اللؤلؤة .. بين جمال المكان .. وسخافه الخدمات ..

[تحداني]

لنقل بسم الله وعلى بركه الله

لا يختلف اتنان على جمال " اللؤلؤه " وما به من لمسات فنيه رائعه
فكره مستوحاه بطريقه مختلفه نوعا ما عن باقي الافكار المتكرره
ماذا عن بقيه الخدمات ؟؟ .. هنا لا أجد كلمه سوى " سخافة الخدمات فيها "


هناك المزيد

جملكم الله برضاه

[Khaled Qatar]

مانوع الخدمات اللي تتكلمين عنها؟

[العلم]

نفس السؤال ..

[Khaled Qatar]

مطاعم وفي بالكثيره ، محلات وفي بالكثره ، كوفي شوبات ، مسجد واحد ، دورات مياه.

[BoAof]

في رادار يحطونه يوميا بعد البوابه وانت تطالع جمال المكان وفجئه ههههههههههههههههههه
يعفس ام المزاج وسرعته 50

[موظف ((حكومي]

هههههههه رادارات كثيره

[تحداني]

مانوع الخدمات اللي تتكلمين عنها؟


اتكلم عن خدمات كثيره او خلينه ما نقول خدمه كثر ما نقول عنها مرافق تتبع لها
كم مطعم في هذا المكان تقدر تقول عنه مطعم اكله جميل وانيق ونظيف ويستحق المبلغ المحدد له .. ؟؟ كم مطعم يحترم الزبون في نظافه الطعام ؟؟ كم مطعم احترم هويته الغربيه مثل ما تحملها تلك الهويه في بلدها من جوده .. ولا مطعم ..




نفس السؤال ..


وخلينه نحط سؤال ثاني .. هل اعتقد من صمم هذا المكان انه صمم فقط للطبقه المخمليه
بمحلات لها مالها من اسماء عالميه دون سلعه تستحق النظر اليها
تدخل محل ما تلقى الا تيشرتين في هالرف .. وبنطلون طاير اهناك
حتى بضاعه تحترم هويه الماركه على قولتهم مافي
وكأنهم يقولون اهل قطر هذا وايد عليكم


مطاعم وفي بالكثيره ، محلات وفي بالكثره ، كوفي شوبات ، مسجد واحد ، دورات مياه.



مطاعم سيئه .. ومحلات مافيها بضاعه مثل البشر .. وكوفي شوبات رديئه .. ومسجد ما اقدر احكم لان ادخل واحد فيهم دائما وما دورت على غيره .. ودورات مياه الله يعزك كانت بدون ماي
وبعدها دخلوا هالاختراع .. وما اقصد المغاسل


وين الخدمات ؟؟ الله اعلم

في رادار يحطونه يوميا بعد البوابه وانت تطالع جمال المكان وفجئه ههههههههههههههههههه
يعفس ام المزاج وسرعته 50



اذا على الرادار خل يحطون مب مشكله هالشي اعتبره ايجابيه
مهو انتوا اتحبون السرعه حتى لو كان المكان داعوس :)

هههههههه رادارات كثيره



:)
:)

[همر]

هذا المكان معمول حق الاجانب واللي عندهم فلوس يشترون شقق..
ولا حد يقول معمول ولا بقصم ترى سخيفه..
وبعد ماتشتري الشقه طبعاً ما تسكن فيها..
وتتم تدفع حق الخدمات مثل الهواء مثلاً..
اشم ريحة صابون..
وبعدين توهقنا فيه وماعرفنا نكمله لاننا مادري ليش سويناه اساساً..
بس مطعم البرجر زين.. واسمه بس برجر..
على وزن بسبوسه.. تقليد.. وبس جرجر :secret:..

[عشق الوطن]

عاد احسن مكان في قطر هاللؤلؤه

[العقل المدمر]

والمواقف بعد محكرين عليها :shy:

[تحداني]

هذا المكان معمول حق الاجانب واللي عندهم فلوس يشترون شقق..
ولا حد يقول معمول ولا بقصم ترى سخيفه..
وبعد ماتشتري الشقه طبعاً ما تسكن فيها..
وتتم تدفع حق الخدمات مثل الهواء مثلاً..
اشم ريحة صابون..
وبعدين توهقنا فيه وماعرفنا نكمله لاننا مادري ليش سويناه اساساً..
بس مطعم البرجر زين.. واسمه بس برجر..
على وزن بسبوسه.. تقليد.. وبس جرجر :secret:..




والله كلامك حلو .. وصحيح وانا اشوف البلكونات مفتوحه يوم الخميس على البحر الصناعي الجميل في هالمكان الجميل اتاري نشتري شقه ونجيها بالويك اند .. واذا كنه اجانب سكنه فيها
اشدعوه شاليه ما صارت شقه .. :)
هم اتصور يوفرون للساكنين اقصد المارين على شققهم خدمات مثل تنظيف وترتيب وشي من هالقبيل فالخدامات مالهم داعي للتنظيف فكوهم


على طاري البرجر .. لو جربت هالمطعم في دبي دول
اتقول الي في الدوحه سارق اللوقو .. وحقوق المحل وما يمت له بصله
استخفاف بعقول الناس واوصلت لبطونهم .. كل هذا ليش
عشان يقولون في اللؤلؤه افتحوا مطعم جديد عالمي
طيب والخدمه .. والجوده ؟؟ والنظافه ؟؟ للاسف مافي


عاد احسن مكان في قطر هاللؤلؤه



مكان جميل جدا جدا .. لكن للاسف مب قادر او ما يبي يقدم شي يرضي ذوق الناس
ويحترم بس جوده الخدمات .. من اجل ارضاء الناس .. اهم شي علق اللوحه ..
والناس اتهب عليهم .. ولا يدرون الي ياكلونه ويشربونه اشلون جودته
المهم يدفع ويقول مع السلامه




والمواقف بعد محكرين عليها :shy:




المواقف الحلوه حق الناس الحلوه الي عندها سياااااااارات .. مب سياره بسيطه
الحين من صجج تبين اتصفين احذى الباب وانتي راكبه كامري
يختي حسي وتألمي " حلوه هالاغنيه :) "

[Khaled Qatar]

انا جربت اغلب المطاعم واشوفها جيده جدا ، يعني الذوق يختلف بين شخص لاخر ، والمحلات بعد جيده جدا ، في منها الماركات وفي منها اللي اسعارها مقبوله ، وفي بنك ، وكيوتل ، وجمعيه. اشوفه مكان متكامل وكل مطعم فيه له ميزه خاصه

[تحداني]

انا جربت اغلب المطاعم واشوفها جيده جدا ، يعني الذوق يختلف بين شخص لاخر ، والمحلات بعد جيده جدا ، في منها الماركات وفي منها اللي اسعارها مقبوله ، وفي بنك ، وكيوتل ، وجمعيه. اشوفه مكان متكامل وكل مطعم فيه له ميزه خاصه



كلامك حلو وايجابي وجميل .. انا جربت مطاعم كثيره .. ما لقيت جوده
لو قلنه الياباني " سئ " .. لو قلنه " المكسيكي " سئ " لو قلنا " البرجر " سئ
لو قلنه " الستيك " ذاك الفرنسي سئ .. انا هذا حكمي.. الايطالي " لقيت فيه ذبانه " ووصخ جدا
مع العلم الباستا لذيذه

عطني مطعم اجربه واروح له لما ودي اكل شي محترم وجميل
مهما تنوعت الاذواق سيدي الكريم .. فانا اتكلم عن جوده في الخدمه توازي قيمه الطبق
انت اليوم تدفع مبلغ وقدره على اقل لا يعد بالطريقه الصحيحه .. ولافيه نظافه
لو تجيب لك شيف على قد حاله بيطلع لك مليون خطأ


محلات الماركات .. انا اسألك سؤال برئ
لو جمعت كل القكع في المحل تقدر تعدها .. هل هذا يسمونه محل
كل محل امنثرين الاثياب بدل ما تزدحم بالملابس

عطني محل فيه 300 قطعه .. وانا على استعداد لعدهم :)


بنك .. وكيوتل .. هذا حتى في الجمعيات نلقاهم
ما يعتبر شي ولا خدمه .. ولا تنسى يا اخوي هذا المكان كأنه مجمع سكني

[رفيق الصحراء]

مو المشكله الخدمات لانه متوفر فيه كل شي وبتزيد الخدمات الايام الجايه
المهم البلشتيه اللي مسويينه مرتع الفساد اللي ماخذ له شقه او فيلا وقالبها كنيسه واللي يجي بسيارته يتمشى وصار مكان للتمشي بالسياره ومش مكان للاستمتاع فيه وبجمال المكان الللي يمشون بالسيارات رايحين جاييين ويتحرشون بالبنات اكثر من اللي داخل قاعدين يستمتعون بالخدمات وبالمطاعم وبالكافيهات

[أم نواري1]

كلامج صحيح وواقعي

وأنا اللي كنت أحسب جست برغر هو نفسه العالمي.!

أفا يا ذا العلم
كلت فمطعم شعبي وأنا مدري تهئ تهئ = (

[بومحمد المطاوعه]

لو يكون يوم للعائلات افضل بعد

[sweet qatar]

يا هلا بج تحداني.. الظاهر عندج تجارب سيئة مع مطاعمهم وخدماتهم..


اممممممم بالنسبة للملاحظات.. المصلى يحتاج من يهتم فيه ويتابعه..
والحمامات الله يعزكم مسوينها على نظام الأجانب وهذي غلطة كبيرة ..


وبالنسبة للشوبنج.. هذا سوق قطر البضايع تدور في كل العالم ولما تروح موضتها يقطونها عندنا..


ماعليج الأجانب موجودين.. مابيسكتون مثلنا..
شوي شوي بترتقي المطاعم الموجودة وبتتطور خدماتهم..

