مواطن يعتدي على موظف حكومي

[الشعال]

شهدت إحدى الوزارات الخدمية حادثة غير مألوفة تمثلت في قيام مواطن بالاعتداء على رئيس أحد الأقسام الفنية بالوزارة احتجاجًا على قيامه بتحرير مخالفة ضدّه بسبب اعتدائه على الأملاك العامة دون وجه حق.

وقام مسؤولو الوزارة بإبلاغ الشرطة، والتي حضرت على الفور وقامت باصطحاب المواطن للتحقيق في الواقعة واتخاذ الإجراءات القانونية اللازمة.

[حمد 2002]

بعض الموظفين يسفتزون المراجعين ، وهالشيء حصل امامي كثيرا

[@north_star@]

بعض الموظفين يسفتزون المراجعين ، وهالشيء حصل امامي كثيرا

حتي ولو اخوي هذا أسلوب غير مبرر بالتصرف بهالطريقة

[أبو~يوسف]

لازم يتأدب

[عشق الوطن]

عاد ماتوصل اني امد يدي عليه

هو اكيد انه نرفزه باي شكل ،،، لو تعامل معاه باسلوب طيب ما اعتقد راح يعتدي عليه


انتمنى مانشوف هالظاهره عندنا

[رفيق الصحراء]

مهما كان تصؤف الموظف لازم مايقوم حد بالاعتداء عليه
اذا كل واحد بيقول استفزوني عيل شالفرق بينك وبين الحيوان ؟؟؟؟؟؟؟؟؟؟؟؟؟؟

الله عطاك عقل اذا ماستخدمته عيل ليش عايش

لازم يعاقب ولازم على رئيس القسم يرفع قضيه ويطالب بتعويض والوزاره نفسها تطالب بتعويض وخلوه يخيس بالسجن

[بوفهيد]

أذا أسلوبة مستفز !
بخلي عقالي يسوي رسومات علي ظهره ..

[بوعلي2]

كثر الدق يفج اللحام

الظاهر فج لحامه المراجع :) او المعتدي هههه :)

[العنيده]

صحيح ان البعض يستفز بس بعد التصرف كان غلط ..

[Riku3]

امور فردية والحمد لله وعي المجتمع زاد وهالامور قلت ..

بس تبي الصج ... والله في ناس بالوزارات ترفع الضغط وخاطرك تأدبهم وانا بحكم زياراتي الكثيرة للوزارات الخدمية تعاملت مع ناس مايستاهلون كراسيهم ويحاولون يضيقون على الناس كثر ما يقدرون .

[قطريه ماركه]

الله يهديهم

الحلم سيد الاخلاق ...

[العلم]

اجججلده .. :secret:

[أم نواري1]

في ناس عصبيين على أتفه سبب
عبالهم كل شي ينحل بالصراخ والهواش وأحيان مدّت اليد .!

وفي موظفين يبون لهم أكثر من الضرب من إهمالهم وأسلوبهم المستفز

بس الواحد يمسك نفسه ويتعامل معاهم بأخلاقه هو وليس بأخلاقهم
إلا لو هذي أخلاقه مشكلة = )

[رفيق الصحراء]

لنفرض العميل استفز الموظف والموظف اضربه مو بتقول ليش يضربه

مهما كانت الظروف لايجوز الضرب ولا مد اليد هذا اسلوب الهمج والناس الغير متحضره
ولو دخل المستشفى او مات شنو بيكون موقفك؟؟؟؟؟؟؟؟؟
تدخل السجن والا تتمرمط بالمراكز والمحاكم عشان لحظه غضب ماتسوى

[hamoor4ever]

بحكم عملي اشوف المراجعين هم من يستفزون الموظفين . المراجع غلطان وعليه مخالفه وفوق هاذه ضرب الموظف تتوقع الموظف ليش استفز المراجع !! اكيد بسبب اسلوب المراجع بعض الناس نشبه والله والاحترام كلش مايفيد فيهم .

