منع بعض الجماهير من دخول مباراة الريان ... فيديو

[wanted boy]

السلام عليكم

الفيديو بيوضح كل شي


http://y2u.be/557lcLiyscg


لا تعليق

[intesar]

ههههههه.. هذا دكتور حمود.. مسكوه مسكين

[بريق الحق]

كلام صحيح هل الاتحاد يبيع تذاكر اخر من العدد للي موجود

[عزووز قطر]

على ماأظن إن بلادنا بلاد ديمقراطية وحرية الرأي
ودكتور حمود ماغلط في هالفيديو

وأتوقع بأنه لايحق للعسكري انه ياخذ الجوال !!!

[البحار00]

كسر خاطري مسكين هههههههه

[Chambray]

التنظيم تعبان جداً

الواحد يروح مع عياله وفي الاخير مايحصل كراسي احذا بعض

ترا كاس العالم 2022 باقيله اقل من 9 سنين

اذا ماتعودنا على التنظيم في هالبطولات المحلية ، كيف بننظم بطولات عالمية !؟

[puree]

انا اللي اعرفه ان الساعه 6 البوابات تتسكر .. اذا هالكلام صحيح .. معناته معاهم حق ان مايدخلون حد

وهم دايما يذكرون موعد اغلاق البوابات ومعروف ان اذا سكروا البوبات ، محد يقدر يدخل



بخصوص التذاكر والله اذكر رحت ابحضر المباراة طبعا التذاكر قبل موعد المباراة ب 3 ساعات تقريبا التذاكر كلها تروح الملعب اللي مانباعت لحد الان اللي كانت تنباع فالمجمعات

فا رحت الملعب .. ملعب السد ومافي الا شباك تذاكر واحد مفتوح !

وطبعا جايبين جماهير هنود وسودانيين يعني اجانب ومعطينهم فلوس على اساس ياخذون تذاكر

والله ان واقفين طابور لين المواقف

انزين واحنا ؟ نبي نحضر المباراة والله قهر بس صوب واحد حق التذاكر مفتوح اما باقي الشبابيك مسكرينها مادري شالسبب ودايما يسوونها


وعقب يقولون الجمهور مايحضر .. اكيد ماراح يحضر اذا ماحصل تذاكر بسبت هالاجانب اللي تجيبونهم

[بـارود]

صادفتني نفس المشكلة قبل 3 سنوات 2009 - 2010
نهائي كأس ولي العهد بين ( العربي x الغرافة ) ،،،

[آخر الفرسان]

السوق السوداء ياحبيبي
وما ادراك ما السوق السوداء !!
عيل كرسي يتم بيعة لـ ٢٠٠ متفرج !؟
وفي الاخير من سبق لبق !!؟؟
السالفة سرق في سرق
فاشلين

وفي النهاية اقول مبروك للريان وجماهيرة
:)

[أبوهيا]

زين سحبوه هالمليغ

[مراد2015]

الله يجزاهم خير رجال الامن ماهم فاضين حق واحد يصور وهم مشغولين

وفي وضع امني يجب عليهم الحزم واستخدام القوة مع شخص فاضي

[بوحسن 779]

الموضوع واضح الأبواب تغلق في ساعة ٦ والمدرجات خالية !!!! وسمو الامير راح يحضر هل تتم المدرجات فاضية ما يصير يا جماعة الحضور الجماهيري هدف منشود لنجاح النهائي والإخوان في قناة المجلس تمللوا من التنبيه للحضور المبكر و الاخ اللي يتكلم ويقول السد دخلوا جماهير اجانب ونحنا ما لقينا مكان ارجع اقول لك لو انت حريص على تشجيع فريقك كان تحضر من وقت وبذات انه الجو كان طيب ومافي حرارة عالية

[بوجاسم 75]

استغفرالله ، هاي المخلوق المفروض مب يسحبونه الشرطة المفروض يسحبون جنسيتة ، صج الناس عقول0

[ذيب ازغوى]

هالشرطي ماله حق ياخذ جواله وممكن يتعاقب عليهاا

[نيساني]

صارت معاي من قبل وصلنا متأخرين شوي وماخلونا ندخل

فالموضوع عادي اذا البوابات تصكرت انسى تدخل حتى لو المدرج فاضي

وشكراً للجميع

[khalid Qtr]

الرجال ما غلط ، واذا في نص قانوني يمنع اللي سواه ممكن حد يجيبه .؟

اعتقد ان الشرطي اذا كان اخذ الجوال ممكن يتعاقب ..

