أسرة بالجبيل تقيم حفل زفاف ابنتها صباحاً

[غزلان]

في سابقة لم يعهدها المجتمع

أسرة بالجبيل تقيم حفل زفاف ابنتها صباحاً




في سابقة غير معهودة في المجتمع السعودي تخطط إحدى الأسر بالجبيل إقامة حفل زفاف ابنتها في الفترة الصباحية الساعة العاشرة تنتهي بوجبة الغداء؛ وذلك لتجنب العديد من المشكلات التي تصاحب حفلات الزفاف المسائية، وأهمها السهر لمنتصف الليل وخاصة الجانب النسائي، وكذلك ندرة توفر صالات الأفراح المرغوبة مع ارتفاع تكلفتها، وغيرها من المشكلات المادية والنفسية.

وقال والد الفتاة ل"الرياض" ابراهيم الصالح: لقد عقدنا العزم بالاتفاق مع أهل العريس لإقامة حفل الزفاف صباحاً حيث ضمنا توفر صالة العرس بسهولة وبتكلفة منخفضة، إلا أننا نخشى عدم ضمان حضور كافة المدعوين لعدم اعتيادهم حضور عرس في الصباح، مشيراً إلى أهمية تغيير بعض العادات والتقاليد الخاصة بالأعراس حيث إن العرس الصباحي سوف يريحهم من هموم العرس المسائي الذي لا ينتهي إلا وجه الفجر وما يسببه من ارهاق للأسر وخاصة النساء اللاتي اعتدن على حضور حفلات العرس منتصف الليل الساعة الثانية عشرة والبقاء حتى الفجر تاركات أطفالهن في رعاية غيرهن من الخدم ونحوهم.

وحول مدى توقعات إقبال المجتمع للعرس الصباحي، قالت والدة الفتاة: إن الكثير من الأقارب والمعارف الذين أخبرناهم بقرارنا بدأوا بالتفكير والتخطيط لإقامة حفلات زواج صباحية منتظرين ما تألو إليه نتائج تجربتنا التي أتوقع أن تكلل بالنجاح والتوفيق.



00

وشرايكم بالفكره؟


هنا (http://www.alriyadh.com/2013/05/15/article835475.html)

[Qatar Angel]

ما حبيت الفكرة
اسمها ليلة الزفاف حلاتها في اليل لين الفجر

[لبيبة]

فكرة ممتازة، عجبتني وايد.

[ضوى]

فكرة وايد حلوة ووراقية ، السهر ماوراه الا التعب

[غزلان]

ما حبيت الفكرة
اسمها ليلة الزفاف حلاتها في اليل لين الفجر


--
تعودنا على الليل مخلينا مب متقبلين الفكره يمكن لو جربنا نشوف اكثر راحه من الليل

[غزلان]

فكرة ممتازة، عجبتني وايد.


فكرة وايد حلوة ووراقية ، السهر ماوراه الا التعب






يبيلنا نسمع بنتايج هالفكره وبيطبقونها عندنا:nice:

[لبيبة]

الأجانب كله أعراسهم الصبح ويبقى اليوم للعرسان يستانسون فيه، احنا عندنا ما نخليهم إلا وهم منتهين من التعب. وايد نظام حلو ان يكون العرس الصبح، ممكن يكون في رفض للفكرة في البداية مثل اي فكرة جديدة لكن اكيد في ناس بتتقبلها بعدين. :nice:

[ام هيون]

حلووووه الفكره بس متى يمديها العروس تجهز لازم تقوم من فجر :(

ايام اول كان فيه صباحية وكان الناس يجون يعني لو صار عرس الصبح مافيه خوف على المعازيموجايين جايين :)

[تغلبية]

حلوة الفكرة غزلان .. اقتصادية وحسيتها مريحة أكثر من عرس الليل

حتى تجهيزات العرس بتكون صباحية نوعاً .. بيكون فيه اضافات واذواق جديدة

ما يندرى عاد يصير يجيبون طقاقات والا لا ؟! :discuss:

[الرويـس]

#ثورة_العرس_الصباحي_انطلقت

[khaldoon]

الناس كيف بتترك دواماتها و بتروح العرس....خاصة الحريم و ملابسهم للافراح ما تناسب ملابس الشغل...الا لو عاد بيصير عادي انه نقول هذه جايه على فرح مب على شغل.....الرجال ممكن يزوغ ساعة ساعتين وما احد يدري عنه

[مسمس12]

ماعجبتني الفكرة اتخيل نفسي استاذن من الدوام بهالجو الحار واروح اكشخ واروح عرس :secret:

[al_jo0ory]

ماحبيت الفكره كلللش متى بيمدي للعروس والمعازيم بتجهزون !؟

ولا شدعوه كل ساع بياخذون بريك من العرس حق صلاة الظهر والعصر -_-

[عوآآآآشـي]

الفكره حلوو تكون فالويك اند ولو انعزمتوا على عرسين محد يزعل

:nice:

[الأصيلة]

طيب متى يتجهزون الحريم
إذا كانوا يبتدون من العصر يتجهزون حق الليل
لكن الساعة 10 صباحا يعني الساعة 5 الفجر مثلا يبتدون
شعر ومكياج ومالزم؟؟؟

[الأصيلة]

اشدخل الدوام في يوم الإجازة

[لاجل QT]

والله فكرة حلوة بصراحة ..