[ww1000000]

عطا في الرييووووووووووووووووووله

[تحداني]

أنا اعاني أحيانا من بعض المراجعين .. لان البعض يتمادى وايد في كلامه
كونه جاي من تربيه معينه .. وساعات يعتقد ان المعلومات الي يملكها صحيحه
والبعص يصر على الشي الي هو يبيه ..

من خلال السنوات الطويله في العمل تعلمت .. تبي تصك ابواب الغضب لدى المراجع
حاول كثر ما تقدر تكلمه بأدب .. حتى لو كان كلامه لايستحق ذلك
لان بالنهايه هو عميل وجاي يطلب خدمه
لكن ان طالت لحد الاساءه الشخصيه .. هنا كل الاعتبارات تتوقف


جملكم الله برضاه

[بو راشد 1]

عن تجربه، في احد مراجعاتي لاحد الوزارات (قليل اصلا اني اروح اراجع)، رئيس القسم قال لنا: "الحين بقلب الطاولة عليكم :eek5:"

ملاحظة: انا كنت رئيس قسم في ذاك الوقت في مكان اخر، و عمري ما قلت حق حد جذية، حتى لو غلط علي!

[Qatar Angel]

قليل أدب ويستاهل العقوبة

[في سبيل الله]

قليل أدب ويستاهل العقوبة

لازم ما نحكم على الشخص وتصرفه قبل ما انعرف تفاصيل الواقعة بالضبط

لا تحكمين على الشخص انه قليل ادب من كلمتين قريتيهم اشدراج يمكن يطلع

هو المظلوم

[كازانوفا]

لا حول ولاقوة الا بالله

[قطريه22]

بعض المسؤولين ماعندهم اسلوب

يمكن ماحترم الرجال

يستاهل المسؤول

[موظف ((حكومي]

صحيح ان البعض يستفز بس بعد التصرف كان غلط

مكان يغلط عليه وهو في العمل ينتظره بالخارج

بعض الموظفيين يحرقون القلب مراجع ببروده

الله المستعان

[جارح]

بعض المسؤولين ماعندهم اسلوب

يمكن ماحترم الرجال

يستاهل المسؤول

اختي قطرية هالرد ذكرني بموقف صارلي من فترة كنت اراجع جهة خدمية وكان موضوعي خالص وعلى التوقيع وتميت انطر سعادة المدير لين شرف مكتبه الساعه 10 من اول ماوصل وانا اقول يالله سترك مكشر ومعتفس الوجه استأذنت سكرتيره ودخلت علية بعد ماطقيت الباب مرتين تفاجأت الا يقول من سمح لك تدخل هنا انا تنرفزت يعني جاي متاخر على دوامك ولك عين تتكلم بهالاسلوب قلت له سمح لي ولي امري وأمرك ادخل مكتبك متى مابغيت وعليك تخلص معاملات الناس ولا تعطلها الا يقول اطلع برى وانطر لين اناديك انا عرفت انه متسبب قلت هل عندك اجتماع طارئ قال لا قلت هل عندك اوامر من وزيرك بطرد المراجعين من مكتبك عصب لحظتها وقام وضرب الطاولة بيدينه وقال الامر امري اطلع برى رجعت له وقلت له اسمع اذا جيتك في بيتك اطردني يا اسود الوجه وحطيت المعامله على مكتبه قلت له انا طالع عند سكرتيرك وخلال خمس دقايق لو ماجاتني معاملتي تاكد اني راجع لك بوجه ثاني وتركته وطلعت وخلال دقيقتين كانت معاملتي عندي جاهزه
للعلم المدير كان جاي من البيت ومتاخر عالدوام وللحين مبين النوم بعيونه يعني لحد يتعذر عليه
الخلاصه مو كل مسئول مسك منصب يستعبد خلق الله ويعطلهم او يضلمهم وفيه مسئولين الشهادة لله ودك انهم ينحطون بدال وزرائهم من حسن تعاملهم وتفانيهم بالعمل وتذليل الصعاب بوجه المراجعين

