التدريس

ليس هروبا يا سيدي من اجل الاختلاط بل من أجل (راحة البال والارتياح النفسي بكل انواعه )


انا اعرف موظفه كانت مدرسه وممتازه راتبها بالتدريس قد يصل لــ 60 الف خرجت من أجل (راحة البال ) وليس بحثا" عن اماكن الاختلاط والصياعه - وعملت بوظيفه اخرى راتبها لا يتعدى ال 35 الف


يجب ان ننظر لخروجهم من جميع الجوانب ولا ننظر من عين واحده


كان الله في عون الجميع


اخوكم

يصل 60 الف :eek5:

الله يبارك لهم .. بس هل فعلا فيه مدرسات بهذي الرواتب ؟؟

*

[هارودز]

على حساب مزاج المديرة كيف تعامل المعلمات و الاداريات بعض المديرات تعرف الاصول و الاخلاق
والبعض منهم معاملتهم عليها علامة استفهام ؟؟؟ و البعض يشتكي من ضغط العمل

[مشاكل]

الوضع الحالي يذكرني بأيام الثمانينات وعزوف القطريين عن مهنة التدريس وعودتهم بعد ذلك وبقوة في نهاية الثمانينيات والتسعينيات الى مهنة التدريس وبكثافه عالية
خل يستوي تضخم في الوظايف الاخرى وسوف ترى القطريين يتهافتون على مهنة التدريس
يعني مسألة وقت والمياه بإذن الله ترجع الى مجاريها

[هارودز]

الله يعينهم

[نوار قطر]

حمد وينك مالك حس خليت القرعه ترعى ورحت

[مشاكل]

حمد وينك مالك حس خليت القرعه ترعى ورحت

انه الهدوء اللي يسبق العاصفة :vampire:
الله يستر ،،،
شكله بكره بينزل درزن مواضيع عن الحريم :p

[نوار قطر]

انه الهدوء اللي يسبق العاصفة :vampire:
الله يستر ،،،
شكله بكره بينزل درزن مواضيع عن الحريم :p
اي تصدق ان اول ما ادخل المنتدى اطل في الحوار العام اشوف واتطمن على تهبيبات حمد بس ولا يهمك ياخوي احنا معشر النساء نقول له : وراك وراك وراك مطرح ماتروح وراك :whistling:

[العلم]

حمد وينك مالك حس خليت القرعه ترعى ورحت

راحوا الطيبين ..:weeping:

[نوار قطر]

راحوا الطيبين ..:weeping:

لا ماراحوووو :omg: بس اي طيبين الي تقصدهم :shy:

[حسن]

مرت اخوي مدرسة تخصصها حاسب والله ان اتيها ايام ماتدخل بيتها الا الساعه 8 فالليل زين من بيشووف عيالها .. من بيقوم في ريلها وبيتها... بيتها ابدى من انها اتم برع بيتها لين الليل ,, وانت قلتها فيه شكاوي.. واذا جينا للصج ياحسن العمل عباده وكل شغله الواحد يشتغل فيها ويخدم فيها بلاده سواء مدرس او غيره.. وموضوع العيال ,, لاتقارن تربيتك في تربية ناس غيرك.. انا وانت وفلان وفلان ,, ربينا عيالنا احسن تربيه والكل يشهد بهالشي .. انت تقدر تخلي كل الناس مثلك ومثلي؟؟ لا طبعا .. ولاتنسى ان الطالب والمدرس يقعدون في المدرسة حوالي ال7 ساعات تقريبا .. يعني مب شي بسيط ... زين نسبة الطالبات المؤدبات بالنسبه للطالبات الملسونات كم فالميه؟؟ وبعدين ليش المجلس الاعلى رفع رواتب المدرسين والمدرسات... مب عشان سواد عيوونهم لااا , لانهم عارفين بالشقى والغثى الي بيصيدهم .. والله لو هم محصلين الراحه ماطلعوو ... محد بيعاف راتب 50 الف وبيروح عشان ياخذ راتب اقل الا وذااق الويل..

