هل ...تمدحين زوجك امام قريناتك دون خوف من العواقب

[ام ناصر1]

السلام عليكم ...بعد التحية والسلام
موضوع أشوي شائك لأنه القواعد تختلف فيه من شخص لأخر
بحسب المخاوف ونوع العلاقة بين الصديقات ...
هل تمدحين زوجك ( اقصد افعاله ورعايته لك ولأبنائك ) أمام صديقاتك وبخاصة الغير متزوجات وقريباتك ...
ام تخافين أن يلعب الشيطان براس احداهن وتخطفه أو تعطيكم عين
وتقول اشكره واشمعنا انا حظي ...مع زوجي ..
هل هناك حدود لمدح المرأة لزوجها امام الاخريات ؟! والا عادي سالفة
جرت وراها سالفة!!!

من وحي موضوعات الأخ حمد 2002 الرجاء المناقشة في حدود الموضوع
حتى لايخرج عن مساره ويتسكر ...: (

[بصمة قطرية]

الخوف مب إن وحدة تخطط عليه و تاخذه
الخوف من العين
العالم صارت تحسد على كل شي ..
و الحذر واجب
ليش الوحدة تمدح زوجها قدام الغير
هل مدحه لهم راح يزيد شي ...!!!
ما له داعي أبداً
الحياة الزوجية حلاتها بأسرارها
و بكتمانها بين الزوجين
لا يعرفون شلون عايشه
و لا لهم حاجة يعرفون

تصدقين في ناس من قرايبي
مستحيل تمدح زوجها
بالعكس مرات تحاول تذمه
إنه مقصر معاها
ما يطلعها
و لا ياخذ لها هدايا
مع إن الواقع و اللي نشوفه مختلف
و إحنا عارفين إنها تبي تبعد العين ..
لو أفكر فيها أقول تصرفها صحيح
القلوب ما عادت مثل قبل ،،

[النهار]

المراءه العاقله لاتبوح بأسرار بيتها لا لقريب ولابعيد يجب ان يكونوا ستر وغطاء للأخر
لذا يستوجب على الطرفين أن يكونا أمينين على أسرار حياتهم الزوجية ... فليس من شيمة المسلم ان يكون خائن للأمانة

[سهم عتيج]

اعتقد ان مسألة المدح من عدمه تتعلق بالطرفين سواء من جانب الزوجة او حتى من جانب الزوج بحيث يحافظ كل طرف على خصوصيته ولكن؟؟

قد تكون هناك بعض المواقف تستدعي من الزوجة او الزوج ذكرها لدى الغير عن محاسن الزوج او الزوجة لجلب مصلحة او درء مفسدة للطرف الاخر مش شرط تكون بالتفاصيل لكن ممكن بشكل عام..

ملاحظة مهمة اود ان أذكرها للاخوة والاخوات وهي حتى استخدام اجهزة الهاتف الحديثة ممكن تخلي الاخرين يحسدونك بل قد يتتبعونك

يعني وحدة رايحة المطعم حاطة صورة الاكل اللي قاعدين ياكلونه هي وزوجها وكاتبة اكل تايم ، او حاطة صورة طيارة عشان تقول احنا مسافرين او قاعدين يتمشون ،،او تكتب جملة في توقيعها عشان تحر الغير او نغزة او او. الخ

يعني الحين مب شرط الوحدة تذكر محاسن زوجها لدى الغير،، الا التكنلوجيا الحديثة ممكن تخليها كتاب مفتوح للجميع والكل يمكن يعرفون متى ترقد ومتى تقوم وحتى ادق التفاصيل بسبب تكرار وضع الاحداث على الهواتف سواء في الواتس اب او الانستغرام وغيرها

والله الموفق

[لبيبة]

اعرف احداهن كانت لا تنفك تمدح وتثني على زوجها امام صديقاتها حتى اختطفته منها احداهن وجعلته يطلق زوجته ويترك بيته واولاده، العبرة ان الزوجة لا تذكر زوجها امام الاخريات بخير او بسوء، فزوجها ليس مادة للحديث بينهن ولا يعنيهن في شيء، حتى لو حاولن استدراجها بالكلام.

