هذا اللي صار اليوم في مكتب العلاج في الخارج

[QaTaR49999]

اليوم كنت في مكتب العلاج في الخارج في هيئة الصحه عندي موعد عشان اكمل العلاج برا الحمدلله جاتني موافقه من الديوان اني اروح الموعد المهم دخلت الا الناس كلهم يتذمرون وكلهم عندهم موافقات من الديوان بعضهم علاج اول مره وبعضهم مثلي عندهم موعد لاكمال العلاج
الله يشفينا ويشفي مرضى المسلمين
قعدت اسأل موضوعي عند من قالوا عند الدكتور رئيس القسم رحت له وعطيته التقارير والموعد من المستشفى والدكاتره المعالجين برا ومصدقه من المكتب الطبي في الدوله اللي كنت فيها وهي نفسها اللي قدمتها للديوان
قال لي تقاريرك قديمه قلت صح من سنه انا راجع وموعدي الحين قال لااا ماتمشي هذي التقرير اذا مر عليه ثلاث شهور مانعترف فيها قلت يعني اسافر وسوي تقرير لك وارجع قال لا روح مستشفى حمد وطلب تقرير قلت شلون اطلب تقرير من مستشفى اربع سنين يقولون مافيك شي وبرا إكتشفوا المرض فيني سكت وقال هذا اللي عندي .
المصيبه حصلت واحد بنته تعالج من اربع امراض الله يشفيها إن شاء الله يقول له بنتي عندها موعد تبيني اقعد كم شهر عشان اجيب لك تقرير من مستشفى حمد وعندك تقرير من الدكتور اللي كانت تعالج عنده قال تقرير مر عليه ثلاث شهور

السؤال مسئول اجنبي يسوي في القطريين كذا ولا اي حد يقوله شي والمصيبه الموافقات من الديوان يعني التقارير اللي وافق عليها سمو ولي العهد الله يحفظه للناس كلهم هو رفضها ويبي تقارير جديده زين ولي عندهم موعد شيسوون ؟

وعلى فكره كل ماكلمنا حد من الموظفين القطريين قال مالومكم ندري انه عطلكم وانه ماعنده سالفه
بس قرار الدكتور رئيس القسم حاطه واحنا مانقدر نسوي شي لكم الا توصلونها للوزير

توقعون الوزير مايدري ؟
ليش التعطيل لاهل قطر ؟
ليش مايحطون مسئول قطري ولا مافيه دكاتره قطريين ؟

[وحيد-الشوق]

سيرة هالمكان تجيب المرض

لكن شلون عندك مواقفة علاج ويقولك جيب تقرير جديد من مستشفى حمد على حسب علمي لازم تجيب تقرير جديد عشان يدخل عاللجنة الظالمة وعقب يقرورن بمزاجهم نوديك برا ولا لا اما عندك موافقة ويقولون لك جيب تقرير !!

تذكرت موقف مضحك ومبكي في نفس الوقت حرمة كبيرة بالعمر كانت تراجع اللجنة وتقولهم عندي واسطة يايمة وكانت تكرر هالجملة اكثر من ثلاث مرات شكلهم لعوزوها تلعوز مسكينة

ويجيك مسؤول ويقولك مافي واسطات في العلاج بالخارج ههههههههه

[أبوهيا]

اشتكوا عند الوزير وبالديوان الاميري
دام الديوان وافق غصبا عن خشمهم يطبقون القرار

[بوحمد1]

صبر جميل والله المستعان

[alnoida]

الحمدلله جاتني موافقه من الديوان اني اروح الموعد


السلام عليك
الله يشفيك ويشفي جميع مرضى المسلمين

حاب أفهم هذه النقطة، الخاصة بموافقة الديوان، للذهاب للموعد
لماذا أنت محتاج لموافقة الديوان؟؟ هل الموعد النهائي مع الطبيب المعالج للتأكد من الشفاء التام مرفوض من الأساس من قبل اللجنة الطبية؟؟؟ أو هناك أسباب أخرى؟؟
وحتى ينتبه الأخرون في المستقبل وحتى لا يصيب التقارير التقادم، هل بمجرد العوده من الخارج يجب على صاحب التقرير التقدم للجنة للحصول على الموافقة لذهاب للموعد بعد سنة؟؟

أما بخصوص قرار الديوان بالموافقة لك للذهاب للموعد، تعتمد قوة القرار على صيغته.!!

وعلية، إذا كان القرار بالموافقة على ذهابك للموعد حسب القوانين المتبعة في الدولة، فأنت سمعت المفيد، بإن التقرير يجب أن يكون حديث وليس أقدم من 3 أشهر،

لكن إذا القرار صيغته تختلف ويكون مثل الأمر، فأنت في السليم وموضوعك سوف يحل بأسرع من ماتتوقع، تذهب لمحكمة الأمور المستعجلة وخلال أسبوع سوف يصدر لك أمر قضائي
يجبرهم على تنفيذ القرار... لكن تأكد من صيغة القرار.

