&& كل الشكر والتقدير لكل موظفين المكتب الطبي في تايلاند &&

[خليفـة]

صبحكم الله بالخير جميع
اوجه كلمة شكر وعرفان لكل موظفين المكتب الطبي في
تايلاند على الرعاية والخدمة الطبية التي تم تقديمها لوالدي
هناك .. حيث ان الوالد مر بوعكة صحية خفيفة ورغب بالتوجه
لتايلاند لاجراء بعض الفحوصات .
تم الاتصال بالمكتب الطبي في تايلاند .. واخبرناهم برغبتنا
بالقدوم لتايلاند لغرض العلاج على حسابنا الخاص.
للامانه ماقصروا معانا ابد :
الاستقبال في المطار
تامين المواصلات
تامين المواعيد في المستشفى الملكي
التواصل المستمر معنا للاطمئنان على الوالد
وغيره من تقديم الخدمات التي قد يحتاج لها اي مواطن خارج بلده

انا لم اكتب الكلام اعلاه لغرض التطبيل الزائف لا سمح الله
ولكن مثل ما نذكر سلبيات بعض المكاتب الطبية في الخارج
علينا ان نشيد بايجابيات البعض الاخر شرط ان يستحق الشكر

انتهينا من كل الفحوصات .. وكانت النتائج ممتازة لله الحمد

العودة للدوحه بعد الانتهاء من فترة النقاهه في هذا البلد العجيب
هههههه

الي يوصي على شي من هالديرة .. انا حاضر له
دعواتكم

خليفة

[Abdullah_89]

تحياتي للمكتب الطبي والعاملين في المكتب الطبي في مملكة تايلاند وعلى رأسهم سعادة السفير جبر الدوسري والسيد علي البنعلي

فعلا التعامل معهم يشرح الصدر ويبردون الخاطر


والحمد لله على السلامه وان شاء الله تكون الأمور كلها طيبه

[R 7 A L]

الحمدلله على سلامة الوالد اخوي خليفه


وعقبال مانشوف مواضيع شكر للمكاتب الاخرى

[حمد 2002]

مايجووف شر الوالد إن شاء الله ،،،

وترجعون بالسلامه بإذن الله ،،،

[سـ ع ـود]

تحياتي للمكتب الطبي والعاملين في المكتب الطبي في مملكة تايلاند وعلى رأسهم سعادة السفير جبر الدوسري والسيد علي البنعلي

فعلا التعامل معهم يشرح الصدر ويبردون الخاطر


والحمد لله على السلامه وان شاء الله تكون الأمور كلها طيبه


الأخ علي البنعلي صارله فتره راجع من تايلند ويشتغل حاليا في ديوان عام الوزاره في قطر ،

نرجع للموضوع ونقدم ألف شكر وتحيه لجميع طاقم المكتب على مجهودهم الطيب.
:)

[شبح الصمت]

ما عليه شر الوالد ياخوي خليفة

والله يشفيه ويشفي كل مريض ويبدل سيئاتهم حسنات يآرب

وتردون بالسلامة إن شاء الله

ومن لا يشكر الناس لا يشكر الله

[الكنج]

أجر وعافية اخوي خليفة ،،،

وان شاء الله في ميزان حسناته .

[حسن]

يستاهلون الشكر الجماعه
وانت وابوك ماتشوفون شر وترجعون بالسلامه
خاطري اوصيك على شي يابودعيج بس ماتقدر تجيبه
لانه لازم حضوري شخصيا

تحياتي

[تحداني]

ما يشوف شر يارب .. وخطاكم السو
وايد ناس يشكرون في المكتب الطبي الي ابتايلند .. وهالشي دليل على اهتمامهم
الله يجزيهم كل خير ويبارك فيهم


اتردون بالسلامه يارب والوالد الله يتمم عليه الشفاء

[تحداني]

يستاهلون الشكر الجماعه
وانت وابوك ماتشوفون شر وترجعون بالسلامه
خاطري اوصيك على شي يابودعيج بس ماتقدر تجيبه
لانه لازم حضوري شخصيا

تحياتي



هو رايح علاج .. ما رايح يجيب صوغه
لازم يعني اتثقلون على الرجال .. انا حبه صافي ما شفته منك

الواحد يخاف يقول وين رايح

[مشاكل]

الحمد لله على سلامة الوالد
الله يحفظه لكم ويطول بعمره

وكل الشكر للاخوان في المكتب الطبي في تايلند
والله يجعل جهودهم في موازين حسناتهم
وعساهم عالقوة

ومانبي الا سلامتك يالغالي

[Hamaad]