وبخصوص الاخوان اللي يقولون احسن ويتهجمون على الرجال ..

ياخي هو حر في تصرفاته وما اساء لكم

[QtrGate]

سئلت واحد اسيوي كتن جنبي في المدرجات . اتشجع اي فريق يقول الريان فقلتله هاي مدرجات السد فقالي السد اوك اوم
وسئلته ليش اتيي اتشحع يقول يعطونهم خمسين ريال عشان بحضرون

من هو المسؤول عن تبذير الاموال
ليش يتم جلبهم للمباريات النهائية وهناك الاف الجماهير القطرية والعربية
وأي قانون يسمح لهم بادخال عشرات الاشخاص بدون تذاكر

[نوار قطر]

وصلني الفيديو على البلاك بيري للامانه انا مااحب هالريال بس كسر خاطري وعور قلبي.. مب من حقهم يتلونه ويسحبونه:(

[لمعة الالماس]

اللمفروض يرجعون فلوس اللي عندهم تذاكر وما دخلوا المباراة

[رفيق الصحراء]

1- اما يبيعون تذاكر اكثر من الكراسي والسعه الاستيعابيه للملعب
2- يدخلون ناس من غير تداكر فيمتلا الملعب وبالتالي اللي عنده تذكره راحت عليه

والاثنين العن من بعض
وطبعا بكاس العالم بيجونك جماهير انجليز فرنسيين المان وغيرهم وان قلت لواحد فيه ممتلا الملعب وهو عنده تذكر بيلعن والدين الشرطي

اما انك تسكر الملعب هذا شغل عبط ليش تسكر الملعب دام للحين فيه جمهور واقف بالخارج وعنده تذاكر ؟؟؟
اذا بيقولون امتلا اشلون يمتلا الملعب وفيه ناس عندهم تذاكر مادخلوا ؟؟؟
فنرجع للنقطتين اللي فوق

من الخطا انك تسكر الباب على الجمهور الا اذا امتلا الملعب وامتلا بانه اللي واقفين برع ماعندهم تذاكر وكل اللي بالملعب داشين بالتذاكر

واصلا كان فيه اماكن فارغه بالملعب يعني مامتلا الملعب بالكامل

المفروض يكون كل شخص يقعد بالكرسي اللي عليه رقمه بالتذكره عشان يبين باجهزه كومبيوتر هل الملعب امتلا او لا وعشان محد ياخذ مكان حد
وهالطريقه طريقه حضاريه وتحترم فيها الناس اللي شرت تذكره

[قلب الحدث]

السلام عليكم

امس كنت في رايح المباراة بس للاسف ماقدرت ادش الملعب من كثر الزحمة ووايد ناس عانوا نفس الشي الي حاب اقوله ان للاسف الاتحاد الكروي يطبع تذاكر تفوق عدد استيعاب الملعب خلنا نقول الملعب يستوعب 50 ألف يقوم يطبع 150 الف مثلا او اكثر لان كثر من هل تذاكر دعوات خاصة وناس كثر منهم الي بيحضر ومنهم الي مابيحضر للاسف وموضوع السحوبات والجوائز المادية هي الي بتغري الهنود و الفلبينيين انهم يحضرون بالاضافة الى المبالغ الي تدفع لهم تخيلوا يا اخوان ان النهائي مندون جوائز وسحوبات هل فعلا بتشوف الملعب فل ؟؟

[النجلا]