[المارونـــي]

اذا هو الشخص اللي في بالي صادف موقف صار جدامي عن موضوع التذكره من سياحيه الى بزنس وادعى انها من الديوان الموافقة الي طلعت بتذكره سياحيه وقبل لاطلع من عنده حضرو له ناس من نفس جنسيته وقالوا له نبي نبدل تذاكر من سياحيه الى بزنس طبعا وبكل اريحيه حولهم التذاكر جدامي وقلت له عسى ماشر انا صار لي ربع ساعه اكلمك عن الموضوع تقول لي مايصير اشوف الموضوع صار الحين ؟
طبعا علشان يسكتني خذ الاوراق وبدل التذكره من سياحيه الى بزنس

[فارس بلا جواد]

لا حول ولا قوة الا بالله العلي العظيم

الله يشفيك ياخوي ويشفي مرضى المسلمين .

امين ..... امين

[R 7 A L]

اذا هو الشخص اللي في بالي صادف موقف صار جدامي عن موضوع التذكره من سياحيه الى بزنس وادعى انها من الديوان الموافقة الي طلعت بتذكره سياحيه وقبل لاطلع من عنده حضرو له ناس من نفس جنسيته وقالوا له نبي نبدل تذاكر من سياحيه الى بزنس طبعا وبكل اريحيه حولهم التذاكر جدامي وقلت له عسى ماشر انا صار لي ربع ساعه اكلمك عن الموضوع تقول لي مايصير اشوف الموضوع صار الحين ؟
طبعا علشان يسكتني خذ الاوراق وبدل التذكره من سياحيه الى بزنس


غير قطريين ويسافرون يتعالجون في الخارج على حساب الدولة ؟

[رفيق الصحراء]

اي تقرير قديم لا يقبل لازم شي جديد مش اكثر من 3 شهور فكيف اكثر من سنه
لانه ممكن خلال هالفتره تكون الحاله افضل وعلاجها بقطر ممكن فهذا هو الموضوع اتوقع

المهم الله يشافي جميع مرضى المسلمين

[alsoq]

يا جماعه من جاء من الاجانب قعد يخيط ويميط في اهل البلد ايش السالفه
وين الوزارا القطرين اللي اقسمو على خدمه المواطن لحد يسكت على حقه من اجنبي والله لو حصل عليك فرصه يبهدلك

وصلوا اصواتكم الى المسؤلين ولا عليك من وزير او موظف دامك على حق حتى لو توصلها لولي العهد او الامير

ها الوزراء الصراحه مصخوها الاجنبي صار هو اللي يحل ويربط وموافقة ولي العهد لا يعترفون بها على حسب المزاج

[QaTaR49999]

وحيد الشوق هذا القهر عندي موافقه سفر وانا اساسا عندي موعد اكمل علاجي وهو نفس التقرير اللي قدمته لديوان
وبعدين انا مب تابع للجنه الطبيه موضوعي موافقه من الديوان

[QaTaR49999]

ابوهيا تشتكي لمن ؟
هم حطينه مخصوص للمرضى اللي جايين عن طريق الديوان
يعني توقعون يحط قانون على كيفه ولا حد يدري ؟
هذا حاطينه في وجه المدفع

[المليونير الفقير]

وحيد الشوق هذا القهر عندي موافقه سفر وانا اساسا عندي موعد اكمل علاجي وهو نفس التقرير اللي قدمته لديوان
وبعدين انا مب تابع للجنه الطبيه موضوعي موافقه من الديوان

حبيبي لو عندك موافقه من الديوان محد يقدر يكلمك ولايمنعك من السفر:nice:

[QaTaR49999]

اي تقرير قديم لا يقبل لازم شي جديد مش اكثر من 3 شهور فكيف اكثر من سنه
لانه ممكن خلال هالفتره تكون الحاله افضل وعلاجها بقطر ممكن فهذا هو الموضوع اتوقع

المهم الله يشافي جميع مرضى المسلمين

يعني اذا الدكتور بر يعطي موعد عقب سنه شرايك شل الحل ؟

اللي يحدد الرجعه الدكتور اللي برا لانه هو يعرف الحاله وهو يحدد له رجعه ولا لا . ولا اتوقع حد عنده موعد وحالته ماتستاهل

[QaTaR49999]

حبيبي لو عندك موافقه من الديوان محد يقدر يكلمك ولايمنعك من السفر:nice:

هم مامنعوني ولا منعو غيري بس حطو عقبه شي يعطلنا

[قطريه22]

إهمال منهم ومب خايفين من حد

لو فعلاً خايفين من الديوان والموافقه الي جاتهم ماكانو ارفضو بس للاسف اخوي مافي رقابه على هالمكان من الدوله لو في ماكانت هالشكاوي والاهمال موجود ،، والوزير اشبيسوي لهم ولا بيسوي شي..

والمسؤول الي ماسك اللجنه مصري اتوقع اسمه اشرف

اشقد ناس تشتكي وين الحكومه عنهم مادري.. والسؤال ليش مايشيلونه ؟؟


سمعت ناس وايد يتكلمون ان الي يبي يتعالج في الخارج تكون عنده واسطه من احد في اللجنه..


