شهر العسل في المالديف

[RVD]

السلام عليكم ورحمة الله وبركاته

شباب انا ان شاء الله بروح المالديف حق شهر العسل خصوصا في جزيرة اسمها Fesdue اللي فيها فندق الدبليو الله لايهينكم اذا احد راح هالجزيرة يقولي شنو الانشطه الموجوده هناك لاني ابي اسوي جدول قبل لا اروح

يعطيكم الف عافيه يارب

[قطريه ماركه]

الف مبرووك مقدمااا

ان شاء الله الاخوان يفيدونك ...

[طبيب قطري]

الف مبروووووك

[بالول صغير]

بالمبااااااااارك والله يتمم على خير :nice:

نصيحة لا تنسى تسوي تجربة الغوص اذا ماجربت من قبل

[احمـد]

هلا اخوي بالاول

الف مبروك وجمعكم الله على الخير يارب , ومنك المال ومنها العيال يارب

بلنسبة لي اشوف ان جزيرة المالديف ماتنفع حق شهر عسل ولا تنفع بعد لعائلة لان اغلبية انشطتها تكون في البـــحر ومااعتقد حد بياخذ راحته مع هلــه .. نصيحتي ماليزيا , سنغافورة فيها مختلف الانشطة من مناظر وطبيعة وتسوق ووناسة يعني بتغير جو صح , خل المالديف بعدين انت والربع ههههه موفق يالاخو

[غايه الطواش]

اخوي جزيره فندق الدبليو مافيها انشطه وفعاليات وشبه ميته
يمكن انت وزوجتك تكونون اصغر ناس هناك اصحك بجزيره
Anantara Kihavah


او Four Seasons Landaa Giraavaru

ادخل هالموقع ةشةف احنا دوم نحجز منه
http://www.atollparadise.com/maldives-resorts/anantara-kihavah

[monatee]

المالديف 3 الى 4 ليالي ينقعد فيها بس

شوف اهنيه الخيارات اكثر بالنسبه للجزر والفنادق

http://www.qatarairways.com/global/en/homepage-holidays.page

بيعطيك سعر الباكيج كامل مع التذاكر والسكن والمواصلات من والى المطار

[كلاسيك قطر]

بلنسبة لي اشوف ان جزيرة المالديف ماتنفع حق شهر عسل ولا تنفع بعد لعائلة لان اغلبية انشطتها تكون في البـــحر ومااعتقد حد بياخذ راحته مع هلــه .. نصيحتي ماليزيا , سنغافورة فيها مختلف الانشطة من مناظر وطبيعة وتسوق ووناسة يعني بتغير جو صح , خل المالديف بعدين انت والربع ههههه موفق يالاخو

اي والله مثل ماقال اخوي احمد ماتنفع حق اي شي لاني انا رحت 5 ايام بس تغير جو بس بدون الاهل 3 شباب فقط

اذا الواحد بيروح مالديف 60 الف ريال ابروحه لمده 3 ايام بس احنى رحنى شباب العدد 3 قطيه حول 30 الف

يعني السفره شهر العسل ماتنفع خير شر بس لو اتروح ماليزيا وتفع 60 الف تقع اسبوعين او اكثر

[ام عبدالعزيز]

شهر عسل،،ماتصلح حلاته شهر عسل كوفي وقعدات وجو ..

هاي غوص وشاطي بس اجوف ماتصلح شهر عسل كلش ..

[ام عبدالعزيز]

انا انصحك صراحه في فينا او اسبانيا او باريس هاي تنفع شهر عسل

[نووون]

من اجمل التقارير .. خذ فكرة على الاقل


http://www.qatarshares.com/vb/showthread.php?t=188290

[RVD]

تسلمين اختي ماقصرتي التقرير وايد فادني

ويعطيكم العافيه على كل واحد رد وحاول يعطيني رايه بالموضوع

[عاشق العديد]

قسسسم بالله تايلند انزل مطار بانكوك وخذلك تذكره نفس الوقت حق شنق ماي ..
روح شنق ماي وافتللللللل شتبي من وناسه ومن تسوق

[بو حمدان]

موفق ان شاء الله

[غاردينيا]

اذا حاب جزر عندك ماليزيا لانكاوي وبيننغ

لكن لانكاوي اجمل وفي هدوء وفنادق على البحر مناسبه لشهر عسل