ياليت كل شي يرجع ايام التسعينات :( كنا مرتاحين من هالاجانب ومشاكلهم ورانا ورانا

لامن تعليم ولامن صحة ولاحتى كورة

الله المستعان

[كود نمبر]

انا حضرت للملعب الساعه خمس ومعي عيالي وشريت تذاكر لان التذاكر الزايده في المجمعات كلها نقلوها للملعب ودشيت داخل الاستاد يمكن على الساعه ست الا ربع بكل سهوله ويسر لكن فيه ناس تجي متاخره ويبون يدخلون وهذا مايصير


سئلت واحد اسيوي كتن جنبي في المدرجات . اتشجع اي فريق يقول الريان فقلتله هاي مدرجات السد فقالي السد اوك اوم
وسئلته ليش اتيي اتشحع يقول يعطونهم خمسين ريال عشان بحضرون



مع كل احترامي لك مش الريان الي يجلب الجماهير ويدفع لهم
اذا المدرجات الخاصه فيه غاصه وماخذين نص مدرجات السد وين تبيهم
يدفعون شكلك قلبت الايه لان الي يدفعون معروفين :tease:

[ضوى]

حلوة تذاكر الفي اي بي الصراحة لا ومع موقف في اي بي بعد واكثرها خالية

[مزعله النساء]

السلام عليكم ورحمة الله وبركاته

اولا مبروووووك لكل رياني ولكل من يحب الريان

ثانيا والله حرام الي صار امس كثير من الجماهير عندها تذاكر ولاقدرت تدخل مع انها جايه قبل المباره بساعتين

والدكتور حموده ماقال شي غلط علشان الشرطي يمسك تلفونه

ماعرف ايش رد اللاتحاد القطري على الي صار امس وين تنظيم الجماهير والي مادخلو شيسووون بتذاكرهم

نبي رد مسموع

[AL-MAYSTRO]

انا واحد من ضحايا التذاكـــــــــر
والحمدلله ان بيتنا مقابل سباير ورايح للمعب مشي 5 دقايق

سألت احد المنظمين هناك قالي : اسكت ياخي توهقنا مع الجمهور اللي يسب واللي يصارخ عليهم
واللي يتكلم واللي يهدد انه بيشتكي ,, (من حقهم لانهم دافعين تذاكر ومتلعوزين في هالزحمه وفالاخير مافيه دخول)

وفالاخير قالي ان المشكله انهم دخلوا طلاب المدارس وماكانوا عاملين حسابهم

ومنهم اصحاب المدارس ( اطفال لايفهمون فالكورة)ومنهم اللي اشتروا تذاكر من سبوعين ومادخلوهم ( الجماهير اللي تبي تحضر المباراه )



وفالاخير اقول

دام هذا ترتيبكم .. شلون تبون تستضيفون كأس عالم :nice:

[بونووف]

ليش يسكرون البوابات قبل بداية المباراه ..؟
شالحكمه من هالشي..؟

ترى مباراه والدعوه سهالات

واذا الريال مادخلوه عشان الملعب فل (مع اني لمحت في كراسي فاضيه ) خلاص يرجعون فلوس كل واحد مادخلوه..

ومانقدر نتحكم بالاجانب اللي يبغون يحضرون المباراه اذا كانو يدفعون بفلوسهم .. لانه انتو تحطون جوائز بالملااين عشان تغصبون الشعب يحضرون المباراه ...

اللي بيحضر المباراه يحضرها فالدوري

[bos3eed]

بخصوص الفيديو , تصرف دكتور حمود سليم وحضاري وماغلط على حد ولاحتى صور حد من افراد الشرطه بطريقه مباشره, تصرف الشرطي اللي حاول يسحب الجوال تصرف شخصي ارتجالي يتعدى صلاحياته وما اظن ان وزارة الداخلية ترضى بها الشي ولو كان في ظابط في المكان نفسه جان منع الشرطي من ها التصرف لانه دارس القانون وفاهمه. الرجال قاعد يصور نفسه ويشرح مشكلته وماقال شي غلط, و في دولتنا الحبيبة مهتمين بتوصيل صوت المواطن للمسؤول بشتى الطرق بدليل وجود ادارات لمتابعة الشكاوى والاقتراحات في جميع جهات الدوله تقريبا وهذا اللي احنا متعودين عليه, ماتعودنا على الديكتاتوريه وسحب الجوالات!!

