رساله الى المسؤلين بالدوله ؟؟؟؟؟؟؟؟؟

[حسن]

السلام عليكم ورحمه الله وبركاته

ودي اتكلم لكم عن موضوع في وجهه نظري خطير

بين الحين والاخر اري كتب رسميه من وزارات الدوله تتسرب الى جهات اخري وتنشر في الاعلان سواء صحافه ولا تويتر ولا منتديات لهم

الا يعتبر هناك خلل في ارشيف الوزارات ؟؟؟؟
كيف تتسرب هذه الكتب ؟؟
ومن الذي قام بتسريبها ؟وماذا حدث بعد التسريب؟

للاسف مما اراءه من ارشيفات بعض الوزارات الهامه لدي الدوله القطري غير موجود !!!!

لماذا لايحاسب هؤلاء المسؤلين على ذالك؟؟
اتمني من مجلس الوزراء يصدر قرار بمنع اي موظف غير قطري يكون في الارشيف حتى المراسل ..

وقبل ايام فوجئت بكتاب سري يعرض في احدى جرائد الدول العربيه وهذه صوره منه
لؤكد لكم ذالك .

والسؤال : الكتاب واضح وعليه تعليقات داخليه اي سرب من نفس المكتب مايبيله خبراء ! هل تم التحقيق في ذالك؟

وهذه صوره منه


http://im42.gulfup.com/oFcnE.jpg (http://www.gulfup.com/?cqw6Fh)


ارجو من اخواني الاعضاء ابداء ارائهم وماهي اقتراحاتكم لعل من المسؤلين يتابعنا
ويتعض ولا يغير راي


تحياتي لكم

[مساهمة بسFresh]

:rolleyes2: انا مصدومة :rolleyes2:

الكتاب مكتوب عليه سري فوق

شلون طلع؟
:rolleyes2:

واعتقد ان التحقيق في مثل هالامور سهل لان المفروض بما انه سري ان عدد قليل اطلع عليه

[R 7 A L]

هذا واحد من مئات الكتب الرسمية السرية الي تتسرب وتطلع

بغض النظر عن كون الموظفين قطريين او غير قطريين

يجب ان تنزل بهم اقصى العقوبات

[alsoq]

اخوي حسن
من وجهة نظري انه يعاقب الشخص المسؤل عن الجهه المختصه بالكتاب ويكون فيه تحقيق ومعاقبه
لانه كذا مره انتشرت هذي الظاهره ولم نسمع رده فعل من الجهات المسربه منها الكتاب
اذا لم يوجد تحقيق وحبس ما راح توقف هذي الظاهره

[قطريه22]

:omg:

معقوله هالكتب تتسرب وين أمانه الموظف في العمل

الله بيحاسب الموظفين الي ماعندهم أمانه لأن الشغل أمانه

[حمد 2002]

مب شرط الارشيف هو السبب اخووي حسن ، الاخبار المهمه بالوزاره او الجهه المعينه يطلعون عليها جمييع الموضفين بطريقه وبأخرى ،،،،

[حسن]

:rolleyes2: انا مصدومة :rolleyes2:

الكتاب مكتوب عليه سري فوق

شلون طلع؟
:rolleyes2:

واعتقد ان التحقيق في مثل هالامور سهل لان المفروض بما انه سري ان عدد قليل اطلع عليه



انا بعد نفسك ياخت مساهمه فرش مصدوم
ومثل ماذكرتي انه كتاب سري
انتي تعرفين لو ماكتب عليه السريه كان لم لتفت له احد
لكن هذا السريه موديتنا في ستين داهيه
مثل ماذكرتي الحل بسيط في كشف التسريب
ويبين وااضح والدليل واضح ابسط محقق يقدر
يكتشف الحقيقه
بس هل صار تحقيق من جهه مختصه ولا مادرو عنه الربع


حياك الله يااختي

:victory:

[حسن]

