~~ هل تفضل بيئة العمل مع الاجانب او العرب ~~

[رهج السنابك]

يمكن وايد منا خاص تجارب العمل في بيئات مختلفه وجرب احتك مع جنسيات متنوعه


برأيك ماهي بيئة العمل المفضله عندك

انك تشتغل مع اجانب مسؤلك وزملائك من جنسيات اوروبيه وامريكيه خاصة الي يشتغلون بشركات من كندا وبريطانيا وامريكا الخ

او الجنسيات الاسيويه مثل الهند والفلبين


او مع العرب :)


او تفضل تكون في بيئة كل الي حواليك ومسؤلك قطري وزملائك قطريين


اتمنى الاجابه بعيد عن المثاليات والتحيز ويفضل الي يجاوب يكون عاصر وجرب هالبيئات وتعامل معاها واي جنسية يفضل

البعض يمكن يقول انا ماانظر للجنسيه والمهم هو الشخصيه
صحيح هالكلام بس بعد احيانا في سمات وطبع معين لبعض الجنسيات تلقاه سبحان الله منتشر بينهم وهو الغالب على صفاتهم

ارحب بتجاربكم :) :)

[Qatar Angel]

عن تجربة الامريكان هم الافضل ناس تقدر قيمة الفرد وتحترم ارائك واذا طرحت اقتراح او فكرة
تشوف التشجيع والاخذ بالفكرة وعمري ما تعرضت لاي مضايقة منهم بالرغم انهم غير مسلمين

[بوخالد911]

كلاهما سلاح ذو حدين
وكلاهما أو أحدهما ( قد ) يحفر للايقاع بكم !!!!!!!!!!!! عند الشعور بخطر على المنصب

جربت الاثنين
وكنت أقول : يا ريت لو مسؤولي قطري
وكذلك قلت بمناسبات عدة : يا ريت لو مسؤولي أجنبي !!!

وشكرا

[عضوو]

المشكله الرئيسيه عندنا ليست في نوعية الموظفين ولكن في القوانين

والدليل ان في امريكا اصيع واحد في الشارع تلقاه في دوامه من اضبط الناس خوفا من

القانون اللي مافيه لعب لا على كبير ولا صغير

*

[الدوحة قطر]

اشتغلت سابقا في مجال البترول وحاليا في مجال الاعلام ومروا علي مسؤولين اجانب وعرب وقطرين بصراحة في الكل تحصل الزين وتحصل الشين

لكن من جهتي ابصراحة افضل المسؤول القطري

[القطو السمين]

المسؤؤل القطري وبقوة

[ام ناصر1]

برأيك ماهي بيئة العمل المفضله عندك
انك تشتغل مع اجانب مسؤلك وزملائك من جنسيات اوروبيه وامريكيه خاصة الي يشتغلون بشركات من كندا وبريطانيا وامريكا الخ

او الجنسيات الاسيويه مثل الهند والفلبين

عملت ببيئة عمل فيها هالجنسيات ...فاهمين شغلهم ويشتغلون صح لكن القلوب مش نظيفة للبعض
يحفرون للقطرين وبخاصة إذا كانوا بمؤسسة حكومية ...


او مع العرب

العرب في منهم الجيد والغير جيد لكن البعض يشتغلون لأهداف ملتوية ..مثل الرغبة في السيطرة على المدير
والإدارة والحفر للقطريين

او تفضل تكون في بيئة كل الي حواليك ومسؤلك قطري وزملائك قطريين
المشكلة بالقطريين واسمحوا لي جودة العمل تقل وتحس معاهم أن معايير الشغل متدنية واساسها العلاقات والمصلحة
ميزة القطريين يمشون الشغل على مزاجهم وهاي عبقرية بحد ذاتها ويركزون على المنصب والتشبث فيه عبر
الشو والعلاقات العامة اكثر من تركيزهم على تطوير العمل وادائه بجوده
يركز على النقد اكثر من البناء ...والحقوق اكثر من اداء الواجبات
بس ميزتهم يسوون جو للمكان فتحس إنك ببلدك ...لكن مع الاجانب مهما كانت جودة العمل لديهم تحس
بالاغتراب وما تقدر تتواصل معاهم اجتماعيا

اتمنى الاجابه بعيد عن المثاليات والتحيز ويفضل الي يجاوب يكون عاصر وجرب هالبيئات وتعامل معاها واي جنسية يفضل