[الجوكر90]

السلام عليكم
المطاعم في ايليفيشن برجر هاي لذيذ
برج الحمام الكل امدحه لي بس انا مارحت له ﻻن كان يبيع خمر
سورماني الشباب امدحوه
وبخصوص الاسعار الشيخه تراج رايحه مكان راقي اكيد الاسعار شوي مبالغ فيها
نفس كتارا سكر باشا في شباب يروحون يطلبون شيشه ومقبلات ب2500

يعني اشوف ان مكان ممتاز والمطاعم جيده جدا
اذا صارت لج مواقف سيئه يمكن حظج مب حلو

واذا ع الشقق اذا ماعندك او مستخسر تدفغ مليون او مليونين اشتر لك بيت ابرك
ﻻن هالشقق حق الي عندهم ملايين ومب مفتكرين بالعشرين الف حق الخدمات

المهم الزين مايكمل
ﻻوم نتغاضي عن بعض السلبيات عشان نستانس ونكمل حياتنا

وبالتوفيق

[ام السعف]

يا زين مطعم عبير في اللفة ويازين الزرقا ويازين ار كيك هرجيسة
ويا حلوووووها سندويشات جباتي وكيمة وابيض المكس مع البصل والفل الخضر،،
ويااا سلام على آش طرزان زمان أول ،،

وشكرا لكم
:shy:

[الأصيلة]

فعلا اللؤلؤوة مكان جميل وراقي بس تنقصه خدامات كثيرة
وأصحابه الظاهر مهتمين بالعائد المادي فقط...
المشكلة الحقيقية في المصلى واللي المفروض يكون في كل جهة مصلى
لو كنا عند سبنس مثلا وين نصلي لازم نرجع الجهة الثانية ومانقدر إلا بسيارة..
بالنسبة للمطاعم أنا جربت الإيطالي من سنتين وكان غالي..
لكن احنا بس نكتفي بالقهاوي ...
المحلات مب ذاك المستوى لو قارناها ببضاعة دبي المتجددة
17 محل لـ هشام المانع وإخوانه
طيب يحاولون يجيبون الجديد من الكولكشن اللي ينزل في العالم
مب يحطون القديم ويبغونا نشتريه..
لكن في النهاية بعد نحس بمتعه وراحة لما نتجول في اللؤلؤة...

[intesar]

شوفي يا تحداني..
أولاً السلام عليكم..
ثانياً.. الماركات هذي عليها طلب من أهل قطر قبل الأجانب.. بنطلون طاير تيشيرت راقد.. هذي هي الموضة.. وعليها طلب..
وما أشوف فيه ما يعيب.. أو انه غلط..

بالنسبة للمطاعم.. فيه منه الزين ومنه الشين..
والمكان بصراحة روعة وفخم..

وعن الشقق وامتلاكها.. لا يعنيني.. لكن الكثير من القطريين يمتلكون ومأجرينه ومستفيدين..
يعني ما دري
هذا رأيي..

[Khaled Qatar]

كلامك حلو وايجابي وجميل .. انا جربت مطاعم كثيره .. ما لقيت جوده
لو قلنه الياباني " سئ " .. لو قلنه " المكسيكي " سئ " لو قلنا " البرجر " سئ
لو قلنه " الستيك " ذاك الفرنسي سئ .. انا هذا حكمي.. الايطالي " لقيت فيه ذبانه " ووصخ جدا
مع العلم الباستا لذيذه

عطني مطعم اجربه واروح له لما ودي اكل شي محترم وجميل
مهما تنوعت الاذواق سيدي الكريم .. فانا اتكلم عن جوده في الخدمه توازي قيمه الطبق
انت اليوم تدفع مبلغ وقدره على اقل لا يعد بالطريقه الصحيحه .. ولافيه نظافه
لو تجيب لك شيف على قد حاله بيطلع لك مليون خطأ


محلات الماركات .. انا اسألك سؤال برئ
لو جمعت كل القكع في المحل تقدر تعدها .. هل هذا يسمونه محل
كل محل امنثرين الاثياب بدل ما تزدحم بالملابس

عطني محل فيه 300 قطعه .. وانا على استعداد لعدهم :)


بنك .. وكيوتل .. هذا حتى في الجمعيات نلقاهم
ما يعتبر شي ولا خدمه .. ولا تنسى يا اخوي هذا المكان كأنه مجمع سكني

قلتلج من قبل الناس اذواق

البرجر روعه بالنسبه لي
الستيك الفرنسي روعه
الياباني ماجربته لاني ماحب الاكل الياباني بشكل عام
الايطالي جيد جدا
واذا عن الذبابه اللي في الاكل انا بعد لقيت ذبابه في مطعم في ارقى فندق في الدوحه وفي دبي وفي اغلى المطاعم ، واذا عن اسعار الاكل اشوفها مناسبه مقارنه بالمكان ، يعني مثلا مطعم البرجر اللي في اللولوه نفس سعر شيك شاك في فلاجيو وطبعا اللي في اللولوه افضل عالاقل مكانه يساعد

وفي مطعم رويال تندور في اللولوه رخيص جدا - تغدينا انا وصديق لي ب 180 ريال

انتي عفتي المكان لسبب وحكمتي انه سيء جدا، وهذا ظلم للمكان والخدمات ، واذا عن المحلات سواء بضائع الرجال او النساء انا دايما اشتري من عندهم ومعروفه اسعار الماركات ، او بس فالحين نشتري في لندن وفرنسا ، كلها نفس الاسعار وارجع اقول يعتمد على ذوق المشتري

[تحداني]

مو المشكله الخدمات لانه متوفر فيه كل شي وبتزيد الخدمات الايام الجايه
المهم البلشتيه اللي مسويينه مرتع الفساد اللي ماخذ له شقه او فيلا وقالبها كنيسه واللي يجي بسيارته يتمشى وصار مكان للتمشي بالسياره ومش مكان للاستمتاع فيه وبجمال المكان الللي يمشون بالسيارات رايحين جاييين ويتحرشون بالبنات اكثر من اللي داخل قاعدين يستمتعون بالخدمات وبالمطاعم وبالكافيهات



هاذي الامور لو ما ندري عنها افضل من ان ندري عنها
لان وقتها تحس تدري ومب قادر اتغير شي .. وهالفئه الي تكلمت عنها آفه المجتمع
وفي كل مجتمع هناك آفات رضينه او رفضنه
الله يصلحهم يارب


كلامج صحيح وواقعي

وأنا اللي كنت أحسب جست برغر هو نفسه العالمي.!

أفا يا ذا العلم
كلت فمطعم شعبي وأنا مدري تهئ تهئ = (



شفتي اشلون .. عادي اهم شي عندهم شي دخل بطنج وانتهى :)


لو يكون يوم للعائلات افضل بعد


صعبه اشوي
لان طريقه المكان وقانتيها يصعب علينه فرض هالشي لكن ما نتمنى ما يتنفذ الا بالعكس اقتراح جميل


يا هلا بج تحداني.. الظاهر عندج تجارب سيئة مع مطاعمهم وخدماتهم..



تقدرين اتقولين متذوقه للاكل بطريقه جميله نوعا ما
واعرف مواطن الطبخ وعوالمها نوعا ما .. ولكن لا اجيدها
شفتي التناقض :)


اممممممم بالنسبة للملاحظات.. المصلى يحتاج من يهتم فيه ويتابعه..
والحمامات الله يعزكم مسوينها على نظام الأجانب وهذي غلطة كبيرة ..


ملاحظات تكررت .. واعتبرها من الخدمات الي لازم ينظرون لها نظره حازمه
كون المكان يستقطب سياح ورغبات متنوعه


وبالنسبة للشوبنج.. هذا سوق قطر البضايع تدور في كل العالم ولما تروح موضتها يقطونها عندنا..


معاج حق
وكأن مكتوب على جبين القطري ادفع واشتري وانت ساكت
وفوقها احمد ربك ان فتحنا عندكم هالكم محل وهالكم ماركه

ماعليج الأجانب موجودين.. مابيسكتون مثلنا..
شوي شوي بترتقي المطاعم الموجودة وبتتطور خدماتهم..



ليت هالشي يصير
مع العلم هم ماكلينها عدل بس منطمين بسبب جمال المكان
ولا يحلمون ابهالمكان في بلدهم الا اذا كانت تلك الطبيعه ربانيه
وجات ابيوتهم بالصدفه عند مكان جميل

[تحداني]

السلام عليكم
المطاعم في ايليفيشن برجر هاي لذيذ
برج الحمام الكل امدحه لي بس انا مارحت له ﻻن كان يبيع خمر
سورماني الشباب امدحوه
وبخصوص الاسعار الشيخه تراج رايحه مكان راقي اكيد الاسعار شوي مبالغ فيها
نفس كتارا سكر باشا في شباب يروحون يطلبون شيشه ومقبلات ب2500


برج الحمام سئ .. ايليفيشن " صج الناس اذواق "
سورماني ما دخلته للحين بس مافي مانع اجربه

بخصوص الاسعار انا ما اختلفت وتالي الانسان يقرر يقعد او يترك المكان
بس انا اقول .. لما ادفع شي جايد المفروض يكون المستوى والخدمات بنفس السعر
مب ادفع 20 ريال على كولا .. وتجيني بدون ستيم


يعني اشوف ان مكان ممتاز والمطاعم جيده جدا
اذا صارت لج مواقف سيئه يمكن حظج مب حلو


وانا ما انكرت جماليه المكان
لذلك قلت اللؤلؤه بين جمال المكان .. واخرت سوء الخدمات :)
اما حظي يبدو انه قليل


واذا ع الشقق اذا ماعندك او مستخسر تدفغ مليون او مليونين اشتر لك بيت ابرك
ﻻن هالشقق حق الي عندهم ملايين ومب مفتكرين بالعشرين الف حق الخدمات


انا ما تكلمت عن الشقق عليهم ابمليون عافيه الي عندهم
والله يزيدهم ويبارك لهم .. انا عقبت على تعقيب اخوي همر
ممكن الكلام موجهه له اهني .. واذا عندهم مليون خل يصير عندهم بليون شسوي فيهم
المهم الزين مايكمل
ﻻوم نتغاضي عن بعض السلبيات عشان نستانس ونكمل حياتنا