بخصوص المباراة, امس وصلت عند البوابه 6 و50 دقيقه ولقيتهم مايدخلون حد, طيب ليش مايكتبون على التذاكر ستغلق ابواب الملعب في تمام الساعه السادسه والنصف علشان نعرف ومانتعب ارواحنا ونوصل لين الباب وتفوتنا الاقوال. والمفروض من مدخل المواقف او من الاشارات يقولون للناس ممنوع الدخول على الاقل نلحق نرجع بيوتنا ونشوف المباراة من بدايتها. حصل لي نفس الموقف في مباراة سابقه في نفس الملعب حتى اني صرت اسمع الاجانب يقولون شلون بتنظمون كاس العالم وانتوا بها الطريقه, والصراحه ماقدرت اقولهم شي لان كلامهم صحيح. الظاهر يتلذذون بشوفة البشر وهم يتكودون عند مداخل الملعب

[بونووف]

بخصوص الفيديو , تصرف دكتور حمود سليم وحضاري وماغلط على حد ولاحتى صور حد من افراد الشرطه بطريقه مباشره, تصرف الشرطي اللي حاول يسحب الجوال تصرف شخصي ارتجالي يتعدى صلاحياته وما اظن ان وزارة الداخلية ترضى بها الشي ولو كان في ظابط في المكان نفسه جان منع الشرطي من ها التصرف لانه دارس القانون وفاهمه. الرجال قاعد يصور نفسه ويشرح مشكلته وماقال شي غلط, و في دولتنا الحبيبة مهتمين بتوصيل صوت المواطن للمسؤول بشتى الطرق بدليل وجود ادارات لمتابعة الشكاوى والاقتراحات في جميع جهات الدوله تقريبا وهذا اللي احنا متعودين عليه, ماتعودنا على الديكتاتوريه وسحب الجوالات!!

بخصوص المباراة, امس وصلت عند البوابه 6 و50 دقيقه ولقيتهم مايدخلون حد, طيب ليش مايكتبون على التذاكر ستغلق ابواب الملعب في تمام الساعه السادسه والنصف علشان نعرف ومانتعب ارواحنا ونوصل لين الباب وتفوتنا الاقوال. والمفروض من مدخل المواقف او من الاشارات يقولون للناس ممنوع الدخول على الاقل نلحق نرجع بيوتنا ونشوف المباراة من بدايتها. حصل لي نفس الموقف في مباراة سابقه في نفس الملعب حتى اني صرت اسمع الاجانب يقولون شلون بتنظمون كاس العالم وانتوا بها الطريقه, والصراحه ماقدرت اقولهم شي لان كلامهم صحيح. الظاهر يتلذذون بشوفة البشر وهم يتكودون عند مداخل الملعب

عشان يصورونهم ويقولون شوفوا الناس والزحمه وكلهم يبون يدخلون الملعب لكن الملعب فل

[QtrGate]

انا حضرت للملعب الساعه خمس ومعي عيالي وشريت تذاكر لان التذاكر الزايده في المجمعات كلها نقلوها للملعب ودشيت داخل الاستاد يمكن على الساعه ست الا ربع بكل سهوله ويسر لكن فيه ناس تجي متاخره ويبون يدخلون وهذا مايصير



مع كل احترامي لك مش الريان الي يجلب الجماهير ويدفع لهم
اذا المدرجات الخاصه فيه غاصه وماخذين نص مدرجات السد وين تبيهم
يدفعون شكلك قلبت الايه لان الي يدفعون معروفين :tease:

قصدي ان الهندي مب عارف من الي جايبه . المهم عطوه الفلوس ورقم البوابة
سلوك غير سليم .
وعجبني نادي الريان بانه يدفع مبالغ للاعلام واشياء حلوه
والسد همه الوحيد جلب الاسيوين
انا سداوي لاكن منقهر لاني حضرت من وقت واصحابنا الاسيوين ماخذين الاماكن .واحنا نقعد في الزاوية

[كود نمبر]

قصدي ان الهندي مب عارف من الي جايبه . المهم عطوه الفلوس ورقم البوابة
سلوك غير سليم .
وعجبني نادي الريان بانه يدفع مبالغ للاعلام واشياء حلوه
والسد همه الوحيد جلب الاسيوين
انا سداوي لاكن منقهر لاني حضرت من وقت واصحابنا الاسيوين ماخذين الاماكن .واحنا نقعد في الزاوية

احييك اخوي على ردك الطيب

اعتقد بنسبه للاعلام هذا يرجع للجمعيه الجماهير هم الي يقومون بهذي الاشياء وتوزيعها على جماهيرهم وهذ اقل شي يسونه واعتقد ان جميع الانديه تقوم بهذا الدور

شوف اخوي العزيز المباريات الجماهيريه المفروض ان مايجلوبون جماهيره بالفلوس المباراه بروحها تشجع الرياضي والغير رياضي للذهاب للملعب
المباريات النهائيه الحين صايره حفل كرنفالي الكل يبي يحضره
كيف لو كانت المباراه بين ناديين جماهريين

المفروض انهم يفتحون ابواب اكترونيه للي عندهم تذاكر مسبقه بالدخول من ابواب والي ماعندهم تذاكر ويشترونها من الملعب تكون لهم ابواب اخرى علشان الكل ياخذ حقه بالحضور والمشاهده


شاكر لك اخوي مره اخرى وهاردلك لكم :victory:

[خزامئ]

زين سووها فيهم
ولدي شاري تذكره ورايح 5 ونص ولا دخلوه
تنضيم زفت

[Class - Qtr]

السلام عليكم

الملعب يتسرع لعدد تقريبا 50 الف متفرج خطا كبير حدث لما تم طباعه اكثر من هالعدد للتذاكر

وخطا اخر لما يتم تسويق لمباراة نهائيه طرف هالنهائي نادي الريان صاحب القاعدة الجماهيريه

الكبيرة في قطر في مدارس وغيرها اللي حدث ان في جماهير كثيرة عندها تذاكر ماقدرت تدخل

الملعب اللي امتلى تقريبا على الساعه السادسه مساء قبل بدايه المباراة بــ 45 دقيقه المفروض

يتم بيع 35 الف تذكرة في المجمعات ومراكز بيع التذاكر وباقي 15 الف يتم بيعها في الملعب قبل

المباراة بساعتين ويتم ابلاغ الجماهير بهالشي وبعدها لايتم طباعه اي تذكرة الا مع بدايه المباراة

في حال وجود مقاعد في الملعب

ومبروك للريان فوزة

بكاس سمو الامير

[عيون الدوحة]

يازين تنظيم امريكا والله
حتى مباريات السلة والسرك كل واحد يدخل بتذكرته ويقعد على كرسيه المخصص
ومب كفو حد يقعد مكانك
شعب منظم

[ak-74]

انا ابي اعرف ليش يسوقون حق هاذي المباراة والله العظيم شي يرفع الظغط يعني لازم يمتلي الملعب ولا شسالفه ,, وامس الاجانب ماخذين اماكن الجماهير الي في النص والمشكلة لا يشجعون ولا شي بس جالس ولا يدري شسالفه وبعد جايبين طلاب مدارس ! مباراة هاذي ولا روضه ههههههه

ولا ننسى بعد الي جاين عشان جوائز

[OREO]

من واجب وزير الداخلية استدعاء العسكري و محاسبته كون تعدى على مواطن بدون وجه حق ،،

مافي قانون و لا نص دستوري يمنع المواطن من ممارسة الحريه التي اعطانا اياها سمو الامير الله يحفظه ،،