البعض يمكن يقول انا ماانظر للجنسيه والمهم هو الشخصيه
صحيح هالكلام بس بعد احيانا في سمات وطبع معين لبعض الجنسيات تلقاه سبحان الله منتشر بينهم وهو الغالب على صفاتهم

ارحب بتجاربكم

افضل بيئة العمل الي فيها شغل جدي بغض النظر من فيهاواهم شي الجهة الي فيها تقدير للجهد ومافيها تحزب وحفر
وخوف وشحناء مع نسبة مقبولة من تواجد القطريات

[طبيب قطري]

حلو موضوعج بس ياريت تضيفين نقطه الديانه بعد.. انا عن نفسي اشتغلت مع اجانب مسلمين قمه بالاحترام والتفاني في العمل ..

[مخطط قطري]

المسؤل قطري وبقوه بس افضل اللي انا مسؤلهم اجانب بصراحه نادر القطري يجيك مال شغل والانتاجيه بسيطه

[تحداني]

احب يكون مديري قطري .. ومسؤولي قطري .. والقياده تكون قطريه في مكان العمل
باقي الموظفين ما يهمني شنو ما كانوا كانوا " الاهم ما يجيني " شخص يبي ياكل ويشرب
وما نشوف رقعه وجهه الا نهايه الدوام .. هالناس حرام عليهم كل ريال ياخذونه
ولا احب ناس اتعطل مصالح الناس .. لان الناس ما جايه اطر معامله
جايه اتخلص معامله


جملك الله برضاه

[QZL]

انا في قطاع خاص والمدير اجنبي واللي تحته اجنبي من نفس الجنسيه
تعاملهم زفت وقلوبهم على بعض بس انت يالقطري بالنسبه لهم ولا شي
طلعوا قطريين من عندنا والسبب هم بس ماشاء الله ربعنا يحبونهم بزياده

والله اني اتشرف ان يكون مديري قطري وتكون الادارة كلهم قطريين
المشكلة القسم كله اجانب وانا قطري الوحيد بينهم .. ويقولون هالمكان
مايصلح الا هالاجنبي تحس ان هالاجنبي اخترع ذره والله ماعنده الا الكلام بس

بس خلها على ربك

[بيانو]

لو إجابة الاسئله مسموحه للاجانب العرب فأسمحولى بالإجابه

عن نفسى وانا عربي مقيم

أفضل بأن يكون مسؤولي قطري والحمد لله بالفعل مسؤولى قطري

[أم نواري1]

الشغل مع الهنود والفلبين الرجال عن تجربة محترمين وفحالهم
مب مثل الشباب القطري اللي بعضهم يجيب المرض بأخلاقه
وبعض الأجانب العرب يشابهونهم في الأخلاق المريضة

أما المسؤولين فلم أجرب غير القطري
ويارب ماجرب الأجنبي

[موظف ((حكومي]

المشكله الرئيسيه عندنا ليست في نوعية الموظفين ولكن في القوانين

[رهج السنابك]

عن تجربة الامريكان هم الافضل ناس تقدر قيمة الفرد وتحترم ارائك واذا طرحت اقتراح او فكرة
تشوف التشجيع والاخذ بالفكرة وعمري ما تعرضت لاي مضايقة منهم بالرغم انهم غير مسلمين

دايما الشعب الامريكي خلوق

سبحان الله عكس السياسة :)

[رهج السنابك]

برأيك ماهي بيئة العمل المفضله عندك
انك تشتغل مع اجانب مسؤلك وزملائك من جنسيات اوروبيه وامريكيه خاصة الي يشتغلون بشركات من كندا وبريطانيا وامريكا الخ

او الجنسيات الاسيويه مثل الهند والفلبين

عملت ببيئة عمل فيها هالجنسيات ...فاهمين شغلهم ويشتغلون صح لكن القلوب مش نظيفة للبعض
يحفرون للقطرين وبخاصة إذا كانوا بمؤسسة حكومية ...


