حادث الشمال يفتح ملف إطارات البالون من جديد

[moonبنتnight]

حادث الشمال يفتح ملف إطارات البالون من جديد


جريدة الوطن ك 20/5/2013


فتح حادث طريق الشمال المروري امس الأول الباب على مصراعيه نحو قضية اطارات البالونات والتي تم منع بيعها وتداولها محلياً. حيث وقع حادث مروع على طريق الشمال ادى الى مصرع 3 مواطنين واصابة رابع بعد انفجار احد إطارات السيارة التي كانوا يستقلونها. الحادث سبقه شروط وقرارات ومواصفات اتخذتها وزارة البيئة حول إطارات السيارات المسموح استخدامها في شوارع وطرق الدوحة، وتضافرت الجهود من أجل تطبيق هذه الشروط والضوابط على أرض الواقع، غير ان بعض السائقين اتبعوا حيلة للالتفاف على هذا المنع، فقاموا بالذهاب الى دول مجاورة واشتروا اطارات البالون وركبوها هناك ثم عادوا بسياراتهم بعد تركيب هذا النوع من الاطارات الممنوع محلياً فخرجوا من المساءلة وعادوا للمخاطرة بسياراتهم على الطرق مرة ثانية. اطارات البالون اثارت احاديث كثيرة، فالبعض يرى ان السرعة الزائدة وليس نوع الإطار هو السبب وراء وقوع الحوادث، بينما يؤكد آخرون أن اطارات البالون من أسباب وقوع الحوادث المرورية.

جريدة الوطن
http://www.al-watan.com/viewnews.aspx?n=C069B347-8EFB-45E4-8939-42BDAF72B4BE&d=20130520

[المليونير الفقير]

يذا البالون الي حطوه شماعة

[H H]

^


ياذا البالون الي يقولون انه السبب في مقتل عشرات المواطنين وللحين ناس يدافعون عنه وكأنه مصدر رزقهم!!
لو في شبهه 000.1% ان هالاطارات هي السبب في جرح انسان بخدش بسيط المفروض ماحد يدافع عنها ابداً
فما بالك بمقتل العشرات ؟؟؟ تراها كفرات لاراحت ولاجت وصحة ربعك اهم منها بمليون مره !!


الله يرحمهم ويغفرلهم

[موظف ((حكومي]

اما يعلقون اي حادث من بالون


يمكن مركب ميجر اهي اكثر انفجار


اقسم بالله سنه 2009 جاي انا من الاحساء قبل تماني بكم كيلو وكنت سرعتي 175

ونجر علي تاير والحمد الله ماصار شي وللعلم تاير بالون من محلات

وبعد بكم شهر لقيت حادث لشباب قطريين وواحد توفي اثر الاحادث وكان تاير سياتهم حجري وكاله على طريق الاحساء

[أبو راكان]

الحين هالشباب الله يستر علينا وعليهم تحصل الواحد منهم مسرع 200 ومطنج التواير 80 والتواير نحّل حدّهم
وتقولون البالون السبب ؟؟؟؟؟؟
سنين ولله الحمد وحنّا نستخدم البالون بس بعقل وركاده ولاصار شي

يعني بالله عليكم عمركم سمعتوا عن شيبه توفى بحادث والسبه هالبالون ؟؟؟

[قطريه22]

الأعمار بيد الله سبحانه وتعالى

وهذا يومهـم مايندري اذا التاير انفجر او اختل توازن السياره او السرعه

اتوقع الي يعرف السبب الاشخاص نفسهم الي عاشو الموقف

والله يرحمهم برحمته ويشفي المصاب

[QaTaR49999]

الحين هالشباب الله يستر علينا وعليهم تحصل الواحد منهم مسرع 200 ومطنج التواير 80 والتواير نحّل حدّهم
وتقولون البالون السبب ؟؟؟؟؟؟
سنين ولله الحمد وحنّا نستخدم البالون بس بعقل وركاده ولاصار شي

