الي جرب خزئن الملابس الي عند ايكيا

[حمد 2002]

السلام عليكم ورحمه الله وبركاته

سؤال للي جرب خزائن الملابس الي عند ايكيا ؟ اشرايكم فيها ؟ وهل هي جوده ولا تخترب مع مرور الوقت ؟ واشلون تركيبهم في البيت ومواعيدهم وخدمتهم ؟ ورايكم في خزاينهم ومعاملتهم من جميييع الجوانب ؟

لاني ابي اشتري خزاين للملابس من عندهم ،،،

تحياتي للجميييع ، في انتظار ارائكم وتجاربكم ،،،،

[Aigner]

عجبتني اشكال الي عندهم

بس نشوف اخوان وش رايهم

[سهم عتيج]

شخصيا شريت حوالي 3 خزاين ورفوف وكم ديكور رفوف وليتات

وأكبر متعة اني انا اللي اقعد اركبهم في البيت بروحي.- تسلية ورياضة، والكبت ياخذ مني تقريبا ساعتين الى 3 ساعات ، واختار الويكند للتركيب ، وبصراحة الجودة جيدة جدا ، والاسعار اكثر من ممتازة

الاهم انك تتبع الخارطة الموجودة مع الخزنة او الديكور وامورك سهالات ان شالله ، وأهم خطوة هي ترتيب البراغي قبل التركيب وتجهيز الالواح ووضعها بترتيب مناسب ،، حتى السبانة السداسية تلقاها في الكرتون ,,

جرب تاخذ كبت ارخيص بو خمسمية وشوف نفسك تقدر تركبه او انك تجيب واحد يساعدك

شخصيا اجد متعة كبيرة بالتركيب بنفسي ، وهم بنفسهمويقولون انك لو تقدر تركب الخزنة بنفسك بتوفر المال ,, لذلك لا تعتقد انها بدون جودة لرخصها

الله يوفقك ياحمد وتوكل على الله *

[dream~qa]

أنا فصلت لي مكتب عند محل في طريق سلوى وشريت مكتب من ايكيا كلهم ام دي اف..... لكن اللي من ايكيا طلع أحسن من ناحية الجودة .. واتوقع الخزاين بتكون نفس الشي .

[أسد الجزيرة]

ايكيا اذا تقدر تركب بنفسك زين بتوفر اما اذا عليهم التوصيل 100 و التركيب كل قطعة 300

[لبيبة]

جربتهم، جودتهم زينة وتقدر تفصل اللي يناسبك عندهم، ولو اختربت اي قطعة تقدر تاخذ قطعة جديدة بدالها من عندهم.

[حمد 2002]

جزاكم الله كل خيررررر

[بحر شرق]

جوده جيده جداً وضمان 5 سنوات

[Qt.1]

انا تعاملي مع ايكيا اكثر من 3 سنوات لاني شريت منهم اثاث للبيت في امريكا , بصراحه جوده عاليه والاثاث ايعمرمعاك فتره طويله ولاتحسه مثل الخشب الضعيف الي اقل شي ينكسر بالعكس خشب جيد , كنت اشتري الااثاث واقعد اركب في البيت , والموضوع ترى سهل مايبي له اتجيب حد ايركب ولااشي اتبع التعليمات وخلاص.

[تغلبية]

شخصيا شريت حوالي 3 خزاين ورفوف وكم ديكور رفوف وليتات

وأكبر متعة اني انا اللي اقعد اركبهم في البيت بروحي.- تسلية ورياضة، والكبت ياخذ مني تقريبا ساعتين الى 3 ساعات ، واختار الويكند للتركيب ، وبصراحة الجودة جيدة جدا ، والاسعار اكثر من ممتازة

الاهم انك تتبع الخارطة الموجودة مع الخزنة او الديكور وامورك سهالات ان شالله ، وأهم خطوة هي ترتيب البراغي قبل التركيب وتجهيز الالواح ووضعها بترتيب مناسب ،، حتى السبانة السداسية تلقاها في الكرتون ,,

جرب تاخذ كبت ارخيص بو خمسمية وشوف نفسك تقدر تركبه او انك تجيب واحد يساعدك

شخصيا اجد متعة كبيرة بالتركيب بنفسي ، وهم بنفسهمويقولون انك لو تقدر تركب الخزنة بنفسك بتوفر المال ,, لذلك لا تعتقد انها بدون جودة لرخصها

الله يوفقك ياحمد وتوكل على الله *

ابي اخذ كبت عود من عندهم ..

تشوف البنات يقدرون يركبون الكبت بنفسهم .. هل يبي له عضلات .. والا عادي مقدور عليه ؟ :shy:

المسألة مسالة متعة ووناسة .. وشكرا

[w.qatar]

جودتهم ممتازه انا شريت الغرفة من عندهم بس باقي لي كبت للملابس بس كان مب متوفر و التركيب ترا لو شريت ب2500 بيجون يركبون لك بلاش اذا اقل من 2500 تدفع للتوصيل و التركيب

[حمد 2002]

تم الاستغناء عن فكره شراء كبت ملابس من ايكيا ، لان المقاسات عندهم ثابته = ماعندهم تفصيل ،،

تحياتي للجمييييع ،،

[سهم عتيج]

ابي اخذ كبت عود من عندهم ..

تشوف البنات يقدرون يركبون الكبت بنفسهم .. هل يبي له عضلات .. والا عادي مقدور عليه ؟ :shy:

المسألة مسالة متعة ووناسة .. وشكرا

اذا كبت عود,, يمكن تحتاجين حد يساعدك عشان ترفعين الكبت وتقلبينه.. يعني الفكرة وحدة,, بس يمكن الكبت الكبير يحتاج شوية عضلات..

أهم شي ان يكون عندك بارض,, ونقطة مهمة جدا جدا ,, وهي انك يوم تبدأين الشغل تحاولين انك تخلصينه في نفس اليوم أو على الأقل المكان اللي بتركبين فيه الكبت محد يدشه لو أجلتي الشغل عشان ماتضيع البراغي او يلعبون فيها اليهال :)

بس اذا تبين تشوفين نفسك.. اشتري كبت صغير وركبيه لأنه مايبغي عضلات,, اذا نجحتي وحسيتي بمتعة,, فراح تركبين الكبت الكبير بنفس المتعة مع شوية عضلات أكثر :discuss:

[dss911]

رووووووعة الخزائن والجودة والمواعيد كل شي يجنن فعلا انا خذت 6خزائن اكثر من رائعة

[بومحمد المطاوعه]

ياخوي حمد

اغراضهم والله وايد زينه

انا من ثلاث سنين مركب كم غرض فالغرفه

من طاوله ورفوف ع الطوفه

شريتهم من الامارات وركبتهم بروحي

وقبل يومين شاري كرفايه صغيره وركبتها بنفسي

الصراحه معاملتهم حلوه

بالنسبه للتركيب فالمنزل

فوق ال 2500 ريال ايون يدون رسوم للتركيب

اذا اقل

سعر التركيب 300 ريال مع الشحن للبيت

واذا بس شحن 200 ريال مادري 150 ريال

تحياتي لك