راجع

:victory:

[شبح الصمت]

بتهربوا ليه ومالوا التدريس زي الفللللل

[العلم]

لا ماراحوووو :omg: بس اي طيبين الي تقصدهم :shy:

حمد والشلة ..:shy:

[نوار قطر]

حمد والشلة ..:shy:

تم القاء القبض عليهم وترحيلهم الى سقن الاناطر :secret:

[نوار قطر]

بتهربوا ليه ومالوا التدريس زي الفللللل

مافيه شي ياشبح بس فيه ناس ماتستحمل الضغط الي يكون عليها ،،،:victory:

[مسك روز]

اللي يده في الماي مب مثل اللي يده في النار !
انا وحده من اللي طلعوا او اشردوا من التدريس
وماراح اذكر الاسباب لان خواتي ماقصروا في ذكر المشاكل والضغوط اللي خلتنا نطلع ..

الكل استغرب يوم طلعت ، يقولون الحين تطلعين يوم زادوا الرواتب !!
انا راحتي النفسيه والبدنيه والعقليه اهم من الراتب لو يوصل 100 الف :anger1:

اختي نوار قطر : ماقصرتي قلتي اللي بقلبي وزياده

عيل نكرف من 7 الصبح لين 2 غير الورش اللي اتم لين 6 المغرب !! اعنبو مايسوى علينا هالراتب حللتوا ابوه :rolleyes2:

[مسمس12]

يلغون المدارس المستقله ونروح للتدريس

[نوار قطر]

اللي يده في الماي مب مثل اللي يده في النار !
انا وحده من اللي طلعوا او اشردوا من التدريس
وماراح اذكر الاسباب لان خواتي ماقصروا في ذكر المشاكل والضغوط اللي خلتنا نطلع ..

الكل استغرب يوم طلعت ، يقولون الحين تطلعين يوم زادوا الرواتب !!
انا راحتي النفسيه والبدنيه والعقليه اهم من الراتب لو يوصل 100 الف :anger1:

اختي نوار قطر : ماقصرتي قلتي اللي بقلبي وزياده

عيل نكرف من 7 الصبح لين 2 غير الورش اللي اتم لين 6 المغرب !! اعنبو مايسوى علينا هالراتب حللتوا ابوه :rolleyes2:

فديتج ما سويت الا الواجب وحاضرين للطيبين وللامانه انا ماقلت الا الحق ،،، انا مب مدرسه بس جربت التدريس ايام التربيه العمليه وعقب التخرج قررت ان ماادخل مجال التدريس ،،لاني شفت الغثى والتحضير والوسائل التعليميه هالاشياء تاخذ من وقت الوحده ،وكان حزتها المدارس العاديه لا مستقله ولا غيره شلون الحين مع الي صاير فيهم ، ذي غير المعاناه الي كنت اشوفها عند اختي لين طلعت من التدريس لاهمها راتب ولا غيره اهم شي راحتها وراحة بيتها وريلها وعيالها ،،

[Right]

حمد وينك مالك حس خليت القرعه ترعى ورحت





شدعوة عزبة :nice:

[دانة الطواش]

اخوي حمد عقب كل هالشكاوي من المدرسات على المجلس الأعلى وماعرفتوا السبب في ترك مهنة التدريس !!!!!!!!!!
بصفتي مدرسة راح اختصر الأسباب في
1- تسلط مديرات بعض المدارس وتحويل مدارسهم الى معتقلات سياسية
2- اختفاء التربية التي كانت تسبق التعليم ( التربية والتعليم ) واصبح الطالب او الطالبة تتهجم على المدرسة ودائما المدرسة على خطأ ، بالعربي إهانة المدرس والتقليل من كرامته
3-الطلبات التي ليس لها بداية ولا نهاية من قبل المجلس وإدارة المدرسة وكأن المدرس رجل الي بدون إحساس وعلاقات
4- سياسة التعليم الحالي والتي هدفها إنجاح الطلبة بإي اسلوب ؟؟؟؟؟
5- عدم وجود من ينصف المعلم اذا وقع عليه الظلم من إدارة المدرسة
اتمنى ان اكون قد افهمتك ببعض الأسباب