[المتفرج]

من لا يحترم لا يحترم

من الواجب على الاخ المدير ان يتامل مع المواطن بالشكل الرسمي

وليس من حقه استفزاز المواطن المراجع ولا غيره

لو لم يكن هناك استفزاز لما وصل المواطن الى هذه الدرجه

ومن حق المدير في حال تطور الموضوع ان يستعين بالشرطه



انا اتهم المدير وأحمله الغلط ولا اعفي المواطن من الخطأ


وسلامتكم

[بريق الحق]

اختي قطرية هالرد ذكرني بموقف صارلي من فترة كنت اراجع جهة خدمية وكان موضوعي خالص وعلى التوقيع وتميت انطر سعادة المدير لين شرف مكتبه الساعه 10 من اول ماوصل وانا اقول يالله سترك مكشر ومعتفس الوجه استأذنت سكرتيره ودخلت علية بعد ماطقيت الباب مرتين تفاجأت الا يقول من سمح لك تدخل هنا انا تنرفزت يعني جاي متاخر على دوامك ولك عين تتكلم بهالاسلوب قلت له سمح لي ولي امري وأمرك ادخل مكتبك متى مابغيت وعليك تخلص معاملات الناس ولا تعطلها الا يقول اطلع برى وانطر لين اناديك انا عرفت انه متسبب قلت هل عندك اجتماع طارئ قال لا قلت هل عندك اوامر من وزيرك بطرد المراجعين من مكتبك عصب لحظتها وقام وضرب الطاولة بيدينه وقال الامر امري اطلع برى رجعت له وقلت له اسمع اذا جيتك في بيتك اطردني يا اسود الوجه وحطيت المعامله على مكتبه قلت له انا طالع عند سكرتيرك وخلال خمس دقايق لو ماجاتني معاملتي تاكد اني راجع لك بوجه ثاني وتركته وطلعت وخلال دقيقتين كانت معاملتي عندي جاهزه
للعلم المدير كان جاي من البيت ومتاخر عالدوام وللحين مبين النوم بعيونه يعني لحد يتعذر عليه
الخلاصه مو كل مسئول مسك منصب يستعبد خلق الله ويعطلهم او يضلمهم وفيه مسئولين الشهادة لله ودك انهم ينحطون بدال وزرائهم من حسن تعاملهم وتفانيهم بالعمل وتذليل الصعاب بوجه المراجعين

كفووو والله

[Qatar Angel]

لازم ما نحكم على الشخص وتصرفه قبل ما انعرف تفاصيل الواقعة بالضبط

لا تحكمين على الشخص انه قليل ادب من كلمتين قريتيهم اشدراج يمكن يطلع

هو المظلوم

حتى لو مظلوم إحنا في دولة قانون ويقدر يأخذ حقه
اما التصرفات الهمجية فهي قلة أدب في نظري ،،

[بريق الحق]

حتى لو مظلوم إحنا في دولة قانون ويقدر يأخذ حقه
اما التصرفات الهمجية فهي قلة أدب في نظري ،،

الواحد لم يستفز يطلع عن طوره وماندري عن حالة الشخص. عنده مشاكل الخ

[راشد المهندي]

هذي نتيجة سياسة الكيل بمكيالين
لو المراجع شيخ ولا عنده واسطه كان شلو المخالفات عنه وجابوا له الاوراق لين بيته.

[بو راشد 1]

هذي نتيجة سياسة الكيل بمكيالين
لو المراجع شيخ ولا عنده واسطه كان شلو المخالفات عنه وجابوا له الاوراق لين بيته.

:nice::nice::nice:

[هداف]

طبعا انا ضد هذا التصرف ولكن مرات يكون هو الحل الاخير !