وبالتوفيق



والله انا مستانسه من المكان لانه جميل بالفعل
لكن لا يرتقي بالخدمات الموجوده .. لان السلبيات هي سلبيات اساسيه
انت ما تتكلم عن اشيا بسيطه
نتكلم عن مطعم
عن جوده
عن مواقف
عن حمامات
مصلى
ملابس
ماركات

ايش بقى .. باقي الايجابيه البحر واليخوت الي واقفه
ما ادري متى اركب هاليخت ابمبلغ رمزي :)

والحياه جدا جميله ومب اللؤلؤه .. هي الي تعطينه هالسعاده


يا زين مطعم عبير في اللفة ويازين الزرقا ويازين ار كيك هرجيسة
ويا حلوووووها سندويشات جباتي وكيمة وابيض المكس مع البصل والفل الخضر،،
ويااا سلام على آش طرزان زمان أول ،،

وشكرا لكم
:shy:



والله المطاعم الي ذكرتيها ترى مخلصين في جوده الطعام
عمرهم ما حسسونه انهم دون المستوى الا يرضون ذائقتنا بشتى الطرق البسيطه
اعتقد انهم بدوا يحترمون بطونه .. مب مثل المطاعم الراقيه بدت تحترم طبقيه الناس
وعراقه علامتها التجاريه وهي فقط علامه دون جدوى

تعبنا من قله ثقافه البعض في الحكم على الاشياء
بمنظور احترام الانسان واحترام ذوقه واحترام المقابل للخدمه

فعلا اللؤلؤوة مكان جميل وراقي بس تنقصه خدامات كثيرة
وأصحابه الظاهر مهتمين بالعائد المادي فقط...
المشكلة الحقيقية في المصلى واللي المفروض يكون في كل جهة مصلى
لو كنا عند سبنس مثلا وين نصلي لازم نرجع الجهة الثانية ومانقدر إلا بسيارة..
بالنسبة للمطاعم أنا جربت الإيطالي من سنتين وكان غالي..
لكن احنا بس نكتفي بالقهاوي ...
المحلات مب ذاك المستوى لو قارناها ببضاعة دبي المتجددة
17 محل لـ هشام المانع وإخوانه
طيب يحاولون يجيبون الجديد من الكولكشن اللي ينزل في العالم
مب يحطون القديم ويبغونا نشتريه..
لكن في النهاية بعد نحس بمتعه وراحة لما نتجول في اللؤلؤة...



هذا الكلام وكلامج عين العقل
الايطالي جدا جدا جدا غالي
حتى لو كان في اللؤلؤه هالشي ما يعطيه هالمبرر
المصليات تكررت الملاظه
اما المانع له عتب كبير
يعني لهالدرجه الذوق القطري ما يستاهل نرضيه ابضايع عدله
لهالدرجه مستخفين في القوه الشرائيه لدى البعض عشان ينثرون لنه كم بدله ويسمونه محل
هذا حرام يكون كشك




شوفي يا تحداني..
أولاً السلام عليكم..
ثانياً.. الماركات هذي عليها طلب من أهل قطر قبل الأجانب.. بنطلون طاير تيشيرت راقد.. هذي هي الموضة.. وعليها طلب..
وما أشوف فيه ما يعيب.. أو انه غلط..



وعليكم السلام حبيبه قلبي
انتي فهمتي بنطلون طاير وتيشرت امعلق شي ثاني
انا اتكلم عن كميه الملابس والمعروض ما اتكلم عن الموديلات
لان الناس اذواق

الملابس تقولين ما ادري شنو والله
جايبين وكاله عالميه حق 4 اساور و3 بلايز

بالنسبة للمطاعم.. فيه منه الزين ومنه الشين..
والمكان بصراحة روعة وفخم..



المكان جميل وروعه وفخم وانيق واروع منه مافي في الشتى
لكن الخدمات سيئه والمطاعم رديئه للغايه
هذا هو الانطباع على المطاعم وكونك ذا ذوق رفيع في الطبخ
الحكم على الجوده راح يكون عادل .. لان لو تاكينه في مكان ثاني راح اتلاحظين الفرق الكبيررررر
وعن الشقق وامتلاكها.. لا يعنيني.. لكن الكثير من القطريين يمتلكون ومأجرينه ومستفيدين..
يعني ما دري
هذا رأيي..




ولا يعنيني انا .. كل من عنده شي فلنفسه ويتهنى فيه بالعافيه يارب


جملك الله برضاه

[تحداني]

قلتلج من قبل الناس اذواق

البرجر روعه بالنسبه لي
الستيك الفرنسي روعه
الياباني ماجربته لاني ماحب الاكل الياباني بشكل عام
الايطالي جيد جدا
واذا عن الذبابه اللي في الاكل انا بعد لقيت ذبابه في مطعم في ارقى فندق في الدوحه وفي دبي وفي اغلى المطاعم ، واذا عن اسعار الاكل اشوفها مناسبه مقارنه بالمكان ، يعني مثلا مطعم البرجر اللي في اللولوه نفس سعر شيك شاك في فلاجيو وطبعا اللي في اللولوه افضل عالاقل مكانه يساعد

وفي مطعم رويال تندور في اللولوه رخيص جدا - تغدينا انا وصديق لي ب 180 ريال

انتي عفتي المكان لسبب وحكمتي انه سيء جدا، وهذا ظلم للمكان والخدمات ، واذا عن المحلات سواء بضائع الرجال او النساء انا دايما اشتري من عندهم ومعروفه اسعار الماركات ، او بس فالحين نشتري في لندن وفرنسا ، كلها نفس الاسعار وارجع اقول يعتمد على ذوق المشتري




بالعكس انا ما عفته واحب اللؤلؤه جدا .. ولليوم اروح له ولو صار اتعشى بتعشى فيه
يمكن صح الناس اذواق .. بس مازالت الخدمات سيئه .. وانا الحين اتكلم عن اللؤلؤه مالي علاقه بمكان اخر في الدوحه ولما قارنته بدبي لان هالمطاعم عالميه فجودتها مختلفه تماما

ما اتكلم عن اسعار الماركات
ولا اتكلم عن عالم الماركات الا ان البضاعه قليله جدا .. والناس ترغب بالمزيد
اما الذبابه خليتني اتحسف اني اطريها انساها خلاص
لان وارده في كل مكان

واعتقد ان ما كانت له تجربه في المكان اعطى ايجلبيه تتشابه وسلبيه تتفق ايضا
ومازلت اقول المكان راااائع للغايه

جملك الله برضاه

[فرهود]

من اجمل وارقى الاماكن حتى على مستوى العالم خصوصا اذا الجو حلو . المطاعم ممتازه والمحلات تعرض كم قطعه لان نظامها بهذه الطريقه كأنها تعرض قطع فنيه .الكورنيش والنوافير ونظافة المكان ومنظر اليخوت والابراج وصوت الموسيقى شي رائع .

[القبطان سلفر]

اتكلم عن خدمات كثيره او خلينه ما نقول خدمه كثر ما نقول عنها مرافق تتبع لها
كم مطعم في هذا المكان تقدر تقول عنه مطعم اكله جميل وانيق ونظيف ويستحق المبلغ المحدد له .. ؟؟ كم مطعم يحترم الزبون في نظافه الطعام ؟؟ كم مطعم احترم هويته الغربيه مثل ما تحملها تلك الهويه في بلدها من جوده .. ولا مطعم ..






وخلينه نحط سؤال ثاني .. هل اعتقد من صمم هذا المكان انه صمم فقط للطبقه المخمليه
بمحلات لها مالها من اسماء عالميه دون سلعه تستحق النظر اليها
تدخل محل ما تلقى الا تيشرتين في هالرف .. وبنطلون طاير اهناك
حتى بضاعه تحترم هويه الماركه على قولتهم مافي
وكأنهم يقولون اهل قطر هذا وايد عليكم





مطاعم سيئه .. ومحلات مافيها بضاعه مثل البشر .. وكوفي شوبات رديئه .. ومسجد ما اقدر احكم لان ادخل واحد فيهم دائما وما دورت على غيره .. ودورات مياه الله يعزك كانت بدون ماي
وبعدها دخلوا هالاختراع .. وما اقصد المغاسل


وين الخدمات ؟؟ الله اعلم



[/center]



اعتقد ان مشروع اللؤلؤه فشل تجاريا وسياحيا وحتى اقتصاديا . وما توقف المشروع لمده الا مؤشر واضح على ذلك . فقد أتت الرياح بما لا تشتهي السفن .

اعتقد ان قلة الاقبال من الناحية الشرائية للمحلات هي من جعلت الوضع بشكل عام سئ وبناء عليه تدهورت الخدمات المقدمه في اللؤلؤه . فالاسعار مبالغ فيها الى حد الجنون هناك ويبررون ذلك بان المنطقه سياحيه !!

[غير البشر]

المشكلة الحقيقية في المصلى واللي المفروض يكون في كل جهة مصلى
لو كنا عند سبنس مثلا وين نصلي لازم نرجع الجهة الثانية ومانقدر إلا بسيارة..
...