[intesar]

الحياة الزوجية يجب أن تكون سرية لا بخير ولا بشر..
لا الزوج يتكلم عن زوجته أمام الغير.. ولا الزوجة كذلك تفضح أسرار بيتها.. وزوجها..
ليس لسبب الخطف وغيره.. لأن ممكن تصير تدخلات.. ونصايح عبارة عن قنابل مدمرة.. وغير الحسد..
الزوج والزوجة يجب أن يتكتما على حياتهما الخاصة..
فيه أشياء عادية كالحديث عن الأطفال.. عن بعض الأمور تحدث ليس فيها للزوج من قريب أو بعيد..

ودمتم بحفظ الرحمن..

[لبيبة]

الحياة الزوجية يجب أن تكون سرية لا بخير ولا بشر..
لا الزوج يتكلم عن زوجته أمام الغير.. ولا الزوجة كذلك تفضح أسرار بيتها.. وزوجها..
ليس لسبب الخطف وغيره.. لأن ممكن تصير تدخلات.. ونصايح عبارة عن قنابل مدمرة.. وغير الحسد..
الزوج والزوجة يجب أن يتكتما على حياتهما الخاصة..
فيه أشياء عادية كالحديث عن الأطفال.. عن بعض الأمور تحدث ليس فيها للزوج من قريب أو بعيد..

ودمتم بحفظ الرحمن..
اود ان أؤيد ما ذكرتيه اختي انتصار فهو يحدث في الواقع، الكثير من الناس يحب التدخل في شؤون الاخرين بالتوجيه لما يراه مناسبا، او بكيد منه لما يراه مفسدا، كل منهم حسب نيته، والاحوط كما ذكرتِ بعدم السماح لأحد بالتدخل، واحب ان اشدد بالذات اهل الزوجين، فقد يهدمون من حيث يريدوا الإصلاح.

[مضارب دوسري]

الحياة الزوجية يجب أن تكون سرية لا بخير ولا بشر..
لا الزوج يتكلم عن زوجته أمام الغير.. ولا الزوجة كذلك تفضح أسرار بيتها.. وزوجها..
ليس لسبب الخطف وغيره.. لأن ممكن تصير تدخلات.. ونصايح عبارة عن قنابل مدمرة.. وغير الحسد..
الزوج والزوجة يجب أن يتكتما على حياتهما الخاصة..
فيه أشياء عادية كالحديث عن الأطفال.. عن بعض الأمور تحدث ليس فيها للزوج من قريب أو بعيد..

ودمتم بحفظ الرحمن..

:nice:

[قطرية مثقفة]

ماحب أتكلم لا عن زوجي ولا عيالي حق حد @@ حتى خواتي مااقول لهم الا الاشياء السطحية

[حمد 2002]

حريم هالوقت ايطلعون اسرار بيتهم بالقعدات والمجالس وهاي هو الخراب والي يهدم البيوت ،،

فلازم الزوجه تحفظ اسرار بيتها وزوجها لكي لايحدث امر سيء يؤدي الي هدم العلاقه الزوجيه مما يؤدي الى الطلاااااق لاقدر الله

تحياتي ،،،

[حسن]

ماانصح نهايئا الحديث من الزوجه بين صديقاتها او من اقربائها
لانها بهذه الحاله بتكون جنت على نفسها
براقش

كم من البيوت دمرت بسبب القعدات والقيل والقال
كم من الزوجات خربت حياتها الزوجيه وسعادتها بسبب هذه التجمعات

كم من صديقه خطفت زوج صديقتها بسبب غلطه الزوجه

ان كيدهن عظيم


:)

[روح الاطلس]

يعني خلصت السوالف الا تقول ريلي وريلي اشعلينا من ريلج!
بعضهم اي تحب تكب عفشها كله قدام الرفيجات عن بيتها وكل شي عن حياتها بس هذا تصرف غلط مب عشان العين لا نربط كل شي بالعين بس عشان هذره مالها معنى ومحد من رفيجاتها بيستفيد من هالهذره