يعني بالله عليكم عمركم سمعتوا عن شيبه توفى بحادث والسبه هالبالون ؟؟؟

هذا الكلام الصحيح

والسرعه الزايده لها دور وكل اطار بالون ولا غيره بينفجر من السرعه

[7llo]

الصراحه اتمى يامنعون البالون او يسمحونه يعني ,, مايصير يمنعون تركيبه والعالم تسافر الدول المجاوره تركبه هو يا ممنوع تركيبه وبيعه يا يسمحونه

[@north_star@]

عذر اقبح من ذنب والجرايد ما يصدقون على الله
وهل لو كانت التواير مياجر ما بيموتون مثلا؟؟؟؟؟ والله يرحمهم ويصبر ذويهم

[A bin M]

.

.



مع منع البالون بتزداد الحوادث المروريه .. والسبب انه البعض تواير سياراتهم حدها منتهيه ويمشي عليها والسبب عيزان يروح يبدلها لانه مسافه يضرب خـــط .!!

المفروض يشوفون الشباب اللي توايرهم نحل حدها .. شفت كم من الربع توايرهم ناحله ويمشون فيها ويقولك لا فيها روح .. ايي روح الله يحفظك .!!!!


الله يرحمهم ويصبر اهلهم

[cavok]

اللة يرحمهم يا رب

[شبح الصمت]

اول شيء الله يرحمهم برحمته ويتقبلهم في جناته الفردوس ..

ثاني شيء أسباب السرعة ما تعرف تاير بالون والا حجري والا ميجر والا شواهين ..

الاسباب ترجع للشخص نفسه ..

الاخبار مفجعة تلوى الاخر

وقبلهم المري الله يرحمه ويغمد روحه الجنه وسيارته لكزس فرويل وتوايرها مياجر !!

اتمنى انه ما يكون اللوم على التواير ليس دفاعاً عنها لاني مركب لانه اشوف انه الانسان هو من يحدد سرعته وتهوره والسبب الرئيسي القضاء والقدر والمكتوب لنا ..

[درع الوطن]

البالون غير مخصص للمشي على شوارع الأسفلت بسرعه كبيره
هو مخصص للمشي على الرمال ....
بس الشباب يركبونها على أساس انها رزه ويابلفيت كشخه ....
لله الحمد والمنه ماعمري ركبت بالون ....
ولو سألت الشباب اللي مركبين البالون كم مره بنشر بيقولك كل فتره بسيطه يبنشر

صحيح الأعمار بيد الله سبحانه بس لازم ناخذ بالأسباب

الله الله في انفسكم ياشباب الوطن ... ترى اهلكم محتاجينكم .. وقطر محتاجتكم ..

وماتشوفون شر ..

[ضوى]

الله يرحمهم برحمته ويغفر لهم يارب

[رجل الجزيرة]

مع منع البالون وبقوة.

ما أنتوا بأعرف من المرور والبيئة فعندهم أدلة وإحصائيات تؤكد كلامهم. بس أتمنى إنهم يمنعونه من مركز أبو سمرة.

[تحداني]

الشباب عندهم هوايات عجيبه غريبه
حاطين دوبهم ابدوب السيارات والسرعه .. ودي افهم اشلون يفكرون


لا حول ولا قوه الا بالله العلي العظيم

[تمون]

البالون غير مخصص للمشي على شوارع الأسفلت بسرعه كبيره
هو مخصص للمشي على الرمال ....
بس الشباب يركبونها على أساس انها رزه ويابلفيت كشخه ....
لله الحمد والمنه ماعمري ركبت بالون ....
ولو سألت الشباب اللي مركبين البالون كم مره بنشر بيقولك كل فتره بسيطه يبنشر

صحيح الأعمار بيد الله سبحانه بس لازم ناخذ بالأسباب

الله الله في انفسكم ياشباب الوطن ... ترى اهلكم محتاجينكم .. وقطر محتاجتكم ..

وماتشوفون شر ..