بصراحه اختي الاصيله
مره شفتي بمكان تجاري مسجد يليق بمكانته
يا ان دواعيس لين نوصل له ومتاهات
او بزاويه مول جاي مشوطر
او صغير حق 15 مصلي والمجمع فيه 1000 متسوق

مرات في المولات يصلون المغرب 20 مره :rolleyes2:
ناس تطلع لين خلصو ويدخلون مجموعه بعدهم

الله المستعان

[حسن]

اخت تحداني مااقدر احكم عليه لاني ماعرف شي عنه ولا ركزت شي عليه
رغم اني مادخلتها اكثر من الخمس وكلها يمكن اقل من خمس دقائق

ماعرف شي واحسن ان هذا مهب لنا سوق واقف زين لنا
رغم بيني وبينه اقل من العشره كيلو

[بوخالد911]

هلا


وعندكم بعد الكورنيش يعاني

مكاااان ولا اروووع

وولكن وووين الخدمات المتكاملة؟!؟!؟

[بوخالد911]

فعلا اللؤلؤوة مكان جميل وراقي بس تنقصه خدامات كثيرة
وأصحابه الظاهر مهتمين بالعائد المادي فقط...
المشكلة الحقيقية في المصلى واللي المفروض يكون في كل جهة مصلى
لو كنا عند سبنس مثلا وين نصلي لازم نرجع الجهة الثانية ومانقدر إلا بسيارة..
بالنسبة للمطاعم أنا جربت الإيطالي من سنتين وكان غالي..
لكن احنا بس نكتفي بالقهاوي ...
المحلات مب ذاك المستوى لو قارناها ببضاعة دبي المتجددة
17 محل لـ هشام المانع وإخوانه
طيب يحاولون يجيبون الجديد من الكولكشن اللي ينزل في العالم
مب يحطون القديم ويبغونا نشتريه..
لكن في النهاية بعد نحس بمتعه وراحة لما نتجول في اللؤلؤة...


بصراحه اختي الاصيله
مره شفتي بمكان تجاري مسجد يليق بمكانته
يا ان دواعيس لين نوصل له ومتاهات
او بزاويه مول جاي مشوطر
او صغير حق 15 مصلي والمجمع فيه 1000 متسوق

مرات في المولات يصلون المغرب 20 مره :rolleyes2:
ناس تطلع لين خلصو ويدخلون مجموعه بعدهم

الله المستعان



أصحاب المنتجعات السياحية

آخررررررررررررر همهم بناء مسجد يفي بالغرض

:anger1::anger1::anger1:

[Dana’1]

صادقة المكان زين...بس من قل الخدمات صاااير كئيب
أختي مرت علقت على نفس هالموضوع مع السوالف بينا قالت اللؤلؤة زين... بس مافي إلا مقهيين..ولاهم زينيين
على عكس ال جي بي ار في دبي..تقول شي ومقاهي سنعة ومطاعم ومحلات وونيس يجلسون 24 ساعة تقريبا وكل شي فية
طبعا قارنتها باللؤلؤة بحكم إن هالإثنن قريبين من بعض نوع ماء غير إن اللؤلؤة مافيها فنادق!

وبصراحة كذا وحدة أعرفها لما يزورون قطر ..أكثر مكان يحبونة هو سوق واقف..واللؤلؤة بالنسبة لهم مو ذاك الزود!

يسلموا عالموضوع

[حسن]

صادقة المكان زين...بس من قل الخدمات صاااير كئيب
أختي هي الوحيدة إلي علقت طبعا لأ, أنا قد سألتها علية قالت اللؤلؤة عادية...مافي إلي مقهيين..ولاهم زينيين
على عكس ال جي بي ار في دبي..تقول شي ومقاهي سنعة ومطاعم ومحلات وونيس يجلسون 24 ساعة تقريبا وكل شي فية
طبعا قارنتها باللؤلؤة بحكم إن هالإثنن قريبين من بعض نوع ماء غير إن اللؤلؤة مافيها فنادق!

وبصراحة كذا وحدة أعرفها لما يزورون قطر ..أكثر مكان يحبونة هو سوق واقف..واللؤلؤة بالنسبة لهم مو ذاك الزود!

يسلموا عالموضوع

الجي بي ار

انا زرته وشفت العجب العجب وشلون لويسير عندنا مااعتقد وبعدين لاتنسين الكثافه السكانيه والمشاريع التجاريه في دبي ماتقارن في اي دوله عربيه ويمكن اوروبيه بعد

مثل ماقلت انا وانتي سوق واقف مافي احسن منه

:victory:

[intesar]

والله انا مستانسه من المكان لانه جميل بالفعل
لكن لا يرتقي بالخدمات الموجوده .. لان السلبيات هي سلبيات اساسيه
انت ما تتكلم عن اشيا بسيطه
نتكلم عن مطعم
عن جوده
عن مواقف
عن حمامات
مصلى
ملابس
ماركات

ايش بقى .. باقي الايجابيه البحر واليخوت الي واقفه
ما ادري متى اركب هاليخت ابمبلغ رمزي :)

والحياه جدا جميله ومب اللؤلؤه .. هي الي تعطينه هالسعاده





والله المطاعم الي ذكرتيها ترى مخلصين في جوده الطعام
عمرهم ما حسسونه انهم دون المستوى الا يرضون ذائقتنا بشتى الطرق البسيطه
اعتقد انهم بدوا يحترمون بطونه .. مب مثل المطاعم الراقيه بدت تحترم طبقيه الناس
وعراقه علامتها التجاريه وهي فقط علامه دون جدوى

تعبنا من قله ثقافه البعض في الحكم على الاشياء
بمنظور احترام الانسان واحترام ذوقه واحترام المقابل للخدمه




هذا الكلام وكلامج عين العقل
الايطالي جدا جدا جدا غالي
حتى لو كان في اللؤلؤه هالشي ما يعطيه هالمبرر
المصليات تكررت الملاظه
اما المانع له عتب كبير
يعني لهالدرجه الذوق القطري ما يستاهل نرضيه ابضايع عدله
لهالدرجه مستخفين في القوه الشرائيه لدى البعض عشان ينثرون لنه كم بدله ويسمونه محل
هذا حرام يكون كشك








ولا يعنيني انا .. كل من عنده شي فلنفسه ويتهنى فيه بالعافيه يارب


جملك الله برضاه



أهلين خيتوو.. شوفي أنا مو من رواد اللؤلؤة بشكل كبير.. لكن زايرة كذا مطعم فيه.. ما أقول توب.. ولا أقول صفر..
لفت نظري أحدهم تكلم عن المقاهي.. أنا معاه المقاهي قليلة ودون المستوى نوعاً ما.. لكن اللي أعرفه انهم افتحوا المزيد..

بالنسبة للماركات والملابس الطايرة.. هي الماركات هيك.. يكون المعروض قليل.. وبرأيي العرض القليل أفضل من الكثير.. أفضل للعرض وللعين عندما تختار..
إذا المحل يعج بالبضايع.. أول شيء تفكرين فيه تطلعين من المحل لأنج صعب تنقين.. هذا وجهة نظري..

وتشكرات خيتووو..

[حسن]

اتركي عنهم الغش وطرق العرض هم صايدين شفره النسوان

مافي احلى من سوق المهاره
اصلي ورخيص

[intesar]

أقول لكم شيء.. أي شيء يفتح عندنا يفشل أو يكون دون المستوى..
لأن الناس عندنا ذوقهم مختلف عن دبي أو الكويت والسعودية والبحرين كذلك..

هني الناس بس شغلها تنتقد وتتذمر.. أعتقد المعاصر أنجح مسروع عندنا بالدوحة..

مرة واحد اتصل علي معصب.. تبيعون معكرونة باردة..
يعني شنهو أرد عليه.. إذا هو ما يعرف أن بالدنيا شيء اسمه سلطة معكرونة.. ايش ذنبي..

هني الناس ثقافة الطعام عندهم منتهي.. الأكل الشعبي.. يعرفونه عدل.. الأكل العالمي لا .. ومو شرط أن نقول غلط ولا ليش ..

لكن لما يروحون لبلد ويذوقون بمطعم ويمدحونه موووت.. ولما يفتح عندنا.. تصير عندنا حرب.. عشان بس افتحوه بدبي ولا البحرين.. لكن لو افتحوه عندنا قبل.. كان طاح سوقه..

يعني ثقافة التقليد عندنا عال العال.. ومرتفع نسبياً..
مثال على ذلك بابا روتي.. مرة وما كررته..

مثلاً بالكويت.. أفكار وانتاج محلي ووطني.. وتشجيع.. لذا الواحد هناك ما يخاف يفتح أي مشروع.. الناس ما تنتقد لمجرد الانتقاد أو حسد أو وأو.. وتشجع.. وما أسمع حد يقول هذا المطعم حرامي..
هني احباط في احباط.. التشجيع ما يعرفونه.. من القريب ولا البعيد..

غالي وما عجبك.. لا تدخل ولا تروح..
عندك نقد تبي تلفتنا له.. تكلم وقول من غير كلمة حرامي ويسرق فلوسنا.. تراه تعب وصرف ويدفع ايجار غالي جدا جدا..

كل ما أشوف منتجات منزلية من الكويت أقعد أتحسر.. أقول الله يعطي عيال بلدنا مثل هذي الأفكار والمنتجات..


تحداني ما أقصدج ولا أقصد موضوعج.. بس تكلمتي عن المطاعم فتذكرت هذا الشيء.. وهذي المشكلة.. وهذا واقع.. من خلال خبرتي في هذا المجال..

[حسن]

أقول لكم شيء.. أي شيء يفتح عندنا يفشل أو يكون دون المستوى..
لأن الناس عندنا ذوقهم مختلف عن دبي أو الكويت والسعودية والبحرين كذلك..

هني الناس بس شغلها تنتقد وتتذمر.. أعتقد المعاصر أنجح مسروع عندنا بالدوحة..

مرة واحد اتصل علي معصب.. تبيعون معكرونة باردة..
يعني شنهو أرد عليه.. إذا هو ما يعرف أن بالدنيا شيء اسمه سلطة معكرونة.. ايش ذنبي..

هني الناس ثقافة الطعام عندهم منتهي.. الأكل الشعبي.. يعرفونه عدل.. الأكل العالمي لا .. ومو شرط أن نقول غلط ولا ليش ..

لكن لما يروحون لبلد ويذوقون بمطعم ويمدحونه موووت.. ولما يفتح عندنا.. تصير عندنا حرب.. عشان بس افتحوه بدبي ولا البحرين.. لكن لو افتحوه عندنا قبل.. كان طاح سوقه..

يعني ثقافة التقليد عندنا عال العال.. ومرتفع نسبياً..
مثال على ذلك بابا روتي.. مرة وما كررته..