[نوار قطر]

شدعوة عزبة :nice:





هههههههه لا مااقصد محشووومين بس لانه نزل الموضوع وماشفته مرتن اوخرى ،،، كتبتها بالحركات اللفظيه شتبي بعد :nice:

[حمد 2002]

موضوعك يا أخوي حمد أحسن موضوع من بين مواضيعك المطروحة، أشكرك على هذا التقدم،


من بين الأسباب برأيي أن هناك أعباء إضافية تُكَلَّف بها المعلمة يتم انجازها خارج وقت العمل، كذلك يُطلب منها أن تقوم بعمل تقارير مستمرة ونشاطات اضافية وحضور لاجتماعات ودورات مستمرة ترهقها عن عملها الاصلي وهو التدريس، فوق ذلك تصرف من هذا الراتب على كل ما سبق، فأين الإغراء في راتب مرتفع يذهب هباء الرياح والمحصلة تتعب وتمرض؟

طرحت أسباب المشكلة، والآن سأقترح الحل المناسب في نظري:

- يتم تصنيف المعلمة في المرتبة الأولى في المدرسة، فهي العمود الفقري للمدرسة وبدون وجود كفاءة في التدريس لن تقوم للمدرسة قائمة، ويجب أن تشعر بهذه الأهمية من خلال الاحترام الشديد لها وتكريس مبادئ هذا الاحترام بصرة واضحة.
- لا تعمل المعلمة إلا في أوقات العمل، مثل أي موظف آخر له ساعات دوام محددة، وهذا هو حقها الطبيعي.
- تتم جميع الاجتماعات والدورات ضمن ساعات العمل، ولا يُطلب منها خارج أوقات الدوام أي نشاط آخر.
- تكلف أي إدارية أخرى بعمل التقارير وجميع الأوراق التي تأخذ من المعلمة وقتا وجهدا، بحيث تتفرغ للتدريس فقط.
- لا يتم الاتصال في المعلمة أو استدعائها خارج الدوام لأي سبب كان، فلديها بيت وأهل بيتها أحق بوقتها هذا.
- لا تضغط الإداريات على المعلمة ولا يتدخلن في تدريسها بأي شكل من الأشكال، ولا يتم الضغط عليها حتى تترك العمل، ويعتبر أي ضغط عليها كنوع من الاضطهاد في العمل يحق لها الشكوى عليهم ويتم التحقيق فيه بجدية.
- جميع المصاريف الإضافية التي تتكلف بها المعلمة عند عمل النشاطات المختلفة يتم صرفها من ميزانية المدرسة ولا تتحمل المعلمة شيئاً منها.
- يتم صرف بدل تنقل (ولا أعلم عن إذا ما كان يصرف لها من عدمه)، خصوصا لو طُلب منها دورات خارج المدرسة في وقت الدوام.
- يتم صرف بدل خطر وذلك لان مهنة التدريس قد تعرضها لبعض المخاطر المختلفة مثل التعرض للاصابات المختلفة او اي اعتداءات بالضرب قد تحدث لها (والحوادث تشهد بذلك) أو حرائق لا قدر الله وحفظهم جميعا كما حدث في حريق فيلاجيو.

ربما تكون هناك حلول إضافية، لكن هذا ما كتبته الآن، وقد أعود لأي إضافات أو تعقيب.

وشكرا لك.