هذا واحد من مئات الكتب الرسمية السرية الي تتسرب وتطلع

بغض النظر عن كون الموظفين قطريين او غير قطريين

يجب ان تنزل بهم اقصى العقوبات

والى متى يارحال

هل صعبه ان الوزارات تقطر الوظائف وتكون لها سريه في بعض الكتب
هل الارشيف لازم يكونون فيه غير قطريين
وبعدين على فكره قطري بيسربلك خبر حق جريده ما في بلد ماء وش المستفيد
لابالله القطري مايفعلها
بس للاسف بعض المسؤلين الاكبار على قوله بوسيول

في مخيلتهم لاتخلون القطري يطلع على هذا الكتاب بكره بيفضحنا
مع العلم الفضيحه تجي من غيره

مسكين انت ايها القطري
:weeping:

[غير البشر]

:omg: ههههههههه الله يستر على بوعيد


صدقت اخوي حسن
وخاصة انه مكتوب سري وعاجل
لكن المشكله ماتدري من وين الخطأ ومن الي يقوم بتسريب هذه الكتب
لان هذي الكتب توجة الى كذا مكان او ادارة
شلون نعرف من وين صار التسريب

[eXpert*]

إذا ضيعت الأمانة فأنتظر الساعة .

[مزعله النساء]

مب شرط الارشيف هو السبب اخووي حسن ، الاخبار المهمه بالوزاره او الجهه المعينه يطلعون عليها جمييع الموضفين بطريقه وبأخرى ،،،،

السلام عليكم ورحمه الله وبركاته

كلامك عدل اخوي في عددة طرق يقدرون يطلعون على هالكتب

بس وين الامانه والاخلاص
لاحول ولاقوة الابالله

[ضوى]

اتذكر مرة واحدة طلعت ورقة او قرار قبل لا يعمم ، لغوا القرار وتلتهت البنت

[ضوى]

اكبر غلط الواحد يطلع اسرار الشغل ، مكتوب عليه سري جدا ،ليش انشره ؟؟ طيب شنهي الاستفادة لما ابيع هالوثيقة والا هالورقة لصحيفة تنتظر الفضايح او اي شي ممكن يضر الدولة ؟؟ خيانة امانة

[دستور]

المشكلة إن فيه إتجاه من قبل بعض كبار المسؤولين في الحكومة
بعدم تعيين القطريين في الأماكن التي تتطلب السرية في أداء العمل وذلك لضمان السرية
ولكن تكون التيجة عكسية حيث الموثوق في سريته وأمانته هو أساس المشكلة
ومع ذلك لا يزال هذا الإتجاه موجود للأسف

[المسك1969]

هذه مصيبة، ومن فعلها قطري أو غير قطري يجب أن يعاقب

والمفروض يحققون وما يسكتون عن الموضوع حتى لو راحت لأكثر من إدارة، فرضا أمور أخطر من ذي (أنا ترى ماشفت الصورة لأنها ما طلعت عندي) وفرضا أمور تمس أمن الدولة

والمتلاعبين مثلهم قطريين أو غير قطريين لابد من إظهارهم، وعقابهم، والتشهير بهم حتى يكونوا عبرة لغيرهم،

عن نفسي أعتبر عديم الأمانة خائن، ويقدر يسوي أمور أكبر إن قدر


جزاك الله خيراً

[تحداني]

مثلك يا اخوي بوعلي يسأل هالسؤال
عادي تتسرب .. مب شرط جنسيه الشخص .. بس في ناس ما عندها ضمير
تعتبرها شطاره لو طلع اكتاب .. او قال حق الناس تعالوا شوفوا هذا ايش سوه وايش عنده
يعني شوفوني اقدر اجيب الي انتوا ما تقدرون اتجيبونه ..
او تعالوا اوريكم اسرار الدوله .. واسرار الاكباريه .. وانتوا خبر خير


عاد انعاقب من وانخلي من
هالايفون والبلاك بيري .. ما ترك للوطن وللعالم وللبشر سر
كل شي صار مثل البساط الاحمدي


جملك الله برضاه

[sweet qatar]

تاركينها لذمة الموظف.. بدون ضبط ..

الموضوع خطير.. أتمنى رسالتك توصل للمسؤولين ويقومون باللازم..

وايد الي يكرهون قطر وبيستغلون كل شي يوصل لهم للطعن فينا..