محلات بيع الالوان .... النسائية

[aziz4z]

الواحد ممكن يسغرب إيش أقصد بمحلات بيع الالوان النسائية
كنت رايح مع هلي للسوق إلا حد منهم يقولي ندخل المحل هاي, قلت إيش تسوين فيها , مب شايف فيها إلا ألوان خشبية و مائية و فرشاء , و إلا ألا قيهم يضحكون , قالوا لي هاي أشياء تجميل نسائية , قلتهم ايش دعوة تبون تصيرون مهرجين و لاإيش
و في مرة من المرات كان الجو حلو ماخذهم للعرس فحبيت أفتح درايش السيارة , قالولي سكر الدرايش و شغل المكيف , الكشخة راح تخترب , و هتصير ألوان مائية في السيارة.
هل هذه الاشياء المكياجية تضر الجسم أكثر من تفيدها , و ممكن تلاقي حد مغير الوجه 360 درجة , باستعمال مختلف أنواع الكريمات و البودرة , و ممكن استعمالها بس مب لحدود بعيدة , كلما ألاقي سيارة واقفة عند الاشارة من الجنس الناعم , تمسح و جهها بالبودرة , و حتى بعض الاحيان مب منتبهة للاشارة
الله يكون في عون الجميع و يهدي شبابنا و فتياتنا

[لبيبة]

صحيح اخوي صارت محلات الميك اب تبيع جذي، للاسف ما يدرون او يدرون بس يتغيشمون ان هالاصباغ كثرتها تضر الوجه والجلد وتعجل بمظاهر الشيخوخة، لكن هوس الجمال يخليهم يصبغون، الله يهدي الجميع.

[aziz4z]

صحيح اخوي صارت محلات الميك اب تبيع جذي، للاسف ما يدرون او يدرون بس يتغيشمون ان هالاصباغ كثرتها تضر الوجه والجلد وتعجل بمظاهر الشيخوخة، لكن هوس الجمال يخليهم يصبغون، الله يهدي الجميع.

مشكورة على المرور
آمين بالهداية للجميع

[أم محمد 90]

عفواً اخوي

(مساحيق التجميل) وليس (الألوان المائية)

تنباع في كل مكان والبنت الي تخاف على صحتها وبشرتها ماراح تشتري الا الغالي والزين
والشي الزين يتواجد ف اماكن مثل (سيفورا + باريس غاليري + كاريزما + البيت الحديث .... الخ )
وحتى لما تدخل هالاماكن ماتحس انها اماكن (اصباغ والون مائية) اماكن راقية تحسها تعبر عن اداوت التجميل بطريقة لائقة
وغير عن هذا تكون مجربة قبل لا يبيعونها وكلها من صنع بريطانيا وفرنسا

لكن (السوق) ؟؟ واتوقع تقصد محل (حميد)

هالمحل مو مرتب مكياجه ابداً لدرجة اللي يدخل يحسب انه داش مكتبة وصف تلوين


شلون منثرة الاغراض ومش مرتبة ف يمكن عشان جذي انت اخذت انطبااع انهم (اصباغ والوان)

ومكياجه رخيص جدا ويسبب حساسية لاغلب الحريم لانه مو مصنوع من مواد عالية الجودة

وفالنهاية اخوي احنا حريم واداوت التجميل شي مهم بالنسبة لنا نفس ما انتو صبغ اللحية والشنب والتحديد والعطر مهم بالنسبة لكم

هاي شي كبر فينا

وحب المكياج يختلف من بنت لي بنت

تلاقي بنت تحب تملي وجهها بالوااااان

وتلاقي بنت تكتفي بالروج والماسكرا وكريم الاساس

وموضوع انك تبطل الدرايش (يعني اهلك كاشخين كشخه عرس تبطل الدرايش ليش / اولاً صحيح كل شي بيخترب يعني الكحل راح يسيح التسريحة تخترب الهوا وايد يخرب على كشخة المرأة ثانياً الشارع فيه ناس واهلك متزينين ليش تنزل الدرايش؟ )

وفالنهاية هاي امور نسائية انصحك ماتطيل التفكير فيها

نفس ما احنا الحريم مانفكر ليش الرجال فيه هوس على سيارته ولا جواله ولا اي شي يمتلكه
كل رجل عنده هوس وحب لشيء مختلف

والمرأة نفس الشي :)

اتمنى اني وضحت لك

[راشد محمد]

الواحد ممكن يسغرب إيش أقصد بمحلات بيع الالوان النسائية
كنت رايح مع هلي للسوق إلا حد منهم يقولي ندخل المحل هاي, قلت إيش تسوين فيها , مب شايف فيها إلا ألوان خشبية و مائية و فرشاء , و إلا ألا قيهم يضحكون , قالوا لي هاي أشياء تجميل نسائية , قلتهم ايش دعوة تبون تصيرون مهرجين و لاإيش
و في مرة من المرات كان الجو حلو ماخذهم للعرس فحبيت أفتح درايش السيارة , قالولي سكر الدرايش و شغل المكيف , الكشخة راح تخترب , و هتصير ألوان مائية في السيارة.
هل هذه الاشياء المكياجية تضر الجسم أكثر من تفيدها , و ممكن تلاقي حد مغير الوجه 360 درجة , باستعمال مختلف أنواع الكريمات و البودرة , و ممكن استعمالها بس مب لحدود بعيدة , كلما ألاقي سيارة واقفة عند الاشارة من الجنس الناعم , تمسح و جهها بالبودرة , و حتى بعض الاحيان مب منتبهة للاشارة
الله يكون في عون الجميع و يهدي شبابنا و فتياتنا

والله ضحكني كلامك. خاصة لما فتحت الدريشة وخافوا الحريم المكياج يسيل.
تدرون انه بعض مستحضرات التجميل قوية وما تخلي البشرة تتنفس وبعدين تتحسس البشرة وتطلع حبوب..

المهم انه اغلب السيدات اللحين ما يقدرون يظهرون بدون مكياج