الواحد مب عارف شيسوي معاهم..

[أم نواري1]

يا الله .!

يارب لا تحوجني لهم
قطيعة تقطعهم

[QaTaR49999]

ياجماعه الله يطول في عمر سمو الامير ولي العهد حطو علاج الديوان عشان مايتعطلون هل قطر على طول يسافرون بس هذا حط القرار عشان يعطلهم ولا التقرير عادي يطلع بس المشكله ياخذ وقت وهذا كله من وقت المريض يعني الله يعينا على الروحه والجيه

الشي اللي يقهر ويوجع في نفس الوقت انه اجنبي يبهدل هل قطر ولا حد يتكلم

هل توقعون راحت الحميا ؟

[QaTaR49999]

إهمال منهم ومب خايفين من حد

لو فعلاً خايفين من الديوان والموافقه الي جاتهم ماكانو ارفضو بس للاسف اخوي مافي رقابه على هالمكان من الدوله لو في ماكانت هالشكاوي والاهمال موجود ،، والوزير اشبيسوي لهم ولا بيسوي شي..

والمسؤول الي ماسك اللجنه مصري اتوقع اسمه اشرف

اشقد ناس تشتكي وين الحكومه عنهم مادري.. والسؤال ليش مايشيلونه ؟؟


سمعت ناس وايد يتكلمون ان الي يبي يتعالج في الخارج تكون عنده واسطه من احد في اللجنه..


الواحد مب عارف شيسوي معاهم..

اشرف شلوه وحطو واحد اذا يبون يكلمونه لازم تتبعه من مكتب لين مكتب عشان يرد على المراجعين مافيه تقدير للمرضى

[المليونير الفقير]

ياجماعه الله يطول في عمر سمو الامير ولي العهد حطو علاج الديوان عشان مايتعطلون هل قطر على طول يسافرون بس هذا حط القرار عشان يعطلهم ولا التقرير عادي يطلع بس المشكله ياخذ وقت وهذا كله من وقت المريض يعني الله يعينا على الروحه والجيه

الشي اللي يقهر ويوجع في نفس الوقت انه اجنبي يبهدل هل قطر ولا حد يتكلم

هل توقعون راحت الحميا ؟

الدكتور الي تتكلم عنه هو الدكتور طارق الاصل مصري والجنسيه امريكي طبعا القرار مراح يحطه من عنده اكيد اوامر من فوق وهو ماشي عالقانون

[QaTaR49999]

الدكتور الي تتكلم عنه هو الدكتور طارق الاصل مصري والجنسيه امريكي طبعا القرار مراح يحطه من عنده اكيد اوامر من فوق وهو ماشي عالقانون


اها مصري والجنسيه امريكي
لالا احنا غلطانين اكيد ماحطوه الاهو ناوي ينفع هل قطر واكيد بيطور القسم
الله يوفق هل قطر

[رفيق الصحراء]

يعني اذا الدكتور بر يعطي موعد عقب سنه شرايك شل الحل ؟

اللي يحدد الرجعه الدكتور اللي برا لانه هو يعرف الحاله وهو يحدد له رجعه ولا لا . ولا اتوقع حد عنده موعد وحالته ماتستاهل

هو رده عشان التقرير مو الموعد
الموعد لو عقب سنتين بس المهم يكون التقرير عن حالته جديد
انت اول ماتاخذ التقرير تجيبه لهم لو موعدك عقب سنه او سنتين بس تاخذ موافقه من الدكتور هذا
وموافقة الديوان مش الان ماخذها ماخذها اكيد من قبل يعني كان التقرير مش قديم

[QaTaR49999]

هو رده عشان التقرير مو الموعد
الموعد لو عقب سنتين بس المهم يكون التقرير عن حالته جديد
انت اول ماتاخذ التقرير تجيبه لهم لو موعدك عقب سنه او سنتين بس تاخذ موافقه من الدكتور هذا
وموافقة الديوان مش الان ماخذها ماخذها اكيد من قبل يعني كان التقرير مش قديم

الله يرحم والديك التقرير نفسه فيه الموعد و الموافقه من الديوان طالعه اول امس
وتقرير مصدق من المكتب الطبي برا وهو نفسه اللي وافق عليه الديوان

[رفيق الصحراء]

الله يرحم والديك التقرير نفسه فيه الموعد و الموافقه من الديوان طالعه اول امس
وتقرير مصدق من المكتب الطبي برا وهو نفسه اللي وافق عليه الديوان

في هالحاله اما الديوان مشى الموافقه من غير مايتاكد من التقرير انه قديم او الطبيب نفسه فيه حاجه

المفروض تسال الجهه المسوؤله عن الدكتور وتتاكد عشان ماتنظلم وتقدر تسافر وتتعالج

[QaTaR49999]

في هالحاله اما الديوان مشى الموافقه من غير مايتاكد من التقرير انه قديم او الطبيب نفسه فيه حاجه