مثلاً بالكويت.. أفكار وانتاج محلي ووطني.. وتشجيع.. لذا الواحد هناك ما يخاف يفتح أي مشروع.. الناس ما تنتقد لمجرد الانتقاد أو حسد أو وأو.. وتشجع.. وما أسمع حد يقول هذا المطعم حرامي..
هني احباط في احباط.. التشجيع ما يعرفونه.. من القريب ولا البعيد..

غالي وما عجبك.. لا تدخل ولا تروح..
عندك نقد تبي تلفتنا له.. تكلم وقول من غير كلمة حرامي ويسرق فلوسنا.. تراه تعب وصرف ويدفع ايجار غالي جدا جدا..

كل ما أشوف منتجات منزلية من الكويت أقعد أتحسر.. أقول الله يعطي عيال بلدنا مثل هذي الأفكار والمنتجات..


تحداني ما أقصدج ولا أقصد موضوعج.. بس تكلمتي عن المطاعم فتذكرت هذا الشيء.. وهذي المشكلة.. وهذا واقع.. من خلال خبرتي في هذا المجال..

الصارحه انا ايد كلامك

الظهر وانا انتظر البنت تطلع من المدرسه ولا ذاك الكتلوج مال معصره فيها صور سندويشات تجنن ولا اقول حق واحد شنهو ذي الكلات العجيبه ووين مكانها قالى في محطه بترول عنيزه
الصراحه اي مطاعم الفايف ستار الصور لذيذه تهبل تجنن

اما بخصوص بابا روتي في دبي يمدحه اخوي ويوم كلته الصراحه هذه وجبه تاكلها الصبح وتقعد على جبدك الى اخر الليل
الله يعز النعمه
اذا شباتي وكرك يتذابحون عليه قال ثقافه

عندك معكرونه مثلجه ياانتصار

:eek5:

[لبيبة]

ما رحت اللؤلؤة وما أبي أروح لها، ما عندي فكرة عن مستوى الخدمات هناك.

[intesar]

الصارحه انا ايد كلامك

الظهر وانا انتظر البنت تطلع من المدرسه ولا ذاك الكتلوج مال معصره فيها صور سندويشات تجنن ولا اقول حق واحد شنهو ذي الكلات العجيبه ووين مكانها قالى في محطه بترول عنيزه
الصراحه اي مطاعم الفايف ستار الصور لذيذه تهبل تجنن

اما بخصوص بابا روتي في دبي يمدحه اخوي ويوم كلته الصراحه هذه وجبه تاكلها الصبح وتقعد على جبدك الى اخر الليل
الله يعز النعمه
اذا شباتي وكرك يتذابحون عليه قال ثقافه

عندك معكرونه مثلجه ياانتصار

:eek5:


ايه عندي.. هههههههه..

[intesar]

نعم حسن الطعام ثقافة وفن حالها حال الفنون والثقافات الأخرى..

[Dana’1]

أقول لكم شيء.. أي شيء يفتح عندنا يفشل أو يكون دون المستوى..
لأن الناس عندنا ذوقهم مختلف عن دبي أو الكويت والسعودية والبحرين كذلك..

هني الناس بس شغلها تنتقد وتتذمر.. أعتقد المعاصر أنجح مسروع عندنا بالدوحة..

مرة واحد اتصل علي معصب.. تبيعون معكرونة باردة..
يعني شنهو أرد عليه.. إذا هو ما يعرف أن بالدنيا شيء اسمه سلطة معكرونة.. ايش ذنبي..

هني الناس ثقافة الطعام عندهم منتهي.. الأكل الشعبي.. يعرفونه عدل.. الأكل العالمي لا .. ومو شرط أن نقول غلط ولا ليش ..

لكن لما يروحون لبلد ويذوقون بمطعم ويمدحونه موووت.. ولما يفتح عندنا.. تصير عندنا حرب.. عشان بس افتحوه بدبي ولا البحرين.. لكن لو افتحوه عندنا قبل.. كان طاح سوقه..

يعني ثقافة التقليد عندنا عال العال.. ومرتفع نسبياً..
مثال على ذلك بابا روتي.. مرة وما كررته..

مثلاً بالكويت.. أفكار وانتاج محلي ووطني.. وتشجيع.. لذا الواحد هناك ما يخاف يفتح أي مشروع.. الناس ما تنتقد لمجرد الانتقاد أو حسد أو وأو.. وتشجع.. وما أسمع حد يقول هذا المطعم حرامي..
هني احباط في احباط.. التشجيع ما يعرفونه.. من القريب ولا البعيد..

غالي وما عجبك.. لا تدخل ولا تروح..
عندك نقد تبي تلفتنا له.. تكلم وقول من غير كلمة حرامي ويسرق فلوسنا.. تراه تعب وصرف ويدفع ايجار غالي جدا جدا..

كل ما أشوف منتجات منزلية من الكويت أقعد أتحسر.. أقول الله يعطي عيال بلدنا مثل هذي الأفكار والمنتجات..


تحداني ما أقصدج ولا أقصد موضوعج.. بس تكلمتي عن المطاعم فتذكرت هذا الشيء.. وهذي المشكلة.. وهذا واقع.. من خلال خبرتي في هذا المجال..

صحيح ما كتبتي إنتصار..لاحظت هنا بعض الشعب كثيييير التذمر والإنتقاد وعلى أي شي مرات ممكن يكون على شي يسوى ومرات أبد..مع إن مشاء لله تبارك الله وضعهم أحسن من وضع كثير من البلادان والشعوب الخليجية وغيرها
وبالنسبة لبابا روتي نفس الشي رحت له مرة والمرة الثانية عشان زوجي يبغى يجربة..عادي وأقل من عادي ولاعاد رحت له

[Dana’1]

الجي بي ار

انا زرته وشفت العجب العجب وشلون لويسير عندنا مااعتقد وبعدين لاتنسين الكثافه السكانيه والمشاريع التجاريه في دبي ماتقارن في اي دوله عربيه ويمكن اوروبيه بعد

مثل ماقلت انا وانتي سوق واقف مافي احسن منه

من ناحية عجب فهي عجب من الأمة إلي هناك ههه
عالعموم قطر عندها الإمكانيات تصير أحسن وأفضل من دبي وأي دولة بالعالم المتقدم....لكن وين إلي يشتغل بذمة وضمير؟!

من كذا نمشي على ما كتبت يا حسن خلنا أنا وأنت وكل من زار قطر على سوق واقف :victory:

[بنت شرق]

مع إنه خروج عن لب الموضوع اللؤلؤة ، لكن ليش القطريين ينتقدون وايد طبيعة والا تعود والا قلة وعي
وخبرة

[سما الوطن]

مطاعم وفي بالكثيره ، محلات وفي بالكثره ، كوفي شوبات ، مسجد واحد ، دورات مياه.
وهناك اكثر من مصلى

[تغلبية]

أوافقك ياتحداني 100%

في كل مرة اروح ابي استانس .. ارجع متحسفة ليتني مارحت ...

والا مطعم البرجر الازرق ... في نص المحل حسيت اني بمعصرة بس علامتها زرقاء!!

كرهت عمري ذاك اليوم ..


أحلى مافي اللؤلؤة .. المرفأ وفيو البحر .. والاحلى تطلع رحلة بيخت ..وبسسسس

[Serenade]

اعتقد ان مشروع اللؤلؤه فشل تجاريا وسياحيا وحتى اقتصاديا . وما توقف المشروع لمده الا مؤشر واضح على ذلك . فقد أتت الرياح بما لا تشتهي السفن .

اعتقد ان قلة الاقبال من الناحية الشرائية للمحلات هي من جعلت الوضع بشكل عام سئ وبناء عليه تدهورت الخدمات المقدمه في اللؤلؤه . فالاسعار مبالغ فيها الى حد الجنون هناك ويبررون ذلك بان المنطقه سياحيه !!


توقيعك جميل و مؤثر :thumbup:

[رفيق الصحراء]

ربعنا اهني مو مال مطاعم كشخه ولا مال مطاعم ايطاليه ومطاعم صينيه ومطاعم سوشي احنا حدهم مطعم بخاري وعيوش وانقز

[ام السعف]

اذا شباتي وكرك يتذابحون عليه قال ثقافه



:eek5:

:waiting:

[ضوى]

بذمتج تتكلمين عن خدمات في اللؤلؤة اللي توها من كم سنة طلعت عالسطح؟؟

كورنيش اربع كيلومترات من اروع الاماكن بقطر في الشكل والمكان ولا تلقين فيه اي خدمات اطلاقاً ؟؟؟؟

[intesar]

بذمتج تتكلمين عن خدمات في اللؤلؤة اللي توها من كم سنة طلعت عالسطح؟؟

كورنيش اربع كيلومترات من اروع الاماكن بقطر في الشكل والمكان ولا تلقين فيه اي خدمات اطلاقاً ؟؟؟؟


في هذي أتفق تماماً معاج.. الكورنيش يحتاج له خدمات..

[-العز-]

الله كريم

[eXpert*]

سؤالك في محله ،، ونفس السؤال جاء في بالي قبل كم أسبوع ..

و تكلمت مع أحد ذوي الشأن في إدارة اللؤلؤة و أجاب أنهم في ضمن مناقشات جادة مع الشركة التي عملت على مشروع مماثل في دولة شقيقة لتحسين الخدمات العامة وتنظيم توزيع المحلات التجارية و تنويعها .

[الأصيلة]

وهناك اكثر من مصلى

وينهم دلونا عليهم..
كل ما أسأل السيكورتي يدلني على واحد بس اللي في المواقف..

[الأصيلة]

ربعنا اهني مو مال مطاعم كشخه ولا مال مطاعم ايطاليه ومطاعم صينيه ومطاعم سوشي احنا حدهم مطعم بخاري وعيوش وانقز
هذولا ربعكم انتوا شخصيا..


http://upload.traidnt.net/upfiles/iAv01173.gif (http://upload.traidnt.net/)

لكن ربعنا احنا غير ...
تلقاهم يحبون المطاعم الأوربية والإيطالية والهندية واللبنانية
.. ودايما تلقاهم في الفنادق ويطلبون أشهى وأغرب المأكولات...