هناك اعباء اضافيه ولاكن بالمقابل هناك مبلغ يفوق ال 50 الف ريال ، ريال ينطح ريال :)

تحياتي لج وعلى الاقتراحات الحلوه التي قدمتيها

[حمد 2002]

انا ما الوم الاجانب اذا اشتغلو في مهنة التدريس

هم يتحملون المشقه والمذله والاهانات احيانا

ماعندهم مشاكل في العمل على فترتين

صباحاً ومساءً

ميتيين من الجوع يدوروون اللقمه

اذا حصلو ريال اخر الشهر قالو الحمدلله

الريال ما يفرطون فيه

هذي شغله

الشغله الثانيه الله يسلمك

الرفاهييه الي حصلو عليها الموظفات القطريات اللي يحفظ بناتنا وخواتنا يارب من كل شر

القطريه في بحبوحه من النعيم الله يزيدهم يارب ويطرح فيهم البركه

شلها بالتعب وعوار والراس
الفرق بين راتب التدريس وراتب الجهات الحكومية الاخرى قد يكون اقل بس راحة البال اهم شي

هذي وجهة نظري طبعا

كلام جميل اشكرك علييه ،،،

تحياتي لك ،،،

[حمد 2002]

انا من المدرسات اللي تركوا مهنة التدريس و لله الحمد

تبي تعرف سبب العزوف

درس طلاب هالجيل اعدادي او ثانوي شهر واحد بس بعد ليش شهر اسبوع

و انت تعرف السبب

غير الطلبات اللي مالها داعي يعني سياسة التطفيش

ان شاء الله ترجع الامور مثل قبل و يردون القطريات للتدريس

لانه مافي احن على الطلاب من اهل البلاد

ممممم من وجهه نظري بأن المعلمه الذكيه هي التي تعرف اتعامل مع الطالبات حتى لو كان اعمارهم 50 سنه باسلوبها وحنكتها بالتدريس :)

وصدقتي بنقطه بان مافي احن على الطلاب من اهل البلد ،،،

تحياتي لج

[نتفـه]

شمعنى 50 الف!!!!!!!!!!!! و 60 الف !!!!!!!!!!!!!!

انتوا فاهمين الموضوع غلط يا جماعة الخير

ترا هالمبالغ ما يستلمونها الا المخضرمين في التدريس اللي صار لهم سنين وبنين بارك الله فيكم :)

[حمد 2002]

لي عوده للرد على بقيه الردود بعد قليل نظرا لانشغالي الان ،،،

واخذو راحتكم بالموضوع ، لان الموضوع موضوعكم والصوت صوتكم ،،،

تحياتي للجمييع

[حمد 2002]

نعم كانت المفضلة..
1- لأن مافيه غيرها بديل
2- لأن المعلمات كانوا قنوعات ويدرسون بإخلاص
متناهي بدون مضايقات من مديرة أونائبة..
3- ماكان فيه تحكم من منسقة المواد في تقارير المعلمة..
4- كان الدوام مناسب جدا في أوقاته وماكان فيه توثيق ممل مثل الحين..
وكان .....وكان........وكان............الخ..

صدقيني اختي بأنها مجرد اعذار لترك مهنه التدريس النبيله ،،،

طيب والي ايداومون بهالبنوك بهالاماكن المختلطه ؟!!! مايوجهون تعب ؟!! بالعكس ايواجهون تعب وكرف ؟!!!

فأي احسن البنك والمكان المختلط ولا مهنه التدريس النبيله والساميه ؟!!!!

الجواب متروك لكي ،،،

تحياتي لكي ولمرورك الجمييل :nice:

[حمد 2002]

تبي تعرف ليش؟؟؟

عشان هالاختراع العجيب


" المجلس الاعلى للتعليم "



وصمة العار في جبين قطر :)


لو كل المعلمات القطريات بالدوله اتحدو وكانو على كلمه وحده وكونو لهم اتحاد وجمعيه ، لن يقدر عليهم لا المجلس ولا شيء

تحياتي لك لمرورك الجمييل

[حمد 2002]

مساء الخير ..

انا ياليت القى لي شغله غير التدريس ..