الازواج بيفتكون من سهر الحريم برة البيت لاوقات متاخرة


يعنى بيكون اجازة من العمل

كيف راي الشرع هنا؟؟

[لاجل QT]

طيب متى يتجهزون الحريم
إذا كانوا يبتدون من العصر يتجهزون حق الليل
لكن الساعة 10 صباحا يعني الساعة 5 الفجر مثلا يبتدون
شعر ومكياج ومالزم؟؟؟

احنا مهب ملعوزين اعمارنا الا بهالتكليف اللى ماله لازمة

مكياج وشعر ساعة بس

لو قلنا العرس يبدأ 12 ظهرا

في 6 ساعات للتجهيز

اي لايكت عجبتني الفكرة:)

[ضوى]

الأجانب كله أعراسهم الصبح ويبقى اليوم للعرسان يستانسون فيه، احنا عندنا ما نخليهم إلا وهم منتهين من التعب. وايد نظام حلو ان يكون العرس الصبح، ممكن يكون في رفض للفكرة في البداية مثل اي فكرة جديدة لكن اكيد في ناس بتتقبلها بعدين. :nice:

شفت اعراس بسالزبيرغ بالنمسا وباسطنبول العروس بفستان العرس والطرحة وطبعا شي خفيف وراقي مب فستان وزنه الف كيلو والماكياج ناعم والتسريحة وايد بسيطة والعرس اساسا مب متكلف ، تحسين الفرحة على وجوه الكل اللي يغني واللي يرقص وللي ينثر الورد الصراحة وايد حلو

عندنا العروس ماتدخل الصالة الا 11 بالليل وهي مستوية عالاخر وهي من الصبح تلمع وتمطق وتمكيج لين خلاص تنتهي ، كلها نص ساعة الا طالعة مرة ثانية عشان حالة نفسية اخرى مع الزوج ، لكن لو كان العرس عالاقل الظهر مانقول عشر الصبح وفي ويك اند بيكون الوضع مختلف اتوقع تكون مرتاحة اكثر

[sweet qatar]

مافيها شي..

تغيير.. حتى اللبس والكشخة غير..

العروس في يوم عرسها ما تاخذ 6 ساعات مشكلتنا بس المواعيد..
والصبح المواعيد متوفرة ومحد بيتأخر عليها.. فتقدر تجهز في ساعتين أو أقل..



اهم شي ما نشوف نظارات شمسية في العرس.. :happy:


عسى الله يوفق راعية الزواج الصباحي ويكتب لها السعادة.. ويطلع عرسها روعه..

[dm styal]

عاد ماله حلاه تعودنا انه يكون باليل من زين الجو عشان انخليه الصبح او الظهر ذيلاك جوهم منعش طبيعه خلابه يسونه في الحديقة أو على الشاطئ , والمعرس تبون الصبح يكون عرسه تلقاه لين جيه العرس ريحته اللهم ياكافي ولا ناقصين زحمة الظهر فوق الزحمة الي مستحميلينها خلنا بلي تعودنا عليه احسن لان تقليد العرب للغرب شي يضحك.

http://im42.gulfup.com/SBuSs.jpg (http://www.gulfup.com/?Z3HmlP)

[بريق الحق]

حلوة الفكرة غزلان .. اقتصادية وحسيتها مريحة أكثر من عرس الليل

حتى تجهيزات العرس بتكون صباحية نوعاً .. بيكون فيه اضافات واذواق جديدة

ما يندرى عاد يصير يجيبون طقاقات والا لا ؟! :discuss:
هههه اهم شي الطقاقات

[لبيبة]

قال الرسول محمد صلى الله عليه وسلم:" بورك لأمتي في بكورها" يعني اللي يقعدون من الصبح وينجزون كل شي من الصبح، الله يبارك للعرسان اللي بكروا من الصبح في الزواج يا رب.

