تسجيل الدخول

مشاهدة النسخة كاملة : *** مندوب فحص القومسيون والبصمة للشغالة***


@سنافية قطر@
14-05-2013, 07:56 AM
السلام عليكم

لو سمحتوا بغيت مندوب تخليص معاملة الشغالة في القومسيون الطبي والبصمة بس مايكون مبالغ في أسعاره يعني في مندوبين يطلبون 350 و400 ريال ليش إن شاء الله

اللي عنده مندوب حليو وأمين وسعره مناسب أرجو ارسال الرقم على الخاص...؟

بسرعة الله يخليكم لا تتأخرون علي ولكم مني دعوة بهر الغيب..
Rider
14-05-2013, 11:27 AM
اختي المكتب الي جايبه منه الخدامة هو يوديها وهذا المعروف ياخذ المندوب 100 ريال غير رسوم القومسيون
@سنافية قطر@
14-05-2013, 10:13 PM
اختي المكتب الي جايبه منه الخدامة هو يوديها وهذا المعروف ياخذ المندوب 100 ريال غير رسوم القومسيون


لا أخي الكريم المكتب قال أنا مو متكفل فيها وإذا بغيتي مندوبنا يوديها فدفعي 350 ريال غير رسوم القومسيون وفصيلة الدم وبقية الأمور وما راح يمرون عليها البيت ياخذونها لازم أنت تجيبينها المكتب الساعة 8 صباحا ويستلمها المندوب وتجين الظهر تاخذينها لين خلصت !!!:anger1:

وأنا ما أقدر أوصل دوامي الصبح وأرجع عقب نص ساعة استأذن اروح البيت اخذها أوديها وأرجع دوامي وبعدين استأذن الساعة 12 اروح المكتب استلمها وأنزلها البيت وأرجع دوامي لأن ما عندي سواق ...

أتمنى وضحت الفكرة وياريت اللي يعرف مندوب يخلص هالأمور مايبخل علي يا جماعة ..
فانفير
15-05-2013, 01:12 AM
وعليكم السلام ورحمة الله وبركاته

أختي القمسيون يفتحون العصر وديها بنفسج وخلصيها وانطري لين يجيج مسج منهم بانها سليمه عقب وديها البصمه
الدستور
15-05-2013, 06:38 AM
وعليكم السلام ورحمة الله وبركاته

أختي القمسيون يفتحون العصر وديها بنفسج وخلصيها وانطري لين يجيج مسج منهم بانها سليمه عقب وديها البصمه


صــح ، ودخلي معها داخل في قسم النساء وكلها ربع ساعه وانتي خالصــه .:)
khaldoon
15-05-2013, 07:07 AM
فعلا كلام الاخوان صحيح وديها بنفسك العصر و بتخلصين خلال 20 دقيقة عن تجربة....ليش هالاسعار المبالغ فيها.....وين حماية المستهلك لتبرير قيمة هذا المبلغ المبالغ جدا فيه
العربية نت
15-05-2013, 10:42 AM
تحتاجون المندوب فقط في عمل الاقامة في الجوازات لان دوامهم الصباح فقط من 7 الى 1

اما باقي الاماكن تخلصونها في الفترة المسائية وموجودين القومسيون من 2 الى 7 مساء اعتقد
البصمه منالساعه 2 الفترة المسائية
@سنافية قطر@
15-05-2013, 03:39 PM
شكرا لجميع اإخوان والأخوات اللي ردوا علي بالموضوع

بس ما أدل وين القومسيون الطبي ممكن حد يوصف لي مكانه بالتفصيل؟ ورقم تلفونهم؟

والبصمة بعد وين مكانهم؟ ما أعرف إلا تبع الشركات والعمال المقابل لمصلى العيد بالدحيل بجوار نادي الجيش الرياضي (لخويا)..ممكن حد يوصف لي..

جزاكم الله خيرا
khaldoon
15-05-2013, 09:34 PM
البصمة في السيلية او في الريان

القومسيون الطبي من اشارات التضامن على طريق ابوهامور نفس جهة المقبرة..... بعد محطة وقود