او مع العرب

العرب في منهم الجيد والغير جيد لكن البعض يشتغلون لأهداف ملتوية ..مثل الرغبة في السيطرة على المدير
والإدارة والحفر للقطريين

او تفضل تكون في بيئة كل الي حواليك ومسؤلك قطري وزملائك قطريين
المشكلة بالقطريين واسمحوا لي جودة العمل تقل وتحس معاهم أن معايير الشغل متدنية واساسها العلاقات والمصلحة
ميزة القطريين يمشون الشغل على مزاجهم وهاي عبقرية بحد ذاتها ويركزون على المنصب والتشبث فيه عبر
الشو والعلاقات العامة اكثر من تركيزهم على تطوير العمل وادائه بجوده
يركز على النقد اكثر من البناء ...والحقوق اكثر من اداء الواجبات
بس ميزتهم يسوون جو للمكان فتحس إنك ببلدك ...لكن مع الاجانب مهما كانت جودة العمل لديهم تحس
بالاغتراب وما تقدر تتواصل معاهم اجتماعيا

اتمنى الاجابه بعيد عن المثاليات والتحيز ويفضل الي يجاوب يكون عاصر وجرب هالبيئات وتعامل معاها واي جنسية يفضل

البعض يمكن يقول انا ماانظر للجنسيه والمهم هو الشخصيه
صحيح هالكلام بس بعد احيانا في سمات وطبع معين لبعض الجنسيات تلقاه سبحان الله منتشر بينهم وهو الغالب على صفاتهم

ارحب بتجاربكم

افضل بيئة العمل الي فيها شغل جدي بغض النظر من فيهاواهم شي الجهة الي فيها تقدير للجهد ومافيها تحزب وحفر
وخوف وشحناء مع نسبة مقبولة من تواجد القطريات


اتفق معاج وبدون زعل فعلا الجودة تقل ويغلب عليها الطابع الشخصي

يعني القطريين اللي يوظفون جماعتهم وجماعة جماعتهم واحبابهم ذيلا محد يقول لهم تلت التلاته كم

علاقات تطغى على مصلحة العمل

[رهج السنابك]

وايد منكم أيد يكون مسؤلينه قطريين حتى اخوانا المقيمين

البعض شاف انه يحس بالانتماء اكثر
عكس لو كان بيئته اجانب يحس بالغربة بينهم

بس ماتتفقون معاي ان البيئة الاجنبية الحلو فيها كثرة التغيير :) يعني حتى لو كان هالاوروبي او الامريكي علة حده خمس او ست سنين ويطير لدبي او هونغ كونغ مايستقرون

عكس البيئة المواطنة تخلل وتعشش وانت محلك سر

البيئة الاجنبية تخف فيها العلاقات اللي تتخطى القوانين

احس ذي ميزات ولا اشرايكم؟

[هداف]

بعيد عن المثاليه والتطبيل بلانا من ربعنا !! شلليه حسد نفاق مؤامرات ! هذي هي بيئة
عمل القطريين معا بعض بنسبه من غير تعميم !! واللي ما شاف هالامور ولا حس فيها !
ما رده بشوفها !

[رهج السنابك]

هداف عن تجربة اي اتفق معاك شفت الغيرة والحسد والشللية وحب الخشوم والواسطات في البيئة القطرية والمجتهد الساكت ينعطى على راسه
عشان ترتاح نفسيا يا تكون منافق او عندك ظهر تستند عليه او لسان طويل

وفي جنسية عربية بعد عن تجربة ما تختلف عن هالصفات مايحبون القطري وشغلهم حيلهم بينهم

[ka2ka2]

اذا مو مديرك من الشام فأعلم انك في نعمه ( الاغلبية )

[مضارب دوسري]

الاجانب طبعا

[7llo]

افضل اجانب العرب ماعندهم غير الحش والعقار وفلان سوه وعلان سوه , الاجانب خلص شغلك ومحد كفو يتكلم عليك او يتكلم معاك العرب على كثر ماتشتغل وتقدم يمدحك من قدامك ومن وراك يقطعك تقطع ويذم فيك

[qatarman8008]

من واقع تجربة.. افضل المدير القطري في بعض الاحيان..
لكن افضل المدير الاجنبي في كل الاحيان..
طبعا الاجنبي الامريكان والبريطانيين وهالشلة .. وليس الاسيويين او العرب..

المدير الاجنبي..
يقدر الموظف.. يكافئ.. يحفز.. وهو مستمع جيد في كل الاحوال..
وفي اخر السنة الجزاء من جنس العمل لا تظلمون ولا تظلمون..
الصراحة.. نظام حكم اسلامي.. 100% ..

القطري..
اذا حبك عطاك.. واذا ما حبك .. همشك.. طيب وش الطريقة..؟؟ غير واضح..