شوف اخوي بنات وحريم قبل غير الحين .. هالجيل دلع ورفاهيه .. وشلهم بعوار الراس والتعب والمذلة !!! حط تحتها خطين
وتدريس قبل غير غير وفرق السماء عن الارض .. في كل شي

وشغلة التدريس الحين مافيها مميزات .. غير الراتب !!
يعني لا ادارة ولا طبيعة عمل ولا طلاب يساعدونك على انك تبقى في هالمهنة ..

يعني والله نرجع البيت بحالة غير طبيعيه يرثى لها من الارهاق والتعب .. ومحاتاه لبكره وشلون بنكمل الشغل الباقي ..

غيرجذيه الضغط النفسي والعصبي والتوتر اللي يصيدنا ..
انا اللي مضايقني اكثر شي صوتي :) رااح
من كان حلو صار مبحوح وحالتي حاله

آخ ياقلبي حتى نسينا الدلع والنعومة .. لاتقلب علينا المواجع بسسسس

الله يعينج واصبري وطالبي بحقوقج وكافحي فأنتي تؤدين رساله ساميه :)

تحياتي لج ولمرورج الجميييل :victory::victory:

[حمد 2002]

نتمنى نشوف شي من وزارة العمل او الجهات المسئولة
في تحويل طالبات الوظائف الى المجلس الاعلى لانه بحاجتهم
وكذلك تقليض الوظائف النسائية في الوزارات وعدم استحداث اي وظيفة جديدة

اقتراااااااح جمييل احيييك علييه

تحيااتي لك وان شاء الله يطبقونه بالقريب العاجل

[حمد 2002]

إييييه .. الله يرحم .. كانت الوظيفة برستيج حدها ..:strong



اممممم ... العزوف سبب الهروب من ضغط العمل .. فبالتالي الحل تخفيف العمل عن كاهل المدرسة .. وزيادة الكادر الوظيفي ..

مادري .. كانوا ماشيين صح .. شاللي عفسهم؟؟؟!!!!؟؟؟ :rolleyes2:

ان شاء الله يتم تقطير الوظايف بالتدريس بالقريب العاجل ،،،

عيل مدرسات من جنسيات عربيه ايحصلون بالشهر 15 الف ريال قطري :eek5: وغير الدروس الخصوصيه :):) ،،

اذا تواجدو المدرسات القطريات وتقطرت الوظايف بتنحل مشاكل كثيره وأولها الدروس الخصوصيه :anger1: ،،،،،

تحياتي لج

[حمد 2002]

انا وحده منهم هههههه
بس قبل لتصير مستقله وخربوطه متخذه القرار من اول إعدادي لان شفت امي شلون تعبت صج شافت بعض اللي درستهم في اروقه المستشفى وصارو طبيبات يعني نتيجه عملها لكن ما فكرت أكون في ذي المجال لان في مسوليه انك تخرج جيل وانا اعترف مب قد ذي اب المسؤولة خاصه عندي أخطا إملائية دسلكسيا شلون بدرس!!! وشفت تجربه المستقلة ماساه وغير الجيل الجديد الله يهدهم
أما تخصصي خارج نطاق التدريس
عندي اقتراح في بنات متخرجين ثانوي وعنده حافز لتدريس لو يسون لهم دبلوم ويسمحون لهم يدرسون ابتدائي زين لان الجامعه بتطردهم ،،،الجامعه يبون يخرجون عباقره نفس اين شتاين ويكملون دراستهم العليا مادري وين مايبون يخرجون مدرسات

اقترااااحج الوارد بالموضوع جدا ممتاز وياليت المسؤلين ياخذون به بعين الاعتبار ولكن الواحد شيقول ،،، الله المستعان ويهدي مسؤلينا ان شاء الله

تحياتي لج ،،،

[حمد 2002]

لا.. غير صحيح

قبل الزيادة في ناس اطلعت من المدارس

وبعد الزيادة بيموتون يرجعون المستقلة..شوف عينى

يقولون الفرق المادي كبير جدا

طيب ليش مايرجعونهم ؟!!! شالسبب ؟!!

