path وما ادارك ماهو الباث؟

[الصغيره]

هو برنامج يشبه الاستغرام لكن اخطر منه لانه ينزل فيديو

هو برنامج انتشر بين البنات اكثر من الاولاد

البعض يجهله

ولكن البعض صار فنان فيه

البنات على بالهم انه خاص وما تقبل اضافه الا اللي تعرفه من الاهل لكن المصيبه لو يطيح الباث بيت شيطان والله تصير علوم

تتخيل اي بنت لها حساب بالباث انه ينسرق جوالها ؟؟

مصيبه وما بعدها مصيبه

الباث برنامج ينزل الصور والفيديو يكووون خاص اقبل الدعوه او ارفضها البنات ينزل تجمعاتهن صور وفيديوا وضحك وسوالف لكن ان ضاع الجوال او وحده سوت كوبي من صور الاخرى ومسكته عليها او ارسلته لاي احد تكووون مصيبه ودمار

نصيحه لك غيور على اهله احذر الباث وامنعه من اجهزة زوجتك بنتك اختك حتى من نفسك لانه بصراحه لا يومن مهما قالت البنت اني حاطه رقم سري تراه مكشوف ولا يحفظ اعراض الناس وللاسف البنات استهانن بكل شي وماهمهن الا التنافس بالصور والمقاطع

ايها الاب

ايها الاخ

ايها الرجل

النساء امانه باعناقكم لا تهملوا الامانات


انتبهوا وحذروا ووضحوا حتى للمراهقات يمكن تصور بالباث وهي ماتدري

اسال الله ان يسترنا فوق الارض وتحت الارض ويوم العرض

امين

[OREO]

يزاج ربي كل خير اختي ،، من فتره منزل البرنامج و ماني عارف راسه من رجله ،، لكني مستانس عليه كثير تبين الصج لاني كل كمن يوم افتح البرنامج و اضغط على زر من الازرار و اسمع صوت ( ووووط ) و تطلعلي كمن ايقونة و اعود اسكر البرنامج ،، ههههههههه

لكن كونج نصحتي الاخوان و الاخوات ،، راح اشله و ربي يبعدنا عن هذه السوالف و ربي يحفظ و يستر كل مسلم ان شاءالله ،،

[الصغيره]

والمشكله يحدد لك وين مسكنك بالضبط يعني بلوى الصراحه

ان طاح بيد مراهق مراهقه هو فعلا خطير

انصح الاباء والامهات يتعرفون على الباث من اجل ان يعرفوا ماهو ويجنبوا اولادهم شره

والله نزلته حتى اعرف اش هو من هول ما سمعت عنه لاحظت وربي الشاهد انه يحدد مكانك وين وهو دامك ما حطيت صوره ولا فديوا مش مشكله فقط شف الاماكن اللي تطلع لك والاسماء من خريطته الصراحه انا اجهل استخدامه لكن ابي اعرف ايش هو وكيفية الاستخدام حتى لما انصح اي حد عنه او حد يسالني اقدر اجاوبه لكن اني اضع صوره او فيديوا او اضيف شيء مستحيل

ولما اعرف ماهو الباث راح احذفه بدو اسف عليه مثل الكيك

اسال الله لنا السلامه من الشر وما حوى

[النهار]

شكرا على التنبيه

[لاجل QT]

بك وشو ذي بعد

تونى ماعرفت سالفة الانستغرام طلع الباث

وهالبنات مينن كل شي ينزلونة

اتى قصدج الخطر ارسال الصور للموقع

طيب نفس خطر وضع الصور في الجوال او اللاب وضاع وطاح في يد ولد حرام

عموما شكرا للتنبية

[ابوعلي]

الله يستر كلما ونشوف برامج جديده وما ندري عنها والله يحفظ اعيالنا منها

تسلمين اختي على التنبيه

[khaldoon]

الصراحه ما في عذر لاحد سواء ذكر او انثى هالايام في تسجيل صور او مقاطع شخصية له و لعائلته و بعدين يقول تسربت بأي طريقة....خلاص هالفيلم الهندي تكرر مئات او الالاف المرات في العشرين سنة اللي فاتت....بس في ناس ما تبي تتعلم او ما عندها مانع تكون مشروع ضحيه مستقبلا