العربي..
يموت عشان يثبت للعالم انك ما تعرف ولا تفهم ولا تصلح..
وانه لو تغير او استبعد فسوف يتوقف الانتاج وستحترق الشركة وسنموت كلنا ..

الاسيوي..
طول ما انت مستهتر.. يتم تضحك لك.. ويمزح معاك .. ويخليك تاخذ راحتك.. غيب العب.. اتاخر.. اطلع مبكر.. سهالات تسهيلات سهالات..
وكله مسجل ومكتوب.. الى ان تقع في الفخ..
لقد وقعنا في الفخ.. لقد تشحمنا في الشحم.. لقجد تلحوسنا في ال..
اذا شافك بديت تتغير.. وتشتغل وجاد.. يبدا يطلع المستخبي.. ويكشف تاريخك الاسود..
ويعطيك مهمات صعب ان تتنفذ.. الى ان الله ياخذه.. ونرتاح منه..

[jassim_007]

من واقع تجربة.. افضل المدير القطري في بعض الاحيان..
لكن افضل المدير الاجنبي في كل الاحيان..
طبعا الاجنبي الامريكان والبريطانيين وهالشلة .. وليس الاسيويين او العرب..

المدير الاجنبي..
يقدر الموظف.. يكافئ.. يحفز.. وهو مستمع جيد في كل الاحوال..
وفي اخر السنة الجزاء من جنس العمل لا تظلمون ولا تظلمون..
الصراحة.. نظام حكم اسلامي.. 100% ..

القطري..
اذا حبك عطاك.. واذا ما حبك .. همشك.. طيب وش الطريقة..؟؟ غير واضح..

العربي..
يموت عشان يثبت للعالم انك ما تعرف ولا تفهم ولا تصلح..
وانه لو تغير او استبعد فسوف يتوقف الانتاج وستحترق الشركة وسنموت كلنا ..

الاسيوي..
طول ما انت مستهتر.. يتم تضحك لك.. ويمزح معاك .. ويخليك تاخذ راحتك.. غيب العب.. اتاخر.. اطلع مبكر.. سهالات تسهيلات سهالات..
وكله مسجل ومكتوب.. الى ان تقع في الفخ..
لقد وقعنا في الفخ.. لقد تشحمنا في الشحم.. لقجد تلحوسنا في ال..
اذا شافك بديت تتغير.. وتشتغل وجاد.. يبدا يطلع المستخبي.. ويكشف تاريخك الاسود..
ويعطيك مهمات صعب ان تتنفذ.. الى ان الله ياخذه.. ونرتاح منه..

هههههههههههههههههههههههههههه

انا ماحبيت ارد بس ردك "اجبرني" ارد

ضربت على الوتر الحساس و غالب كلامك يتكلم عن واقع بيئه العمل في قطر بشتى جنسياته


اصفق لك و احييك على ردك : )

[qatarman8008]

هههههههههههههههههههههههههههه

انا ماحبيت ارد بس ردك "اجبرني" ارد

ضربت على الوتر الحساس و غالب كلامك يتكلم عن واقع بيئه العمل في قطر بشتى جنسياته


اصفق لك و احييك على ردك : )

:victory::victory::victory:

[aziz4z]

أفض يكون مديري قطري , و المسؤول عني قطري , بس في الشغل يكون معاي أجانب و سودانيين :nice:

[لبيبة]

من واقع تجربة.. افضل المدير القطري في بعض الاحيان..
لكن افضل المدير الاجنبي في كل الاحيان..
طبعا الاجنبي الامريكان والبريطانيين وهالشلة .. وليس الاسيويين او العرب..

المدير الاجنبي..
يقدر الموظف.. يكافئ.. يحفز.. وهو مستمع جيد في كل الاحوال..
وفي اخر السنة الجزاء من جنس العمل لا تظلمون ولا تظلمون..
الصراحة.. نظام حكم اسلامي.. 100% ..

القطري..
اذا حبك عطاك.. واذا ما حبك .. همشك.. طيب وش الطريقة..؟؟ غير واضح..

العربي..
يموت عشان يثبت للعالم انك ما تعرف ولا تفهم ولا تصلح..
وانه لو تغير او استبعد فسوف يتوقف الانتاج وستحترق الشركة وسنموت كلنا ..