تحياتي لج

[حمد 2002]

لو تعرف عدد المعلمات اللي ياخذون دواء ضد الكآبة، ما كان سألت عن السبب.

مدراء المجلس الأعلى لا يعطون أي إحترام للمعلمة، وأحياناً قد يتصوروهم شغالات في مدارسهم كما هم الشغالات في بيوتهم، بس سوي هاي وسوي ذيچ...
ناهيك عن صعوبة الإجازات في المدارس
والمعلمة اليوم تشتغل بالبيت ما لم تستطيع اتمامه في المدرسة، لأن عدد الحصص كثيرة جداً

طيب ليش مايتحدون المعلمات وايكونون كلمه واحده وصوت واحد !! صدقيني وقتها محد بيقدر ايوقف قدامهم ،

وصدقيني الحل هو بزياده عدد المدرسات بالمدرسه الوحده ، وقتها بتقل عدد الحصص على المدرسه الوحده بدال ماتمسك لها مليون صف بتسكلها صفين فقط ،،،

تحياتي لج ،،

[حمد 2002]

خبيص وعصيد وبلاليط
ورواتب قد تكون اقوى من رواتب ازواجهم
يهتمون باولاد الغير واولادهم بايدي الخدم
فلحنا والله المستعان

كلام جمييل وفيه نوع من الحكمه ،،،

تحياتي لك ،،

[القطو السمين]

اسباب هروب اوعزوف المدرسة القطرية لاسباب كالتالي اولا الاعمال الادارية والورش اخذت تطغى على التدريس وهذه الورش مامنها فايدة بسبب العامليين عليها قد لايكون لدية الخبرة الكافية في هذا المجال اوانها لاتضيف الجديد للمدرسة اوان هذه الورش بعيدة كل البعد عن طرق التدريس او المناهج اللي تدرس وقداشتكين المعلمات من هذا الموضوع ولم يسمع لهم وبعض الاعمال تكلف المعلمة بها خارج الدوام اوفي لاجازة الاسبوعية اضافة الى تعب التدريس وماتبونها تشرد الابتحط رجلها اضافة الى كثرة تخبطات المجلس الاعلى وتخبطات المديرة والنائبة الاكاديمية والمنسقة وكل التخبطات موجهه للمدرسة وماتبونها تشرد الا بتشجح الطوفة بس اشوف التخبطات خفت وياريت المجلس يخفف اللعب ويرد زمن اول زمن الوزارة عشان يردون المدرسات الهاربات

[حمد 2002]

1- السبب تحول نظام المدارس الى المستقله.

2- زياده اوقات العمل والضغط على المدرسات من حيث الورش التدريبيه الي تكون لغاية الساعه 8 مساءً.

3- اعطاء الصلاحيه للمديره والمنسقه والتحكم في طريقة عمل المدرسه .

4- ظلم المدرسات من ناحية تقييمهم والسبب شخصي يكون (( يعني المديره ماتداني هالمدرسه خلاص بتقيمها سئ)).

5- للمديره الصلاحيه في ايقاف المدرسه وانهاء عقدها بدون اي سبب والمجلس الاعلى مجرد متفرج.

وفي الاخير (( الحمدلله يارب اني ماصرت لامدرسه ولااشتغل في مجال التدريس))..

الاختلاط ياخوي حمد حتى في المدارس موجود المدارس ماصارت نفس قبل،، روح المدارس النموذجيه وشوف الي في صف خامس وسادس شنبه طالع ومدرسته وحده))
والسبب المجلس الاعلى للتعليم للاسف مايستاهلون هالاسم..