المفروض تسال الجهه المسوؤله عن الدكتور وتتاكد عشان ماتنظلم وتقدر تسافر وتتعالج

الديوان شافو التقرير اني راجع من سنه والموعد ذي الايام ولا يتعبر قديم لانه موعد لاكمال العلاج

المشكله من الدكتور نفسه طالع بشي جديد لانه توهم حاطينه

وبنسبه لسفر ان شالله اني رايح بس حطيت الموضوع ابين لناس شلون يتعطلون هل قطر في مواضيعهم

على فكره الكتاب اللي يطلع في الديوان امر ان فلان بن فلان يسافر للعلاج في الخارج يعني هم عليهم يرسلون التقرير وياخذون له موعد فقط

ولا له حق لا هو ولا غيره يعطل المرضى عشان يثبت وجوده على حساب هل قطر

والديوان يترجمون التقارير ويراجعونها عقب تنرفع يعني محد بيطلع له موافقه الا هو يستاهل و محتاج العلاج

[intesar]

عادي.. هذا شغلهم.. علاج ما عندهم وما يعترفون..
الله يعينكم..
جربناها قبل وذقنا مرّها..

[المليونير الفقير]

الديوان شافو التقرير اني راجع من سنه والموعد ذي الايام ولا يتعبر قديم لانه موعد لاكمال العلاج

المشكله من الدكتور نفسه طالع بشي جديد لانه توهم حاطينه

وبنسبه لسفر ان شالله اني رايح بس حطيت الموضوع ابين لناس شلون يتعطلون هل قطر في مواضيعهم

على فكره الكتاب اللي يطلع في الديوان امر ان فلان بن فلان يسافر للعلاج في الخارج يعني هم عليهم يرسلون التقرير وياخذون له موعد فقط

ولا له حق لا هو ولا غيره يعطل المرضى عشان يثبت وجوده على حساب هل قطر

والديوان يترجمون التقارير ويراجعونها عقب تنرفع يعني محد بيطلع له موافقه الا هو يستاهل و محتاج العلاج

اخوي كلمت واحد فاللجنة الطبيه وسالته قالي عندنا تعميم من الديوان بهالشي

[ابوالحارث]

الله يذكرك بالخير يا علي بن سعيد الهاجري سعادة وزير الصحة السابق

اشهد بالله انه رجل بكل ماتعني الكلمة و كان همه اهل قطر و لاكان يرضى عليهم

[QaTaR49999]

اخوي كلمت واحد فاللجنة الطبيه وسالته قالي عندنا تعميم من الديوان بهالشي

ان كنت صادق حط اسم اللي قالك انه فيه تعميم من الديوان

ترا الموضوع طلع والموضوع من الدكتور نفسه وعلى قولته نبي الناس تراجع حمد عقب العلاج
ولا يحتاج ادافع عرفنا الموضوع طال عمرك

[QaTaR49999]

الله يذكرك بالخير يا علي بن سعيد الهاجري سعادة وزير الصحة السابق

اشهد بالله انه رجل بكل ماتعني الكلمة و كان همه اهل قطر و لاكان يرضى عليهم

علي بن سعيد الله يطول عمره مكتبه مفتوح يوم كان وزير ومجلسه مفتوح لهل قطر ولين الحين مجلسه مفتوح ولا حد يطلع من عنده الا خالص

[بنت المطر]

والحل

لي متى واحنا ساكتين

منبطة جبودنا

الدولة مب مقصرة بس البلا فالمسئؤولين

والقرارات التي تضك عالواحد

ماقول الا حسبنا الله ونعم الوكيل


*

[فهد111]

انا معاك الي يعرف حد هناك اموره تخلص وهو قاعد في بيتهم والي مايعرف حد عطه اسبوعين على مايخلص كل يوم روحه ورده وكل يوم يقولون لك باقي هالورقه ولا ناقصنا هالشي اداره تعبانه انا كل ماروحلهم اتعوذ من ابليس بس موضوع التقرير روح لاي دكتور في حمد مختص بالمرض وتطلب تقرير عن الحاله بعد مافي الا هالحل والله يعينك

[المليونير الفقير]

ان كنت صادق حط اسم اللي قالك انه فيه تعميم من الديوان

ترا الموضوع طلع والموضوع من الدكتور نفسه وعلى قولته نبي الناس تراجع حمد عقب العلاج
ولا يحتاج ادافع عرفنا الموضوع طال عمرك

اخوي انشاءالله اني صادق وبعدين الموضوع مب بالخش انت بكره روح لاي حد فاللجنه الطبيه وقوله من حط هالقرار بيقولك وبالفم المليان تعميم من الديوان:nice:

وتبي تاكد اكثر روح للديوان وقولهم اللجنه مارضت تسفرني وانا عندي موافقه شوف شيقلونلك

[وحيد-الشوق]

الدكتور الي تتكلم عنه هو الدكتور طارق الاصل مصري والجنسيه امريكي طبعا القرار مراح يحطه من عنده اكيد اوامر من فوق وهو ماشي عالقانون

