New Zealand

[قرنقووش]

السلام عليكم ورحمة الله وبركاته

القسم اغلب المواضيع تتكلم عن وجهات مألوفه
لندن .. اوروبا بشكل عام .. ماليزيا تايلند .. تركيا والخ ...

احد منكم جرب يروح نيوزيلاند ؟

يعني .. من باب الفائدة .. ونفتح عيونكم على شي جديد ومغامرات حلوة ؛)

[حمد بن خالد]

ماعرفت حد راح لها الا اثنين

واحد امه من نيوزيلاند

والثاني عسكري وعطوه دورة طويلة هناك

وكلهم يمدحونها

لكن مافكرت اروح لبعد المكان وفي اعتقادي قلة الفعاليات الموجودة

الا بعد التقاعد ووشيبت وابي الراحة والاستجمام هههه

[ضوى]

راحتها صديقتي

تقول خضار وجو بس لكن فعاليات ونشاطات مافي

[sweet qatar]

رفيجتي راحت..

مثل ما قالت ضوى.. طبيعة روعة و بس.. حتى شوبنج ماعندهم..

[قرنقووش]

صحيح البلاد بعيده
دايركت حوال 21 ساعه

خذناها ترانزيتس بحوالي 31 ساعه

وصحيح مافيها سوق لكن بلاد جدا جميله بالنسبة للطبيعة
وفيها مغامرات كثيرة ونشاطات كثيرة

اشوفها ماتصلح للعوايل
لكن الشباب .. مايحتاي
خصوصا المشي فالغابات وحول البحيرات وصوب الجبال
التخييم عالم ثاني

عطونا بعد .. نبي نعرف ارائكم بعد :)

[حمد بن خالد]

صحيح البلاد بعيده
دايركت حوال 21 ساعه

خذناها ترانزيتس بحوالي 31 ساعه

وصحيح مافيها سوق لكن بلاد جدا جميله بالنسبة للطبيعة
وفيها مغامرات كثيرة ونشاطات كثيرة

اشوفها ماتصلح للعوايل
لكن الشباب .. مايحتاي
خصوصا المشي فالغابات وحول البحيرات وصوب الجبال
التخييم عالم ثاني
عطونا بعد .. نبي نعرف ارائكم بعد :)


كلام جميل


بس لو الواحد يحصل فرصة فراغ هالايام بيستغلها مع هله


هالكلام يصلح للشباب الصغار والطلاب

اما الحين الواحد وين يفضى

وان فضى بغى يتسدح عالاسياف ولا في الكافيهات :nice:

[sweet qatar]

لاتحسب المغامرات للشباب وبس..


كنت بروح من الصور الي تحطها رفيجتي..
بس شفت ان استراليا افضل للمغامرات البرية والبحرية..
طبيعتها متنوعة وخدماتها السياحية متقدمة وأنشطتها أكثر..




بتابع موضوعك.. يمكن نشوف شي يميز نيوزيلاندا..
ويشجعنا نروح لها..

[blueZircon]

نيوزلندا معروفه بالطبيعه اللي ماوطأتها اقدام البشر,

زرت مدينة ولينجتون سنة 2008 , من ناحية الشعب والطبيعه والتعامل مالها مثيل
لكن تعيبها عدم وجود مجمعات تجاريه والشوبنج فيها قليل جدا, ولايوجد فيها فعاليات كثيره
بالعربي اللي يبي يركلس ويبتعد عن اجواء الشحن يروح نيوزلندا.

بالنسبه لي أفضل استراليا لانها تجمع بين الطبيعه والفعاليات والتسوق وفنادق راقيه ومرتبه , خاصه قولد كوست 3> ياقلبي يياقولد كوست وسيدني وملبورن . اللي حاب طبيعه وانشطه مالها نهايه انصحه وبكل قوه يروح استراليا سيدني للتسوق والفعاليات اللي ماتخلص والمطاعم الحلوه , وقولد كوست للافتلال والفله والوناسه ومنها يروح عقب جزيرة هاميلتون اللي يوجد فيها اكبر شعب مرجانيه طبيعيه بالعالم , طبيعه جبال وبحر لاتضاهى . سويت هالجدول انا بشهر العسل قبل سنه وناوي اروح مره ثانيه اذا الله كتب لنا عمر

للعوايل سيدني وقولد كوست بااستراليا نمبر ون ودام الواحد وصل اخر الكره الارضيه خساره مايمر نيوزلندا

[قرنقووش]

شاكر للجميع تواجدكم

حمد

صادق
حق العزوبيه ههههههههه
رحتها وتونست فيها وماكنا نكمل ٢٤ ساعه في مدينه وحده
كلنا شباب ومأجرين موتر ونتمشى
قطعنا حول ٤٥٠٠ كيلو متر في ١٨ يوم تقريبا

وصح مافيها مجمعات ولا سوقه ولا شي ..

سويت قطر
لا الشيخة كانت مغامراتنا صعبه على الحريم
كننا ننام في خيام وسط الغابه وننام حذا بحيرات وعلى الثلج في خيامنا
ونمشي مسافات طويلة تتراوح بين ٢٠-٣٠ كيلومتر
وكان جوهم بارد وايد .. الافرج ٣ سيلزي وكانت تطق ماينس ١٠ و ١٥ فالمناطق الجبلية

احنا كانت تمشايتنا في الجزيرة الجنوبية كريستجارج .. مارحنا اوكلاند

شكرا لج على تعليقج


بلو زيركون
صادقه .. البلاد هاديه جدا ومعروفه بالطبيعة الخلابه واللي فعلا ماتدخلت يد الانسان فيه ابدا
حتى هم حريصين جدا ان مايخربون الطبيعة لدرجة ان لو في ثري الناس ودرب يوصلك لمكان .. مايسوونله درب ثاني ههههههههههه كنا نتعب من هالشي
بس وايد حلوة البلاد ونظييييفه ومنيزة ببساطة الناس
حتى اكلهم لذييييذ وايد خصوصا البرقر .. فرررش حتى الخبز ينخبز حزته في بعض المطاعم :)

[حمد بن خالد]

شكلك تدور على خوي للمره اليايه

واغريتني باللي سويتيوا


شرايك اسجل اسمي في الحملة اليايه :nice:

[قرنقووش]

احنا نروحها على اساس كورس تصوير متقدم
والدورة تستمر ١٧-١٩ يوم
والمقاعد فول تقريبا ؛)

[بوخالد911]

هلا


لو مكانكم

ارووح استراليا

غولد كوست - 14 يوم
ميلبورن - 5 ايام

[قرنقووش]

مرحبا
طبيعة نيوزيلاند جميلة جدا وحجمها صغير والتضاريس مختلفه
ممكن تلاقي غابات
وجبال
وبحيرات كثيرة
شلالات كذلك
سواحل
وتضاريس نادر وجودها فالعالم من صخور ساحليه والخ ..
وبنكرر الزياره باذن الله :)