بارك الله فيكي على التنبيه

[شمووع]

الله يجزيج الخير حبيبتي ع التنبيه
والله يكفينا شره
وياليت حد يحط لنا صوره البرنامج

[شيخ الديرة]

http://www.digitaltrends.com/wp-content/uploads/2011/11/path.png

عندما تشوف ابنك أو بنتك على الموبايك أكثر من ساعة متواصلة باليوم، يعني عندك مشكلة، خذ الموبايل منهم وشوف شنو البرامج اللي منصبيها والصور اللي ماخذيها او اللي منزليها، مصايب والاهل نايمين ورجليهم بالشمس.

[محمد11]

الله يجزاك خير اخوي على التنبيه
بس موضوعك هذا عمل دعايه للبرنامج


فتحت عيون ( مراهقين ) كانت مسكره ماتدري عنه :eek5:

[الأصيلة]

الله يجزاك خير اخوي على التنبيه
بس موضوعك هذا عمل دعايه للبرنامج


فتحت عيون ( مراهقين ) كانت مسكره ماتدري عنه :eek5:

ومن قال عندنا في المنتدى مراهقين
أصلا مب فاضيين يفتحون النت والمنتديات
لاهين بهذه البرامج المنوعة ومب قادرين يلحقون...
مثل هذه البرامج يستغلونها البعض في
الصور والفيديوهات الجنسية الخطيرة
كما أخبرتني إحدى الأخوات ..
تقول بالصدفة شافت شيء مايخطر على بال بشر
من الصور الخليعة والفيديوهات الجنسية المقززة
وطبعا هذا يُسهل على الشباب فعل الفاحشة بدون إحساس برقيب أو حسيب..
و حتى في الكيك اللي ضحكوا فيه على عقول الشباب والمراهقين...
وهذا الباث للحين ماتعرفنا عليه ..
يكفينا انستغرام بس ..
الله يستر من الجاي..

[روح الاطلس]

يعني نفس الكيك؟؟

[Qatar Angel]

البرنامج واااايد حلو ويشابه برنامج viddy تقريبا
الواحد يقدر يستفيد منه خصوصاً في السفر يصور
الرقصات الشعبية والاحتفالات التقليدية او مناظر طبيعية
وصدقوني يا إخوان التربية لها دور حتى لو كان المستخدم مراهق
في خطوط حمرا الواحد ما يتعداها وما يسيء لنفسه ولأهله

[الزعفراني]

التنبيه على هالبرامج اصبح غير مجدي ولكن التنبيه يكون على الاجهزه الحاضنه لمثل هذه البرامج .. الموضوع اليوم يتطلب جهاز ايفون او بلاك بيري او ايباد او سامسونغ جلاكسي .. واتصال بالانترنت وانتهى الموضوع ..

مثل هالبرامج كثيره ولا تحصى .. والخطر ليس فيها ولكن في توفر الاجهزه الحاضنه لمثل هالبرنامج ..

اليوم المراهق او المراهقه معاه جهاز ايفون او ايباد وهو منسدح في السرير بغرفته وشايك الوايرلس ومحد يدري عنه من اهله ،،،

كان الله في العون

[لاجل QT]

الشي اللى مستغربة منة

ان وضع الصور الشخصية والعائلية صار عادي في هذة البرامج

ياجماعة هذي كانت فيها قبايل وذبح رقاب

شاللي صاير؟؟؟

وين القصاصيب:omen2:

[بصمة قطرية]

برامج أول مرة أسمع عنها ..
حدنا أنستغرام ..
كل يوم يطلعون بشي جديد
و المراهقين ما وراهم شي ..
الله يحفظ عيالنا وعيال المسلمين ..