طلع امريكي :) يأخي يتكلم وايد ويتفلسف اكثر ههههههه

طيب مافي حد قطري يمسك مكانة !!!! لازم مصري امريكي عجبي يالصحة

[QaTaR49999]

اخوي انشاءالله اني صادق وبعدين الموضوع مب بالخش انت بكره روح لاي حد فاللجنه الطبيه وقوله من حط هالقرار بيقولك وبالفم المليان تعميم من الديوان:nice:

وتبي تاكد اكثر روح للديوان وقولهم اللجنه مارضت تسفرني وانا عندي موافقه شوف شيقلونلك


نبي الرجال اللي قالك انه امر من الديوان
هو اللي نبي نتاكد منه حتى على الخاص
مافيها شي

لان ماعرفتا للجنه يقولون قرار الدكتور طارق وانت قلت الديوان
معنى كلامه الديوان يعطينا موافقه بسفر للخارج بس ياللجنه لاتسفرينهم
عطلوهم طلبو تقارير جديده
ولا تعترفون بتقارير الدكتور المعالج اللي كانو عنده
يعني موافقه من الديوان بس بأمر للجنه تسافر

[ابوالحارث]

الحكومة ماقصرت بكل صراحة لكن المشكلة تكمن في ان بعض الأجانب الذين يتم تعينهم لخدمة اهل قطر يقومون بالتفنن بعرقلة المواضيع الخاصة بأهل قطر وهناك عدة اسباب لتصرفهم هذا من بعض هذه الاسباب ان منهم من تربى في مجتمع مبني على الحقد و التهميش و الفقر و الفساد و المحسوبيه و البروقراطية و الانسان وليد بيئته و بالتالي يقوم بنقل هذه التجربة المريضة الي المجتمع الذي يعيش فية

[QaTaR49999]

الحكومة ماقصرت بكل صراحة لكن المشكلة تكمن في ان بعض الأجانب الذين يتم تعينهم لخدمة اهل قطر يقومون بالتفنن بعرقلة المواضيع الخاصة بأهل قطر وهناك عدة اسباب لتصرفهم هذا من بعض هذه الاسباب ان منهم من تربى في مجتمع مبني على الحقد و التهميش و الفقر و الفساد و المحسوبيه و البروقراطية و الانسان وليد بيئته و بالتالي يقوم بنقل هذه التجربة المريضة الي المجتمع الذي يعيش فية

صح لسانك يابوالحارث هذا الكلام الصح جعل والديك الجنه

[المليونير الفقير]

نبي الرجال اللي قالك انه امر من الديوان
هو اللي نبي نتاكد منه حتى على الخاص
مافيها شي

لان ماعرفتا للجنه يقولون قرار الدكتور طارق وانت قلت الديوان
معنى كلامه الديوان يعطينا موافقه بسفر للخارج بس ياللجنه لاتسفرينهم
عطلوهم طلبو تقارير جديده
ولا تعترفون بتقارير الدكتور المعالج اللي كانو عنده
يعني موافقه من الديوان بس بأمر للجنه تسافر

اخوي تدل الديوان روح لهم وقلهم اللجنه ارفضت تسفرني وانا عندي موافقه منكم شوف شيقولك بيقول نفس كلام الدكتور طارق جيب تقرير بتاريخ جديد وللعلم هالقرار نازل فقط من ثلاث شهور

[QaTaR49999]

اخوي تدل الديوان روح لهم وقلهم اللجنه ارفضت تسفرني وانا عندي موافقه منكم شوف شيقولك بيقول نفس كلام الدكتور طارق جيب تقرير بتاريخ جديد وللعلم هالقرار نازل فقط من ثلاث شهور
ايوالله ادل الديوان
وبيبين ان كانه من الديوان على كلامك ولا من اللجنه

[المستعينه بالله]

اخوي كلمت واحد فاللجنة الطبيه وسالته قالي عندنا تعميم من الديوان بهالشي

اخوي التعميم لازم ينشر لجميع المرضى مايكون سري. ولا ينحط بالدرج

حتى لا يكلفون حال المرضي ويعرفون الاجراءات

ياريتك طلبت صوره من التعميم بدلا من يشوهون

سمعه اليوان الاميري بسبب اجراءاتهم المزاجيه

[مستر راشد]

المصري الي في اللجنه
اذا تبي تكلمه تلحقه من مكتب لين مكتب عشان تكلمه بصراحه قلت ادب

[ابوالحارث]

صح لسانك يابوالحارث هذا الكلام الصح جعل والديك الجنه


والديك الجنة انشاء الله

[QaTaR49999]

المصري الي في اللجنه
اذا تبي تكلمه تلحقه من مكتب لين مكتب عشان تكلمه بصراحه قلت ادب

والله انك صادق
مصري وجوازه امريكي وشيخوه

[QaTaR49999]

