مزاد خيري على اربع تواير برجستون برنقاتهم

[الجنوبي]

السلام عليكم ورحمة الله وبركاته

اخواني الاعزاء

عندي 4 رنقات شنابر حق هدد 97 بتوايرهم نوع برجيستون حجري اصلي قياس 825
التواير حق الوالد الله يرحمه ويغفرله
انتاج 2008 لكنهم كانوا في استور غرفة مضلله
وحالتهم جيده جدا

التواير والرنقات للبيع بمزاد خيري لصالح اخواننا المسلمين في بورما

في حالة الشراء ,,, انا والشراي بنروح اي مؤسسة خيرية نتبرع بالمبلغ

الصور في المرفقات

وبالتوفيق للجميع

اللهم اغفر لأبي وارحمه واجعله في جنات ونعيم مع النبيين المرسلين والصحابة الصالحين والشهداء والصديقيين وحسن اؤلئك رفيقا

[.*TNT*.]

الله يرحمه ويغفر له وجزاك الله خير

[عاشق العديد]

الله يغفرله ويرحمه يارببب ..
ويرزقنا واياه جنات النعيم ..

الله يوفقك فالبيعه وجزاك الله خير ..

[بوصالح 92]

الله يغفرله ويرحمه يارببب ..*ويرزقنا واياه جنات النعيم ..
اخوي طرش لي رقمك في واحد من الشباب يدور

[MLAAS]

اتلف التواير لوجه الله ، انت بتتبرع بفلوسهم من صوب والله يعلم الي راح يركبهم شبيصير له من صوب بسبب انتهاء صلاحيتهم ، مجرد راي

[دآنيآل]

الله يرحمه ويغفرله إن شآءالله
ويغمد روحه الجنة يآآآرب
والله يوفقك إن شآءالله

...

[الجنوبي]

اتلف التواير لوجه الله ، انت بتتبرع بفلوسهم من صوب والله يعلم الي راح يركبهم شبيصير له من صوب بسبب انتهاء صلاحيتهم ، مجرد راي

جزاك الله خير اخوي على النصيحة
ترى انا استخدمتهم تقريبا 4 شهور وتوني منزلهم من على موتري والله مافيهم اي شي كلش ولاودنا انضر حد لاسمح الله ,,,
التواير مثل ماذكرت فالموضوع كانوا في ستورغرفة مصكرة ومع الرنقات

عموماً ارجو من المشرفين اغلاق الموضوع
جزاكم الله خير على الدعاء
والسموحة من الجميع