الله المستعااان ، وياليت نلقى حل لكي يعودو المدرسات القطريات لمهنه التدريس ،،،

تحياتي لج ،،،

[حمد 2002]

اصبحنا واصبح الملك لله

اول شي شدراك ياحمد انهم طلعو من التدريس عشان يدورون الشغل المختلط.؟؟؟؟ ليش تظن في الناس ظن السوء وتحط في ذمتك... مب يمكن تعبت من التدريس والتحضير والحين طالعين طلعه بسالفة الملف المهني.. مب يمكن التدريس وورش العمل والدورات ماخذين المره من بيتها وعيالها .. مب انتو يالرياييل اتطالبوون ان المره تلتفت حق بيتها وعيالها وريلها وتهتم فيهم .. الحين يوم طلعت وتفرغت حق بيتها وصاار دوامها اسهل وعقب الدوام مافيه شي تحاتيه من تحضير وغيره قلت تبي تشتغل في مكان خلط ؟؟؟ خاااافوووو ربكم ولا تحطون في ذمتكم ... وبعدين ترى في وااايد من الوزارات فيها اقساااام خاصه بالحريم ولا ريحة الريال يوطوط عندهم .... اتقوووو الله في الحريم :)

اختي نوار قطر ،، انتي قلتيها ملف مب بحث دكتوراه !!!!

وثاني شيء حضور الورش مب اجباري على كلام بعض المدرسات القطريات

وثالثا هل ترك التدريس هو الحل !!!!!

ورابعا الحرمه اذا بتفرق صج حق بيتها بتفرق له اذا تركت العمل نهائيا :)

هااا شردج على كلامي

تحياتي لج :)

[حمد 2002]

ليش ياحمد ليكون انت الي تعطيهم رواتبهم... وبعدين الاوقااااف بالذااات اقسااام الحريم شكثر وانت الي قايل ان في وزارات في الدوله واايد فيها اماكن خاصة بالحريم وبالذااات الاوقااف الحين يوم راحو الحريم هناك قلت فنشووهم ... تناااقض كل هالدنيا تناقض:whistling:

انا بالعكس مازلت مصر على كلامي وبقوه ،،،

لكن لو كل الحريم راحو للوزارات !!! من بيدرس اولادنا؟ وبيمسك مدارسنا ؟! هل نعتمد على الاجانب والمدرسين الخصوصين ؟!!!

تحياتي لج

[حمد 2002]

كفــو عليـج يا بنت الخال :shy:

اختي احنا مب قاعدين بحرب وصراع ؟!! احنا جالسين اناقش مشكله نبحث لها عن حل !!

تحياتي لج

[حمد 2002]

من قال ندور الراحه ..

انا من اللي طلعوا ومستعده ارجع بس يرجعون شي من النظام القديم ماطالبنا بكل شي اقلها نشتغل براحه ..
لاتقدير وضغط وكل مااشتكينا قالوا رواتبكم عاليه صحيح الحمدلله بس الراحه بعد مهمه ..
نرجع متاخر الحياه الاجتماعيه معدومه .. ننجز بدون حتى كلمة شكرا ,,

وشكرا

طيب وفييه موضفات بالقطاع الخاص مايحصلون تقدير ويتعبون وفيه كذلك ناس بالقطاع الحكومي ينظلمون بالتقدير ،،،

بس الواحد لازم ايقول الحمد لله والشكر على كل حال ،،،

تحياتي لج ،،،

[حمد 2002]

الله يرحم الطيبات الاول هههه

ههههه صدقت ،،،

تحياتي لك :nice:

[حمد 2002]

لي عوده للرد على بقيه الردود بعد قليل اذا الله اعطانا عمررر ،،،

تحياتي ،،،

[حسن]

لي عوده للرد على بقيه الردود بعدد قليل اذا الله اعطانا عمررر ،،،

تحياتي ،،،


وانت عادك صامل يعني تعال افزعلى هناك
الله يهداك انا مسميك البروفسير
:victory:

[نوار قطر]

اختي نوار قطر ،، انتي قلتيها ملف مب بحث دكتوراه !!!!