اخوي التعميم لازم ينشر لجميع المرضى مايكون سري. ولا ينحط بالدرج

حتى لا يكلفون حال المرضي ويعرفون الاجراءات

ياريتك طلبت صوره من التعميم بدلا من يشوهون

سمعه اليوان الاميري بسبب اجراءاتهم المزاجيه

المشكله الموظفين القطريين قالو القرار من عند الدكتور طارق ولا جابو طاري الديوان
بس الملياردير الفقير يأكد انه سأل واحد في اللجنه وقاله القرار من الديوان

[فتى الجود]

السلام عليكم


لا حول ولا قوة الا بالله العلي العظيم

الله يشفيك ياخوي ويشفي مرضى المسلمين و يصبرك

انا اقول

اتقوا الله ياناس في المرضى كفاية مرضهم وابتلاءهم

ترى الخير واجد وعن الشح والبخل

وليش البخل وليش تعقيد الأجراءات الخير واجد

والله مب زين

[القطرية1]

كثر الكلام والظلم من هذه اللجنة وحسبي الله عليهم
انا كنت اتعالج في لندن وكتب لي الدكتور إجازة عشرة لأيام. وقعتها من المكتب الطبي في لندن
ليما تم عرضها على جنه العلاج بالخارج انفرضت وحسبوها لي إجازة بلا راتب
رغم موافقة المكتب الطبي

ومثل حالتي كثير
ما الحل ؟ وهل لهم الحق في رفض إجازتي بعد موافقة مكتبنا الطبي في لندن ؟

[المليونير الفقير]

المشكله الموظفين القطريين قالو القرار من عند الدكتور طارق ولا جابو طاري الديوان
بس الملياردير الفقير يأكد انه سأل واحد في اللجنه وقاله القرار من الديوان
اخوي القطرين الي فاللجنه مايحبون دكتور طارق ويبونه يطير اليوم قبل بكره

[وحيد-الشوق]

كثر الكلام والظلم من هذه اللجنة وحسبي الله عليهم
انا كنت اتعالج في لندن وكتب لي الدكتور إجازة عشرة لأيام. وقعتها من المكتب الطبي في لندن
ليما تم عرضها على جنه العلاج بالخارج انفرضت وحسبوها لي إجازة بلا راتب
رغم موافقة المكتب الطبي

ومثل حالتي كثير
ما الحل ؟ وهل لهم الحق في رفض إجازتي بعد موافقة مكتبنا الطبي في لندن ؟

انتي اجازة وانرفضت وحسيتي بالقهر انا معاج شيء يقهر لكن تخيلي العام كنت مع امي وانقطع علاجها شهر كامل :eek5: وكنا ندفع من جيبنا وازيدج من الشعر بيت كانت مسوية عملية في يدها وطلعت من المستشفى ثاني يوم ا قالوا ماوصلكم تمديد للعلاج علاجكم وقف ومافي الا تكتبون كتاب وتشرحون ظروفكم وترسله للدوحة وحد يراجع هناك عقب 3 اسابيع وصلت الموافقة بأستكمال العلاج ليش هذا كله المفروض بعد ماتترخص من المستشفى اقل شيء شهر علاج طبيعي ومراجعات والوالدة لها مراجعة هالسنة عشان تكمل العلاج بناء على طلب الطبيب المعالج يدها ماترقعت وعندها عملية ثانية بعد شنقول وشنخلي الحمدلله على كل حال :(

[QaTaR49999]

اخوي القطرين الي فاللجنه مايحبون دكتور طارق ويبونه يطير اليوم قبل بكره

شكلك تحب الدكتور طارق

ماضنتي يكرهونه من الله من غير سبب
القطريين فيهم خير ومبروكين ماضنتي بيتعادون لأي حد من غير سبب

[QaTaR49999]

كثر الكلام والظلم من هذه اللجنة وحسبي الله عليهم
انا كنت اتعالج في لندن وكتب لي الدكتور إجازة عشرة لأيام. وقعتها من المكتب الطبي في لندن
ليما تم عرضها على جنه العلاج بالخارج انفرضت وحسبوها لي إجازة بلا راتب
رغم موافقة المكتب الطبي

ومثل حالتي كثير
ما الحل ؟ وهل لهم الحق في رفض إجازتي بعد موافقة مكتبنا الطبي في لندن ؟

اللي يشوفونه هل قطر ماشافو خير يروحون سياحه مب علاج
وانتي يشوفونج راجعه من اجازه سياحيه عشان كذا خلوها من غير راتب

[رفيق الصحراء]

الديوان شافو التقرير اني راجع من سنه والموعد ذي الايام ولا يتعبر قديم لانه موعد لاكمال العلاج

المشكله من الدكتور نفسه طالع بشي جديد لانه توهم حاطينه

وبنسبه لسفر ان شالله اني رايح بس حطيت الموضوع ابين لناس شلون يتعطلون هل قطر في مواضيعهم

على فكره الكتاب اللي يطلع في الديوان امر ان فلان بن فلان يسافر للعلاج في الخارج يعني هم عليهم يرسلون التقرير وياخذون له موعد فقط

ولا له حق لا هو ولا غيره يعطل المرضى عشان يثبت وجوده على حساب هل قطر

والديوان يترجمون التقارير ويراجعونها عقب تنرفع يعني محد بيطلع له موافقه الا هو يستاهل و محتاج العلاج


الله يعينك وتروح وترجع بالسلامه ويشافيك

[QaTaR49999]

الله يعينك وتروح وترجع بالسلامه ويشافيك

الله يجزاك خير

[Right]

مكتب العلاج في الخارج = مقبرة بوهامور !!!

