مطبخ خارجي

[عيون الدوحة]

لو سمحتو ممكن تفيدوني عن أفظل الشركات المختصة في صناعة وتركيب المطابخ نوعية ستانستيل

الخشب والالمنيوم اثبتو عدم قدرتهم على الصمود وغير تكون الحشرات في الخشب

[بو راشد 1]

عسكر، خبري فيه في عمارة hbk عند تقاطع اشارات تويوتا القديمة

[حياة]

فيه المحل اللي قريب من مستوصف الجزيره واسمه اينوكس
اللي يسوي مداخن عنده سانستيل بس طلع علي غالي قلت احط المونيوم الخادامات بيكسرونه وبيلعبون فيه

[IT Engineer]

لو سمحتو ممكن تفيدوني عن أفظل الشركات المختصة في صناعة وتركيب المطابخ نوعية ستانستيل

الخشب والالمنيوم اثبتو عدم قدرتهم على الصمود وغير تكون الحشرات في الخشب

الصراحة الي اشوفه الالمونيوم وايد احسن بس لازم يكون شغل عدل اذا تبين حق الالمونيوم عندي واحد شاطر وعنده مصنع هو من جنسية باكستانية وانا واحد من الناس الى اشتغل عندي والحمد لله كل شي اوكي وهاي الكلام من سنة 2009 لكن اهم شي وان شاء الله لوركبتي من الحديد اهم شي المحافظة والنظافة

[صمت 1]

ايكيا عندهم قسم للمطابخ ويفصلون والضمان اعتقد ٢٠ سنه

[مضارب دوسري]

فيه المحل اللي قريب من مستوصف الجزيره واسمه اينوكس
اللي يسوي مداخن عنده سانستيل بس طلع علي غالي قلت احط المونيوم الخادامات بيكسرونه وبيلعبون فيه

تفكير سليم ولكن تقدرين تبنين بالطابوق ارفف للمطبخ تطلع احلى وتزينينها بالبلاط اللي تحتارينه وتكون عمليه وسهلة الغسيل وشكل حلووو يعتمد على نوع البلاط اللي بيتركب وفوق هذا توفيير

[almaf1a]

الصراحة فكرة عمل المطبخ بالطابوق وتركيب الابواب المونيوم ممتازه وعمليه اكثر
ياريت تنورونا بالارتفاعات والطريقه وهل فيها خرسانه والا بس طابوق

[مضارب دوسري]

هلا اخوي
اي مقاول يقدر يسويها اخوي
والارتفاعات انت تختارها
متر و50 تكفي لانك تظطر تركب طابوقه فالارضيه عشان يكون في مساحه بين الادراج وارضية المطبخ
هي عمليه جدا متى ماضربت ف راسك تخلي الخدامه تغسلها من داخل بهوز ماي وصابون لو بغيت
وترتاح من هم التنظيف وعمليه جدا

[ضوى]

تحتاج خرسانة ؟!! حاليا افكر اغير المطبخ الخارجي هو اللي باقي بس ويطلع بيتي جديد عالزيرو ان شاء الله

[مضارب دوسري]

تحتاج خرسانة ؟!! حاليا افكر اغير المطبخ الخارجي هو اللي باقي بس ويطلع بيتي جديد عالزيرو ان شاء الله

الخرسانه بسيطه اختي مب مثل خرسانة البيت
لا عاديه جدا
اللهم يحط بلويود والخرسانه تكون عباره عن كنكري واسمنت وتقعد لها اسبوع وعقب يفك البلويود
وفي حركه جديده بس اغلى من الحركه هذي
الخرسانه الجاهزه ويسويها لج بسهوله
التكلفه الاجماليه مع تركيب سيراميك اسباني وابواب ووفوق قطعة رخام
كلفتني 15000
مع العلم المطبخ عندي مساحته 5 في 9

وصدقيني بتريحين نفسج سنوات طويله ومع كل تغيير تغيرين الابواب والبلاط فقط

[ضوى]

يبي لي اضبط المطبخ بس سالفة الخرسانة مملة افكر بالستيل شفت نوعية جامدة تنفع للخدم ويدهم

[عيون الدوحة]

احنا في بيتنا كان موجود المسلح
والصراصير موجودة بعد
ويوم جينا نكسرة خذ وقت والعمال يكسرون المطبخ