وتعليق على سهم عتيج


صدقت في هالنقطه في حريم شغلها الشاغل هالواتس اب والبي بي
اعتبرها قلة عقل وخفة الي تحط صور او عبارات عن زوجها وحياتها ترا ناكل ولا مسافرين ولا عيد ميلاد زوجي ولا تكتب عنه اشعار غزل
عفواً محد له خص في مشاعركم الجياشه تكتبونها للناس اعرف وحده كله تكتب جذي وريلها متكفخ وداعسه عليه بس تبي تبين ان زوجها موجود وتحبه وهي عادي تسطره طراقات ويقول لها حاضر :)

بعض الحريم عندها اضطرابات سايكو
فقدان الثقه بالنفس مشكله

[Aaziz]

السلام عليكم

مع اني معارض لانتقاد النساء في هذا المنتدى (مش لان النقد في غير محلة ،، لا ،، لانه بطريقه تضر ولا تنفع) المهم

انتم النساء بس لو تخلون العجله تدور و الساقيه تمشي ربانية لحالها بالفطرة كان الحياه افضل بكثير .
انتم النساء تفكيركم واحد و كانكم تأخذون الحكمة و النصح من مصدر واحد مشترك بينكم ولا اعلم ماهو ؟ هل هو منتدى ... هل انتم النساء تتشاورون في مابينكم ... هل بالوتس اب ... هل بذكر مواقف و قصص صديقاتكم تستخلصون العبر ( لا اعلم بالضبط ) و للاسف ليس المصدر المثالي .
انتم النساء فيكم السمينه و النحيفه ،، الطويله و القصيرة ،، البيضاء و السمراء .... لكن صبه رده لبن :rolleyes2: كلكم متقاربات جدا جدا الا من رحم ربي ،، وما اقصده ليس تشابه بنات حواء الطبيعي ،، ما اعنية ان بنات الاجيال الاخيره ،،، لو تباح اسرار البيوت لوجدت تكرار متشابه للمشاكل بشكل لا يصدق (غير اسماء الزوجين فقط و انسخ المشكله نفسها و طرق التعامل و المعاناه)

حتى كلكم تسوون نفس الحلا :yes:

اسمحيلي يا ام ناصر1 شطحت شوي عن صلب الموضوع .

[حمد 2002]

ماانصح نهايئا الحديث من الزوجه بين صديقاتها او من اقربائها
لانها بهذه الحاله بتكون جنت على نفسها
براقش

كم من البيوت دمرت بسبب القعدات والقيل والقال
كم من الزوجات خربت حياتها الزوجيه وسعادتها بسبب هذه التجمعات

كم من صديقه خطفت زوج صديقتها بسبب غلطه الزوجه

ان كيدهن عظيم


:)
:nice:

[حسن]

:nice:

حمد خلك حقاني قد سمعت برجل خطف زوجه رفيقه ولا العكس صحيح

:secret:

[Aaziz]

يعني خلصت السوالف الا تقول ريلي وريلي اشعلينا من ريلج!
بعضهم اي تحب تكب عفشها كله قدام الرفيجات عن بيتها وكل شي عن حياتها بس هذا تصرف غلط مب عشان العين لا نربط كل شي بالعين بس عشان هذره مالها معنى ومحد من رفيجاتها بيستفيد من هالهذره


وتعليق على سهم عتيج


صدقت في هالنقطه في حريم شغلها الشاغل هالواتس اب والبي بي
اعتبرها قلة عقل وخفة الي تحط صور او عبارات عن زوجها وحياتها ترا ناكل ولا مسافرين ولا عيد ميلاد زوجي ولا تكتب عنه اشعار غزل
عفواً محد له خص في مشاعركم الجياشه تكتبونها للناس اعرف وحده كله تكتب جذي وريلها متكفخ وداعسه عليه بس تبي تبين ان زوجها موجود وتحبه وهي عادي تسطره طراقات ويقول لها حاضر :)

بعض الحريم عندها اضطرابات سايكو
فقدان الثقه بالنفس مشكله

الله لا يوليج سر مسلم قولي امين

[راس مشعاب]

الله يخلف علينا لوين وصل مستوى مواضيع قسم الحوار العام
!!!!!