[QaTaR49999]

مكتب العلاج في الخارج = مقبرة بوهامور !!!






الموظفين ماتقدر تدخل عليهم .
اتوقع الوزير انسى

[الصغيره]

مما يولم ان لك متابعه او عمليتك غلط ويقولك الطبيب بمستشفى حمد ارجع للي سوى لك العمليه عمليتك غلط واللجنه ترفض

نبي الصراحه يقولون وين نروح

فيه ناس لهم علاجات لازم تكمل وفيه ناس علمياتهم التهبت والحديد والاسياخ خطا لازم تفك وتزال من الاعضاء منهم لكن اللجنه ترفض اصلا ارسلتوهم للعلاج ليه لما مش قادرين تكملون علاجهم ياليت اللي بهالجنه يغيروون وحااااالا

[QaTaR49999]

مما يولم ان لك متابعه او عمليتك غلط ويقولك الطبيب بمستشفى حمد ارجع للي سوى لك العمليه عمليتك غلط واللجنه ترفض

نبي الصراحه يقولون وين نروح

فيه ناس لهم علاجات لازم تكمل وفيه ناس علمياتهم التهبت والحديد والاسياخ خطا لازم تفك وتزال من الاعضاء منهم لكن اللجنه ترفض اصلا ارسلتوهم للعلاج ليه لما مش قادرين تكملون علاجهم ياليت اللي بهالجنه يغيروون وحااااالا


الله فوقنا وفوقهم

الحين كل مسؤول يفكر شلون يحافظ على الميزانيه حتى لو على حساب المواطن


كنه مايدري ان بلادنا فيها خير

[عيون الدوحة]

الله فوقنا وفوقهم

الحين كل مسؤول يفكر شلون يحافظ على الميزانيه حتى لو على حساب المواطن


كنه مايدري ان بلادنا فيها خير

ميزانيت العلاج بالخارج مفتوحة من الامير مالها لمت معين

[ذيب ازغوى]

وزير الصحه يغرررررررررررد خارج السررب الله يعينه على نفسه ويعينه من دعااوي الناس عليه

[QaTaR49999]

ميزانيت العلاج بالخارج مفتوحة من الامير مالها لمت معين

اذا الامير وولي العهد مش مقصرين

ليش الصحه اتعطل العالم وتبهدلهم كنهم يدفعون من مخابيهم

وغير اللي يوقفون عليهم العلاج ويبهدلونهم وهم في المستشفى وتذكرون اللي اتصلت تبكي من امريكا في وطني الحبيب

[عيون الدوحة]

اذا الامير وولي العهد مش مقصرين

ليش الصحه اتعطل العالم وتبهدلهم كنهم يدفعون من مخابيهم

وغير اللي يوقفون عليهم العلاج ويبهدلونهم وهم في المستشفى وتذكرون اللي اتصلت تبكي من امريكا في وطني الحبيب

لانهم مب كفو المنصب ولا الامانة الى عطاهم اياها الامير

[QaTaR49999]

لانهم مب كفو المنصب ولا الامانة الى عطاهم اياها الامير


وهذ علي فجر
الله ييلي كل من عطلنا واخرنا ومن غير وجه حق وهو بس يبي يتسلط علينا
إن الله يبليه من مابلانا ياالله ياكريم

[بوعجيل]

الحقوق يبقيلها احلوووووووووووووووووق

[_قطرية_]

الله يشفيك ويشفي جميع مرضى المسلمين

حاب أفهم هذه النقطة، الخاصة بموافقة الديوان، للذهاب للموعد
لماذا أنت محتاج لموافقة الديوان؟؟ هل الموعد النهائي مع الطبيب المعالج للتأكد من الشفاء التام مرفوض من الأساس من قبل اللجنة الطبية؟؟؟ أو هناك أسباب أخرى؟؟
وحتى ينتبه الأخرون في المستقبل وحتى لا يصيب التقارير التقادم، هل بمجرد العوده من الخارج يجب على صاحب التقرير التقدم للجنة للحصول على الموافقة لذهاب للموعد بعد سنة؟؟
أما بخصوص قرار الديوان بالموافقة لك للذهاب للموعد، تعتمد قوة القرار على صيغته.!!
وعلية، إذا كان القرار بالموافقة على ذهابك للموعد حسب القوانين المتبعة في الدولة، فأنت سمعت المفيد، بإن التقرير يجب أن يكون حديث وليس أقدم من 3 أشهر،