[تحداني]

من اجمل وارقى الاماكن حتى على مستوى العالم خصوصا اذا الجو حلو . المطاعم ممتازه والمحلات تعرض كم قطعه لان نظامها بهذه الطريقه كأنها تعرض قطع فنيه .الكورنيش والنوافير ونظافة المكان ومنظر اليخوت والابراج وصوت الموسيقى شي رائع .



ما نكرنا ابدا جماليه المكان فهو رائع بالفعل .. مرتب .. انيق .. منظر ولا اروع
وخاصه هالايام والجو حلو .. لكن ملئ بالسلبيات الي خربت هالجماليه ومحتاجين انها تكتمل ..

اعتقد ان مشروع اللؤلؤه فشل تجاريا وسياحيا وحتى اقتصاديا . وما توقف المشروع لمده الا مؤشر واضح على ذلك . فقد أتت الرياح بما لا تشتهي السفن .

اعتقد ان قلة الاقبال من الناحية الشرائية للمحلات هي من جعلت الوضع بشكل عام سئ وبناء عليه تدهورت الخدمات المقدمه في اللؤلؤه . فالاسعار مبالغ فيها الى حد الجنون هناك ويبررون ذلك بان المنطقه سياحيه !!



ما نقدر نقول فشل بمعنى الكلمه .. لكن لو ظل على هالحال راح يتحول من اللؤلؤه الى ممشى وقريب من الكورنيش .. ناس تدخل وتتمشى وتطلع .. مع العلم هذا المكان يجب ان يحقق اهداف اخرى منها
قوه شرائيه .. سوق صعب وغير مكرر .. مطاعم عالميه .. جوده خدمات استثنائيه ..
اما عن الاسعار ليتها مع الخياليه تناسب المعروض .. الا ان العكس تماما


بصراحه اختي الاصيله
مره شفتي بمكان تجاري مسجد يليق بمكانته
يا ان دواعيس لين نوصل له ومتاهات
او بزاويه مول جاي مشوطر
او صغير حق 15 مصلي والمجمع فيه 1000 متسوق

مرات في المولات يصلون المغرب 20 مره :rolleyes2:
ناس تطلع لين خلصو ويدخلون مجموعه بعدهم

الله المستعان



معاك حق .. هالزاويه دائمه مهمله ..
الا اذا اصحاب الخير اضافوا عليها شي من الجماليات
لا حول ولا قوه الا بالله

اخت تحداني مااقدر احكم عليه لاني ماعرف شي عنه ولا ركزت شي عليه
رغم اني مادخلتها اكثر من الخمس وكلها يمكن اقل من خمس دقائق

ماعرف شي واحسن ان هذا مهب لنا سوق واقف زين لنا
رغم بيني وبينه اقل من العشره كيلو


:) هلا يا اخوي بوعلي .. انا هالسوق ما احبه ولا اطيقه
ما اعرف له ما ادري ليش .. احس احتاج نفكيشن عشان اتمشى فيه
بس هم المقارنه مختلفه .. لان اللؤلؤه شي ويحمل جماليه
وسوق واقف شي ثاني وله جماليته ..
وسوق واقف بتواضع البعض من المحلات الا ان خدماته ممتازه ..
حمام الله يعزك محترم .. مصليات محترمه .ز مطاعم اتحاول اتقدم شي زين على قوله الناس


هلا


وعندكم بعد الكورنيش يعاني

مكاااان ولا اروووع

وولكن وووين الخدمات المتكاملة؟!؟!؟




آآآآآآآآآآآآآآه على الكورنيش
عيزنه واحنه نشتكي .. اقلها ماي .. دخيل الله الناس تبي ماي .. تبي برادات .. تبي حتى لو كان كفتريات ..


جملكم الله جميعا برضاه

[تحداني]

صادقة المكان زين...بس من قل الخدمات صاااير كئيب
أختي مرت علقت على نفس هالموضوع مع السوالف بينا قالت اللؤلؤة زين... بس مافي إلا مقهيين..ولاهم زينيين
على عكس ال جي بي ار في دبي..تقول شي ومقاهي سنعة ومطاعم ومحلات وونيس يجلسون 24 ساعة تقريبا وكل شي فية
طبعا قارنتها باللؤلؤة بحكم إن هالإثنن قريبين من بعض نوع ماء غير إن اللؤلؤة مافيها فنادق!

وبصراحة كذا وحدة أعرفها لما يزورون قطر ..أكثر مكان يحبونة هو سوق واقف..واللؤلؤة بالنسبة لهم مو ذاك الزود!

يسلموا عالموضوع



رواد اللؤلؤه وسوق واقف من دول الخليج وايد واكثرهم السعوديه .. بل ابرز المتواجدين
من اهني جاولنه نسلط الضوء على السلبيات .. لما نسلط الضوء ما يعني نقلل من قيمه المكان ولا يعني ان ما عاجبنه شي
هالزاويه الضيقه في تحليل الامور مشكله .. انما نبحث عن التفرد والافضل في تقديم الخدمه
ان كان عندك مشروع قوي حاول تسمع الانتقادات عشان ترتقي به ولا الايجابيات ما يحتاج لها تصفيق . لان بلمح البصر يقدر الشخص يدركه ويوصل له .. ووجودنا فيه بحد ذاته لهو تأكيد على ذلك

الجي بي ار " رائع " لانه اولا في موجود في بلد الاهل والحبايب .. وثاني شي لان متكامل من كل النواحي .. وما احب المقارنات لان تلعب فيها حسابات كثيره
لكن مكان يحتاج له تصفيق حار وعتاب كبير على بعض الاشيا
حياكم الله في بلدكم وبلدنا




الجي بي ار

انا زرته وشفت العجب العجب وشلون لويسير عندنا مااعتقد وبعدين لاتنسين الكثافه السكانيه والمشاريع التجاريه في دبي ماتقارن في اي دوله عربيه ويمكن اوروبيه بعد

مثل ماقلت انا وانتي سوق واقف مافي احسن منه

:victory:



ما احب سوق واقف كلش :(
مع العلم مكان جميل وحلو

أهلين خيتوو.. شوفي أنا مو من رواد اللؤلؤة بشكل كبير.. لكن زايرة كذا مطعم فيه.. ما أقول توب.. ولا أقول صفر..
لفت نظري أحدهم تكلم عن المقاهي.. أنا معاه المقاهي قليلة ودون المستوى نوعاً ما.. لكن اللي أعرفه انهم افتحوا المزيد..

بالنسبة للماركات والملابس الطايرة.. هي الماركات هيك.. يكون المعروض قليل.. وبرأيي العرض القليل أفضل من الكثير.. أفضل للعرض وللعين عندما تختار..
إذا المحل يعج بالبضايع.. أول شيء تفكرين فيه تطلعين من المحل لأنج صعب تنقين.. هذا وجهة نظري..

وتشكرات خيتووو..



انا اعرف انج ماهره في الطبخ ومازلتي مصره على نقطه جوده المطاعم .. لكن دعيني ابصم لك ان كنتي طباخه ماهره .. ان هالمطاعم دون المستوى .. انتي صاحبه تجاره وصاحبه انامل رائعه في الطبخ وانا متذوقه اعتقد ممتازه واجرب كل المطاعم بمختلف الثقافات .. اعشق التايلندي .. الياباني .. الصيني .. المكسيكي .. لكن ما يحصل هناك في اللؤلؤه في المطاعم كارثه
اشويه لعبه بالنعمه استغفر الله

اما المقاهي تقولين كشكات طايره .. ومنظرهم بشع
يمكن مقهى ولا اثنين احترم المكان في ديكوراته وتعب نفسه


اما عن الماركات .. انتي غاليتي من عشاق فرنسا وزرتي اوروبا
بالله عليكي غاليتي .. عمرج شفتي " ارماني " في بلدهم يتعاملون معاه ابهالطريقه
عمرج دخلتي " كنزو " وشفتي كميه الملابس
دخلتي " هرمز " وشفتي كم البضاعه المعروضه

القوه الشرائيه في الدوحه كبيره .. ما نقول يترسون المحل اغراض
بس عيب عليهم يتعاملون مع الزبون في عرض المنتجات ابهالطريقه
ما نبيهم مثل دبي في العرض .. بس على الاقل لا يجيبون لي 3 حبات من اعطر .. وحبتين اسويره .. ويخدعون الناس ان البضاعه خلصت .. مب علينه .. لنا في التجاره وانعرف تجار
وانعرف هم اشلون يفكرون

ولو ظلوا على هالحال .. الشركه راح تسحب الوكاله منهم واتقول لهم انتم فاشلين في ادراتها
ولنا في بعض شركات السيارات العالميه مثالا لذلك
اذا ما تحترم المنتج وتسويقها بطريقه مرضيه فمع السلامه .. وهنا المشكله
العفو الله يرضى عليج يارب


اتركي عنهم الغش وطرق العرض هم صايدين شفره النسوان

مافي احلى من سوق المهاره
اصلي ورخيص



ايييي والله صادق
اربح تجاره التجاره في منتجات النساء
اضمن لك النجاح والربح


أقول لكم شيء.. أي شيء يفتح عندنا يفشل أو يكون دون المستوى..
لأن الناس عندنا ذوقهم مختلف عن دبي أو الكويت والسعودية والبحرين كذلك..

هني الناس بس شغلها تنتقد وتتذمر.. أعتقد المعاصر أنجح مسروع عندنا بالدوحة..

مرة واحد اتصل علي معصب.. تبيعون معكرونة باردة..
يعني شنهو أرد عليه.. إذا هو ما يعرف أن بالدنيا شيء اسمه سلطة معكرونة.. ايش ذنبي..

هني الناس ثقافة الطعام عندهم منتهي.. الأكل الشعبي.. يعرفونه عدل.. الأكل العالمي لا .. ومو شرط أن نقول غلط ولا ليش ..

لكن لما يروحون لبلد ويذوقون بمطعم ويمدحونه موووت.. ولما يفتح عندنا.. تصير عندنا حرب.. عشان بس افتحوه بدبي ولا البحرين.. لكن لو افتحوه عندنا قبل.. كان طاح سوقه..