[بوخالد911]

يسلمووو للتنبيه

والله يستررر من الجااااي

[الصغيره]

الصراحه ما في عذر لاحد سواء ذكر او انثى هالايام في تسجيل صور او مقاطع شخصية له و لعائلته و بعدين يقول تسربت بأي طريقة....خلاص هالفيلم الهندي تكرر مئات او الالاف المرات في العشرين سنة اللي فاتت....بس في ناس ما تبي تتعلم او ما عندها مانع تكون مشروع ضحيه مستقبلا


بارك الله فيكي على التنبيه

اشكر الكل اللي دخل هنا واستفاد او عرف عن الباث واتمنى ينقله سوى برساله او نصيحه او تعريف لاهله او ربعه

هذا عذر من لا عذر له اللي صورفعلا مب صغير ولا طفل حتى يضع هالمقاطع بجوال يمكن ينساه بمطعم او بصاله رياضه او صالون او على كاشير او بمستشفى ووين قالوا تسرب
البرامج استغرام يتساوى خيره وشره وللي يبي الخير بيلقاه واللي يبي الشر بيلقاه لكن لا يقبل ماقطع الفديو

لاين هو نفس الالواتساب بالضبط وربما هو افضل منه
kik نفس الوتساب والاين ما فيه خوف عادي رسايل وصور كانه مسج عادي

الدمارحتى الان في اثنين
keek وهو دمااااار لا مراقبه ولا تحكم فديووووو على طول وقدام الملاء وتنتشر فيه المقاطع الجنسيه والرقص والمقاطع المضحكه كما يوجد به المحاضرات والارشاد والنشيد والاغاني لكن انتشرت ايضا تصوير بدن ما حد يعرف لبعض المقاطع للغافلين وخاصه فديو انتشر لام خليجيه تستعد للذهاب لعرس بينما طفلها يلتقط لها اكثر من فيديو ونزلها لها بالكيك مباشر بدون علمها لكن الله ستر عليها ان وجهها لم يظهر

الباااااث هذا من فعل راعيه واكثر ما يتداول بين الاصدقاء والصديقات وومثل ماقلت قد يستغل بطريقه غير طيبه لمن في قلبه حد او حسد وقد يسرق الجهاز بكل مافيه من فيديوباث

الله يستر على خلقه

[الصغيره]

http://www.digitaltrends.com/wp-content/uploads/2011/11/path.png

عندما تشوف ابنك أو بنتك على الموبايك أكثر من ساعة متواصلة باليوم، يعني عندك مشكلة، خذ الموبايل منهم وشوف شنو البرامج اللي منصبيها والصور اللي ماخذيها او اللي منزليها، مصايب والاهل نايمين ورجليهم بالشمس.

بارك الله فيك

هذا هو الدمار

[الصغيره]

الله يجزاك خير اخوي على التنبيه
بس موضوعك هذا عمل دعايه للبرنامج


فتحت عيون ( مراهقين ) كانت مسكره ماتدري عنه :eek5:

المراهقين سبقوا الكبار بمعرفته

بالعكس انا بغيت تنبيه الاباء والامهات اما جيل المراهقين ما يبدون دعايه للباث اسال الله لهم الستر

وان شاء الله انهم قد حسن الظن ويكونون قدوه لاخوانهم واخواتهم واصدقائهم ويحذرونهم من الاستخدام الغير امن للباث

[الصغيره]

ومن قال عندنا في المنتدى مراهقين
أصلا مب فاضيين يفتحون النت والمنتديات
لاهين بهذه البرامج المنوعة ومب قادرين يلحقون...
مثل هذه البرامج يستغلونها البعض في
الصور والفيديوهات الجنسية الخطيرة
كما أخبرتني إحدى الأخوات ..
تقول بالصدفة شافت شيء مايخطر على بال بشر
من الصور الخليعة والفيديوهات الجنسية المقززة
وطبعا هذا يُسهل على الشباب فعل الفاحشة بدون إحساس برقيب أو حسيب..
و حتى في الكيك اللي ضحكوا فيه على عقول الشباب والمراهقين...
وهذا الباث للحين ماتعرفنا عليه ..
يكفينا انستغرام بس ..
الله يستر من الجاي..