وفيه موظفين في بعض المؤسسات والوزارات الخدميه يبيلهم ضرب تأديبي غير مبرح :)

[العلم]

اختي قطرية هالرد ذكرني بموقف صارلي من فترة كنت اراجع جهة خدمية وكان موضوعي خالص وعلى التوقيع وتميت انطر سعادة المدير لين شرف مكتبه الساعه 10 من اول ماوصل وانا اقول يالله سترك مكشر ومعتفس الوجه استأذنت سكرتيره ودخلت علية بعد ماطقيت الباب مرتين تفاجأت الا يقول من سمح لك تدخل هنا انا تنرفزت يعني جاي متاخر على دوامك ولك عين تتكلم بهالاسلوب قلت له سمح لي ولي امري وأمرك ادخل مكتبك متى مابغيت وعليك تخلص معاملات الناس ولا تعطلها الا يقول اطلع برى وانطر لين اناديك انا عرفت انه متسبب قلت هل عندك اجتماع طارئ قال لا قلت هل عندك اوامر من وزيرك بطرد المراجعين من مكتبك عصب لحظتها وقام وضرب الطاولة بيدينه وقال الامر امري اطلع برى رجعت له وقلت له اسمع اذا جيتك في بيتك اطردني يا اسود الوجه وحطيت المعامله على مكتبه قلت له انا طالع عند سكرتيرك وخلال خمس دقايق لو ماجاتني معاملتي تاكد اني راجع لك بوجه ثاني وتركته وطلعت وخلال دقيقتين كانت معاملتي عندي جاهزه
للعلم المدير كان جاي من البيت ومتاخر عالدوام وللحين مبين النوم بعيونه يعني لحد يتعذر عليه
الخلاصه مو كل مسئول مسك منصب يستعبد خلق الله ويعطلهم او يضلمهم وفيه مسئولين الشهادة لله ودك انهم ينحطون بدال وزرائهم من حسن تعاملهم وتفانيهم بالعمل وتذليل الصعاب بوجه المراجعين

ذيب .. كفوووعليك:nice:

[في سبيل الله]

حتى لو مظلوم إحنا في دولة قانون ويقدر يأخذ حقه
اما التصرفات الهمجية فهي قلة أدب في نظري ،،

وهل دولة القانون برأيك تحكم على المتهم بالعقوبة قبل ما تعرف الأسباب ؟!

قد يكون سبب الضرب هو سب أو قذف فالأجدر ان يعاقب الموظف أيضاً

[Qatar Angel]

وهل دولة القانون برأيك تحكم على المتهم بالعقوبة قبل ما تعرف الأسباب ؟!

قد يكون سبب الضرب هو سب أو قذف فالأجدر ان يعاقب الموظف أيضاً

لا طبعا يجب معرفة الاسباب،، كما فعل سيدنا عمر بن الخطاب رضي الله عنه لم يقم حد السرقه في عام الرمادة بسبب انتشار المجاعة والفقر في ارض الحجاز مما دفع البعض
الى السرقة
ولكن يجب التشديد على التصرفات المندفعة حتى ما يأخذها البعض
حجة أتمنى وصلت الفكرة

[البانوش]

الموظف عندة مسؤل وعندة مدير مفروض يقدم شكوى على الموظف اذا له حق

اما انة يمد على موظف في عملة فهذي قلة ادب وعدم تربية

وهذي عادات دخيلة علينا

وان شاء الله يعاقب هذا المواطن والذي يعتبر مخالف للقانون ويحمل صفة مجرم.

[في سبيل الله]

لا طبعا يجب معرفة الاسباب،، كما فعل سيدنا عمر بن الخطاب رضي الله عنه لم يقم حد السرقه في عام الرمادة بسبب انتشار المجاعة والفقر في ارض الحجاز مما دفع البعض
الى السرقة
ولكن يجب التشديد على التصرفات المندفعة حتى ما يأخذها البعض
حجة أتمنى وصلت الفكرة

نعم / وحتى تكون رادع أيضاً للموظف المستهتر

[qatarman8008]

والله في كم موظف.. خاطري مو اضربه وبس.. خاطري اشق هدومه شق..