يعني ثقافة التقليد عندنا عال العال.. ومرتفع نسبياً..
مثال على ذلك بابا روتي.. مرة وما كررته..

مثلاً بالكويت.. أفكار وانتاج محلي ووطني.. وتشجيع.. لذا الواحد هناك ما يخاف يفتح أي مشروع.. الناس ما تنتقد لمجرد الانتقاد أو حسد أو وأو.. وتشجع.. وما أسمع حد يقول هذا المطعم حرامي..
هني احباط في احباط.. التشجيع ما يعرفونه.. من القريب ولا البعيد..

غالي وما عجبك.. لا تدخل ولا تروح..
عندك نقد تبي تلفتنا له.. تكلم وقول من غير كلمة حرامي ويسرق فلوسنا.. تراه تعب وصرف ويدفع ايجار غالي جدا جدا..

كل ما أشوف منتجات منزلية من الكويت أقعد أتحسر.. أقول الله يعطي عيال بلدنا مثل هذي الأفكار والمنتجات..


تحداني ما أقصدج ولا أقصد موضوعج.. بس تكلمتي عن المطاعم فتذكرت هذا الشيء.. وهذي المشكلة.. وهذا واقع.. من خلال خبرتي في هذا المجال..



لا وييييين يا انتصار .. الحمد لله رب العالمين الناس صارت اتسافر واتروح واتجي واتعرف تاكل
واتعرف ايش يعني ثقتفه الاكل .. ذاك اول يمكن الحين الصور مليانه في كل مكان والدليل على ذلك
حتى البنات صاروا شطورات في صناعه قائمه الطعام
خليني اتكلم عن نفسي .. لما ننتقد ما نقلل من قيمه الاشياء
لكن الشي الي وقفنا عليه يستحق ذلك .. وانتقدت لاني عارفه وما اقول كلامي صح
لكن اقرب للصواب ان هالاكل دون المستوى

ما عندنا كشعب مشكله .. لكن في بعض التجار ما ايعرفون يمسكون مشاريع رائده
خليني اضرب لج مثال "مطاعم فيلاجيو " اليوم 90% تحت مظله " تاجر كويتي :) "
اعتقد هالمطاعم نجحت بطريقه خياليه ومازالت ناجحه في ذلك .. ليش ؟؟
لان احترم جوده المطعم وله خبره في هالمجال
شخص احترم ذائقه الناس .. ما قال والله قطر ما اتعرف تتذوق .. قال بعطيهم محل راقي .. بجوده راقيه .. واترك الحكم له .. وحكمي على المطاعن 100% ان رائع


لو تطرقنا لأمثله اوسع راح اتشوفين ابطال البعض من المطاعم الرائده ليسوا قطريين
مع العلم القطريين لهم لمساتهم لكن للأسف تجاربهم .. او اسباب اخرى تجعل خدمات البعض من تجارتهم دون المستوى

اتمنى الفكره اوصلت حبيبتي انتصار


جملك الله برضاه


ما رحت اللؤلؤة وما أبي أروح لها، ما عندي فكرة عن مستوى الخدمات هناك.



المكان جميييل جدا
يستحق الزياره .. حتى لو نظره


نعم حسن الطعام ثقافة وفن حالها حال الفنون والثقافات الأخرى..




تم الرد بإسهاب هناك :)


جملكم الله جميعا برضاه

[بو خليفه 123]

بعد دخول الحكومه في المشروع سيتم هناك تغييرات كثيره على المستوى الخدماتي والمرافق كما تفضلتي بالسؤال

سيتم قريباً افتتاح مطاعم مثل برجر كنج و ماكدونلدز والمطاعم المشابهة في قلب اللؤلؤه لتخدم الشريحه السكانيه و حتى تتعايش مع اجواء "سكان حقيقيين" لأن لو لنفرض اني كنت من سكان اللؤلؤه فليس بأستطاعتي بتوفير غداء و عشاء فاتورته اليوميه لا تقل عن 400 ريال .

اما من ناحية الخدمات الاخرى فهي متوفره و ليست متوفره للسكان . مثل شركات التنظيف يوجد عليها رسوم .

خدمات الستالايت يوجد عليها رسوم

هناك رسوم و رغم تخفيضها 30% على الكهرباء والماء


هناك المزيد على قولتك

[تحداني]

صحيح ما كتبتي إنتصار..لاحظت هنا بعض الشعب كثيييير التذمر والإنتقاد وعلى أي شي مرات ممكن يكون على شي يسوى ومرات أبد..مع إن مشاء لله تبارك الله وضعهم أحسن من وضع كثير من البلادان والشعوب الخليجية وغيرها
وبالنسبة لبابا روتي نفس الشي رحت له مرة والمرة الثانية عشان زوجي يبغى يجربة..عادي وأقل من عادي ولاعاد رحت له



جذي بزعل منج " ديور " من اشوي قلتي لنه معاكم حق اللؤلؤه محتاج له خدمات .. والحين بس انحب ننتقد .. :) ما يصير جي .. لكن الانتقاد لايعني التقليل من قيمه الاشياء
يعني اننا نبحث عن جوده وليس اسم على خارطه دوله قطر ان هناك مشروع جديد تم الاعلان عنه.. وبخصوص بابا روتي .. اشوفه تقريبت نفس دبي .. وما اعتقد وجبه محتاجه مهاره عاليه .. ولو محتاجه مهاره يمكن افشلوا فيه .. لكن مطعم البلد .. نزل مستواه مقارنه بلبنان



مع إنه خروج عن لب الموضوع اللؤلؤة ، لكن ليش القطريين ينتقدون وايد طبيعة والا تعود والا قلة وعي
وخبرة



لانهم ذويقيين ويعرفون الحلو من الشين
ولانهم جربوا هالمطاعم وهالخدمات في اماكن ثانيه ويحسون بالدوحه غير


أوافقك ياتحداني 100%

في كل مرة اروح ابي استانس .. ارجع متحسفة ليتني مارحت ...

والا مطعم البرجر الازرق ... في نص المحل حسيت اني بمعصرة بس علامتها زرقاء!!

كرهت عمري ذاك اليوم ..


أحلى مافي اللؤلؤة .. المرفأ وفيو البحر .. والاحلى تطلع رحلة بيخت ..وبسسسس




هذا أحلى شي ..بحر وابراج
وهدوء .. ويخت جميل .. وانا وانت بس .. وما معنى أحد :)

ابذمتج هذا منظر مطعم راقي .. لو دروا عنهم اصحابه
بتجيهم جلطه دماغيه ... ومنظر الناس قاعدين تقولين مطعم على شارع وداعوس


ربعنا اهني مو مال مطاعم كشخه ولا مال مطاعم ايطاليه ومطاعم صينيه ومطاعم سوشي احنا حدهم مطعم بخاري وعيوش وانقز


نسبه السياحه عاليه جدا للقطريين في مشارق الارض ومغاربها
واهل قطر ولله الحمد والمنه اهل عز .. وشافوا كل شي وزاروا بلدان عده
وذاقوا من مطاعم كثيره .. وتعلموا شي اسمه " ثقافه الطعام "
ومطعم بخاري يقدم للي يحبه شي محترم .. احسن من مطعم برج الحمام العالمي على قولتهم



بذمتج تتكلمين عن خدمات في اللؤلؤة اللي توها من كم سنة طلعت عالسطح؟؟
كورنيش اربع كيلومترات من اروع الاماكن بقطر في الشكل والمكان ولا تلقين فيه اي خدمات اطلاقاً ؟؟؟؟



قلت يمكن اللؤلؤه .. لها مالها من خدمات راقيه مع العلم هم حاولوا يكون جميل
وهو بالفعل جميل ولايمكن مقارنته بالكورنيش .. بس للحين حبيبتي ناقصه اشيا كثيره


الله يرضى عليكم ويسعدكم يارب

[تحداني]

الله كريم



يهون الجرح الأليم :)

سؤالك في محله ،، ونفس السؤال جاء في بالي قبل كم أسبوع ..

و تكلمت مع أحد ذوي الشأن في إدارة اللؤلؤة و أجاب أنهم في ضمن مناقشات جادة مع الشركة التي عملت على مشروع مماثل في دولة شقيقة لتحسين الخدمات العامة وتنظيم توزيع المحلات التجارية و تنويعها .



الله يجزيك كل خير .. لكن البعض ينظر للسطح فقط
هناك امور دقيقه ما يلمسها اي شخص ويصنفها انها انتقاد .. مع العلم لو عدلنا فيها راح نشوف شي مغاير تماما بطريقه افضل




وينهم دلونا عليهم..
كل ما أسأل السيكورتي يدلني على واحد بس اللي في المواقف..



نفس المكان اروح له
وما عمري رحت لواحد ثاني ولا ادري عنه


هذولا ربعكم انتوا شخصيا..


http://upload.traidnt.net/upfiles/iav01173.gif (http://upload.traidnt.net/)

لكن ربعنا احنا غير ...
تلقاهم يحبون المطاعم الأوربية والإيطالية والهندية واللبنانية
.. ودايما تلقاهم في الفنادق ويطلبون أشهى وأغرب المأكولات...



:) معليه .. يمكن كان معصب وهو يرد
عطيه 70 عذر

بعد دخول الحكومه في المشروع سيتم هناك تغييرات كثيره على المستوى الخدماتي والمرافق كما تفضلتي بالسؤال

سيتم قريباً افتتاح مطاعم مثل برجر كنج و ماكدونلدز والمطاعم المشابهة في قلب اللؤلؤه لتخدم الشريحه السكانيه و حتى تتعايش مع اجواء "سكان حقيقيين" لأن لو لنفرض اني كنت من سكان اللؤلؤه فليس بأستطاعتي بتوفير غداء و عشاء فاتورته اليوميه لا تقل عن 400 ريال .

اما من ناحية الخدمات الاخرى فهي متوفره و ليست متوفره للسكان . مثل شركات التنظيف يوجد عليها رسوم .