صدقتي اختي بما قلتي اتمنى من كل اب ام اخ اخت ان يراقبوا المراهقين وللاسف ترى فيه ناس مش مراهقين لكن عندهم باث ويستخدم بطريقه مش كويسه

يا ناس ترى الكيك فيه بلاااااوي قسم بالله بلااااوي واللي ينزلها للاسف عرب ومن الخليج

ارجوكم محاربة هذه البرامج واتمنى ان هذا الموضوع ينشر بين القروبات والاهل حتى يطلعوا على هذا الخطر

تخيلوووا طفل بالتاسعه من العمر عنده ايفووون وهذا كلام امه تقول ولدي دايم يلعب بالايفون تقول حاطه الايفون حتى يتصل بي وقت ما يبي تقول مره شليت منه الجهاز وصرت اشيك تقول متصل على كذا رقم غريب تقول اشيك على الاتصال واتصل طلع ارقام عشوائيه تقول اشيك على الصور والتسجيل بالفيديو تقول لقيت بلاوي تقول من ضمن الصور صوري وانا غافله تقول فيه فيديوا للخدامه تاكل اخوه الصغير وتاكل معه من نفس المعلقه تقول مدري انا غلطانه او هي صدفه اللي خلتني اشوف سلوك الخدامه او اكتشف اتصاله وازعاجه للغير

قلت الا اهمالك ووضع سلاح خطير بيد ولدك

ولدك الطفل يتصل بارقام قد يقع بشرير يستغله

خدامتك تاكل من ملعقه الطفل من اهمالك وربما ماتت من الجوع وهي ماعندها وقت تاكل لان كل وقتها للطفل

ولدك يصورك لان ثقافته حول التقاط الصور ناقصه لانك ما ثقفتيه قبل تعطينه الجهاز يعني ايش به نوكيا بدون كيمرا لما تعطينه يعني اش فيه تلفون البيت الثابت لما يتصل بك بعدين وين تثقيفه وتخويفه وترهيبه من انه يدق على تلفونات غريبه

المووضوووع كبير الصراحه واحس اللي رايح بها الاطفال والمراهقين بين اهمال الام وعدم مبالات الاب وتربية الخدم

[الصغيره]

يعني نفس الكيك؟؟

هو مابين الاستغرام والكيك

يشابه الاستغرام بانك تقبلي الاضافه او لا وتتحكمي بالاضافه وعليه صور وفديو يشابه االكيك ان به فيديو فقط

خطره ربما يكون بضياع الجهاز بما فيه من فديو وصور او يستغل من احد المضافين

[intesar]

أشوف ناس تسجل فيه
بس ماعرفت فايدته وكيف يشتغل

شكراً على التنبيه..

[الصغيره]

البرنامج واااايد حلو ويشابه برنامج viddy تقريبا
الواحد يقدر يستفيد منه خصوصاً في السفر يصور
الرقصات الشعبية والاحتفالات التقليدية او مناظر طبيعية
وصدقوني يا إخوان التربية لها دور حتى لو كان المستخدم مراهق
في خطوط حمرا الواحد ما يتعداها وما يسيء لنفسه ولأهله

جماله يكمن في حسن استخدامه

[الصغيره]

الشي اللى مستغربة منة

ان وضع الصور الشخصية والعائلية صار عادي في هذة البرامج

ياجماعة هذي كانت فيها قبايل وذبح رقاب

شاللي صاير؟؟؟

وين القصاصيب:omen2:

الاهمال الاهمال اولا واخيرا

[الصغيره]

التنبيه على هالبرامج اصبح غير مجدي ولكن التنبيه يكون على الاجهزه الحاضنه لمثل هذه البرامج .. الموضوع اليوم يتطلب جهاز ايفون او بلاك بيري او ايباد او سامسونغ جلاكسي .. واتصال بالانترنت وانتهى الموضوع ..

مثل هالبرامج كثيره ولا تحصى .. والخطر ليس فيها ولكن في توفر الاجهزه الحاضنه لمثل هالبرنامج ..