حمدالله على سلامته

ومايشوف شر

[حسن]

هو رايح علاج .. ما رايح يجيب صوغه
لازم يعني اتثقلون على الرجال .. انا حبه صافي ما شفته منك

الواحد يخاف يقول وين رايح

يااخت تحداني انا ماطلبته الى عقب
ماقال توصون على شي
وبعدين مطلبي مايقدر يجيبه الى بحضوري هناك للاسف

وبعدين الله يسامحك انتي ماوصيتي
ابشري ان شاء الله بس لين جي موسم الصافي
اما الحين كلش البحر ناشف

[تحداني]

يااخت تحداني انا ماطلبته الى عقب
ماقال توصون على شي
وبعدين مطلبي مايقدر يجيبه الى بحضوري هناك للاسف

وبعدين الله يسامحك انتي ماوصيتي
ابشري ان شاء الله بس لين جي موسم الصافي
اما الحين كلش البحر ناشف



بعد لازم يقول اتوصون على شي .. ما يصير يقول انا امسافر ولا اتقولون شي
بس بعد ما نبي انثقل عليه .. والحين انت اتقول ابي وما تقدر اتجيبه
جذي الا بيحلف عليك وبيجيب شي ثاني عشان ما يكسر خاطرك
كيفك خلاص

اشدعوه .. الحين يوم طلبت الصافي صار ناشف
كله من هالبوفلبن .. خلصوا السمج الي في البحر

[ابوعلي]

ما يشوف شر الوالد اخوي خليفة

ومن ورانا جاي :anger1:

واي خدمة اخوك موجود بالمستشفى الامريكي اكثر من ثلاث شهور بهالديرة

[خليفـة]

يزاكم الله خير جميع ما قصرتوا

حسن
لا تحاتي انت اعرف مقاس خصرك
ماله داعي تجي
هههههههههههه

[حسن]

يزاكم الله خير جميع ما قصرتوا

حسن
لا تحاتي انت اعرف مقاس خصرك
ماله داعي تجي
هههههههههههه

:nop:

[ابوعلي]

تحياتي للمكتب الطبي والعاملين في المكتب الطبي في مملكة تايلاند وعلى رأسهم سعادة السفير جبر الدوسري والسيد علي البنعلي

فعلا التعامل معهم يشرح الصدر ويبردون الخاطر


والحمد لله على السلامه وان شاء الله تكون الأمور كلها طيبه

اخوي علي البنعلي الله يذكره بالخير رجع الدوحة وكان نعم الاخ بالرغم من الفترة البسيطة


وكل الشكر للسفارة والمكتب الطبي والله يجزاهم الخير

السفير جبر الدوسري

وحرم السفير الله يجزاها الخير تزور المرضى القطريات

وايضا ما ننسى اخونا محمد المري مسؤل المكتب الطبي

[خليفـة]

ما يشوف شر الوالد اخوي خليفة

ومن ورانا جاي :anger1:

واي خدمة اخوك موجود بالمستشفى الامريكي اكثر من ثلاث شهور بهالديرة

ما تقصر يا بوعلي
وما عليكم شر ان شاء الله

[حسن]

خليفه تكفي ماوصيك ابي دهان بوفاس ماعليك امر
وترجع بالسلامه

[بومحمد المطاوعه]

ماعليه شر الوالد

الله يحفظه ان شاءالله ويبعد عنه كل مكرووه

يعطيك العافيه يالغالي على وقفتك مع الوالد

بيض الله وجهك

لك الأجر ان شاءالله

وربي يشفي الوالد ويلبسه لباس الصحه والعافيه


وكل الشكر للمكتب الطبي على وقفتهم معاكم

ترجعون بالسلامه ان شاءالله


اخوك بومحمد المطاوعه

[شموخ دائم]

,

,



مرحبا


الف سلامه على الوالد مايشوف شر يارب
واخوي بو علي طهور ان شاء الله

واعلم ان الاجر بقدر الصبر والاحتساب

موضوع طيب بارك الله فيك

جهود طيبه من المكتب الطبي والسفاره
لهم الشكر على جهودهم

,

,


اخوك


شموخ دائم

[غزلان]

حمدالله على سلامته

ومايشوف شر

[برشلوني قطر]

تستاهل سلامة الوالد

بادره طيبه

والله يجزيهم خير ويردكم بالسلامه

[naklan]

الحمد لله على سلامة الوالد اخوي خليفة ومايشوف شر باذن الله
ولهم كل الشكر سفارتنا في تايلند ولك بياض الوجه اخوي خليفة بعنوتك
مع الشايب وعسا يبرونك عيالك مثل ما بريت فيه سلم عليه وحب
خشمة والله الله في اكل الشايب عندك مطاعم في منطقة نانا
جنب فندق قريس عربية وايرانيه وترجعون بالسلامة
ان شاء الله تحياتي :)