وايضاً من واجب وزير التجارة و الاقتصاد بمحاسبة الجهة المسببه في هذه المشكلة و تعويض كل شخص بمئة الف ريال كرد اعتبار ،،

[عيون الدوحة]

من واجب وزير الداخلية استدعاء العسكري و محاسبته كون تعدى على مواطن بدون وجه حق ،،

مافي قانون و لا نص دستوري يمنع المواطن من ممارسة الحريه التي اعطانا اياها سمو الامير الله يحفظه ،،


وايضاً من واجب وزير التجارة و الاقتصاد بمحاسبة الجهة المسببه في هذه المشكلة و تعويض كل شخص بمئة الف ريال كرد اعتبار ،،

حلوه ال 100 الف ليتنى ماخذة تذكرة

[شيخ الديرة]

وين الواحد يشوف الأرقام الفائزة ؟

[قطريه22]

اتوقع الشرطه مسكته لان احتمال الي سواه غلط بس رجعو له الجوال والفيديو فيه غريبه

يمكن هو مسوي هالاكشن ولا شرطه مشكته ولا شي

[دنيا الاسهم]

يقولون التذاكر اكثر من عدد الكراسي بكثير
الحين عرفت ليش حاطين جوائز سيارات يمكن فلوس الناس شروا بنصها سيارات
الاتحاد القطري فضيحة وين التنظيم ،، رجعوا فلوس الناس اللي ما ادخلت
اهلنا واجد منهم رجعوهم ما خلوهم يدخلون
حسبي الله ونعم الوكيل

[بـارود]

فشل في التنظيم !

يحدثني أحد الأقارب عن حضوره لمباراة برشلونة وريال مدريد في ملعب برشلونة اللي يشيل 100 ألف ، يقول البوابات افتحوها قبل المباراة بـ 45 دقيقة وقبل المباراة بدقايق انترس الملعب ، إذا عندك تنظيم صح أمورك فالسليم :)

[airbus]

التنظيم متل كل سنة و في اي مبارة او حفل افتتاح الزحمة لن توصل الملعب يبيلك ساعه الا ربع ولما توصل الملعب ماتحصل مكان اتصف فيه سيارتك وبعد اكتر من نصف ساعه حتى تصف سيارتك تقعد نصف ساعه حتى تدخل البوابة الي دوم تكون زحمة بشكل كبيرة لان البوابات قليلة جدا

[واحد قطري]

انتوا ليش زعلانين انه يصور

اولا مافي قانون يمنع التصوير في الاماكن العامه يعني لو انا برفع تلفوني وبصور الجماهير بيسحبون جوالي وانا وياه ؟!

ثانيا من الناحية التقليدية للبلد ، مكان فيه عوايل او بنات عشان حد يخاف عليهم من التصوير

ثالثا الشرطي واقف على البوابه لمنع الدخول شدخله يسحب جوال الريال ويسحب الريال نفسه

[دوحة الجميع]

فشل في التنظيم !

يحدثني أحد الأقارب عن حضوره لمباراة برشلونة وريال مدريد في ملعب برشلونة اللي يشيل 100 ألف ، يقول البوابات افتحوها قبل المباراة بـ 45 دقيقة وقبل المباراة بدقايق انترس الملعب ، إذا عندك تنظيم صح أمورك فالسليم :)

انا حضرت مباراة لبرشلونه العام الماضي ضد فريق اشبيليه في مدينة برشلونه باسبانيا ومعاي 2 من ربعي ولا حتى عندنا تذاكر للمباراه وطلبنا من التاكسي يوصلنا للملعب وكان قبل المباراه بساعة ، والله وصلنا سواق التاكسي عند شباك التذاكر بخمس أمتار فقط ، واشترينا التذاكر ودخلنا الملعب ورحنا لين كراسينا اللي ارقامها على كل تذكرة مكتوبه وقبل بدء المباراه ب 45 دقيقة جلسنا على كراسينا ( لا تقولي شرطه ولا زحمة ولا تذاكر سوق سوده ولايحزنون وتنظيم اكثر من رائع ) والملعب يتسع لعدد 90 أو ١٠٠ ألف شخص .*