اليوم المراهق او المراهقه معاه جهاز ايفون او ايباد وهو منسدح في السرير بغرفته وشايك الوايرلس ومحد يدري عنه من اهله ،،،

كان الله في العون

ياخوي

الحين تسال الام الجهاز اللي مع بنتك ايش نوعه تقول مدري هي شرته ؟

تسال الاب نفس الجواب

النت مش مشكله بالسياره وشابكين بالوصله ومتوفره حتى بشناط المدرسه مابه من مشكل

المشكله الكبيره الرقابه والاهتمام من الاب والام

انا مالوم الابناء الوووووم الاباء حتى الام مالومها لان ماوراها رجل يقول تعالي اخبارك ليوم وش شفتي وين رحتي وتعالي يابنت وش هذا ومن ايش وليش

اهماااااااااااال والكل مشغول وبحاله تلاقي بعض الاباء والامهات يقولووون فكه خلهم لاهين بهذه الاجهزه والبرامج

[halawalah]

وليش كلامج عن المرأة موجه للرجل ؟
والا المرأة مب واعيه بنظرج وكفو انج توجهين النصيحة مباشرة لها؟

ع العموم
كل البرامج الحديثة اللي طلعت ومنها keek kik twitter ..الخ نفس المنهج وصار حولها كلام وتحذيرات
وأنا شخصياً اشوف وعي الانسان بهالبرامج وتحديد احتياجه راح يخليه يتعامل معاهم بشكل صحيح

[Serenade]

الصراحه ما في عذر لاحد سواء ذكر او انثى هالايام في تسجيل صور او مقاطع شخصية له و لعائلته و بعدين يقول تسربت بأي طريقة....خلاص هالفيلم الهندي تكرر مئات او الالاف المرات في العشرين سنة اللي فاتت....بس في ناس ما تبي تتعلم او ما عندها مانع تكون مشروع ضحيه مستقبلا


بارك الله فيكي على التنبيه

:nice:

***************




هالبنات الي تحذرينهم كل وحدة منهم داااهيه و عارفة بالضبط شتسوي :secret:

[sweet qatar]

الشي اللى مستغربة منة

ان وضع الصور الشخصية والعائلية صار عادي في هذة البرامج

ياجماعة هذي كانت فيها قبايل وذبح رقاب

شاللي صاير؟؟؟

وين القصاصيب:omen2:


صدقتي والله.. الحين الوحدة تنزل صورتها..
ويعلق عليها ابوها والدنيا سهالات..


الحل الوحيد في الوعي والتربية الصحيحة..
لازم تشبعون أبنائكم عاطفيا.. عشان مايستعرضون أنفسهم ويستجدون الاهتمام من الغير..


شكرا الصغيرة على التنبيه.. والله يستر علينا وعليج وعلى الجميع..

[عاشق العديد]

والله ولاسمعت عنه اي فون مافيه الا 3 برامج تويتر انستقرام سكايب ..
وان شاء الله ثلاثتهم اكون مستخدمهم في الاستخداد الصحيح الي مايشلخ ديني ولا عاداتي وتقاليدي ونساء الله اللسلامه من الناس الي مايحشمون انفسهم .. والله المستعان

[الصغيره]

وليش كلامج عن المرأة موجه للرجل ؟
والا المرأة مب واعيه بنظرج وكفو انج توجهين النصيحة مباشرة لها؟

ع العموم
كل البرامج الحديثة اللي طلعت ومنها keek kik twitter ..الخ نفس المنهج وصار حولها كلام وتحذيرات
وأنا شخصياً اشوف وعي الانسان بهالبرامج وتحديد احتياجه راح يخليه يتعامل معاهم بشكل صحيح

اوجهه كلامي للرجل لانه المسؤول الاول عن المراه ومن هم خلف المراه وبدايه الموضو ع موجه للجميع


مدري كيف فهمتيه لكن لوما غيرتي على المراه ماكتبته وللاسف اكثر من يسيئ استخدام التقنيه والبرامج اللي ذكرناها الاغلبيه البنات للاسف والدليل ظاهر بكثير من مثل هذه البرامج والكيك والباث والاستغرام يشهد