[حمد 2002]

حمد خلك حقاني قد سمعت برجل خطف زوجه رفيقه ولا العكس صحيح

:secret:

لا ماسمعت ، انا شااااااااااااااااااهد العكس صحيح :nice:

[sos_z]

مسالة الاسرار بين الازواج اصلا مسلم بها ومايصير نعلم عنها ..
بس لكل مقام مقال..ادا جات في الحديث وسئلت عن اخلاقه ومعاملته
اكيد راح ارد وامدح فيه بطريقة لبقة وحكيمة
مايحتاج اقعد افتح لهم قصة.
والله يستر على الجميع ويهني الحميع

[ام ناصر1]

الله يخلف علينا لوين وصل مستوى مواضيع قسم الحوار العام
!!!!!
شنسوي انحط موضوع جاد محد يرد عليه الا اثنين ..
نحط موضوع عن المشاكل العائلية والزوجية الكل يتهافت عليه...وعذرا لي عودة للردود الباقية

[alsoq]

افضل ان الحرمة لا تمدح زوجها فهذا نقص

[الأصيلة]

عاد ياليت المدح يكون صدق
تلقونها تمدح إنه سوى لها وجاب لها وسفرّها وعطاها و...و....و...الخ
بس عشان تغيض من حولها ...
وهو في الحقيقة مذوقها المر...


عايشنا ها النوعية...!!!

[القبطان سلفر]

المراءه العاقله لاتبوح بأسرار بيتها لا لقريب ولابعيد يجب ان يكونوا ستر وغطاء للأخر
لذا يستوجب على الطرفين أن يكونا أمينين على أسرار حياتهم الزوجية ... فليس من شيمة المسلم ان يكون خائن للأمانة


كلام جميل ويجب ان يحتذى به من قبل الزوجين وليست المرأه فقط . والمرأه التي تنقل اسرار بيتها حتى لاهلها فهي في حقيقة الامر تدق المسامير في نعش حياتها الزوجيه وتندم حيث لا ينفع الندم والقصص كثيره ومؤلمة . فلا تستهينون بهذا الامر .

[Qatar Angel]

عزيزتي ام ناصر الموضوع تجاوز المدح قمنا نسمع من زوجات ثلاثينيات
وأربعينيات وصف دقيق عن تفاصيل العلاقة الزوجية مع ازواجهم شي ما ينقال رغم أنهم مثقفات وعارفين أنها اسرار محرمة مع ذلك يفضحون أزواجهم

[روح الاطلس]

عزيز


الله يهديك بس اي سر؟؟؟؟

الا علن وامام الجميع ولا شلون عرفنا؟؟؟!!

[ضوى]

امدحه هو وارفعه هو بيني وبينه شبتستفيد الناس لمدحته لهم ؟! تحصيل حاصل

[ضوى]

بس بعد مايصير الواحد ينكر شي حاصل يعني لو انسأل عن شي معين او موقف معين مايصير يلف ويدور ويكذب ، بس بعد مب كله مدح بمناسبه وبدون مناسبة

[تغلبية]

فعلاً هي عقدة نقص عند الكثيرات ..

اما تتكلم عنه حباً لكن تسحط عليه المسكين وتسبه سب بابشع الالقاب على بالها بتودي العين عنها !!

واما .. تبي تكشخ فيه قدام الناس وهو موب معبرها ...

[مساهمة]

صبحكم الله بالخيررر

موضوعج حلوو وكناا نتناقش فيه من فتره في الدوام ..

انا من الناس اللي مااحب اسرد التفاصيل في حياتي لأي احد

لكن مايمنع ان في موقف معين تمدحين زوجج لوبكلمه عامة خصوصا جدام اهلج واهله

بس بعد مب يبطون جبدي اللي يصير هالموضوع هاجس بالنسبه لهم!!