تعقيب على كلامك
انا من سنه مركب بالون والحين بدلتهم و ركبت بالون بعد مانتهوا الي قبل تصدق من ركبتهم لين ركبت الجدد ولا مره بنشرت ؟؟ يعني سنه كامله بدون بنشر واحد و للعلم ايام الشتا كله فالعديد و هالبرور يعني لاتجيب كلام من عندك دامك ماجربت

الله يرحم المتوفين ان شاء الله والتاير سواء ميجر ولا بالون الي مكتوب بيصير

[قطريه ماركه]

الله يغفر لهم و يرحمهم

و يصبر أهلهم

[VX.R]

السبب بعد قضاء الله وقدره ، هي السرعه ..

أما بالنسبه للبالون ، انا اطلع الموتر من الوكالة وعلى طول اركب بوالين...
يعني صيف وشتاء ،،، وبدون بالون مستحيل اسوق الكروزر ..

والحمدلله ، ما به الا كل خير ..

[العميد الركن]

السبب الرئيسي لحوادث الشباب هو الكروزر واللكزس

هالسيارات غير مصممه للسرعه ولافيها سيفتي هالسبب الي يخليها تنقلب مع السرعه

مادري ليش يرفعون أسعار هالنوع من السيارات مع قلت نظام الحماية فيها

[المليونير الفقير]

السبب الرئيسي لحوادث الشباب هو الكروزر واللكزس

هالسيارات غير مصممه للسرعه ولافيها سيفتي هالسبب الي يخليها تنقلب مع السرعه

مادري ليش يرفعون أسعار هالنوع من السيارات مع قلت نظام الحماية فيها

المفروض يمنعون هالسيارات بعد:shy:

[MAZEN37]

المرور تمنع البالون وما يتم تطبيق القرار
ابسط شيء توقف السيارات المخالفه بالشارع
وخلهم يروحون موزنبيق يغيروا توايرهم

[حسن]

الوضع يبيله دراسه وافيه ومن جميع الجوانب في مثل هذه الحوادث
مانبي ناخذر راي سوسو ولا عبير

السرعه الفائقه سبب وقله الانتباه سبب وانشغال السائق باجهزه الاتصال سبب والتواير سبب ومدي صلاحيه السياره بعد من الاسباب

السؤال الموجهه الى ادراه المرور دام التاير ممنوع لماذا لاتخالف السيارات المركبه هذا النوع ؟

والسؤل الموجهه الى ادراه البيئه لماذا ماتخطرون مصديرين الاطارات وبالنوعيه اللي مسموحه بها والمطابقه للمواصفات؟

انا اش
وف السبب الاول والرئيسي في الحوادث هو السرعه ؟

اما الباقي فهي ثانويه

[فتى الجود]

البالونات



اسمها بوالين

وبعدين هالمياجر " الحجرية " هي اللى بتوقف الأقدار ؟؟

[مراد2015]

يومهم مكتوب لهم الله يرحمهم ويغفر لهم ويصبر اهلهم والله يرحمهم رحمة ووواسعه يا الله

لحمدلله رب العالمين والصلاة والسلام على نبينا محمد وعلى آله وصحبه أجمعين، أما بعد:
إنه مهما عاش الإنسان في هذه الحياة ومهما طال به البقاء بها ومهما استمتع بشهواتها وملذاتها فإن المصير واحد والنهاية محتومة ولابد لكل إنسان من نهاية وهذه النهاية هي الموت الذي لا مفر منه، قال تعالى:
{كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ} [العنكبوت: 57]

ادعو لهم با المغفره

[بو الجوري]

العيب فالمستخدم مب فالبالون نفسه
حاله حال البلاكبيري والنت و البانشي ... الخ

يعني إنت اللي تتحكـم في طريقة إستعمالك للمنتج


الحل إنهم يرجعون يبيعون البالون فالدوحـه و سعره يكون طبيعي
ويخالفون اللي توايره نحّل :..