خدمات الستالايت يوجد عليها رسوم

هناك رسوم و رغم تخفيضها 30% على الكهرباء والماء


هناك المزيد على قولتك




هناك المزيد :)
الحكومه لازم تدخل .. لان الي صاير شي غريب .. نحتاج تنوع من نوعيه المطاعم .. خدمات راقيه .. سلعه محترمه .. ذوق عالمي بعالميه المكان على قوليتهم ..
هالمكان يجب ان يكون للجميع ومن اجل الجميع وليس للصفوه فقط
من حق الطفل ان يستمتع .. والكبير يستمتع .. والي مستواه بسيط وعالي يستمتع


الله يسعدك ويرضى عليك

[ع الهاجري]

أنا صار لي ثلاث سنوات ساكن في الجزيرة .. وكانت البيئة قمة في الهدوء والراحة والفخامة ...لين بدت السيارات الصاروخية في التمشي عندنا ..وبدأ الأزعاج .. ودبات الصوت أنتشرت وكأنها أنفجار قنبلة .. ما أدري وين المرور عنهم ..

المشكلة عندنا في عدة أمور منها :
1- قلة المطاعم ( المطاعم اللي عندنا مجرد أسماء عالمية غالية الثمن .. وخالية من الأبتكار).
2- ممنوع علينا ممارسة الصيد والتمتع بالمشيء على رمال الشاطئ .
3- بعض الشباب سوو المكان مرتع لل..... وللمغازل .
4- مالنا أي تميّز كسكان ( ماعندنا بطاقات خصم أو عروض خاصة فينا ) ..

بس أتم جزيرة اللؤلؤة .. الوجهة الأفضل للسائح والمواطن والمقيم

[روح الاطلس]

ماقد رحت اللؤلؤه بس استمتعت بموضوعج الحلو تحداني .. من ناحيه المرافق بصراحة ولا مكان في قطر متكامل المرافق الا يخلون قصور

الكورنيش ماله داعي نتكلم مليان قصور رغم قدمه مافي تطوير
حديقه سباير حلوه ومتكلفين عليها لكن ينقصها الكثير
كتارا مكان جميل بس للاسف حي ثقافي ولا به من ثقافه شي غير كم معرض وكم مطرب ع المسرح
سوق واقف شيشه على حجم كبير
شواطيء نفس العالم ماكو
شاليهات ما خلو للعوايل شي


بس ان طلعتي في يخت باللؤلؤه لا تنسين اوخيتج:shy:

[Dana’1]

جذي بزعل منج " ديور " من اشوي قلتي لنه معاكم حق اللؤلؤه محتاج له خدمات .. والحين بس انحب ننتقد .. ما يصير جي .. لكن الانتقاد لايعني التقليل من قيمه الاشياء
يعني اننا نبحث عن جوده وليس اسم على خارطه دوله قطر ان هناك مشروع جديد تم الاعلان عنه.. وبخصوص بابا روتي .. اشوفه تقريبت نفس دبي .. وما اعتقد وجبه محتاجه مهاره عاليه .. ولو محتاجه مهاره يمكن افشلوا فيه .. لكن مطعم البلد .. نزل مستواه مقارنه بلبنان

لا حبيبتي ما بين الخوات زعل إن شاءلله:)..بس بصراحة كثير أشوف مواضيع مو ينتقدون ممكن بتعبير أدق يتذمرون فيها .. وبصراحة فية أشياء معهم حق فيها..لكن فيه أمور عادية جدا

بالنسبة لموضوعك أعرف إن غرضك من الإنتقاد أو الملاحظة بتعبير أخر هوعدم التقليل...ولكن سعي للتحسين للأفضل ..وهذا الشي إجابي
وشخصيا يوم قارنت اللؤلؤة بالجي بي أر..هم ما أقصد التقليل ! .. ولكن هذا حوار دار فعلا بيني وبين أختي وهو قريب من هالموضوع فطرحتة كتأييد إنه في محلج لدرجة حتى الزوار لاحظوا هالشي
أختي حبت المكان..بس ماحبت بعض خدماته..وجودة الطعام والشراب إلي بالكوفي..يعني ذكرتة من باب التأييد لما طرحتي من ملاحظة ..
ودمتي بود أختي:)

[تحداني]

أنا صار لي ثلاث سنوات ساكن في الجزيرة .. وكانت البيئة قمة في الهدوء والراحة والفخامة ...لين بدت السيارات الصاروخية في التمشي عندنا ..وبدأ الأزعاج .. ودبات الصوت أنتشرت وكأنها أنفجار قنبلة .. ما أدري وين المرور عنهم ..

المشكلة عندنا في عدة أمور منها :
1- قلة المطاعم ( المطاعم اللي عندنا مجرد أسماء عالمية غالية الثمن .. وخالية من الأبتكار).
2- ممنوع علينا ممارسة الصيد والتمتع بالمشيء على رمال الشاطئ .
3- بعض الشباب سوو المكان مرتع لل..... وللمغازل .
4- مالنا أي تميّز كسكان ( ماعندنا بطاقات خصم أو عروض خاصة فينا ) ..

بس أتم جزيرة اللؤلؤة .. الوجهة الأفضل للسائح والمواطن والمقيم



شهد شاهد من اهله .. وهذا الي كنت اقوله .. مكان جميل .. خدمات سيئه
ومطاعم لا تليق برواد هذا المكان .. ولا حتى بعلاماتها التجاريه ابدا
وسيظل المكان جميل للغايه


ماقد رحت اللؤلؤه بس استمتعت بموضوعج الحلو تحداني .. من ناحيه المرافق بصراحة ولا مكان في قطر متكامل المرافق الا يخلون قصور


امر عليج وانروح نتمشى اهناك .. هالايام الجو جميل وشاعري
وفرصه التقي بإنسانه راقيه .. جميله .. انيقه .. مثقفه .. حبيبه .. وعزيزه على قلبي
لا اتقولين " لا " الله يخليج


الكورنيش ماله داعي نتكلم مليان قصور رغم قدمه مافي تطوير
حديقه سباير حلوه ومتكلفين عليها لكن ينقصها الكثير
كتارا مكان جميل بس للاسف حي ثقافي ولا به من ثقافه شي غير كم معرض وكم مطرب ع المسرح
سوق واقف شيشه على حجم كبير
شواطيء نفس العالم ماكو
شاليهات ما خلو للعوايل شي


هذا احنه انحاول بس مافي حد امعبرنه
ساعات لما يكون الكلام بس كلام بدون تغيير .. اتحسين مالج بارض اتعيدين السلبيات
اتقولين بينج وبين نفسج لا يسمعون كلام حد والي يبونه يسوونه
الاهم انهم يحسون بالتقصير لان وقتها ممكن تتعدل المرافق والخدمات



بس ان طلعتي في يخت باللؤلؤه لا تنسين اوخيتج:shy:



افا عليج .. اذا اليخت راح يجيبج عندي
انا واليخت والبحر والقمر والهواء العليل تحت امرج

لا حبيبتي ما بين الخوات زعل إن شاءلله:)..بس بصراحة كثير أشوف مواضيع مو ينتقدون ممكن بتعبير أدق يتذمرون فيها .. وبصراحة فية أشياء معهم حق فيها..لكن فيه أمور عادية جدا

بالنسبة لموضوعك أعرف إن غرضك من الإنتقاد أو الملاحظة بتعبير أخر هوعدم التقليل...ولكن سعي للتحسين للأفضل ..وهذا الشي إجابي
وشخصيا يوم قارنت اللؤلؤة بالجي بي أر..هم ما أقصد التقليل ! .. ولكن هذا حوار دار فعلا بيني وبين أختي وهو قريب من هالموضوع فطرحتة كتأييد إنه في محلج لدرجة حتى الزوار لاحظوا هالشي
أختي حبت المكان..بس ماحبت بعض خدماته..وجودة الطعام والشراب إلي بالكوفي..يعني ذكرتة من باب التأييد لما طرحتي من ملاحظة ..
ودمتي بود أختي:)




ادري والله .. وكنت اتغشمر معاج
وكلامج كله عين العقل والصواب .. وانتي عزيزه وغاليه وهلج على العين والراس


جملكم الله جميعا برضاه

[روح الاطلس]

منو يقدر يقول لحبيبة قلبي ومهجة عيني " لا "


الا تم

وتم

وتم


يا سعد عيني والله

[أم محمد 90]

اكره شوكلت بار لان البنات الي يقعدون فيه كأنهم رايحين عرس شوووو فقط والشباب يجون للبنات بس للمغازل مكان كئيب وماله داعي ومافيه متعه واكله اقل من العادي !


برج الحمام ماعجبني اكله نهائياً واسعاره مبالغ فيها (المكان بس حلو)

المطعم الايطالي دخلته شفت الاسعار وطلعت

الكوفي شوبات تعبانة جداً (احب بس كشك كريب الشوكلت)

مطعم الفيشن برجر احبه وحبيت اكله وايد بس مكانه تعبان شوي

جست برجر : كلمت مدير المطعم وقلت له (اكلك عادي جدا جدا جدا جدا جداً واقل من العادي ولا يجي صوب الفيشن برجر او شيك شاك كأنه لحم جمعية مسوينه برجر ف البيت وسألته المطعم عالمي؟ قال لا محلي صاحبه قطري قلت له لازم يكون عندكم تميز عشان الناس تجي مطعمكم ) حرام 48 ريال ف برجرهم والله

مطعم الطبخة : كله ذبان واتصلت ف البلدية وخليتهم يجون لهم ههههههههههههههههههههههه
واكلهم مب حللللللو كلش :(

كافي ارماني مب شي فررق بينه وبين الي ف دبي مول !!

نودل هاوس : مكان حلو وايد واحب اكلهم وايد وايد وايد (والناس اذواق)

كاريبو كووفي : احب قهوتهم واحب الكوفي شوب بشكل عام

المكان كـ كل .. حلو وراقي ويشرح النفس ولكن المرافق والخدمات الي فيه تعبانة وتحتاج تطوير