[خليفـة]

بارك الله فيكم جميع
وجزاكم الله خير
اخوي نكلان لا توصي حريص
صدت لي مطعم قريب قريس
تخصص جنوب خرفان مفاطيح
هههههههههه
مشكور يالغالي

[Dana’1]

الحمدلله على سلامه الوالد ولابأس عليه ..طهور إن شاءلله

وكثيير يشكر بالمكتب التايلاندي...وأكيد هم يستحقون هذا وأكثر..جزاهم الله خير... وجزاك الله خير على شكرهم وذكر هذا الشي..فعلا نحتاج للإجابيات وذكرها

دمتم بود

[خليفـة]

جزاكم اللہ خير جميع
وصلنا الدوحه لله الحمد

خليفة

[ابومحمد 123]

مايشووف شر الوالد إن شاء الله ،،، وترجعون بالسلامه بإذن الله ،،،

[العلم]

ظاهر من الشر الوالد .. والحمد لله عالسلامة ..



وها أنت تمثل الرجل القطري الشهم .. فتنتقد المخطئ لأجل الإصلاح والتميز .. وتشكر المتقن لعمله تشجيعا له ولجعله قدوة لغيره ..



فنعمت ونعم من رباك ..

[بوخالد911]

فعلا

يستحقون الشكر والثناء

لأني جربتهم بسنة 2009

[خليفـة]

مايشووف شر الوالد إن شاء الله ،،، وترجعون بالسلامه بإذن الله ،،،
جزاك اللہ خير يا بومحمد


ظاهر من الشر الوالد .. والحمد لله عالسلامة ..



وها أنت تمثل الرجل القطري الشهم .. فتنتقد المخطئ لأجل الإصلاح والتميز .. وتشكر المتقن لعمله تشجيعا له ولجعله قدوة لغيره ..



فنعمت ونعم من رباك ..
ما عليك زود يا الغالي
أحرجتني بكلماتك الطيبة
شاكر لك كرم أخلاقك


فعلا

يستحقون الشكر والثناء

لأني جربتهم بسنة 2009

أي بالله يستأهلون كل خير
جزاهم اللہ كل خير

[حسن]

الحمدلله على السلامه ياخليفه وتستاهل سلامه الوالد

وعودا حميدا

ومشتائين لطلتك

[خليفـة]

الحمدلله على السلامه ياخليفه وتستاهل سلامه الوالد

وعودا حميدا

ومشتائين لطلتك

الله يسلمك يا بوعلي
ماقصرت يا الحلوا
طلبك ما نسيته .. جبته معاي
وانا واثق انه بيكون قياسك
ههههههه

[حسن]

الله يسلمك يا بوعلي
ماقصرت يا الحلوا
طلبك ما نسيته .. جبته معاي
وانا واثق انه بيكون قياسك
ههههههه



:nop:

:thumbup:

[عبدالعزيز الهتمي]

مايشوف شر الوالد يا أخوي بودعي وان شااءالله توصلون بسلامه تحياتي لك

[مراد2015]

تستاهل سلامه الوالد يا خليفة واجر وعافية


يستاهلون الشكر وبيض الله وجيهم
وعلى راسهم سعادة السفير/ جبر الدوسري

والله يرجع من صار له في تايلند سنتين وهويتعالج عسى الله يرده با السلامه

[خليفـة]

مايشوف شر الوالد يا أخوي بودعي وان شااءالله توصلون بسلامه تحياتي لك
الله يسلمك يابوسعود
ابشرك .. وصلنا امس تالي الليل
والأمور طيبة لله الحمد
شاكر لك تواصلك يالغالي


تستاهل سلامه الوالد يا خليفة واجر وعافية


يستاهلون الشكر وبيض الله وجيهم
وعلى راسهم سعادة السفير/ جبر الدوسري

والله يرجع من صار له في تايلند سنتين وهويتعالج عسى الله يرده با السلامه

اللهم امين
وربي يشفي كل مرضى المسلمين
يعطيك العافية اخوي

[بوخالد911]

بو دعي

وووين صوغتي من بانكوك

ع الاقل نعال
بو 600 بااااااااااااااااات

[قطري كاشخ]

أنا بعد اشكر الأخ محمد المري في سفارة قطر بتايلند على اهتمامه ومساعدتهم السريعة
وبكل الوسائل أنا توني راد من أسبوعين واشكرهم ورايتهم بيضا