اشكرك على غيرتك على المراه واشكرك على المشاركه والتواجد

[حبر وقرطاس]

الله يجزاك خير اخوي على التنبيه
بس موضوعك هذا عمل دعايه للبرنامج


فتحت عيون ( مراهقين ) كانت مسكره ماتدري عنه :eek5:

هذي الردود والمنطق الي لا يودي ولا يجيب
يعني اترك الموضوع مستور احسن؟؟ وخل الاهل على عماهم والقافله تسير؟؟
مايجوز ياخوي
المخدرات خطرها اكبر والسويكه نفس الشي
لو راح نمشي على مسأله كتموا عالموضوع الاف من المراهقين رايحين فيها
غلط وقمه الغلط السكوت
انشر واعلن وفهم الناس خل كل اب وام واخ واخت يتداركون هذه الامور
ترى الدنيا بخير زكثير من بناتنا واولادنا ينساقون فالبدايه لهذه البرامج كخدمات جديده ومسليه وعقب يكتشفون الجوانب السيئه بمعنى مب الكل يسعى لهذه البرامج بقصد الاستخدام السيئ
بس الرقابه والتوعيه واحياء القيم السليمه بشكل مستمر من ارباب الاسر لعيالهم امر صحي حيوي واستراتيجي يهذب النفوس

[محمد11]

هذي الردود والمنطق الي لا يودي ولا يجيب
يعني اترك الموضوع مستور احسن؟؟ وخل الاهل على عماهم والقافله تسير؟؟
مايجوز ياخوي
المخدرات خطرها اكبر والسويكه نفس الشي
لو راح نمشي على مسأله كتموا عالموضوع الاف من المراهقين رايحين فيها
غلط وقمه الغلط السكوت
انشر واعلن وفهم الناس خل كل اب وام واخ واخت يتداركون هذه الامور
ترى الدنيا بخير زكثير من بناتنا واولادنا ينساقون فالبدايه لهذه البرامج كخدمات جديده ومسليه وعقب يكتشفون الجوانب السيئه بمعنى مب الكل يسعى لهذه البرامج بقصد الاستخدام السيئ
بس الرقابه والتوعيه واحياء القيم السليمه بشكل مستمر من ارباب الاسر لعيالهم امر صحي حيوي واستراتيجي يهذب النفوس


وسع
صدرك يالغالي ...

( وش ذم الحين شخص ) عرف البرنامج عن طريق المنتدى ( وعن طريقك ) ف التوعيه
وراح يجرب البرنامج !! بعدها راح ينصح افلان وعلان وووووو

وكل بسبب ( توعيتك الطيبه ) الله يجزاك خير اخوي انت على النصيحه واي شخص راح يسوي مثل ماسويت وانا اولهم بعد اخوي ..


بس ممكن تختصر الموضوع واتصال ( Oreedo ) وتقول لهم عن البرنامج ويجيب باذن الله الله

[Miss]

اول مره اسمع به
كل البرامج تستخدم استخدام سيء من قبل المراهقين والمراهقات لانهم بدون مراقبه ،،
ما عاد فيه توجيه

[الصغيره]

وسع
صدرك يالغالي ...

( وش ذم الحين شخص ) عرف البرنامج عن طريق المنتدى ( وعن طريقك ) ف التوعيه
وراح يجرب البرنامج !! بعدها راح ينصح افلان وعلان وووووو

وكل بسبب ( توعيتك الطيبه ) الله يجزاك خير اخوي انت على النصيحه واي شخص راح يسوي مثل ماسويت وانا اولهم بعد اخوي ..


بس ممكن تختصر الموضوع واتصال ( oreedo ) وتقول لهم عن البرنامج ويجيب باذن الله الله

اخي الكريم هو برنامج يشتىر من النت وهو احد برامج الملحقه بالايفن اعتقد ارويدوو مالهها خص لانه يعتبر من البرامج الملحقه بالاجهزه

الله يكفينا شره وشر كل برنامج غير نافع