[التميمي 3]

الفكره حلوه ولكن أجواء الخليج ماتسمح

يجيك الحر والرطوبه تخلي الواحد يطفش

[شمس2]

يعني الفكره حلوه بس في الشتا :nice:

[Dana’1]

شي زين أهم شي إنهم هم مرتاحين...الله يوفقهم
البعض علق على الزحمة المرورية وإنها تعطل الواحد غير الحر..فحبيت أعلق
إن بالجبيل الصناعية مافي أى إختناق مروري مثل الي حاصل هنا وكل شي مضبط أوك...فالأمور سهالات من ناحية الموصالات..والسيرات فيها مكيف والصالات كذالك ..فالنقطة هذي ماهي عائق

بالعكس ماهي فكرة بطالة..كل شي بتغير حتى نوع المكياج بيكون خفيف صباحي...وأساسا حتى نمط المكياج يختلف تماما عن ما تعودوا الناس عليه هنا وبعض المناطق بالسعودية ...وكل شي بيختلف...والأجمل إنه ينتهي الظهر بوجبة الغداء والسلام ختام

الله يوفقهم

[غرِيبهـ]

اتذكر في الامارات اول عرسهم الصبح
انا شفته في بوظبي يسمونه مقصار

باخذ التفاصيل اكثر من الوالدة واسرد لكم

اما فكرتهم هاي حلوة بالشتاء

[OREO]

الفكرة هذه غير مجدية ،، لان اذا العرس بيكون الصبح ،، شرط بعض الحريم يجلسون من الصبح لين ثاني يوم الصبح و هالمجر و كانك يابوزيد ما غزيت ،،،

[غزلان]

الأجانب كله أعراسهم الصبح ويبقى اليوم للعرسان يستانسون فيه، احنا عندنا ما نخليهم إلا وهم منتهين من التعب. وايد نظام حلو ان يكون العرس الصبح، ممكن يكون في رفض للفكرة في البداية مثل اي فكرة جديدة لكن اكيد في ناس بتتقبلها بعدين. :nice:


صح كل فكره غريبه وغير مالوفه في البدايه يرفضها الناس ويمكن ينتقدونها وبعد النتائج تعجبهم ويطبقونها

[غزلان]

حلووووه الفكره بس متى يمديها العروس تجهز لازم تقوم من فجر :(

ايام اول كان فيه صباحية وكان الناس يجون يعني لو صار عرس الصبح مافيه خوف على المعازيموجايين جايين :)


العروس مب لازم تطلع من الصبح تقدر على الساعه 12 او الساعه 1 تخلص

لازم بتتضبط كل شي لاتحاتين :nice:

[غزلان]

حلوة الفكرة غزلان .. اقتصادية وحسيتها مريحة أكثر من عرس الليل

حتى تجهيزات العرس بتكون صباحية نوعاً .. بيكون فيه اضافات واذواق جديدة

ما يندرى عاد يصير يجيبون طقاقات والا لا ؟! :discuss:


بعد التجارب ومميزات العرس الصباحي بتكون احلا ومقنعه اكثر

الطقاقات بينامون عند الباب :tease:

[غزلان]

#ثورة_العرس_الصباحي_انطلقت


والتجربه خير برهان :nice:

[غزلان]

الناس كيف بتترك دواماتها و بتروح العرس....خاصة الحريم و ملابسهم للافراح ما تناسب ملابس الشغل...الا لو عاد بيصير عادي انه نقول هذه جايه على فرح مب على شغل.....الرجال ممكن يزوغ ساعة ساعتين وما احد يدري عنه


لاتخاف على الحريم بيحضرون مهما كانت الصعاب كل شي بيتسهل اموره اذا فيها عرس:rolleyes2:

[sweet qatar]

متى عرسهم..؟؟

خاطري احضر عرس الحين.. :(

[أبوفهد666]

الفكرة مش ولابد

ودخيلة على المجتمع

لكن حنا في زمن العجائب

يعني لا تستغرب أي حدث يصير .. كل شئ جائز :omg:

بس عجبني سالفة الطقاقات هههههههههاي

ومن اللي لها نفس بترقص في الصباح :omen2::dance

[catqat]

زين العرس 10 والعروس متى تدخل بعد اذان الظهر _ بيوقفون..... !! العرس ساعتين بس !!

لو منه سويت لها عشا بالبيت وخلاص

[نبض الدوحة]

امممم ماحبيت الفكر .. تخيلوو طق الصبح:rolleyes2:

وبعدين العرس فليل احسن

وبالنسبه للحريم المفروض لين الساعه10 او11او 11 ونص فليل

وخلااص يردون بيوتهم مو لازم ينشبون :rolleyes2:

[ابوعلي]

صحيح ان التكلفة اقل


ولكن من رايي افضل شي للزوجين لا عرس ولا من هالامور عشا بين الاهل ويسافر معاها شهر العسل

[غايه الطواش]

طيب سوو العرس ٣ العصر حلو ١٠ الصبح ؟؟
يحطون مع التجهيزات كورن فليكس

[حياة]

فكره حلوه والله
احنا اعراسنا ماتتاخر حدنا اذا تاخرنا تاخرنا والمعاريس من الاهل 11:30 الى 12