وثاني شيء حضور الورش مب اجباري على كلام بعض المدرسات القطريات

وثالثا هل ترك التدريس هو الحل !!!!!

ورابعا الحرمه اذا بتفرق صج حق بيتها بتفرق له اذا تركت العمل نهائيا :)

هااا شردج على كلامي

تحياتي لج :)

ارجوووك ياحمد ،،،، والملف المهني على بالك شي هين ،،، روح امسكه واشتغل فيه وشوف التعب والمعاناه الي يعانونها المدرسات ،،، ومن قال لك ان الورش مب شي اجباري لا والله بعض الورش اجباريه وتأثر على اداء المدرسه وتقييمهاا السنوي ،،، وانا ماقلت ان الحل ان المدرسات يتركون التدريس انا قلتها من قبل في ناس مايقدرون يتحملوون الضغط النفسي ،،، واذا كانو مايبون بنات اهل قطر يهدون التدريس ويتجهون لوظايف ثانيه خل يردون المدارس مثل قبل وشوف بيرجعون ولا لا ،،، وبعدين اي ممكن ان ترك التدريس يكون حل اذا كان هالشي مأثر على بيتها وحياااتها ،، انا مب مربيه عيال الناس وبهمل عيالي ،، مب مشتغله وبنكرف وبهمل بيتي وريلي ،، والله شغلي مب اهم من بيتي ،،،، ،،، وعلى فكره شغل المره اذا كان شغلها مثل الناس وفي الوقت الطبيعي عمرها ماراح تقصر في بيتها،،،

ولاتحكم على شي انت ماتعرفه ولا جربته ترى الي يده في الماي مب نفس الي يده في الضو :victory:

[نوار قطر]

انا بالعكس مازلت مصر على كلامي وبقوه ،،،

لكن لو كل الحريم راحو للوزارات !!! من بيدرس اولادنا؟ وبيمسك مدارسنا ؟! هل نعتمد على الاجانب والمدرسين الخصوصين ؟!!!

تحياتي لج

مثل مافي ناس تعبت من التدريس وطلعت ،، ترى في مدرسات متعتهم التدريس ومايلاقون نفسهم الا فيه ،،، يعني لاتخاف على عيال المستقبل،،، و الله يرزقك بمره تشتغل مدرسه وتعاااني من التدريس عشان تعرف شلون بتقصر في حقك وفي بيتها ،،، ساعتها تذكر كلامي وقول ام نوره قالت :victory:

[سبحان الله.]

طيب اشلون انخليهم يرجعون للتدريس ؟ شالحل ؟
خل ترجع وزارة التربية والتعليـم ! و الكل بيرجع

[لولوهـ]

انا من المدرسات الي تركوا مهنة التدريس وتخصصي من التخصصات العلميه الي لحد الان المديرات يدورون عليه واشتغلت عشر سنين ولله الحمد حصلت على التقاعد مع اني احب مهنتي لكن بعض المديرات خلتنا نكره التدريس من اسلوبهم انا ماجربت المستقله لكن لمن اروح مدرسة عيالي واشوف بعض المديرات شلون يعاملون المدرسه بصراخ وتعالي خلاني ولا افكر ارجع ثاني شي طلبات المجلس الاعلى الي ماتخلص ماينلامون المدرسات اذا ماكان عندهم وقت للطلاب لان صار الاهتمام بالانشطه اكثر من تقديم الماده العلميه المدرسات الحين في جهاد الله يعينهم على ايامنا كان اهتمامنا بالطالب اكثر في تقديم الماده العلميه لان كنا فاضين هذا غير كنا ناخذ 12حصه في الاسبوع ومنهج الحين 16 حصه واكثر مساكين لدرجة يكملون شغلهم في البيت يعني مافيه وجه مقارنه بين قبل والحين مانقول الا الله يثبت الي قاعدين الله بعينهم