نصائحكم بمواصفات الكهرباء

[MAZEN37]

تحياتي وسؤالي هو ايش الملاحظات الواجب اخذها للتوصيلات الكهربائيه والتمديدات المهمه
الافكار الي لازم تكون من ضمن العقد

[معماري قطري]

شغل الكهرباء يحتاج أول تصميم واضح وكافي على المخططات، ويحتاج تحديد الحمل الكهربائي الإجمالي لكل دور، وبعدين الحمل الإجمالي للمبنى ككل.

بالنسبة للمواصفات كل ما كانت مفصلة بدقة وبإسم كل تجهيز كهربي يكون عندك ضمان كبير لعدم الخطأ .. لو حاب تشوف شوف موضوع العقود اللي كتبته وفيه مواصفات متكاملة للكهرباء بس أكيد جد جديد في السوق وهذا مثال عمره حول 10 سنين .. ممكن يكون أحد المواضيع الموجودة في التوقيع.

[Bozizoo]

اضيف على اخوي معماري قطري في اغلب الاحيان الاستشاريين يفصل الدور الارضي عن الاول عن البنت هوس
في الروسومات وقت التنفيذ تكتشف الكيبل الي جاي من تحت الى الادوار العلويه يكون بنص الغرفه او في نص الباب.
ويمكن تعديله بس من الافضل عمل التصميم من البدايه صح .
ويكون المجمع الرئيسي في مكان صاد اشوي

[مضارب دوسري]

الدي بي يكون سيمنز
والسوكتتات ام كي انجليزي من الوكيل
والوايرات او التوصيلات نوع عماني
هذي هي افضل المواصفات اللي عندنا ف قطر

[مضارب دوسري]

والافضل انه تخليه يطبق الخريطه بحذافيرها افضل لك ياخوي
عشان يكون كهربة بيتك واضحه
واذا عندك تعديلات يفضل انها تنفذها مع الاستشاري
لان الكهرباء ممكن تغير مكان دي بي او شي تلقى مفسك دخلت ف دوامه
كلامي هذا على اساس يكون شغل الكهربائي مرتب
ومب محربط مثل كثير من الكهربائين
وانصحك بالسيخ والهنود للكهربا وابعد عن العرب في الكهرباء

[ولد شرق]

مرحبا اخوي
الحين مجمعات الكهربا (الدي بي) كلها مواصفات انجليزيه مصنوعه في رومانيا او بالاصح شركة بريطانية في رومانيا

وانصحك بالوايرات الاماراتيه دوكاب او العمانية

[MAZEN37]

شاكر ملاحظاتكم القيمه وجار الاخذ بالاعتبار
وما قصرتم جميعا

[سهاير]

شكرا على التوضيح

[ضوى]

الدي بي يكون سيمنز
والسوكتتات ام كي انجليزي من الوكيل
والوايرات او التوصيلات نوع عماني
هذي هي افضل المواصفات اللي عندنا ف قطر

هذي هي مواصفات الكهربا للطابق الثاني اللي بنيته

[Chambray]

المشكلة ان احنا نحط مواصفات وتنكتب مواصفات
وللاسف الكهربائي يتغافلنا .. ويحط اشياء على كيفه ..

والي مب خبره في هالامور الله يعينه

[معماري قطري]

المشكلة ان احنا نحط مواصفات وتنكتب مواصفات
وللاسف الكهربائي يتغافلنا .. ويحط اشياء على كيفه ..

والي مب خبره في هالامور الله يعينه

على هالأساس يبي لك مواصفات هندسية مفصلة ومتوافقة مع رسومات صحيحة وواضحة .. وبعدين تأتي مهمة الإشراف من قبل مهندس مختص كهرباء.. انا حق بيتي أتذكر كان المصمم مشرف وهو متخصص بدرجة قوية .. وفوق هذا إثنين من المهندسين الكبار خارجيين درسوا المواصفات والرسومات ببساطة لأني ما اعرف شغل الكهربة مثلهم وطلبت منهم يمرون يشيكون مع نهاية البنيان وكان كل شيء تمام.

[قطري قديم]

الوايرات يوجد انجليزي / انجليزي

والمفاتيح الي داخل البوكسات يوجد نوع انجليزي / انجليزي
ويوجد روماني والانجليزي طبعا افضل
وفيه الوايرات العماني نفس جودة الانجليزي وشغاله تمام واقل سعرا
والكيابل نصيحه خذها من الدوحه