في حريم الله يهديهم دايما داخلين موود انهم بينحسدون !! عشان ريلهاا ..عشان عيالهاا .. وعشاان وعشاان

هالفئة مرات اتمنى ان عيني حااره واصكهم عييين صج هههههههههههههه

من ناحية ثانيه .. اشوف انه مب من الادب انج تمدحين زوجج بزياده جدام خواتج وصديقاتج اللي ماتزوجوا

الا جاابلي والا قالي .. احس ان ماله داعي


ويعطييييج العافيه مره ثانيه على الموضوع:nice:

[catqat]

سبحان الله قبل كانت المرة تمدح ف بوعيالها جدام الكل.... وماكان فيه هالنوع من التفكير... الكل كانت نياتهم صافية والتفكير نظيف

وإلى هالدرجة ميتة ع الريل خوفا من انه يطير !!! شكل الثقة معدومة بنفسها وبزوجها..

[تحداني]

صباح الخير على الجميع

صادقه يا " catqat " ومعاج حق زمان ولين اليوم
امهاتنا وابهاتنا ما يطرون بعض الا بالخير لكن الاطراء كان على ما يستحق الاطراء ويجب الاطراء به
اما اليوم اطراء على ما لايستحق واشويه مبالغات من اجل الوقوف على حياتها
وهي من ارادت ذلك .. ولا الناس على قوله " روح الاطلس " اشعليهم ان كان زوجج شين ولا زين
واشعلينه اذا جاب لج ولا سوى لج .. لا راح يوصلنا منه شي
ولا راح يأخر شي


لكن تفاهه البعض وصلت لحد الفراغه والسوالف عن كل شي


جملكم الله برضاه

[شبح الصمت]

امدحيه عند اهلك فقط

لا تمدحينه قدام رفيجاتك لاجل مساكين الازواج الثانين ما يتضررون

شلي ضررنا غير فلانه ريلها سوى لها وريلها سوى لها

حسبي الله عليكم واخرتها بعضهم ما يسوى لها شيء بس تحب تخرب

:cry2:

[ROSE]

الحياة الزوجية ملك خاص ، لا يجب ان يتعدى حائط منزل الزوجية

الا فيما ذكر بالخير ،، فما يفعله الزوج للزوجه خاص بها وما تفعله الزوجه للزوج
خاص به ،، فلا يجب ان يخرج حتى يتفادوا العين ،، والنفوس المريضة

[تغلبية]

امدحيه عند اهلك فقط

:cry2:

حتى الخوات يغارون .. ويقارنون بين ازواجهم وازواج خواتهم .. وتصير المنافسة .. زوج من يجيب الأحسن ومن يسوي .. ومن يفعل .. ومن يسفر !!

[السحابة]

عاد ياليت المدح يكون صدق
تلقونها تمدح إنه سوى لها وجاب لها وسفرّها وعطاها و...و....و...الخ
بس عشان تغيض من حولها ...
وهو في الحقيقة مذوقها المر...


عايشنا ها النوعية...!!!
عجبني ردك وتجي واحده من صديقتها وترسم عليه وتخطفو منها وتكتشف المر بتدعي عليها ههههههه

[السحابة]

الحمدلله ما عندي صديقات مفتكه من عوار الراس بس اهل زوجي لاني غيوررررررررره الدنيا مالها أمان وزوجي مستانس يخاف من حريم هاليومين

[شبح الصمت]

حتى الخوات يغارون .. ويقارنون بين ازواجهم وازواج خواتهم .. وتصير المنافسة .. زوج من يجيب الأحسن ومن يسوي .. ومن يفعل .. ومن يسفر !!




ادري يغارون بس يبقى في احترام بين الاخوات أقل ما فيها ينصحون احسن من الي تجي تبي تخرب بس

:anger1:

[شيزكيك]

عجبني ردك وتجي واحده من صديقتها وترسم عليه وتخطفو منها وتكتشف المر بتدعي عليها ههههههه

ههههههههههه ضحكني ردك

[دلال قطر]

عاد اللي تخاف على زوجها من العين قلنا ماتمدحه بس مب تذمه وتحط فيه عيوب الدنيا والدين
نفس وحده من اعرفها مسكين زوجها لو يسمع كلامها بتجيه سكته وهو طبعا عكس ماتقول تماماً :)

[ضوى]