[بـارود]

المفروض يشيكون على تذاكر الجالسين ، واللي ماعنده مع السلامة ، هذا جزء من الحل :)

[مضارب دوسري]

بصراحه معاهم الحق الشرطه
من قبل المباراه بيومين اعلنوا ان البوابات تقفل الساعه 6
ولكن بعض الجماهير ماخذها قلاعه ويجي قبل المباراه بكم دقيقه
او قبل الموعد المحدد بدقايق ويبي يدخل

[(بوطلال)]

فشل في التنظيم !

يحدثني أحد الأقارب عن حضوره لمباراة برشلونة وريال مدريد في ملعب برشلونة اللي يشيل 100 ألف ، يقول البوابات افتحوها قبل المباراة بـ 45 دقيقة وقبل المباراة بدقايق انترس الملعب ، إذا عندك تنظيم صح أمورك فالسليم :)

وليش ماتقول الجمهور عندهم منظم يعرف الوقت ويعرف البوابات . يعني الامر يعتمد على الطرفين المنظمين والجماهير .

[حسن]

وش المشكله شي عادي يعني مافي اي مخالفه
اعتقد تلفونات الجيل الجديد تنقل كل شي ذكرتوني يالدش الاول وشولون نهربه
والحين على افا من يشيل

ياجماعه الخير التصوير اصبح دليل اثبات ليش نتخوف منه
خله يكشف الخطاء ويتعالج وين المشكله

بعدين منهو دكتور حمود في وين وين يطلع

[Aaziz]

مالهم حق عليه ابدا ،، و اطالب وزير الداخليه بـ إحاله الشرطي للمحاكمة .

الولد عبر عن رايه و انتقاده و هذا من حقه المشروع



بصراحه معاهم الحق الشرطه
من قبل المباراه بيومين اعلنوا ان البوابات تقفل الساعه 6
ولكن بعض الجماهير ماخذها قلاعه ويجي قبل المباراه بكم دقيقه
او قبل الموعد المحدد بدقايق ويبي يدخل

و باي حق يحددون موعد تقفل الابواب فيه ،، هل هي مدرسه ؟
حضرت مباراه نهائي كأس عالم و البوابات مفتوحه لين صفاره النهاية و الازدحام المنظم قبل المباراه اعطا اجواء جميله جدا .

تشبه الاجواء في تصوير الفيديو هذا الى حد ما :rolleyes2:

[السيف5]

تنظيم سئ

[خفيف الروح]

اذكر قبل سنتين او ثلاث كان كل تذكرة فيها رقم الكرسي ولا كان زحمة ولا خرابيط


بس الحين.....؟؟؟؟؟؟؟؟

[حمد 2002]

المفروض اتكون الأولويييه لحضور المباراه للقطرييين

[بوخالد911]

هلا

انا رحت وهل والله


صفينا صوب العزيزرة
وشقحنا الشارع
ودخلنا س 5 تقريبا


ومبروك للريان
وهاردلك للسد

[alsoq]

45 الف مدري من صلى ومن لا والله ومتحسفين انهم ما دخلوا
والله انه افضل لو يخلون المباريات بعد صلاه العشاء

وبالذات للعيبه البعض بيقول يصلي بين شوطين معرق وحالته حاله شلي حادهم والامر بيسط بعد العشاء تبتدي المبارايات الجو يكون احسن ولا احرمو احد من صلاه

[بريق الحق]

45 الف مدري من صلى ومن لا والله ومتحسفين انهم ما دخلوا
والله انه افضل لو يخلون المباريات بعد صلاه العشاء

وبالذات للعيبه البعض بيقول يصلي بين شوطين معرق وحالته حاله شلي حادهم والامر بيسط بعد العشاء تبتدي المبارايات الجو يكون احسن ولا احرمو احد من صلاه

اي والله للاسف قدمنا الكوره واخرنا الصلاه
وراح نتاخر في تقدمنا والسبه تاخير الصلاه

[تغلبية]

...