[ام ناصر1]

ما أيد ضرب الشخص للموظف مهما كانت اسبابه ...

[al_maystro]

مواطن او مب مواطن اجنبي عربي لازم يتادب ويعرف انه
الاعتداء على موظفي الحكومه خط احمر

[naklan]

يجب ان نتريث في الحكم على من الخطا لعدم الالمام بتفاصيل القصة
لكن بحكم خبرتي في وزارات الدوله الموضوع حدث في احد اقسام البلدية
لانهم المخولين بذالك وبحكم اني احتكيت معاهم ولي تجارب وقصص معهم
فانهم يمكن استفزوا صاحبنا وكانت السالفه بسيطه وكبروها ومخالفاتهم
اقل مبلغ 10000 ريال وطاش الرجال ووصلت للضرب :telephone:


من ما حدث لي معهم كان عندي موقع بناء واوقفت البناء لاني باسافرلندن لحاله طارئة
رجعت بعد 5 شهور لقيت علي مخالفات 20 الف ريال ليش يا جماعه قالو الحاجز طايح زين
الموقع مقفل والهوى نزل الحاجز الموقت وبعدين هذا يوضع لبدايه الحفر في الموقع في
حاله وجود حفر قالو انت ما راجعت وبتتخالف واذكر اذا نزلت تريب رمل على الرصيف
الخارجي لعدم امكانيه دخول التريلا في الموقع وثان يوم بادخله في الموقع


يمرون ويصورون ويبون يخالفون وتروح لهم كم يوم وتتفاهم معاهم
لين يرضون :eek5: الصراحة استفزاز يومي حتــى كرمكم الله مخلفات البناء
العمال تطلعها برا علشان تجيب شاحنه تشيلها يمرون ويصورون ويهددون
استفزاز يومي ومسلسل ممل البلديه صارت ماصخه للاسف :(

[تغلبية]

الموظف المستفز على راسه اللي اكبر منه ... يرده اذا مصخها

بس ماتوصل للضرب لموظف على رأس عمله

[رفيق الصحراء]

وهل دولة القانون برأيك تحكم على المتهم بالعقوبة قبل ما تعرف الأسباب ؟!

قد يكون سبب الضرب هو سب أو قذف فالأجدر ان يعاقب الموظف أيضاً


لو سبك او ضربك في قانون تقدر تروح للمدير المسوؤل هذا ضربني او سبني مو تمد يدك اذا هو كان حمار وسبك تصير مثله حمار ؟؟؟؟
كلم مسوؤله او كلم الشرطه تعالوا تعرضت للسب من موظف وياخذون حقك

هذا عذر اقبح من ذنب

[الصغيره]

القهر يولد الانفجار

لازم يراعون ان الموظف استفزه

[مراد2015]

بس مالة حق يمد يده على موظف الدولة يخدمة ويخدم غيره

ويجب ان يعاقب هذا المراجع

[ذيب ازغوى]

ههههههههههههههههههههههه


شوف عيني انه منرفزه واستفزه لابعد الحدود ولا وين يمد يده عليه

[الكواري 1972]

هو غلط يمد يده بس اكيد اقهره

بس يستاهل ماجاه لازم يحترم خلق الله

الدولة شغلته ليخدم الوطن والمواطن وكل مقيم عليها ولازم يحترم نفسه

سالفه من فتره الموظف والمراجع في احد الدوائر الحكوميه بعد النقاش
اخذ الاوراق وطنش للمراجع ورجع له بعد نصف ساعه تقريباً او اكثر شكله راح يتريق
حذف الاوراق على الطواله قال له خذ اوراقك ومالك شي عندنا
راح للمدير بعد المسكين نقع شوي قال له راجعنا باجر يستوي خير وشكه الموظف للمدير رد المدير بكل
بساطه يمكن في حد مزعله هذ رد بالله عليكم او هذا تصرف من موظف ايش العمل

