استفسار : وظايف شاغره لتخصص ميكانيكا؟

[مساهمة]

السلام عليكم ورحمة الله

في البداية مااعرف اذا مكان الموضوع عدل .. اتمنى من المشرفين يدلوني على المكان الصح :)

عندي استفسار بخصوص : اللي عنده دبلوم ميكانيكا وخبرة اكثر من 10 سنوات وظبعا قطري

ووين الاماكن اللي ممكن يقدم عليها غير قطاع الغاز..

اتمنى اللي عند خبره يفيدنا في هالموضوع ..

وجزاكم الله خيرر

[حسن]

والله ماعندي اي خلفيه عن هل الوظائف
بس المفروض لها الاوليه والامتيازات في التوظيف
اعتقد الغاز البترول مصانع ام سيعيد مشاغل الجيش مشاغل الشرطه

اتمنى من الدوله ان تدعم اصحاب تلك الوظائف وان يكونون
هم اعلى الامتيازات

بالتوفيق




بونجور

[مساهمة]

للاسف تم التقديم على هالاماكن بدون فايده ..

شكرا اخوي

[حسن]

للاسف تم التقديم على هالاماكن بدون فايده ..

شكرا اخوي


:eek5:

بدون فائده والله هذولا المسؤلين يبيلهم
محاسبه ولا مثل هذه التخصصات مطلوبه

لاوحول ولا قوه الا بالله

[شيخ القبيلة]

في كثير من الجهات اعتقد يوظفون مثل :كهرماء + البلدية + اشغال + البترول
وخصوصا في خبرة

[XP.Qatar]

السلام عليكم ،،

ممكن أعرف نوع الدبلوما ؟ والحل موجود إن شاءالله

[مساهمة]

شيخ القبيلة : شكرااا اخوي

XP.Qatar : دبلوم ميكانيكي +خبره في المجال اكثر من 10 سنوات

شكرا لتفاعلكم :)

[بونووف]

خلي يقدم على سلاح الجو ..

ويجرب الداخليه القسم الفني

[راعي السهم الأول]

أختي خليه يقدم في مجموعة المستثمرين القطريين عندهم قبول لتخصصات صناعيه
وفي موقع توظيف أجنبي تفاعلهم سريع مع الخبرات القطريه هذا موقعهم

http://qa.huxley.com/en

مقرهم في برج الفردان الدور الثامن شقه رقم 813 في مستشار هناك خدوم أسمه
Farhan Zia إميله f.zia@huxley.com

إن شاء الله يتوفق معاهم

:)
تحياتي

[مساهمة]

أول مره اسمع عن هالمجموعة. .ممكن تفيحنا بمعلومات اكثر اخوي

الله يعطيك العافيه

[راعي السهم الأول]

مجموعة قطر للإستثمار هي شركه كبيره لصناعه و الإنتاج متخصصه في تصنيع الأسمنت و الاستثمارات والعقارات و أنظمة الأمن والتجارة وقطاع التجزئة

مقرهم وادي السيل شارع الإستقلال
تلفون : 44876910 تصفحي الموقع في خريطه و أرقام ثانيه

http://www.qatariinvestors.com/english/

:)
بالتوفيق

[XP.Qatar]

السلام عليكم ,,

بغيت توضيح أكثر ... مثلا لو خريج كلية الشمال الأطلنطي ؟ راح يكون أفضل له سنة زيادة في بريطانيا وياخذ بيكالريوس ..

في إنتظار الإجابة

[مساهمة]

الشهادة من شمال الاطلنطي فرع كندا قبل افتتاحها في قطر .. لكن للأسف معادلة الشهادات ماقبلت معادلتها!!

[باراكودا]

أهم شىء معادلة الشهادة وبعدين يقدم في المشاغل الشرطة والجيش والحرس ولخويا
هذا التخصص مرغوب في المشاغل .

[XP.Qatar]

الشهادة من شمال الاطلنطي فرع كندا قبل افتتاحها في قطر .. لكن للأسف معادلة الشهادات ماقبلت معادلتها!!

حلو الكلام ,, أنا عندي حل ..

الشهادة مقبولة في بريطانية .. يقدر يعادلها عندهم وتطلع سنة أو سنتين بالكثير دراسة ويتخرج مهندس ..

اذا الظروف ماتسمح في واحد عنده نفس مشكلته قدم عالقوات الجوية وخذ ضابط فني

[مساهمة]

يعطيكم العافيه على تفاعلكم

بخصوص الجويه والبحرية والداخلية قدم وماعطوه ضابط

فكره ان يكمل في بريطانيا ماكنا نعرفها .. ممكن اخوي اذا تعرف جامعات معينة

ومشكوورين

[قرنقووش]

جرب دولفن انيرجي