انزين الحين بيردون فلوس اللي ادفعوا وما ادخلوا .. والا الجماهير ببيتازلون عنها عادي ؟!؟ ;)

[بريق الحق]

...

انزين الحين بيردون فلوس اللي ادفعوا وما ادخلوا .. والا الجماهير ببيتازلون عنها عادي ؟!؟ ;)

هههههه يرجعون وشو
الحمدلله ماحب احضر المباريات

[عزووز قطر]

45 الف مدري من صلى ومن لا والله ومتحسفين انهم ما دخلوا
والله انه افضل لو يخلون المباريات بعد صلاه العشاء

وبالذات للعيبه البعض بيقول يصلي بين شوطين معرق وحالته حاله شلي حادهم والامر بيسط بعد العشاء تبتدي المبارايات الجو يكون احسن ولا احرمو احد من صلاه

أتفق معاك
كل مباريات الدوري السعودي بعد صلاة العشاء ،،، ليتنا نقتدي فيهم

[الـخـالـدي]

ترى معورين راسكم وايد .. يازين المتابعه على فالمجلس قهوه وشاي و تعليق و مكيف ههههه والامور طيبه لا هواش ولا عوار راس

[الجوكر90]

السلام عليكم
انا من خبرتي مع النهائيات البوابات ماتصكر الا فتره بسيطه
يعني انا رحت الساعه 6 الا ربع قالوا لي البوابه رقم 24 فاضيه
قالوا لنا روحوا بوابه 16 و17 و18 وهذيل حق الريان وانا غرفاوي بس كنت اشجع السد ومابي اكون مع الريان
عاد اعرف حركات الامن هناك يحاولون يخلونك تروح حق ابعد بوابه عشان يقللون الضغط على هالبوابه لان وايد ناس يدخلون ومايحصلون كراسي
المهم قلت حق الي معاي انطر وراح يفتحون البوابه اقولكم بس بالكثير 7 دقايق افتحوها لنا ةدخلنا وحصلنا كراسي
انتوا تتكلمون عن التب1ير ويعطون الاجانب فلوس عشان يجون
انا اشوف مب الكل لان في جوائز قيمه عاد الاجانب يجون يشوفون الجراخيات والحفل ويونسون عيالهم وفي منهم يندفع لهم الي هم الهنود
وعاد انتوا شوفوا من رئيس الاتحاد وبعدين قولوا تطور وكاس العالم
ان شاء الله الله بيفكنا منه وبيقعد فالبيت السنه الجايه قولوا امين
وبالتوفيق ان شاء الله

[Riku3]

ليكون تحسبون ان ربعنا الي بينظمون كأس العالم ؟ .. ترى في اسياد 2006 جابوا فريق عمل كبير من استراليا نظملنا البطولة وانا بنفسي كنت من المنظمين والمسئول علينا كانت بنت استرالية وفوقها استرالي وفوقه استرالي .. وهم الي كانوا ينظمون الافتتاح بمساعدة من منظمين محليين بس بشكل عام هم الي نظموا كل شي ! .

وطبعاً احنا بالواجهه بلفيت التنظيم محلي .

[R 7 A L]

مالهم حق عليه ابدا ،، و اطالب وزير الداخليه بـ إحاله الشرطي للمحاكمة .

الولد عبر عن رايه و انتقاده و هذا من حقه المشروع




و باي حق يحددون موعد تقفل الابواب فيه ،، هل هي مدرسه ؟
حضرت مباراه نهائي كأس عالم و البوابات مفتوحه لين صفاره النهاية و الازدحام المنظم قبل المباراه اعطا اجواء جميله جدا .

تشبه الاجواء في تصوير الفيديو هذا الى حد ما :rolleyes2:



مؤيد لردك يابوسعود