عاد اللي تخاف على زوجها من العين قلنا ماتمدحه بس مب تذمه وتحط فيه عيوب الدنيا والدين
نفس وحده من اعرفها مسكين زوجها لو يسمع كلامها بتجيه سكته وهو طبعا عكس ماتقول تماماً :)

بجد والله انا بعد اعرف واحدة يا الله مانقعد ويا بعض وايد واذا تزاورنا من تقعد لين تودعنا وهي تذم فيه ، وفي الحقيقة هو شخص اخر غير عن اللي تتكلم فيه من اشياء متناقضة تقولها لنا بنفس الجلسة تنسى روحها

[شبح الصمت]

انتم الحريم ادرى بانفسكم كل وحده تعرف الآخرى

بس في حريم مساكين على وجيهم ونيتهم طيبه

وفي حريم خبث العالم فيهم من تحت لي تحت ..

[تحداني]

انتم الحريم ادرى بانفسكم كل وحده تعرف الآخرى

بس في حريم مساكين على وجيهم ونيتهم طيبه

وفي حريم خبث العالم فيهم من تحت لي تحت ..




هاذي مثل اليهال شطانتها من تحت لين تحت
واتخرب الدنيا كلها وهي ساكته ومسكينه واتسوي نفسها خبر خير
وهي ام المصايب

[أم نواري1]

على حسب الموقف إذا يحتاج ثناء نعم أثني عليه
يعطيه العافيه ومايقصر قايم بواجباته
ما المشكلة .؟!

بالمقابل هو نفس الشي إذا اقتضى الموقف

المهم فالموضوع هو الثقة بالآخر
وإنه هو يمدح الطرف الآخر

أما الباقيين أبدا مالهم خص
على الطالع والنازل أمدح ليش .؟!

[Locale]

يبون يورونا انهم مستانسين وحياتهم من احلى مايكون
وهم نص الكلام يكون زياده من عندهم
وحده من هلي كل ماسولف وياها ماغير شريت ورحت ووووو
صرت ماكلمها الا فالسنه مره

[حسن]

هاذي مثل اليهال شطانتها من تحت لين تحت
واتخرب الدنيا كلها وهي ساكته ومسكينه واتسوي نفسها خبر خير
وهي ام المصايب

لا والله اليهال اساسا البراءه بعينها مايعرفون لا حقد ولا حسد ولا كره
ياليتنا نسير يهال

:)

[مشاكل]

بلللل لعبتهم الحريم

[تحداني]

لا والله اليهال اساسا البراءه بعينها مايعرفون لا حقد ولا حسد ولا كره
ياليتنا نسير يهال

:)




اي هي مع حقد وكره
بس اليهال شطانه بدون حقد
لا اتعور قلبي .. اليهال مافي مثلهم بالدنيا

[Qatar Angel]

انا أقولكم يابنات كل وحده تمدح بوالشباب في بيتها
خليه يسمع المدح بسبب او بدون سبب صدقوني الريال يستانس
وجربوا نصايح فوزية الدريع كلامها حلو وخطير هههه
والاهم تحافظون على اسراركم الله يسعد الجميع

[شبح الصمت]

انا أقولكم يابنات كل وحده تمدح بوشباب في بيتها
خليه يسمع المدح بسبب او بدون سبب صدقوني الريال يستانس
وجربوا نصايح فوزية الدريع كلامها حلو وخطير هههه
والاهم تحافظون على اسراركم الله يسعد الجميع




من !

من !!

من !!


ما أسمع !!!



هههههههههههههههههههههاي

نصيحه الحجه نصايحها عبط وليس نصايح منها فائده


:tease:

[أم نواري1]

فوزية الدريع فيوزاتها ضاربة
العاقل ماتاخذ نصايح من وحده فاصخه الحياء

[Qatar Angel]

فوزية الدريع فيوزاتها ضاربة
العاقل ماتاخذ نصايح من وحده فاصخه الحياء

اتق الله اخوي مايجوز تتكلم عن الدكتورة وتقذفها

[koketa]