لكن إذا القرار صيغته تختلف ويكون مثل الأمر، فأنت في السليم وموضوعك سوف يحل بأسرع من ماتتوقع، تذهب لمحكمة الأمور المستعجلة وخلال أسبوع سوف يصدر لك أمر قضائي
يجبرهم على تنفيذ القرار... لكن تأكد من صيغة القرار.
السلام اخوي الي كتبت الكلام الي فوق يعنى انا مثلا عندي موافقة من سمو ولي العهد وتقريري من الدكتور برا قبل ست اشهر ويوم رحت قالوا جيبي تقرير حديث كيف يعني وانت تقول حتى ينتبة الاخرون يعني واحنا كيف 2- بخصوص كلامك (أما بخصوص قرار الديوان بالموافقة لك للذهاب للموعد، تعتمد قوة القرار على صيغته) فيه اقوى من موافقة سموه ولا كلام ريس القسم هو لي يمشي كلامه

[عاشق العديد]

الله المستعان والله يشفيك حمد بن ثامر مايقصصصر روحله ماعليك منهمممم ..

[R 7 A L]

المشكلة مايعرفون موظفين اللجنة ان التقرير الخارج من مؤسسة حمد
مصيرة ( صندوق القمامة ) بعد وصول المريض للمستشفى المرسل له بالخارج

[وحيد-الشوق]

الله المستعان والله يشفيك حمد بن ثامر مايقصصصر روحله ماعليك منهمممم ..

:rolleyes2:

هذاك اول

رئيسة اللجنة حاليا الدكتورة حمدة قطبة << الاسم الاول مب متأكد منه

[QaTaR49999]

الله يشفيك ويشفي جميع مرضى المسلمين

حاب أفهم هذه النقطة، الخاصة بموافقة الديوان، للذهاب للموعد
لماذا أنت محتاج لموافقة الديوان؟؟ هل الموعد النهائي مع الطبيب المعالج للتأكد من الشفاء التام مرفوض من الأساس من قبل اللجنة الطبية؟؟؟ أو هناك أسباب أخرى؟؟
وحتى ينتبه الأخرون في المستقبل وحتى لا يصيب التقارير التقادم، هل بمجرد العوده من الخارج يجب على صاحب التقرير التقدم للجنة للحصول على الموافقة لذهاب للموعد بعد سنة؟؟
أما بخصوص قرار الديوان بالموافقة لك للذهاب للموعد، تعتمد قوة القرار على صيغته.!!
وعلية، إذا كان القرار بالموافقة على ذهابك للموعد حسب القوانين المتبعة في الدولة، فأنت سمعت المفيد، بإن التقرير يجب أن يكون حديث وليس أقدم من 3 أشهر،

لكن إذا القرار صيغته تختلف ويكون مثل الأمر، فأنت في السليم وموضوعك سوف يحل بأسرع من ماتتوقع، تذهب لمحكمة الأمور المستعجلة وخلال أسبوع سوف يصدر لك أمر قضائي
يجبرهم على تنفيذ القرار... لكن تأكد من صيغة القرار.
السلام اخوي الي كتبت الكلام الي فوق يعنى انا مثلا عندي موافقة من سمو ولي العهد وتقريري من الدكتور برا قبل ست اشهر ويوم رحت قالوا جيبي تقرير حديث كيف يعني وانت تقول حتى ينتبة الاخرون يعني واحنا كيف 2- بخصوص كلامك (أما بخصوص قرار الديوان بالموافقة لك للذهاب للموعد، تعتمد قوة القرار على صيغته) فيه اقوى من موافقة سموه ولا كلام ريس القسم هو لي يمشي كلامه


الامر من الديوان
هم مش رافضين السفر هم طالبين تقارير جديده
مايكون مر عليها 3 شهور
زين اذا انا راجع من سنه من العلاج والموعد في التقرير من الدكتور المعالج اللي كنت عنده من سنه
ليش التقرير الجديد
وليش مافيه تقدير للمريض يعني موعدي الحين وقعد شهر ولا شهرين لين افحص وطلع تقرير جديد
هذا كله من وقت المريض وبرجع على تشخيصهم القديم اللي طلع غلط
يعني تخيلو شخص تعبان ويراجع كل يوم في مستشفى حمد وفحص جديد

والمصيبه التشخيص برا غير وعندهم غير يعني برجع بملف جديد وهناك تشخيص جديد

[QaTaR49999]

الله المستعان والله يشفيك حمد بن ثامر مايقصصصر روحله ماعليك منهمممم ..

الله يذكره بلخير طلع من عندهم من كم شهر

[QaTaR49999]

المشكلة مايعرفون موظفين اللجنة ان التقرير الخارج من مؤسسة حمد
مصيرة ( صندوق القمامة ) بعد وصول المريض للمستشفى المرسل له بالخارج


والله انك صادق
في اول موعد لي من سنه تقرير حمد غير عن التشخيص
والمشكله تقرير الدكتور المعالج غييييير اللي موعدي عنده
وتقرير مستشفى حمد بيطلع غير لانه فحص جديد
وبيرجعون على تقاريري عندهم الاوليه
شلون يفكون مادري