طبعاً مش الكل البععععععععععض

[naklan]

يمكن الهواش والضرب الي صار مع الموظف ينبهه لاخطائه
ويوقض ضميره :( بصراحة يامن موظف في دوائرالحكومة ردي ويستاهل
خيازرين بعظهم يفتكر الاداره الي شغال فيها شركة خاصة ويمشي من يشاء
ويعطل من يشاء وهذا هو الواقع المرير والله لا يكتب عليكم مراجعة
التخطيط العمراني قسم رخص البناء بتشوفون العجب
ولي سالته عندكم قانون على هالشي يقولك
القانون عندي انا بكل وقاحة :telephone:


بصراحة لو كان فيه جهة رقابية وترد للناس حقوقهم وتنظر
في مضالمهم كان ما وصلت للهواش :eek5:

[غير عنهم]

ترى بعض الموظفيين استفزازين بشكل غير طبيعي انا مره اراجع موظفي الاستقبال في الاراضي يتكلم الواحد تحس ان الارض حلال ابوه وانت تشحذه يعني لو مامسكت نفسي كان صار شي لا يحمد عقباه

[بوخالد911]

قالها الرسول عليه الصلاة والسلام : القوي من يملك نفسه عند الغضب

[جفى الجوارح]

وانتوا على طول حكمتوا على الموظف انه هو الي نرفز المراجع؟

[معماري قطري]

أذا أسلوبة مستفز !
بخلي عقالي يسوي رسومات علي ظهره ..

إذا ضعيف وإنت أقوى منه لكن لو العكس بتمسك الباب

[ذيب ازغوى]

إذا ضعيف وإنت أقوى منه لكن لو العكس بتمسك الباب

بعد برقد به
شنو لعبت يهال
يحترمني بحطه فوق راسي فوووق

ولو مايحترمني اقطري اجنبي بدوسه بنعالي

لاني انا مارضى اغلط على احد ولا ارضى اني اغلط على احد

بالعكس اخليه يطلع مستانس من عندي ويتذكرني بالخير مب اخيس وياه

وبقولك مره سالفه لي في فودافون في الاند مارك في موظف هناك من احد الدول الخليجيه محترررم والله ان اول مايشوف احد يستقبله من عند الباب وفي واحد ثااني الحمدلله والشكر نفسيته رافعهااا فوووق كلمته المهم وانا اكلمه يقولي شفيك ماتفهم انت مسكته من ثيابه قلت له احترم نفسك وهديته سبحاااان الله بعدها سوالي يدهينه لاتنكتين
ليش زين من البدايه ماكلمتني عدل


صدق انا اتجنب المشاكل قد ماقدر لاكن اللي بيغلط علي ماراح اخليه وحقي بيدي اخذه لاني اجربت اشتكي واكلم مافي فايده كلشش:weeping:

والسموحه على الاطاله لاكن حبيت ابين لك الموضوع اكثر وترى الرجال ( الرجال ) مايخاف الا من ربه وفمان الله

[مراد2015]

مااااااااله حق يمد يده ماله حق يمد يده ً العنترية وفرد العضلات ماهي على موظف

[التيما]

أخرتها غرامة 200 ريال عشان أهان موظف والاعتداء عليه أثناء تأدية عمله .. أنا عندي نائبة مب ضرب !! إلا خاطري احذفها بأقرب طابوق على أسلوبها

[sos_z]

السلام عليكم
مع اني ضد التصرف ..وتمنيت ان المعتدي بالضرب كان صبر ومامد يده..وشكاه احسن
بس ارجع واقول بعض الموظفين يبي لهم اعادة تربية بس مب بالضرب..بالمساءلة والمحاسبة..
واعطاءهم دورات تدريبية في السلوك..ومراقبتهم وفتح باب للشكاوي ينظر اليه في وقتها اول باول بدل ركنها في الرفوف او رميها في سلة المهملات...
والله يهدي الجميع
مب عيب..العيب الجهل ..