مقطع أبكاني ~حياه ليس بها حياه ~

[عبدالعزيز الهتمي]

رحلة الشيخ محمد الثويني برفقة بعض الشباب الى جيبوتي

http://t.co/kfKkagZuWz

[ضوى]

هالفيلم عور قلبي بشكل ، ياااربي بكرة اذا سالنا ربي شبنرد عليه ؟؟ عالاكل الزايد وهالزبو الفاضي وهالعز اللي احنا فيه والخير اللي متنعمين فيه ولنا اخوان بكل مكان مافي شي يسد جوعهم ولا يغطي عورتهم ولا بيت زي العالم والناس يأويهم شبنقول باي وجه بنقابل ربنا فوق ذنوبنا ذنوووب تهد جبال ، يارب نسالك السلامة يارب ارزقنا والهمنا الطريق الصحيح لمساعدتهم ياااااارب

[intesar]

شفته مقطع يقطع القلب.. الكويتيين هم أكثر ناس بالخليج لهم بثمة واضحة في أعمال الخير.. بارك الله لهم.. ياريت يكون هناك أعمال تطوعية من شبابنا بالدوحة مع الجمعيات الخيرية..
صحيح أن جمعياتنا صايرة وايد أحسن من قبل.. بس بعد يبيلهم يتحركون أكثر.. ويشوفون أفريقيا هم محتاجين دعم ديني ومادي..

ودمتم بحفظ الرحمن.،

[امـ حمد]

والله مقطع يعور القلب
الله يصبرهم ويكون في عونهم
ويسهل امورهم

[ضوى]

شفته مقطع يقطع القلب.. الكويتيين هم أكثر ناس بالخليج لهم بثمة واضحة في أعمال الخير.. بارك الله لهم.. ياريت يكون هناك أعمال تطوعية من شبابنا بالدوحة مع الجمعيات الخيرية..
صحيح أن جمعياتنا صايرة وايد أحسن من قبل.. بس بعد يبيلهم يتحركون أكثر.. ويشوفون أفريقيا هم محتاجين دعم ديني ومادي..

ودمتم بحفظ الرحمن.،

تدرين يا انتصار انه متطوعينا وايد وايد وفوق ماتتخيلين لكن مايحبون الشو والمتطوعين الكويتين الله يبارك فيهم ويزيدهم مايقصرون ومعروفين جريئين وماعندهم فوبيا الاعلام مثل شبابنا

[intesar]

بس مانسمع عنهم ولا نشوفهم.. هذا مو شو.. لكن أنا أشوفه واجب.. حتى تخلي الناس تدفع وتعاون..

[Miss]

يعور القلب
الله يقدرنا على مساعدتهم

[ابوعلي]

الله يعينهم ويصبرهم على مابتلاهم

والله يرحمنا برحمته والمفترض منا لو نخصص مبلغ بسيط كإستقطاع شهري ما راح يكلفنا شي وبيوم بنشوف هالمبلغ البسيط مثل الجبال في الحسنات


الله يجزي الخير الشيخ الثويني ومرافقينه في نقل معاناة اخوتنا

والله يجزاك الخير اخوي عبدالعزيز في طرح الموضوع

[ضوى]

بس مانسمع عنهم ولا نشوفهم.. هذا مو شو.. لكن أنا أشوفه واجب.. حتى تخلي الناس تدفع وتعاون..

هو واجب اكيد يانتصار وبالعكس انا لما اقول شو ماقصد التلميع الاعلامي بس ماشاء الله عليهم الكويتين مايخافون يتكلمون جريئين شبابنا وعيالنا مب جذي ومن زمان هل قطر مايحبون يطلعون بالتلفزيون وصحيح الهمة تزيد اذا شفنا شبابنا جذي والله انا تفاجأت لما زوجي يقولي فيه مطاوعة خروج بمسجدنا يقول شباب زي الورد رايحين البلاد الفقيرة ومودين تبرعات ومساعدات بس محد درا عنهم ليش يمكن مايبون احد يدري فيهم

[نسناس]

والله فعلا مناضر تحزن من الفقر المدقع اللهم لك الحمد على النعمه اللي عايشين فيها ونسالله ان لايحاسبنا على البذخ اللي عندنا والتبذير وعلى عدم مساعدة هاولا الفقرى اللهم ادم علينا نعمد الامن والايمان وعنا على شكرك وذكرك وحسن عبادتك

[ظل الياسمين*]

لاحول ولاقوة الا بالله
الله يأجرهم في مصيبتهم

[بوعجيل]

الكويتيين هم أكثر ناس بالخليج لهم بصمة واضحة في أعمال الخير.. بارك الله لهم..