الاسيوي..
طول ما انت مستهتر.. يتم تضحك لك.. ويمزح معاك .. ويخليك تاخذ راحتك.. غيب العب.. اتاخر.. اطلع مبكر.. سهالات تسهيلات سهالات..
وكله مسجل ومكتوب.. الى ان تقع في الفخ..
لقد وقعنا في الفخ.. لقد تشحمنا في الشحم.. لقجد تلحوسنا في ال..
اذا شافك بديت تتغير.. وتشتغل وجاد.. يبدا يطلع المستخبي.. ويكشف تاريخك الاسود..
ويعطيك مهمات صعب ان تتنفذ.. الى ان الله ياخذه.. ونرتاح منه..
وصفك دقيق 100%

[خليفـة]

العمل مع الناس الي عندها اخلاص للعمل
بغض النظر عن جنسيتهم
وشكراً

خليفــة

[khalid525]

المسؤول قطري ، زملائي ما يهم اي جنسية اقدر استوعب اي جنسية ، بس الموظفين احب يكونون مكس قطريين واجانب وعرب .

[تغلبية]

ما اتحمل اجنبي على راسي

أقبل القطري بعلاته ويكون معاي خبراء اجانب

[حمد 2002]

ولا احد كلهم نفس الشيء ، حلاه الواحد ايكون مدير نفسه خخخ

[معماري قطري]

انا أحب المسؤول اللي ما يكون معقد وياخذ ويعطي معاي ويركز في الشغل صح وأي كانت جنسيته المهم يكون فاهم شغله وشغلي وشغل الفريق ككل .. في شغلنا نقاش وإثبات فكرة أو وجهة نظر وتحتاج عقول تفكر صح، وأحياناً يكون فيه توافق مع قطري أو عربي أو آسيوي أو أجنبي، والتوافق ما يكون في وجهات النظر يكون في الإنتاج والإجتهاد في الشغل وهذا اللي يخلي للشغل معنى وطعم.

الحمد لله مسؤوليني كلهم قطريين وطيبين وخلوقيين ومنهم المهنيين، بس في الفترة الأخيرة إنتقلت لمجال شغل يختلف شوي عن مهنتي لكن أي شيء يتعلق بالبناء يتحول لي، وتبقى الأُمنية الحاضرة الغايبه عندي وهي إدارة مشروع كبير من البداية للنهاية واللي ما اتوقع تحصل لي في ظل الإختيار العشوائي لهذي الفئة.

[واحد قطري]

مراح اكون مثالي وبصراحه بنحاز لولد بلادي لاكن في نفس الوقت وهو مب تناقض انا أوءمن انه البشر

واحد وماتحكمهم جنسية بمعنى كل واحد وتربيته هي اللي بتخليك ترتاح معاه بالشغل او لا

بس ذكرت ولد بلادي من باب انهم اولى بالوظيفه من الاجنبي فقط لاغير

[koketa]

ما يهم جنسيه المسؤول المهم الاخلاق والدعم و مدى ولاءه للبلد وأهلها

[نتفـه]

الاجانب (امريكان - استراليين - بريطانيين) متفهمين ويحترمون ويفصلون بين الشغل وبرع الشغل :)
القطريين .. افضلهم .. ولكن اغلبهم في الادارة مزاجيين للاسف .. يوم حلو ويوم مر .. ودايم يحطون البال على الواحد ولو غلطه بسيطه يحطك ف مخه ويأثر على تقييمك :)

[الغني بالله]

من تجربتي;
الخواجات ممتازين عندما يكونوا يعرفوا عملهم (أي الرجل المناسب في المكان المناسب)،
أي الشهادات والخبرات التي معه تؤهله أن يكون في هذا المنصب.
الأسوأ كما أرى المصريين ثم الفلبن (البعض - كونهم يتكلمون الإنجليزية - يعتقد أنهم جيدون!!!).
ابن البلد الذي يخاف الله ويخاف على البلد ومؤهل هو الأفضل دوماً ........