الله المستعان بس

[وحيد-الشوق]

ماتلاحظون اغلب المواتر المدعومة والي اصحابها توفوا هي تويوتا وخصوصا الكروزر!! سياراتهم السيفتي فيها زيرو

البالون قلبته في المخبا اي لفه غلط او تكسر السكان بقوه ينقلب الموتر

[بـارود]

ظلموك أيها البالون :(

[Fahad Alqahtani]

العيب فالمستخدم مب فالبالون نفسه
حاله حال البلاكبيري والنت و البانشي ... الخ

يعني إنت اللي تتحكـم في طريقة إستعمالك للمنتج


الحل إنهم يرجعون يبيعون البالون فالدوحـه و سعره يكون طبيعي
ويخالفون اللي توايره نحّل :..


الله المستعان بس

الله يجزاك خير على الرد الطيب .
المشكلة في التواير النحل . لان بعض الشباب يدور التواير النحل علشان السرعة والاستعراض . يحسب انه يسوق فورمولا حتى الفورمولا منعوا التواير النحل .

[GENIUS]

والمشكلة في البالون لما يكون الهوا فيه 40 واكثر يكون الجزء الملامس للشارع اقل من نص مساحة التاير الاصلية المفروض انها تلامس الشارع على حسب تصميم التاير فتكون الخطورة اكبر بكثير . اما بالنسبة للمواتر الامريكية فما ينفع بالمرة لعدم وجود جانبين وسطي بين الرودات مما يجعل الموتر يهتز ويرج بصورة رهيبة عند ضرب اي مطب بسيط او حفرة .

[البيت القديم]

في البداية الحوادث قضاء وقدر..

وانا ماعندي مشكله مع التواير بالون ولا ميجر جربتهم كلهم والحق ينقال اذا بتستخدم البالون

لازم اتكون حريص في عدة امور.. منها ميزانية التواير لازم اتكون دوم مضبوطه ولا بيتم الموتر ينفظ عليك في الشارع عكس الميجر مايتعبك في سوالف الميزانية وحتى لو الميزانية مب مضبوطه مايبين على الموتر وماينفظ في الشارع..

السرعه.. الصراحه انا اخاف اسرع اذا كنت مركب بوالين لانه اذا تجاوزت 80 او 90 التواير بتم تنفظ عليك ..

الصبح اول ماتمشي في الموتر لازم تاخذ فتره في الشارع ليين تسخن و تستعدل التواير وماتم تنتفظ عليك عكس الميجر..

وانا اقول عليكم بالجمس لو تمشي 1000 وتلف مره وحده عادي ماتحاتي ينقلب عليك:):)

[المستعينه بالله]

المطلوب من وزاره الداخليه لمثل هذه الحوادث

عمل نقاط تفتيش لشارع. الشمال وخط السيلين والوكره خاصه في الاجازات

الخميس الجمعه والسبت الاكثر وقوع حوادث ً

راح تقل الحوادث بشكل كبير

والله يحفظ الجميع من حوادث السيارات والله يرحمهم

[درع الوطن]

تعقيب على كلامك
انا من سنه مركب بالون والحين بدلتهم و ركبت بالون بعد مانتهوا الي قبل تصدق من ركبتهم لين ركبت الجدد ولا مره بنشرت ؟؟ يعني سنه كامله بدون بنشر واحد و للعلم ايام الشتا كله فالعديد و هالبرور يعني لاتجيب كلام من عندك دامك ماجربت

الله يرحم المتوفين ان شاء الله والتاير سواء ميجر ولا بالون الي مكتوب بيصير

ياخي دام الله ساتر عليك وحافظك للحين قول الحمد لله بدل ماتكذب الناس
عسى الله يهديك ويصلحك .....

[حسن]

في نوع من انواع البوالين انا تاخذه لانه رخيص والصراحه ماينفع كلش كلش بالمره والله يرج الموتر بشكل خيالي انا مستغرب شلون السعوديه سامحين به