المراءه العاقله لاتبوح بأسرار بيتها لا لقريب ولابعيد يجب ان يكونوا ستر وغطاء للأخر
لذا يستوجب على الطرفين أن يكونا أمينين على أسرار حياتهم الزوجية ... فليس من شيمة المسلم ان يكون خائن للأمانة

[Bin Hood]

اعتقد ان مسألة المدح من عدمه تتعلق بالطرفين سواء من جانب الزوجة او حتى من جانب الزوج بحيث يحافظ كل طرف على خصوصيته ولكن؟؟

قد تكون هناك بعض المواقف تستدعي من الزوجة او الزوج ذكرها لدى الغير عن محاسن الزوج او الزوجة لجلب مصلحة او درء مفسدة للطرف الاخر مش شرط تكون بالتفاصيل لكن ممكن بشكل عام..

ملاحظة مهمة اود ان أذكرها للاخوة والاخوات وهي حتى استخدام اجهزة الهاتف الحديثة ممكن تخلي الاخرين يحسدونك بل قد يتتبعونك

يعني وحدة رايحة المطعم حاطة صورة الاكل اللي قاعدين ياكلونه هي وزوجها وكاتبة اكل تايم ، او حاطة صورة طيارة عشان تقول احنا مسافرين او قاعدين يتمشون ،،او تكتب جملة في توقيعها عشان تحر الغير او نغزة او او. الخ

يعني الحين مب شرط الوحدة تذكر محاسن زوجها لدى الغير،، الا التكنلوجيا الحديثة ممكن تخليها كتاب مفتوح للجميع والكل يمكن يعرفون متى ترقد ومتى تقوم وحتى ادق التفاصيل بسبب تكرار وضع الاحداث على الهواتف سواء في الواتس اب او الانستغرام وغيرها

والله الموفق

احسنت وكثير من الاخوات ما يهتمون حق هذا الموضوع
ويعتبرونه تعقيد ومحد بيحط باله كلها صورة وخلاص

[أم نواري1]

اتق الله اخوي مايجوز تتكلم عن الدكتورة وتقذفها

اشدخل قذفتها

نعم فاصخة الحياء

بتبرجها وكلامها اللي اترفع عن الخوض فيه
أمام ضيوف متخصصين على كلام من ذكروا لي
من الرجال. وتتكلم بكل وقاحه

وحجتها أنه علم وخذت فيه شهاده كأول خليجية تتخصص فهالشغلات!

عيب والله عيب

[التيما]

اعنبوا بيخطفونه ليش !!! هههههههههههه تضحكني هالكلمة صراحة .. لهالدرجة وصلنا !! الأساس ان الزوجة ما تتكلم عن بيتها أصلا .. ماله داعي لا تجيب طاريه لا بخير ولا بشر .. أما اني ما أتكلم عشان محد تأخذه مني !!! لين صار ملكيه خاصه بفكر هالتفكير الغريب !!

[بصمة قطرية]

انا أقولكم يابنات كل وحده تمدح بوالشباب في بيتها
خليه يسمع المدح بسبب او بدون سبب صدقوني الريال يستانس
وجربوا نصايح فوزية الدريع كلامها حلو وخطير هههه
والاهم تحافظون على اسراركم الله يسعد الجميع

فوزية الدريع :eek5::rolleyes2:
:secret:
الله لا يبلانا بأفكارها
و وقاحتها ..

[mubarak750]

حريم هالوقت ايطلعون اسرار بيتهم بالقعدات والمجالس وهاي هو الخراب والي يهدم البيوت ،،

فلازم الزوجه تحفظ اسرار بيتها وزوجها لكي لايحدث امر سيء يؤدي الي هدم العلاقه الزوجيه مما يؤدي الى الطلاااااق لاقدر الله

تحياتي ،،،






أستااااااااز أستااااااااز

[أبو راكان]

استعينوا على قضاء حوائجكم بالكتمان

[catqat]

ههههههههه مادري ليش فكل موضوع لايمين المرة خصوصا بسوالف الخبث والدهاء !!

ملاحظة: ترى الرجال عقله فراسه، لو ألف مرة بغته وهو فباله بس ام عياله، ماراح يصير اي اختطاف ...