[رهج السنابك]

الاجانب (امريكان - استراليين - بريطانيين) متفهمين ويحترمون ويفصلون بين الشغل وبرع الشغل :)
القطريين .. افضلهم .. ولكن اغلبهم في الادارة مزاجيين للاسف .. يوم حلو ويوم مر .. ودايم يحطون البال على الواحد ولو غلطه بسيطه يحطك ف مخه ويأثر على تقييمك :)

خاصة لو مدخن

ومرته مطلعه عينه

يصير مزاجي حده

[ضوى]

اشتغلت مع الاثنين ماشفت منهم الا كل خير

[غير البشر]

ودنا يكون المسئول القطري
لكن
المسئول القطري صار نفس الهندي والباكستاني
لمسك المنصب صار فرعون طبعا الاكثريه مهب الكل ماقدر اعمم

[ولد البدر]

أفضل يكون مسؤولي قطري بالطبع لأنه سيكون أكثر انسجاماً وتفاهماً وتقديراً للظروف

[QP Engineer]

من تجربه
المسؤول الاجنبي اذا ما في قطري فوقه يرص عليه وإلا ما ساعد أحد في شي وكشر عن انيابه.
المسؤول القطري مثل (حظك ونصيبك) يايكون واحد متفهم يفكر في عيال البلد ويحاول يشجعهم ويطورهم للمستقبل أو انه يكون سلبي دايم يظن فيهم عدم الكفاءة ويقلل من قدراتهم.

والعباره المشهوره لكل المسؤولين القطريين وبالذات اذا بينك وبينه مسؤول اجنبي : (أنت لازم تتعلم الشغل وندري ان الاجنبي ماراح يعلمك لكن انت لازم تاخذ المعلمومات غصب عنه يعني اذا بتي تشتغل لازم تراوينا نشاطك واحنا ماراح نقصر عنك) للأسف هذا كله كلام فاضي لايودي ولا يجيب لأن الاجنبي اذا رصك بتقرير راح اجيبك واعطيك كلام في العضم ولا راح اتذكر كلامي لك غير اني بقول التقارير جدامي وهذا شغلك..

بالنهاية افضل المسؤول القطري جعل الله يهدي اهل قطر كلهم ...

[AL-MAYSTRO]

العمل مع الاجانب ولا اروع :nice:

بحكم تجربه سابه 5 سنوات مع عرب

و حاليا 3 سنوات مع اجانب ومرتاح ولله الحمد

[رهج السنابك]

من تجربه
المسؤول الاجنبي اذا ما في قطري فوقه يرص عليه وإلا ما ساعد أحد في شي وكشر عن انيابه.
المسؤول القطري مثل (حظك ونصيبك) يايكون واحد متفهم يفكر في عيال البلد ويحاول يشجعهم ويطورهم للمستقبل أو انه يكون سلبي دايم يظن فيهم عدم الكفاءة ويقلل من قدراتهم.

والعباره المشهوره لكل المسؤولين القطريين وبالذات اذا بينك وبينه مسؤول اجنبي : (أنت لازم تتعلم الشغل وندري ان الاجنبي ماراح يعلمك لكن انت لازم تاخذ المعلمومات غصب عنه يعني اذا بتي تشتغل لازم تراوينا نشاطك واحنا ماراح نقصر عنك) للأسف هذا كله كلام فاضي لايودي ولا يجيب لأن الاجنبي اذا رصك بتقرير راح اجيبك واعطيك كلام في العضم ولا راح اتذكر كلامي لك غير اني بقول التقارير جدامي وهذا شغلك..

بالنهاية افضل المسؤول القطري جعل الله يهدي اهل قطر كلهم ...



امممممم مرات اسمع من موظفين الشركات اللي اغلبها اجانب حتى اعلى مستوى اداري اجانب انهم مرتاحين

مب شرط لازم يكون قطري فوق الاجنبي عشان يستعدل!

احس الموضوع مهنية وامانة اكثر من انه لازم حد فوقه

احيانا القطري هو اللي يخرب الاجنبي ويفضله على باقي الموظفين ويعطيه الخيط والمخيط باعتبار انه خبير

[خالد النعيمي]

طبعا اصابع اليد مب سوى

طبعا اغلب الاجانب ماجا يشتغل في بلد غير بلده الا انه ذو خبره في مجاله ممكن الاستفاده منه والتعلم علي يده وفيها اكتساب للموظف المواطن .

ومو دائما شرط ان الاجنبي يحفر ويحاول ان يخفي مهارات الموظف المواطن اغلب الاجانب عارف انه جاي فتره وان الموظف المواطن راح يحل محله .
وايضا غير صحيح ان المسؤول المواطن يحاول يمنع موظف مواطن من النجاح في مجاله فهذه بعض المواقف تحصل للبعض يعممها على الجميع وهذا نظرية خاطئة .

وايضا العكس صحيح فهذه تختلف من فكر انسان الي انسان فلا تخص ولا تعم

انا عن نفسي افضل العمل مع من هو افضل مني مهنياً بغض النظر عن جنسيتة